ᐄᑉᕈᐃᓄᑦ 9:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑕᕝᕙᓂ ᒎᓗᒥᒃ ᑐᓂᕐᕈᓯᕐᕕᒃᑕᖃᕐᐳᖅ ᐃᓯᕐᓗᐊᕐᓂᑎᑦᓯᕕᖕᒥᒃ ᑎᐱᑦᓯᐊᕆᒃᓴᐅᒥᒃ; ᐊᖏᖃᑎᒌᒍᑏᓪᓗ ᐃᓂᖓ ᐃᒃᖠᕐᕕᒃ ᓯᓚᑎᓕᕐᓯᒪᔪᖅ ᒎᓗᒥᒃ. ᐃᓗᐊᓂ ᒎᓗᒥᒃ ᐃᒥᖃᐅᑎᑕᖃᕐᐳᖅ ᒫᓇᒥᒃ ᐃᓗᓕᓕᖕᒥᒃ, ᐂᕉᓂᐅᓪᓗ ᐊᔭᐅᑉᐱᐊᖓ ᐱᕈᕐᕕᐅᓯᒪᔪᖅ ᐅᖃᐅᔭᕐᓂᒃ, ᐅᔭᕌᒡᓗ ᓵᑦᑐᔮᖅ ᐊᖏᖃᑎᒌᒍᑎᖕᓂᒃ ᑎᑎᕋᕐᕕᒋᓯᒪᔫᒃ ᐃᓗᐊᓃᒃᑭᕗᑦ.

ᐄᑉᕈᐃᓄᑦ 9:4 Iomraidhean Croise

ᐊᑕᓃᑦ ᓯᕗᓪᓖᑦ 7:50

ᐃᕐᖑᓰᓪᓗ, ᖁᓪᓕᕐᒥᒡᓗ ᖃᒥᑦᓯᑦᔪᑏᑦ, ᐴᒍᑍᓪᓗ, ᑎᐱᑦᓯᐊᕆᒃᓴᐅᑏᓪᓗ ᐊᓪᓕᕋᖏᑦ, ᐊᓪᓕᕋᐅᔧᓪᓗ ᕿᔪᒃᓴᓄᑦ ᐴᕆᔭᐅᕙᒃᑐᑦ; ᕿᕕᕐᑕᔫᓪᓗ ᐃᑦᔪᕐᓁᓐᓂᕐᐹᑉ ᐅᒃᑯᐊᖓᑕ ᑎᒍᓕᖏᑦ, ᐃᓗᓪᓕᕐᐹᓪᓗ ᐃᑦᔪᕐᓁᓐᓂᕐᐹᑉ ᐅᒃᑯᐊᖓᑕ ᑎᒍᓕᖏᑦ ᒎᓗᓪᓚᕆᐅᔪᑦ, ᓱᓇᒃᑯᑎᓕᒫᖏᑦ ᑐᒃᓯᐊᕐᕕᒡᔪᐊᓪᓗ ᐃᓗᓪᓚᕆᖓᑕ ᐅᒃᑯᐊᖏᑕ ᑎᒍᓕᖏᑦ ᒎᓗᓪᓚᕆᐅᕗᑦ.

ᐊᑕᓃᑦ ᓯᕗᓪᓖᑦ 8:21

ᓴᓇᔭᐅᑎᑦᓯᓯᒪᓪᓗᖓᓗ ᐃᓂᒃᓴᒥᒃ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᓄᑦ, ᐃᓗᓕᖃᕐᓗᓂ ᐊᑕᓂᐅᑉ ᓯᕗᓕᑦᑎᓐᓄᑦ ᐊᖏᖃᑎᒌᒍᑎᓕᐊᕆᓚᐅᕐᑕᖏᓐᓂᒃ, ᑍᑦᓱᒪᓂ ᐄᑦᔨᑉᑎᒥᑦ ᐊᐅᓪᓚᕐᑎᓐᓇᒥᒋᑦ.”

ᐊᑕᓃᑦ ᓯᕗᓪᓖᑦ 8:9

ᑖᓐᓇ ᐊᑕᓂᐅᑉ ᐃᒃᓯᕐᕕᖓ ᐃᓗᓕᖃᓚᐅᓐᖏᓚᖅ ᐅᔭᕌᒃ ᒪᕐᕉᒃ ᓵᑦᑐᔮᒃ ᐊᓯᖏᖕᓂᒃ, ᒨᓯᓯᐅᑉ ᐃᓕᓚᐅᕐᑕᖏᖕᓂᒃ ᖃᖅᑲᒥ ᕼᐆᕆᑉᒥ, ᐊᑕᓂᐅᑉ ᐊᖅᑲᕐᕕᒋᓚᐅᕐᑕᖓᓂ ᐃᓴᕆᐊᓕᑎᑦ ᐃᓄᖏᓐᓄᑦ ᐄᑦᔨᑉᑎᒥᑦ ᐊᐅᓪᓚᕐᓯᒪᓕᕐᑎᓪᓗᒋᑦ.

ᑯᕉᓂᑲ ᐂᑉᐸᖏᑦ 5:10

ᐃᒃᓯᕐᕕᒃ ᐃᓗᓕᖃᓚᐅᓐᖏᓚᖅ ᐱᖁᔧᑦ ᐅᔭᕌᒃ ᒪᕐᕉᒃ ᒨᓯᓯᐅᑉ ᕼᐆᕆᑉᒥ ᐃᓕᓚᐅᕐᑕᖏᒃᑕ ᐊᓯᖏᓐᓂᒃ, ᑖᒃᑯᑎᒎᓇᖅ ᐊᑕᓂᖅ ᐊᖏᖃᑎᖃᓚᐅᕐᒪᑦ ᐃᓴᕆᐊᓕᒥᐅᓂᒃ, ᐄᑦᔨᑉᑎᒥᑦ ᐊᐅᓚᕐᑎᓪᓗᒋᑦ.

ᒨᓯᓯ ᐂᑉᐸᖏᑦ 26:33

ᑖᓗᑍᓪᓗ ᑖᒃᑯᐊ ᓂᕕᓐᖓᕐᑕᒃᓴᕆᕙᑎᑦ ᑐᐱᐅᑉ ᖁᓛᖓᑕ ᐊᑎᑦᑎᐊᖓᒍᑦ ᓂᒃᓯᖕᓂᒃ ᖃᖓᑕᑦᔪᑎᖃᕐᓗᑎᒃ, ᑕᕝᕗᓐᖓᐅᑎᔭᒃᓴᕆᕙᓪᓗ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᐱᖁᔭᓂᒃ ᑎᑎᕋᕐᕕᒋᓯᒪᔫᖕᓂᒃ ᒪᕐᕉᖕᓂᒃ ᐅᔭᕌᖕᓂᒃ ᐃᓗᓕᓕᒃ ᑕᕝᕙᓂ ᑖᓗᑕᐅᑉ ᐅᖓᑖᓂ ᐃᓂᖃᖁᓪᓗᒍ; ᐃᑦᔪᕐᓁᑦᑐᕕᒡᓗ ᐃᑦᔪᕐᓁᓐᓂᕐᐹᕐᓗ ᐊᕕᒃᑕᐅᓯᒪᖁᓪᓗᒋᒃ ᑕᒪᑐᒧᖓ ᑖᓗᑕᕐᒧᑦ.

ᒨᓯᓯ ᐂᑉᐸᖏᑦ 31:18

ᒎᑎᓗ ᒨᓯᓯᒧᑦ ᐅᖃᓪᓚᒌᕋᒥ ᖃᖅᑲᐅᑉ ᓮᓁᑉ ᖄᖓᓂᑦ, ᒨᓯᓯ ᑐᓂᕚ ᐅᔭᕌᖕᓂᒃ ᒪᕐᕉᖕᓂᒃ ᐱᖁᔭᓂᒃ ᑎᑎᕋᕐᕕᒋᓯᒪᔫᖕᓂᒃ ᒎᑎᐅᑉ ᓇᖕᒥᓂᖅ ᑎᑎᕋᕐᕕᒋᓯᒪᔭᖏᖕᓂᒃ.

ᒨᓯᓯ ᐂᑉᐸᖏᑦ 32:15

ᒨᓯᓯ ᑕᕝᕙ ᖃᖅᑲᒥᑦ ᐊᖅᑲᓕᕐᐳᖅ, ᑎᒍᒥᐊᕐᓗᓂ ᐱᖁᔭᓂᒃ ᑎᑎᕋᕐᕕᒋᓯᒪᔫᖕᓂᒃ ᐅᔭᕌᖕᓂᒃ ᒪᕐᕉᖕᓂᒃ ᑖᒃᑯᐊᒡᓗ ᐃᒡᓗᒃᑐᑦ ᑎᑎᕋᕕᒋᓯᒪᕘᒃ ᐊᑐᓂᑦ.

ᒨᓯᓯ ᐂᑉᐸᖏᑦ 34:29

ᒨᓯᓯᓕ ᖃᖅᑲᒥᑦ ᓮᓁᒥᑦ ᐊᖅᑲᓕᕐᐳᖅ ᐅᔭᕋᒃᑯᑦ ᑎᑎᕋᕐᓯᒪᔫᖕᓂᒃ ᒪᕐᕉᖕᓂᒃ ᓇᒃᓴᕐᓗᓂ, ᒨᓯᓯᓕ ᖃᐅᔨᒪᓚᐅᓐᖏᓚᖅ ᑮᓇᖓᑕ ᐅᕕᓂᖓ ᖃᐅᒻᒪᒃᓯᒪᓂᖓᓂᒃ, ᒎᑎᒥᒃ ᐅᖃᖃᑎᖃᕐᓯᒪᓂᕐᒥᓄᑦ.

ᒨᓯᓯ ᐂᑉᐸᖏᑦ 37:25

ᑐᓂᕐᕈᓯᕐᕕᖕᒥᒃ ᓴᓇᒋᕗᖅ ᐃᓯᕐᓗᐊᕐᓂᑎᑦᓯᕕᒃᓴᒥᒃ ᕿᔪᖕᒥᒃ ᓯᑎᔪᒥᑦ ᐊᑬᓯᐊᒥᒃ ᐊᑎᖃᕐᑐᒥᑦ, ᐃᓯᕐᓗᐊᕐᓂᑎᑦᓯᓂᕐᒥᒃ ᐃᑯᐊᓚᑦᓯᕕᒃᓴᐅᖁᓪᓗᒍ. ᓯᒃᑭᑕᓪᓗᐊᖑᕗᕐᓗ, 45ᓂᒃ ᓯᓐᑕᒦᑕᓂᒃ ᑕᑭᓂᖃᕐᓗᓂ 45ᓂᒡᓗ ᓯᓐᑕᒦᑕᓂᒃ ᓯᓕᖕᓂᖃᕐᓗᓂ, ᐳᕐᑐᓂᖃᕐᓗᓂᓗ 90ᓂᒃ ᓯᓐᑕᒦᑕᓂᒃ. ᑎᕆᖅᑯᖏᓪᓗ ᓯᑕᒪᑦ ᐊᑐᓂᑦ ᓇᒡᔪᖑᐊᖃᕐᐳᑦ ᓴᓂᕋᖏᓐᓂ ᐊᑕᑦᓴᐅᑎᒋᔪᓂᒃ ᐃᓕᓯᒪᖏᑦᑐᓂᒃ.

ᒨᓯᓯ ᐂᑉᐸᖏᑦ 39:35

ᐊᖏᖃᑎᒌᖕᓂᐅᓪᓗ ᐃᒃᓯᕐᕕᖁᑎᒃᓴᖓ ᐅᔭᕌᖕᓂᒃ ᑎᑎᕋᕐᕕᒋᓯᒪᔫᖕᓂᒃ ᐃᓗᓕᓕᒃ, ᓇᐸᔪᒃᓴᖏᓪᓗ, ᒪᑐᒃᓴᖓᓗ;

ᒨᓯᓯ ᐂᑉᐸᖏᑦ 40:3

ᑕᕝᕗᖓᓗ ᐃᓕᔭᒃᓴᕆᕙᑦ ᐊᖏᕈᑕᐅᓯᒪᔪᕐᑕᓕᐅᑉ ᐃᒃᓯᕐᕕᖁᑎᖓ ᐃᓗᓕᖃᕐᑐᖅ ᐱᖁᔭᓂᒃ ᖁᓕᓂᒃ ᑖᑦᓱᒪᓗ ᐃᒃᓯᕐᕕᐅᑉ ᓯᕗᕌᒍᑦ ᑖᓗᑕᓕᕐᑕᒃᓴᕆᕙᑦ.

ᒨᓯᓯ ᐱᖓᔪᖏᑦ 16:12

ᐃᓯᕐᓗᐊᕐᓂᑎᑦᓯᑦᔪᑎᒥᒃ ᐱᔭᕆᐊᖃᕐᐳᖅ ᐊᐅᒪᓂᒃ ᐃᓗᓕᖃᕐᓗᓂ ᑐᓂᕐᕈᓯᕐᕕᖕᒥᑦ, ᐊᑕᓂᐅᑉ ᓵᖓᓂᑦ, ᒪᕐᕈᕕᒡᓗᒍ ᐃᑎᒻᒥᐊᕐᑑᑎᒥᒃ ᑎᐱᑦᓯᐊᕆᒃᑐᒥᒃ ᐃᓐᓴᓐᓯᒥᒃ ᐃᓯᕐᓗᐊᕐᓂᑎᑕᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᑦ ᐱᓗᓂ, ᑖᒃᑯᐊ ᑕᓘᑉ ᐅᖓᑖᓄᐊᕈᑎᓗᓂᒋᑦ.

ᒨᓯᓯ ᓯᑕᒪᖏᑦ 17:10

ᐊᑕᓂᐅᓪᓗ ᒨᓯᓯ ᐅᖃᐅᑎᕚ, “ᐂᕉᓂᐅᑉ ᐊᔭᐅᑉᐱᐊᖓ ᐃᒃᓯᕐᕕᐅᑉ ᐊᖏᕈᑎᑕᓕᐅᑉ ᓵᖓᓄᑦ ᐅᑎᕐᑎᒍᒃ, ᑕᕝᕙᓂ ᐃᓂᖃᓕᖁᓪᓗᒍ ᐊᑭᕋᕐᑐᓚᐅᕐᑐᓄᑦ ᓇᓗᓁᒃᑯᑕᐅᖁᓪᓗᒍ, ᐅᕙᓐᓂᒃ ᐊᑭᕋᕐᑐᕐᓂᖏᑦ ᐃᓱᓕᑎᑕᐅᖁᓪᓗᒋᑦ, ᑐᖁᖁᓇᒋᑦ.”

ᒨᓯᓯ ᓯᑕᒪᖏᑦ 17:5

ᐃᒤᓐᓂᐊᕐᐳᖅ ᐊᖑᑎᐅᑉ ᓂᕈᐊᕐᑕᒪ ᐊᔭᐅᑉᐱᐊᖓ ᐱᕈᕐᕕᐅᓂᐊᕐᐳᖅ; ᑍᒫᒃ ᐃᓴᕆᐊᓕᒥᐅᑦ ᐅᕙᓐᓂᒃ ᓈᒻᒪᒃᓴᖏᓪᓗᑎᒃ ᓂᓪᓕᐊᓂᖏᑦ ᓄᖅᑲᕐᑎᓐᓂᐊᕐᐸᒃᑲ, ᐃᓕᖕᓂᒃ ᐊᑭᕋᕐᑐᕐᑐᑦ.”

ᒨᓯᓯ ᓯᑕᒪᖏᑦ 17:8

ᑕᕝᕙ ᐱᔪᖃᓚᐅᕐᐳᖅ ᖃᐅᑎᓪᓗᒍ, ᒨᓯᓯ ᑐᐱᕐᔪᐊᒧᑦ ᐂᒐᒥ ᓇᓗᓁᕐᓯᕕᖕᒧᑦ, ᑕᑯᕗᕐᓗ, ᐂᕉᓂᐅᑉ ᓕᕔᒃᑯᑦ ᑭᖑᕚᖓᑕ ᐊᔭᐅᑉᐱᐊᖓ ᐱᕈᕐᕕᐅᓕᕐᑐᖅ ᖃᖅᑯᐊᒐᓂᒡᓗ ᐋᓪᒪᓐᓂᒃ ᐊᑎᖃᕐᑐᓂᒃ ᓄᑖᓂᒃ ᐱᕈᕐᕕᐅᔪᖅ.

ᒨᓯᓯ ᑕᓪᓕᒪᖏᑦ 9:11

ᐅᓪᓗᓪᓕ ᐅᓐᓄᐊᓪᓗ 40 ᐊᓂᒍᕐᑎᓪᓗᒋᑦ ᐊᑕᓂᐅᑉ ᑐᓂᓯᕕᒋᓚᐅᕐᐹᖓ ᐅᔭᕌᖕᓂᒃ ᒪᕐᕉᖕᓂᒃ ᑎᑎᕋᕐᕕᒋᓯᒪᔭᒥᓂᒃ ᐊᖏᖃᑎᒌᒍᑎᓂᒃ.

ᒨᓯᓯ ᑕᓪᓕᒪᖏᑦ 9:9

ᖃᖅᑲᒧᖅ ᒪᔪᕋᕐᓯᒪᑎᓪᓗᖓ ᐱᖁᔭᓂᒃ ᐅᔭᕋᒃᑯᑦ ᑎᑎᕋᑦᓯᒪᔪᓂᒃ ᐊᑕᓂᐅᑉ ᐃᓕᑦᓯᓐᓄᑦ ᐊᖏᖃᑎᒌᒍᑎᖏᓐᓂᒃ ᐱᔭᕐᑐᕐᓯᒪᑎᓪᓗᖓ. ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ ᓂᕆᓚᐅᕐᓇᖓ ᐃᒥᓚᐅᕐᓇᖓᓗ ᒪᔪᕋᕐᓯᒪᓚᐅᕋᒪ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:19

ᑕᕝᕙ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᕿᓚᖕᒦᑦᑐᖅ ᐅᒃᑯᐃᕐᑕᐅᕗᖅ, ᐊᖏᖃᑎᒌᖕᓂᐅᓪᓗ ᐃᒃᖠᕐᕕᖓ ᑕᕝᕙᓂ ᓴᖅᑭᔮᕐᐳᖅ ᑐᒃᓯᐊᕐᕕᒡᔪᐊᒥ; ᑕᕝᕙᓂᓗ ᖃᐅᒻᒪᓪᓚᒃᑐᖃᕐᐳᖅ, ᓂᐱᖃᕐᑐᖃᕐᐳᕐᓗ, ᐃᒃᑐᓚᐅᕐᑐᖃᕐᓗᓂᓗ, ᓄᓇᓗ ᓴᔪᒃᐱᓗᒃᐳᖅ, ᓇᑕᖅᑯᕐᓇᕐᓗᓂᓗ ᐊᖏᔫᑎᕐᔪᐊᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:3

ᐂᖏᓕᑦᑕᐅᖅ ᐊᓯᐊ ᑕᒪᐅᓐᖓᕐᐳᖅ ᑐᓂᕐᕈᓯᕐᕕᐅᑉ ᓵᖓᓄᐊᕐᓗᓂ ᒎᓗᒥᒃ ᐳᔫᑦᑎᑦᓯᕕᖕᒥᒃ ᑎᒍᒥᐊᕐᑐᖅ; ᑐᓂᓯᕕᐅᕗᕐᓗ ᐳᔫᕐᑎᑕᒃᓴᖏᓐᓂᒃ ᐊᒥᓱᓂᒃ ᐃᓚᓕᐅᑎᔭᐅᖁᓪᓗᒋᑦ ᐃᑦᔪᕐᓁᑎᑕᐅᓯᒪᔪᓕᒫᑦ ᑐᒃᓯᐊᕐᓂᖏᓐᓄᑦ ᑐᓂᕐᕈᑕᐅᖁᓪᓗᒋᑦ ᒎᓗᒧᑦ ᑐᓂᕐᕈᓯᕐᕕᖕᒧᑦ ᐃᒃᓯᕙᐅᑕᕐᔪᐊᑉ ᓵᖓᓃᑦᑐᒧᑦ.