ᕼᐆᓯᐊᑉ ᐊᒡᓚᖏᑦ 12:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᑕᓂᖅ ᔫᑕᒧᑦ ᐃᖅᑲᕐᑐᐃᑦᔪᑎᒃᓴᖃᕐᐳᖅ, ᔧᑯᓗ ᓱᒋᐊᕐᓂᐊᕐᐹ ᐊᑐᕐᑕᖏᑦ ᒪᓕᒡᓗᒋᑦ, ᐊᑭᓕᕐᓂᐊᕐᐹᓗ ᐱᓂᐊᕐᓂᖏᑦ ᒪᓕᒡᓗᒋᑦ.

ᕼᐆᓯᐊᑉ ᐊᒡᓚᖏᑦ 12:2 Iomraidhean Croise

ᐊᑕᓃᑦ ᐂᑉᐸᖏᑦ 17:4

ᐊᕐᕌᒍᐃᑦ ᐃᓚᖓᓐᓂ ᕼᐆᓯᐊ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓲᒥᒃ ᐊᑎᓕᖕᒧᑦ ᐃᑲᔪᕐᑕᐅᔪᒪᑦᔪᑎᓕᐅᕐᐳᖅ ᐃᔨᕋᕐᑐᕐᓗᓂ, ᐊᓯᕆᐊᒥᐅᓄᑦ ᐊᑭᓕᕐᑐᐃᓂᕆᕙᒃᑕᓂ ᐊᕐᕌᒍᑕᒫᑦ ᓄᖅᑲᕐᑎᓪᓗᓂᐅᑉ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᓵᒪᓃᓴᐅᑉ ᑕᒪᓐᓇ ᖃᐅᔨᒐᒥᐅᒃ ᕼᐆᓯᐊ ᑎᒍᔭᐅᑎᓪᓗᒍ ᐊᓄᓪᓚᒃᓰᕕᖕᒧᑦ ᐴᕐᑕᐅᑎᑉᐹ.

ᔫᐱᐅᑉ ᐊᒡᓚᖏᑦ 15:2

“ᐃᓄᒃ ᓯᓚᑐᔪᖅ ᑭᐅᔪᓐᓇᕐᐹ ᐊᓄᕆᑎᑐᑦ ᖃᐅᔨᒪᓂᖃᕐᓗᓂ, ᐃᒻᒥᓂᒡᓗ ᐃᓗᒻᒥᕐᑎᓪᓗᓂ ᐊᓄᕆᒥᒃ ᓯᕿᓂᐅᑉ ᓄᐃᕕᐊᓂᑦ ᐱᔪᒥᒃ?

ᐃᓐᖏᕈᑎᑦ 78:36

ᑭᓯᐊᓂᓕ ᐃᓚᓐᓂᕐᓴᕐᕕᒋᕚᑦ ᖃᓂᕐᒥᖕᓄᑦ, ᐅᖃᕐᒥᖕᓄᓪᓗ ᓴᒡᓗᕝᕕᒋᓪᓗᒍ ᓱᓕᓇᑎᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:15

ᐊᓈᓇᒥᓂᑦ ᐃᕐᓂᐊᖑᓪᓗᓂ ᐊᓐᓄᕌᖃᓚᐅᖏᒻᒪᑦ, ᑍᒫᑦᓮᓐᓇᖅ ᐊᓐᓄᕌᖃᖏᓪᓗᓂ ᐅᑎᕈᒫᕆᕗᖅ; ᓱᓇᒥᒃ ᑎᒥᒥᓄᑦ ᐊᒃᓱᕈᕈᑎᕕᓂᕐᒥᓂᒃ ᓇᒃᓴᕈᒫᓐᖏᓚᖅ, ᑎᒍᒥᐊᕐᓗᒍ ᐊᐅᓪᓚᕈᑎᔭᒃᓴᖓᓂᒃ ᐱᑕᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 10:12

ᑍᒤᒻᒪᑦ ᑕᕝᕙ ᐃᒤᑦᓱᒫᕐᐳᖅ, ᐊᑕᓂᐅᑉ ᐱᓇᓱᐊᕈᒪᔭᓕᒫᓂ ᐱᔭᕇᕈᓂᒋᑦ ᓮᐅᓂᐅᑉ ᖃᖅᑲᖓᓂ ᔨᕉᓴᓕᒥᓗ, ᑕᕝᕙ ᐅᖃᕈᒫᕐᐳᖅ, “ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐱᐅᔪᕆᓪᓗᓂ ᐅᖃᓪᓚᖃᑦᑕᕐᓂᖓ ᓱᒋᐊᕈᒪᕙᕋ, ᓂᕐᑐᕐᓇᕐᑑᔪᕆᓂᖓᓗ ᐃᒻᒥᓂᒡᓗ ᖁᕝᕙᕐᑎᖃᑦᑕᕐᓂᖓ.”

ᐂᓮᐊᓯᐅᑉ ᐊᒡᓚᖏᑦ 10:6

ᐃᓅᖃᑎᒌᒡᔪᐊᓄᑦ ᑎᓕᕙᕋ ᒎᑎᖃᖏᑦᑐᓄᑦ, ᐂᖁᓪᓗᒍ ᐃᓅᖃᑎᒌᓄᑦ ᓂᓐᖓᐅᒪᕕᒋᔭᓐᓄᑦ. ᓵᓚᒋᔭᒥ ᐱᖏᓐᓂᒃ ᐱᑖᖁᓪᓗᒍ, ᐊᕐᓵᕐᓯᖁᓪᓗᒍᓗ ᓵᓚᒋᔭᒥᓂᒃ, ᑐᓪᓕᕋᖁᓪᓗᒍᓗ ᑖᒃᑯᓂᖓ ᓴᓂᕐᓗᑯᑎᑐᑦ ᐊᖅᑯᑎᒦᑦᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 24:21

ᓇᓪᓕᐅᑎᔪᒫᕐᒪᑦ ᐊᑕᓂᐅᑉ ᓱᒋᐊᕐᓯᓂᕆᔪᒫᕐᑕᖓ ᐱᔪᓐᓇᕐᓂᐅᔪᓂᒃ ᑕᑉᐹᓂ, ᓄᓇᕐᔪᐊᒥᓗ ᐊᐅᓚᑦᓯᔨᐅᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 3:11

ᑲᑉᐱᐊᓐᓇᒦᒃ ᐸᓯᔭᒃᓴᐅᔪᖅ! ᑖᓐᓇ ᐱᐅᖏᑦᑐᐊᓗᖕᒥᒃ ᓯᕗᓂᖃᕐᒪᑦ, ᐊᒡᒐᖏᑕ ᐱᓂᐊᕐᓯᒪᔭᖏᑦ ᑖᑦᓱᒧᖓ ᐊᑭᓕᐅᑕᐅᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 30:6

ᒎᑎᐅᑉ ᐅᖃᐅᓯᖃᕐᓂᖓ ᐆᒪᔪᓂᒃ ᓯᐅᕌᓗᖕᒥᐅᑕᓂᒃ ᐅᓪᓗᓪᓗᐊᑉ ᓇᓛᓂᒥᐅᓂᒃ ᓂᒋᑉᒥ, ᑎᓕᔭᐅᓯᒪᔪᑦ ᐃᖏᕐᕋᔭᕆᐊᖃᕐᐸᒃᐳᑦ ᓄᓇᑎᒍᑦ ᑲᑉᐱᐊᓇᕐᑐᖃᕐᑐᑎᒍᑦ ᓛᔭᓄᑦ ᐃᓂᒋᔭᐅᕙᒃᑐᑯᑦ, ᖁᒡᓗᒋᐊᓂᒃ ᑐᖁᓐᓇᕐᑐᓕᒃᑯᑦ, ᐆᒪᔪᕐᓗᖃᕐᑐᒃᑯᑦ ᖃᖓᑕᓲᓂᒃ, ᓯᐅᑎᖅᑯᕐᑐᔪᖁᑎᑎᒃ ᓇᖕᒪᒃᑎᑉᐸᒃᐰᑦ ᐊᑭᑐᔪᒃᓴᔭᓂᒃ, ᐱᒃᑯᒥᓇᕐᑐᓂᒡᓗ ᑳᒥᓕᖁᑎᑎᒃ ᓇᖕᒪᒃᑎᖃᑦᑕᕐᐰᑦ ᐃᓅᖃᑎᒋᒡᔪᐊᓄᑦ ᐃᑲᔪᕈᓐᓇᖏᑦᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 59:18

ᐱᓂᐊᕐᓂᕆᓯᒪᔭᖏᑦ ᒪᓕᒡᓗᒋᑦ ᐊᑭᓕᕈᒫᕐᐰᑦ, ᐊᑭᕋᕐᑐᕐᑎᓂ ᓂᓐᖓᐅᒪᓂᕐᒥᓄᑦ ᐱᓇᓱᐊᕐᕕᒋᔪᒫᕐᐰᑦ; ᐊᑭᕋᕐᑐᕐᑎᓂ ᑍᒫᓪᓗᐊᖅ ᐱᓂᐊᕐᕕᒋᓗᒋᑦ; ᐃᒪᐅᓪᓗ ᓯᓈᓂᒥᐅᑦ ᐱᓂᐊᕐᓂᖏᑦ ᒪᓕᒡᓗᒋᑦ ᐱᓇᓱᐊᕐᕕᒋᔪᒫᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 25:31

ᓂᐱᕐᔪᐊᕐᓗ ᑐᓴᕐᑕᐅᔪᒪᕐᐳᖅ ᓄᓇᐅᑉ ᑭᒡᓕᖓᓃᑦᑐᑦ ᑎᑭᓪᓗᒋᑦ ᐊᑕᓂᐅᑉ ᓈᒻᒪᒃᓴᖏᓐᓂᕐᒥᓂᒃ ᐃᓅᖃᑎᒌᒡᔪᐊᓕᒫᓄᑦ ᓴᖅᑭᑎᓐᓂᐊᕐᐹ ᐃᖅᑲᕐᑐᐃᓂᖓᓗ ᐃᓅᖃᑎᒌᓄᑦ ᓄᓇᕐᔪᐊᒥ ᑎᑭᐅᒪᓂᐊᕐᒪᑦ, ᐱᐅᖏᑦᑐᓕᔪᓪᓗ ᑐᖁᑕᐅᑎᓐᓂᐊᕐᒪᒋᑦ, ᐊᑕᓂᖅ ᐅᖃᕐᐳᖅ.’”

ᕼᐆᓯᐊᑉ ᐊᒡᓚᖏᑦ 2:13

ᓱᒋᐊᕐᓂᐊᕐᐸᕋᓗ ᓇᓪᓕᐅᓐᓂᕐᓯᐅᖃᑦᑕᕐᓂᕆᓚᐅᕐᑕᖓᓄᑦ ᐰᓕᒧᑦ ᐃᑭᑦᓯᓂᕆᖃᑦᑕᓚᐅᑕᖓᓄᓪᓗ ᐃᓯᕐᓗᐊᕐᓂᑎᑦᓯᓂᕐᒥᒃ ᑖᒃᑯᓄᖓ ᐱᐅᓴᐅᑎᓂᒡᓗ ᐊᑐᖃᑦᑕᕐᓂᕆᔭᖓ ᓇᒡᒍᐊᕐᒥᖕᓂᒡᓗ, ᐱᖃᑎᒋᕙᒃᑕᒥᓄᓪᓗ ᐅᐸᒍᑎᖃᑦᑕᓚᐅᕐᓂᖓᓄᑦ, ᐅᕙᓐᓂᒡᓗ ᐳᐃᒍᐃᓂᕆᓚᐅᕐᑕᖓᓄᑦ, ᐅᖃᕐᐳᖅ ᐊᑕᓂᖅ.”

ᕼᐆᓯᐊᑉ ᐊᒡᓚᖏᑦ 4:1

ᐊᑕᓂᐅᑉ ᐅᖃᐅᓯᖓᓂᒃ ᑐᓴᕆᑦᓯ, ᐃᓴᕆᐊᓕᒥᐅᖑᔪᓯ: “ᐊᑕᓂᖅ ᓈᒻᒪᒃᓴᖏᒻᒪᑦ ᐃᓄᖕᓂᒃ ᑕᒫᓂ ᓄᓇᖃᕐᑐᓂᒃ. ᐅᒃᐱᕐᓇᕐᑐᖃᕈᓐᓃᕐᒪᑦ ᓂᑲᒍᓱᖕᓂᖃᕈᓐᓃᕐᓗᓂᓗ, ᖃᐅᔨᒪᔪᖃᕈᓐᓃᕐᓗᓂᓗ ᒎᑎᒥᒃ ᑕᒫᓂ ᓄᓇᒥ;

ᕼᐆᓯᐊᑉ ᐊᒡᓚᖏᑦ 4:9

ᐃᓕᑦᓯᑦᑕᐅᖅ ᐊᒃᓱᕈᕐᓇᕐᑐᒃᑰᕐᓂᐊᕐᐳᓯ ᐃᓄᐃᑦ ᓱᒋᐊᕐᑕᐅᓂᖏᑎᑐᑦ ᓱᒋᐊᕐᑕᐅᓗᓯ, ᐊᑭᓕᕐᑕᐅᓂᐊᕐᐳᓯᓗ ᐊᔪᕐᑐᓕᓂᓯ ᐱᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 7:1

“ᐋᖅᑭᒍᒪᒐᓗᐊᕋᒃᑭᑦ ᐃᓴᕆᐊᓕᒥᐅᑦ, ᐱᐅᖏᑦᑐᓂᒃ ᐃᕗᕅᒥᐅᑦ ᐱᓇᓱᐊᕐᓂᖏᑦ ᓴᖅᑭᑉᐳᑦ, ᓴᒥᐊᕆᐊᒥᐅᓪᓗ ᐱᐅᖏᑦᑐᓕᓂᖏᑦ; ᓱᓕᖏᑦᑐᓂᒃ ᐋᖅᑮᖃᑎᖃᖃᑦᑕᕐᐳᑦ, ᑎᒡᓕᒃᑏᑦ ᐃᒡᓗᓄᑦ ᐃᓵᖃᑦᑕᕐᐳᑦ, ᐊᖅᑯᑎᒦᑦᑐᓂᒡᓗ ᑎᒡᓕᒐᕐᕕᖃᖃᑦᑕᕐᓗᑎᒃ.

ᕼᐆᓯᐊᑉ ᐊᒡᓚᖏᑦ 7:11

ᐃᕗᕅᒥᐅᑦ ᑑᕕᑎᑐᑦ ᓯᓔᑦᑐᑎᑐᑦ ᓇᒧᑐᐃᓐᓈᕐᑐᑎᑐᑦ ᑍᒤᑉᐳᑦ, ᐄᑦᔨᑉᑎᒧᑦ ᐃᑲᔪᕐᑕᐅᔪᒪᕗᑦ, ᑭᖑᓂᐊᒍᑦ ᐊᓯᕆᐊᒧᑦ ᐂᓪᓗᑎᒃ.

ᕼᐆᓯᐊᑉ ᐊᒡᓚᖏᑦ 7:2

ᐃᓱᒪᓚᐅᕐᓯᒪᓐᖏᓚᓪᓘᓐᓃᑦ ᐱᐅᖏᑦᑐᓕᓂᖏᓐᓂᒃ ᐃᖅᑲᐅᒪᒐᔭᕐᓂᓐᓂᒃ; ᐊᔪᕐᑐᓕᓂᕐᒥᖕᓄᑦ ᐃᓗᒪᔭᐅᓕᕐᐳᑦ, ᑮᓇᕐᒪᓗ ᓯᕗᕌᓃᑉᐳᑦ.”

ᕼᐆᓯᐊᑉ ᐊᒡᓚᖏᑦ 8:10

ᐃᓇᑦᓯᓚᐅᕋᓗᐊᕐᐳᑦ ᐃᓚᑖᕈᒪᓪᓗᑎᒃ ᐃᓅᖃᑎᒌᒡᔪᐊᓂᑦ, ᑲᑎᕐᓱᕐᓂᐊᕐᐸᒃᑲᓕ ᒫᓐᓇᑦᓴᐅᑎᒋᒃᑯᑦ. ᕿᒃᓵᒃᑎᑕᐅᑬᓐᓇᕈᒫᕐᐳᓪᓕ ᐊᖓᔪᖅᑳᕐᔪᐊᕐᒧᑦ ᑎᓕᔭᐅᓯᒪᔪᒧᑦ ᐊᖓᔪᖅᑳᖁᑎᖏᓐᓄᓪᓗ ᐅᖁᒤᒃᓴᕐᑎᑕᐅᓕᕈᑎᒃ.

ᕼᐆᓯᐊᑉ ᐊᒡᓚᖏᑦ 8:13

ᑐᓂᕐᕈᓯᕆᐊᒥᒃ ᐆᒪᔪᓂᒃ ᖁᕕᐊᒋᔭᖃᕐᐳᑦ; ᑐᓂᕐᕈᑎᕕᓃᓪᓗ ᓂᕆᕙᒡᓗᒋᑦ; ᐊᑕᓂᐅᓪᓕ ᖁᕕᐊᒋᓚᐅᓐᖏᓔᑦ. ᑕᕝᕙ ᐱᐅᖏᑦᑐᓕᓂᖏᑦ ᐃᖅᑲᓚᐅᕐᐰᑦ, ᐊᔪᕐᓂᖏᓪᓗ ᓱᒋᐊᕐᓗᒋᑦ; ᐄᑦᔨᑉᑎᒧᑦ ᐅᑎᕐᓂᐊᕐᐳᑦ.

ᕼᐆᓯᐊᑉ ᐊᒡᓚᖏᑦ 8:9

ᐊᓯᕆᐊᒧᐊᓚᐅᕐᒪᑕ, ᐱᖁᓐᓂᖏᑦᑐᑐᑦ ᓯᐅᑎᖅᑯᕐᑐᔪᑐᑦ ᐃᓄᑐᐊᑎᑐᑦ; ᐃᕗᕅᑎ ᐱᖃᑎᒃᓴᕐᓯᐅᕐᐳᖅ ᓄᓕᐊᕐᑎᓂᒃ.

ᕼᐆᓯᐊᑉ ᐊᒡᓚᖏᑦ 9:15

“ᐱᐅᖏᑦᑐᓕᓂᓕᒫᖏᑦ ᒋᐅᓪᒐᐅᓪᒦᑉᐳᑦ; ᑕᕝᕙᓃᑦᑐᑦ ᐆᒥᒋᕙᒃᑲ. ᐊᔪᕐᑐᓕᓂᖏᑦ ᐱᑦᔪᑎᒋᓪᓗᒋᑦ ᐃᒡᓗᓐᓂᑦ ᐊᓂᑎᓐᓂᐊᕐᐸᒃᑲ. ᓇᒡᓕᒋᓂᐊᕈᓐᓁᕐᐸᒃᑲ; ᐊᖓᔪᖅᑳᖁᑎᓕᒫᖏᑦ ᐊᑭᕋᕐᑐᕐᒪᑕ.

ᕼᐆᓯᐊᑉ ᐊᒡᓚᖏᑦ 9:9

ᑖᒃᑯᐊ ᐃᒻᒥᖕᓂᒃ ᐃᑎᔪᒥᒃ ᓱᒃᑯᑎᕐᓯᒪᕗᑦ ᒋᐱᐊᑉ ᐅᓪᓗᖏᓐᓂ ᐱᔪᖃᓚᐅᕐᑐᑎᑐᑦ: ᐱᐅᖏᑦᑐᓕᓂᖏᑦ ᐃᖅᑲᐅᒪᓂᐊᕐᐰᑦ, ᐊᔪᕐᓂᖏᓪᓗ ᓱᒋᐊᕈᒫᕐᐰᑦ.

ᐂᒨᓯᐅᑉ ᐊᒡᓚᖏᑦ 2:4

“ᔫᑕᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ. ᓇᕐᕈᓕᓚᐅᕐᒪᑕ ᐊᑕᓂᐅᑉ ᐱᖁᔭᖓᓂᒃ, ᒪᓕᒃᑕᐅᖁᔭᖏᓐᓂᒡᓗ. ᓱᓕᖏᑦᑐᓄᑦ ᐃᒻᒥᖕᓂᒃ ᑕᒻᒪᕐᑎᒻᒪᑕ, ᓯᕗᓕᖏᑕ ᐱᐅᓯᕆᓚᐅᕐᑕᖏᑎᑐᑦ.

ᒤᑲᐅᑉ ᐊᒡᓚᖏᑦ 6:2

“ᑐᓴᕆᑦᓯ, ᐃᓕᑦᓯ ᖃᖅᑬᑦ, ᐊᑕᓂᐅᑉ ᓈᒻᒪᒃᓴᖏᑦᔪᑎᖓᓂᒃ, ᐃᓕᑦᓯᓗ ᓄᓇᕐᔪᐊᑉ ᑐᓐᖓᕕᖏᑦ ᓴᓐᖏᔪᑦ. ᐊᑕᓂᖅ ᓈᒻᒪᒃᓴᖏᑦᔪᑎᖃᕐᒪᑦ ᐃᓄᖁᑎᒥᓄᑦ, ᐊᑭᕋᕐᑐᕐᓂᐊᕐᓗᓂᓗ ᐃᓴᕆᐊᓕᒥᐅᓂᒃ.

ᒫᑎᐅᓯᐅᑉ ᐊᒡᓚᖏᑦ 16:27

ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᕉᒪᒥᐅᓄᑦ 2:6

ᑖᑦᓱᒪ ᐊᑭᓕᕈᒫᕐᒪᒋᑦ ᐃᓄᓕᒫᑦ ᐊᑐᓂᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᒐᓔᑎᐊᒥᐅᓄᑦ 6:7

ᐅᐃᕕᕐᕆᔭᐅᑦᑍᓕᒋᑦᓯ; ᒎᑎ ᒥᑕᐅᑎᒋᔭᒃᓴᐅᖏᒻᒪᑦ, ᐃᓄᒃ ᓇᖕᒥᓂᖅ ᑲᓐᖓᕐᓲᑎᒋᓚᐅᕐᑕᒥᓂᒃ ᑲᑎᕐᓱᐃᔪᒫᕐᒪᑦ.