ᐄᑉᕈᐃᓄᑦ 9:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᒃᖠᕐᕕᐅᓪᓗ ᖄᖓᓂ ᒪᕐᕉᓂᒃ ᓯᕈᐱᓐᖑᐊᖃᕐᐳᖅ ᐊᑐᓂ ᐃᓴᕈᓖᖕᓂᒃ ᓂᕐᑐᕐᓇᕐᑑᑉ ᓇᓗᓁᒃᑯᑕᖏᖕᓂᒃ, ᐃᓴᕈᖏᒃ ᐃᓵᖓᓪᓗᑎᒃ ᐃᒃᖠᕐᕕᐅᑉ ᒪᑐᖓᑕ ᖄᖓᓂ, ᓴᖅᑭᑎᑦᓯᔫᒃ ᐊᔪᕐᓃᑦ ᐃᓱᒪᒋᔭᐅᔪᓐᓁᕐᑕᐅᓂᖏᓐᓂᒃ. ᒫᓐᓇᓕ ᑕᒪᒃᑯᐊ ᐊᑐᓂᑦ ᐅᖃᐅᓯᕆᑦᓯᐊᕐᓗᒋ ᓇᓗᓁᕈᓐᓇᖏᑲᓚᐅᕐᑕᕗᑦ.

ᐄᑉᕈᐃᓄᑦ 9:5 Iomraidhean Croise

ᐊᑕᓃᑦ ᐂᑉᐸᖏᑦ 19:15

ᕼᐃᓯᑬᐊᓗ ᑐᒃᓯᐊᕐᓗᓂ ᐊᑕᓂᕐᒧᑦ ᐅᖃᕐᐳᖅ, “ᐊᑕᓃᖅ, ᐃᓴᕆᐊᓕᒥᐅᑦ ᒎᑎᖓᑦ, ᓯᕈᐲᒻ ᖁᓛᓂ ᐃᒃᓯᕙᐅᑕᕐᔪᐊᖃᕐᑐᑎᑦ, ᒎᑎᐅᕗᑎᑦ ᐊᓯᖃᕐᓇᒃ, ᓄᓇᒥᐅᑦ ᐊᖓᔪᖅᑳᕐᔪᐊᖃᕐᕕᓕᒫᖏᓐᓄᑦ; ᕿᓚᒡᓗ ᓄᓇᓗ ᓴᓇᓯᒪᒐᕕᒋᒃ.

ᑯᕉᓂᑲ ᓯᕗᓪᓖᑦ 28:11

ᑍᕕᑎᐅᓪᓗ ᐃᕐᓂᓂ ᓲᓗᒨᓂ ᑐᓂᕚ ᐆᒃᑑᑎᒃᓴᓂᒃ ᑐᒃᓯᐊᕐᕕᒡᔪᐊᒃᓴᐅᑉ ᐊᕙᑖᓄᑦ, ᐃᒡᓗᒃᓴᖏᓐᓄᑦ ᑮᓇᐅᔭᖃᐅᑎᒃᓴᖏᓐᓄᑦ, ᑲᑎᒪᕕᒃᓴᓄᑦ ᖁᕝᕙᓯᖕᓂᕐᓴᓄᑦ, ᑲᑎᒪᕕᒃᓴᓄᓪᓗ ᐊᒃᐸᓯᖕᓂᕐᓴᓄᑦ, ᓂᑲᒍᓱᖕᓂᐅᓪᓗ ᐃᒃᓯᕙᐅᑕᖓᑕ ᐃᓂᒃᓴᖓᓄᑦ;

ᐃᓐᖏᕈᑎᑦ 80:1

ᐃᓴᕆᐊᓕᒥᐅᑦ ᐰᕆᔨᖓᑦ ᑐᓵᓚᐅᕆᑦ, ᔫᓯᐱᒃᑯᓐᓂᒃ ᑕᓯᐅᕐᓯᓚᐅᕐᑐᑎᑦ ᓰᐱᑎᑐᑦ; ᓴᖅᑭᓚᐅᕆᑦ, ᐃᒃᓯᕙᐅᑕᕐᔪᐊᖃᕐᑐᑎᑦ ᓯᕈᐲᒻ ᖄᖏᓐᓂ.

ᐃᓐᖏᕈᑎᑦ 99:1

ᐊᑕᓂᖅ ᐊᖓᔪᖅᑳᕐᔪᐊᖑᕗᖅ; ᑍᒤᒻᒪᑦ ᐃᓄᐃᑦ ᓴᔪᒡᓕᑦ! ᐃᒃᓯᕙᐅᑕᕐᔪᐊᕐᒥ ᐃᒃᓯᕙᕗᖅ ᓯᕈᐲᒻ ᐊᕙᑖᓃᑎᓪᓗᒋᑦ; ᑍᒤᒻᒪᑦ ᓄᓇᕐᔪᐊᖅ ᓴᔪᒃᐱᓗᒃᐳᖅ!

ᒨᓯᓯ ᐱᖓᔪᖏᑦ 16:13

ᑎᐱᑦᓯᐊᕆᒃᑐᖅ ᐃᓐᓴᓐᓯ ᐃᓕᔭᕆᐊᖃᕐᐹ ᐃᑯᒪᒧᑦ ᐊᑕᓂᐅᑉ ᓵᖓᓂ, ᐳᔪᖅ ᐃᓯᕐᓗᐊᕐᓂᑎᑦᓯᕕᖕᒥᑦ ᐱᔪᖅ ᑕᓕᑎᑦᓯᓂᐊᕐᒪᑦ ᐊᖏᖃᑎᒌᒍᑎᒥᒃ ᐃᒃᓯᕕᖕᒥᑦ ᑐᖁᖁᓇᒍ.

ᒨᓯᓯ ᐱᖓᔪᖏᑦ 16:2

ᐊᑕᓂᐅᑉ ᒨᓯᓯ ᐅᖃᐅᑎᕚ, “ᐊᖓᔪᐃᑦ ᐂᕉᓂ ᐅᖃᐅᑎᒍᒃ ᐃᑎᕈᒪᓕᕈᓂ ᖃᖓᑐᐃᓐᓇᒃᑯᑦ ᐃᑎᖃᑦᑕᖁᖏᓪᓗᒍ ᐃᑦᔪᕐᓁᕐᑐᕕᖕᒥ ᐃᑦᔪᕐᓁᓐᓂᕐᐹᖓᓐᓄᑦ ᑖᓗᑕᐅᑉ ᐅᖓᑖᓃᑦᑐᒧᑦ ᐃᓱᒪᒋᔭᐅᔪᓐᓁᕐᕕᐅᑉ ᐃᒃᓯᕐᕕᐅᑉ ᓵᖓᓄᑦ, ᐃᑎᕈᓂ ᖃᖓᑐᐃᓐᓇᒃᑯᑦ ᑐᖁᓂᐊᕐᒪᑦ, ᐅᕙᖓ ᓴᖅᑭᖃᑦᑕᕋᒪ ᓄᕗᔭᒥ ᑖᓗᑕᕐᔪᐊᑉ ᐃᓱᒪᒋᔪᓐᓁᕐᓯᕕᐅᑉ ᖁᓛᓂ.

ᒨᓯᓯ ᓯᑕᒪᖏᑦ 7:89

ᒨᓯᓯᓕ ᑐᐱᕐᔪᐊᒧᑦ ᐃᑎᓚᐅᕐᐳᖅ ᐊᑕᓂᖅ ᐅᖃᖃᑎᒋᔭᕐᑐᕐᓗᒍ, ᓂᐱᖓᓂᒡᓗ ᑐᓴᓚᐅᕐᐳᖅ ᐃᒻᒥᓄᑦ ᐅᖃᕐᑐᒥᒃ ᓂᑲᒋᔭᐅᕕᐅᑉ ᐃᒃᓯᕙᐅᑕᕐᔪᐊᑉ ᖁᓛᓂᑦ ᐱᔪᒥᒃ, ᑖᓐᓇᓗ ᐃᒃᓯᕐᕕᐅᑉ ᐊᖏᕈᑎᑕᓕᐅᑉ ᖄᖓᓂ ᐃᓂᖃᓚᐅᕐᐳᖅ, ᐂᓐᖏᓕᖑᐊᒃ ᓯᐅᕋᐱᒥᒃ ᐊᑎᖃᕐᑑᒃ ᐊᑯᓐᓂᖓᓃᑦᑐᖅ; ᑖᑦᓱᒪᓗ ᐅᖃᖃᑎᒋᓚᐅᕐᐹ.

ᕉᒪᒥᐅᓄᑦ 9:4

ᑖᒃᑯᐊ ᐃᓴᕆᐊᓕᒥᐅᖑᕗᑦ; ᕿᑐᕐᖓᐅᓂᕐᒥᒡᓗ ᐱᖃᕐᐳᑦ, ᓂᕐᑐᕐᓇᕐᓂᕐᒥᒃ ᖃᐅᔨᑎᓯᒪᕔᑦ; ᐊᖏᖃᑎᒌᖕᓂᕐᒥᒡᓗ ᐱᑎᓯᒪᓪᓗᒋᑦ, ᐱᖁᔭᓂᒃ ᑐᓂᓯᕕᒋᓯᒪᕔᑦ, ᑐᒃᓯᐊᖃᑦᑕᕐᓂᕐᒥᒡᓗ ᐊᑐᕐᐳᑦ, ᐊᖏᕐᕕᒋᓯᒪᓪᓗᓂᖏᓪᓗ;

ᐃᐱᓯᒥᐅᓄᑦ 3:10

ᒫᓐᓇᐅᓕᕐᑐᒃᑯᑦ ᐅᒃᐱᕐᑑᖃᑎᒌᑎᒍᑦ, ᒎᑎᐅᑉ ᓱᓇᑐᐃᓐᓇᓕᒫᑎᒍᑦ ᓯᓚᑐᓂᕐᔪᐊᖓ ᖃᐅᔨᔭᐅᔪᓐᓇᕐᓯᖁᓪᓗᒍ ᐊᐅᓚᑦᑎᔨᐅᕙᒃᑐᓄᑦ ᐱᔪᓐᓇᕐᓂᖃᕐᑐᓄᓪᓗ ᕿᓚᖕᒥᐅᓄᑦ.

ᐄᑉᕈᐃᓄᑦ 4:16

ᑍᒤᒻᒪᑦ ᓯᕘᕋᖏᓪᓗᑕ ᐃᒃᓯᕙᐅᑕᕐᔪᐊᖅ ᖃᒡᓕᓕᕐᓚᕗᑦ ᐱᑦᓯᐊᕐᕕᐅᓂᖅ, ᑕᕝᕙᓂ ᓂᑲᒋᔭᐅᖁᓪᓗᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᓪᓗ ᐃᑲᔪᕐᑕᐅᖁᓪᓗᑕ ᐃᑲᔪᕐᑕᐅᔭᕆᐊᖃᕐᓂᕗᑦ ᒪᓕᒡᓗᒍ.

ᐲᑦᑐᕉᓯ ᓯᕗᓪᓖᑦ 1:12

ᓴᖅᑭᑎᑦᓯᕕᐅᓚᐅᕐᐳᑦ ᓇᖕᒥᓂᖅ ᐱᕙᓪᓕᕈᑎᒃᓴᒥᖕᓄᑦ ᑍᒤᓕᐅᖏᓐᓂᖏᓐᓂᒃ ᐃᓕᑦᓯᓕ ᐱᕙᓪᓕᕈᑎᒃᓴᑦᓯᓐᓄᑦ, ᒫᓐᓇ ᐃᓕᑦᓯᓐᓄᑦ ᐅᖃᐅᓯᐅᓯᒪᓕᕐᐳᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᒃᑎᓄᑦ, ᐊᓂᕐᓂᖅ ᐃᑦᔪᕐᓁᑦᑐᒃᑯᑦ ᕿᓚᖕᒥᑦ ᐱᓯᒪᔪᒃᑯᑦ. ᑕᒪᓐᓇᑦᑕᐅᖅ ᐊᒡᓛᑦ ᐂᖏᓖᓄᑦ ᑐᑭᓯᔭᐅᔪᒪᕗᖅ.

ᓴᒧᐃᓕ ᓯᕗᓪᓖᑦ 4:4

ᑕᕝᕙ ᑎᓕᓯᕗᑦ ᐅᖃᕆᐊᕐᑐᕐᑐᓂᒃ ᓮᓗᐊᒧᑦ, ᐊᑕᓂᐅᓪᓗ ᐊᔪᒐᖃᖏᑦᑑᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓ ᓇᒃᓴᕐᐹᑦ, ᐃᒃᓯᕙᐅᑕᕐᔪᐊᖃᕐᑑᑉ ᓯᕌᐲᑦ ᐃᓴᕈᓖᒃ ᖁᓛᓂ; ᐃᓔᓪᓗ ᐃᕐᓂᖏᒃ ᕼᐅᐱᓂᓗ ᐱᓂᕼᐋᔅᓗ, ᐃᓚᐅᕗᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖓ ᑕᕝᕗᓐᖓᕐᑕᐅᑎᓪᓗᒍ.