ᕼᐆᓯᐊᑉ ᐊᒡᓚᖏᑦ 12:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ “ᑬᓇᓂᒥᐅᑦ ᓯᓔᕐᕆᒃᓯᔨᐅᕗᑦ, ᓱᓕᖏᑦᑐᓂᒃ ᐅᖁᒤᓐᓂᕐᓯᐅᑎᓂᒃ ᑎᒍᒥᐊᕐᐳᑦ, ᕿᒃᓵᒃᑎᑦᓯᔭᕆᐊᒃᓴᖅ ᖁᕕᐊᓱᒃᐳᑦ.

ᕼᐆᓯᐊᑉ ᐊᒡᓚᖏᑦ 12:7 Iomraidhean Croise

ᒨᓯᓯ ᓯᕗᓪᓖᑦ 49:18

ᐊᑕᓃᖅ, ᐱᐅᓕᒃᓯᓃᑦ ᐅᑕᖅᑭᕙᕋ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:1

ᓴᒡᓗᕿᑦᓯᓪᓗᑎᒃ ᐅᖁᒤᓐᓂᓂᐊᕈᑎᑎᒍᑦ ᐊᑭᓕᕐᑐᐃᔪᑦ ᐊᑕᓂᐅᑉ ᓇᕐᕈᒋᕔᑦ, ᓱᓕᓪᓗᑎᒡᓕ ᐅᖁᒤᓐᓂᕐᓯᐅᑎᓂᒃ ᐊᑐᕐᑐᑦ ᐊᑕᓂᐅᑉ ᖁᕕᐊᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:11

ᐅᖁᒤᓐᓂᕐᓯᐅᑏᑦ ᐆᒃᑐᕋᐅᑎᓪᓗ ᐊᑦᔨᒌᒃᑎᑦᓯᔪᑦ ᐊᑕᓂᕐᒥᑦ ᐱᕗᑦ; ᐴᕐᒧᑦ ᐴᕐᓯᒪᔪᑦ ᐅᖁᒤᓐᓂᖏᑦ ᑖᑦᓱᒪ ᐱᓂᐊᕐᓂᖓᓄᑦ ᐃᓕᖓᕗᑦ.

ᐂᓮᐊᓯᐅᑉ ᐊᒡᓚᖏᑦ 3:5

ᐃᓄᐃᑦ ᐃᒻᒥᖕᓄᑦ ᐅᖁᒤᒃᓴᕐᑎᖃᑦᑕᐅᑎᔪᒫᕐᐳᑦ, ᐊᑐᓂᑦ ᐃᓅᖃᑎᒥᖕᓄᑦ, ᓄᓇᖃᑎᒥᖕᓄᓪᓗ; ᐃᓅᓱᒃᑐᐃᑦ ᐅᐱᒍᓱᒍᓐᓃᕈᒫᕐᐳᑦ ᐃᓄᑐᖃᕐᓂᒃ, ᓱᓇᐅᒃᓴᕈᓐᓃᕐᓗᑎᒡᓗ ᐅᐱᒋᔭᐅᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 56:1

ᐃᒫᒃ ᐊᑕᓂᖅ ᐅᖃᕐᐳᖅ: “ᐊᑦᔨᒌᒃᑎᑦᓯᓂᖅ ᐊᑐᕐᑕᐅᓕ, ᓇᓛᒎᕐᑐᒥᒡᓗ ᐱᓇᓱᐊᕐᓗᓯ, ᐱᐅᓕᒃᓯᓂᒃᓴᕋ ᖃᓂᑦᑑᓕᕐᒪᑦ, ᓴᐳᑦᔨᓂᕋᓗ ᓴᖅᑭᑎᓐᓂᐊᓕᕋᒃᑯ.

ᐃᓯᑭᐊᓕᐅᑉ ᐊᒡᓚᖏᑦ 16:3

ᐅᖃᐅᑎᓗᒋᓪᓗ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᔨᕉᓴᓕᒧᑦ: ᐱᒋᐊᕐᕕᖃᕐᐳᑎᑦ ᐃᓅᓕᕐᓯᒪᓪᓗᑎᓪᓗ ᑬᓇᓂᐅᑉ ᓄᓇᖓᓂ; ᐊᑖᑍᑦ ᐊᒧᕅᑎᐅᖕᒪᑦ, ᐊᓈᓁᓪᓗ ᕼᐃᑍᑎᒥᐅᑕᐅᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 22:29

ᑕᒫᓂ ᓄᓇᓖᑦ ᓯᕘᕋᓵᕆᓂᒃᑯᑦ ᑮᓇᐅᔭᕐᑖᕐᐸᒃᐳᑦ ᑎᒡᓕᒐᖃᑦᑕᕐᓗᑎᒡᓗ, ᐊᒃᓗᔪᓂᒃ ᐃᑲᔪᕐᑕᐅᔭᕆᐊᓕᖕᓂᒡᓗ ᓱᒃᑯᔨᐊᖃᕐᐸᒃᐳᑦ, ᓄᓇᓕᑐᖃᐅᖏᑦᑐᓂᒡᓗ ᑮᓇᐅᔧᕐᑎᑦᓯᕙᒃᐳᑦ ᓈᒻᒪᓈᕐᑐᒥᒃ ᐱᓂᐊᕐᕕᒋᓇᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 28:5

ᓯᓚᑐᓂᕐᓄᑦ ᑕᐅᕐᓰᔪᓐᓇᕐᓂᕐᓄᓪᓗ ᐊᔪᕐᓴᕈᓐᓃᕐᑎᓯᒪᒐᕕᑦ, ᐆᒻᒪᑎᒃᑯᓪᓗ ᐱᐅᔪᕆᑦᔪᑎᒋᓕᕐᐸᑦ ᐊᔪᕐᓴᖏᓐᓃᑦ.

ᕼᐆᓯᐊᑉ ᐊᒡᓚᖏᑦ 14:2

ᐅᖃᐅᓯᕐᓂᒃ ᑎᒍᓯᓕᕆᑦ ᐅᑎᕐᓗᑎᓪᓗ ᐊᑕᓂᕐᒧᑦ, ᐅᖃᐅᑎᓗᒍᓗ, “ᐱᐅᖏᑦᑐᓕᓂᓕᒫᑦ ᐲᔭᒃᑭᑦ; ᐱᐅᔪᑦ ᐃᓚᓕᐅᕐᓗᒋᑦ ᓮᒻᒪᕐᑎᑎᒍᑦ ᑕᕝᕙ ᑐᓂᓯᓂᐊᕐᐳᒍᑦ ᖃᓂᑦᑕ ᐱᕈᕐᑎᑕᖏᓐᓂᒃ.

ᔪᐃᓕᐅᑉ ᐊᒡᓚᖏᑦ 2:12

ᐊᑕᓂᖅ ᐅᖃᕐᐳᖅ, “ᒫᓐᓇ ᑍᒤᒻᒪᑦ, ᐃᓗᖏᕐᑐᕐᓗᓯ ᐅᕙᓐᓄᑦ ᐅᑎᓕᕆᑦᓯ, ᓂᕆᑦᑍᓕᓗᓯ, ᕿᐊᓗᓯ, ᕿᒃᓵᒡᓗᓯᓗ.”

ᐂᒨᓯᐅᑉ ᐊᒡᓚᖏᑦ 2:7

ᑐᓪᓕᕋᕐᒪᑕ ᐊᔪᕐᓴᕐᑐᑦ ᓂᐊᖁᖏᓐᓂᒃ ᒪᓂᖅᑲᒥᒃ ᑐᓪᓕᕋᕐᑐᑎᑐᑦ, ᓵᓚᐅᓯᒪᔪᓪᓗ ᐱᑦᓯᐊᕐᓇᒋᑦ ᐊᒡᕖᕐᑎᓚᐅᕐᒪᒋᑦ; ᐊᑖᑕᒌᓪᓗ ᐊᕐᓇᒥᒃ ᑖᑦᓱᒥᖓᑦᓮᓐᓇᖅ ᐱᖃᑎᖃᖃᑦᑕᓚᐅᕐᒪᑕ, ᑕᒪᑐᒧᖓ ᐊᑎᕋ ᐃᑦᔪᕐᓁᑦᑐᖅ ᐃᑦᔪᕐᓇᕐᓯᑎᕐᑕᐅᕗᖅ.

ᐂᒨᓯᐅᑉ ᐊᒡᓚᖏᑦ 3:9

ᐅᖃᕆᐊᕐᑐᕆᑦ ᕿᒫᕕᖕᓄᑦ ᐋᔅᑖᑦᒧᑦ, ᐄᑦᔨᑉᑎᐅᓪᓗ ᕿᒫᕕᖏᓐᓄᑦ, ᐃᒫᒃ ᐅᖃᕐᓗᑎᑦ, “ᑲᑎᓕᕆᑦᓯ ᓴᒥᐊᕆᐊᑉ ᖃᖅᑲᖓᓄᑦ; ᑕᑯᓕᕆᑦᓯᓗ ᑕᕝᕙᓂ ᐅᐃᒪᔮᕐᑐᓂᒃ, ᐱᑦᓯᐊᕐᑕᐅᖏᑦᑐᓂᒡᓗ ᐃᓄᖕᓂᒃ.

ᐂᒨᓯᐅᑉ ᐊᒡᓚᖏᑦ 4:1

ᓈᓚᒋᑦᓯ ᐃᓕᑦᓯ ᐊᕐᓁᑦ ᖃᖅᑲᒥ ᓴᒥᐊᕆᐊᒥ ᐃᓂᖃᕐᑐᓯ, ᐹᓴᓂᒥᐅᑦ ᐃᒻᒧᒃᓯᐅᒐᖁᑎᖏᑎᑐᑦ ᖁᐃᓂᔪᑎᑐᑦ ᑍᒤᑦᑐᓯ, ᐊᒃᓱᕈᕐᑎᑦᓯᔪᓯ ᐊᔪᕐᓴᕐᑐᓂᒃ, ᓱᓇᐅᔪᓐᓁᕐᑎᑦᓯᔪᓯᓗ ᐃᑲᔪᕐᑕᐅᔭᕆᐊᓕᖕᓂᒃ, ᐅᐃᑦᓯᓐᓄᑦ ᐅᖃᕋᑦᓯ, “ᕔᓂᒥᒃ ᐂᑦᑐᕐᑎᒍᑦ ᐃᒥᕐᓂᐊᕋᑕ!”

ᐂᒨᓯᐅᑉ ᐊᒡᓚᖏᑦ 5:11

ᐊᔪᕐᓴᕐᑐᓂᒃ ᑐᓪᓕᕌᕋᑦᓯ ᐊᕐᓵᕋᑦᓯᐅᓪᓗ ᓂᐊᖂᔭᒃᓴᖏᓐᓂᒃ, ᑍᒫᒃᑕᐅᖅ, ᐃᒡᓗᕐᔪᐊᓕᐅᕐᓯᒪᒐᓗᐊᕐᑐᓯ ᐅᔭᕋᖕᓄᑦ ᓴᓇᔭᐅᓯᒪᔪᓄᑦ ᐃᓂᒋᓂᐊᓐᖏᓚᓯᓕ, ᐱᐅᔪᐊᓗᖕᓂᒡᓗ ᕔᓂᒃᓴᓂᒃ ᐱᕈᕐᓰᕕᓕᐅᕐᓯᒪᒐᓗᐊᕐᑐᓯ, ᐃᒥᕐᕕᒋᓂᐊᓐᖏᓚᓯᓕ.

ᒤᑲᐅᑉ ᐊᒡᓚᖏᑦ 2:1

ᑲᑉᐱᐊᓐᓇᒦᒃ ᐱᐅᖏᑦᑐᓂᒃ ᐃᓱᒪᒃᓴᕐᓯᐅᕈᑎᖃᕐᑐᑦ, ᐱᐅᖏᑦᑐᒥᒡᓗ ᐅᐸᓗᖎᔭᐅᑎᖃᕐᑐᑦ ᐅᓐᓄᐊᒃᑯᑦ ᐃᒡᓕᕐᒥᖕᓂ! ᐅᓪᓛᖓᓂᓗ ᐱᐅᖏᑦᑐᓂᒃ ᑲᔪᓯᑎᑦᓯᔪᑦ, ᑍᒤᓕᐅᕐᐳᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᓯᒪᒐᒥᒃ.

ᒤᑲᐅᑉ ᐊᒡᓚᖏᑦ 7:2

ᐅᒃᐱᕐᓇᑦᓯᐊᕐᑐᑦ ᐊᓯᐅᓯᒪᖕᒪᑕ ᓄᓇᕐᔪᐊᕐᒥᑦ, ᐃᓄᖕᓂᓗ ᐃᓱᐊᕐᑐᖃᕈᓐᓁᕐᐳᖅ; ᐃᓄᓕᒫᑦ ᐅᑕᖅᑭᐅᕐᐳᑦ ᑐᖁᑦᓯᔪᒪᓪᓗᑎᒃ; ᐃᓘᓐᓇᑎᒡᓗ ᖃᑕᓐᖑᑎᒥᖕᓂᒃ ᕿᓂᕐᐳᑦ ᓄᓗᐊᕐᑎᑦᓯᔪᒪᓪᓗᑎᒃ.

ᓴᑲᕅᐊᐅᑉ ᐊᒡᓚᖏᑦ 14:21

ᖃᑦᑍᑦ ᓂᕿᓕᐅᕈᑎᓕᒫᑦ ᔨᕉᓴᓕᒥ ᔫᑕᒥᓗ ᐃᑦᔪᕐᓁᑦᑑᔪᒫᕐᐳᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓄᑦ, ᑐᓂᕐᕈᓯᕆᐊᕐᑐᕐᑐᓕᒫᑦ ᖃᑦᑕᕐᓂᑦ ᑖᒃᑯᓇᓂ ᓂᕿᓕᐅᕈᒫᕐᐳᑦ, ᐅᓪᓗᓂ ᑍᒃᑯᓇᓂ ᓂᐅᕕᕋᓱᐊᕐᑐᖃᕈᓐᓁᕈᒫᕐᐳᖅ ᐊᑕᓂᐅᑉ ᐃᒡᓗᖓᓂ.

ᓴᑲᕅᐊᐅᑉ ᐊᒡᓚᖏᑦ 5:8

ᐂᓐᖏᓕᐅᑉ ᐅᖃᐅᑎᕚᖓ, “ᑖᓐᓇ ᑕᕝᕙ ᐱᐅᖏᑦᑐᓕᓂᕐᔪᐊᖅ.” ᐂᓐᖏᓕᐅᑉ ᐃᓗᐊᓄᑦ ᐊᒡᔭᕐᓗᒍ ᐃᕕᐅᔭᖅ ᒪᑐᕚ.

ᓴᑲᕅᐊᐅᑉ ᐊᒡᓚᖏᑦ 7:9

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: ᓱᓕᑦᓯᐊᕐᑐᒥᒃ ᐃᖅᑲᕐᑐᐃᒋᑦᓯ; ᐱᑦᓯᐊᖃᑦᑕᐅᑎᓗᓯ ᓇᒡᓕᒋᖃᑦᑕᐅᑎᓗᓯᓗ ᐃᓕᑦᓯᓐᓄᑦ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᔪᐊᓇᓯᐅᑉ ᐊᒡᓚᖏᑦ 2:16

ᐊᕿᒡᒋᐅᔭᓂᒡᓗ ᓂᐅᕐᕈᑎᓖᑦ ᐅᖃᐅᑎᕔᑦ, “ᐅᑯᐊ ᑕᕝᕙᓐᖓᑦ ᐊᓂᑎᓚᐅᕐᓯᐅᒃ; ᐊᑖᑕᒪ ᐃᒡᓗᖓ ᓂᐅᕕᕐᕕᐅᑎᑕᒃᓴᕆᓐᖏᓚᓯ.”

ᔧᒥᓯᐅᑉ ᐊᒡᓚᖏᑦ 5:4

ᑕᑯᒋᑦ, ᐱᓇᓱᐊᕐᑐᑦ ᐱᕈᕐᓰᕕᖁᑎᑦᓯᓐᓂ ᐱᕈᕐᑐᓂᒃ ᓇᑲᑎᕆᔪᑦ ᐊᑭᓕᓚᐅᓐᖏᓚᓯ ᑮᓇᐅᔭᒃᓴᖏᓐᓂᒃ, ᓯᓔᕐᕆᒃᓯᓂᒃᑯᑦ, ᓈᒻᒪᒃᓴᕈᓐᓃᕐᓗᑎᒃ ᓂᓪᓕᐊᓂᖏᑦ ᑐᓴᓕᕐᓯᐅᒃ; ᐱᕈᕐᓰᕕᖁᑎᑦᓯᓐᓂ ᓇᑲᑎᕆᔪᑦ ᓂᓪᓕᐊᓂᖏᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑐᓵᓕᕐᐰᑦ.

ᓴᒧᐃᓕ ᓯᕗᓪᓖᑦ 12:3

ᒫᓐᓇ ᑕᒫᓃᑉᐳᖓ; ᑕᒻᒪᓚᐅᕈᒪ ᐸᓯᔭᐅᓕᕐᓚᖓ ᐊᑕᓂᐅᑉ ᓵᖓᓂ ᐅᕐᓱᕐᑎᓚᐅᕐᑕᖓᑕᓗ ᓵᖓᓂ. ᑎᒍᓯᓚᐅᐳᖔ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ? ᓯᐅᑎᖅᑯᕐᑐᔪᒥᒡᓘᓐᓃᑦ ᐱᒋᔭᐅᔪᒥᒃ? ᑭᓇᑐᐃᓐᓇᒥᑦ ᐊᑭᓕᕐᑕᐅᓗᖓ ᓴᒡᓗᓂᒃᑯᑦ ᐱᓇᓱᐊᓚᐅᕐᐳᖔ? ᓇᓪᓕᐊᓐᓂᒃ ᐅᑯᒤᒃᓴᕐᑎᑦᓯᓚᐅᕐᐳᖔ? ᑕᒪᒃᑯᓂᖓ ᐱᓇᓱᐊᓚᐅᕈᒪ ᑎᒍᓯᓚᐅᕈᒪᓘᓐᓃᑦ ᐃᓕᑦᓯᓐᓄᑦ ᐅᑎᕐᑎᑦᓱᒪᕙᒃᑲ.”