ᕼᐆᓯᐊᑉ ᐊᒡᓚᖏᑦ 1:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᔫᑕᐅᓪᓕ ᑭᖑᕚᖏᑦ ᓂᑲᒋᓂᐊᕐᐸᒃᑲ, ᐱᐅᓕᔪᒫᕐᓗᒋᓪᓗ ᐊᑕᓂᒃᑯᑦ ᒎᑎᖓᑦᑎᒍᑦ; ᐱᐅᓕᓂᐊᓐᖏᓚᒃᑲᓕ ᐱᑎᒃᓯᒧᑦ ᓴᕕᒡᔪᐊᒧᓪᓘᓐᓃᑦ, ᐅᓇᑕᕐᓂᒃᑯᓪᓘᓐᓃᑦ, ᕿᒻᒥᕐᔪᐊᑎᒍᓪᓘᓐᓃᑦ, ᕿᒻᒥᕐᔪᐊᒥ ᐃᑭᒪᔪᑎᒍᓪᓘᓐᓃᑦ.”

ᕼᐆᓯᐊᑉ ᐊᒡᓚᖏᑦ 1:7 Iomraidhean Croise

ᐊᑕᓃᑦ ᐂᑉᐸᖏᑦ 19:29

“ᐃᒫᒃ ᓇᓗᓁᒃᑯᑕᒃᓴᐅᕗᖅ ᐃᓕᖕᓄᑦ: ᐊᕐᕌᒍᒥ ᑕᕝᕙᓂ, ᐊᕐᕌᒎᔪᒫᕐᑐᒥᓗ ᐱᕈᕐᓰᕕᖕᒥᐅᖏᑦᑐᖅ ᑕᒫᓂᑐᐃᓐᓇᖅ ᐱᕈᕐᑐᕕᓂᕐᓂᒃ ᑭᓯᐊᓂ ᓂᕿᒃᓴᖃᕐᓂᐊᕐᐳᓯ, ᑭᓯᐊᓂ ᑕᒪᒃᑯᐊ ᑭᖑᓂᖓᓂ ᓇᖕᒥᓂᖅ ᑲᓐᖓᕐᓱᕐᑕᕕᓂᑦᓯᓐᓂᒃ ᑲᑎᕐᓱᐃᔪᓐᓇᕐᓯᔪᒫᕐᐳᓯ, ᐸᐅᕐᖓᓄᓪᓗ ᐱᕈᕐᓰᕕᓕᐊᕕᓂᑦᓯᓐᓄᑦ ᐸᐅᕐᖓᕐᑐᒐᒃᓴᖃᓕᕈᒫᕐᐳᓯ.

ᐊᑕᓃᑦ ᐂᑉᐸᖏᑦ 19:34

ᑖᒃᑯᐊ ᐃᒡᓗᒐᓴᒡᔪᐊᑦ ᓴᐳᑎᓯᒪᓂᐊᕋᒃᑭᑦ, ᐅᕙᖓ ᓇᖕᒥᓂᖅ ᐱᑦᔪᑎᒋᓗᖓ ᑍᕕᑎᓗ ᐱᑦᔪᑎᒋᓗᒍ.”

ᐊᑕᓃᑦ ᐂᑉᐸᖏᑦ 19:35

ᐅᓐᓄᐊᒥ ᑍᑦᓱᒪᓂᑦᓮᓐᓇᖅ ᐊᑕᓂᐅᑉ ᐂᖏᓕᖓ ᐊᓯᕆᐊᒥᐅᑦ ᑕᖕᒫᕐᓯᒪᕕᖓᓄᐊᕐᓗᓂ ᐅᓇᑕᕐᑎᖁᑎᖏᓐᓂᒃ 185,000ᓂᒃ ᑐᖁᕅᓚᐅᕐᐳᖅ; ᖃᐅᑎᓪᓗᒍ ᐅᓪᓛᒃᑯᑦ ᑕᑯᔭᐅᕗᑦ, ᑎᒦᑦ ᑐᖁᖓᔪᐃᓐᓇᓕᒫᑦ.

ᐊᑕᓃᑦ ᐂᑉᐸᖏᑦ 6:18

ᓯᕆᐊᒥᐅᑦ ᐅᓇᑕᕐᑎᖁᑎᖏᑦ ᕾᒋᐊᓯᖕᒪᑕ, ᐃᓔᓴ ᑐᒃᓯᐊᕐᐳᖅ, “ᐊᑕᓃᖅ ᐅᑯᐊ ᐃᓄᐃᑦ ᐱᒋᐊᓚᐅᒃᑭᑦ, ᑐᒃᓯᐊᕐᕕᒋᕙᒋᑦ, ᑕᐅᑐᒍᓐᓃᕐᑎᓪᓗᒋᑦ.” ᐊᑕᓂᐅᑉ ᐱᒋᐊᕐᐰᑦ ᑕᐅᑐᒍᓐᓃᕐᑎᑕᐅᕗᓪᓗ ᐃᓔᓴᐅᑉ ᑐᒃᓯᐊᕐᓂᖓ ᒪᓕᒃᓗᒍ.

ᐃᓐᖏᕈᑎᑦ 33:16

ᐊᖓᔪᖅᑳᕐᔪᐊᑦ ᓇᓪᓕᐊᓪᓘᓐᓃᑦ ᓴᐳᑎᔭᐅᓐᖏᓚᑦ ᐅᓇᑕᕐᑐᒃᓴᖁᑎᖏᑕ ᐅᓄᕐᓂᖏᓐᓄᑦ; ᐅᓇᑕᕐᑐᒃᓴᓪᓘᓐᓃᑦ ᓇᓪᓕᐊᑦ ᐊᔪᖏᑦᑐᑦ ᓴᐳᑎᔭᐅᓐᖏᓚᑦ ᓴᓐᖏᓂᕐᒥᖕᓄᑦ.

ᐃᓐᖏᕈᑎᑦ 44:7

ᐃᕝᕕᓪᓕ ᐊᑭᕋᑦᑎᓐᓂᑦ ᓴᐳᑎᕙᑦᑎᒍᑦ, ᑲᓐᖑᓇᕐᑐᒦᑎᑉᐸᑎᓪᓗ ᐅᕙᑦᑎᓐᓂᒃ ᐆᒥᓱᒃᑐᑦ.

ᒨᓯᓯ ᐂᑉᐸᖏᑦ 14:13

ᒨᓯᓯᐅᑉ ᑭᐅᕔᑦ, “ᑲᑉᐱᐊᓱᖏᓪᓗᓯ ᓱᕐᕋᒃᑍᓕᒋᑦᓯ ᑕᑯᓂᐊᕐᐳᓯ ᐊᑕᓂᐅᑉ ᓴᐳᑦᔨᓂᖓᓂᒃ ᐃᓕᑦᓯᓐᓂᒃ ᐅᓪᓗᒥ. ᑖᒃᑯᐊ ᐄᑦᔨᑉᑎᒥᐅᑦ ᑕᑯᒃᑲᓐᓂᕈᓐᓇᕐᓂᐊᓐᖏᓚᓯ.

ᒨᓯᓯ ᐂᑉᐸᖏᑦ 14:30

ᐅᓪᓗᒥ ᑍᑦᓱᒪᓂ ᐊᑕᓂᐅᑉ ᐃᓴᕆᐊᓕᒥᐅᑦ ᐱᐅᓕᓚᐅᕐᐰᑦ ᐄᑦᔨᑉᑎᒥᐅᓂᑦ. ᐃᓴᕆᐊᓕᒥᐅᓪᓗ ᐄᑦᔨᑉᑎᒥᐅᕕᓂᕐᓂᒃ ᑐᖁᖓᓕᕐᑐᓂᒃ ᑕᑯᕗᑦ ᐃᒪᐅᑉ ᓯᓈᓂ.

ᐂᓮᐊᓯᐅᑉ ᐊᒡᓚᖏᑦ 12:2

ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”

ᐂᓮᐊᓯᐅᑉ ᐊᒡᓚᖏᑦ 30:18

ᐊᑕᓂᕐᓕ ᐅᑕᖅᑭᕗᖅ, ᐃᓕᑦᓯᓐᓂᒃ ᐱᑦᓯᐊᕐᕕᖃᕈᒪᓪᓗᓂ; ᑍᒤᒻᒪᑦ ᒪᑭᑦᓱᒫᕐᐳᖅ ᓂᑲᒍᓱᖕᓂᕐᒥᓂᒃ ᖃᐅᔨᑎᑦᓱᒪᓪᓗᓯ, ᐊᑕᓂᖅ ᒎᑎᐅᖕᒪᑦ ᐊᑦᔨᒌᒃᑎᑦᓯᔪᖅ; ᖁᕕᐊᓱᒍᑎᒃᓴᖃᕐᐳᑦ ᐊᑕᓂᕐᒥᒃ ᐅᑕᖅᑭᔪᓐᓇᕐᑐᓕᒫᑦ.

ᐂᓮᐊᓯᐅᑉ ᐊᒡᓚᖏᑦ 49:6

ᑖᓐᓇ ᐅᖃᕐᐳᖅ, ‘ᐱᔨᒋᑐᐃᓐᓇᕈᒃᑭᑦ ᓱᓇᐅᓐᖏᓗᐊᕐᐳᖅ, ᒪᑭᑎᑦᓯᓗᑎᑦ ᔧᑰᑉ ᑭᖑᕚᖏᓐᓂᒃ, ᐅᑎᕐᑎᑦᓯᖁᓪᓗᑎᓪᓗ ᐃᓴᕆᐊᓕᒥᐅᑦ ᐊᒥᐊᒃᑯᖏᓐᓂᒃ; ᑐᓂᔪᒪᕙᒋᓪᓗ ᖃᐅᒻᒪᒃᓮᔨᐅᖁᓪᓗᑎᑦ ᐃᓅᖃᑎᒌᒡᔪᐊᓄᑦ, ᐱᐅᓕᒃᓯᔨᐅᓃᓪᓗ ᓄᓇᕐᔪᐊᑉ ᑭᒡᓕᖏᓐᓄᑦ ᑎᑭᐅᑎᖁᓪᓗᒍ.’”

ᐂᓮᐊᓯᐅᑉ ᐊᒡᓚᖏᑦ 7:14

ᑍᒤᒻᒪᑦ, ᐊᑕᓂᐅᑉ ᓇᖕᒥᓂᖅ ᓇᓗᓁᒃᑯᑕᒃᓴᒥᒃ ᑐᓂᓯᕕᒋᔪᒫᕐᐹᓯ: ᑕᑯᒋᑦ, ᐊᕐᓇᖅ ᐃᓅᓱᒃᑐᖅ ᓄᑕᕋᒃᓴᕐᑖᕈᒫᕐᐳᖅ ᐃᕐᓂᕐᑖᕆᔭᓂᓗ ᐊᑦᓯᕈᒫᕐᐹ ᐃᒪᓐᔪᐃᓕᒥᒃ.

ᔨᕆᒤᐊᐅᑉ ᐊᒡᓚᖏᑦ 25:5

ᐅᖃᖃᑦᑕᓚᐅᕐᐳᓪᓗ, ‘ᓵᒋᐊᓕᕆᑦᓯ, ᑕᒪᑦᓯ ᐊᑐᓂᑦ, ᐱᐅᖏᑦᑐᓕᓂᑦᓯᓐᓂᑦ ᐱᓂᐊᕐᓂᕆᔭᑦᓯᓐᓂᓪᓗ ᓈᒻᒪᖏᑦᑐᓂᑦ ᓄᓇᖃᑯᑖᒍᓐᓇᕐᓂᐊᕋᑦᓯ ᐊᑕᓂᐅᑉ ᓄᓇᑖᕆᔭᐅᑎᓯᒪᔭᖓᓂᒃ ᐃᓕᑦᓯᓐᓄᑦ ᓯᕗᓕᑦᓯᓐᓄᓪᓗ ᑍᑦᓱᒪᓂᐊᓗᖕᒥᑦ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 25:6

ᒎᑎᓐᖑᐊᓄᑦ ᓴᖑᕕᖃᕐᑍᓕᓗᓯ ᑭᒡᒐᕐᑐᕈᒪᓗᒋᑦ ᑐᒃᓯᐊᕐᕕᒋᖃᑦᑕᕈᒪᓗᒋᓪᓘᓐᓃᑦ, ᓂᓐᖓᒃᓴᕐᑍᓕᓯᓐᖓ ᓴᓇᔭᕕᓂᑦᓯᓐᓄᑦ ᑕᕝᕙ ᐊᓯᕈᕐᑕᐅᓇᕐᑐᒧᑦ ᓱᒋᐊᕐᓂᐊᓐᖏᓚᑦᓯ.’

ᔨᕆᒤᐊᐅᑉ ᐊᒡᓚᖏᑦ 33:26

ᑍᒫᒃᑕᐅᖅ ᔧᑰᑉ ᑭᖑᕚᖏᑦ ᖁᔭᓈᕋᔭᓚᐅᕐᐸᒃᑲ, ᑍᕕᑎᐅᓪᓗ ᐱᔨᒋᔭᒪ ᐃᕐᓂᖏᓐᓂᑦ ᐱᓯᒪᔪᒥᒃ ᐂᑉᕋᕼᐋᒻᑯᑦ, ᐂᓴᑭᒃᑯᑦ, ᔧᑯᒃᑯᓪᓗ ᐊᐅᓚᑦᓯᔨᒃᓴᖃᕋᔭᓚᐅᓐᖏᓚᑦ, ᑖᒃᑯᐊ ᒪᑭᑎᑦᓱᒫᕋᒃᑭᑦ ᓂᑲᒋᓪᓗᒋᓪᓗ.”

ᕼᐆᓯᐊᑉ ᐊᒡᓚᖏᑦ 1:8

ᒎᒪ ᐊᒫᒪᒃᑎᑦᓯᔪᓐᓃᕋᒥ ᐸᓂᖕᒥᓂᒃ ᓘ-ᕈᕼᐊᒪᒥᒃ, ᓄᑕᕋᒃᓴᑖᕆᕗᖅ ᐃᕐᓂᕐᑖᕐᓗᓂᓗ.

ᕼᐆᓯᐊᑉ ᐊᒡᓚᖏᑦ 11:12

ᐊᑕᓂᖅ ᐅᖃᕐᐳᖅ, “ᐃᕗᕅᒥᐅᑉ ᓴᒡᓗᓂᕐᒥᒃ ᐱᓂᐊᕐᕕᒋᓯᒪᕚᖓ, ᐃᓴᕆᐊᓕᐅᓪᓗ ᑭᖑᕚᖏᑕ ᓴᒡᓗᕿᓪᓗᓂᖓ; ᔫᑕᓕ ᓱᓕ ᐃᓅᖃᑎᖃᕐᐳᖅ ᒎᑎᒥᒃ, ᓱᖁᓯᓚᐅᖏᑦᑐᑑᕗᕐᓗ ᐃᑦᔪᕐᓁᑦᑐᒧᑦ.

ᓴᑲᕅᐊᐅᑉ ᐊᒡᓚᖏᑦ 4:6

ᐂᖏᓕᐅᓪᓗ ᐅᖃᐅᑎᕚᖓ ᔨᕈᐸᐱᐅᓪ ᑐᓴᕐᑎᑕᐅᖁᓪᓗᒍ ᑐᓴᕆᐊᖃᕐᑕᖓᓂᒃ ᐊᑕᓂᕐᒥᑦ ᐱᔪᒥᒃ ᐃᒫᒃ, “ᐱᔪᓐᓇᕐᓂᕐᓅᖏᑦᑐᖅ, ᑎᒥᕕᓪᓗ ᓄᑭᖓᓅᖏᑐᖅ, ᐅᕙᖓᓕ ᐊᓂᕐᓂᓐᓄᑦ, ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᓴᒧᐃᓕ ᓯᕗᓪᓖᑦ 17:47

ᐅᑯᐊᓗ ᑲᑎᒪᔪᓕᒫᑦ ᖃᐅᔨᖁᓪᓗᒋᑦ ᐊᑕᓂᖅ ᐱᐅᓕᒃᓯᖏᒻᒪᑦ ᓴᕕᒡᔪᐊᒃᑯᑦ ᖃᓗᒋᐊᒃᑯᓪᓗ; ᐅᓇᑕᕐᓂᖅ ᐊᑕᓂᐅᑉ ᐅᓇᑕᕐᓂᕆᕚ ᑐᓂᓂᐊᕐᐹᑎᓪᓗ ᐱᔪᓐᓇᕐᓂᑦᑎᓐᓄᑦ.”