5 ᑲᑎᒪᓚᐅᕐᐸᒋᑦ ᐃᓄᖃᔪᐃᑦᑐᒥ, ᓄᓇᒥᓗ ᐃᒪᖃᖏᑦᑐᒥ.
ᐃᒤᑉᐸᓚᐅᕐᐳᖓ ᐅᓪᓗᒃᑯᑦ ᐅᖅᑰᓗᐊᕐᐸᒃᓱᖓ, ᐅᓐᓄᐊᒃᑯᓪᓗ ᕿᐅᔭᕙᒃᓱᖓ, ᓯᓂᒍᓐᓁᓪᓕᖅᑲᕙᒃᓱᖓᓗ.
ᐱᓇᓱᐊᑦᓯᐊᕐᑐᑦ ᐱᓂᐊᕐᓂᖏᑦ ᐊᑕᓂᐅᑉ ᖃᐅᔨᒪᕔᑦ, ᐱᐅᖏᑦᑐᓕᔪᓪᓕ ᐱᓂᐊᕐᓂᖏᑦ ᓄᖑᔪᒫᕐᐳᑦ.
ᐊᓂᕐᓂᕋ ᓄᑭᖃᕈᓐᓃᓕᕌᖓᑦ, ᐊᑐᕐᑕᕋ ᖃᐅᔨᒪᑦᓯᐊᖃᑦᑕᕐᐸᑦ! ᐊᖅᑯᑎᒋᓂᐊᕐᑕᓐᓂ ᐃᔨᕋᕐᑐᕐᓗᑎᒃ ᐅᕙᓐᓄᑦ ᓂᒐᓕᐅᕐᓯᒪᕗᑦ.
ᓂᕐᑐᐃᓂᐊᕐᐳᖓ ᖁᕕᐊᓱᒡᓗᖓᓗ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐱᑦᔪᑎᒋᓗᒍ: ᐅᖁᒤᒃᓴᕐᓂᕋ ᐃᓱᒪᒋᒐᕕᐅᒃ; ᑕᕐᓂᕐᒪ ᐊᒃᓱᕈᕐᑎᑕᐅᓂᖓ ᖃᐅᔨᒪᒐᕕᐅᒃ.
ᒎᑏ, ᒎᑎᒋᕙᒋᑦ, ᐅᓪᓛᒻᒪᕆᒃᑯᑦ ᕿᓂᕈᒪᕙᒋᑦ, ᑕᕐᓂᕋ ᖀᓕᕐᐳᖅ ᐃᓕᖕᓄᑦ; ᐅᕕᓂᖕᒪ ᐅᖓᕚᑎᑦ, ᓄᓇᑐᑦ ᐸᓂᕐᑐᑐᑦ ᐃᒥᕈᒃᑐᑐᓪᓗ ᐃᒪᖃᖏᑦᑐᒥ.
ᐃᓴᕆᐊᓕᒥᐅᓪᓗ ᐃᓖᔭᕆᔭᐅᓂᖏᑦ ᒎᑎᐅᑉ ᑕᑯᒐᒥᖏᑦ ᐃᓱᒪᒋᒻᒪᕆᓕᕐᐰᑦ.
ᐂᓕᕆᑦ ᐅᖃᕆᐊᕐᑐᕐᓗᑎᓪᓗ ᔨᕉᓴᓕᒥᐅᑦ ᑐᓵᑎᓪᓗᒋᑦ, ᐊᑕᓂᖅ ᐃᒫᒃ ᐅᖃᕐᐳᖅ, “ᐃᖅᑲᐅᒪᕗᖓ ᐃᓅᓱᒃᑑᑎᓪᓗᑎᑦ ᐅᒃᐱᑦᓯᐊᓚᐅᕋᕕᑦ, ᐅᕙᓐᓄᓪᓗ ᑲᑎᑎᑕᐅᖃᑎᖃᕋᑖᕐᓗᑎᑦ ᓇᒡᓕᒍᓱᖕᓂᖃᑦᓯᐊᓚᐅᕋᕕᑦ; ᒪᓕᑦᓯᐊᓚᐅᕐᐸᕐᒪᓗ ᐃᓄᖃᔪᐃᑦᑐᒃᑯᑦ ᐱᕈᕐᑐᖃᖏᑦᑐᒃᑯᑦ.
ᐅᖃᓚᐅᓐᖏᓚᓪᓘᓐᓃᑦ, ᐊᑕᓂᖅ ᓇᓃᒻᒪᖔᑦ, ᑭᓇᒧᓪᓗ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓚᐅᕐᒪᖔᕐᒥᒃ; ᑭᓇᒧᓪᓗ ᐃᓄᖃᖏᑦᑐᒃᑯᑦ ᑕᓯᐅᕐᑕᐅᓚᐅᕐᒪᖔᕐᒥᒃ, ᓄᓇᒃᑯᑦ ᓯᐅᕋᒃᑯᑦ ᑭᕕᓐᓇᕐᑐᓕᒃᑯᓪᓗ, ᓄᓇᒃᑯᓪᓗ ᑳᖕᓇᕐᑐᖃᕐᑐᒃᑯᑦ ᑲᑉᐱᐊᓇᕐᑐᖃᕐᑐᒃᑯᓪᓗ, ᓄᓇᒃᑯᑦ ᐊᐅᓚᕝᕕᐅᕙᖏᑦᑐᒃᑯᑦ ᓄᓇᖃᕐᕕᐅᕙᖏᑦᑐᒃᑯᓪᓗ.
ᐃᕗᕅᒥ ᖃᐅᔨᒪᕙᕋ, ᐃᓴᕆᐊᓕᒥᐅᓪᓗ ᐃᔨᕐᓯᒪᓐᖏᓚᑦ ᐅᕙᓐᓄᑦ; ᒫᓐᓇ ᐃᕗᕅᒥ ᐊᑭᓕᕐᑕᐅᓪᓗᑎᒃ ᐊᑐᒐᕐᓄᑦ ᐱᓕᕆᓯᒪᕗᑎᑦ, ᐃᓴᕆᐊᓕᒥᐅᓪᓗ ᐅᕙᓐᓄᑦ ᓇᕐᕈᓇᕐᓯᕗᑦ.”
“ᐃᓴᕆᐊᓕ ᓇᓂᕙᕋ, ᐸᐅᕐᖓᑎᑐᑦ ᐃᓄᖃᔪᐃᑦᑐᒦᑦᑐᑎᑐᑦ, ᓇᐹᕐᑑᑉ ᐱᒋᓕᖕᓂᒃ ᐸᐅᕐᖓᓕᐅᑉ ᓯᕗᓪᓕᕐᐹᒥᒃ ᐱᕈᕐᑎᑕᖏᑎᑐᑦ ᐊᕐᕌᒍᖏᑕ ᓯᕗᓪᓕᕐᐹᖓᓂ, ᓯᕗᓕᓯ ᑕᑯᓚᐅᕐᐸᒃᑲ. ᐂᓚᐅᕐᐳᓪᓕ ᐰᓕ-ᐱᐅᕆᒧᑦ, ᐃᒻᒥᖕᓂᒡᓗ ᓴᓂᕐᕙᒃᑎᓚᐅᕐᐳᑦ ᐰᓕᒧᑦ, ᐃᒻᒥᖕᓂᒡᓗ ᐱᐅᖏᑦᑐᒧᐊᕐᑎᓚᐅᕐᐳᑦ ᐱᐅᒋᔭᒥᓂ ᐊᑐᕐᓂᕐᒥᖕᓄᑦ.
ᐊᑕᓂᖅ ᐱᐅᔫᕗᖅ; ᑕᑎᖃᕐᑐᑦ ᓴᐳᑎᓯᒪᖕᒪᒋᑦ ᐊᑲᐅᖏᑦᑐᑦ ᓇᓪᓕᐅᑎᓯᒪᑎᓪᓗᒋᑦ; ᓴᐳᑎᕔᓪᓗ ᑖᑦᓱᒧᖓ ᕿᒫᔪᑦ ᐃᑲᔪᕐᑕᐅᔪᒪᓪᓗᑎᒃ.
ᒎᑎᒥᒡᓕ ᐱᓐᓇᕆᔭᖃᕐᑐᖅ ᑖᓐᓇ ᒎᑎᐅᑉ ᖃᐅᔨᒪᕚ.
ᒫᓐᓇᓕ ᒎᑎᒥᒃ ᖃᐅᔨᒪᓕᕋᑦᓯ, ᐅᕝᕙᓗ ᒎᑎᒧᑦ ᖃᐅᔨᒪᔭᐅᓕᕋᑦᓯ, ᓱᖕᒪᑦ ᐅᑎᕐᓯᒪᓕᕐᐱᓰ ᐊᓂᕐᓂᕐᓄᑦ ᐱᔪᓐᓇᕐᓂᖃᖏᑦᑐᓄᑦ? ᓯᐊᓛᕆᔭᐅᒃᑲᓐᓂᕈᒪᓕᕆᕕᓰ ᑍᒃᑯᓄᖓ?
ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ ᐱᓇᓱᐊᕐᓯᒪᔭᑦᓯᒍᑦ ᑕᒤᑎᒍᑦ. ᑖᑦᓱᒪᓗ ᑲᒪᒋᑦᓯᐊᕐᓯᒪᕚᓯ ᑕᒪᐅᓇ ᓄᓇᒃᑯᑦ ᐃᓄᖃᖏᑦᑐᒃᑯᑦ ᐃᖏᕐᕋᑎᓪᓗᓯ, ᑖᑦᓱᒪᓗ ᐃᓚᒋᓚᐅᕐᐹᓯ ᑖᒃᑯᓇᓂ ᐊᕐᕌᒍᓂ 40ᓂ, ᓱᓇᓕᒫᑦᓯᐊᓂᒡᓗ ᑭᓐᖒᒪᒋᔭᑦᓯᓐᓂᒃ ᑐᓂᓯᕕᒋᓯᒪᓪᓗᓯ.
ᑖᑦᓱᒪ ᓇᓂᓚᐅᕐᐹ ᐃᓄᖃᖏᑦᑐᒦᑎᓪᓗᒍ, ᓱᓇᖃᖏᑦᑐᒥ, ᐊᓄᕌᖏᓐᓇᕐᑐᒥ ᐃᓄᖃᖏᑦᑐᒥ; ᑖᑦᓱᒪ ᐊᕙᓗᓯᒪᓚᐅᕐᐹ ᓴᐳᑎᓯᒪᓪᓗᒍ ᑲᒪᒋᑦᓯᐊᕐᓗᒍᓗ, ᓴᐳᑎᓯᒪᓚᐅᕐᐹ ᐃᒻᒥᓂᒃ ᓴᐳᑎᓯᒪᒐᔭᕐᓂᕐᒥᑐᑦ.
ᑖᑦᓱᒪ ᑕᓯᐅᓚᐅᕐᒪᓯ ᓯᕕᑐᔪᐊᓗᒃᑯᑦ ᖁᐊᕐᓵᖓᓇᕐᑐᒃᑯᓪᓗ ᓱᓇᖃᖏᑦᑐᒃᑯᑦ, ᖁᒡᓗᒋᐊᖃᕐᑐᒃᑯᑦ ᑐᖁᓐᓇᕐᑐᓕᖕᓂᒃ ᓯᑯᐊᕐᐱᐅᓂᖃᕐᑐᑎᒍᓪᓗ. ᓄᓇᒃᑯᑦ ᐸᓂᕐᑐᐊᓗᒃᑯᑦ ᐃᒪᖃᖏᑦᑐᒃᑯᑦ ᐃᒥᕐᒥᒃ ᑰᓕᕐᑎᑦᓯᓚᐅᕐᐳᖅ ᐃᒥᕐᕕᒃᓴᑦᓯᓐᓂᒃ ᐅᔭᕋᖕᒥᑦ ᕾᕐᑐᓪᓚᕆᖕᒥᑦ.
