ᕼᐆᓯᐊᑉ ᐊᒡᓚᖏᑦ 13:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐱᕈᕐᑐᑦ ᐊᑯᕐᖓᓐᓂ ᐱᕈᕐᑐᖃᑦᓯᐊᕋᓗᐊᕐᐳᖅ, ᐊᓄᕆᓗ ᓯᕿᓂᐅᑉ ᓄᐃᕕᐊᓂᑦ ᑎᑭᓐᓂᐊᕐᐳᖅ ᐊᑕᓂᐅᑉ ᐊᓄᕆᖁᑎᖓ, ᐃᓄᖃᔪᐃᑦᑐᒥᑦ ᐱᔪᖅ; ᐃᒥᕐᑕᕐᕕᖏᓪᓗ ᐳᐊᓚᕖᑦ ᐸᓂᕐᓂᐊᕐᐳᑦ, ᑰᒐᓛᖏᓪᓗ ᐸᓂᕐᓂᐊᕐᐳᑦ; ᓯᕐᓗᐊᖏᓐᓃᑦᑐᓪᓗ ᐱᔪᒥᓇᕐᑐᖁᑎᓕᒫᖏᑦ ᐊᓯᕈᕈᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 13:15 Iomraidhean Croise

ᒨᓯᓯ ᓯᕗᓪᓖᑦ 41:23

ᑭᖑᓂᖓᒍᑦ ᑕᑯᓕᕆᕗᖓ, ᓂᐊᖂᔭᒃᓮᑦ ᓂᐊᖁᖏᓐᓂᒃ 7ᓂᒃ ᐊᒥᑦᑐᓂᒃ ᑐᖁᓕᖓᔪᓂᒃ, ᐊᓄᕆᒧᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᒧᑦ ᓂᐅᓐᖓᒃᑎᑕᐅᓯᒪᔪᓂᒃ ᐱᕈᑦᓯᐊᕐᑐᑦ ᓇᓛᓄᑦ.

ᒨᓯᓯ ᓯᕗᓪᓖᑦ 41:52

ᐂᑉᐸᖓᓕ ᐊᑦᓯᕐᐹ ᐃᕗᕅᒥᒃ, ᐅᖃᕐᓗᓂ, “ᒎᑎᐅᑉ ᐅᓄᕐᓯᑎᒻᒪᖓ ᕿᑐᕐᖏᐅᕐᑎᑦᓱᓂᖓᓗ ᐃᓱᐊᖏᑦᑐᕐᓯᐅᕐᕕᓐᓂ.”

ᒨᓯᓯ ᓯᕗᓪᓖᑦ 41:6

ᑕᑯᒋᓪᓗ, ᑭᖑᓂᖓᒍᑦ ᑕᑯᓕᕆᕗᖅ 7ᓂᒃ ᓂᐊᖂᔭᒃᓮᑦ ᓄᕗᖏᓐᓂᒃ, ᐊᒥᑦᑐᓂᒃ ᑐᖁᓕᖓᔪᓂᒃ ᐊᓄᕆᒧᑦ ᓯᕿᓂᐅᑉ ᓄᕕᐊᑕ ᓇᓛᓂᓐᖔᕐᑐᒧᑦ ᓂᐅᓐᖓᒃᑎᑕᐅᓯᒪᔪᓂᒃ.

ᒨᓯᓯ ᓯᕗᓪᓖᑦ 48:19

ᐊᑖᑕᖓᓕ ᑍᒫᒃ ᐱᔪᒪᓐᖏᓚᖅ, ᐅᖃᕐᓗᓂᓗ, “ᖃᐅᔨᒪᕗᖓ ᐃᕐᓃᒃ, ᖃᐅᔨᒪᕗᖓ; ᑖᑦᓱᒪᓐᖓᑦᑕᐅᖅ ᐃᓄᒋᐊᒃᑐᕐᔪᐊᑦ ᐱᔪᒫᕐᒪᑕ, ᐃᓄᒐᓴᒡᔪᐊᓐᖑᕈᒫᕐᓗᑎᒡᓗ; ᑭᓯᐊᓂᓕ ᐅᓇ ᓄᑲᖓ ᑖᑦᓱᒪᓐᖓᑦ ᐃᓄᒋᐊᖕᓂᕐᓴᐅᔪᒫᕐᐳᖅ, ᑭᖑᕚᖏᓪᓗ ᐃᓅᖃᑎᒌᒡᔪᐊᓐᖑᕈᒫᕐᓗᑎᒃ.”

ᒨᓯᓯ ᓯᕗᓪᓖᑦ 49:22

ᔫᓯᐱ ᐊᑭᕉᕗᖅ ᐸᐅᕐᖓᖃᑦᓯᐊᕐᑐᖅ, ᐊᕙᓚᖓᔪᖅ ᐸᐅᕐᖓᖃᑦᓯᐊᕐᑐᖅ ᐃᒥᕐᑕᕐᕕᐅᑉ ᓵᓂᐊᓂ; ᑖᑦᓱᒪ ᐊᕙᓚᖓᔪᖏᑦ ᓴᓂᕋᕐᔪᐊᑉ ᐅᖓᑖᓄᐊᖓᕗᑦ.

ᔫᐱᐅᑉ ᐊᒡᓚᖏᑦ 18:16

ᐊᒫᖏᑦ ᓄᓇᐅᑉ ᐃᓗᐊᓃᑦᑐᑦ ᐸᓂᕐᐳᑦ, ᐊᕙᓚᖓᔪᖏᓪᓗ ᓴᖅᑭᔮᕐᑐᑦ ᑐᖁᓕᕗᑦ.

ᐃᓐᖏᕈᑎᑦ 1:4

ᒎᑎᖃᖏᑦᑐᓪᓕ ᑍᒤᓐᖏᓚᑦ, ᓂᐊᖂᔭᒃᓴᐅᑉ ᓴᓂᖏᑎᑐᑦ ᑍᒤᑉᐳᑦ, ᐊᓄᕆᒧᑦ ᑎᒃᑕᐅᔪᑎᑐᑦ.

ᐃᓐᖏᕈᑎᑦ 109:13

ᑖᑦᓱᒪ ᑭᖑᕚᖏᑦ ᓄᖑᑕᐅᓕᑦ; ᐊᑎᖓᓗ ᑭᖑᕚᕇᓂᑦ ᐲᕐᑕᐅᓕ.

ᐂᓮᐊᓯᐅᑉ ᐊᒡᓚᖏᑦ 14:21

ᑐᖁᕅᓂᖅ ᐃᕐᓂᖏᓐᓂᑦ ᐸᕐᓇᐅᑕᐅᓕᕐᓕ ᓯᕗᓕᖏᑕ ᐸᓯᔭᒃᓴᐅᓂᕐᖏᑦ ᐱᑦᔪᑎᒋᓗᒋᑦ, ᑖᒃᑯᐊ ᒪᑭᓪᓗᑎᒃ ᓄᓇᕐᔪᐊᕐᒥᒃ ᓇᖕᒥᓂᕐᑖᖁᓇᒋᑦ, ᓄᓇᕐᔪᐊᖅ ᐃᒡᓗᒐᓴᒡᔪᐊᓕᐊᖏᓐᓄᑦ ᑕᑕᑕᐅᖁᓇᒍ.”

ᐂᓮᐊᓯᐅᑉ ᐊᒡᓚᖏᑦ 17:13

ᐃᓄᒋᐊᒃᑐᕐᔪᐊᑦ ᓂᓪᓕᐊᔪᕐᔪᐊᖑᓕᕐᐳᑦ ᐃᒪᕐᔪᐃᑦ ᓂᐱᕐᔪᐊᖏᑎᑐᑦ, ᑖᑦᓱᒪᓕ ᐃᓂᕐᑎᕈᒫᕐᐰᑦ, ᕿᒫᓕᕈᒫᕐᐳᑦ ᐅᖓᓯᒃᑐᒧᑦ, ᓂᐊᖂᔭᒃᓴᐅᑉ ᓄᕗᖏᑕ ᐴᖓᑐᑦ ᐃᓗᓕᖃᖏᑦᑐᑐᑦ ᖃᖅᑲᐅᑉ ᖄᖏᑎᒍᑦ ᑎᒃᑕᐅᔪᑎᑐᑦ ᐊᓄᕆᒧᑦ, ᐃᕕᒐᕐᑎᑐᓪᓗ ᐅᓚᓗᔨᕋᕐᑐᒧᑦ ᖃᖓᑕᕋᕐᑎᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 27:8

ᐊᑕᓂᐅᑉ ᐃᓄᖁᑎᓂ ᓱᒋᐊᓚᐅᕐᒪᒋᑦ ᐊᐅᓪᓚᕈᑦᔭᐅᑎᓪᓗᒋᑦ ᓄᓇᒋᔭᖓᓐᓂᑦ. ᐊᐅᓪᓚᕈᑎᓚᐅᕐᐰᑦ ᐊᓄᕆᕐᔪᐊᕐᒥᒃ ᐊᓄᕌᕐᑎᑦᓯᓪᓗᓂ ᓯᕿᓂᐅᑉ ᓄᐃᕕᐊᑕ ᓇᓛᓂᓐᖔᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 41:16

ᓴᓃᔭᕈᒫᕐᐸᓯ ᖁᒻᒧᐊᒃᑎᑐᐊᕈᑦᓯᐅᒃ ᐊᓄᕆᒧᑦ ᑎᒃᑕᐅᕙᒡᓗᑎᒃ, ᐊᖅᑯᓇᕐᒧᑦ ᐊᓄᕆᕐᔪᐊᒧᑦ ᓯᐊᒻᒪᕐᑎᑕᐅᔪᒫᕐᐳᑦ; ᐊᑕᓂᕐᒥᒡᓕ ᖁᕕᐊᓲᑎᖃᕈᒫᕐᐳᑎᑦ; ᓂᕐᑐᐃᓗᑎᓪᓗ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 20:5

ᐊᑭᕋᑦᓯᓐᓄᑦ ᐊᔪᕐᓴᖏᑦᔪᑎᓯ ᐱᑖᕆᔭᐅᔪᒫᕐᐳᑦ, ᓴᖅᑭᑎᑕᕕᓂᖏᓪᓗ ᑲᑎᕐᓱᐊᖏᓪᓗ ᐱᒃᑯᒥᓇᕐᑐᑦ ᔫᑕᒥᐅᑦ ᐊᖓᔪᖅᑳᕐᔪᐊᖏᑕ ᐱᕕᓂᖏᑦ, ᓇᒡᕚᕐᑖᕆᓗᓂᑦᔪᒃ ᐊᖏᕐᕋᐅᑎᔪᒫᕐᐰᑦ ᐹᐱᓘᓂᒧᑦ.

ᔨᕆᒤᐊᐅᑉ ᐊᒡᓚᖏᑦ 4:11

ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒥᐅᑦ ᐃᓄᖏᑦ ᐅᖃᐅᑎᔭᐅᔪᒫᕐᐳᑦ, ᐊᓄᕆᒥᒃ ᐆᓇᕐᑐᒥᑦ ᕾᔪᖃᕐᓂᕋᕐᑕᐅᓗᓂ ᐃᓄᖃᖏᑦᑐᒥᑦ ᓯᐅᕅᓐᓇᕐᒥᑦ ᐱᔪᒥᒃ, ᓴᓃᔧᔭᕐᑐᑐᐃᓐᓇᖏᑦᑐᒥᒃ ᓴᓗᒻᒪᕐᓮᔭᕐᑐᑐᐃᓐᓇᖏᑦᑐᒥᒡᓗ.

ᔨᕆᒤᐊᐅᑉ ᐊᒡᓚᖏᑦ 4:12

ᐊᓄᕆᑦᑕᐅᖅ ᑕᒪᑐᒪᓐᖓᑦ ᓴᓐᖏᓂᕐᓴᐅᔪᖅ ᐊᑕᓂᕐᒥᑦ ᐱᔪᒫᕐᒪᑦ! ᐃᖅᑲᕐᑐᐃᓂᖓ ᑐᑭᓯᑦᔪᑕᐅᔪᒃᓴᐅᕗᖅ ᐃᓄᖁᑎᖏᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 51:1

ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ ᐊᓯᕈᐃᔨᐅᑉ ᐱᔪᓐᓇᕐᓂᖓ ᐊᐅᓚᑦᔭᒃᑎᓐᓂᐊᕐᐸᕋ ᐹᐱᓘᓂᒥᐅᓄᑦ ᓕᐸ ᑲᒤᒥᐅᓪᓗ ᐃᓄᖏᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 51:36

ᑍᒤᒻᒪᑦ, ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᓴᐳᑎᓂᐊᕐᐸᑦᓯ ᓯᕐᓈᕐᓗᖓ ᐊᑭᒋᐊᕈᑎᓂᐊᕐᐸᑦᓯ; ᑕᕆᐅᖁᑎᖏᑦ ᐃᒤᕈᑎᑎᓐᓂᐊᕐᐸᒃᑲ, ᓄᓇᒥᓪᓗ ᑰᒃᑐᖁᑎᖏᑦ ᓴᓗᐊᕐᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 17:10

ᑕᑯᒋᑦ, ᐱᕈᕐᕕᖓᑕ ᐊᓯᐊᓄᑦ ᐱᕈᕐᓯᐊᕆᔭᐅᓕᕈᓂ, ᐱᕈᕐᐸᓪᓕᐊᖏᓐᓇᕋᔭᕐᐹ? ᓯᕿᓂᐅᑉ ᓄᐃᕕᐊᓂᑦ ᐊᓄᕌᕐᕕᐅᓕᕈᓂ ᑐᖁᓕᒐᔭᓐᖏᓛᖅ? ᐱᕈᕐᕕᒋᔭᖓᑕ ᑐᓐᖓᕕᖏᑎᒍᑦ ᑐᖁᓕᒐᔭᓐᖏᓛᖅ?”

ᐃᓯᑭᐊᓕᐅᑉ ᐊᒡᓚᖏᑦ 19:12

ᓂᓐᖓᐅᒪᔪᓄᓪᓕ ᓄᓱᒃᑕᐅᓪᓗᓂ ᐅᕐᕈᑎᑕᐅᕗᖅ ᒪᓂᖅᑲᒧᑦ; ᐆᓇᕐᑐᒥᒃ ᓯᕿᓂᐅᑉ ᓄᐊᕕᐊᓂᑦ ᐊᓄᕌᓕᕐᒪᑦ ᐸᓂᕐᐳᖅ; ᐸᐅᕐᖓᖏᑦ ᐲᔭᕐᑕᐅᓪᓗᑎᒃ, ᓇᑲᖓᓗ ᓯᓕᖕᓂᕐᐹᖅ ᑐᖁᓕᕗᖅ; ᐃᑯᒪᒧᓪᓗ ᓄᖑᑕᐅᓪᓗᓂ.

ᑖᓂᐊᓕᐅᑉ ᐊᒡᓚᖏᑦ 11:8

ᑖᑦᓱᒪ ᑎᒍᔪᒫᕐᐰᑦ ᒎᑎᓐᖑᐊᖏᑦ, ᐃᓄᓐᖑᐊᑦ ᓴᕕᕋᔧᑦ ᐱᖁᑎᖏᓪᓗ ᐊᑭᑐᔪᑦ ᓯᐅᓪᕕᕇᑦ, ᒎᓗᐃᓪᓗ ᐊᐅᓪᓚᕈᑎᓗᒋᑦ ᐄᑦᔨᑉᑎᒧᑦ, ᐊᕐᕌᒍᓂᒡᓗ ᐅᓄᕐᑐᓂᒃ ᐊᖓᔪᖅᑳᕐᔪᐊᖅ ᐅᓐᓄᐊᑉ ᓇᓛᓃᑦᑐᖅ ᑲᒪᒋᓐᖏᑬᓐᓇᕈᒫᕐᐹ.

ᕼᐆᓯᐊᑉ ᐊᒡᓚᖏᑦ 10:1

ᐃᓴᕆᐊᓕ ᓯᐊᒻᒪᖓᑦᓯᐊᕐᑑᓪᓗᓂ ᕔᓂᓕᒃᓴᐅᕗᖅ; ᐱᕈᕐᑎᑦᓯᒐᒥ ᐃᒻᒥᓄᑐᐊᖅ ᐊᑐᕐᐳᖅ. ᐱᕈᕐᑐᖏᑦ ᐅᓄᕐᓯᕙᓪᓕᐊᖕᒪᑕ ᑐᓂᕐᕈᓯᕐᕕᓕᐅᕐᐸᓪᓕᐊᕗᖅ ᐅᓄᕐᑐᓂᒃ; ᓄᓇᖓᓗ ᐊᔪᕐᓴᕈᓐᓁᕐᐸᓪᓕᐊᖕᒪᑦ, ᓇᐸᔪᓂᒃ ᒎᑎᓐᖑᐊᓂᒃ ᐋᖅᑭᒃᓱᐃᕙᓪᓕᐊᕗᖅ.

ᕼᐆᓯᐊᑉ ᐊᒡᓚᖏᑦ 2:3

ᑐᓴᖏᑉᐸᑦ, ᐊᓐᓄᕅᔭᕐᓂᐊᕐᐸᕋ ᐊᓐᓄᕌᖃᕈᓐᓁᖁᓪᓗᒍ ᐃᓅᓕᓵᕐᓂᕆᓚᐅᕐᑕᒥᑐᑦ, ᐸᓂᕐᑎᓐᓂᐊᕐᐸᕋ ᓄᓇᑐᑦ ᓱᓇᖃᖏᑦᑐᑎᑐᑦ, ᐃᒥᕈᓕᕐᑎᓐᓂᐊᕐᐸᕋᓗ ᓄᓇᑐᑦ ᐸᓂᕐᑐᑐᑦ, ᑐᖁᓂᐊᕐᐳᕐᓗ ᖀᓪᓗᓂ.

ᕼᐆᓯᐊᑉ ᐊᒡᓚᖏᑦ 4:19

ᐊᐅᓪᓚᐅᑦᔭᐅᕗᑦ ᐊᓄᕆᒧᑦ ᐅᓕᒃᑕᐅᓪᓗᑎᒃ, ᑲᓐᖑᓲᑎᖃᓕᕈᒫᕐᐳᑦ ᑐᓂᕐᕈᓯᖃᑦᑕᓚᐅᕐᓂᕐᒥᖕᓂᒃ ᒎᑎᓐᖑᐊᓄᑦ.”

ᕼᐆᓯᐊᑉ ᐊᒡᓚᖏᑦ 9:11

ᐃᕗᕅᑎᒥᐅᓪᓕ ᐱᓐᓇᕐᓇᕐᓂᖓ ᑎᖏᔪᒫᕐᐳᖅ ᑎᖕᒥᐊᑎᑐᑦ ᐃᕐᓂᐊᖑᔪᖃᕋᓂ, ᓯᖎᔪᖃᕋᓂ, ᕿᑐᕐᖓᒃᓴᕐᑖᕐᑐᖃᕋᓂᓗ.

ᔫᓇᐅᑉ ᐊᒡᓚᖏᑦ 4:8

ᓯᕿᓂᐅᓪᓗ ᓄᐃᓂᖓᓂᑦ ᒎᑎᐅᑉ ᐊᑐᐃᓐᓇᕈᕐᐹ ᐊᓄᕆ ᐆᓇᕐᑐᖅ ᓯᕿᓂᐅᑉ ᓄᐃᕕᖓᑕ ᓇᓛᓂᑦ, ᓯᕿᓂᕐᓗ ᔫᓇᐅᑉ ᓂᐊᖁᐊᓄᑦ ᐊᑭᖕᒥᒃᐳᖅ, ᔫᓇᓗ ᓄᑭᖃᕈᓐᓁᑲᓴᓕᕐᐳᖅ ᑕᒪᑐᒧᖓ ᐊᑭᖕᒥᒃᑐᒧᑦ. ᕿᓚᓈᕐᐳᕐᓗ ᑐᖁᔪᒪᓪᓗᓂ, ᑐᒃᓯᐊᕐᐳᕐᓗ, ᐅᖃᕐᓗᓂ: “ᑐᖁᑐᐃᓐᓇᕈᒪ ᐱᐅᓂᕐᓴᐅᓕᕐᐳᖅ ᐃᓅᒐᔭᕐᓂᓐᓂᑦ.”

ᓇᕼᐅᒥᐅᑉ ᐊᒡᓚᖏᑦ 2:9

ᓯᐅᓪᕕᕆᓂᒃ ᓇᒡᕚᕐᑕᓕᕆᑦᓯ, ᒎᓗᓂᒃ ᓇᒡᕚᕐᑕᓕᕆᑦᓯ! ᐱᓐᓇᕐᓇᕐᑐᑦ ᓇᓂᑐᐃᓐᓈᕐᐳᑦ, ᐊᔪᕐᓴᖏᑦᔪᑎᒃᓴᑦ ᐱᐅᔫᑎᐊᓗᐃᑦ ᓇᓂᑐᐃᓐᓈᓕᕐᐳᑦ.

ᒨᓯᓯ ᑕᓪᓕᒪᖏᑦ 33:17

ᐃᕐᓂᐊᖑᖅᑳᕐᑐᖅ ᐊᖑᓴᓪᓗᖅ ᐆᒪᔪᖁᑎᖏᓐᓂ ᐱᔪᓐᓇᕐᓂᖃᕐᐳᖅ, ᓇᒡᔪᖃᕐᓗᓂᓗ ᐃᒻᒧᒃᓯᐅᒐᐅᑉ ᓄᔪᐊᕐᑑᑉ ᐊᖑᓴᓪᓗᖓᑎᑐᑦ; ᑖᑦᓱᒪ ᓇᒡᔪᖕᒥᒃᐰᑦ ᐃᓄᒐᓮᑦ ᐊᔭᒡᓗᒋᑦ, ᐃᓘᓐᓇᑦᓯᐊᑎᒃ ᓯᓚᕐᔪᐊᑉ ᐃᓱᐊᓄᑦ ᑎᑭᓪᓗᒋᑦ. ᑍᒤᑦᑑᕗᑦ ᐃᕗᕅᒥᐅᑉ ᑭᖑᕚᖏᑦ 10,000 ᐅᖓᑖᓃᑦᑐᑦ, ᑍᒤᒃᑭᓪᓗᑎᒡᓗ ᒫᓇᓯᐅᑉ ᑭᖑᕚᖏᑦ 10,000 ᐅᖓᑖᓃᑦᑐᑦ.”