ᕼᐆᓯᐊᑉ ᐊᒡᓚᖏᑦ 3:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᑕᓂᐅᓪᓗ ᐅᖃᐅᑎᕚᖓ, “ᐂᓚᐅᕐᒥᒋᑦ, ᓇᒡᓕᒋᓕᕐᒥᓗᒍᓗ ᐊᕐᓇᖅ ᐅᖓᒋᔭᐅᔪᖅ ᐊᓯᓐᓂᐊᕐᑎᐅᓪᓗᓂᓗ; ᑍᒫᒃᑕᐅᖅ ᐃᓴᕆᐊᓕᒥᐅᑦ ᐊᑕᓂᐅᑉ ᓇᒡᓕᒋᖕᒪᒋᑦ ᓱᓕ, ᒎᑎᓐᖑᐊᓄᑦ ᓵᖃᑦᑕᓚᐅᕋᓗᐊᕐᑎᓪᓗᒋᑦ ᐱᐅᒃᓴᓚᐅᕋᓗᐊᕐᑎᓪᓗᒋᓪᓗ ᑐᓂᕐᕈᓯᕈᑎᓂᒃ ᐆᓯᒪᔪᓂᒃ ᓂᐊᖂᔭᓂᒃ ᐸᐅᕐᖓᐅᔭᓕᖕᓂᒃ.”

ᕼᐆᓯᐊᑉ ᐊᒡᓚᖏᑦ 3:1 Iomraidhean Croise

ᓴᒧᐃᓕ ᐂᑉᐸᖏᑦ 6:19

ᓂᖀᓪᓗ ᑐᓐᓂᕐᓴᐅᑎᒋᕔᑦ ᐃᓄᓕᒫᓄᑦ, ᐃᓴᕆᐊᓕᒥᐅᓕᒫᓄᑦ ᐊᖑᑎᓄᑦ ᐊᕐᓇᓄᓪᓗ, ᐊᑐᓂᑦ ᑐᓂᓯᕕᒋᕔᑦ ᓂᐊᖂᔭᒥᒃ, ᐃᒐᓯᒪᔪᒥᒡᓗ ᓂᕿᒥᒃ, ᓂᐊᖂᔭᓂᒡᓗ ᐸᐅᕐᖓᐅᔭᓕᖕᓂᒃ. ᑭᖑᓂᖓᒍᓪᓗ ᐃᓄᓕᒫᑦ ᑕᕝᕙᓐᖓᑦ ᕿᒪᕉᑎᕗᑦ, ᐊᑐᓂᑦ ᐊᖏᕐᕋᒥᖕᓄᐊᕐᓗᑎᒃ.

ᐊᑕᓃᑦ ᐂᑉᐸᖏᑦ 13:23

ᐊᑕᓂᐅᑉ ᐱᑦᓯᐊᕐᕕᒋᓚᐅᕐᐰᑦ ᐃᓚᑦᓱᒋᓪᓗᒋᑦ ᐃᓱᒪᒋᑦᓯᐊᓚᐅᕐᐰ ᐊᖏᖃᑎᒌᒍᑎᓕᐅᕐᓯᒪᓂᓂ ᐱᑦᔪᑎᒋᓪᓗᒍ ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ. ᐅᓪᓗᒥ ᑎᑭᓪᓗᒍ ᓱᓕ ᐊᓯᕈᕐᑕᐅᖁᓐᖏᓔᑦ ᕿᒪᒍᒪᓇᒋᓪᓗ ᓇᔪᐃᓐᓇᕈᒪᓚᐅᕐᐰᑦ.

ᑯᕉᓂᑲ ᓯᕗᓪᓖᑦ 16:3

ᐂᑐᕐᑐᐃᓪᓗᓂᓗ ᐃᓴᕆᐊᓕᒥᐅᓕᒫᓄᑦ, ᐊᖑᑎᓄᑦ ᐊᕐᓇᓄᓪᓗ, ᐊᑐᓂᑦ ᓂᐊᖂᔭᒥᒃ, ᓂᖅᑭᒥᒡᓗ, ᐆᓯᒪᔪᓂᒡᓗ ᓂᐊᖂᔭᓂᒃ ᐸᐅᕐᖓᐅᔭᓕᖕᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 9:31

ᑍᒤᒃᑲᓗᐊᕐᑎᓪᓗᒍ, ᓈᒃᑭᒍᓱᖕᓂᕐᔪᐊᕐᓄᑦ ᓇᕐᕈᒋᓕᓚᐅᓐᖏᓚᑎᑦ ᐊᓯᕈᓚᐅᕐᓇᒋᓪᓗ, ᐱᑦᓯᐊᕐᓗᑎᑦ ᓈᒃᑭᒍᓱᒡᓗᑎᓪᓗ ᒎᑎᐅᒐᕕᑦ.

ᐃᓐᖏᕈᑎᑦ 123:2

ᑕᑯᒋᑦ, ᓲᕐᓗ ᐱᔨ ᐊᖓᔪᖅᑳᒥᓂᒃ ᑕᑎᖃᕐᐸᖕᒪᑦ, ᐱᔨᐅᔪᕐᓗ ᐊᕐᓇᖅ ᐊᖓᔪᖅᑳᒥᓂᒃ ᑕᑎᖃᕐᐸᖕᒪᑦ; ᑍᒫᒃᑕᐅᖅ ᑕᑎᖃᕐᓂᐊᕐᐳᒍᑦ ᐊᑕᓂᕐᒥᒃ ᒎᑎᑦᑎᓐᓂᒃ, ᑖᑦᓱᒪ ᓂᑲᒍᓱᓕᕐᓂᐊᕐᓂᖓᓂᒃ ᐅᕙᑦᑎᓐᓂᒃ ᐅᑕᖅᑭᓗᑕ.

ᒨᓯᓯ ᐂᑉᐸᖏᑦ 32:6

ᖃᐅᑎᓪᓗᒍ ᐅᓪᓛᒻᒪᕆᒃᑯᑦ ᒪᑭᑉᐳᑦ ᐆᒪᔪᓂᒃ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ ᓇᒃᓴᕐᓗᑎᒃ ᐃᓚᖏᓪᓕ ᑐᓂᕐᕈᑎᒃᓴᓂᒃ ᓂᕆᔭᒃᓴᓂᒃ ᓇᒃᓴᕐᓗᑎᒃ. ᐃᓄᐃᓪᓗ ᐃᖏᑉᐳᑦ ᓂᕆᖃᑎᒌᓕᕐᓗᑎᒃ ᐃᒥᖃᑎᒌᓕᕐᐳᓪᓗ ᐋᖓᔮᓕᕐᓗᑎᒃ, ᐃᓚᖏᑦ ᑖᓂᓯᓕᕐᐳᑦ ᐃᓚᖏᓪᓗ ᓄᓕᐊᕐᓗᑎᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 2:5

ᓄᑭᒃᑖᕐᑎᓐᖓ ᐸᐅᕐᖓᐅᔭᓂᒃ ᓂᕆᑎᓪᓗᖓ, ᓄᑖᓐᖑᕐᑎᓚᐅᖓ ᐋᐳᓂᒃ ᓂᕆᑎᓪᓗᖓ, ᐅᖓᒋᔭᓐᓂᒃ ᐃᓱᒪᑐᐊᖃᓕᕋᒪ.

ᐂᓮᐊᓯᐅᑉ ᐊᒡᓚᖏᑦ 45:22

ᐅᕙᓐᓄᑦ ᑕᑯᓴᓚᐅᕆᑦᓯ, ᐱᐅᓕᔭᐅᖁᓪᓗᓯ, ᓄᓇᕐᔪᐊᑉ ᑭᒡᓕᖏᓐᓂᑦ ᐱᓯᒪᔪᓯ ᑕᒪᑦᓯ! ᐅᕙᖓᐅᕗᖅ ᒎᑎ, ᐊᓯᖃᓐᖏᓚᖓ.

ᔨᕆᒤᐊᐅᑉ ᐊᒡᓚᖏᑦ 3:20

ᐊᕐᓇᑎᑐᓪᓕ ᐊᓯᓐᓂᐊᕐᑐᑐᑦ ᐅᐃᒥᓂᒃ, ᐃᓴᕆᐊᓕᒥᐅᑦ ᐊᓯᓐᓂᐊᓚᐅᕐᐹᖓ,” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 31:20

ᐃᕗᕅᑎ ᐃᕐᓂᕆᓐᖏᓚᕌ? ᕿᑐᕐᖓᕆᓪᓗᒍ ᖁᕕᐊᒋᕙᕋ ᐊᑭᕋᕐᑐᕐᑑᔮᕐᓗᒍ ᐅᖃᕐᕕᒋᕙᒃᑕᕋᓗᐊᕋ, ᑭᓯᐊᓂ ᐳᐃᒍᑦᔮᓐᖏᓚᒋᑦ ᐆᒻᒪᑎᒃᑯᑦ ᐅᖓᒋᕙᒋᑦ, ᐃᓚᑦᓱᒋᓪᓗᑎᓪᓗ, ᐊᑕᓂᖅ ᐅᖃᕐᐳᖅ.

ᕼᐆᓯᐊᑉ ᐊᒡᓚᖏᑦ 11:8

“ᖃᓄᕐᓕ ᐃᓕᖕᓂᒃ ᓴᐱᓕᕈᓐᓇᕐᐳᖔ ᐃᕗᕅᒥ? ᖃᓄᕐᓕ ᓴᒃᑯᐃᔪᓐᓇᕐᐳᖔ, ᐃᓴᕆᐊᓖ? ᖃᓄᕐᓕ ᐊᑦᔨᐅᑎᑦᑐᓐᓇᕐᐱᒌᑦ ᐊᑦᒪᒧᑦ? ᖃᓄᕐᓕ ᐱᓂᐊᕐᕕᒋᔪᓐᓇᕐᐱᒌᑦ ᔨᐳᐃᒻᑐᑦ? ᐆᒻᒪᑎᒐ ᐃᒃᐱᖕᓂᐊᕗᖅ ᐃᓗᓐᓂ, ᐃᓚᑦᓱᒍᓱᖕᓂᕋ ᓂᕈᒥᒃᓯᕗᖅ ᐊᕿᓕᓪᓗᓂᓗ.

ᕼᐆᓯᐊᑉ ᐊᒡᓚᖏᑦ 2:5

ᐊᓈᓇᖓ ᐊᑭᓕᕐᑐᕐᑕᐅᓪᓗᓂ ᐊᖑᓐᓂᐊᕐᑎᐅᓚᐅᕐᒪᑦ; ᑖᒃᑯᐊᓗ ᕿᑐᕐᖓᕐᑖᕆᓚᐅᕐᒪᒋᑦ ᑲᓐᖑᓇᕐᑐᒃᑯᑦ. ᓇᖕᒥᓂᖅ ᐅᖃᓚᐅᕐᒪᑦ, ‘ᐱᖃᑎᒋᖃᑦᑕᕐᑕᓐᓄᐊᕈᒪᓕᕐᐳᖓ, ᑖᒃᑯᓄᖓ ᓂᕿᖃᕐᑎᑕᐅᕙᒃᑲᒪ ᐃᒪᖃᕐᑎᑕᐅᓪᓗᖓᓗ, ᐊᓐᓄᕌᖃᕐᑎᑕᐅᒐᒪ, ᐅᕐᓱᒃᓴᖃᕐᑎᑕᐅᓪᓗᖓᓗ ᕔᓂᖃᕐᑎᑕᐅᒐᒪ.’

ᕼᐆᓯᐊᑉ ᐊᒡᓚᖏᑦ 4:11

“ᐃᓄᖁᑎᒃᑲ ᕔᓂᒧᑦ ᓄᑕᐅᖏᑦᑐᓄᑦ ᓄᑖᓄᓪᓗ, ᑐᑭᓯᔪᓐᓇᕐᓂᖏᑦ ᐊᓯᕈᕐᑕᐅᓕᕐᐳᑦ.

ᕼᐆᓯᐊᑉ ᐊᒡᓚᖏᑦ 7:5

ᐊᖓᔪᖅᑳᕐᔪᐊᑦᑕ ᐊᖓᔪᖅᑳᖁᑎᖏᑕᓗ ᐅᓪᓗᖓᓐᓂ ᖃᓂᒻᒪᒃᐳᑦ ᕔᓂᐅᑉ ᐆᓇᕐᓯᑎᑦᓯᓂᖓᓄᑦ; ᑕᕝᕙ ᐊᒡᒐᓂ ᐃᓴᒃᐰᑦ ᒥᑕᐅᑎᖃᕐᑎᓄᑦ.

ᐂᒨᓯᐅᑉ ᐊᒡᓚᖏᑦ 2:8

ᑐᓂᕐᕈᓯᕐᕕᓕᒫᓪᓗ ᑭᒡᓕᖏᓐᓂ ᓇᓚᖃᑦᑕᕐᒪᑕ ᐊᑭᓕᐅᑕᐅᓯᒪᔪᑦ ᐊᓐᓄᕌᑦ ᖄᖏᓐᓂ; ᒎᑎᖏᑦᑕᓗ ᐃᒡᓗᖓᓂ ᕔᓂᑐᖃᑦᑕᕐᒪᑕ ᐊᑭᓖᔭᕆᐊᓖᑦ ᐊᑭᓕᐅᑎᕕᓂᖏᓐᓂᒃ.

ᐂᒨᓯᐅᑉ ᐊᒡᓚᖏᑦ 6:6

ᕔᓂᒥᒃ ᐃᒥᕐᑐᐊᓘᕙᒃᑐᓯ ᖃᑦᑕᕐᓄᑦ, ᐅᕐᓱᕐᑎᕐᐸᒃᑐᓯᓗ ᐅᕐᓱᕐᑎᕈᑎᑦᓯᐊᕙᐅᓂᕐᐹᓄᑦ ᑎᐱᑦᓯᐊᕆᒃᑐᓄᑦ, ᕿᒃᓵᒍᑎᖃᖏᑦᑐᓯᓗ ᐃᓴᕆᐊᓕᐅᑉ ᐊᓯᕈᕐᑕᐅᓂᖓᓂᒃ.

ᒤᑲᐅᑉ ᐊᒡᓚᖏᑦ 7:7

ᐅᕙᖓᓕ ᐊᑕᓂᕐᒥᒃ ᓂᕆᐅᒃᐳᖓ; ᐅᑕᖅᑭᓪᓗᖓᓗ ᒎᑎᓐᓂᒃ ᐱᐅᓕᕐᓯᔨᓐᓂᒃ, ᒎᑎᒪᓗ ᑐᓴᕐᓂᐊᕐᐹᖓ.

ᓴᑲᕅᐊᐅᑉ ᐊᒡᓚᖏᑦ 1:16

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑍᒤᒻᒪᑦ ᔨᕉᓴᓕᒧᑦ ᐅᑎᓕᕐᐳᖓ ᑕᕝᕙᓂ ᓄᓇᖃᕐᑐᑦ ᓂᑲᒍᓱᖕᓂᓐᓂᒃ ᑕᑯᖁᓪᓗᒋᑦ, ᑐᒃᓯᐊᕐᕕᒡᔪᐊᖁᑎᒐ ᓴᓇᔭᐅᒃᑲᓐᓂᕐᓂᐊᕐᐳᖅ ᐃᒡᓗᒐᓴᒡᔪᐊᓪᓗ ᓴᓇᔭᐅᖕᒥᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 26:50

ᔩᓱᓯᐅᑉ ᑭᐅᕚ, “ᐃᓚᓐᓇᕆᔮᒃ, ᐱᔭᕆᐊᖃᕐᑕᕐᓂᒃ ᐱᓕᕆᑦ.” ᑕᕝᕙ ᐊᖑᑎᑦ ᐅᐸᒍᑎᓪᓗᑎᒃ ᔩᓱᓯ ᑎᒍᕚᑦ, ᐊᑦᓱᖏᕐᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:21

ᐊᑕᓂᐅᑉ ᐃᒥᐅᑎᖓᓂᑦ ᐊᓂᕐᓂᕐᓗᐃᓪᓗ ᐃᒥᐅᑎᖓᓂᑦ ᐊᑕᐅᑦᓯᒃᑯᑦ ᐃᒥᕈᓐᓇᖏᓐᓇᑦᓯ; ᐊᑕᓂᐅᑉ ᓂᕆᕕᖓᓂᑦ ᐊᓂᕐᓂᕐᓗᐃᓪᓗ ᓂᕆᕕᖓᓂᑦ ᐊᑕᐅᑦᓯᒃᑯᑦ ᑕᒤᓐᓂᑦ ᐱᔪᓐᓇᓐᖏᓐᓂᕗᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:7

ᒎᑎᓐᖑᐊᖃᖁᓇᑕᓗ ᑍᒃᑯᑎᑐᓇᖅ; ᑎᑎᕋᕐᓯᒪᔪᖃᕐᒪᑦ, “ᐃᓄᐃᑦ ᐃᖏᑉᐳᑦ ᓂᕆᓪᓗᑎᒃ ᐃᒥᕐᓗᑎᒃᓗ, ᓂᑯᕕᓐᓇᒥᒡᓗ ᓈᒻᒪᖏᑦᑐᓂᒃ ᐱᓇᓱᐊᓕᕐᐳᑦ.”

ᐲᑦᑐᕉᓯ ᓯᕗᓪᓖᑦ 4:3

ᐊᓂᒍᕐᓯᒪᓕᕐᒪᑕ ᐃᓅᓯᕆᓚᐅᕐᑕᓯ ᐅᒃᐱᖏᑦᑐᑦ ᐱᔪᒪᓂᖏᑦ ᒪᓕᒃᓗᒋᑦ, ᐃᓅᓯᒪᒐᑦᓯ ᑲᓐᖑᓇᕐᑐᓕᓂᕐᓂᒃ, ᐃᒃᖠᒍᖕᓂᕐᓂᒃ, ᐋᖓᔮᕐᓂᕐᓂᒃ, ᓄᓕᐊᕐᓂᕐᓂᒃ, ᐃᒥᐊᓗᖕᒧᑦ ᖁᕕᐊᓲᑎᖃᕐᓂᕐᓂᒃ, ᓇᕐᕈᓇᕐᑐᓄᓪᓗ ᑐᒃᓯᐊᖃᑦᑕᕐᓂᕐᓂᒃ ᒎᑎᐅᖏᑦᑐᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 10:16

ᑕᕝᕙ ᓄᓇᖃᑎᒋᓐᖏᑕᒥ ᒎᑎᓐᖑᐊᖏᓐᓂᒃ ᕿᒤᓚᐅᕐᐳᑦ ᑐᒃᓯᐊᓕᕐᓗᑎᒡᓗ ᐊᑕᓂᕐᒧᑦ; ᐃᓱᒪᔮᕈᑎᖃᓕᕐᐳᕐᓗ ᐃᓴᕆᐊᓕᒥᐅᑦ ᐊᒃᓱᕈᕐᓂᖏᓐᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 9:27

ᑕᕝᕙᓐᖓᑦ ᐊᓂᕗᑦ ᐱᕈᕐᓰᕕᖕᓄᑦ, ᕔᓂᒃᓴᓂᒃ ᑲᑎᕐᓱᐃᓪᓗᑎᒃ ᕔᓂᒃᓴᓕᐅᕐᕕᖕᒥᖕᓂᑦ ᐃᑦᓰᔭᕐᓗᒋᓪᓗ, ᖁᕕᐊᓲᖃᑎᒌᒡᓗᑎᒃ. ᑐᒃᓯᐊᕐᕕᖕᒥᖕᓄᐊᕐᐳᓪᓗ ᒎᑎᓐᖑᐊᒥᖕᓄᑦ, ᑕᕝᕙᓂᓗ ᓂᕆᕗᑦ, ᐃᒥᕐᓗᑎᒡᓗ ᐃᔪᕿᑕᐅᑎᒋᕚᓪᓗ ᐊᐱᒥᓕᒃ.