ᕼᐆᓯᐊᑉ ᐊᒡᓚᖏᑦ 3:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑕᒪᑐᒪ ᑭᖑᓂᖓᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐅᑎᕈᒫᕆᕗᑦ ᕿᓂᓕᕐᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ, ᑍᕕᑎᒥᒡᓗ ᐊᖓᔪᖅᑳᕐᔪᐊᒥᖕᓂᒃ; ᓯᕘᕋᓕᕈᒫᕐᐳᓪᓗ ᐊᑕᓂᕐᒥᒃ ᐱᐅᔪᓂᒡᓗ ᑐᓂᕐᕈᑎᖏᓐᓂᒃ ᐱᓕᕈᒫᕐᐳᑦ ᐅᓪᓗᐃᑦ ᑭᖑᓪᓕᖏᓐᓂ.

ᕼᐆᓯᐊᑉ ᐊᒡᓚᖏᑦ 3:5 Iomraidhean Croise

ᐊᑕᓃᑦ ᓯᕗᓪᓖᑦ 12:16

ᐃᓄᐃᑦ ᖃᐅᔨᒐᒥᒃ ᐊᖓᔪᖅᑳᕐᔪᐊᕐᒧᑦ ᓈᓚᒃᑕᐅᖏᓐᓂᕐᒥᖕᓂᒃ, ᐃᓄᐃᑦ ᐊᖓᔪᖅᑳᕐᔪᐊᕐᒧᑦ ᑭᐅᕗᑦ, “ᖃᓄᖅ ᐱᕙᓪᓕᕐᑎᑕᐅᕕᒃᓴᖃᕐᐱᑖ ᑍᕕᑎᒃᑯᓐᓂᑦ? ᔨᓯᐅᑉ ᑭᖑᕚᖏᓐᓂᑦ ᑭᖑᕐᖑᑎᔭᒃᓴᖃᕈᓐᓃᕐᐳᒍᑦ, ᐊᑏ ᐃᓴᕆᐊᓕᒥᐅᖑᔪᓯ ᐊᖏᕐᕋᑐᐃᓐᓇᓕᕐᑕ! ᑍᕕᑎᐅᑉ ᑭᖑᕚᖏᑦ ᐃᒻᒥᖕᓂᒃ ᑲᒪᒋᓂᐊᓕᕐᒪᑕ.” ᑕᕝᕙ ᐃᓴᕆᐊᓕᒥᐅᑦ ᐊᖏᕐᕋᓕᓚᐅᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 17:7

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐃᓄᐃᑦ ᐱᓐᖑᕐᑎᑦᓯᔨᒋᓚᐅᕐᑕᒥᖕᓂᒃ ᑕᑯᓇᓱᓕᕈᒫᕐᐳᑦ, ᐃᔨᒥᖕᓄᓪᓗ ᐃᒃᐱᒍᓱᑦᓯᐊᕐᓗᑎᒃ ᕿᓂᓕᕈᒫᕐᐳᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 2:2

ᐅᓪᓗᐃᑦ ᑭᖑᓪᓕᖏᓐᓂ ᐱᔪᖃᕈᒫᕐᐳᖅ ᖃᖅᑲᖅ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᑕ ᐃᓂᖓ ᐳᕐᑐᓂᕐᐸᐅᓕᕈᒫᕐᐳᖅ ᖃᖅᑲᓂᑦ, ᐱᖑᓕᒫᓂᓪᓗ ᐃᓅᖃᑎᒌᒡᔪᐊᓪᓗ ᓇᑭᑐᐃᓐᓈᕐᓯᒪᔪᑦ ᑕᕝᕗᖓ ᐂᔪᒫᕐᐳᑦ ᑰᒃᑐᑎᑐᑦ,

ᐂᓮᐊᓯᐅᑉ ᐊᒡᓚᖏᑦ 2:3

ᐃᓄᐃᓪᓗ ᐅᓄᕐᑐᑦ ᑕᕝᕗᓐᖓᕐᓗᑎᒃ ᐅᖃᖃᑦᑕᕈᒫᕐᐳᑦ; “ᕾᒋᑦᓯ ᐊᑕᓂᐅᑉ ᖃᖅᑲᖁᑎᖓᓄᑦ ᒪᔪᕋᕐᑕ, ᔧᑰᑉ ᒎᑎᖓᑦᑕ ᐃᒡᓗᖓᓄᑦ; ᐊᔪᕆᕐᑐᕐᓂᐊᕐᒪᑎᒍᑦ ᐱᓂᐊᕐᑕᐅᖁᔭᒥᓂᒃ ᐊᖅᑯᑎᐅᖁᔭᖏᑎᒍᓪᓗ ᐱᓱᒍᓐᓇᓕᖁᓪᓗᑕ.” ᓮᐅᓂᒥᑦ ᐱᖁᔭᑦ ᐊᓂᔪᒫᕐᒪᑕ, ᐊᑕᓂᐅᓪᓗ ᐅᖃᐅᓯᖓ ᔨᕉᓴᓕᒥᑦ ᐱᓗᓂ.

ᐂᓮᐊᓯᐅᑉ ᐊᒡᓚᖏᑦ 60:5

ᑕᕝᕙ ᖃᐅᔨᓕᕈᒫᕐᐳᓯ ᑕᑯᒥᓇᕐᑐᒥᒃ ᖃᐅᒪᓂᖃᕐᓂᑦᓯᓐᓂᒃ, ᐆᒻᒪᑎᓯᓗ ᑕᑕᑦᓱᒫᕐᐳᑦ ᖁᕕᐊᓱᖕᓂᕐᒥᒃ, ᐃᒪᕐᔪᐊᑦ ᐊᔪᕐᓴᖏᑦᔪᑎᖏᑦ ᐃᓕᑦᓯᓐᓄᑦ ᑐᓂᔭᐅᔪᒫᕐᒪᑕ, ᐃᓅᖃᑎᒌᒡᔪᐊᑦ ᐊᒃᓗᐃᑦᔪᑎᖏᓐᓂᒃ ᕾᑦᓯᕕᐅᔪᒫᕋᑦᓯ.

ᐂᓮᐊᓯᐅᑉ ᐊᒡᓚᖏᑦ 9:13

ᐃᓄᖏᓪᓕ ᓱᒋᐊᕐᑎᒋᔭᒥᖕᓄᑦ ᓵᒋᐊᓚᐅᓐᖏᓚᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ ᓱᓕ ᕿᓂᕋᑎᒃ.

ᔨᕆᒤᐊᐅᑉ ᐊᒡᓚᖏᑦ 23:5

“ᑕᑯᒋᑦ, ᐅᓪᓗᑦ ᓇᓪᓕᐅᑎᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᒪᑭᑎᑦᓯᔪᒫᕋᒪ ᑍᕕᑎᐅᑉ ᑭᖑᕚᒋᓐᓂᑦ ᐃᓱᐊᕐᑐᓕᔪᒥᒃ, ᐊᖓᔪᖅᑳᕐᔪᐊᒃᓴᒥᒃ ᓯᓚᑐᓂᖃᕐᑐᒥᒃ, ᓄᓇᖁᑎᒥᓂ ᓈᒻᒪᓈᑦᓯᐊᕐᑐᒥᒃ ᐃᓱᐊᕐᑐᒥᒡᓗ ᐊᐅᓚᑦᓯᔪᒫᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 30:24

ᐊᑕᓂᐅᑉ ᓂᓐᖓᕕᒡᔪᐊᕐᓂᖓ ᓴᖑᑦᔮᖏᒻᒪᑦ ᐱᓂᐊᕈᒪᔭᒥᓂᒃ ᐱᔭᕇᓚᐅᖏᓐᓂᓕᒫᒥᓂ, ᐅᓪᓗᐃᑦ ᑭᖑᓪᓕᖏᓐᓂ ᑕᒪᓐᓇ ᑐᑭᓯᔪᒫᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 30:9

ᑖᒃᑯᐊᓕ ᐱᔨᑦᓯᖁᓪᓗᒋᑦ ᐊᑕᓂᕐᒥᒃ ᒎᑎᒥᖕᓂᒃ, ᐊᖓᔪᖅᑳᕐᔪᐊᕕᓂᐅᓪᓗ ᑍᕕᑎᐅᑉ ᑭᖑᕚᖓᓂᒃ, ᒪᑭᑎᑦᓱᒫᕐᑕᓐᓂᒃ ᑖᒃᑯᓄᖓ.

ᔨᕆᒤᐊᐅᑉ ᐊᒡᓚᖏᑦ 33:17

ᐃᒫᒃ ᐊᑕᓂᖅ ᐅᖃᕐᐳᖅ, ᑍᕕᑎᐅᑉ ᑭᖑᕚᖏᓐᓂᑦ ᐱᔪᒥᒃ ᐊᖓᔪᖅᑳᕐᔪᐊᒃᓴᕐᑕᕾᓐᓇᕈᒫᕐᐳᖅ ᐃᓴᕆᐊᓕᒥᐅᓂ.

ᔨᕆᒤᐊᐅᑉ ᐊᒡᓚᖏᑦ 33:9

ᔨᕉᓴᓕᒥᐅᑦ ᐅᕙᓐᓄᑦ ᖁᕕᐊᓇᕐᑐᒥᒃ ᐊᑎᖃᓕᕈᒫᕆᕗᑦ, ᓂᕐᑐᕐᑕᐅᓕᕈᒫᕐᐳᑦ ᐅᐱᒋᔭᐅᓗᑎᒡᓗ ᐃᓅᖃᑎᒌᒡᔪᐊᓕᒫᓄᑦ ᓄᓇᕐᔪᐊᕐᒦᑦᑐᓄᑦ ᑐᓴᕈᒫᕐᒪᑕ ᐱᐅᔪᓂᒃ ᐱᓇᓱᐊᕐᕕᒋᒐᒃᑭᑦ; ᐃᓅᖃᑎᒌᒡᔪᐊᓪᓗ ᓯᕘᕋᓕᕈᒫᕐᐳᑦ ᓴᔪᓕᕐᓗᑎᒡᓗ ᔨᕉᓴᓕᒥᐅᓄᑦ ᐱᐅᔪᓂᒃ ᐱᓂᐊᕐᓂᕆᔭᓐᓂᒃ ᐃᓄᖏᓐᓂᒡᓗ ᒪᑭᑎᑦᓯᓂᕆᔭᓐᓂᒃ ᐱᑦᔪᑎᖃᕐᓗᑎᒃ.”

ᐃᓯᑭᐊᓕᐅᑉ ᐊᒡᓚᖏᑦ 16:63

ᐱᓂᐊᕐᓂᕆᖃᑦᑕᓚᐅᕐᑕᓯᓐᓂᒃ ᐃᖅᑬᒍᑦᓯ ᐅᖃᐅᓯᕆᔭᕆᐊᖏᓪᓘᓐᓃᑦ ᑲᓐᖑᓇᓗᐊᓕᕈᒫᕐᐳᑦ, ᐃᓱᒪᒋᔪᓐᓁᕐᕕᒋᒍᑦᓯ ᑕᒻᒪᕈᑎᒋᓯᒪᔭᓕᒫᑦᓯᓐᓂᒃ. ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 38:16

ᐃᓄᖁᑎᒃᑲ ᐃᓴᕆᐊᓕᒥᐅᑦ ᐅᓇᑕᕆᐊᕈᒫᕐᐸᓯ, ᓄᕗᔭᒧᑦ ᓄᓇ ᐅᓕᒃᑕᐅᔪᑎᑐᑦ ᑍᒤᑦᓱᒫᕐᐸᓯ. ᑖᒃᑯᓇᓂ ᐅᓪᓗᐃᑦ ᑭᖑᓪᓕᖏᓐᓂ ᑎᓕᔪᒫᕐᐸᒋᑦ ᑎᒍᓯᔭᕐᑐᕐᑎᓪᓗᓯ ᓄᓇᖁᑎᓐᓂᒃ, ᐃᓅᖃᑎᒌᒡᔪᐊᑦ ᖃᐅᔨᓕᖁᓪᓗᒋᑦ ᐅᕙᓐᓂᒃ, ᐃᓕᖕᓂᒃ ᐊᑐᕐᓗᖓ ᒑᒡ, ᐃᑦᔪᕐᓁᑦᑑᓂᕋ ᖃᐅᔨᔭᐅᑎᑦᓱᒫᕐᐸᕋ ᑖᒃᑯᐊ ᑕᒃᑯᐊᓂ.

ᐃᓯᑭᐊᓕᐅᑉ ᐊᒡᓚᖏᑦ 38:8

ᐅᓪᓗᐃᑦ ᐅᓄᕐᑐᑦ ᓈᒃᐸᑕ ᐅᓇᑕᕆᐊᖁᔪᒫᕋᒃᑭᑦ; ᐊᕐᕌᒎᓛᕐᑐᓂ ᐅᓇᑕᕆᐊᖁᔪᒫᕋᒃᑭᑦ ᐅᓇᑕᕋᓱᒍᓐᓃᕐᑐᓂᒃ, ᐃᓴᕆᐊᓕᒥᐅᑦ ᖃᖅᑲᖏᓐᓂᕐᒥᐅᓂᒃ ᑲᑎᕐᓱᕐᓯᒪᔪᓂᒃ ᐃᓅᖃᑎᒌᒡᔪᐊᓂᑦ, ᐊᑯᓂ ᓱᓇᐅᔪᓐᓃᕐᓯᒪᔪᓂᒃ; ᐃᓄᖃᕐᑐᓂᒃ ᐃᓅᖃᑎᒌᒡᔪᐊᓂᓐᖔᕐᓯᒪᔪᓂᒃ ᒫᓐᓇᓗ ᐃᓂᓪᓚᑦᑎᐊᕐᓯᒪᓕᕐᑐᓂᒃ, ᑖᒃᑯᓂᖓᓕᒫᖅ.

ᑖᓂᐊᓕᐅᑉ ᐊᒡᓚᖏᑦ 10:14

ᒫᓐᓇᓕ ᕾᕗᖓ ᓇᓗᓁᕐᓯᕕᒋᔭᕐᑐᕐᓗᑎᑦ ᐃᓅᖃᑎᑎᑦ ᐅᓪᓗᐃᑦ ᑭᖑᓪᓕᖏᓐᓂ ᖃᓄᐃᓕᖓᔪᒫᕐᒪᖔᑕ, ᑕᑯᑎᑦᔪᑦ ᑕᒪᓐᓇ ᓇᓪᓕᐅᑎᔪᒫᕐᒪᑦ ᓯᕗᓂᒃᓴᒥ.”

ᑖᓂᐊᓕᐅᑉ ᐊᒡᓚᖏᑦ 2:28

ᒎᑎᑕᖃᕐᐳᕐᓕ ᕿᓚᖕᒥ ᓇᓗᓇᕐᑐᓂᒃ ᓴᖅᑭᑎᑦᓯᔪᓐᓇᕐᑐᒥᒃ, ᑖᑦᓱᒪ ᐊᖓᔪᖅᑳᕐᔪᐊᖅ ᓂᐱᑯᓁᓴ ᖃᐅᔨᑎᑉᐹ ᐅᓪᓗᓂ ᐱᔪᒫᕐᑐᓂᒃ ᓱᔪᖃᕈᒫᕐᒪᖔᑦ. ᓯᓐᓇᒃᑐᐃᑦ ᑕᑯᑎᑕᐅᓃᓪᓗ ᐃᓱᒪᒃᑯᑦ ᐃᓕᖕᓅᓚᐅᕐᑐᑦ ᓯᓂᒃᑎᓪᓗᑎᑦ ᐃᒫᒃ ᑐᑭᖃᕐᐳᑦ.

ᕼᐆᓯᐊᑉ ᐊᒡᓚᖏᑦ 1:11

ᔫᑕᐅᑉ ᐃᓄᖏᑦ ᐃᓴᕆᐊᓕᒥᐅᓪᓗ ᐃᓄᖏᑦ ᑲᑎᒃᑲᓐᓂᕈᒫᕆᕗᑦ, ᓇᖕᒥᓂᕐᓗ ᓂᕈᐊᕈᒫᕐᐳᑦ ᓯᕗᓕᕐᑎᒃᓴᒥᖕᓂᒃ ᐊᑕᐅᓯᕐᒥᒃ; ᓄᓇᒥᖕᓂᓗ ᒪᑭᑦᓱᒫᕐᐳᑦ, ᔨᔭᕆᐅᓪᓗ ᐅᓪᓗᖓ ᐊᖏᔪᕐᔪᐊᖑᓕᕈᒫᕐᐳᖅ.

ᕼᐆᓯᐊᑉ ᐊᒡᓚᖏᑦ 11:10

ᐱᓱᖕᓂᐊᕐᐳᑦ ᐊᑕᓂᕐᒥᒃ ᒪᓕᒡᓗᑎᒃ, ᖃᓕᖑᐊᕐᑐᑐᑦ ᓛᔭᑐᑦ ᓂᓪᓕᐊᓕᕈᒪ; ᐃᓛᒃ ᖃᓕᖑᐊᕐᓂᐊᕐᐳᖅ, ᕿᑐᕐᖓᖏᓪᓗ ᕾᔪᒫᕐᐳᑦ ᓯᕿᓂᐅᑉ ᓂᐱᕕᐊᓂᑦ ᓴᔪᒡᓗᑎᒃ.

ᕼᐆᓯᐊᑉ ᐊᒡᓚᖏᑦ 5:15

“ᐃᓄᖁᑎᒃᑲ ᕿᒪᒃᓯᒪᓂᐊᕐᐸᒃᑲ ᐸᓯᔭᒃᓴᐅᓂᕐᒥᖕᓂᒃ ᖃᐅᔨᓚᐅᖏᓐᓂᖏᓐᓂ ᐅᕙᓐᓂᒡᓗ ᕿᓂᓕᓚᐅᖏᓐᓂᖏᓐᓂ, ᐃᒻᒪᖄᓕ ᐊᒃᓱᕈᓕᕈᑎᒃ ᐅᕙᓐᓂᒃ ᕿᓂᓕᕈᒫᕐᐳᑦ.”

ᕼᐆᓯᐊᑉ ᐊᒡᓚᖏᑦ 5:6

ᓰᐱᖁᑎᒥᖕᓂᒃ ᐆᒪᔪᖁᑎᒥᖕᓂᒡᓗ ᐂᑦᑐᐃᕗᑦ ᑐᓂᕐᕈᓯᕐᓗᑎᒃ ᐊᑕᓂᕐᒧᑦ, ᓇᒡᕚᕐᓂᐊᓐᖏᓚᓪᓕ ᑖᑦᓱᒥᖓ; ᑖᑦᓱᒪ ᕿᒪᒃᓯᒪᓕᕐᒪᒋᑦ.

ᕼᐆᓯᐊᑉ ᐊᒡᓚᖏᑦ 6:1

“ᕾᓗᓯ ᐅᑎᓚᐅᕐᑕ ᐊᑕᓂᕐᒧᑦ; ᑖᑦᓱᒪ ᐋᓐᓂᕐᓯᒪᖕᒪᑎᒍᑦ, ᐋᖅᑭᒍᒪᓪᓗᑕ; ᑖᑦᓱᒪ ᐃᑭᓕᕐᓯᒪᖕᒪᑎᒍᑦ, ᑖᑦᓱᒪᓗ ᒪᑦᑐᓯᕐᓂᐊᕐᐹᑎᒍᑦ.

ᐂᒨᓯᐅᑉ ᐊᒡᓚᖏᑦ 9:11

ᐊᑕᓂᖅ ᐅᖃᕐᐳᖅ, “ᐅᓪᓗᒥ ᑍᑲᓂ ᑍᕕᑎᐅᑉ ᐊᖓᔪᖅᑲᐅᕕᖓ ᑲᑕᒃᓯᒪᔪᖅ ᖃᕝᕕᕐᑎᑦᓱᒫᕐᐸᕋ, ᓱᕋᒃᓯᒪᔪᓪᓗ ᐊᖅᑭᒃᓲᕐᓗᒋᑦ, ᐅᕐᕈᓯᒪᔪᓪᓗ ᒪᑭᑎᓪᓗᒋᑦ, ᐱᐅᓯᕆᓚᐅᕐᓯᒪᔭᖏᑎᑐᓪᓗ ᐅᑎᕐᑎᓪᓗᒋᑦ.

ᒤᑲᐅᑉ ᐊᒡᓚᖏᑦ 4:1

ᐅᓪᓗᐃᑦ ᑭᖑᓪᓕᖏᓐᓂ ᓇᓪᓕᐅᑎᔪᒫᕐᐳᖅ, ᖃᖅᑲᒥ ᐊᑕᓂᐅᑉ ᐃᒡᓗᖓ ᐋᖅᑭᒃᓯᒪᓕᕈᒫᕐᐳᖅ, ᐊᖏᓂᕐᐹᖑᓕᕈᒫᕐᐳᖅ ᐳᕐᑐᓂᕐᓴᐅᓗᓂ ᖃᖅᑲᓕᒫᓂᑦ; ᐃᓅᖃᑎᒋᒡᔪᐊᓪᓗ ᑕᕝᕗᓐᖓᐅᓕᕈᒫᕐᐳᑦ ᑰᒃᑐᑎᑐᑦ.

ᒨᓯᓯ ᓯᑕᒪᖏᑦ 24:14

ᒫᓐᓇᓕ, ᐃᓄᖁᑎᓐᓄᑦ ᐂᓂᐊᓕᕐᐳᖓ. ᕾᒋᑦ, ᐅᖃᐅᑎᓂᐊᕋᒃᑭᑦ, ᐃᓄᒋᐊᒃᑐᕐᔪᐊᑦ ᐅᑯᐊ ᐃᓄᖁᑎᖕᓄᑦ ᖃᓄᐃᓕᐅᕐᓂᐊᕐᒪᖔᑕ ᐅᓪᓗᓂ ᑭᖑᓪᓕᕐᓂ.”

ᕉᒪᒥᐅᓄᑦ 11:25

ᒪᑐᒥᖓ ᓇᓗᓇᕐᑐᒥᒃ ᑐᑭᓯᖁᕙᑦᓯ, ᐅᒃᐱᕐᑑᖃᑎᒃᑳ, ᐃᓕᑦᓯᓐᓂᒃ ᓯᓚᑐᓇᓱᒋᖁᓇᓯ: ᐃᓴᕆᐊᓕᒥᐅᑦ ᓯᑎᑎᑕᐅᓂᖓ ᓄᖑᔪᒫᕐᒪᑦ ᔫᑎᐅᖏᑦᑐᑦ ᒎᑎᒧᐊᕐᑐᑦ ᐅᓄᕐᓂᖏᑦ ᓈᒻᒪᓕᕐᐸᑕ,

ᕉᒪᒥᐅᓄᑦ 2:4

ᐅᕝᕙᓗ ᐱᑦᓯᐊᕐᓂᕐᔪᐊᖓ ᐊᖏᔪᖅ ᑲᒪᖏᑦᓯᕐᑐᕐᓂᖓᓗ ᕿᓄᐃᓵᕐᓂᖓᓗ ᓇᕐᕈᒋᕕᐅᒃ? ᖃᐅᔨᒪᓐᖏᓚᑏ? ᒎᑎᐅᑉ ᐱᑦᓯᐊᕐᓂᕐᔪᐊᖓᑕ ᑕᓯᐅᕋᓱᐊᕐᒪᑎᑦ ᖃᕿᐊᓕᕐᓂᕐᒧᑦ?

ᒨᓯᓯ ᑕᓪᓕᒪᖏᑦ 4:30

ᐊᑲᐅᖏᑦᔪᑎᒃᓴᖃᕐᓂᕐᒧᓪᓕ ᑎᑭᐅᑎᒍᑦᓯ ᑕᒪᒃᑯᐊᓗ ᐃᓕᑦᓯᓐᓄᑦ ᑎᑭᐅᑎᒃᐸᑕ, ᑕᕝᕙ ᐊᑕᓂᕐᒧᑦ ᒎᑎᑦᓯᓐᓄᑦ ᓵᓕᑍᓐᓇᕈᒫᕐᐳᓯ ᓈᓚᓕᕐᓗᒍᓗ.