ᕼᐆᓯᐊᑉ ᐊᒡᓚᖏᑦ 12:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᓛᒃ, ᐹᖃᑎᖃᓚᐅᕐᐳᖅ ᐂᖏᓕᒥᒃ ᓵᓚᖃᕐᓗᓂᓗ, ᖁᕝᕕᐅᕐᓗᓂ ᖁᕕᐊᒋᔭᐅᔪᒪᓕᓚᐅᕐᐳᖅ ᑖᑦᓱᒧᖓ. ᐱᑎᓕᒥ ᒎᑎᒥᒃ ᖃᐅᔨᓚᐅᕐᐳᖅ, ᑍᑲᓂᓗ ᒎᑎᐅᑉ ᐅᖃᕐᕕᒋᓚᐅᕐᐹ;

ᕼᐆᓯᐊᑉ ᐊᒡᓚᖏᑦ 12:4 Iomraidhean Croise

ᒨᓯᓯ ᓯᕗᓪᓖᑦ 25:26

ᑭᖑᓪᓕᐅᓪᓗᓂ ᐊᓂᔪᖅ, ᑎᒍᒥᐊᓚᐅᕐᐳᖅ ᐄᓴᐅᑉ ᑭᖕᒥᐊᓂᒃ; ᐊᑎᖃᕐᑎᑕᐅᕗᕐᓗ ᔧᑯᒥᒃ. ᐂᓴᑭᓗ ᐊᕐᕌᒍᖃᓕᓚᐅᕐᐳᖅ 60ᓂᒃ ᐃᕐᓂᖏᒃ ᐃᓅᓕᕐᑎᓪᓗᒋᒃ.

ᒨᓯᓯ ᓯᕗᓪᓖᑦ 32:24

ᔧᑯᓕ ᕿᒪᒃᑕᐅᓪᓗᓂ, ᐃᓄᑑᓕᓚᐅᕐᐳᖅ. ᑕᕝᕙ ᐊᖑᒻᒥᒃ ᐅᓇᑕᖃᑎᖃᓕᕐᐳᖅ, ᖃᐅᓕᕐᓂᖓᓄᑦ ᑎᑭᓪᓗᒍ.

ᒨᓯᓯ ᓯᕗᓪᓖᑦ 32:25

ᑖᓐᓇᓗ ᐊᖑᑦ ᖃᐅᔨᓕᕋᒥ ᓵᓚᖃᕈᓐᓇᖏᓐᓂᕐᒥᓂᒃ, ᔧᑯ ᓯᕝᕕᐊᖓᒍᑦ ᑎᒡᓗᒃᐹ; ᔧᑰᓪᓗ ᓯᕝᕕᐊᖓ ᐱᒡᓗᐃᕗᖅ ᐅᓇᑕᕐᓗᑎᒃ.

ᒨᓯᓯ ᓯᕗᓪᓖᑦ 32:26

ᐊᖑᓪᓗ ᐅᖃᕐᐳᖅ, “ᓴᒃᑯᓕᓐᖓ, ᖃᐅᒻᒪᓕᕐᒪᑦ.” ᔧᑰᓪᓗ ᑭᐅᕚ, “ᓴᒃᑯᓐᓂᐊᓐᖏᓚᒋᑦ, ᓮᒻᒪᕐᑎᓐᖏᑐᐊᕈᕕᖓ.”

ᒨᓯᓯ ᓯᕗᓪᓖᑦ 32:29

ᔧᑰᓪᓗ ᐅᖃᐅᑎᕚ, “ᐅᖃᐅᑎᓚᐅᓐᖓ ᑭᓇᐅᖕᒪᖔᕐᐱᑦ.” ᑖᑦᓱᒪᓕ ᑭᐅᕚ, “ᓱᖕᒪ ᖃᐅᔨᔪᒪᕕᑦ ᑭᓇᐅᖕᒪᖔᕐᒪ?” ᑕᕝᕙᓂᓗ ᔧᑯ ᓮᒻᒪᕐᑎᑉᐹ.

ᒨᓯᓯ ᓯᕗᓪᓖᑦ 35:15

ᑖᓐᓇᓗ ᔧᑰᑉ ᐊᑎᖃᕐᑎᑉᐹ ᐱᑎᓕᒥᒃ ᑕᕝᕙᓂ ᒎᑎᐅᑉ ᐅᖃᕐᕕᒋᓚᐅᕐᒪᒍ.

ᒨᓯᓯ ᓯᕗᓪᓖᑦ 48:15

ᔫᓯᐱᓗ ᓮᒻᒪᕐᑎᑉᐹ, ᐅᖃᕐᓗᓂ, “ᒎᑎᐅᑉ ᐊᑖᑕᒪ ᐂᑉᕋᕼᐋᒻ ᐂᓴᑭᐅᓪᓗ ᒪᓕᓚᐅᕐᑕᖓᑕ, ᑖᓐᓇ ᒎᑎ ᐰᕐᓯᔨᒋᓚᐅᕋᒃᑯ ᐃᓅᓯᓕᒫᓐᓂ ᐅᓪᓗᒥᒧᑦ ᑎᑭᓪᓗᒍ,

ᐃᓐᖏᕈᑎᑦ 66:6

ᐃᒪᕐᔪᐊᖅ ᓄᓇᓐᖑᕐᑎᓚᐅᕐᐹ ᓴᓗᐊᒪᓕᕐᓗᓂ; ᐃᓄᐃᑦ ᐱᓱᒡᓗᑎᒃ ᑰᖕᒥᒃ ᐃᑳᓚᐅᕐᐳᑦ. ᑍᑲᓂ ᖁᕕᓱᖃᑎᒌᒍᑎᒋᕙᕗᑦ ᐱᓇᓱᐊᕐᓯᒪᓂᖓ ᐱᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 63:9

ᐋᓐᓂᐊᑎᑕᐅᔭᕌᖓᑕ ᑕᒫᑦ ᐋᓐᓂᐊᖃᑕᐅᕙᓚᐅᕐᐳᖅ, ᓇᔫᑎᓂᖓᑕ ᐂᖏᓕᖓᓄᑦ ᓴᐳᑎᕙᓚᐅᕐᐰᑦ; ᓇᒡᓕᒍᓱᖕᓂᕐᒥᓄᑦ ᓂᑲᒍᓱᖕᓂᕐᒥᓄᓪᓗ ᐃᒻᒥᓄᑦ ᐅᑎᕐᑎᖃᑦᑕᓚᐅᕐᐰᑦ, ᑎᒍᓪᓗᒋᑦ ᐊᒡᔭᖃᑦᑕᓚᐅᕐᐰᑦ ᐅᓪᓗᓂ ᑍᒃᑯᓇᓂ.

ᒪᓚᑬᑉ ᐊᒡᓚᖏᑦ 3:1

“ᑕᑯᒋᑦ, ᐅᖃᕆᐊᕐᑐᕐᑎᑕᕋ ᑎᓕᕙᕋ ᑖᑦᓱᒪ ᐊᖅᑯᑎᒃᓴᕋ ᓯᕗᓂᓐᓂ ᐅᐸᓗᖎᔭᕐᓂᐊᕐᐹ, ᐊᑕᓂᖅ ᕿᓂᕐᑕᓯ ᑕᕝᕔᓐᓇᖅ ᓴᖅᑭᓐᓂᐊᕐᐳᖅ ᑐᒃᓯᐊᕐᕕᒡᔪᐊᒥᓂ; ᐊᖏᖃᑎᒌᖕᓂᐅᑉ ᐅᖃᕐᑎᖓ ᑖᓐᓇ ᖁᕕᐊᒋᔭᓯ, ᑕᑯᒋᑦ, ᑎᑭᓕᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:17

ᑕᕝᕙ ᑭᖑᕐᖓᒍᑦ ᐅᕙᒍᑦ ᐃᓅᔪᒍᑦ, ᑕᒪᓐᓇ ᓇᓪᓕᐅᑎᒃᐸᑦ, ᑍᒃᑯᐊ ᐃᓚᒋᓕᕐᓗᒋᑦ ᖁᒻᒧᐊᖃᑎᒋᔪᒫᕐᐸᕗᑦ ᓄᕗᔭᑎᒍᑦ ᐸᕐᕆᐊᓕᕐᓗᑕ ᐊᑕᓂᕐᒥᒃ ᑲᑎᓯᔭᕐᑐᓕᕐᓗᑕ ᓯᓚᒃᑯᑦ ᖁᒻᒧᐊᒡᓗᑕ; ᑕᕝᕙᓗ ᐊᑕᓂᖅ ᓇᔪᑦᓮᓐᓇᓕᕈᒫᕐᐸᕗᑦ.

ᐄᑉᕈᐃᓄᑦ 5:7

ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.