ᕼᐆᓯᐊᑉ ᐊᒡᓚᖏᑦ 10:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐃᑎᕐᓴᓕᐅᕆᓚᐅᕐᐳᓯ ᐱᕈᕐᓰᕕᒃᓴᓂᒃ ᐱᐅᖏᑦᑐᓂᒃ, ᑲᑎᕐᓱᐃᓪᓗᓯᓗ ᓈᒻᒪᖏᑦᑐᓕᓂᕐᒥᒃ, ᓂᕆᓚᐅᕋᑦᓯ ᓴᒡᓗᓂᒃᑯᑦ ᐱᕈᕐᑐᓂᒃ. ᑕᑎᖃᓚᐅᕋᑦᓯ ᓇᖕᒥᓂᖅ ᐱᔪᓐᓇᕐᑐᖁᑎᑦᓯᓐᓂᒃ ᐅᓄᕐᑐᕐᔪᐊᓂᒡᓗ ᐅᓇᑕᕐᓂᕐᒧᑦ ᐱᔪᓐᓇᕐᑐᐊᓗᖕᓂᒃ.

ᕼᐆᓯᐊᑉ ᐊᒡᓚᖏᑦ 10:13 Iomraidhean Croise

ᔫᐱᐅᑉ ᐊᒡᓚᖏᑦ 4:8

ᑕᑯᖃᑦᑕᕐᓯᒪᕗᖓ ᐱᐅᖏᑦᑐᓂᒃ ᑲᓐᖓᕐᓱᐃᓯᒪᔪᓂᒃ ᐊᑲᐅᖏᑦᑐᓂᒡᓗ ᑲᓐᖓᕐᓱᐃᔪᑦ ᑍᒤᑦᑐᓂᒃᑕᐅᖅ ᑲᑎᕐᓱᐃᓕᕐᐸᖕᒪᑕ.

ᐃᓐᖏᕈᑎᑦ 33:16

ᐊᖓᔪᖅᑳᕐᔪᐊᑦ ᓇᓪᓕᐊᓪᓘᓐᓃᑦ ᓴᐳᑎᔭᐅᓐᖏᓚᑦ ᐅᓇᑕᕐᑐᒃᓴᖁᑎᖏᑕ ᐅᓄᕐᓂᖏᓐᓄᑦ; ᐅᓇᑕᕐᑐᒃᓴᓪᓘᓐᓃᑦ ᓇᓪᓕᐊᑦ ᐊᔪᖏᑦᑐᑦ ᓴᐳᑎᔭᐅᓐᖏᓚᑦ ᓴᓐᖏᓂᕐᒥᖕᓄᑦ.

ᐃᓐᖏᕈᑎᑦ 52:7

“ᐆᒪ ᐊᖑᑎᐅᑉ ᒎᑎ ᐊᔪᖏᑦᔪᑎᒋᓚᐅᓐᖏᓛ, ᑕᑎᖃᕐᓂᕐᓴᐅᓚᐅᕐᐳᕐᓕ ᐊᒃᓗᐃᑦᔪᑎᒥᓂᒃ, ᐱᐅᖏᑦᑐᓕᓂᕐᓗ ᓴᓐᖏᔫᑦᔪᑎᒋᓚᐅᕐᐹ.”

ᐃᓐᖏᕈᑎᑦ 62:10

ᐊᒃᓱᕈᕐᑎᑕᐅᓂᕐᒧᑦ ᓵᓚᖃᕋᓱᐊᕐᓂᖅ ᑕᑎᒋᓂᐊᕐᓇᒍ, ᐱᐅᔪᕆᑦᔪᑎᒋᓂᐊᕐᓇᒋᓪᓗ ᑎᒡᓕᒐᕕᓃᑦ; ᐊᒃᓗᐃᓕᒐᓗᐊᕈᕕᑦ, ᐆᒻᒪᑏᑦ ᑕᕝᕙᓂ ᐃᓂᖃᓕᕐᑎᓐᓂᐊᕐᓇᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:31

ᑍᒤᒻᒪᑦ ᐱᕈᕐᑎᑕᒥᖕᓂᒃ ᓂᕆᔪᒫᕐᐳᑦ, ᓇᖕᒥᓂᕐᓗ ᐱᓂᐊᕐᓂᕐᒥᖕᓄᑦ ᐊᕿᐊᑦᑐᕈᒫᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:19

ᓱᓕᑦᓯᐊᕐᑐᑦ ᐅᖃᐅᓰᑦ ᐳᐃᒍᕐᑕᐅᓂᐊᓐᖏᓚᑦ ᐃᓱᖃᖏᑦᑐᒧᑦ, ᓴᒡᓗᑐᔫᓪᓕ ᐅᖃᐅᓯᖏᑦ ᑕᕝᕔᓐᓇᖅ ᐊᓯᐅᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:2

ᐊᖑᑦ ᐅᖃᐅᓯᕐᒥ ᐱᕈᕐᑎᑕᖏᓐᓄᑦ ᒪᒪᕐᑐᓂᒃ ᓂᕿᖃᕐᑎᑕᐅᕗᖅ, ᓯᓔᕐᕆᒃᓯᓇᓱᐊᕐᑎᓕ ᑲᑉᐱᐊᓱᒃᑎᑦᓯᓂᕐᒥᒃ ᐱᔪᒪᔭᖃᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:5

ᐃᖅᑲᕐᑐᐃᕕᖕᒥ ᓱᓕᖏᑦᑐᓂᒃ ᐅᖃᐅᓯᖃᕈᕕᑦ ᓱᒋᐊᕐᑕᐅᖏᑦᑑᓂᐊᓐᖏᓚᑎᑦ, ᓴᒡᓗᔪᕐᓗ ᕿᒫᕕᒃᓴᖃᕐᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:8

ᐊᑦᔨᒌᒃᑎᑦᓯᖏᓐᓂᕐᒥᒃ ᑲᓐᖓᕐᓱᐃᔪᖅ ᕿᒃᓵᖕᓇᕐᑐᒥᒃ ᑲᑎᕐᓱᐃᓂᐊᕐᐳᖅ, ᓂᓐᖓᐅᒪᓂᖓᑕᓗ ᑲᑉᐱᐊᓇᕐᓂᖓ ᓵᓚᖃᕐᓂᐊᓐᖏᓚᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:11

ᓯᕿᓂᐅᑉ ᐊᑖᓂ ᑕᑯᓚᐅᕆᕗᖓ ᐃᒫᒃ: ᓱᒃᑲᓕᓂᕐᒧᑦ ᓵᓚᖃᕋᓱᐊᕐᓂᖅ ᓱᒃᑲᓕᓂᕐᐹᒧᑦ ᑐᕌᖓᖏᒻᒪᑦ, ᐅᓇᑕᕐᓂᕐᓗ ᓴᓐᖏᔪᒧᑦ ᑐᕌᖓᓇᓂ, ᓂᕿᒃᓴᕐᓗ ᓯᓚᑐᔪᒧᑦ ᑐᕌᖓᖕᒥᓇᓂ, ᐊᔪᕐᓴᖏᓐᓂᕐᓗ ᐃᓱᒪᑐᔪᒧᑦ ᑐᕌᖓᖕᒥᓇᓂ, ᖁᕕᐊᒋᔭᐅᓂᕐᓗ ᓴᓇᑐᔪᒧᑦ ᑐᕌᖓᖕᒥᓇᓂ; ᐱᕕᒃᓴᒧᓪᓕ ᓇᓪᓕᐅᑎᔪᓄᓪᓗ ᑕᒪᕐᒥᒃ ᑎᑭᑕᐅᕙᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 17:11

ᐱᕈᕐᑎᑦᓯᕙᒃᑲᓗᐊᕐᑐᓯ ᐅᓪᓗᒥᑦᓮᓐᓇᖅ ᓄᓇᒧᑦ ᐃᓕᔭᑦᓯᓐᓂᒃ, ᓄᓇᕋᖃᓕᕐᓗᑎᒃ ᐅᓪᓛᓐᖑᕐᒪᑦ ᓄᓇᒧᑦ ᐃᓕᓚᐅᕐᑕᓯ; ᑭᓯᐊᓂ ᑲᑎᕐᓱᐃᓂᖃᕈᓐᓃᓛᕐᐳᖅ ᐅᓪᓗᒥ ᕿᒃᓵᒡᕕᖕᒥ ᐋᓐᓂᐊᓇᕐᑐᒥ ᐋᓐᓂᐊᕈᓐᓃᕐᓇᖏᑦᑐᒥᒡᓗ.

ᕼᐆᓯᐊᑉ ᐊᒡᓚᖏᑦ 11:12

ᐊᑕᓂᖅ ᐅᖃᕐᐳᖅ, “ᐃᕗᕅᒥᐅᑉ ᓴᒡᓗᓂᕐᒥᒃ ᐱᓂᐊᕐᕕᒋᓯᒪᕚᖓ, ᐃᓴᕆᐊᓕᐅᓪᓗ ᑭᖑᕚᖏᑕ ᓴᒡᓗᕿᓪᓗᓂᖓ; ᔫᑕᓕ ᓱᓕ ᐃᓅᖃᑎᖃᕐᐳᖅ ᒎᑎᒥᒃ, ᓱᖁᓯᓚᐅᖏᑦᑐᑑᕗᕐᓗ ᐃᑦᔪᕐᓁᑦᑐᒧᑦ.

ᕼᐆᓯᐊᑉ ᐊᒡᓚᖏᑦ 4:2

ᐅᖃᕕᒃᓗᑎᒃ ᐊᖏᒻᒪᕆᒃᐸᒃᑲᓗᐊᕐᐳᑦ, ᓴᒡᓗᖃᑦᑕᕐᐳᑦ, ᑐᖁᕅᕗᑦ, ᑎᒡᓕᒐᕐᐳᑦ, ᐊᓯᓐᓂᐊᕐᓗᑎᒡᓗ; ᐱᕋᔭᖕᓃᓪᓗ ᑭᒡᓕᖃᕈᓐᓃᕐᐳᑦ, ᑐᖁᕅᑐᐃᓐᓇᓕᕐᐳᑦ ᑐᖓᓕᕇᒥᒃ.

ᕼᐆᓯᐊᑉ ᐊᒡᓚᖏᑦ 4:8

ᐊᒃᓱᐃᓕᕗᓯ ᐃᓄᖁᑎᒪ ᐊᔪᕐᓂᖏᓐᓄᑦ; ᑖᒃᑯᐊᓗ ᑲᔪᖏᓛᕐᐳᑦ ᐊᔪᕐᑐᓕᓂᕐᒧᑦ.

ᕼᐆᓯᐊᑉ ᐊᒡᓚᖏᑦ 7:3

“ᐊᖓᔪᖅᑳᕐᔪᐊᖅ ᖁᕕᐊᓱᒃᑎᑉᐹᑦ ᐱᐅᖏᑦᑐᓕᓂᕐᒥᖕᓄᑦ, ᐊᖓᔪᖅᑳᖁᑎᖏᓪᓗ ᓴᒡᓗᓂᒃᑯᑦ ᓯᓔᕐᕆᕔᑦ.

ᕼᐆᓯᐊᑉ ᐊᒡᓚᖏᑦ 8:7

ᐊᓄᕆᒥᒃ ᑲᓐᖓᕐᓱᐃᒍᑎᒃ, ᐅᓚᔪᔭᕐᔪᐊᒥᒃ ᑲᑎᕐᓱᐃᔪᒫᕐᐳᑦ. ᓂᐊᖂᔭᒃᓮᑦ ᓂᐊᖁᖃᓐᖏᓚᑦ, ᓂᕆᔭᒃᓴᒥᒃ ᐱᕈᕐᕕᐅᓂᐊᓐᖏᓚᑦ; ᐱᕈᕐᕕᐅᒐᓗᐊᕐᐸᑕ ᓄᓇᖅᑲᑎᒋᓐᖏᑕᖏᑕ ᓂᕆᔪᒫᕐᐰᑦ.

ᓴᒧᐃᓕ ᓯᕗᓪᓖᑦ 24:14

ᐃᓴᕆᐊᓕᒥᐅᑦ ᐊᖓᔪᖅᑳᔪᐊᖓ ᑭᓇᒦᒃ ᕿᓂᕆᐊᕐᐸ? ᑭᓇᒦᒃ ᒪᓕᒃᐱᑦ? ᑐᖁᖓᔪᒦᒃ ᕿᒻᒥᒦᒃ! ᑯᒪᖕᒥᒡᓘᓐᓃᑦ!