ᕼᐆᓯᐊᑉ ᐊᒡᓚᖏᑦ 3:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑍᒫᒃᑕᐅᖅ ᐃᓴᕆᐊᓕᐅᑉ ᐃᓄᖏᑦ ᐃᓅᔭᕆᐊᖃᕈᒫᕐᐳᑦ ᐊᑯᓂ ᐊᖓᔪᖅᑳᕐᔪᐊᖃᖏᓪᓗᑎᒃ ᓯᕗᓕᕐᑎᖃᖏᓪᓗᑎᒡᓗ, ᑐᓂᕐᕈᓯᖃᑦᑕᖏᓪᓗᑎᒃ ᐅᔭᕋᖕᓂᒡᓗ ᓇᐸᔪᓂᒃ ᐊᑐᖏᓪᓗᑎᒃ, ᒎᑎᓐᖑᐊᓂᒡᓘᓐᓃᑦ ᖃᐅᔨᓇᓱᐊᕈᑕᐅᕙᒃᑐᓂᒃ ᐊᑐᖏᓪᓗᑎᒃ.

ᕼᐆᓯᐊᑉ ᐊᒡᓚᖏᑦ 3:4 Iomraidhean Croise

ᒨᓯᓯ ᓯᕗᓪᓖᑦ 31:19

ᓔᐸᓂᓕ ᓰᐱᖁᑎᒥᓂᒃ ᕿᐅᕐᑍᔭᕐᑐᕐᓯᒪᑎᓪᓗᒍ, ᕅᒋᓕᐅᑉ ᐊᑖᑕᖓᑕ ᐃᒡᓗᒥᓂ ᒎᑎᓐᖑᐊᖁᑎᖏᑦ ᑎᒡᓕᒐᕆᕔᑦ.

ᒨᓯᓯ ᓯᕗᓪᓖᑦ 31:34

ᕅᒋᓕᐅᓪᓕ ᒎᑎᓐᖑᐊᑦ ᐃᔨᕐᓯᒪᓚᐅᕐᐰᑦ ᑳᒥᓕᐅᑉ ᐃᑭᒪᕕᖓᓄᑦ, ᖄᖓᓂᓗ ᐃᒃᓯᕚᕐᓗᓂ. ᓔᐸᓂᓗ ᑐᐱᐅᑉ ᐃᓗᓕᒫᖓ ᕿᓂᓚᐅᕐᐹ, ᓇᓂᓯᓚᐅᓐᖏᓚᕐᓕ.

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᓴᒧᐃᓕ ᐂᑉᐸᖏᑦ 6:14

ᑍᕕᑎᓗ ᑖᓂᓯᓚᐅᕐᐳᖅ ᐊᑕᓂᐅᑉ ᓵᖓᓂ ᐱᔪᓐᓇᕐᓂᓕᒫᒥᓂᒃ ᐊᑐᕐᓗᓂ; ᕿᑎᕈᓯᕐᓯᒪᓪᓗᓂ ᖃᓪᓗᓈᕐᑕᒥᒃ ᓵᑦᑐᒥᒃ ᑖᓐᓇᓗ ᐊᑐᕐᑕᑐᐊᕆᓪᓗᒍ.

ᐊᑕᓃᑦ ᐂᑉᐸᖏᑦ 23:24

ᓱᓕᓗ ᔫᓮᐊᐅᑉ ᑐᖁᖓᔪᑦ ᐊᓂᕐᓂᖏᓐᓂᒃ ᐅᖃᖃᑎᖃᕋᓱᒃᐸᒃᑐᑦ, ᓯᕗᓂᒃᓴᒥᒡᓗ ᓇᓚᐅᑦᑍᔨᐅᓇᓱᒃᐸᒃᑐᑦ ᐊᓯᖏᓪᓗ ᓇᕐᕈᓇᕐᑑᓂᕋᕐᑕᐅᔪᓕᒫᑦ ᔨᕉᓴᓕᒥᐅᓂ ᔫᑕᒥᐅᓂᓗ ᓄᖅᑲᕐᑎᑉᐰᑦ, ᐃᒡᓗᒋᔭᐅᔪᓂᓗ ᒎᑎᓐᖑᐊᑦ, ᓴᓇᓯᒪᔪᓪᓗ ᐱᑦᑍᓕᓂᕐᒨᖓᔪᒃ ᐋᕐᖑᐊᑦ ᐲᔭᕐᑕᐅᑎᑉᐰᑦ ᑐᓂᕐᕈᓯᕐᑎᑦᓯᔩᑦ ᐳᕐᑐᓂᕐᐹᖓᑦᑕ ᕼᐃᓪᑬᐊᐅᑉ ᐊᒡᓔᑦ ᐱᖁᔭᕐᑕᓖᑦ ᑐᒃᓯᐊᕐᕕᒡᔪᐊᒥ ᓇᓂᓚᐅᕐᑕᖏᑦ ᒪᓕᒃᑕᐅᓯᐊᓕᖁᓪᓗᒋᑦ.

ᑯᕉᓂᑲ ᐂᑉᐸᖏᑦ 15:2

ᐂᓴᓗ ᐸᕐᕆᐊᓕᕐᐹ, ᑲᑎᒐᒥᐅᒡᓗ ᐅᖃᐅᑎᕚ, “ᐂᓵ ᓈᓚᓐᖓ, ᔫᑕᒥᐅᓕᒫᑦ ᐱᓐᔭᒥᓂᒃᑯᓕᒫᓪᓗ: ᐊᑕᓂᐅᑉ ᐃᓚᒋᕚᓯ, ᑖᑦᓱᒪᓃᓐᓂᑦᓯᓐᓂ. ᕿᓂᕈᑦᓯᐅᒃ ᓇᓂᓂᐊᕐᐸᓯ, ᕿᒪᒍᑦᓯᐅᒃ ᑖᑦᓱᒪᑦᑕᐅᖅ ᕿᒪᖕᓂᐊᕆᕚᓯ.

ᒨᓯᓯ ᐂᑉᐸᖏᑦ 28:4

ᐃᒫᒃ ᑕᕝᕙ ᐊᓐᓄᕌᓕᐅᕐᑕᐅᔪᒃᓴᐅᕗᑦ; ᓴᒡᕕᖕᒥᐅᑕᖃᕐᓗᑎᒃ ᓯᒃᑭᑕᒥᒃ, ᑭᐊᑎᒥᒍᑦ ᐊᓐᓄᕌᖃᕐᓗᑎᒃ ᑍᔭᐅᔪᒥᒃ ᐃᐹᑦᒥᒃ, ᐊᓐᓄᕌᖃᕐᓗᑎᒡᓗ ᑕᑭᔪᓂᒃ, ᓯᓚᓪᓕᕐᓂᒡᓗ ᑕᕐᓯᕐᑐᕐᓯᒪᔪᓂᒃ ᓴᓇᓐᖑᐊᕐᓯᒪᔪᓂᒃ ᐅᕕᓂᕈᖃᕐᓗᑎᒃ, ᓂᐊᖁᖓᓗ ᐃᒻᒧᓯᕐᓯᒪᓗᓂ ᓇᓴᐅᔮᕐᑐᒥᒃ, ᖃᓪᓗᓈᕐᑕᒥᒡᓗ ᑕᑦᓯᕈᑎᖃᕐᓗᑎᒃ. ᑍᒫᒃ ᑕᕝᕙ ᐊᖓᔪᐃᑦ ᐂᕉᓂ ᐊᓐᓄᕌᓕᐅᕐᑕᐅᔪᒃᓴᐅᕗᖅ ᑐᓂᕐᕈᓯᕐᑎᑦᓯᔩᑦ ᐊᓐᓄᕌᒃᓴᖏᓐᓂᒃ ᐃᑦᔪᕐᓁᑦᑐᓂᒃ ᑖᑦᓱᒪᓗ ᐃᕐᓂᖏᑦ, ᑖᒃᑯᐊ ᐅᕙᓐᓂᒃ ᐱᔨᑦᓯᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓂᕐᒧᑦ.

ᒨᓯᓯ ᐂᑉᐸᖏᑦ 28:6

“ᑭᐊᑎᒥᒃ ᐊᓐᓄᕌᓕᐅᕐᑐᒃᓴᐅᕗᑦ ᑍᔭᐅᔪᒥᒃ ᐃᐹᑦᒥᒃ ᑐᖑᔪᕐᑐᒥᒃ, ᐊᐅᐸᓪᓚᕆᒃᑐᒥᒡᓗ, ᓄᕕᕐᓵᒃᓴᒥᒡᓗ ᐊᐅᐸᕐᑐᒥᒃ, ᒎᓗᒥᒃ ᐃᕙᓗᖃᕐᓗᑎᒃ, ᓵᑦᑐᒥᒃ ᖃᓪᓗᓈᕐᑕᒥᒃ ᐊᑐᕐᓗᑎᒃ, ᑕᕐᓯᕐᑐᕐᓯᒪᓗᑎᒡᓗ ᓴᓇᓐᖑᐊᕐᓯᒪᔪᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:9

ᔨᕉᓴᓕᐅᑉ ᐃᑎᕐᑕᕐᕕᖏᑦ ᓄᓇᒧᑦ ᒪᖑᒃᑎᑉᐰᑦ, ᐹᖏᑕᓗ ᓴᕕᕋᔭᒃᑕᖏᑦ ᓯᖁᑦᑎᕐᐰᑦ, ᐊᖓᔪᖅᑳᕐᔪᐊᖓᑦ ᐃᕐᓂᖏᓪᓗ ᐊᐅᓪᓚᕈᑦᔭᐅᕗᑦ ᐃᓅᖃᑎᒌᒡᔪᐊᓄᑦ; ᐱᖁᔭᖏᓪᓗ ᐊᑑᑎᔪᓐᓁᕐᐳᑦ, ᒎᑎᐅᓪᓗ ᐅᖃᕐᑎᖏᑦ ᐊᑕᓂᕐᒥᑦ ᐱᔪᓂᒃ ᑕᑯᑎᑕᐅᕙᒍᓐᓁᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 19:14

ᑕᕝᕙ ᓇᑲᖓᒍᑦ ᐃᑯᐊᓪᓚᒃᐳᖅ, ᐊᕙᓚᖓᔪᖏᑦ ᐸᐅᕐᖓᖏᓪᓗ ᓄᖑᓪᓗᑎᒃ, ᑕᕝᕙ ᓇᑲᖃᕈᓐᓃᕐᐳᖅ ᓯᓕᒃᑐᒥᒃ, ᐊᖓᔪᖅᑳᕐᔪᐊᓪᓗ ᑎᒃᑯᐊᕐᓯᑦᔪᑎᒃᓴᖓᓄᑦ ᐊᑐᕐᑕᐅᓂᐊᕈᓐᓃᕐᓗᓂ.” ᑖᒃᑯᐊ ᐅᖃᐅᓰᑦ ᐅᒡᒍᐊᕐᓂᐅᖕᒪᑕ, ᐅᒡᒍᐊᕐᑐᓄᑦ ᐊᑐᕐᑕᐅᖃᑦᑕᓕᓚᐅᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 20:32

ᐃᓱᒪᒋᕙᒃᑕᓯ ᐊᑐᓕᓚᐅᕐᓯᒪᓂᐊᓐᖏᓚᑦ ᐃᒫᒃ ᐃᓱᒪᕙᒃᑲᑦᓯ, ‘ᐃᓅᖃᑎᒌᒡᔪᐊᑦ ᐊᑦᔨᒋᓚᐅᕐᓚᕗᑦ, ᓄᓇᓕᒡᔪᐊᓂ ᐊᕕᒃᑐᕐᓯᒪᔪᓃᑦᑐᑦ ᑐᒃᓯᐊᕐᕕᖃᕐᐸᒃᑐᑦ ᓇᐹᕐᑐᓂᒃ ᐅᔭᖅᑲᓂᒡᓗ.’”

ᐃᓯᑭᐊᓕᐅᑉ ᐊᒡᓚᖏᑦ 21:21

ᐹᐱᓘᓂᐅᑉ ᐊᖓᔪᖅᑳᕐᔪᐊᖓ ᓇᑉᐸᖅᑯᑎᐅᑉ ᓴᓂᐊᓃᓕᕐᓗᓂ ᐊᖅᑯᑏᒃ ᒪᕐᕈᐃᓕᖅᑲᖓᒋᐊᕐᓂᖓᓂ ᖃᐅᔨᓇᓱᐊᓕᕐᐳᖅ; ᓇᓪᓕᐊᓐᓄᑦ ᐂᕕᒋᔭᒃᓴᒥᓂᒃ ᖃᕐᔪᐃᑦ ᐊᐅᓚᑎᑉᐰᑦ, ᒎᑎᓐᖑᐊᓂᓗ ᐊᐱᕆᕔᑦ, ᐆᒪᔫᓪᓗ ᑎᖑᖓᓂᒃ ᖃᐅᔨᓴᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 21:31

ᓂᓐᖓᐅᒪᓂᕋ ᐃᒃᐱᒋᔪᒫᕐᐸᓯ; ᐃᑯᒪᑐᑦ ᐃᑯᐊᓪᓚᒃᑎᓐᓂᐊᕐᐸᕋ ᐃᓕᑦᓯᓐᓄᑦ; ᐊᑦᑕᕆᔭᖃᖏᑦᑐᓄᑦ ᑐᓂᔪᒫᕐᐸᑦᓯ, ᑐᖁᕅᓂᕐᒥᒃ ᖃᐅᔨᒪᑦᓯᐊᕐᑐᓄᑦ.

ᑖᓂᐊᓕᐅᑉ ᐊᒡᓚᖏᑦ 11:31

ᐅᓇᑕᕐᑐᒃᓴᕐᔪᐊᖁᑎᖏᑦ ᓱᕐᔪᒍᒫᕐᐳᑦ ᑐᒃᓯᐊᕐᕕᒡᔪᐊᑉ ᐊᕙᓗᕐᔪᐊᖓ ᐃᑦᔪᕐᓇᕐᓯᑎᓪᓗᒍ, ᓄᖅᑲᕐᑎᑦᓯᓗᑎᒡᓗ ᐆᒪᔪᓂᒃ ᖃᐅᑕᒫᑦ ᑐᓂᕐᕈᓯᖃᑦᑕᕐᓂᕐᒥᒃ; ᑕᕝᕙ ᐃᓕᓯᔪᒫᕐᐳᑦ ᐃᑦᔪᕐᓇᕐᑐᕐᔪᐊᒥᒃ ᑲᑉᐱᓇᕐᑐᕐᔪᐊᒥᒃ.

ᑖᓂᐊᓕᐅᑉ ᐊᒡᓚᖏᑦ 12:11

ᑍᑦᓱᒪᓂ ᖃᐅᑕᒫᑦ ᐆᒪᔪᓂᒃ ᑐᓂᕐᕈᓯᖃᑦᑕᕐᓂᐅᑉ ᓄᖅᑲᕐᑎᑕᐅᓂᖓᓂᑦ, ᐃᑦᔪᕐᓇᕐᑐᐊᓘᓪᓗ ᐃᓕᔭᐅᓂᖓ ᓱᕈᕐᑎᑕᐅᓐᓇᕐᑑᑉ ᐊᑯᓐᓂᖓᓂ, ᐅᓪᓗᐃᑦ 1,290ᐅᕗᑦ.

ᑖᓂᐊᓕᐅᑉ ᐊᒡᓚᖏᑦ 9:27

ᑖᓐᓇ ᐊᖏᖃᑎᒌᒍᑎᒥᒃ ᐋᖅᑭᒃᓯᔪᒫᕐᐳᖅ ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ, ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ ᑐᖁᑕᐅᔪᒫᕐᐳᖅ ᐆᒪᔪᑎᑐᑦ ᑐᓂᕐᕈᑎᒋᔭᐅᓗᓂ. ᑐᒃᓯᐊᕐᕕᒡᔪᐊᑉ ᐳᕐᑐᓂᕐᐹᖓᓂ ᐃᓕᓯᔪᒫᕐᐳᖅ ᓇᕐᕈᓇᕐᑐᕐᔪᐊᒥᒃ ᓱᕋᒃᑕᐅᑎᑦᓯᔪᒥᒃ ᐃᒡᓗᒐᓴᒡᔪᐊᓂᒃ ᑖᓐᓇ ᑍᒤᓕᖓᓂᐊᕐᐳᖅ, ᐅᖃᐅᑕᐅᓯᒪᔫᑉ ᓇᓪᓕᐅᑎᓂᖓᑕ ᐃᓱᓕᑦᓯᐊᕐᓂᖓᓄᑦ ᑎᑭᓪᓗᒍ.”

ᕼᐆᓯᐊᑉ ᐊᒡᓚᖏᑦ 13:10

ᐊᓯᓐᓂᒃ ᐊᖓᔪᖅᑳᕐᔪᐊᕐᑕᖃᕐᐸᑦ, ᐃᓕᑦᓯᓐᓂᒃ ᐱᐅᓕᒃᓯᔪᓐᓇᕐᐹ? ᐊᖓᔪᖅᑳᖁᑎᓯᓕ ᓇᐅᒃ, ᐃᓕᑦᓯᓐᓂᒃ ᓴᐳᓐᓂᐊᕐᓂᐊᕐᑐᑦ? ᑖᒃᑯᓄᖓ ᐅᖃᓚᐅᕋᑦᓯ ‘ᐊᖓᔪᖅᑳᕐᔪᐊᒥᒃ ᐊᖓᔪᖅᑳᖁᑎᖏᓐᓂᒡᓗ ᑐᓂᓯᕕᒋᓚᐅᕐᑎᒍᑦ’?

ᕼᐆᓯᐊᑉ ᐊᒡᓚᖏᑦ 13:11

ᐊᖓᔪᖅᑳᕐᔪᐊᓂᒃ ᓂᓐᖓᒃᓗᖓ ᑐᓂᓯᕕᒋᓚᐅᕐᐸᑦᓯ, ᐲᕐᑎᓕᕐᐸᒃᑲᓗ ᓂᓐᖓᐅᓯᒃᑯᑦ.

ᕼᐆᓯᐊᑉ ᐊᒡᓚᖏᑦ 2:11

ᓄᖅᑲᕐᑎᑦᓱᒫᕐᐸᒃᑲᓗ ᖁᕕᐊᓱᒡᓗᑎᒃ ᑲᑎᓐᓂᕆᕙᒃᑕᖏᑦ, ᓇᓪᓕᐅᓐᓂᕐᓯᐅᕐᕕᒋᕙᒃᑕᖏᓪᓗ, ᑕᖅᑭᓂᕋᑖᒥ, ᓴᐸᑎᒥᓗ ᑲᑎᓂᕆᕙᒃᑕᖏᑦ, ᓇᓪᓕᐅᓐᓂᕐᓯᐅᕐᓂᕐᒧᓪᓗ ᑲᑎᓐᓂᕆᕙᒃᑕᓕᒫᖏᑦ.

ᒨᓯᓯ ᐱᖓᔪᖏᑦ 8:7

ᐂᕉᓂᓗ ᐅᕕᓂᕈᕐᒥᒃ ᑕᑭᔪᒥᒃ ᐊᑎᑎᑉᐹ ᓯᓕᒃᑐᒥᒡᓗ ᑕᑦᓯᕈᓯᕐᓗᒍ, ᐅᓕᒡᔪᐊᒥᒡᓗ ᐊᑎᑎᑉᐹ, ᑐᓂᕐᕈᓯᕐᑎᑦᓯᔨᓯᐅᑎᒥᒡᓗ ᖃᑯᕐᑕᒥᒃ ᓵᓕᑕᕐᒥᒃ ᐊᑎᑎᑉᐹ ᐃᐹᑎᒥᒃ ᐊᑎᓕᖕᒥᒃ, ᐃᐹᑎᓗ ᕿᓚᒃᐹ ᕿᓚᕈᑎᖓᓄᑦ ᓴᓇᑦᓯᐊᒃᑲᐅᓂᕐᐹᓄᑦ ᓴᓇᔭᐅᓯᒪᔪᒧᑦ.

ᓴᑲᕅᐊᐅᑉ ᐊᒡᓚᖏᑦ 10:2

ᒎᑎᓐᖑᐊᑦ ᓂᓪᓕᐊᖕᒪᑕ ᐅᐃᕕᕆᒃᓯᓂᕐᒥᒃ, ᓯᓚᕐᔪᐊᕐᒥᓗ ᓇᓚᐅᑦᑍᔩᑦ ᑕᑯᕙᖕᒪᑕ ᓱᓕᖏᑦᑐᓂᒃ, ᓂᕆᐅᒋᔭᒃᓴᓂᒡᓗ ᓱᓕᖏᑦᑐᓂᒃ ᐅᖃᐅᓯᖃᕐᐸᒃᓗᑎᒃ; ᓮᒻᒪᕐᓮᓪᓚᕆᒃᐸᖏᒻᒪᑕ, ᑍᒤᒻᒪᑦ ᐃᓄᐃᑦ ᓇᒧᑐᐃᓐᓇᖅ ᐱᓱᒃᐳᑦ ᐃᓱᒪᔮᕐᓗᑎᒃ, ᓰᐱᑎᑐᑦ ᐰᕐᓯᔨᖃᖏᑦᑐᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 13:2

ᐅᓪᓗᖅ ᓇᓪᓕᐅᑎᒃᐸᑦ ᐱᔪᖃᕈᒫᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᒎᑎᓐᖑᐊᑦ ᐊᑎᖏᑦ ᓄᖑᑎᑦᓱᒫᕐᐸᒃᑲ ᑕᒫᖓᑦ ᓄᓇᒥᑦ, ᐃᖅᑲᕐᑕᐅᖃᑦᑕᕈᓐᓁᕈᒫᕐᐳᓪᓗ, ᓇᓚᐅᑦᑍᔪᑦ ᓄᓇᒥᑦ ᓄᖅᑲᕐᑎᑦᓱᒫᕐᐸᒃᑲ ᐊᓂᕐᓃᓪᓗ ᐱᐅᖏᑦᑐᑦ ᓄᓇᒥᑦ ᐊᐅᓪᓚᕐᑎᑦᓱᒫᕐᐸᒃᑲ.

ᓘᑲᓯᐅᑉ ᐊᒡᓚᖏᑦ 21:24

ᐃᓚᖏᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ, ᐃᓚᖏᓪᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ ᔫᑎᐅᓐᖏᑦᑐᓄᑦ; ᔨᕉᓴᓕᒻᓗ ᑐᓪᓕᕋᕐᓴᐅᔪᒫᕐᐳᖅ ᔫᑎᐅᓐᖏᑦᑐᓄᑦ, ᐱᕕᒃᓴᖓᑦ ᐃᓱᓕᓚᐅᖏᓐᓂᖓᓂ.”

ᔪᐊᓇᓯᐅᑉ ᐊᒡᓚᖏᑦ 19:15

ᕾᒐᓛᓕᕐᐳᓪᓕ, “ᑕᒫᓃᓇᓂ, ᑕᒫᓃᓇᓂ, ᑭᑭᐊᒃᑐᕐᑕᐅᓕ!” ᐰᓛᑑᓯᐅᑉ ᐅᖃᐅᑎᕔᑦ, “ᐊᖓᔪᖅᑳᕐᔪᐊᓯ ᑭᑭᐊᒃᑐᒐᒃᓴᕆᕙᕌ?” ᑕᕝᕙ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᑭᐅᕗᑦ, “ᐊᖓᔪᖅᑳᕐᔪᐊᖃᓐᖏᓚᒍᑦ ᓰᓴᕆᐅᑉ ᐊᓯᐊᓂᒃ!”

ᐄᑉᕈᐃᓄᑦ 10:26

ᓱᓕᓂᕐᒥᒃ ᖃᐅᔨᓯᒪᓕᕐᓗᑕ ᐱᔮᕆᓗᑕ ᐊᔪᕐᑐᓕᒍᑦᑕ, ᑕᕝᕙ ᑐᓂᕐᕈᑎᒃᓴᖃᕈᓐᓃᕐᐳᒍᑦ ᐊᔪᕐᓃᑦ ᐲᔭᕐᑕᐅᑦᔪᑎᒃᓴᖏᓐᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 17:5

ᑖᓐᓇ ᐊᖑᑦ ᒤᑲ ᓇᖕᒥᓂᖅ ᑐᒃᓯᐊᕐᕕᖃᓚᐅᕐᐳᖅ. ᑐᓂᕐᕈᓯᕐᑎᑦᓯᔨᓯᐅᑎᒥᒃ ᓴᒡᕕᖕᒥᐅᑕᓕᐅᓚᐅᕐᐳᖅ ᐃᒡᓗᒥᐅᑕᓂᒡᓗ ᒎᑎᓐᖑᐊᓂᒃ, ᐃᕐᓂᕐᒥᓗ ᐃᓚᖓᓐᓂᒃ ᑐᓂᕐᕈᓯᕐᑎᑦᓯᔨᓐᖑᕐᑎᑦᓯᓪᓗᓂ.

ᐃᓗᐊᕐᓮᔩᑦ ᐊᒡᓚᖏᑦ 18:14

ᑍᒃᑯᐊ ᐊᖑᑏᑦ ᑕᓪᓕᒪᑦ ᐃᔨᕋᕐᑐᕐᓗᑎᒃ ᖃᐅᔨᓴᕆᐊᓚᐅᕐᑐᑦ ᓔᓯᒥᒃ ᐃᓚᑎᒃ ᐅᖃᐅᑎᕔᑦ, “ᖃᐅᔨᒪᓐᖏᓚᓰ ᐃᒡᓗᓂ ᑖᒃᑯᓇᓂ ᑐᓂᕐᕈᓯᕐᑎᑦᓯᔨᐅᑉ ᐊᑐᕐᐸᒃᑕᖓᓂᒃ ᐊᓐᓄᕌᕐᑕᖃᕐᒪᑦ, ᒎᑎᓐᖑᐊᓂᒡᓗ ᒥᑭᔪᓂᒃ ᐃᒡᓗᒥᐅᑕᕐᓂᒃ, ᕿᔪᖕᒥᒡᓗ ᓴᓇᓐᖑᐊᕐᓯᒪᔪᒥᒃ ᒎᑎᓐᖑᐊᒥᒃ, ᐊᐅᒃᑎᓯᒪᔪᒥᒡᓗ ᒎᑎᓐᖑᐊᓕᐊᕆᓯᒪᔪᒥᒃ ᓴᕕᕋᔭᖕᒥᒃ? ᒫᓐᓇᓕ ᐃᓱᒪᒃᓴᕐᓯᐅᓕᕆᑦᓯ ᖃᓄᐃᓕᐅᕐᓂᐊᕐᒪᖔᑦᓯ.”

ᐃᓗᐊᕐᓮᔩᑦ ᐊᒡᓚᖏᑦ 8:27

ᒋᑎᐅᓂ ᓴᓇᓚᐅᕐᐳᖅ ᐊᔪᕆᕐᑐᐃᔨᕐᔪᐊᑉ ᓴᒡᕕᖕᒥᐅᑕᖏᓐᓂᒃ ᒎᓗᓂᒃ ᐱᓚᐅᕐᑕᒥᓂᒃ; ᐊᖏᕐᕋᒥᓄᓪᓗ ᐃᓕᕚ ᐅᐸᕋᒥ. ᐃᓴᕆᐊᓕᒥᐅᑦ ᐃᓘᓐᓇᑎᒃ ᐊᓯᓐᓂᐊᓕᓚᐅᕐᐳᑦ ᒎᑎᒥᒃ, ᐃᓘᓐᓇᑎᒡᓗ ᐂᕗᑦ ᑐᒃᓯᐊᕆᐊᕐᑐᕐᓗᑎᒃ ᑖᑦᓱᒧᖓ. ᒋᑎᐅᓂᐅᑉ ᐃᓚᖏᑕᓗ ᐊᔪᓕᕈᑎᒋᓚᐅᕐᐹᑦ.

ᓴᒧᐃᓕ ᓯᕗᓪᓖᑦ 14:3

ᑐᓂᕐᕈᓯᕐᑎᑦᓯᔨ ᑍᑦᓱᒪᓂ ᓴᒡᕕᖕᒥᐅᑕᕐᒥᒃ ᐊᑐᕐᑐᖅ ᐊᕼᐂᔭᐅᓚᐅᕐᐳᖅ, ᐊᕼᐃᑑᑉ ᐃᕐᓂᖓ ᐃᑲᐸᑦ ᖃᑕᓐᖑᑖ, ᑖᓐᓇ ᐊᕼᐃᑐ ᐃᕐᓂᕆᔭᐅᕗᖅ ᐱᓂᕼᐋᔅᒧᑦ, ᐃᓔᑉ ᐃᕐᓂᖓᓄᑦ, ᑐᓂᕐᕈᓯᕐᑎᑦᓯᔨᐅᔪᒧᑦ ᐊᑕᓂᕐᒧᑦ ᓮᓗᐊᒥ, ᐃᓄᐃᓪᓕ ᖃᐅᔨᒪᓚᐅᓐᖏᓚᑦ ᔫᓇᑕᓂᐅᑉ ᐊᐅᓪᓚᕐᓂᖓᓂᒃ.

ᓴᒧᐃᓕ ᓯᕗᓪᓖᑦ 15:23

ᐊᑭᕋᕐᑐᕐᓂᖅ ᐊᔪᕐᓂᐅᕗᖅ ᐊᖓᒃᑰᓇᓱᐊᕐᑐᑎᑐᑦ, ᓯᑎᔫᓂᕐᓗ ᐱᐅᖏᑦᑐᓕᓂᐅᕗᖅ ᒎᑎᓐᖑᐊᖃᕐᑐᑎᑐᑦ. ᓇᕐᕈᓚᐅᕋᕕᑦ ᐊᑕᓂᐅᑉ ᐅᖃᐅᓯᖓᓂᒃ, ᑍᒫᒃᑕᐅᖅ ᓇᕐᕈᒋᓕᕐᐹᑎᑦ ᐊᖓᔪᖅᑳᕐᔪᐊᖑᓂᕐᓂᑦ.”

ᓴᒧᐃᓕ ᓯᕗᓪᓖᑦ 2:18

ᑍᒤᒃᑲᓗᐊᕐᑎᓪᓗᒋᓪᓕ ᓱᕈᓯᖅ ᓴᒧᐃᓕ ᑲᔪᓯᓚᐅᕐᐳᖅ ᐱᔨᑦᓯᕐᓗᓂ ᐊᑕᓂᕐᒥᒃ, ᓵᓕᑕᕐᒥᒃ ᖃᓪᓗᓈᕐᑕᒥᒃ ᐃᑦᔪᕐᓁᑦᑐᒥᒃ ᐊᑐᕐᓗᓂ.

ᓴᒧᐃᓕ ᓯᕗᓪᓖᑦ 21:9

ᑐᓂᕐᕈᓯᕐᑎᑦᓯᔨᓗ ᐅᖃᕐᐳᖅ, “ᐱᓕᔅᑍᓂᒥᐅᑉ ᒍᓔᐊᑉ ᑐᖁᓚᐅᕐᑕᕕᑦ ᓇᕐᓴᒥ ᐃᓛᒥ ᓴᕕᒡᔪᐊᖓᓂᒃ ᐱᓯᒪᒐᓗᐊᕐᑐᖓ; ᓴᒡᕕᖕᒥᐅᑕᐅᑉ ᑐᓄᐊᓃᑦᑐᖅ, ᐃᒻᒧᓯᕐᓯᒪᓪᓗᓂ ᖃᓪᓗᓈᕐᑕᒧᑦ; ᐱᔪᒪᒍᕕᐅᒃ ᑖᓐᓇ ᐱᔪᓐᓇᕐᑍᑦ ᐊᓯᐊᓂᒃ ᐱᑕᖃᖏᒻᒪᑦ.” ᑍᕕᑎᓗ ᐅᖃᕐᐳᖅ, “ᕾᑦᔪᒃ ᓴᕕᒡᔪᐊᒥᒃ ᐱᐅᓂᕐᓴᒥᒃ ᐱᑕᖃᓐᖏᓚᖅ!”

ᓴᒧᐃᓕ ᓯᕗᓪᓖᑦ 22:18

ᑕᕝᕙ ᓴᐅᓕ ᐅᖃᓕᕐᐳᖅ ᑐᐃᒋᒧᑦ, “ᐃᕝᕕᑦ ᑐᖁᓚᐅᒃᑭᑦ ᑐᓂᕐᕈᓯᕐᑎᑦᓯᔩᑦ.” ᑕᕝᕙ ᑐᐃᒋᐅᑉ ᐄᑐᒥᒥᐅᑕᐅᑉ ᑐᓂᕐᕈᓯᕐᑎᑦᓯᔨᓕᒫᑦ ᑐᖁᑉᐰᑦ, ᑍᑦᓱᒪᓂ ᐅᓪᓗᒥ ᑐᓂᕐᕈᓯᕐᑎᑦᓯᔩᑦ 85 ᑐᖁᑕᐅᕗᑦ ᖃᓪᓗᓈᕐᑕᒥᒃ ᓴᒡᕕᖕᒥᐅᑕᒥᒃ ᐊᑐᕐᑐᓕᒫᑦ.

ᓴᒧᐃᓕ ᓯᕗᓪᓖᑦ 23:6

ᐊᐰᐊᑕᓕ ᐊᕼᐃᒥᓕᐅᑉ ᐃᕐᓂᖓ ᑍᑦᓱᒪᓂ ᕿᒫᒐᒥ ᑍᕕᑎᒧᑦ ᑮᓚᒦᑎᓪᓗᒍ, ᑐᓂᕐᕈᓯᕐᑎᑦᓯᔩᑦ ᓴᒡᕕᖕᒥᐅᑕᖓᓂᒃ ᑎᒍᒥᐊᓚᐅᕐᐳᖅ.

ᓴᒧᐃᓕ ᓯᕗᓪᓖᑦ 23:9

ᑍᕕᑎ ᖃᐅᔨᒐᒥ ᓴᐅᓕᐅᑉ ᐱᐅᖏᑦᑐᒥᒃ ᐱᓇᓱᐊᕈᒪᓂᖓᓂᒃ ᐃᒻᒥᓄᑦ; ᑐᓂᕐᕈᓯᕐᑎᑦᓯᔨᒧᑦ ᐊᐰᐊᑕᒧᑦ ᐅᖃᕐᐳᖅ, “ᓴᒡᕕᖕᒥᐅᑕᖅ ᕾᓚᐅᕈᒃ.”

ᓴᒧᐃᓕ ᓯᕗᓪᓖᑦ 30:7

ᑍᕕᑎᐅᓪᓗ ᐊᐰᐊᑕ ᐊᕼᐃᒥᓕᐅᑉ ᐃᕐᓂᖓ, ᑐᓂᕐᕈᓯᕐᑎᑦᓯᔨ ᐅᖃᐅᑎᕚ, “ᓴᒡᕕᖕᒥᐅᑕᖅ ᕾᓚᐅᕈᒃ,” ᐊᐰᐊᑕᐅᓪᓗ ᑐᓂᕚ ᑍᕕᑎᒧᑦ.