ᕼᐆᓯᐊᑉ ᐊᒡᓚᖏᑦ 13:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐅᐸᖕᓂᐊᕐᐸᒃᑲ ᓇᓄᕐᑎᑐᑦ ᓂᕕᐅᕐᑐᑎᑐᑦ ᐊᑎᕐᑕᒥᓂᒃ, ᐊᓕᒃᑐᕐᓗᒋᑦ ᐃᓯᕕᓐᓂᐊᕐᐸᒃᑲ ᖃᑎᒐᖏᑦ, ᑕᕝᕙᓂᓗ ᓂᕆᓂᐊᕐᐸᒃᑲ ᓛᔭᑎᑐᑦ, ᐃᕐᓯᓇᕐᑐᓄᑦ ᐆᒪᔪᓄᑦ ᓱᕋᒃᑎᕐᑕᐅᒐᔭᕐᓂᖏᑎᑐᑦ.

ᕼᐆᓯᐊᑉ ᐊᒡᓚᖏᑦ 13:8 Iomraidhean Croise

ᓴᒧᐃᓕ ᐂᑉᐸᖏᑦ 17:8

ᕼᐅᓮᓗ ᐅᖃᒃᑲᓐᓂᕐᐳᖅ, “ᖃᐅᔨᒪᕗᑎᑦ ᐊᑖᑍᑦ ᑍᕕᑎ ᐃᓚᒋᔭᖏᓪᓗ ᐅᓇᑕᒃᑲᒻᒪᕆᐊᓘᖕᒪᑕ, ᐃᕐᓯᓇᕐᑑᕗᓪᓗ ᓇᓄᕐᑐᑦ ᐊᕐᓵᕐᑕᐅᕋᑖᕐᑐᑐᑦ ᐱᐊᕋᕐᒥᓂᒃ, ᐊᑖᑍᓪᓗ ᖃᐅᔨᒪᔪᒻᒪᕆᐅᓪᓗᓂ ᐅᓇᑕᕐᓂᕐᒥᒃ; ᐅᓐᓄᒃᑯᓪᓗ ᐃᓅᖃᑎᒥᓃᖃᑦᑕᕋᓂ.

ᐃᓐᖏᕈᑎᑦ 50:22

ᑕᒪᓐᓇ ᐃᓱᒪᒋᓚᐅᕐᓯᐅᒃ, ᐃᓕᑦᓯ ᒎᑎᒥᒃ ᐳᐃᒍᕐᓯᒪᔪᓯ, ᐊᓕᒃᑐᐃᓕᖁᓇᖓ ᐃᓕᑦᓯᓐᓂᒃ, ᑭᓇᒧᓪᓘᓐᓃᑦ ᓴᐳᑎᔭᐅᔪᓐᓇᕐᓂᐊᓐᖏᓚᓯ.

ᐃᓐᖏᕈᑎᑦ 80:13

ᑰᒃᑰᓰᑦ ᓄᔪᐊᕐᑐᑦ ᑖᒃᑯᓂᖓ ᑐᓪᓕᕋᕐᐳᑦ, ᐱᕈᕐᓰᕖᓪᓗ ᐆᒪᔪᖏᑦ ᓄᔪᐊᕐᑐᑦ ᑕᒪᒃᑯᓂᖓ ᓂᕆᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:12

ᐊᖑᑦ ᓇᓄᕐᒥᒃ ᐊᒃᓴᒥᒃ ᓂᕕᐅᕐᑐᒥᒃ ᑲᑎᓯᓗᓂ ᐱᐅᓂᕐᓴᐅᕗᖅ, ᑲᑎᓯᒐᔭᕐᓂᖓᓂᑦ ᓯᓔᑦᑐᒥᒃ ᓯᓔᓐᓂᕐᒧᑦ ᐃᓕᖅᑯᓯᓕᖕᒥᒃ.

ᐂᓮᐊᓯᐅᑉ ᐊᒡᓚᖏᑦ 5:29

ᓂᐱᖏᑦ ᓔᔭᑎᑐᑦ ᖃᓕᖑᐊᕐᑐᑎᑐᑦ ᑍᒤᑉᐳᑦ, ᓔᔭᑎᑐᑦ ᐃᓅᓱᒃᑐᑎᑐᑦ ᖃᓕᖑᓛᕐᐳᑦ; ᐃᕐᓯᓵᕐᓗᑎᒃ ᐅᐸᒃᑐᕐᐳᑦ ᓂᕿᒃᓴᒥᖕᓂᒃ, ᑭᖕᒥᐊᓕᕐᓗᒋᓪᓗ ᐊᐅᓪᓚᕈᑎᕔᑦ ᐅᖓᒻᒧᑦ, ᓇᓪᓕᐊᓐᓄᓪᓘᓐᓃᑦ ᐊᕐᓵᕐᑕᐅᔪᓐᓇᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 56:9

“ᐆᒪᔪᓕᒫᑦ ᓄᔪᐊᕐᑐᑦ ᓇᑎᕐᓇᒥᐅᑦ, ᓂᕆᔭᕐᑐᓕᕆᑦᓯ, ᐆᒪᔪᓕᒫᓪᓗ ᓇᐹᕐᑐᓕᖕᒥᐅᑦ.

ᔨᕆᒤᐊᐅᑉ ᐊᒡᓚᖏᑦ 12:9

ᐃᓄᖁᑎᒋᔪᒪᓪᓗᒋᑦ ᓂᕈᐊᓚᐅᕐᑕᒃᑲ ᑎᖕᒥᐊᑎᑐᑦ ᐅᑭᓕᕆᐊᑐᑦ ᑍᒤᓕᕐᐳᑦ ᑎᖕᒥᐊᖑᖃᑎᖏᓐᓄᑦ ᓂᕆᔭᐅᓇᓱᐊᕐᑐᑎᑐᑦ, ᐆᒪᔪᑦ ᐃᕐᓯᓇᕐᑐᑦ ᕾᖁᓕᒃᑭᑦ ᑖᒃᑯᓂᖓ ᓂᕆᖃᑕᐅᓂᐊᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 25:38

ᓔᔭᑎᑐᑦ ᐃᓂᓪᓚᖓᕕᖕᒥᓂᒃ ᕿᒤᔪᑎᑐᑦ; ᓄᓇᖓᑦ ᓱᓇᖃᕈᓐᓃᕈᒫᕐᐳᖅ. ᐅᓇᑕᕐᕕᐅᓯᒪᓂᕐᒥᓄᑦ, ᐅᓇᑕᕆᐊᕐᓯᒪᔪᓄᑦ, ᐊᑕᓂᐅᓪᓗ ᓂᓐᖓᕕᒡᔪᐊᕐᓯᒪᓂᖓᓄᑦ.”

ᕼᐆᓯᐊᑉ ᐊᒡᓚᖏᑦ 2:12

ᒪᓂᖅᑭᑎᕐᓂᐊᕐᐸᒃᑲᓗ ᕔᓂᓕᒃᓴᓄᑦ ᐸᐅᕐᖓᓄᑦ ᐱᕈᕐᓰᕕᖏᑦ ᐱᕈᕐᑐᓖᓪᓗ ᐱᒋᓕᖕᓂᒃ ᓇᐹᕐᑐᐃᑦ, ᐅᖃᐅᓯᕆᓚᐅᕐᑕᖏᑦ, ‘ᒪᑯᐊ ᐊᑭᓕᕐᑕᐅᑦᔪᑎᒋᓯᒪᔭᒃᑲ ᐱᖃᑎᒋᕙᒃᑕᒪ ᑐᓂᓚᐅᕐᑕᖏᑦ.’ ᑕᒪᒃᑯᐊ ᓇᐹᕐᑐᓕᒡᔪᐊᓐᖑᕐᑎᑦᓱᒫᕐᐸᒃᑲ, ᐆᒪᔪᓄᓪᓗ ᓄᔪᐊᕐᑐᓄᑦ ᓂᕆᔭᐅᔪᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 5:14

ᐃᕗᕅᒥᐅᑉ ᐃᓄᖏᑦ ᐅᓇᑕᕐᓂᐊᕐᐸᒃᑲ ᓛᔭᑎᑐᑦ, ᔫᑕᐅᓪᓗ ᑭᖑᕚᖏᑦ ᓛᔭᑎᑐᑦ ᐅᕕᒃᑲᑎᑐᑦ. ᐅᕙᖓ ᓇᖕᒥᓂᖅ ᐊᓕᒃᑐᕈᒫᕐᐸᒃᑲ ᕿᒪᒡᓗᒋᓪᓗ. ᐅᓂᐊᕐᓗᒋᑦ ᐊᐅᓪᓚᐅᑎᔪᒫᕐᐸᒃᑲ, ᑭᓇᒧᓪᓘᓐᓃᑦ ᓴᐳᑦᔭᐅᔪᓐᓇᕈᒫᓐᖏᓚᑦ.