ᐄᑉᕈᐃᓄᑦ 7:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑖᓐᓇᓕ ᒥᓪᑭᓯᑎ, ᓕᕔᑎᒃᑯᑦ ᑭᖑᕚᖏᓐᓂᑦ ᐱᓯᒪᓐᖏᓚᖅ, ᑎᒍᓯᓚᐅᕐᐳᕐᓕ ᐂᑉᕋᕼᐋᒻ ᑕᓪᓕᒪᐅᔪᕐᑐᐃᕈᑎᖏᓐᓂᒃ ᓮᒻᒪᕐᑎᓪᓗᓂᐅᒡᓗ ᑖᓐᓇ ᐊᖏᕐᕕᐅᓯᒪᔪᖅ ᒎᑎᒧᑦ.

ᐄᑉᕈᐃᓄᑦ 7:6 Iomraidhean Croise

ᒨᓯᓯ ᓯᕗᓪᓖᑦ 12:13

ᐅᖃᐅᑎᖃᑦᑕᕐᓂᐊᕐᐸᑎᑦ ᐅᕙᓐᓄᑦ ᓇᔭᒋᔭᐅᓂᕋᕐᓗᑎᑦ, ᖃᓄᐃᓕᔭᐅᖁᓇᖓ, ᐃᕝᕕᓪᓗ ᐱᑦᔪᑎᒋᓗᑎᑦ ᐃᓅᑎᑕᐅᖁᓪᓗᖓ.”

ᒨᓯᓯ ᓯᕗᓪᓖᑦ 12:2

ᐃᓅᖃᑎᒌᒡᔪᐊᓐᖑᕐᑎᑦᓱᒫᕋᒃᑭᑦ, ᓮᒻᒪᕐᑎᓪᓗᑎᓪᓗ, ᐊᑏᓪᓗ ᐅᐱᒋᔭᐅᑦᓯᐊᕐᑎᓪᓗᒍ, ᓮᒻᒪᕐᑎᑦᓯᑦᔪᑎᒃᓴᐅᖁᓪᓗᑎᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 3:25

ᑭᖑᕚᖑᕗᓯ ᓇᓚᐅᑦᑍᔪᑦ ᒎᑎᐅᓪᓗ ᐊᖏᕈᑎᒋᓯᒪᔭᖓᓄᑦ ᓯᕗᓪᓕᕕᓂᑦᓯᓐᓄᑦ ᐃᓚᐅᕗᓯ, ᐂᑉᕋᕼᐋᒻᒧᑦ ᐅᖃᓚᐅᕐᒪᑦ, ‘ᐃᕝᕕᑦ ᑭᖑᕚᖏᑎᒍᑦ ᐃᓄᓕᒫᑦ ᓄᓇᕐᔪᐊᕐᒦᑦᑐᑦ ᓮᒻᒪᕐᑎᑕᐅᔪᒫᕐᐳᑦ.’

ᕉᒪᒥᐅᓄᑦ 4:13

ᐂᑉᕋᕼᐋᒻ ᑭᖑᕚᖏᓪᓗ ᒎᑎᐅᑉ ᐊᖏᕐᕕᒋᓚᐅᕐᐰᑦ, ᓯᓚᕐᔪᐊᕐᒥᒃ ᐱᒃᓴᖃᕐᑎᓐᓂᐊᕐᓂᕋᕐᓗᒋᑦ ᐱᖁᔭᓂᒃ ᓈᓚᑦᓯᐊᕐᓂᕐᒥᖕᓄᑦ ᐱᑦᔪᑎᖃᕋᑎᒃ ᐃᓗᐊᕐᑑᓂᕋᕐᑕᐅᓂᕐᒥᒍᓪᓕ ᐅᒃᐱᕐᓂᕐᒥᖕᓄᑦ.

ᕉᒪᒥᐅᓄᑦ 9:4

ᑖᒃᑯᐊ ᐃᓴᕆᐊᓕᒥᐅᖑᕗᑦ; ᕿᑐᕐᖓᐅᓂᕐᒥᒡᓗ ᐱᖃᕐᐳᑦ, ᓂᕐᑐᕐᓇᕐᓂᕐᒥᒃ ᖃᐅᔨᑎᓯᒪᕔᑦ; ᐊᖏᖃᑎᒌᖕᓂᕐᒥᒡᓗ ᐱᑎᓯᒪᓪᓗᒋᑦ, ᐱᖁᔭᓂᒃ ᑐᓂᓯᕕᒋᓯᒪᕔᑦ, ᑐᒃᓯᐊᖃᑦᑕᕐᓂᕐᒥᒡᓗ ᐊᑐᕐᐳᑦ, ᐊᖏᕐᕕᒋᓯᒪᓪᓗᓂᖏᓪᓗ;

ᒐᓔᑎᐊᒥᐅᓄᑦ 3:16

ᑍᒫᒃ ᒎᑎ ᐊᖏᕐᓯᒪᕗᖅ ᐂᑉᕋᕼᐋᒻᒧᑦ ᑭᖑᕚᖓᓄᓪᓗ. ᐅᖃᕐᓯᒪᖏᒻᒪᑦ, “ᑭᖑᕚᖏᓐᓄᑦ,” ᐅᓄᕐᑐᓄᑦ ᑐᑭᖃᕐᓗᓂ; ᑭᓯᐊᓂᓕ ᐅᖃᖔᕐᐳᖅ “ᑭᖑᕚᖓᓄᑦ,” ᐊᑕᐅᓯᕐᒥᒃ ᐅᖃᐅᓯᖃᕐᓗᓂ, ᓇᓗᓇᓐᖏᓚᖅ ᙭ᔅᑑᓯᒥᒃ ᐅᖃᕐᓯᒪᖕᒪᑕ.

ᐄᑉᕈᐃᓄᑦ 11:13

ᑍᒃᑯᐊᓕᒫᑦ ᐅᒃᐱᕐᓂᒃᑰᕐᓗᑎᒃ ᑐᖁᓚᐅᕐᐳᑦ, ᐊᖏᕈᑕᐅᓯᒪᔪᒥᒃ ᐱᓚᐅᕋᑎᒃ, ᐅᖓᓯᒋᔮᓂᓪᓕ ᑭᓯᐊᓂ ᑕᑯᓐᓇᓚᐅᕐᐹᑦ ᖁᕕᐊᓲᑎᒋᓪᓗᒍᓗ, ᓇᓗᓁᕐᓯᓚᐅᕐᐳᓪᓗ ᑕᒫᓂᒥᐅᑕᐅᖏᓐᓂᕐᒥᖕᓂᒃ ᓄᓇᒋᓐᖏᑕᒥᓃᓐᓂᕐᒥᓂᒡᓗ ᑕᕝᕙᓂ ᓄᓇᕐᔪᐊᕐᒥ.

ᐄᑉᕈᐃᓄᑦ 11:17

ᐅᒃᐱᕐᓂᑯᑦ ᐂᑉᕋᕼᐋᒻ, ᐃᕐᓂᕐᒥᓂᒃ ᐂᓴᑭᒥᒃ ᑐᓂᕐᕈᓯᕋᓱᐊᓚᐅᕐᐳᖅ, ᒎᑎᒧᑦ ᖃᐅᔨᓴᕐᑕᐅᓪᓗᓂ, ᐊᖏᕐᕕᐅᓯᒪᒐᓗᐊᕐᓗᓂ ᐃᕐᓂᑐᐊᓂ ᑐᓂᕐᕈᓯᐅᑎᑐᐃᓐᓇᕆᐊᖃᓕᓚᐅᕐᐹ.

ᐄᑉᕈᐃᓄᑦ 7:1

ᒥᓪᑭᓯᑎᒃ ᑖᓐᓇ ᐊᖓᔪᖅᑳᕐᔪᐊᖑᓚᐅᕐᐳᖅ ᓮᓕᒻᒥ ᑐᓂᕐᕈᓯᕐᑎᑦᓯᔨᐅᓪᓗᓂᓗ ᒎᑎᒧᑦ ᖁᑦᓯᖕᓂᕐᐸᐅᔪᒧᑦ. ᐂᑉᕋᕼᐋᒻ ᐅᓇᑕᕆᐊᕐᓯᒪᓚᐅᕐᓗᓂ ᐅᑎᕋᒥ ᓵᓚᖃᕐᓗᓂ ᐊᖓᔪᖅᑳᕐᔪᐊᓂᒃ ᒥᓪᑭᓯᑎᐅᑉ ᐸᕐᕆᐊᕐᓗᓂᐅᒃ ᓮᒻᒪᕐᑎᓚᐅᕐᐹ,

ᐄᑉᕈᐃᓄᑦ 7:7

ᖁᓚᕐᓇᖏᑦᓯᐊᕐᐳᖅ ᑖᓐᓇ ᓮᒻᒪᕐᑎᑦᓯᔪᖅ ᐱᓪᓚᕆᐅᓂᕐᓴᐅᖕᒪᑦ ᓮᒻᒪᕐᑎᑕᐅᔪᒥᑦ.