ᕼᐆᓯᐊᑉ ᐊᒡᓚᖏᑦ 11:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ “ᖃᓄᕐᓕ ᐃᓕᖕᓂᒃ ᓴᐱᓕᕈᓐᓇᕐᐳᖔ ᐃᕗᕅᒥ? ᖃᓄᕐᓕ ᓴᒃᑯᐃᔪᓐᓇᕐᐳᖔ, ᐃᓴᕆᐊᓖ? ᖃᓄᕐᓕ ᐊᑦᔨᐅᑎᑦᑐᓐᓇᕐᐱᒌᑦ ᐊᑦᒪᒧᑦ? ᖃᓄᕐᓕ ᐱᓂᐊᕐᕕᒋᔪᓐᓇᕐᐱᒌᑦ ᔨᐳᐃᒻᑐᑦ? ᐆᒻᒪᑎᒐ ᐃᒃᐱᖕᓂᐊᕗᖅ ᐃᓗᓐᓂ, ᐃᓚᑦᓱᒍᓱᖕᓂᕋ ᓂᕈᒥᒃᓯᕗᖅ ᐊᕿᓕᓪᓗᓂᓗ.

ᕼᐆᓯᐊᑉ ᐊᒡᓚᖏᑦ 11:8 Iomraidhean Croise

ᒨᓯᓯ ᓯᕗᓪᓖᑦ 14:8

ᑕᕝᕙ ᐊᖓᔪᖅᑳᕐᔪᐊᖅ ᓱᑑᒪᒥ, ᐊᖓᔪᖅᑳᕐᔪᐊᕐᓗ ᒍᒨᕋᒥ, ᐊᖓᔪᖅᑳᕐᔪᐊᕐᓗ ᐊᑦᒪᒥ, ᐊᖓᔪᖅᑳᕐᔪᐊᕐᓗ ᔨᐳᐃᒥ, ᐊᖓᔪᖅᑳᕐᔪᐊᕐᓗ ᐲᓚᒥ (ᑕᕝᕙ ᔪᐊᕆᒥ) ᐅᓇᑕᕐᑐᒃᓴᖁᑎᒥᖕᓂᒃ ᐅᓇᑕᕆᐊᕐᑐᕐᑎᑦᓯᕗᑦ, ᓯᑎᒥᐅᑉ ᓇᕐᓴᖓᓂ ᑲᑐᑦᔨᓪᓗᑎᒡᓗ ᐅᓇᑕᓕᕐᐳᑦ.

ᓴᒧᐃᓕ ᐂᑉᐸᖏᑦ 24:16

ᐊᑕᓂᐅᓪᓕ ᐂᖏᓕᖓ ᐊᓯᕈᐃᒋᐊᕐᓂᐊᓕᕐᑎᓪᓗᒍ ᔨᕉᓴᓕᒥᒃ, ᐊᑕᓂᐅᑉ ᐃᓱᒪᓂ ᓴᖑᑎᓚᐅᕐᐹ ᓱᒋᐊᕐᓯᔪᒪᓂᓂ ᐃᓄᖕᓂᒃ, ᐂᖏᓕᓗ ᑐᖁᕅᔪᖅ ᐅᖃᐅᑎᕚ, “ᓄᖅᑲᕆᑦ! ᑍᒪ ᓈᒻᒪᒃᓯᕗᖅ.” ᐂᖏᓕᓗ ᐊᕋᐅᓇᐅᑉ ᓂᐊᑰᔭᒃᓴᓂᒃ ᐃᕖᔧᕕᖓᓃᓚᐅᕐᐳᖅ ᔨᐳᓮᑎᒥᐅᑕᐅᑉ.

ᐊᑕᓃᑦ ᓯᕗᓪᓖᑦ 3:26

ᑕᕝᕙ ᐊᕐᓇᖅ ᐆᒪᔪᒥᒃ ᐃᕐᓂᖃᕐᑐᖅ ᐅᖃᓕᕐᐳᖅ ᐊᖓᔪᖅᑳᕐᔪᐊᕐᒧᑦ, ᓇᒡᓕᒍᓱᓕᕋᒥ ᐃᕐᓂᕐᒥᓂᒃ, “ᐊᑕᓂᕋ, ᓄᑕᕋᖅ ᑐᖁᑕᐅᖏᓪᓗᓂ ᑕᕝᕗᖓ ᐊᕐᓇᒧᑦ ᑐᓂᔭᐅᓕᕐᓕ.” ᐂᑉᐸᖓᓕ ᐅᖃᕐᐳᖅ, “ᐅᕙᑦᑎᓐᓄᑦ ᐱᒋᔭᐅᔪᓐᓁᕐᓗᓂ, ᐊᑏ ᖁᐱᔭᐅᑐᐃᓐᓇᓕᕐᓕ.”

ᐊᑕᓃᑦ ᐂᑉᐸᖏᑦ 13:23

ᐊᑕᓂᐅᑉ ᐱᑦᓯᐊᕐᕕᒋᓚᐅᕐᐰᑦ ᐃᓚᑦᓱᒋᓪᓗᒋᑦ ᐃᓱᒪᒋᑦᓯᐊᓚᐅᕐᐰ ᐊᖏᖃᑎᒌᒍᑎᓕᐅᕐᓯᒪᓂᓂ ᐱᑦᔪᑎᒋᓪᓗᒍ ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ. ᐅᓪᓗᒥ ᑎᑭᓪᓗᒍ ᓱᓕ ᐊᓯᕈᕐᑕᐅᖁᓐᖏᓔᑦ ᕿᒪᒍᒪᓇᒋᓪᓗ ᓇᔪᐃᓐᓇᕈᒪᓚᐅᕐᐰᑦ.

ᑯᕉᓂᑲ ᐂᑉᐸᖏᑦ 36:15

ᑖᑦᓱᒪ ᐊᑕᓂᐅᑉ, ᓯᕗᓕᖏᑕ ᒎᑎᖓᑕ ᑎᓕᓯᕕᒋᓪᓗᒋᑦ ᐃᓂᕐᑎᖃᑦᑕᓚᐅᕐᐰᑦ ᐅᖃᕐᑎᒥᒍᑦ, ᐃᓄᖁᑎᓂ ᐃᓚᑦᓱᒋᒐᒥᒋᑦ ᐃᒡᓗᓗ ᐃᓂᒃᓴᕆᔭᓂ ᓴᐳᑎᔪᒪᓪᓗᒍ.

ᐃᓐᖏᕈᑎᑦ 106:45

ᑖᒃᑯᐊ ᐱᑦᔪᑎᒋᓪᓗᒋᑦ ᐊᖏᖃᑎᖃᕐᓯᒪᓂᓂ ᐃᖅᑲᐅᒪᓚᐅᕐᐹ, ᓇᒡᓕᒍᓱᖕᓂᕐᔪᐊᓂ ᐱᑦᔪᑎᒋᓪᓗᒍ ᖃᕿᐊᓕᕐᕕᒋᓚᐅᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 16:11

ᑍᒤᒻᒪᑦ ᑕᕐᓂᕋ ᕿᒃᓵᖕᓂᕐᒧᑦ ᓂᓪᓕᐊᓕᕐᐳᖅ ᑭᕆ-ᕼᐃᕆᑐᑦ ᒧᐊᐱ ᐱᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 63:15

ᐊᒻᒧᑦ ᑕᑯᓴᓚᐅᕆᑦ ᕿᓚᖕᒥᑦ ᑕᑯᓗᑎᓪᓗ, ᐃᑦᔪᕐᓁᑦᑐᒥᑦ ᓂᕐᑐᕐᓇᕐᑐᒥᓪᓗ ᐃᓂᒋᔭᕐᓂᑦ, ᓇᐅᒡᓕ ᐊᔪᐃᓐᓇᕈᓐᓇᕐᓃᑦ ᐱᔪᓐᓇᕐᓂᕐᔪᐊᓪᓗ? ᐆᒻᒪᑎᕕᓪᓗ ᐊᑯᓂᒍᓱᖕᓂᖓ ᓇᒡᓕᒍᓱᖕᓃᓪᓗ ᐅᕙᑦᑎᓐᓄᑦ ᑎᑭᑎᑦᓱᓐᓁᓪᓕᒐᕕᒋᑦ.

ᔨᕆᒤᐊᐅᑉ ᐊᒡᓚᖏᑦ 18:8

ᑭᖑᓂᖓᒍᓪᓗ ᐃᓅᖃᑎᒌᒡᔪᐊᑦ ᖃᕿᐊᓕᕐᐸᑕ ᐱᐅᖏᑦᑐᓕᓂᕐᒥᖕᓂᑦ, ᐊᓯᕈᕐᑕᐅᑦᔪᑎᒃᓴᕋᓗᐊᖏᓐᓂᒃ ᑲᔪᓯᕕᐅᑎᓐᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 3:12

ᐂᓕᕆᑦ, ᐅᓐᓄᐊᓪᓗᐊᑉ ᓇᓛᓃᑦᑐᓄᑦ ᐅᖃᕆᐊᕐᑐᕆᑦ. ᐃᓴᕆᐊᓕ ᐅᕙᓐᓄᑦ ᐅᑎᓚᐅᕆᑦ, ᐊᑕᓂᖅ ᐅᖃᕐᐳᖅ, ᓂᓐᖓᐅᒪᓂᕐᒧᑦ ᑕᑯᓂᐊᓐᖏᓚᒋᑦ ᓂᑲᒍᓱᒃᑐᕐᔫᒐᒪ, ᐃᓱᖃᖏᑦᑐᒧᑦ ᓂᓐᖓᐅᒪᓂᐊᓐᖏᓚᖓ.

ᔨᕆᒤᐊᐅᑉ ᐊᒡᓚᖏᑦ 31:20

ᐃᕗᕅᑎ ᐃᕐᓂᕆᓐᖏᓚᕌ? ᕿᑐᕐᖓᕆᓪᓗᒍ ᖁᕕᐊᒋᕙᕋ ᐊᑭᕋᕐᑐᕐᑑᔮᕐᓗᒍ ᐅᖃᕐᕕᒋᕙᒃᑕᕋᓗᐊᕋ, ᑭᓯᐊᓂ ᐳᐃᒍᑦᔮᓐᖏᓚᒋᑦ ᐆᒻᒪᑎᒃᑯᑦ ᐅᖓᒋᕙᒋᑦ, ᐃᓚᑦᓱᒋᓪᓗᑎᓪᓗ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 42:10

ᓄᓇᒥ ᑕᒫᓃᖏᓐᓇᕈᑦᓯ, ᐱᕈᕐᐸᓪᓕᐊᑎᓐᓂᐊᕐᐸᑦᓯ ᓄᖑᑉᐸᓪᓕᐊᑎᖏᓪᓗᓯ, ᐱᕈᕐᑎᑦᓱᒪᕙᑦᓯ ᓄᖑᑦᓱᒪᓐᖏᓚᑦᓯ, ᐊᓯᕈᕐᑕᐅᓇᕐᑐᒧᑦ ᑎᑭᑎᑦᓯᓂᕆᓚᐅᕐᑕᕋ ᐅᒡᒍᐊᕈᑎᒋᒐᒃᑯ.

ᔨᕆᒤᐊᐅᑉ ᐊᒡᓚᖏᑦ 9:6

ᐃᓅᓕᕐᐳᑦ ᓴᒡᓗᕿᖃᑦᑕᐅᑎᔪᐊᓗᑐᐃᓐᓁᑦ ᐊᑯᕐᖓᓐᓂ, ᓱᓕᖏᓐᓂᕐᒥᖕᓄᑦ ᐅᕙᓐᓂᒃ ᖃᐅᔨᒪᔪᒪᔪᓐᓁᕐᐳᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 9:7

ᑍᒤᒻᒪᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ, ᑕᑯᓕᕆᑦ ᐱᐅᓂᕐᓯᐅᕐᓂᐊᕐᐸᒃᑲ ᖃᐅᔨᓴᕐᓗᒋᑦ, ᖃᓄᒃᑲᓐᓂᖅ ᐱᓇᓱᐊᕆᐊᓪᓚᒍᓐᓇᕐᐳᖔ, ᐃᓄᖁᑎᒃᑲ ᐱᓪᓗᒋᑦ?

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:20

ᐊᑕᓃᖅ, ᑕᑯᓚᐅᓐᖓ ᐋᓐᓂᐊᕐᑐᖓ, ᐃᓗᒃᑯᑦ ᐋᓐᓂᐊᓕᕐᐳᖓ, ᐆᒻᒪᑎᒐ ᓯᖁᒥᑉᐳᖅ, ᐊᔪᕐᑐᓕᓯᒪᓂᕋ ᐱᑦᔪᑎᒋᓪᓗᒍ, ᓯᓚᒥ ᑐᖁᕋᐅᑎᔪᑦ ᐅᓄᕐᐳᑦ, ᐃᒡᓗᒥᓗ ᑐᖁᖓᔪᕐᑕᖃᐅᓕᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:32

ᕿᒃᓵᒃᑎᓚᐅᕋᓗᐊᕐᓗᓂᑎᒍᑦ, ᐃᓚᑦᓱᒍᓱᒍᒫᕐᐳᖅ ᓇᒡᓕᒍᓱᖕᓂᖓ ᐃᓱᖃᖏᑦᑑᖕᒪᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:33

ᐱᔪᒪᔭᓂ ᒪᓕᒡᓗᒍ ᐋᓐᓂᐊᑎᑦᓯᑐᐃᓐᓇᕈᒪᓐᖏᓚᖅ ᕿᒃᓵᒃᑎᑦᓯᑐᐃᓐᓇᕈᒪᓇᓂᓗ.

ᐃᓯᑭᐊᓕᐅᑉ ᐊᒡᓚᖏᑦ 33:11

ᐅᖃᐅᑎᒃᑭᑦ, ᐃᓅᒐᒪ, ᐅᖃᕐᐳᖅ ᐊᑕᓂᖅ ᒎᑎ, ᐱᐅᖏᑦᑐᓕᔫᑉ ᑐᖁᓂᖓᓂᒃ ᖁᕕᐊᒋᔭᖃᓐᖏᓚᖓ, ᐱᐅᖏᑦᑐᓕᔪᕐᓕ ᓵᒋᐊᕐᓗᓂ ᐃᓅᖔᖁᕙᕋ; ᐅᑎᓕᕆᑦᓯ, ᐅᑎᓕᕆᑦᓯ ᐱᐅᖏᑦᑐᓕᓂᑦᓯᓐᓂᑦ; ᓱᖕᒪᑦ ᑐᖁᔪᒃᓴᐅᕕᓰ, ᐃᓴᕆᐊᓕᐅᑉ ᑭᖑᕚᖏᑦ?

ᐃᓯᑭᐊᓕᐅᑉ ᐊᒡᓚᖏᑦ 6:9

“ᐃᓕᑦᓯ ᐊᓐᓇᒃᓯᒪᔪᓯ ᐃᖅᑲᕈᒫᕐᐸᑦᓯᓐᖓ ᐃᓅᖃᑎᒌᒡᔪᐊᓃᓕᕐᑎᓪᓗᓯ ᐊᐅᓪᓚᕈᑦᔭᐅᓯᒪᕕᒋᔭᑦᓯᓐᓂ, ᐃᓱᒪᕐᓱᕈᒪᓂᓯ ᓯᖁᒥᑎᒍᒃᑭᑦ ᐅᕙᓐᓂᒃ ᕿᒤᑦᔪᑎᒋᓚᐅᕐᑕᓯ, ᑕᐅᑐᖏᑦᔪᑎᒋᓚᐅᕐᑕᑦᓯᓐᓂᒡᓗ ᒎᑎᓐᖑᐊᖃᕈᒪᓂᕐᒧᑦ; ᐃᓕᑦᓯᓐᓄᑦ ᓇᕐᕈᓇᕐᓯᔪᒫᕐᒪᑕ ᐊᒡᓛᑦ ᑕᑯᑐᐃᓐᓇᕐᓗᒋᑦ ᐊᔪᕐᑐᓕᑦᔪᑎᒋᓯᒪᔭᓯ, ᒎᑎᒧᓪᓗ ᑕᒪᕐᒥᒃ ᓇᕐᕈᓇᕐᑑᓂᖏᓐᓂᒃ.

ᕼᐆᓯᐊᑉ ᐊᒡᓚᖏᑦ 6:4

ᐊᑕᓂᕐᓕ ᐅᖃᕐᐳᖅ, “ᐃᕗᕅᒦ ᔫᑖᓗ ᐃᓕᑦᓯᓐᓅᑦ ᖃᓄᐃᓕᐅᕐᑐᒃᓴᐅᕗᖔ? ᓇᒡᓕᖕᓂᓯ ᓄᖑᑉᐸᖕᒪᑦ ᑕᒃᓯᕐᑎᑐᑦ ᐅᓪᓛᒃᑯᑦ ᐊᓯᐅᕙᒃᑐᑎᑐᑦ; ᐂᔪᖓᔪᑎᑐᓪᓗ ᖃᑯᐊᕐᑎᓯᒪᔪᑎᑐᑦ ᐅᓪᓘᑉ ᐱᒋᐊᕐᓂᖓᓂ ᐊᓯᐅᕙᒃᑐᑐᑦ.

ᕼᐆᓯᐊᑉ ᐊᒡᓚᖏᑦ 7:1

“ᐋᖅᑭᒍᒪᒐᓗᐊᕋᒃᑭᑦ ᐃᓴᕆᐊᓕᒥᐅᑦ, ᐱᐅᖏᑦᑐᓂᒃ ᐃᕗᕅᒥᐅᑦ ᐱᓇᓱᐊᕐᓂᖏᑦ ᓴᖅᑭᑉᐳᑦ, ᓴᒥᐊᕆᐊᒥᐅᓪᓗ ᐱᐅᖏᑦᑐᓕᓂᖏᑦ; ᓱᓕᖏᑦᑐᓂᒃ ᐋᖅᑮᖃᑎᖃᖃᑦᑕᕐᐳᑦ, ᑎᒡᓕᒃᑏᑦ ᐃᒡᓗᓄᑦ ᐃᓵᖃᑦᑕᕐᐳᑦ, ᐊᖅᑯᑎᒦᑦᑐᓂᒡᓗ ᑎᒡᓕᒐᕐᕕᖃᖃᑦᑕᕐᓗᑎᒃ.

ᐂᒨᓯᐅᑉ ᐊᒡᓚᖏᑦ 4:11

“ᐃᓚᓯ ᐃᓚᖏᑦ ᐊᓯᕈᓚᐅᕐᐸᒃᑲ, ᒎᑎᐅᑉ ᓱᑑᒪᒥᒃ ᒍᒨᕋᒥᒡᓗ ᐊᓯᕈᐃᓂᕆᓚᐅᕐᑕᖓᑎᑐᑦ, ᕿᔪᒃᑐᑦ ᐃᑯᒪᔪᑎᑐᑦ ᑍᒤᓚᐅᕐᐳᓯ ᐃᑯᒪᒥᑦ ᐊᒧᔭᐅᔪᑎᑐᑦ, ᓱᓕᓕ ᐅᑎᓚᐅᓐᖏᓚᓯ ᐅᕙᓐᓄᑦ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 7:3

ᑕᕝᕙ ᐊᑕᓂᐅᑉ ᐃᓱᒪᓂ ᑕᒪᑐᒧᖓ ᐊᓯᑦᔨᓚᐅᕐᐹ, ᐅᖃᕐᓗᓂ, “ᑍᒤᑦᑐᖃᕐᓂᐊᕈᓃᕐᐳᖅ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 7:6

ᑕᕝᕙ ᐊᑕᓂᐅᑉ ᐃᓱᒪᓂ ᑕᒪᑐᒧᖓ ᐊᓯᑦᔨᓚᐅᕐᐹ, ᐅᖃᕐᓗᓂ, “ᑍᒤᑦᑐᖃᕐᓂᐊᕈᓃᕐᐳᖅ,” ᐊᑕᓂᖅ ᒎᑎ ᐅᖃᕐᐳᖅ.

ᒤᑲᐅᑉ ᐊᒡᓚᖏᑦ 5:3

ᑍᒤᒻᒪᑦ ᐃᓄᖁᑎᓂ ᕿᒪᒍᒫᕐᐰᑦ ᐊᑭᕋᖏᓐᓄᑦ, ᐊᕐᓇᖅ ᑍᓐᓇ ᐃᕐᓂᓛᕐᑐᖅ ᐃᕐᓂᓚᐅᖅᑳᕐᑎᓐᓇᒍ, ᑭᖑᓂᐊᒍᑦ ᐊᐅᓪᓚᕈᑦᔭᐅᓯᒪᓚᐅᕐᑐᑦ ᐊᒥᐊᒃᑯᖏᑦ ᐅᑎᕈᒫᕐᐳᑦ ᐃᓴᕆᐊᓕᒥᐅᑉ ᐃᓄᖏᓐᓄᑦ.

ᔨᐸᓁᐊᐅᑉ ᐊᒡᓚᖏᑦ 2:9

ᑍᒤᒻᒪᑦ ᐃᓅᑎᓪᓗᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, “ᓱᓕᓪᓚᕆᒃᓗᖓ ᒧᐊᐱᒥᐅᑦ ᓱᑑᒪᒥᐅᑎᑑᕈᒫᕐᐳᑦ, ᐊᒧᓁᑎᒥᐅᓪᓗ ᒍᒨᕋᒥᐅᑎᑑᕈᒫᕐᐳᑦ ᐱᕈᕐᕕᐅᔪᒫᕐᐳᑦ ᐅᕐᐱᖕᓄᑦ ᐃᒪᕐᓱᖕᓄᓪᓗ ᑕᕆᐅᒧᑦ, ᓄᓇᖓ ᐊᑑᑎᖃᕈᓐᓁᕈᒫᕐᐳᖅ ᐃᓱᖃᖏᑦᑐᒧᑦ. ᐃᓄᖁᑎᒪ ᓇᒃᕚᕐᑕᕐᕕᒋᔪᒫᕐᐰᑦ, ᐃᓅᖃᑎᒌᒡᔪᐊᖁᑎᒪᓗ ᐊᒥᐊᒃᑯᖏᑕ ᐱᑖᕆᔪᒫᕐᐹ.”

ᒫᑎᐅᓯᐅᑉ ᐊᒡᓚᖏᑦ 23:37

“ᐆ ᔨᕉᓴᓕᒻ, ᔨᕉᓴᓕᒻ, ᓇᓚᐅᑦᑍᔪᓂᒃ ᑐᖁᑦᓯᔪᑎᑦ, ᑎᓕᔭᐅᔪᓂᒡᓗ ᐅᔭᖅᑲᓄᑦ ᒥᓪᓗᕐᑐᑎᑦ! ᐃᓄᖁᑎᑎᑦ ᐅᓄᕐᑐᐃᕐᓱᕐᓗᖓ ᐃᕿᑦᓱᒪᖃᑦᑕᓚᐅᕋᓗᐊᕐᐸᒃᑲ, ᐊᕐᓇᕕᐊᑉ ᕿᑐᕐᖓᒥᓂᒃ ᐃᓴᕈᕐᒥᓄᑦ ᑲᑎᑎᑦᓯᕙᖕᓂᖓᑎᑐᑦ, ᑍᒤᑕᐅᔪᒪᓚᐅᖏᑦᑐᓯᓕ!

ᒨᓯᓯ ᑕᓪᓕᒪᖏᑦ 29:22

“ᓯᕗᓂᑦᓯᓐᓂ ᐃᓅᖃᑎᒌᖑᔪᒫᕐᑐᓄᑦ, ᑭᖑᕚᒃᓴᑦᓯᓐᓄᑦ, ᓄᓇᖅᑲᑎᒋᓐᖏᑕᑦᓯᓐᓄᓪᓗ ᓄᓇᒥᑦ ᐅᖓᓯᒃᑐᒥᑦ ᐱᓯᒪᔪᓄᑦ ᑕᒪᒃᑯᐊ ᑕᑯᔭᐅᔪᒫᕐᐳᑦ ᐱᓂᕐᓗᒃᑕᐅᓇᕐᑐᑦ ᐋᓐᓂᐊᓇᕐᑐᓪᓗ ᐊᑕᓂᐅᑉ ᓄᓇᑦᓯᓐᓄᑦ ᑎᑭᑎᓯᒪᔭᖏᑦ.

ᒨᓯᓯ ᑕᓪᓕᒪᖏᑦ 29:23

ᓄᓇᓕᒫᖅ ᐱᕈᕐᓰᕕᓕᒫᓪᓗ ᓱᓇᒃᓴᐅᔪᓐᓃᕈᒫᕐᐳᑦ, ᐅᔭᕋᖕᓄᑦ ᐃᑯᐊᓪᓚᒃᓴᕅᑦᑐᓄᑦ ᑕᕆᐅᕐᒧᓪᓗ; ᑲᓐᖓᕐᓱᐃᕕᐅᔪᒫᓐᖏᓚᖅ, ᐊᒡᓛᑦ ᐱᕈᕐᓂᕐᓗᒃᑐᓂᒃ ᐱᕈᕐᕕᐅᔪᓐᓃᕈᒫᕐᐳᖅ. ᓄᓇᓯᓗ ᓱᑑᒪᒥᐅᑦ ᒍᒨᕋᒥᐅᓪᓗ ᐃᒡᓗᒐᓴᖏᑎᑐᑦ ᑍᒤᑦᑑᓕᕈᒫᕐᐳᖅ, ᐊᑦᒪᒥᐅᑎᑐᓪᓗ ᔨᐳᐃᒥᐅᑎᑐᓪᓗ, ᐊᑕᓂᐅᑉ ᑖᒃᑯᐊ ᓄᖑᑎᓚᐅᕐᒪᒋᑦ ᓂᓐᖓᕕᒡᔪᐊᕐᕕᒋᓪᓗᒋᑦ.

ᒨᓯᓯ ᑕᓪᓕᒪᖏᑦ 32:36

ᐊᑕᓂᐅᑉ ᐃᓄᖁᑎᓂ ᓴᐳᑎᓂᐊᕐᒪᒋᑦ ᐱᔨᓂ ᓈᒃᑭᒋᓂᐊᕐᒪᒋᑦ, ᐱᔪᓐᓇᕐᓂᖃᖏᑦᑐᑦ ᑕᑯᓕᕈᓂᒋᑦ, ᓇᓪᓕᐊᓪᓘᓐᓃᑦ, ᐱᔨᐅᒐᓗᐊᕐᐸᑦ ᐱᔨᐅᖏᒃᑲᓗᐊᕐᐸᓪᓘᓐᓃᑦ.

ᐲᑦᑐᕉᓯ ᐂᑉᐸᖏᑦ 2:6

ᒎᑎᐅᓪᓗ ᐃᒡᓗᒐᓴᒡᔪᐊᑦ ᓱᑑᒪ ᒍᒨᕋᓗ ᐃᑯᒪᒧᑦ ᓱᒋᐊᕐᓗᒋᑦ ᓄᖑᑕᐅᑎᓚᐅᕐᐰᑦ, ᖃᐅᔨᒪᑦᔪᑕᐅᖁᓪᓗᒋᑦ ᒎᑎᖃᖏᑦᑐᑦ ᑍᒤᑕᐅᔪᒫᕐᓂᖏᓐᓂᒃ;

ᔫᑎᐅᑉ ᐊᒡᓚᖏᑦ 1:7

ᐃᖅᑲᐅᒪᓯᐅᒃᑕᐅᖅ ᓱᑑᒪ ᒍᒨᕋᓗ ᖃᓂᒋᔭᖓᓃᑦᑐᓪᓗ ᓄᓇᓖᑦ, ᑖᒃᑯᐊ ᑖᒃᑯᑎᑐᓇᕐᑕᐅᖅ ᐃᒃᖠᒎᕐᓂᖃᓚᐅᕐᑐᑦ ᐊᖑᑏᑦ ᐊᕐᓁᓪᓗ ᐱᐅᓯᐅᕙᖏᑦᑐᓄᑦ ᓄᓕᐊᖃᑦᑕᓚᐅᕐᑐᑦ, ᓱᒋᐊᕐᑕᐅᓚᐅᕐᐳᑦ ᐃᑯᒪᒧᑦ ᖃᒥᓱᐃᑦᑐᒧᑦ ᐅᓗᕆᐊᒋᔭᒃᓴᐅᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:8

ᑎᒥᖏᒡᓗ ᐃᒡᓗᒐᓮᑦ ᐊᖏᔪᕐᔪᐊᑦ ᐊᖅᑯᑎᖏᓐᓂ ᑍᒤᓕᖓᑐᐃᓐᓇᕈᒫᕐᐴᒃ ᐊᑕᓂᖓᒃᑕ ᓴᓐᓂᖓᔪᓕᖕᒧᑦ ᑭᑭᐊᒃᑐᕐᑕᐅᕕᒋᓚᐅᕐᑕᖓᓂ, ᐃᒡᓗᒐᓴᒡᔪᐊᒡᓗ ᒪᕐᕉᒃ ᓇᓗᓁᒃᑯᑕᖃᕐᑎᑕᐅᕘᒃ ᓱᑑᒪᒥᒃ ᐄᑦᔨᑉᑎᒥᒡᓗ ᑍᔭᐅᓪᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:18

ᐅᖃᕐᓗᑎᒃ, ᐃᑯᐊᓚᓂᖓᑕ ᐳᔪᖓᓂᒃ ᑕᑯᓐᓇᓕᕋᒥᒃ, “ᑖᒃᑯᑎᑐᓇᖅ ᐊᔪᖏᑦᑐᕐᔪᐊᖑᑎᒋᔪᓂᒃ ᐃᒡᓗᒐᓴᒡᔪᐊᕐᑕᖃᓚᐅᕐᓯᒪᓐᖏᓚᖅ!”

ᐃᓗᐊᕐᓮᔩᑦ ᐊᒡᓚᖏᑦ 10:16

ᑕᕝᕙ ᓄᓇᖃᑎᒋᓐᖏᑕᒥ ᒎᑎᓐᖑᐊᖏᓐᓂᒃ ᕿᒤᓚᐅᕐᐳᑦ ᑐᒃᓯᐊᓕᕐᓗᑎᒡᓗ ᐊᑕᓂᕐᒧᑦ; ᐃᓱᒪᔮᕈᑎᖃᓕᕐᐳᕐᓗ ᐃᓴᕆᐊᓕᒥᐅᑦ ᐊᒃᓱᕈᕐᓂᖏᓐᓂᒃ.