ᕼᐆᓯᐊᑉ ᐊᒡᓚᖏᑦ 11:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐅᑎᕈᒫᓕᕐᐳᑦ ᐄᑦᔨᑉᑎᒧᑦ, ᐊᓯᕆᐊᓗ ᐊᖓᔪᖅᑳᕐᔪᐊᕆᔪᒫᕐᐹᑦ, ᐅᕙᓐᓄᑦ ᐅᑎᕈᒪᓚᐅᖏᒻᒪᑕ.

ᕼᐆᓯᐊᑉ ᐊᒡᓚᖏᑦ 11:5 Iomraidhean Croise

ᐊᑕᓃᑦ ᐂᑉᐸᖏᑦ 15:19

ᐴᓪ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐃᓴᕆᐊᓕᒥᐅᑦ ᓄᓇᖁᑎᖓᓄᐊᓚᐅᕐᐳᖅ ᓵᓚᖃᕈᓐᓇᕐᓂᖓᓗ ᓯᕘᕋᒋᔭᐅᓚᐅᕐᐳᑦ; ᐊᖓᔪᖅᑳᕐᔪᐊᑉ ᒥᓇᕼᐃᒻ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐴᓪ 76,000ᐸᐅᓂᒃ ᓯᐅᓪᕕᕆᓂᒃ ᑐᓂᓯᕕᒋᕚ, ᐱᔪᓐᓇᕐᓂᖃᕐᑎᑕᐅᓂᕆᔭᓂ ᓄᓇᖁᑎᒥᓄᑦ ᐃᑲᔪᕐᑐᕐᑕᐅᖁᓪᓗᒍ.

ᐊᑕᓃᑦ ᐂᑉᐸᖏᑦ 15:29

ᐲᑲ ᐊᖓᔪᖅᑳᕐᔪᐊᖑᑎᓪᓗᒍ ᐃᓴᕆᐊᓕᓄᑦ, ᑎᒡᓚᑦ-ᐰᓕᓴ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓵᓚᖃᕐᓂᕐᒥᓄᑦ ᓄᓇᓕᖕᓂᒃ ᑎᒍᓯᖃᑦᑕᓚᐅᕐᐳᖅ, ᐂᔮᓐᒥᐅᓂᒃ, ᐊᐱᐅᓪ-ᐱᑦ-ᒫᑲᒥᐅᓂᒃ, ᔭ-ᓄᐊᒥᐅᓂᒃ, ᑭᑎᔅ-ᓯᒥᐅᓂᒃ ᕼᐂᔭᒥᐅᓂᒡᓗ, ᒋᓕᐊᑎᐅᑉ ᓄᓇᓕᖏᑦ, ᒐᓕᓖᓪᓗ, ᓈᑉᑕᓕᒥᐅᓪᓗ ᐃᓄᖏᓐᓂᒃ ᑎᒍᓯᓪᓗᓂ ᐊᓯᕆᐊᒧᑦ ᐊᐅᓪᓚᕈᑎᓚᐅᕐᐰᑦ.

ᕼᐆᓯᐊᑉ ᐊᒡᓚᖏᑦ 10:6

ᒎᑎᓐᖑᐊᖅ ᐊᐅᓪᓚᕈᑦᔭᐅᔪᒫᕐᐳᖅ ᐊᓯᕆᐊᒧᑦ, ᐂᑦᑑᑎᒋᔭᐅᔪᑎᑐᑦ ᐊᖓᔪᖅᑳᕐᔪᐊᒧᑦ ᐊᔪᖏᑦᑐᕐᔪᐊᕐᒧᑦ. ᐃᕗᕅᒥᓕ ᑲᓐᖑᓱᒃᑎᑕᐅᔪᒫᕐᐳᖅ, ᐃᓴᕆᐊᓕᓗ ᑲᓐᖑᓱᒃᑎᑕᐅᔪᒫᕆᕗᖅ ᒎᑎᓐᖑᐊᒥᓄᑦ.

ᕼᐆᓯᐊᑉ ᐊᒡᓚᖏᑦ 5:13

“ᐃᕗᕅᒥ ᐃᒻᒥᓂᒃ ᑕᑯᒐᒥ ᖃᓄᖅ ᖃᓂᒪᑎᒋᓂᕐᒥᓂᒃ, ᔫᑕᐅᓪᓗ ᐃᑭᖏᑦ ᑕᑯᒐᒥᒋᑦ, ᑕᕝᕙ ᐃᕗᕅᒥ ᐂᓚᐅᕐᐳᖅ ᐊᓯᕆᐊᑉ ᐊᖓᔪᖅᑳᕐᔪᐊᖓᓄᑦ ᐃᑲᔪᕆᐊᕐᑕᐅᔪᒪᓪᓗᓂ, ᐃᑲᔪᕈᓐᓇᓚᐅᓐᖏᓚᕐᓕ ᐅᕝᕙᓗ ᐋᖅᑮᔪᓐᓇᓚᐅᓐᖏᓚᖅ ᐃᑭᖏᓐᓂᒃ.

ᕼᐆᓯᐊᑉ ᐊᒡᓚᖏᑦ 6:1

“ᕾᓗᓯ ᐅᑎᓚᐅᕐᑕ ᐊᑕᓂᕐᒧᑦ; ᑖᑦᓱᒪ ᐋᓐᓂᕐᓯᒪᖕᒪᑎᒍᑦ, ᐋᖅᑭᒍᒪᓪᓗᑕ; ᑖᑦᓱᒪ ᐃᑭᓕᕐᓯᒪᖕᒪᑎᒍᑦ, ᑖᑦᓱᒪᓗ ᒪᑦᑐᓯᕐᓂᐊᕐᐹᑎᒍᑦ.

ᕼᐆᓯᐊᑉ ᐊᒡᓚᖏᑦ 7:16

ᒎᑎᓐᖑᐊᓄᑦ ᓵᖃᑦᑕᕐᐳᑦ; ᐱᑎᒃᓯᐅᕗᑦ ᑐᕚᕆᔭᒃᓴᐅᖏᑦᑐᑦ, ᐊᖓᔪᖅᑳᖁᑎᖏᑦ ᑐᖁᔪᒫᕐᐳᑦ ᓴᕕᒡᔪᐊᓄᑦ ᖃᓂᒃᑯᑦ ᒥᑕᐅᑎᖃᖃᑦᑕᓚᐅᕐᒪᑕ. ᑕᒪᓐᓇᓗ ᐄᑦᔨᑉᑎᒥᐅᓄᑦ ᒥᑕᐅᑕᐅᑦᔪᑎᒋᔪᒫᕐᐹᑦ.”

ᕼᐆᓯᐊᑉ ᐊᒡᓚᖏᑦ 8:13

ᑐᓂᕐᕈᓯᕆᐊᒥᒃ ᐆᒪᔪᓂᒃ ᖁᕕᐊᒋᔭᖃᕐᐳᑦ; ᑐᓂᕐᕈᑎᕕᓃᓪᓗ ᓂᕆᕙᒡᓗᒋᑦ; ᐊᑕᓂᐅᓪᓕ ᖁᕕᐊᒋᓚᐅᓐᖏᓔᑦ. ᑕᕝᕙ ᐱᐅᖏᑦᑐᓕᓂᖏᑦ ᐃᖅᑲᓚᐅᕐᐰᑦ, ᐊᔪᕐᓂᖏᓪᓗ ᓱᒋᐊᕐᓗᒋᑦ; ᐄᑦᔨᑉᑎᒧᑦ ᐅᑎᕐᓂᐊᕐᐳᑦ.

ᕼᐆᓯᐊᑉ ᐊᒡᓚᖏᑦ 9:3

ᐃᓂᕾᓐᓇᕈᒫᓐᖏᓚᓪᓗ ᐊᑕᓂᐅᑉ ᓄᓇᖓᓂ; ᐃᕗᕅᒥᓕ ᐅᑎᕈᒫᕐᐳᖅ ᐄᑦᔨᑉᑎᒧᑦ, ᓂᕆᔪᒫᕐᐳᓪᓗ ᓂᕿᓂᒃ ᓇᕐᕈᓇᕐᑐᓂᒃ ᐊᓯᕆᐊᒥ.

ᕼᐆᓯᐊᑉ ᐊᒡᓚᖏᑦ 9:6

ᑕᑯᒋᑦ, ᐊᓯᕈᕐᑕᐅᓂᕐᒥᑦ ᕿᒫᓇᓱᐊᕐᐳᑦ; ᐄᑦᔨᑉᑎᒥᐅᓪᓕ ᑲᑎᕐᓱᕈᒫᕐᐰᑦ, ᒥᒻᐱᓯᒥᐅᓪᓗ ᐃᓗᕕᕈᒫᕐᐰᑦ. ᓯᐅᓪᕕᕆᖁᑎᖏᑕᓗ ᐃᓂᖏᑦ ᐱᕈᕐᓂᕐᓗᒃᑐᓄᑦ ᐱᕈᕐᕕᐅᔪᒫᕐᐳᑦ, ᐅᕐᐱᒊᓪᓗ ᑲᑭᓪᓚᕐᓇᕐᑐᑦ ᑐᐱᖏᓐᓂ ᐱᕈᕈᒫᕐᐳᑦ.

ᐂᒨᓯᐅᑉ ᐊᒡᓚᖏᑦ 4:11

“ᐃᓚᓯ ᐃᓚᖏᑦ ᐊᓯᕈᓚᐅᕐᐸᒃᑲ, ᒎᑎᐅᑉ ᓱᑑᒪᒥᒃ ᒍᒨᕋᒥᒡᓗ ᐊᓯᕈᐃᓂᕆᓚᐅᕐᑕᖓᑎᑐᑦ, ᕿᔪᒃᑐᑦ ᐃᑯᒪᔪᑎᑐᑦ ᑍᒤᓚᐅᕐᐳᓯ ᐃᑯᒪᒥᑦ ᐊᒧᔭᐅᔪᑎᑐᑦ, ᓱᓕᓕ ᐅᑎᓚᐅᓐᖏᓚᓯ ᐅᕙᓐᓄᑦ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 4:6

“ᑳᒃᑎᓚᐅᕐᐸᑦᓯ ᐃᒡᓗᒐᓴᓕᒫᓂ, ᓂᕿᒃᓴᖃᕐᑎᓚᐅᓐᖏᓚᑦᓯᓗ ᐃᓂᒋᔭᑦᓯᓐᓂ. ᓱᓕ ᐅᑎᓚᐅᓐᖏᓚᓯ ᐅᕙᓐᓄᑦ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 5:27

ᑍᒤᒻᒪᑦ ᐊᐅᓪᓚᕈᑎᔪᒫᓕᕐᐸᑦᓯ ᑕᒫᓯᑰᓯᐅᑉ ᐅᖓᑖᓄᑦ,” ᐊᑕᓂᖅ ᐅᖃᕐᐳᖅ, ᕿᓚᖕᒥᐅᒐᓴᒡᔪᐃᑦ ᒎᑎᖓᓐᓂᒃ ᐊᑎᖃᕐᑐᖅ.

ᒨᓯᓯ ᑕᓪᓕᒪᖏᑦ 17:16

ᑖᓐᓇ ᐅᓄᕐᑐᐊᓗᖕᓂᒃ ᕿᒻᒥᕐᔪᐊᖃᕐᑐᒃᓴᐅᓐᖏᓚᖅ ᓇᖕᒥᓂᒃᓴᒥᓂᒃ, ᐃᓄᖁᑎᒥᓂᒡᓗ ᐄᑦᔨᑉᑎᒧᑦ ᐅᑎᕐᑎᑦᓯᔪᒃᓴᐅᓐᖏᓚᖅ ᕿᒻᒥᕐᔪᐊᓂᒃ ᐅᓄᕐᓯᑎᑦᓯᔪᒪᓗᓂ, ᐊᑕᓂᖅ ᐅᖃᕐᓯᒪᖕᒪᑦ ᐃᓕᑦᓯᓐᓄᑦ, ‘ᑕᐅᕗᖓ ᐅᑎᓚᐅᕐᓯᒪᓂᐊᓐᖏᓚᓯ ᖃᖓᓕᒫᖅ.’