ᕼᐆᓯᐊᑉ ᐊᒡᓚᖏᑦ 1:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐃᓴᕆᐊᓕᒥᐅᓪᓕ ᐃᓄᖏᑦ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᒫᕐᐳᑦ, ᐆᒃᑐᕋᕐᑕᐅᔪᓐᓇᖏᓪᓗᑎᒃ ᓈᓴᕐᑕᐅᔪᓐᓇᖏᓪᓗᑎᒡᓗ; ᑕᕝᕙᓂ ᐅᖃᐅᑦᔭᐅᔪᒫᕐᐳᑦ, “ᐃᓄᖁᑎᒋᓐᖏᓚᑦᓯ,” ᐅᖃᕐᕕᐅᓕᕈᒫᕆᕗᑦ, “ᒎᑎᐅᑉ ᐆᒪᔫᑉ ᕿᑐᕐᖓᖏᑦ.”

ᕼᐆᓯᐊᑉ ᐊᒡᓚᖏᑦ 1:10 Iomraidhean Croise

ᒨᓯᓯ ᓯᕗᓪᓖᑦ 13:16

ᑭᖑᕚᒃᓴᖃᕐᑎᑦᓱᒫᕐᐸᒋᓪᓗ ᐅᓄᕐᑐᕐᔪᐊᕌᓗᖕᓂᒃ ᓄᓇᒥ ᐳᔪᕋᕐᑎᑐᑦ ᐅᓄᕐᑎᒋᔪᓂᒃ; ᓄᓇᐅᑉ ᐳᔪᕋᖏᑦ ᓈᓴᕐᑕᐅᔪᓐᓇᕐᐸᑕ, ᑕᕝᕙ ᑭᖑᕚᒃᓴᑎᑦᑕᐅᖅ ᓈᓴᕐᑕᐅᔪᓐᓇᕋᔭᕆᕗᑦ!

ᒨᓯᓯ ᓯᕗᓪᓖᑦ 22:17

ᓱᓕᔪᒥᒃ ᓮᒻᒪᕐᑎᑦᓱᒫᕐᐸᒋᑦ, ᑭᖑᕚᒃᓴᑎᑦ ᐅᓄᕐᓯᑎᑦᓱᒫᕐᐸᒃᑲ ᕿᓚᖕᒥ ᐅᓪᓗᕆᐊᑎᑐᑦ ᓯᐅᖅᑲᑎᑐᓪᓗ ᑕᕆᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᓂᒃ. ᑭᖑᕚᑎᓪᓗ ᐊᑭᕋᒥ ᐃᑎᕐᑕᕐᕕᖏᓐᓂᒃ ᐱᓯᒪᔪᒫᕐᐳᑦ.

ᒨᓯᓯ ᓯᕗᓪᓖᑦ 32:12

ᐅᖃᓚᐅᕐᐳᑎᓪᓕ, ‘ᐱᐅᔪᒥᒃ ᐱᓂᐊᕐᕕᒋᓂᐊᕐᐸᒋᑦ, ᑭᖑᕚᒃᓴᑎᓪᓗ ᐃᒪᐅᑉ ᑭᒡᓕᖓᓂ ᓯᐅᕋᕐᑎᑐᑦ ᐅᓄᕐᑎᒋᔪᒫᕐᐳᑦ, ᐃᓄᒋᐊᓗᐊᕐᓂᕐᒧᑦ ᓈᓴᕐᑕᐅᔪᓐᓇᖏᓪᓗᑎᒃ.’”

ᓴᒧᐃᓕ ᐂᑉᐸᖏᑦ 7:24

ᐃᓴᕆᐊᓕᒥᐅᓪᓗ ᓇᖕᒥᓂᕐᑖᕆᓯᒪᕙᑎᑦ ᐃᓄᖁᑎᑖᕆᓪᓗᒋᑦ ᐃᓱᖃᖏᑦᑐᒧᑦ; ᐃᕝᕕᓪᓗ ᐊᑕᓃᖅ, ᒎᑎᒋᔭᐅᓕᕐᓗᑎᑦ ᑖᒃᑯᓄᖓ.

ᐂᓮᐊᓯᐅᑉ ᐊᒡᓚᖏᑦ 43:6

ᐅᓐᓄᐊᓪᓗᐊᑉ ᓇᓛᓃᑦᑐᑦ ᐅᖃᐅᑎᔪᒫᕐᐸᒃᑲ, ‘ᓴᒃᑯᓕᕐᓯᐅᒃ.’ ᐅᓪᓗᓪᓗᐊᓪᓗ ᓇᓛᓂᕐᒥᐅᑦ ᐅᖃᐅᑎᓗᒋᑦ, ‘ᐅᓂᒃᑎᓯᒪᑦᑍᓕᓯᒋᒃ.’ ᐃᕐᓂᒃᑲ ᓄᓇᓂ ᐅᖓᓯᒃᑐᓃᑦᑐᑦ ᕾᑎᑕᐅᓕᑦ, ᐸᓂᒃᑲᓗ ᓄᓇᕐᔪᐊᑉ ᑭᒡᓕᖓᓃᑦᑐᑦ ᕾᑎᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 48:19

ᑭᖑᕚᓯ ᓯᐅᕋᕐᑎᑐᑦ ᐅᓄᕐᑎᒋᒐᔭᓚᐅᕐᐳᑦ, ᕿᑐᕐᖓᓯᓗ ᓂᐊᖂᔭᒃᓮᑦ ᓯᖃᓪᓕᓯᒪᔪᑦ ᐅᓄᕐᓂᖏᑎᑐᑦ ᑍᒤᓪᓗᑎᒃ; ᐊᑎᖏᑦ ᐃᓱᓕᖃᑦᑕᕋᔭᓚᐅᓐᖏᓚᑦ ᐊᓯᕈᕐᑕᐅᖃᑦᑕᕋᔭᕋᑎᒡᓗ ᓵᓐᓂ.”

ᐂᓮᐊᓯᐅᑉ ᐊᒡᓚᖏᑦ 63:16

ᐊᑖᑕᒋᕙᑦᑎᒋᓪᓕ, ᐂᑉᕋᕼᐋᒻᒧᑦ ᖃᐅᔨᒪᔭᐅᖏᒃᑲᓗᐊᕐᑎᓪᓗᑕ, ᐃᓴᕆᐊᓕᒥᐅᓄᓪᓗ ᐃᓕᑕᕆᔭᐅᓯᒪᓇᑕ; ᐊᑕᓃᕐᓕ ᐃᓕᖕᓂᒃ ᐊᑖᑕᖃᕐᐳᒍᑦ ᐃᓕᖕᓄᑦ ᐅᑎᕐᑎᑦᓯᔨᒋᕙᑦᑎᒋᑦ ᑍᑦᓱᒪᓂᐊᓗᖕᓂᑦ ᑍᒫᒃ ᐊᑎᖃᕋᕕᑦ.

ᐂᓮᐊᓯᐅᑉ ᐊᒡᓚᖏᑦ 64:8

ᐊᑕᓃᕐᓕ ᐊᑖᑕᒋᕙᑦᑎᒋᑦ; ᒪᕐᕋᐅᕗᒍᑦ ᐃᕝᕕᑦ ᒪᕐᕋᓕᐅᕐᑎᐅᓪᓗᑎᑦ; ᐊᒡᒐᖕᓄᓪᓗ ᐃᓘᓐᓇᑕ ᓴᓇᔭᐅᓂᑰᓪᓗᑕ.

ᐂᓮᐊᓯᐅᑉ ᐊᒡᓚᖏᑦ 65:1

“ᐊᐱᕐᓱᕐᑕᐅᔪᓐᓇᕐᐳᖓ ᐅᕙᓐᓂᒃ ᐊᐱᕐᓱᓚᐅᕐᓯᒪᖏᑦᑐᓄᑦ, ᓇᓂᔭᐅᔪᓐᓇᕐᓗᖓᓗ ᐅᕙᓐᓂᒃ ᕿᓂᖏᑦᑐᓄᑦ. ᐅᖃᓚᐅᕐᐳᖓ, ‘ᒫᓃᑉᐳᖓ, ᒫᓃᑉᐳᖓ.’ ᐃᓅᖃᑎᒌᒡᔪᐊᓄᑦ ᐊᑎᓐᓄᑦ ᑐᒃᓯᐊᓚᐅᕐᓯᒪᖏᑦᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 66:20

ᐃᓅᖃᑎᓯᓗ ᑕᒪᕐᒥᒃ ᐊᖏᕐᕋᐅᑎᑦᓱᒫᕐᐰᑦ ᐃᓅᖃᑎᒌᒡᔪᐊᓂᑦ ᑐᓂᕐᕈᑎᒥᒃᑎᑐᑦ ᐊᑕᓂᕐᒧᑦ, ᕿᒥᕐᔪᐊᒃᑰᕐᓗᑎᒃ ᑲᓕᒐᓕᒃᑯᑦ ᐅᓂᐊᒐᕐᑎᒍᑦ, ᓯᐅᑎᖅᑯᕐᑐᔪᑎᒍᓪᓗ ᑳᒥᓕᑯᓪᓗᒃ, ᖃᖅᑲᖁᑎᓐᓄᑦ ᐃᑦᔪᕐᓁᑦᑐᒧᑦ ᔨᕉᓴᓕᒦᑦᑐᒧᑦ, ᐊᑕᓂᖅ ᐅᖃᕐᐳᖅ, ᐃᓴᕆᐊᓕᒥᐅᓪᓗ ᓂᐊᖂᔭᒃᓴᓂᒃ ᑐᓂᕐᕈᑎᒃᓴᒥᖕᓂᒃ ᓴᓗᒪᑦᓯᐊᕐᑐᓂᒃ ᐴᕐᓯᒪᔪᓂᒃ ᑐᓂᓯᔭᕐᑐᕐᐸᖕᒪᑕ ᐊᑕᓂᐅᑉ ᐃᒡᓗᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 33:22

ᕿᓚᖕᒥᐅᒐᓴᒡᔪᐃᑦ ᓈᓴᒐᒃᓴᐅᖏᒻᒪᑕ ᓯᐅᕅᓪᓗ ᓯᒡᔭᒦᑦᑐᑦ ᓈᓴᕐᑕᐅᔪᓐᓇᕋᑎᒃ, ᑍᒫᒃᑕᐅᖅ ᑍᕕᑎᐅᑉ ᐱᔨᒪ, ᓕᕔᑎᓪᓗ ᑐᓂᕐᕈᓯᕐᑎᑦᓯᔩᑦ ᐱᓇᓱᐊᕐᐸᒃᑐᑦ ᐅᕙᓐᓄᑦ ᐅᓄᕐᓯᑎᑦᓱᒫᕐᐸᒃᑲ.”

ᑖᓂᐊᓕᐅᑉ ᐊᒡᓚᖏᑦ 6:26

ᐱᖁᔭᓕᐅᕐᐳᖓ ᐊᖓᔪᖅᑲᐅᕕᓕᒫᓐᓂ ᐃᓄᐃᑦ ᓴᔪᒃᑐᒃᓴᐅᕗᑦ ᓯᕘᕋᓗᑎᒡᓗ ᑖᓂᐊᓕᐅᑉ ᒎᑎᖓᓂᒃ: ᑖᓐᓇ ᐃᓅᖕᒪᑦ ᓱᖁᓯᕐᓂᐊᕋᓂᓗ ᐃᓱᖃᖏᑦᑐᒧᑦ, ᐊᖓᔪᖅᑲᐅᕕᖓ ᐊᓯᕈᕐᑕᐅᓂᐊᓐᖏᓚᖅ, ᐊᑕᓂᐅᓂᖓᓗ ᐃᓱᓕᓐᓂᐊᓐᖏᓚᖅ.

ᕼᐆᓯᐊᑉ ᐊᒡᓚᖏᑦ 1:9

ᐊᑕᓂᕐᓗ ᐅᖃᕐᐳᖅ ᕼᐆᓯᐊᒧᑦ, “ᐊᑦᓯᕈᒃ ‘ᓘ-ᐋᒥᒥᒃ,’ ᐃᓴᕆᐊᓕᒥᐅᑦ ᐃᓄᖁᑎᒋᖏᓐᓇᒃᑭᑦ ᑖᒃᑯᓄᖓᓗ ᒎᑎᒋᔭᐅᓇᖓ.”

ᕼᐆᓯᐊᑉ ᐊᒡᓚᖏᑦ 2:23

“ᑖᓐᓇᓗ ᑲᓐᖓᕐᓱᐃᕕᒋᔪᒫᕐᐸᕋ ᓇᖕᒥᓂᓐᓂᒃ ᓄᓇᒥ ᐊᔪᕐᓴᕈᓐᓁᕐᑎᓪᓗᒍ. ᓂᑲᒍᓱᖕᓂᕐᒥᒡᓗ ᓴᖅᑭᑎᑦᓯᕕᒋᔪᒫᕐᐸᕋ ᓇᒡᓕᒋᔭᐅᖏᑦᑑᔪᓐᓃᕐᓗᓂ, ᑍᒃᑯᐊᓗ ᐅᖃᐅᑦᔭᖃᑦᑕᓚᐅᕐᑐᑦ ᐃᓄᖁᑎᒋᓐᖏᑕᒃᑲ, ᐅᖃᐅᑎᔪᒫᕐᐸᒃᑲ ‘ᐃᓄᖁᑎᒋᕙᑦᓯ’; ᑖᒃᑯᐊᓗ ᑭᐅᔪᒫᕐᐳᑦ, ‘ᐃᕝᕕᑦ ᒎᑎᒋᕙᑦᑎᒋᑦ.’”

ᔪᐊᓇᓯᐅᑉ ᐊᒡᓚᖏᑦ 1:12

ᑖᑦᓱᒥᖓᓕ ᐃᓚᓕᐅᕆᔪᓕᒫᑦ, ᐅᒃᐱᓕᕐᓗᑎᒡᓗ ᑖᑦᓱᒪ ᐊᑎᖓᓄᑦ, ᑖᒃᑯᐊ ᕿᑐᕐᖓᑖᕆᔭᐅᔪᓐᓇᕐᓯᑎᑉᐰᑦ ᒎᑎᒧᑦ;

ᕉᒪᒥᐅᓄᑦ 8:19

ᐱᓐᖑᕐᑎᑕᐅᓯᒪᔪᓪᓕ ᐅᑕᖅᑭᕗᑦ ᕿᓚᓈᕐᓗᑎᒃ ᒎᑎᐅᑉ ᕿᑐᕐᖓᖏᑕ ᓇᓗᓁᕐᑕᐅᓂᒃᓴᖏᓐᓂᒃ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:18

ᐃᓕᑦᓯᓐᓄᑦ ᐊᑖᑕᒋᔭᐅᓂᐊᕐᐳᖓ, ᐅᕙᖓᓕ ᐃᕐᓂᕆᓂᐊᕐᐸᑦᓯ ᐸᓂᒋᓗᓯᓗ, ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᐳᖅ.”

ᐄᑉᕈᐃᓄᑦ 11:12

ᑍᒤᒻᒪᑦ ᐊᖑᒻᒥᑦ ᐊᑕᐅᓯᕐᒥᑦ ᑭᑐᕐᖓᕐᑖᑎᑦᓯᔪᓐᓇᕐᓂᖓ ᑐᖁᖓᓕᕐᑐᒥᒃ, ᑭᖑᕚᕐᑖᕈᓐᓇᕐᓯᓯᒪᕗᖅ ᐅᓄᕐᑐᕐᔪᐊᓂᒃ ᐅᓪᓗᕆᐊᑎᑐᑦ ᕿᓚᖕᒥ ᐅᓄᕐᑎᒋᔪᓂᒃ ᓯᐅᖅᑲᑎᑐᓪᓗ ᐃᒪᐅᑉ ᓯᓈᓂᑦᑐᑎᑐᑦ ᓈᓴᒐᒃᓴᐅᓐᖏᑎᒋᔪᓂᒃ.