ᕼᐆᓯᐊᑉ ᐊᒡᓚᖏᑦ 11:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᕗᕅᒥ ᓇᖕᒥᓂᖅ ᐃᓕᓐᓂᐊᕐᑎᓚᐅᕐᐸᕋ ᐱᓱᒋᐅᕐᓴᑎᓪᓗᒍ, ᑕᓕᓐᓄᑦ ᑎᒍᒥᐊᕐᓗᒋᑦ; ᖃᐅᔨᒪᓚᐅᓐᖏᓚᓪᓕ ᐋᖅᑭᓚᐅᕐᒪᖔᒃᑭᑦ.

ᕼᐆᓯᐊᑉ ᐊᒡᓚᖏᑦ 11:3 Iomraidhean Croise

ᐃᓐᖏᕈᑎᑦ 107:20

ᑖᑦᓱᒪ ᐅᖃᐅᓯᓂ ᑎᓕᕚ, ᐋᖅᑭᒡᓗᒋᓪᓗ, ᓴᐳᑎᓪᓗᒋᓪᓗ ᑐᖁᒥᑦ.

ᒨᓯᓯ ᐂᑉᐸᖏᑦ 15:26

ᐅᖃᕐᓗᓂᓗ, “ᐊᑕᓂᐅᑉ ᒎᑎᕕᑦ ᓂᐱᖓᓂᒃ ᓈᓚᑦᓯᐊᕐᓂᐊᕈᕕᑦ, ᑖᑦᓱᒪᓗ ᓈᒻᒪᒋᔭᖓᓂᒃ ᐱᓇᓱᐊᕐᓂᐊᕈᕕᑦ, ᐱᖁᔨᓂᕆᔭᓕᒫᖏᓪᓗ ᒪᓕᑦᓯᐊᕐᓂᐊᕈᕕᒋᑦ, ᑕᕝᕙ ᖃᓂᒪᓇᕐᑐᓄᑦ ᑎᑭᑕᐅᑎᓐᓂᐊᓐᖏᓚᒋᑦ ᐄᑦᔨᑉᑎᒥᐅᓄᑦ ᑎᑭᑎᓚᐅᕐᑕᒪ ᐊᑦᔨᖏᓐᓄᑦ; ᐅᕙᖓ ᐊᑕᓂᐅᒐᒪ, ᐃᓕᖕᓂᒃ ᐋᖅᑭᒃᓱᐃᔨ.”

ᒨᓯᓯ ᐂᑉᐸᖏᑦ 19:4

“ᑕᑯᓚᐅᕐᐳᓯ ᐄᑦᔨᑉᑎᒥᐅᓄᑦ ᖃᓄᐃᓕᐅᓚᐅᕐᓂᓐᓂᒃ, ᖃᓄᕐᓗ ᑕᓯᐅᓚᐅᕐᒪᖔᑦᓯ ᓇᒃᑐᕋᓕᐅᑉ ᐃᓴᕈᕐᒥᓄᑦ ᕿᑐᕐᖓᒥᓂ ᑕᓯᐅᕐᓯᕙᖕᓂᖓᑎᑐᑦ, ᑕᒪᐅᖓᓗ ᑎᑭᐅᑎᑎᓯᒪᓪᓗᓯ ᐅᕙᓐᓄᑦ.

ᒨᓯᓯ ᐂᑉᐸᖏᑦ 23:25

ᐊᑕᓂᖅ ᒎᑎᓯ ᐱᔨᑦᓯᒐᒃᓴᕆᕙᓯ, ᑕᕝᕙ ᓂᕿᒃᓴᓯ ᐃᒥᒃᓴᓯᓗ ᓮᒻᒪᕐᑎᓐᓂᐊᕐᐸᒃᑲ; ᖃᓂᒪᓇᕐᑐᓪᓗ ᐃᓕᑦᓯᓐᓂᑦ ᐲᔭᕐᓂᐊᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 1:2

ᐊᑕᓂᖅ ᐅᖃᕐᐳᖅ, “ᑐᓴᕆᑦᓯ ᕿᓚᐅᔪᓯ, ᓈᓚᒋᓪᓗ ᓄᓇᕐᔪᐊᖑᔪᑎᑦ; ᕿᑐᕐᖓᒃᑲ ᐱᕈᕐᓴᓚᐅᕐᐸᒃᑲ ᓂᕆᑎᖃᑦᑕᕐᓗᒋᓪᓗ ᐅᕙᓐᓂᒡᓕ ᐊᑭᕋᕐᑐᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 30:26

ᑕᒪᓐᓇ ᓇᓪᓕᐅᑎᒃᐸᑦ ᑕᖅᑭᖅ ᓯᕿᓂᕐᑎᑐᑦ ᖃᐅᒪᑎᒋᔪᒫᕐᐳᖅ, ᓯᕿᓂᕐᓗ ᖃᐅᒻᒪᓯᕆᕙᒃᑕᒥᓂᑦ 7ᐃᕐᑐᕈᑎᓪᓗᐊᒥᓂᒃ ᖃᐅᒪᓂᕐᓴᐅᓕᕈᒫᕐᐳᖅ, ᐅᓪᓗᐃᑦ 7 ᐊᑕᐅᓯᕐᒧᑦ ᑲᑎᑕᐅᓯᒪᔪᑎᑐᑦ ᑕᒪᓐᓇ ᑍᒤᑦᓱᒫᕐᐳᖅ, ᐊᑕᓂᐅᑉ ᐃᓄᖁᑎᓂ ᐋᓐᓂᐊᓂᖏᑦ ᒪᑦᑐᓯᕐᑐᓕᕐᐸᒋᑦ ᐃᑭᖏᓪᓗ ᒪᒥᓴᓕᕐᐸᒋᑦ.

ᐂᓮᐊᓯᐅᑉ ᐊᒡᓚᖏᑦ 46:3

“ᓈᓚᒃᓯᓐᖓ ᔧᑯᒧᑦ ᑭᖑᕚᖑᔪᓯ, ᐃᓘᓐᓇᓯᓗ ᐃᓴᕆᐊᓕᒥᐅᓂ ᐊᒥᐊᒃᑰᔪᓯ, ᐃᓕᑦᓯᓐᓂᒃ ᑲᒪᒋᔭᖃᓚᐅᕐᐳᖓ ᐃᓅᓕᕋᑖᕐᓂᑦᓯᓐᓂᑦ ᐃᒡᓕᐊᕐᒦᑎᓪᓗᓯᓗ;

ᐂᓮᐊᓯᐅᑉ ᐊᒡᓚᖏᑦ 63:9

ᐋᓐᓂᐊᑎᑕᐅᔭᕌᖓᑕ ᑕᒫᑦ ᐋᓐᓂᐊᖃᑕᐅᕙᓚᐅᕐᐳᖅ, ᓇᔫᑎᓂᖓᑕ ᐂᖏᓕᖓᓄᑦ ᓴᐳᑎᕙᓚᐅᕐᐰᑦ; ᓇᒡᓕᒍᓱᖕᓂᕐᒥᓄᑦ ᓂᑲᒍᓱᖕᓂᕐᒥᓄᓪᓗ ᐃᒻᒥᓄᑦ ᐅᑎᕐᑎᖃᑦᑕᓚᐅᕐᐰᑦ, ᑎᒍᓪᓗᒋᑦ ᐊᒡᔭᖃᑦᑕᓚᐅᕐᐰᑦ ᐅᓪᓗᓂ ᑍᒃᑯᓇᓂ.

ᔨᕆᒤᐊᐅᑉ ᐊᒡᓚᖏᑦ 30:17

ᐃᓕᑦᓯᓐᓂᒃ ᖃᓄᐃᑦᑐᓐᓃᕐᑎᑦᓯᑦᓯᐊᕐᓂᐊᕆᕗᖓ, ᐃᑭᓯᓗ ᒪᒥᑎᓪᓗᒋᑦ, ᐊᑕᓂᖅ ᐅᖃᕐᐳᖅ, ᐃᒋᑕᐅᓯᒪᔪᓂᒃ ᑍᔭᐅᓕᕋᑦᓯ, ‘ᓮᐅᓂ ᐃᒃᐱᒋᔭᐅᔪᓐᓁᕐᒪᑦ.’”

ᔨᕆᒤᐊᐅᑉ ᐊᒡᓚᖏᑦ 8:22

ᓄᓇᒥ ᒋᓕᐊᑎᒥᐅᓂ ᐊᓪᓚᕈᑦᔭᒐᕐᑕᖃᓐᖏᓛᖅ? ᐃᓅᓕᓴᐅᑎᒃᓴᒥᒃ? ᐋᓐᓂᐊᓯᐅᑎᑕᖃᕈᓐᓃᕐᒫᑦ ᑍᑲᓂ? ᐃᓄᖁᑎᒪ ᑭᓪᓕᖏᓐᓄᑦ ᐋᖅᑭᒃᑕᐅᓇᕐᑐᕐᑕᖃᕈᓐᓃᕐᐹ?

ᕼᐆᓯᐊᑉ ᐊᒡᓚᖏᑦ 14:4

“ᐋᖅᑭᖕᓂᐊᕐᐸᒃᑲ ᐅᒃᐱᖏᓐᓂᖏᓐᓂᑦ; ᓇᒡᓕᒋᓂᐊᕐᐸᒃᑲ ᐃᓱᒪᕐᓱᕐᓗᖓ, ᓂᓐᖓᐅᒪᓂᕋ ᓴᖑᖕᒪᑦ ᑖᒃᑯᓇᓐᖓᑦ.

ᕼᐆᓯᐊᑉ ᐊᒡᓚᖏᑦ 2:8

“ᖃᐅᔨᒪᓐᖏᓚᕐᓕ ᐅᕙᖓ ᓂᐊᖂᔭᒃᓴᒥᒃ ᑐᓂᓚᐅᕋᒃᑯ, ᕔᓂᒥᒃ, ᐅᕐᓱᒥᒡᓗ, ᓯᐅᓪᕕᕆᓂᒃ ᒎᓗᓂᒡᓗ ᐊᑐᓚᐅᕐᑕᓕᒫᖏᓐᓂᒃ ᑖᒃᑯᐊᓗ ᐱᔨᑦᓯᕈᑎᒋᓚᐅᕐᐰᑦ ᐰᓕᒥᒃ.

ᕼᐆᓯᐊᑉ ᐊᒡᓚᖏᑦ 7:1

“ᐋᖅᑭᒍᒪᒐᓗᐊᕋᒃᑭᑦ ᐃᓴᕆᐊᓕᒥᐅᑦ, ᐱᐅᖏᑦᑐᓂᒃ ᐃᕗᕅᒥᐅᑦ ᐱᓇᓱᐊᕐᓂᖏᑦ ᓴᖅᑭᑉᐳᑦ, ᓴᒥᐊᕆᐊᒥᐅᓪᓗ ᐱᐅᖏᑦᑐᓕᓂᖏᑦ; ᓱᓕᖏᑦᑐᓂᒃ ᐋᖅᑮᖃᑎᖃᖃᑦᑕᕐᐳᑦ, ᑎᒡᓕᒃᑏᑦ ᐃᒡᓗᓄᑦ ᐃᓵᖃᑦᑕᕐᐳᑦ, ᐊᖅᑯᑎᒦᑦᑐᓂᒡᓗ ᑎᒡᓕᒐᕐᕕᖃᖃᑦᑕᕐᓗᑎᒃ.

ᕼᐆᓯᐊᑉ ᐊᒡᓚᖏᑦ 7:15

ᐱᔭᕆᐅᕐᓴᕐᑎᓚᐅᕋᓗᐊᕐᐸᒃᑲ ᓲᖑᓯᑎᓪᓗᒋᓪᓗ, ᐅᕙᓐᓄᓪᓕ ᐱᐅᖏᑦᑐᒥᒃ ᐊᑭᕋᕐᑐᓕᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:18

ᐊᕐᕌᒍᓂᒃ 40ᓂᒃ ᐃᓄᖃᖏᑦᑐᒥ ᕿᓄᐃᓵᕈᑎᒋᓚᐅᕐᐰᑦ.

ᒨᓯᓯ ᑕᓪᓕᒪᖏᑦ 1:31

ᓄᓇᒥᓕ ᐃᓄᖃᖏᑦᑐᒥ, ᑕᑯᓯᒪᒋᕗᓯ ᖃᓄᖅ ᐊᑕᓂᕐᒧᑦ ᒎᑎᑦᓯᓐᓄᑦ ᓴᐳᑎᔭᐅᓯᒪᓚᐅᕐᓂᑦᓯᓐᓂᒃ ᑕᒪᐅᓈᕐᑎᓪᓗᓯ ᓄᓇᒧᑦ ᒪᐅᖓ ᑎᑭᓪᓗᓯ, ᐊᑖᑕᐅᑉ ᐃᕐᓂᕐᒥᓂᒃ ᐊᒡᔭᕐᓯᓲᖑᓂᖓᑐᑦ.’

ᒨᓯᓯ ᑕᓪᓕᒪᖏᑦ 33:27

ᒎᑎ ᐃᓱᖃᖏᑦᑐᖅ ᐃᓂᒋᕙᓯ; ᑖᑦᓱᒪᓗ ᑕᓕᖏᒃ ᐃᓱᖃᖏᑦᑑᒃ ᓇᔪᒻᒪᖅᑯᑎᒋᕙᓯ. ᑖᑦᓱᒪᓗ ᐊᑭᕋᕐᑐᕐᑎᓯ ᐊᓂᑎᑉᐰᑦ ᓯᕗᓂᑦᓯᓐᓂ, ᐅᖃᐅᑎᓪᓗᓂᓯ ᓄᖑᕅᒋᑦᓯ.

ᒨᓯᓯ ᑕᓪᓕᒪᖏᑦ 8:2

ᐃᖅᑲᐅᒪᔪᒃᓴᐅᕗᓯᑦᑕᐅᖅ ᐊᑕᓂᐅᑉ ᒎᑎᑦᓯ ᖃᓄᖅ ᑕᓯᐅᓚᐅᕐᒪᖔᓯ ᐊᕐᕌᒍᓂᒃ 40ᓂᒃ ᐃᓄᖃᖏᑦᑐᒃᑯᑦ, ᐃᓕᑦᓯᓐᓂᒃ ᒥᑭᒡᓕᑎᕈᓐᓇᕐᓯᖁᓪᓗᓯ, ᖃᐅᔨᓴᕈᒪᓪᓗᓯᓗ ᖃᓄᖅ ᐆᒻᒪᒻᒥᐅᑕᖃᕐᒪᖔᑦᓯ, ᐱᖁᔭᖏᓐᓂᒡᓗ ᓈᓚᒍᒪᓂᐊᕐᒪᖔᑦᓯ, ᓈᓚᒍᒪᓂᐊᖏᒻᒪᖔᑦᓯᓗ.