ᐄᑉᕈᐃᓄᑦ 9:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑐᐱᖅ ᓇᑉᐸᕐᑕᐅᓚᐅᕐᐳᖅ. ᓯᓚᓪᓕᕐᒥᓗ ᓇᓂᕈᐊᖃᕐᕕᖃᕐᓗᓂ, ᓵᑕᖃᕐᖢᓂᓗ ᓂᐊᖂᔭᓄᑦ ᐃᑦᔪᕐᓁᑎᑕᐅᓯᒪᔪᓄᑦ ᐃᓂᒃᓴᒥᒃ; ᑕᒪᓐᓇᓗ ᑍᔭᐅᕗᖅ ᐃᑦᔪᕐᓁᑦᑐᕕᖕᒥᒃ.

ᐄᑉᕈᐃᓄᑦ 9:2 Iomraidhean Croise

ᒨᓯᓯ ᐂᑉᐸᖏᑦ 25:23

“ᕿᔪᖕᒥᒃ ᑎᓴᒃᑕᒥᒃ ᐊᑬᑦᓯᐊᒥᒃ ᐊᑎᓕᖕᒥᒃ ᓵᓕᐅᕐᑐᒃᓴᐅᕗᑎᑦ; ᑕᑭᓂᖃᕐᓗᒍ 88ᓂᒃ ᓯᓐᑎᒦᑕᓂᒃ, ᓯᓕᖕᓂᖃᕐᓗᒍᓗ 44ᓂᒃ ᓯᓐᑎᒦᑕᓂᒃ, ᐳᕐᑐᓂᖃᕐᓗᒍᓗ 66ᓂᒃ ᓯᓐᑎᒦᑕᓂᒃ.

ᒨᓯᓯ ᐂᑉᐸᖏᑦ 25:30

ᑖᓐᓇᓗ ᓵ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᑕ ᓯᕗᕌᓃᑦᑐᒃᓴᐅᕗᖅ, ᓵᓪᓗ ᖄᖓᓂ ᑍᒪᓐᖓᑦ ᓂᐊᖂᔭᕐᑕᖃᕐᑐᒃᓴᐅᕗᖅ ᐅᕙᓐᓄᑦ ᑐᓂᕐᕈᑎᐅᔪᕕᓂᕐᓂᒃ.”

ᒨᓯᓯ ᐂᑉᐸᖏᑦ 25:31

“ᓴᓇᔪᒃᓴᐅᕗᑎᑦ ᓇᓂᕈᐊᑉ ᓇᐸᕕᖓᓂᒃ ᒎᓗᐃᓐᓇᐅᓗᒍ. ᐊᓪᓕᕋᖓᓕ ᓇᐸᔪᖓᓗ ᒎᓘᔪᒃᓴᐅᕗᖅ ᑲᐅᒐᕐᓯᒪᓗᓂᓗ ᓴᓇᔭᐅᓯᒪᔪᒃᓴᐅᕗᖅ; ᓇᓂᕈᐊᖃᕐᕕᖓ, ᑕᑯᒥᓇᕐᓴᐅᑎᖏᓪᓗ ᐱᕈᕐᓯᐊᖑᐊᑦ, ᐱᕈᕐᕕᓐᖑᐊᖏᓪᓗ ᐊᑕᐅᓯᕐᒥ ᐃᓗᐃᑦᑑᓗᑎᒃ ᓴᓇᓯᒪᔪᒃᓴᐅᕗᑦ;

ᒨᓯᓯ ᐂᑉᐸᖏᑦ 26:1

“ᑐᐱᓕᐅᕐᑐᒃᓴᐅᕗᑎᑦ ᐃᓗᐊᒍᑦ ᐃᑦᔪᕐᓁᑦᑐᒃᑯᕕᖃᕐᑐᒥᒃ, ᐅᕙᓐᓄᑦ ᐃᓂᒃᓴᐅᖁᓪᓗᒍ ᑖᓐᓇ ᐃᑦᔪᕐᓁᑦᑐᒃᑯᕕᒃ, ᑐᐱᒃᓴᓂᑦ ᖁᒻᒧᑦ 10ᓂᒃ ᓴᓇᓯᒪᓗᓂ ᖃᓪᓗᓈᕐᑕᓕᐊᕆᓯᒪᔪᓂᑦ ᐱᐅᓂᕐᐹᓂᑦ ᑐᖑᔪᕐᑐᓂᒃ, ᐊᐅᐸᓪᓚᕆᒃᑐᓂᒃ, ᐊᐅᐸᕐᑐᓂᒡᓗ ᓄᕕᕐᓵᒃᓴᓂᒃ; ᑖᒃᑯᐊᓗ ᐊᑐᓂᑦ 10 ᒥᕐᓱᕐᓯᒪᔪᓂᒃ ᑕᕐᓴᓕᐅᕐᑕᐅᓯᒪᔪᒃᓴᐅᕗᑦ ᓯᕈᐲᒻᖑᐊᓂᒃ ᓴᓇᑦᓯᐊᕈᓐᓇᕐᑐᒧᑦ ᓴᓇᔭᐅᓯᒪᔪᓂᒃ ᓴᓇᔪᒃᓴᐅᕗᑎᑦ.

ᒨᓯᓯ ᐂᑉᐸᖏᑦ 26:33

ᑖᓗᑍᓪᓗ ᑖᒃᑯᐊ ᓂᕕᓐᖓᕐᑕᒃᓴᕆᕙᑎᑦ ᑐᐱᐅᑉ ᖁᓛᖓᑕ ᐊᑎᑦᑎᐊᖓᒍᑦ ᓂᒃᓯᖕᓂᒃ ᖃᖓᑕᑦᔪᑎᖃᕐᓗᑎᒃ, ᑕᕝᕗᓐᖓᐅᑎᔭᒃᓴᕆᕙᓪᓗ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᐱᖁᔭᓂᒃ ᑎᑎᕋᕐᕕᒋᓯᒪᔫᖕᓂᒃ ᒪᕐᕉᖕᓂᒃ ᐅᔭᕌᖕᓂᒃ ᐃᓗᓕᓕᒃ ᑕᕝᕙᓂ ᑖᓗᑕᐅᑉ ᐅᖓᑖᓂ ᐃᓂᖃᖁᓪᓗᒍ; ᐃᑦᔪᕐᓁᑦᑐᕕᒡᓗ ᐃᑦᔪᕐᓁᓐᓂᕐᐹᕐᓗ ᐊᕕᒃᑕᐅᓯᒪᖁᓪᓗᒋᒃ ᑕᒪᑐᒧᖓ ᑖᓗᑕᕐᒧᑦ.

ᒨᓯᓯ ᐂᑉᐸᖏᑦ 26:35

ᐃᑦᔪᕐᓁᓐᓂᕐᐹᓪᓕ ᓯᓚᑖᓄᑦ ᓵ ᐃᓕᔭᒃᓴᕆᕙᑦ ᑐᐱᐅᑉ ᐅᓐᓄᐊᓪᓗᐊᖓᑕ ᓇᓛᓃᓪᓗᓂ ᓇᓂᕈᐊᖃᕐᕕᒡᓗ ᐃᓕᓗᒍ ᓯᕿᓂᐅᑉ ᓇᓛᓃᖔᕐᑐᒧᑦ.

ᒨᓯᓯ ᐂᑉᐸᖏᑦ 29:1

“ᐃᒫᒃ ᑕᕝᕙ ᐱᔪᒃᓴᐅᕗᑎᑦ ᐂᕉᓂᒧᑦ ᐃᕐᓂᖏᓐᓄᓪᓗ ᑐᓂᕐᕈᓯᕐᑎᑦᓯᔨᓐᖑᕐᑎᑕᐅᖁᓪᓗᒋᑦ ᑐᓂᔭᐅᖁᓪᓗᒋᓪᓗ ᐅᕙᓐᓄᑦ, ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ ᓰᐱᐅᓪᓗ ᐊᖑᓴᓪᓗᖏᖕᓂᒃ ᒪᕐᕉᖕᓂᒃ ᖃᓄᐃᑦᔪᑎᖃᖏᑦᓯᐊᕐᑐᓂᒃ ᓇᒃᓴᕐᑐᒃᓴᐅᕗᑎᑦ.

ᒨᓯᓯ ᐂᑉᐸᖏᑦ 29:35

“ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᓂᕐᒧᑦ ᑎᓕᓯᔪᒃᓴᐅᕗᑎᑦ ᐂᕉᓂᒥᒃ ᐃᕐᓂᖏᓐᓂᒡᓗ; ᐱᖁᔨᓯᒪᓂᕋ ᒪᓕᒡᓗᒍ; ᐅᓪᓗᓂᒃ 7ᓂᒃ,

ᒨᓯᓯ ᐂᑉᐸᖏᑦ 40:2

“ᑕᖅᑮᑦ ᓯᕗᓪᓕᕐᐹᖓᑕ ᐅᓪᓗᖏᑕ ᓯᕗᓪᓕᕐᐹᖓᓐᓂ ᑐᐱᖅ ᐊᑕᓂᐅᑉ ᓇᔪᒐᒃᓴᖓ ᓇᑉᐸᕐᑕᒃᓴᕆᕙᑦ.

ᒨᓯᓯ ᐂᑉᐸᖏᑦ 40:4

ᑕᕝᕗᖓ ᐋᖅᑭᒃᓯᔪᒃᓴᐅᒋᕗᑎᑦ ᓵᒥᒃ ᓱᓇᑐᐃᓐᓇᒃᓴᖏᓪᓗ ᐱᖃᓯᐅᑎᓗᒋᑦ. ᓇᓂᕈᐊᖃᕐᕖᓪᓗ ᑕᕝᕗᓐᖓᕐᒥᓗᒋᑦ ᓇᓂᕈᐊᓪᓗ ᓇᓂᕈᐊᖃᕐᕕᖕᓄᑦ ᐃᓕᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 12:4

ᒎᑎᐅᑉ ᐃᒡᓗᖓᓄᑦ ᐃᑎᓚᐅᕐᐳᖅ, ᓂᕆᓪᓗᓂᓗ ᒎᑎᒧᑦ ᑐᓂᔭᐅᓯᒪᔪᓂᒃ ᓂᐊᖂᔭᓂᒃ, ᐱᖁᔭᑎᒍᑦ ᓂᕆᔭᕆᐊᖃᖏᒃᑲᓗᐊᕐᓗᓂ ᐅᓇᑕᕐᑐᒃᓴᖁᑎᖏᓪᓗ, ᑐᓂᕐᕈᓯᕐᑎᑦᓯᔩᑦ ᓂᕆᔭᕆᐊᖃᕐᑐᑑᓚᐅᕐᒪᑕ ᑖᒃᑯᓂᖓ ᓂᐊᖂᔭᓂᒃ.

ᒫᑎᐅᓯᐅᑉ ᐊᒡᓚᖏᑦ 5:15

ᓇᓂᕈᐊᕐᒥᒃ ᐃᑭᑦᓯᔪᖃᕐᐸᒃᐹ ᖃᑦᑕᕐᒧᑦ ᐳᓯᑦᔪᑎᓂᐊᕐᑕᒥᓂᒃ; ᖃᐅᒻᒪᖅᑯᓪᓕ ᐃᑭᑕᐅᓲᖑᕗᖅ ᐃᓂᖓᓄᐊᕐᑕᐅᓪᓗᓂ, ᐃᒡᓗᒦᑦᑐᓕᒫᑦ ᖃᐅᒻᒪᒃᑎᑕᐅᖁᓪᓗᒋᑦ.

ᐄᑉᕈᐃᓄᑦ 9:25

ᔫᑎᑦ ᑐᓂᕐᕈᓯᕐᑎᑦᓯᔨᖏᑕ ᐊᖓᔪᖅᑳᖏᑦ ᐃᑎᖃᑦᑕᓚᐅᕐᐳᑦ ᐃᑦᔪᕐᓁᓐᓂᕐᐹᒧᑦ ᐊᕐᕌᒍᑕᒫᑦ ᐆᒪᔫᑉ ᐊᐅᖓᓂᒃ ᓇᒃᓴᕐᓗᑎᒃ, ᙭ᔅᑑᓯᓕ ᐅᓄᕐᑐᐃᓱᕐᓗᓂ ᐃᑎᕐᓯᒪᓐᖏᓚᖅ ᐃᒻᒥᓂᒃ ᑐᓂᕐᕈᑎᒋᔭᕐᑐᕐᓗᓂ;