ᕼᐆᓯᐊᑉ ᐊᒡᓚᖏᑦ 4:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᓂᕆᓂᐊᕐᐳᑦ, ᐊᕿᐊᑦᑐᕐᓂᐊᓐᖏᓚᓪᓕ; ᐊᓯᓐᓂᐊᕐᓂᐊᕐᐳᑦ, ᕿᑐᕐᖓᕐᑖᕐᓂᐊᓐᖏᓚᓪᓕ; ᐊᑕᓂᕐᒥᒃ ᕿᒤᓯᒪᖕᒪᑕ ᐊᓯᓐᓂᐊᕐᓂᖅ ᒎᑎᓐᖑᐊᓄᑦ ᐱᑦᔪᑎᒋᓪᓗᒍ.”

ᕼᐆᓯᐊᑉ ᐊᒡᓚᖏᑦ 4:10 Iomraidhean Croise

ᑯᕉᓂᑲ ᐂᑉᐸᖏᑦ 24:17

ᔨᕼᐅᐃᐊᑕᐅᓪᓕ ᑐᖁᓂᖓᑕ ᑭᖑᕐᖓᒍᑦ ᐊᖓᔪᖅᑳᑦ ᔫᑕᒥᐅᑦ ᐊᖓᔪᖅᑳᕐᔪᐊᕐᒧᐊᕐᐳᑦ ᓈᓚᒃᑕᐅᔪᒪᓪᓚᕆᒃᓗᑎᒃ; ᑕᕝᕙ ᐊᖓᔪᖅᑳᕐᔪᐊᑉ ᓈᓚᓕᕐᐰᑦ.

ᐃᓐᖏᕈᑎᑦ 125:5

ᐱᐅᖏᑦᑐᓕᓂᕐᒧᓪᓕ ᓴᖑᕕᖃᕐᑐᑦ, ᐊᑕᓂᐅᑉ ᐊᐅᓪᓚᕐᑎᓐᓂᐊᕐᐰᑦ ᐱᐅᖏᑦᑐᓕᔪᑦ ᐃᓚᒋᓗᒋᑦ! ᐃᓴᕆᐊᓕᒃᑯᑦ ᓮᒻᒪᕐᑎᑕᐅᓕᑦ!

ᐃᓐᖏᕈᑎᑦ 36:3

ᐅᖃᐅᓯᖏᑦ ᖃᓂᖏᓐᓂᑦ ᐱᔪᑦ ᐱᐅᖏᑦᑐᐊᓘᕗᑦ ᐅᐃᕕᕐᕆᒃᓯᓂᐅᓪᓗᑎᒡᓗ ᓯᓚᑐᔪᓐᓃᕐᐳᑦ ᐱᐅᔪᒥᒡᓗ ᐱᓇᓱᐊᕐᑎᐅᓇᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:25

ᐃᓱᐊᕐᑐᑦ ᓂᕿᒃᓴᖃᕐᐳᖅ ᐊᕿᐊᑦᑐᕈᑎᒃᓴᒥᓂᒃ, ᐱᐅᖏᑦᑐᓪᓕ ᐊᕿᐊᕈᖏᑦ ᐃᓗᓪᓕᕈᑎᒃᓴᖃᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 34:15

ᒫᓐᓇᒃᑯᓪᓕ ᓵᒋᐊᓚᐅᕋᑦᓯ ᐊᑲᐅᒋᔭᓐᓂᒃ ᐊᑐᕐᐳᓯ, ᐃᓅᖃᑎᑦᓯᓐᓂᒡᓗ ᐃᓱᒪᕐᓱᓕᕐᑎᑦᓯᔪᓐᓇᕈᒪᓪᓗᓯ ᓇᓗᓁᕐᓯᓚᐅᕐᐳᓯ ᐊᖏᖃᑎᒌᒍᑎᓕᐅᓚᐅᕐᐳᓯᓗ ᓵᓐᓂ ᐃᒡᓗᖁᑎᓐᓃᑦᓗᓯ ᐊᑎᓐᓂᒃ ᑍᔭᐅᔪᒥ.

ᔨᕆᒤᐊᐅᑉ ᐊᒡᓚᖏᑦ 9:12

ᐃᓄᒃᑕᖃᕐᐹ ᑕᒪᑐᒥᖓ ᑐᑭᓯᔪᓐᓇᕐᑐᒥᒃ ᓯᓚᑐᓂᕐᒥᓄᑦ? ᑭᓇ ᐊᑕᓂᕐᒧᑦ ᐊᔪᕆᕐᑐᕐᑕᐅᓯᒪᓂᕐᒥᓄᑦ ᑕᒪᑐᒥᖓ ᑐᑭᓯᓇᕐᓯᑎᑦᓯᔪᓐᓇᕐᐹ? ᖃᓄᐃᒻᒪᑦ ᓄᓇ ᐊᓯᕈᕐᓯᒪᕚ ᐊᑐᕐᑐᒃᓴᐅᔪᓐᓃᕐᓗᓂᓗ ᓲᕐᓗ ᐃᓄᖃᔪᐃᑦᑐᑎᑐᑦ ᐊᑐᕐᑕᐅᔪᓐᓁᓪᓕᓪᓗᓂ?

ᐃᓯᑭᐊᓕᐅᑉ ᐊᒡᓚᖏᑦ 18:24

“ᐊᖑᓪᓕ ᓈᒻᒪᓈᕐᑐᒥᒃ ᐃᓅᓯᖃᓚᐅᕐᑐᖅ, ᓈᒻᒪᓈᕐᑐᒥᒃ ᐃᓅᔪᓐᓁᕐᐸᑦ, ᐊᔪᕐᑐᓕᓂᕐᒥᒡᓗ ᐃᓅᓯᖃᓕᕐᓗᓂ, ᐊᔪᕐᑐᓕᔪᑦ ᐊᑐᕐᐸᒃᑕᖏᓐᓂᒃ ᓇᕐᕈᓇᕐᑐᓂᒃ ᐊᑐᖃᑕᐅᓕᕐᐸᑦ, ᐃᓅᔪᒃᓴᐅᕚ? ᓈᒻᒪᓈᕐᑐᒥᒃ ᐃᓅᓯᖃᓚᐅᕐᓂᖓ ᐃᖅᑲᐅᒪᔭᐅᓂᐊᓐᖏᓚᖅ; ᓱᖁᓯᔪᐃᑦᑑᓚᐅᖏᓐᓂᕐᒥᓄᑦ ᐸᓯᔭᒃᓴᐅᓕᕋᒥ ᐊᔪᕐᑐᓕᓂᕐᒥᓄᓪᓗ ᐱᓂᐊᕐᓂᕆᔭᒥᓄᑦ, ᑖᓐᓇ ᑐᖁᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 22:9

ᐃᓅᖃᑎᑦᓯ ᐃᓚᖏᑦ ᓴᒡᓗᑦᔪᑎᖃᕐᓗᑎᒃ ᑐᖁᑕᐅᑎᑦᓯᕙᒃᐳᑦ, ᐃᓚᖏᓪᓗ ᒎᑎᓐᖑᐊᓄᑦ ᑐᓂᕐᕈᑎᕕᓂᕐᓂᒃ ᓂᕆᖃᑦᑕᕐᐳᑦ; ᐃᓚᖏᓪᓗ ᐃᒃᓕᒎᕐᓂᕐᒥᖕᓄᑦ ᐱᓕᕆᕙᒃᓗᑎᒃ.

ᕼᐆᓯᐊᑉ ᐊᒡᓚᖏᑦ 4:14

“ᑍᒤᒃᑲᓗᐊᕐᑎᓪᓗᒋᑦ ᐸᓂᓯ ᓱᒋᐊᕐᓂᐊᓐᖏᓚᒃᑲ, ᐅᑯᐊᓯᓗ ᐊᓯᓐᓂᐊᖃᑦᑕᕐᓂᖏᑦ ᓱᒋᐊᕐᓂᐊᖏᓐᓂᕙᒃᑲ; ᐊᖑᑎᑦ ᐃᒻᒥᖕᓂᒃ ᐂᑦᑑᑎᒋᖃᑦᑕᕐᒪᑕ ᐊᑐᒐᕐᓄᑦ, ᑐᓂᕐᕈᓯᖃᑦᑕᕐᓗᑎᒡᓗ ᒎᑎᓐᖑᐊᓖᑦ ᐊᑐᒐᖁᑎᖏᓐᓄᑦ, ᐃᓄᐃᓪᓗ ᑐᑭᓯᓯᒪᖏᑦᑐᑦ ᐊᓯᕈᕐᑕᐅᔪᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 7:4

ᐊᓯᓐᓂᐊᕐᑏᓐᓇᐅᕗᑦ; ᓂᕿᓕᐅᕐᕕᒃᑐᑦ ᐆᓇᕐᑐᑐᑦ ᑍᒤᑉᐳᑦ, ᓂᐊᖂᔭᓕᐅᕐᑎᒧᑦ ᐃᑯᐊᓪᓚᒃᓴᕐᑕᐅᓚᐅᖏᑦᑐᑐᑦ, ᓂᐊᖂᔭᓕᐊᖓ ᐳᕙᓪᓚᓚᐅᖏᓐᓂᖓᓂ.

ᒨᓯᓯ ᐱᖓᔪᖏᑦ 26:26

ᓂᕿᒃᓴᓯ ᐃᓕᑦᓯᓐᓄᑦ ᑎᑭᒍᓐᓁᓪᓕᑎᒃᑯᑭᑦ, ᐊᕐᓁᑦ ᖁᓕᑦ ᐃᒐᒥᒃ ᐊᑕᐅᓯᕐᒥᒃ ᓂᕿᓕᐅᕐᓂᕐᒧᑦ ᓈᒻᒪᒋᔭᖃᓕᕋᔭᕐᐳᑦ, ᓂᐊᖂᔭᑉ ᐅᖁᒤᓐᓂᖓ ᒪᓕᒡᓗᒍ ᐊᒡᒍᕐᑕᐅᓗᓂ ᓂᕆᑎᑕᐅᖃᑦᑕᓕᕐᓗᓯ, ᓂᕆᓂᐊᕐᑕᓯ ᓄᖑᒃᑲᓗᐊᕈᑦᓯᐅᒃ ᓱᓕ ᐊᕿᐊᑦᑐᕈᓐᓁᓪᓕᓗᓯ.

ᒤᑲᐅᑉ ᐊᒡᓚᖏᑦ 6:14

ᓂᕆᒐᓗᐊᕈᑦᓯ ᐊᕿᐊᑦᑐᕈᓐᓁᓪᓕᓂᐊᕐᐳᓯ, ᑳᖏᓐᓇᓕᕐᓗᓯ ᐊᕿᐊᕈᓯ ᓂᒪᑐᐃᓐᓇᓕᕐᓗᓂ; ᐱᖁᑎᓪᓗ ᑲᑎᕐᓱᕐᑕᕋᓗᐊᓯ ᐊᓯᐅᔨᕙᓪᓕᐊᓗᒋᑦ, ᐱᐅᓕᐊᕋᓗᐊᓯᓗ ᐊᑭᕋᑦᓯᓐᓄᑦ ᐱᔭᐅᔪᒫᕐᐳᑦ.

ᔨᐸᓁᐊᐅᑉ ᐊᒡᓚᖏᑦ 1:6

ᐊᑕᓂᖕᒥᒡᓗ ᕿᒤᓯᒪᔪᑦ ᒪᓕᒃᑐᕕᓂᐅᒐᓗᐊᕐᓗᑎᒃ, ᐊᑕᓂᕐᒥᒡᓗ ᕿᓂᖏᑦᑐᑦ ᖃᐅᔨᓇᓱᐊᖏᑦᑐᓪᓗ.”

ᕼᐊᒊᑉ ᐊᒡᓚᖏᑦ 1:6

ᑲᓐᖓᕐᓱᐃᓚᐅᕐᐳᓯ ᐊᖏᔪᓂᒃ, ᑲᑎᕐᓱᕐᑕᓯ ᒥᑭᔫᑎᓪᓗᒋᑦ; ᓂᕆᕗᓯ, ᐊᕿᐊᑦᑐᕈᓐᓇᕋᓯ; ᐃᒥᕐᐳᓯ, ᐃᒥᕈᐃᕈᓐᓇᕋᓯ, ᐊᓐᓄᕌᕋᓗᐊᕐᐳᓯ ᐅᖅᑰᓯᓇᓯᓕ, ᑮᓇᐅᔭᓕᐅᕐᑐᕐᓗ, ᐴᖅᑬᕗᖅ ᑮᓇᐅᔭᒥᓂᒃ ᐃᒃᐱᐊᕐᔪᖕᒧᑦ ᐊᖕᒪᔪᓕᖕᒧᑦ.’