ᕼᐆᓯᐊᑉ ᐊᒡᓚᖏᑦ 2:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐃᓴᕆᐊᓖ, ᓄᓕᐊᕐᑖᕆᔪᒫᕐᐸᒋᑦ ᐃᓱᖃᖏᑦᑐᒧᑦ; ᓄᓕᐊᕐᑖᕆᔪᒫᕐᐸᒋᑦ ᓇᓛᒎᕐᓂᕐᒥ ᐊᑦᔨᒌᒃᑎᑦᓯᓂᕐᒥᓗ, ᓇᒡᓕᖕᓂᕐᒥᓗ ᓱᖁᓯᔪᐃᑦᑐᒥ, ᓈᒃᑭᒍᓱᖕᓂᕐᒥᓗ.

ᕼᐆᓯᐊᑉ ᐊᒡᓚᖏᑦ 2:19 Iomraidhean Croise

ᐃᓐᖏᕈᑎᑦ 85:10

ᓇᒡᓕᖕᓂᖅ ᓱᖁᓯᔪᐃᑦᑐᖅ ᓱᕐᕋᔪᐃᑦᑑᓂᕐᓗ ᐃᒻᒥᖕᓄᑦ ᑲᑎᓂᐊᕐᐴᒃ; ᐃᓱᐊᕐᑐᓕᓂᕐᓗ ᖃᓄᐃᖏᑦᓯᐊᕐᓂᕐᓗ ᐃᒻᒥᖕᓄᑦ ᑯᓂᖃᑦᑕᐅᑎᓂᐊᕐᐴᒃ.

ᐂᓮᐊᓯᐅᑉ ᐊᒡᓚᖏᑦ 1:27

ᓮᐅᓂ ᐱᐅᓕᔭᐅᔪᒫᕐᐳᖅ ᐸᓯᔭᒃᓴᐅᖏᓐᓂᕐᒧᑦ, ᑕᕝᕙᓃᑦᑐᓪᓗ ᖃᕿᐊᓕᕐᑐᑦ ᓇᓛᒎᕐᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 54:14

ᓇᓛᒎᕐᓂᕐᒥᒃ ᐱᐅᓯᕐᑖᕈᒫᕐᐳᓯ; ᐅᖁᒤᒃᓴᕐᑎᑕᐅᔪᒫᓐᖏᓚᓯ ᑲᑉᐱᐊᒋᔭᒃᓴᖃᖏᓪᓗᓯᓗ; ᑲᑉᐱᐊᓇᕐᑐᑦ ᐃᓕᑦᓯᓐᓄᑦ ᑎᑭᐅᑎᔪᓐᓇᕈᒫᖏᒻᒪᑕ.

ᐂᓮᐊᓯᐅᑉ ᐊᒡᓚᖏᑦ 54:5

ᐱᓐᖑᕐᑎᑦᑎᔨᓯ ᐅᐃᒋᒐᑦᓯᐅᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᒃ ᐊᑎᖃᕐᑐᖅ; ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐃᒻᒥᓄᑦ ᐅᑎᕐᑎᑦᓯᔨᒋᒐᑦᓯᐅᒃ, ᓄᓇᕐᔪᐊᕐᒥᐅᓕᒫᑦ ᒎᑎᖓᓂᒃ ᑍᔭᐅᔪᖅ.

ᐂᓮᐊᓯᐅᑉ ᐊᒡᓚᖏᑦ 54:6

ᐊᑕᓂᐅᑉ ᐅᑎᖁᓪᓗᓯ ᐃᒻᒥᓄᑦ ᕾᖁᓚᐅᕐᐹᓯ ᐊᕐᓇᑐᑦ ᐊᕕᑕᐅᓯᒪᓪᓗᓂ ᐊᓂᕐᓂᕐᒥᒍᑦ ᐅᖁᒤᒃᓴᕐᑐᑎᑐᑦ, ᐅᕕᒐᕐᑑᓪᓗᓂ ᓄᓕᐊᕐᑖᕆᔭᐅᓚᐅᕐᑐᑎᑐᑦ ᐊᕕᑕᐅᑐᐃᓐᓇᕐᓯᒪᔪᑐᑦ, ᑍᒫᒃ ᒎᑎᓯ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 4:2

ᓱᓕᑦᓯᐊᕈᒪᓕᕐᓗᓯ, ᐊᑲᐅᔪᒥᒡᓗ ᐱᓇᓱᐊᕈᒪᒍᑦᓯ, ᐊᖏᒻᒪᕆᓚᐅᕆᑦᓯ ᐊᑕᓂᐅᑉ ᐊᑎᖓᓂ, ᑕᕝᕙ ᐃᓅᖃᑎᒌᒡᔪᐊᑦ ᓮᒻᒪᕐᑎᑕᐅᓂᐊᕐᐳᑦ, ᐊᑕᓂᕐᓗ ᓂᕐᑐᕐᓂᐊᕐᐹᑦ.

ᐃᓯᑭᐊᓕᐅᑉ ᐊᒡᓚᖏᑦ 16:8

“ᐊᖅᑯᓵᓕᕐᒥᒐᒃᑭᑦ ᑕᑯᓕᓚᐅᕆᕙᒋᑦ, ᑕᑯᒋᑦ, ᐂᑉᐸᖃᕈᓐᓇᓕᓚᐅᕐᐳᑎᑦ; ᐊᓐᓄᕌᖃᖏᓐᓇᕕᑦ ᐊᑐᕐᑕᓐᓂᒃ ᖃᓪᓕᕐᐹᒥᒃ ᐅᓕᓚᐅᕐᐸᒋᑦ ᐊᓐᓄᕌᖃᖏᓐᓃᑦ ᑕᓕᑎᑕᐅᖁᓪᓗᒍ: ᐃᓛᒃ, ᓄᓕᐊᕐᑖᕆᔪᒪᓪᓗᑎᑦ ᐊᖏᖃᑎᒌᒍᑎᓕᐅᓚᐅᕐᐳᖓ, ᐱᑖᕆᓚᐅᕐᐸᒋᓪᓗ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 39:29

ᑮᓇᕋᓗ ᐃᔨᓚᐅᕐᓯᒪᓂᐊᕈᓐᓃᕐᐸᕋ ᑖᒃᑯᓄᖓ, ᐊᓂᕐᓂᕋ ᑯᕕᒍᒃᑯ ᐃᓴᕆᐊᓕᐅᑉ ᑭᖑᕚᖏᓐᓄᑦ, ᐊᑕᓂᖅ ᒎᑎ ᐅᖃᕐᐳᖅ.”

ᕼᐆᓯᐊᑉ ᐊᒡᓚᖏᑦ 14:4

“ᐋᖅᑭᖕᓂᐊᕐᐸᒃᑲ ᐅᒃᐱᖏᓐᓂᖏᓐᓂᑦ; ᓇᒡᓕᒋᓂᐊᕐᐸᒃᑲ ᐃᓱᒪᕐᓱᕐᓗᖓ, ᓂᓐᖓᐅᒪᓂᕋ ᓴᖑᖕᒪᑦ ᑖᒃᑯᓇᓐᖓᑦ.

ᔪᐃᓕᐅᑉ ᐊᒡᓚᖏᑦ 3:20

ᔫᑕ ᐃᓄᕾᓐᓇᐅᔭᕐᓂᐊᕐᐳᖅ ᐃᓱᖃᖏᑦᑐᒧᑦ, ᔨᕉᓴᓕᓗᑦᑕᐅᖅ ᐃᓄᕾᓐᓇᕐᓂᐊᕐᐳᖅ ᑭᖑᕚᕇᓂᑦ ᑭᖑᕚᕇᓄᑦ.

ᓴᑲᕅᐊᐅᑉ ᐊᒡᓚᖏᑦ 13:2

ᐅᓪᓗᖅ ᓇᓪᓕᐅᑎᒃᐸᑦ ᐱᔪᖃᕈᒫᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᒎᑎᓐᖑᐊᑦ ᐊᑎᖏᑦ ᓄᖑᑎᑦᓱᒫᕐᐸᒃᑲ ᑕᒫᖓᑦ ᓄᓇᒥᑦ, ᐃᖅᑲᕐᑕᐅᖃᑦᑕᕈᓐᓁᕈᒫᕐᐳᓪᓗ, ᓇᓚᐅᑦᑍᔪᑦ ᓄᓇᒥᑦ ᓄᖅᑲᕐᑎᑦᓱᒫᕐᐸᒃᑲ ᐊᓂᕐᓃᓪᓗ ᐱᐅᖏᑦᑐᑦ ᓄᓇᒥᑦ ᐊᐅᓪᓚᕐᑎᑦᓱᒫᕐᐸᒃᑲ.

ᔪᐊᓇᓯᐅᑉ ᐊᒡᓚᖏᑦ 3:29

ᐅᐃᒃᓴᖅ ᑖᓐᓇᐅᕗᖅ ᓄᓕᐊᒃᓴᒥᒃ ᓇᖕᒥᓂᓕᒃ; ᐅᐃᒃᓴᐅᓪᓕ ᐱᖃᓐᓇᕆᔭᖓᑕ, ᓴᓂᐊᓂ ᓇᖏᕐᑑᑉ ᑐᓴᕐᑑᓪᓗ, ᖁᕕᐊᓱᒍᑎᒋᕚ ᐅᐃᒃᓴᐅᑉ ᓂᐱᖓᓂᒃ ᑐᓴᕋᒥ; ᑍᒫᒃ ᑕᕝᕙ ᐅᕙᖓ ᓇᖕᒥᓂᖅ ᖁᕕᐊᓱᖕᓂᕋ ᓈᒻᒪᒃᓯᑦᓯᐊᕐᐳᖅ.

ᕉᒪᒥᐅᓄᑦ 7:4

ᑍᒤᒃᑭᕗᓯᑦᑕᐅᖅ ᐃᓚᒃᑳ, ᐱᖁᔭᒧᑦ ᑐᖁᓯᒪᒐᑦᓯ ᙭ᔅᑑᓯᐅᑉ ᑎᒥᖓᒍᑦ, ᐊᓯᑦᓯᓐᓄᑦ ᐱᑖᕆᔭᐅᖁᓪᓗᓯ, ᑖᑦᓱᒧᖓ ᑐᖁᖓᔪᓂᑦ ᒪᑭᓚᐅᕐᑐᒧᑦ ᒎᑎᐅᑉ ᐱᓇᓱᐊᕐᓂᖓᓄᑦ ᐸᐅᕐᖓᕆᔭᐅᖁᓪᓗᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:2

ᒎᑎᒥᑦ ᐱᔪᒥᒃ ᓯᖕᓇᓂᕐᒥᒃ ᐃᒃᐱᒍᓱᒃᑲᒪ ᐃᓕᑦᓯᓐᓄᑦ, ᐊᕐᓇᑐᑦ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑎᑐᑦ ᓄᓕᐊᒃᓴᐅᖁᓪᓗᓯ ᑐᓂᔪᒪᒐᑦᓯ ᙭ᔅᑑᓯᒧᑦ ᑖᑦᓱᒥᖓ ᐅᐃᑖᖁᓪᓗᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:2

ᐃᒡᓗᒐᓴᒡᔪᐊᓪᓗ ᐃᑦᔪᕐᓁᑦᑐᑦ ᑕᑯᕙᒃᑲ, ᔨᕉᓴᓕᒻ ᓄᑖᖅ, ᕿᓚᖕᒥᑦ ᐊᖅᑲᕐᑐᖅ ᒎᑎᒥᑦ, ᐊᑐᐃᓐᓇᕈᕐᓯᒪᓕᕐᑐᖅ ᓄᓕᐊᒃᓴᑐᑦ ᐊᓐᓄᕌᕐᓯᒪᑦᓯᐊᓕᕐᑐᑎᑐᑦ ᐅᐃᒃᓴᒥᓄᑦ ᐊᑐᐃᓐᓇᐅᓕᕐᑐᑎᑐᑦ.