ᕼᐆᓯᐊᑉ ᐊᒡᓚᖏᑦ 14:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ “ᐋᖅᑭᖕᓂᐊᕐᐸᒃᑲ ᐅᒃᐱᖏᓐᓂᖏᓐᓂᑦ; ᓇᒡᓕᒋᓂᐊᕐᐸᒃᑲ ᐃᓱᒪᕐᓱᕐᓗᖓ, ᓂᓐᖓᐅᒪᓂᕋ ᓴᖑᖕᒪᑦ ᑖᒃᑯᓇᓐᖓᑦ.

ᕼᐆᓯᐊᑉ ᐊᒡᓚᖏᑦ 14:4 Iomraidhean Croise

ᐃᓐᖏᕈᑎᑦ 10:14

ᐃᕝᕕᓪᓕ ᑕᐅᑐᒃᐳᑎᑦ, ᑕᑯᓐᓇᕐᐳᑎᓪᓗ ᐊᑲᐅᖏᑦᑐᓂᒃ, ᕿᒃᓵᖕᓂᕐᓂᒡᓗ, ᐊᒡᒐᖕᓄᓪᓗ ᐊᑭᓂᐊᕈᒪᕙᑎᑦ. ᐃᑲᔪᕐᑎᖃᖏᑦᑐᑦ ᐃᓕᖕᓄᑦ ᒪᓂᕗᑦ; ᐃᑲᔪᕐᑎᐅᒐᕕᑦ ᐊᑖᑕᖃᖏᑦᑐᓄᑦ.

ᐃᓐᖏᕈᑎᑦ 20:8

ᑍᒃᑯᐊᓕ ᐅᕐᕈᐃᓐᓇᕐᐳᑦ ᐅᕐᕈᖓᓕᕐᓗᑎᒃ; ᐅᕙᒍᓪᓕ ᒪᑭᑕᕗᒍᑦ ᓇᐸᓪᓗᑕᓗ ᓇᖏᕐᐳᒍᑦ.

ᐃᓐᖏᕈᑎᑦ 78:38

ᑖᓐᓇᓕ, ᓇᒡᓕᒍᓱᖕᓂᕐᒥᒃ ᑕᑕᓐᓇᒥ, ᐊᔪᕐᓂᖏᓐᓂᑦ ᐃᓱᒪᒋᔪᓐᓁᕐᕕᒋᓚᐅᕐᐰᑦ, ᐊᓯᕈᕐᓇᒋᓪᓗ; ᐅᓄᕐᑐᐃᓱᕐᓗᓂ ᓂᓐᖓᐅᒪᓂᓂ ᓄᖅᑲᕐᑎᖃᑦᑕᓚᐅᕐᐹ, ᓂᓐᖓᐅᒪᓂᓕᒫᓂᓗ ᐊᑕᖏᕐᓗᒍ ᓴᖅᑭᑎᓚᐅᓐᖏᓛ.

ᒨᓯᓯ ᐂᑉᐸᖏᑦ 15:26

ᐅᖃᕐᓗᓂᓗ, “ᐊᑕᓂᐅᑉ ᒎᑎᕕᑦ ᓂᐱᖓᓂᒃ ᓈᓚᑦᓯᐊᕐᓂᐊᕈᕕᑦ, ᑖᑦᓱᒪᓗ ᓈᒻᒪᒋᔭᖓᓂᒃ ᐱᓇᓱᐊᕐᓂᐊᕈᕕᑦ, ᐱᖁᔨᓂᕆᔭᓕᒫᖏᓪᓗ ᒪᓕᑦᓯᐊᕐᓂᐊᕈᕕᒋᑦ, ᑕᕝᕙ ᖃᓂᒪᓇᕐᑐᓄᑦ ᑎᑭᑕᐅᑎᓐᓂᐊᓐᖏᓚᒋᑦ ᐄᑦᔨᑉᑎᒥᐅᓄᑦ ᑎᑭᑎᓚᐅᕐᑕᒪ ᐊᑦᔨᖏᓐᓄᑦ; ᐅᕙᖓ ᐊᑕᓂᐅᒐᒪ, ᐃᓕᖕᓂᒃ ᐋᖅᑭᒃᓱᐃᔨ.”

ᐂᓮᐊᓯᐅᑉ ᐊᒡᓚᖏᑦ 12:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐅᖃᕈᒫᕐᐳᓯ: “ᐊᑕᓃᖅ, ᓂᕐᑐᕐᓂᐊᕐᐸᒋᑦ; ᐅᕙᑦᑎᓐᓄᑦ ᓂᓐᖓᐅᒪᓚᐅᕋᓗᐊᕋᕕᑦ, ᑕᕝᕙ ᓂᓐᖓᐅᒪᓃᑦ ᓴᖑᓚᐅᕐᒪᑦ, ᓮᒻᒪᕐᑎᓚᐅᕐᐸᑦᑎᒍᓪᓗ.

ᐂᓮᐊᓯᐅᑉ ᐊᒡᓚᖏᑦ 55:1

“ᐊᑏ ᐃᒥᕈᒃᑐᓕᒫᑦ, ᐃᒪᖃᕐᑐᒧᑦ ᕾᓕᕐᓕᑦ; ᑮᓇᐅᔭᖃᖏᑦᑐᓪᓗ, ᕾᓕᕐᓕᑦ, ᓂᐅᕕᕐᓗᑎᒃ ᓂᕆᓕᕐᓕᑦ! ᕾᓗᓯ ᓂᐅᕕᓕᕆᑦᓯ ᕔᓂᒥᒃ ᐃᒻᒧᖕᒥᒡᓗ ᑮᓇᐅᔮᓄᖏᑦᑐᖅ ᐊᑭᖃᖏᑦᑐᓂᒡᓕ.

ᐂᓮᐊᓯᐅᑉ ᐊᒡᓚᖏᑦ 57:18

ᐱᓂᐊᕐᓂᖏᑦ ᑕᑯᓯᒪᕙᒃᑲ, ᐋᖅᑭᒍᒫᕐᐸᒃᑲᓕ; ᑕᓯᐅᕈᒫᕋᒃᑭᑦ ᐅᑎᕐᑎᑦᓯᕕᒋᓗᒋᓪᓗ ᓮᒻᒪᕐᑎᑕᐅᓂᕐᒥᒃ, ᕿᒃᓵᖕᓂᕆᔭᖏᓐᓂᓪᓗ ᒪᓂᒍᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 14:7

ᐊᔪᕐᑐᓕᓂᕗᑦ ᐸᓯᔭᒃᓴᐅᑦᔪᑎᒋᒐᓗᐊᕐᐸᕗᑦ, ᐊᑕᓃᕐᓕ, ᐃᑲᔪᕐᑎᒍᑦ ᐊᑏᑦ ᐱᑦᔪᑎᒋᓗᒍ; ᑲᑕᒃᓯᒪᓂᕗᑦ ᐊᖏᔫᖕᒪᑦ, ᐃᓕᖕᓄᑦ ᐊᔪᕐᑐᓕᓚᐅᕋᑦᑕ.

ᔨᕆᒤᐊᐅᑉ ᐊᒡᓚᖏᑦ 17:14

ᐊᑕᓃᖅ ᐋᖅᑭᓚᐅᓐᖓ, ᑕᕝᕙ ᐋᖅᑭᖕᓂᐊᕐᐳᖓ; ᐱᐅᓕᓚᐅᓐᖓ ᑕᕝᕙ ᐱᐅᓕᔭᐅᓂᐊᕐᐳᖓ; ᐃᕝᕕᑐᐊᖅ ᓂᕐᑐᒐᒃᓴᕆᒐᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 3:22

ᐅᑎᕆᑦᓯ, ᐊᑕᓂᕐᒥᒃ ᕿᒤᓚᐅᕐᑐᓯ ᑕᕝᕙ ᑲᑕᒃᓯᒪᓂᑦᓯᓐᓂᑦ ᐋᖅᑭᖕᓂᐊᕐᐸᑦᓯ. ᐅᖃᕐᐳᓯ, “ᐅᑎᕈᒪᕗᒍᑦ ᐊᑕᓂᐅᒐᕕᑦ ᒎᑎᒋᔭᕗᑦ.

ᔨᕆᒤᐊᐅᑉ ᐊᒡᓚᖏᑦ 31:20

ᐃᕗᕅᑎ ᐃᕐᓂᕆᓐᖏᓚᕌ? ᕿᑐᕐᖓᕆᓪᓗᒍ ᖁᕕᐊᒋᕙᕋ ᐊᑭᕋᕐᑐᕐᑑᔮᕐᓗᒍ ᐅᖃᕐᕕᒋᕙᒃᑕᕋᓗᐊᕋ, ᑭᓯᐊᓂ ᐳᐃᒍᑦᔮᓐᖏᓚᒋᑦ ᐆᒻᒪᑎᒃᑯᑦ ᐅᖓᒋᕙᒋᑦ, ᐃᓚᑦᓱᒋᓪᓗᑎᓪᓗ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 33:6

ᑕᑯᒋᑦ, ᑍᒤᓚᐅᕋᓗᐊᕐᑎᓪᓗᒍ ᐃᒡᓗᒐᓴᒡᔪᐊᑦ ᐃᓄᖏᓪᓗ ᐋᖅᑭᑦᓯᐊᕈᒫᕆᕙᒃᑲ, ᑕᑯᑎᑦᓱᒫᕆᕙᒃᑲᓗ ᐊᔪᕐᓴᕐᓇᖏᑦᑐᕐᔪᐊᒥᒃ ᐃᓅᖃᑎᒋᓕᕐᓗᒋᓪᓗ ᐃᓕᒪᓇᖏᑦᑐᒥ.

ᔨᕆᒤᐊᐅᑉ ᐊᒡᓚᖏᑦ 5:6

ᑕᒪᓐᓇ ᐱᓪᓗᒍ ᓛᔭᒧᑦ ᓇᐹᕐᑐᐃᑦ ᐊᑯᓐᓂᖓᓂ ᑐᖁᑕᐅᓂᐊᕐᐳᑦ. ᐊᒪᕈᕐᓄᓪᓗ ᓱᓇᖃᔪᐃᑦᑐᒥᑦ ᐱᔪᓄᑦ ᐹᔭᐅᓂᐊᕐᐳᑦ. ᐃᕐᓯᓇᕐᑐᒧᓪᓗ ᓕᐅᐸᕐᑦᒧᑦ ᐅᑕᖅᑭᔭᐅᓂᐊᕐᐳᑦ ᓄᓇᓕᖏᑕ ᖃᓂᒋᔭᖏᓐᓂ, ᓄᓇᓖᓪᓗ ᓯᓚᑖᓄᐊᕐᑐᑦ ᐅᒋᐊᕐᑕᓂᐊᕐᐳᑦ, ᑕᒻᒪᕐᓯᒪᓂᖓᑦ ᐊᖏᓗᐊᓕᕐᒪᑦ, ᑲᑕᒍᑎᒋᓯᒪᔭᖏᓪᓗ ᐅᓄᓗᐊᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 8:22

ᓄᓇᒥ ᒋᓕᐊᑎᒥᐅᓂ ᐊᓪᓚᕈᑦᔭᒐᕐᑕᖃᓐᖏᓛᖅ? ᐃᓅᓕᓴᐅᑎᒃᓴᒥᒃ? ᐋᓐᓂᐊᓯᐅᑎᑕᖃᕈᓐᓃᕐᒫᑦ ᑍᑲᓂ? ᐃᓄᖁᑎᒪ ᑭᓪᓕᖏᓐᓄᑦ ᐋᖅᑭᒃᑕᐅᓇᕐᑐᕐᑕᖃᕈᓐᓃᕐᐹ?

ᐃᓯᑭᐊᓕᐅᑉ ᐊᒡᓚᖏᑦ 33:14

ᐅᖃᕐᓯᒪᒐᓗᐊᕐᒥᔪᖓ ᐱᐅᖏᑦᑐᓕᔪᓄᑦ, ‘ᑐᖁᓂᐊᓪᓚᕆᓕᕐᐳᑎᑦ,’ ᐊᔪᕐᑐᓕᓂᕐᒥᓂᒡᓕ ᕿᒤᓗᓂ ᐃᓱᐊᕐᑐᒥᒃ ᓈᒻᒪᓈᕐᓗᓂᓗ ᐱᓇᓱᐊᓕᕐᐸᑦ,

ᐃᓯᑭᐊᓕᐅᑉ ᐊᒡᓚᖏᑦ 36:36

ᐃᓅᖃᑎᒌᒡᔪᐊᑦ ᐊᒥᐊᒃᑰᔪᑦ ᓄᓇᑦᓯ ᐊᕙᑖᓃᑦᑐᑦ ᖃᐅᔨᓕᖁᓪᓗᒋᑦ ᐅᕙᖓ, ᐊᑕᓂᖅ, ᐃᒡᓗᒐᓴᒡᔪᐊᕕᓂᕐᓂᒃ ᐋᖅᑭᒃᓱᐃᒃᑲᓐᓂᕐᓯᒪᓂᓐᓂᒃ, ᐱᕈᕐᓰᕕᕕᓂᕐᓂᒡᓗ ᓱᓇᖃᓚᐅᕈᓐᓃᕐᑐᓂᒃ ᐱᕈᕐᕕᐅᓕᕐᑎᑦᓯᒃᑲᓐᓂᕋᒪ; ᐅᕙᖓ, ᐊᑕᓂ, ᐅᖃᕐᓯᒪᒐᒪ, ᑕᒪᓐᓇᓗ ᐱᓇᓱᐊᕐᓂᐊᕐᐸᕋ.

ᕼᐆᓯᐊᑉ ᐊᒡᓚᖏᑦ 11:7

ᐃᓄᖁᑎᒃᑲ ᐊᓚᕆᐊᖃᑦᑕᕐᐳᑦ ᕿᒤᔪᒪᓪᓗᑎᒃ ᐅᕙᓐᓂᒃ; ᑍᒤᒻᒪᑦ ᐅᓂᐅᑕᕐᑖᕐᑎᑕᐅᕗᑦ ᑐᐃᕐᒥᐅᑕᕐᓂᒃ, ᓇᐅᒧᓪᓘᓐᓃᑦ ᐲᕐᑕᐅᓂᐊᓐᖏᓚᑦ.

ᕼᐆᓯᐊᑉ ᐊᒡᓚᖏᑦ 2:19

ᐃᓴᕆᐊᓖ, ᓄᓕᐊᕐᑖᕆᔪᒫᕐᐸᒋᑦ ᐃᓱᖃᖏᑦᑐᒧᑦ; ᓄᓕᐊᕐᑖᕆᔪᒫᕐᐸᒋᑦ ᓇᓛᒎᕐᓂᕐᒥ ᐊᑦᔨᒌᒃᑎᑦᓯᓂᕐᒥᓗ, ᓇᒡᓕᖕᓂᕐᒥᓗ ᓱᖁᓯᔪᐃᑦᑐᒥ, ᓈᒃᑭᒍᓱᖕᓂᕐᒥᓗ.

ᕼᐆᓯᐊᑉ ᐊᒡᓚᖏᑦ 6:1

“ᕾᓗᓯ ᐅᑎᓚᐅᕐᑕ ᐊᑕᓂᕐᒧᑦ; ᑖᑦᓱᒪ ᐋᓐᓂᕐᓯᒪᖕᒪᑎᒍᑦ, ᐋᖅᑭᒍᒪᓪᓗᑕ; ᑖᑦᓱᒪ ᐃᑭᓕᕐᓯᒪᖕᒪᑎᒍᑦ, ᑖᑦᓱᒪᓗ ᒪᑦᑐᓯᕐᓂᐊᕐᐹᑎᒍᑦ.

ᔨᐸᓁᐊᐅᑉ ᐊᒡᓚᖏᑦ 3:17

ᐊᑕᓂᐅᑉ ᒎᑎᑦᓯ ᐃᓚᒋᕚᓯ, ᐊᔪᒐᖃᖏᑦᑐᑐᐊᑉ ᐱᐅᓕᔪᒫᕐᐹᓯ. ᖁᕕᐊᓲᑎᒋᔪᒫᕐᐹᓯ, ᓂᐸᖏᕐᑎᑦᓱᒫᕐᐹᓯ ᓇᒡᓕᖕᓂᕐᒥᓄᑦ, ᖁᕕᐊᓲᑎᒋᔪᒫᕐᐹᓯ ᐃᓐᖏᕐᓗᓂ.

ᒨᓯᓯ ᓯᑕᒪᖏᑦ 25:11

“ᐱᓂᕼᐋᓯ ᐃᓕᓯᕆᐅᑉ ᐃᕐᓂᖓᑕ, ᑐᓂᕐᕈᓯᕐᑎᑦᓯᔨᐅᑉ ᐂᕉᓂᐅᑉ ᐃᕐᖑᑕᖓᑕ, ᐃᓴᕆᐊᓕᒥᐅᓄᑦ ᓂᓐᖓᐅᒪᓂᕋ ᓄᖅᑲᕐᑎᑉᐹ, ᐊᒃᓱᕈᕐᓗᓂ ᓴᐳᑦᔨᔪᒪᓪᓚᕆᖕᒪᑦ ᐅᕙᑦᑐᑦ ᐅᐱᒋᔭᐅᓂᕋ ᐃᓄᖕᓄᑦ ᐱᓪᓗᒍ, ᐃᓴᕆᐊᓕᒥᐅᓂᒃ ᓴᐳᑦᔨᔪᒪᓪᓗᓂ ᓄᖒᑦᓯᖁᓇᖓ ᑖᒃᑯᓂᖓ ᑲᔪᓯᔪᒪᓂᓐᓄᑦ.

ᒨᓯᓯ ᓯᑕᒪᖏᑦ 25:4

ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᐃᓄᐃᑦ ᓯᕗᓕᕐᑎᓕᒫᖏᑦ ᑎᒍᒃᑭᑦ ᐸᓯᔭᒃᓴᐅᔪᑦ ᕿᒥᓪᓗᒋᑦ ᐊᑕᓂᐅᑉ ᓵᖓᓂ, ᐅᓪᓘᑎᓪᓗᒍ, ᐊᑕᓂᐅᑉ ᓂᓐᖓᐅᒪᓂᖓ ᐃᓴᕆᐊᓕᒥᐅᓂᒃ ᕿᒤᖁᓪᓗᒍ.”

ᕉᒪᒥᐅᓄᑦ 3:24

ᐊᑭᖃᖏᑦᑐᒥᒃ ᐸᓯᔭᒃᓴᐅᔪᓐᓃᕐᑎᑕᐅᕗᑦ ᑖᑦᓱᒪ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᑐᓂᕐᕈᑖᓄᑦ, ᐱᐅᓕᔭᐅᓂᒃᑯᑦ ᙭ᔅᑑᓯ ᔩᓱᓯᒃᑯᑦ.

ᐃᐱᓯᒥᐅᓄᑦ 1:6

ᒎᑎ ᓂᕐᑐᓚᐅᕐᓚᕗᑦ ᓂᕐᑐᕐᓇᕐᓂᕐᔪᐊᒥᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᓯᑎᑦᓯᓂᖓ ᐱᑦᔪᑎᒋᓗᒍ, ᐊᑭᖃᖏᑦᑐᒥᒃ ᑐᓂᓯᕕᒋᓚᐅᕐᒪᑎᒍᑦ ᓇᒡᓕᒋᒻᒪᕆᒃᑕᒥᒍᑦ.

ᑎᒧᑎᒧᑦ ᐂᑉᐸᖏᑦ 1:9

ᑖᑦᓱᒪ ᐱᐅᓕᓚᐅᕐᒪᑎᒍᑦ ᕾᖁᓪᓗᑕᓗ ᕾᖁᔨᓂᕐᒧᑦ ᐃᑦᔪᕐᓁᑦᑐᒧᑦ, ᐱᓇᓱᐊᕈᓐᓇᕐᓂᕗᑦ ᐱᑦᔪᑎᒋᓇᒋᑦ ᐱᓇᓱᐊᕈᒪᔭᓂᓕ ᐱᑦᔪᑎᒋᓪᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᓂᕐᕈᑎᒋᓯᒪᔭᖓ ᙭ᔅᑑᓯ ᔩᓱᓯᒃᑯᑦ ᓱᓇᓕᒫᑦ ᐱᒋᐊᓚᐅᖅᑳᕐᑎᓐᓇᒋᑦ.

ᑍᑑᓯᒧᑦ 3:4

ᒎᑎᐅᓪᓕ ᐱᐅᓕᔨᑦᑕ ᐱᑦᓯᐊᕐᓂᖓ ᓇᒡᓕᒍᓱᖕᓂᖓᓗ ᓴᖅᑭᒻᒪᑦ,