ᐄᑉᕈᐃᓄᑦ 8:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᓄᓇᒦᒃᑯᓂᓕ, ᑐᓂᕐᕈᓯᕐᑎᑦᓯᔨᐅᒐᔭᓐᖏᓚᖅ, ᑐᓂᕐᕈᓯᕐᑎᑦᓯᔩᑦ ᐊᑐᐃᓐᓇᐅᖕᒪᑕ ᑐᓂᕐᕈᓯᕐᐸᒃᑐᑦ ᑐᓂᕐᕈᑎᓂᒃ ᐱᖁᔭᐅᓯᒪᔪᓂᒃ ᐱᖁᔭᑎᒍᑦ.

ᐄᑉᕈᐃᓄᑦ 8:4 Iomraidhean Croise

ᒨᓯᓯ ᓯᑕᒪᖏᑦ 16:40

ᐃᖅᑲᐅᒪᑦᔪᑕᐅᖁᓪᓗᒍ ᐃᓴᕆᐊᓕᒥᐅᓄᑦ ᒫᓐᖓᑐᐃᓐᓇᖅ ᐱᔪᑦ, ᐂᕉᓂᐅᑉ ᑭᖑᕚᖏᓐᓂᑦ ᐱᖏᑦᑐᑦ, ᐊᑕᓂᐅᑉ ᓵᖓᓂ ᐃᓯᕐᓗᐊᕐᓂᑎᑦᓯᓗᓂ ᑐᓂᕐᕈᓯᖁᓇᒍ ᐊᑕᓂᕐᒧᑦ, ᑰᕋᑐᑦ ᐃᓚᒋᓚᐅᕐᑕᖏᑎᑐᓪᓗ ᐱᔭᐅᖁᓇᒍ, ᐊᑕᓂᖅ ᑍᒫᒃ ᐅᖃᓚᐅᕐᒪᑦ ᒨᓯᓯᑯᑦ.

ᒨᓯᓯ ᓯᑕᒪᖏᑦ 18:5

ᐃᓕᑦᓯᓕ ᐃᑦᔪᕐᓁᑦᑐᕕᖕᒥ ᐱᔭᕆᐊᓕᖕᓂᒃ ᐱᓕᕆᔭᕆᐊᖃᕐᐳᓯ ᑐᓂᕐᕈᓯᕐᕕᖕᒥᓗ ᐱᔭᕆᐊᓕᖕᓂᒃ, ᐃᓴᕆᐊᓕᒥᐅᑦ ᓇᓪᓕᐊᓪᓘᓐᓃᑦ ᓂᓐᖓᐅᑦᔭᐅᒃᑲᓐᓂᖁᓇᒍ.

ᐄᑉᕈᐃᓄᑦ 10:11

ᑕᒪᕐᒥᒡᓗ ᑐᓂᕐᕈᓯᕐᑎᑦᓯᔩᑦ ᖃᐅᑕᒫᑦ ᐱᖁᔭᐅᓚᐅᕐᐳᑦ ᐱᓇᓱᐊᕆᐊᓕᖕᒥᓂᒃ ᐱᓇᓱᐊᖁᓪᓗᒋᑦ, ᑐᓂᕐᕈᓯᕐᑎᑦᓯᓂᕐᒥᒃ ᑍᒫᑦᓮᓐᓇᖅ ᐱᓇᓱᐊᕐᓗᑎᒃ, ᑖᒃᑯᐊᓕ ᐊᔪᕐᓂᕐᓂᒃ ᐲᕐᓯᔪᓐᓇᖏᒻᒪᕆᒃᐳᑦ.

ᐄᑉᕈᐃᓄᑦ 11:4

ᐅᒃᐱᕐᓂᑯᑦ ᐂᐱᓕ ᒎᑎᒧᑦ ᑐᓂᕐᕈᓯᓚᐅᕐᐳᖅ ᑐᓂᕐᕈᓯᐅᑎᒃᓴᒥᒃ ᐱᐅᒋᔭᐅᓂᕐᓴᒥᒃ ᑬᓂᐅᑉ ᑐᓂᕐᕈᑎᖓᓂᑦ, ᐅᒃᐱᕐᓂᖓᓄᑦ ᐃᓗᐊᕐᑑᓂᕋᕐᑕᐅᕗᖅ, ᒎᑎᐅᓪᓗ ᓈᒻᒪᒋᓚᐅᕐᐹ ᐂᐱᓕᐅᑉ ᑐᓂᕐᕈᑎᖓ; ᐅᒃᐱᕋᒥᓗ ᓱᓕ ᐅᖃᓪᓚᒃᐳᖅ, ᑐᖁᖓᓕᕋᓗᐊᕐᓗᓂ.

ᐄᑉᕈᐃᓄᑦ 5:1

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᓂᐊᕐᑐᑦ ᐃᓅᖃᑎᒌᓂᑦ ᓂᕈᐊᕐᑕᐅᓲᖑᕗᑦ ᑎᓕᔭᐅᓪᓗᑎᒡᓗ ᒎᑎᒥᒃ ᐱᔨᑦᓯᖁᓪᓗᒋᑦ ᐃᓄᐃᑦ ᐱᑦᔪᑎᒋᓪᓗᒋᑦ, ᑐᖁᑦᓯᓗᑎᒃ ᑐᓂᕐᕈᓯᖁᓪᓗᒋᑦ ᐊᔪᕐᓃᑦ ᐱᑦᔪᑎᒋᓗᒋᑦ ᑐᓂᕐᕈᓯᖁᓪᓗᒋᑦ.

ᐄᑉᕈᐃᓄᑦ 7:27

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᓯᒪᔪᑎᑐᑦ ᑍᒤᖏᑦᑐᒥᒃ, ᖃᐅᑕᒫᑦ ᑐᓂᕐᕈᓯᖃᑦᑕᕆᐊᖃᖏᑦᑐᒥᒃ, ᓯᕗᓪᓕᕐᒥᒃ ᓇᖕᒥᓂᖅ ᐊᔪᕐᓂᓂ ᐱᑦᔪᑎᒋᓗᒋᑦ ᑐᓂᕐᕈᓯᕐᐸᓚᐅᕐᑐᑎᑐᑦ, ᑭᖑᕐᖓᒍᑦ ᐃᓄᐃᑦ ᐊᔪᕐᓂᖏᑦ ᐱᑦᔪᑎᒋᓕᕐᓗᒋᑦ. ᐊᑕᐅᓯᐊᕐᓗᓂᓕ ᑐᓂᕐᕈᓯᓚᐅᕐᐳᖅ ᐊᔪᕐᓃᑦ ᐱᓪᓗᒋᑦ ᐃᒻᒥᓂᒃ ᑐᓂᕐᕈᑎᒋᓪᓗᓂ.

ᐄᑉᕈᐃᓄᑦ 8:3

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᔪᑦ ᐊᑐᓂᑦ ᑎᓕᔭᐅᓯᒪᕙᒃᐳᑦ ᐆᒪᔪᓂᒃ ᑐᖁᑦᓯᓪᓗᑎᒃ ᑐᓂᕐᕈᓯᖁᓪᓗᒋᑦ ᒎᑎᒧᑦ, ᑍᒤᒻᒪᑦᑕᐅᖅ ᑖᓐᓇ ᑐᓂᕐᕈᓯᕐᓂᕐᒥᒃ ᐱᔭᒃᓴᖃᕐᑐᒃᓴᐅᒋᕗᖅ.

ᐄᑉᕈᐃᓄᑦ 9:9

ᑕᒪᓐᓇᓗ ᓇᓗᓁᒃᑯᑕᐅᕗᖅ ᐅᓪᓗᒥᒧᑦ, ᑐᓂᕐᕈᑕᐅᖁᔭᐅᔪᓂᒃ ᑐᓂᕐᕈᓯᕐᓂᕐᓗ ᐆᒪᔪᕕᓂᕐᓂᒃ ᓈᒻᒪᑦᓯᐊᓕᕐᑎᑦᓯᔪᓐᓇᖏᒻᒪᑕ ᐱᔨᑦᓯᕐᑐᑦ ᐃᓱᒪᖏᓐᓂᒃ.