ᐄᑉᕈᐃᓄᑦ 7:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑖᓐᓇᓕ ᑐᓂᕐᕈᓯᕐᑎᑦᓯᔨᓐᖑᕐᑎᑕᐅᓯᒪᕗᖅ ᐃᓄᑐᐃᓐᓁᑦ ᑭᖑᕚᕇᒃᐸᓪᓕᐊᔪᑦ ᒪᓕᒋᐊᖃᕐᑕᖏᑕ ᐱᖁᔭᖏᑎᒎᖏᑦᑐᖅ ᐃᓅᓯᐅᓪᓕ ᓄᖑᓐᓂᐊᖏᑦᑑᑉ ᐱᔪᓐᓇᕐᓂᖓᒍᑦ.

ᐄᑉᕈᐃᓄᑦ 7:16 Iomraidhean Croise

ᕉᒪᒥᐅᓄᑦ 7:14

ᖃᐅᔨᒪᒐᑦᑕ ᐱᖁᔭᑦ ᒎᑎᒥᑦ ᐱᓯᒪᖕᒪᑕ; ᐅᕙᖓᓕ ᑎᒥᓐᓄᑦ ᐊᐅᓚᑕᐅᕗᖓ, ᐊᔪᕐᓂᕐᒧᑦ ᓂᐅᕐᕈᑕᐅᓯᒪᓪᓗᖓ.

ᒐᓔᑎᐊᒥᐅᓄᑦ 4:3

ᑍᒫᒃᑕᐅᖅ ᐅᕙᒍᑦ; ᓄᑕᕋᐅᑎᓪᓗᑕ ᓯᐊᓛᕆᔭᐅᓚᐅᕐᐳᒍᑦ ᓯᓚᕐᔪᐊᑦᑎᓐᓂ ᐊᓂᕐᓂᕐᓄᑦ ᑕᑯᒃᓴᐅᖏᑦᑐᓄᑦ ᐊᐅᓚᑕᐅᑎᓪᓗᑕ.

ᒐᓔᑎᐊᒥᐅᓄᑦ 4:9

ᒫᓐᓇᓕ ᒎᑎᒥᒃ ᖃᐅᔨᒪᓕᕋᑦᓯ, ᐅᕝᕙᓗ ᒎᑎᒧᑦ ᖃᐅᔨᒪᔭᐅᓕᕋᑦᓯ, ᓱᖕᒪᑦ ᐅᑎᕐᓯᒪᓕᕐᐱᓰ ᐊᓂᕐᓂᕐᓄᑦ ᐱᔪᓐᓇᕐᓂᖃᖏᑦᑐᓄᑦ? ᓯᐊᓛᕆᔭᐅᒃᑲᓐᓂᕈᒪᓕᕆᕕᓰ ᑍᒃᑯᓄᖓ?

ᑯᓘᓯᐊᒥᐅᓄᑦ 2:14

ᐃᖅᑲᕐᑐᕐᑕᐅᑦᔪᑎᒃᓴᕗᑦ ᑎᑎᕋᕐᓯᒪᓚᐅᕐᑐᑦ ᓵᑕᐅᑦᔪᑎᒃᓴᕗᑦ ᐲᓚᐅᕐᐰᑦ; ᑕᒪᕐᒥᒡᓗ ᐊᑐᕈᓐᓃᕐᑎᓪᓗᒋᑦ, ᑭᑭᐊᒃᑐᓚᐅᕐᐰᑦ ᓴᓐᓂᖓᔪᓕᖕᒧᑦ.

ᑯᓘᓯᐊᒥᐅᓄᑦ 2:20

᙭ᔅᑑᓯ ᑐᖁᖃᑎᒋᓯᒪᒐᑦᓯᐅᒃ ᓯᓚᕐᔪᐊᓪᓗ ᐱᔪᓐᓇᕐᓂᖏᓐᓂᑦ ᕿᓚᕈᑦᔮᕐᑕᐅᓯᒪᓕᕐᓗᓯ, ᓱᖕᒪᓪᓕ ᓱᓕ ᓯᓚᕐᔪᐊᕐᒥᐅᑎᑐᑦ ᐃᓅᓯᖃᕋᓱᐊᕐᐱᓰ ᓱᖕᒪᓪᓗ ᒪᓕᓕᕐᐱᓰ ᒪᑯᓂᖓ ᐱᖁᔭᓂᒃ ᐃᒤᓕᔪᓂᒃ,

ᐄᑉᕈᐃᓄᑦ 10:1

ᐱᖁᔭᓪᓕ ᑕᕐᕋᑐᐃᓐᓇᐅᕗᑦ ᐱᖁᑎᓄᑦ ᐱᐅᔪᓄᑦ ᐱᔪᒫᕐᑐᓄᑦ, ᑕᒪᒃᑯᐊᓪᓚᕆᐅᓇᑎᒃ, ᐊᕐᕌᒍᑕᒫᑦ ᑖᒃᑯᐊᑦᓮᓐᓁᑦ ᑐᓂᕐᕈᑕᐅᕙᓚᐅᕐᐳᑦ, ᓈᒻᒪᑦᓯᐊᕐᑐᒥᒡᓕ ᐃᓅᓯᖃᓕᕐᑎᑦᓯᔪᓐᓇᕋᑎᒃ ᒎᑎᒧᑦ ᖃᒡᓕᒋᐊᕐᑐᓂᒃ.

ᐄᑉᕈᐃᓄᑦ 7:15

ᓇᓗᓇᕈᓐᓃᒃᑲᓐᓂᕆᕗᖅ ᑐᓂᕐᕈᓯᕐᑎᑦᓯᔨᒥᒃ ᓴᖅᑭᑦᑐᖃᕐᓯᒪᖕᒪᑦ ᒥᓪᑭᓯᑎᑐᑦ ᑍᒤᑦᑐᒥᒃ,

ᐄᑉᕈᐃᓄᑦ 7:17

ᐅᖃᐅᓯᐅᓯᒪᖕᒪᑦ: “ᑐᓂᕐᕈᓯᕐᑎᑦᓯᔨᐅᕗᑎᑦ ᐃᓱᖃᖏᑦᑐᒧᑦ, ᒥᓪᑭᓯᑎᐅᑉ ᑐᓂᕐᕈᓯᕐᑎᑦᓯᔨᐅᓂᖓᑐᑦ.”

ᐄᑉᕈᐃᓄᑦ 7:21

ᔩᓱᓯᓕ ᑐᓂᕐᕈᓯᕐᑎᑦᓯᔨᓐᖑᓚᐅᕐᐳᖅ ᐊᖏᒻᒪᕆᖕᓂᕐᒥᒃ ᐃᓚᖃᕐᑎᓪᓗᒍ ᒎᑎᐅᑉ ᐅᖃᐅᑎᓚᐅᕐᒪᒍ: “ᐊᑕᓂᖅ ᐊᖏᒻᒪᕆᒍᑎᖃᕐᐳᖅ ᐃᓱᒪᓂᓗ ᓴᖑᑎᓐᓂᐊᕋᓂᐅᒃ: ‘ᑐᓂᕐᕈᓯᕐᑎᑦᓯᔨᐅᓂᐊᕐᐳᑎᑦ ᐃᓱᖃᖏᑦᑐᒧᑦ.’”

ᐄᑉᕈᐃᓄᑦ 7:28

ᐱᖁᔧᑦ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕈᕐᑎᑦᓯᕙᓚᐅᕐᐳᑦ ᐃᓄᖕᓂᒃ ᓴᓐᖐᑦᑐᓂᒃ; ᒎᑎᐅᓪᓕ ᐅᖃᕕᒡᓗᓂ ᐊᖏᒻᒪᕆᒍᑎᖓ, ᐱᖁᔧᑦ ᑭᖑᓂᖓᑦᑎᒍᑦ ᐱᒋᐊᕐᑕᐅᔪᖅ, ᐃᕐᓂᕐᒥᒃ ᑎᓕᓯᓚᐅᕐᐳᖅ, ᓈᒻᒪᒃᓯᑎᑕᐅᓯᒪᔪᒥᒃ ᐃᓱᖃᖏᑦᑐᒧᑦ.

ᐄᑉᕈᐃᓄᑦ 7:3

ᒥᓪᑭᓯᑎᓕ ᐊᑖᑕᖃᓐᖏᓚᖅ ᐊᓈᓇᖃᕋᓂᓗ, ᓯᕗᓕᕕᓂᖃᖏᓐᓂᕗᖅ, ᐃᓅᓕᕐᓂᕕᓂᖓᓗ ᐅᓂᒃᑲᐅᓯᐅᓯᒪᓐᖏᓚᖅ ᑐᖁᓂᖓᓗ ᐅᓂᒃᑲᐅᓯᐅᓯᒪᓇᓂ, ᒎᑎᐅᑉ ᐃᕐᓂᖓᑐᑦ ᑍᒤᑉᐳᖅ ᑐᓂᕐᕈᓯᕐᑎᑦᓯᔨᐅᕗᖅ ᐃᓱᖃᖏᑦᑐᒧᑦ.

ᐄᑉᕈᐃᓄᑦ 9:14

ᐊᖏᓂᕐᓴᒻᒪᕆᐊᓗᖕᒥᒡᓕ ᑕᕝᕙ, ᙭ᔅᑑᓯᐅᑉ ᐊᐅᖓ, ᐊᓂᕐᓂᒃᑯᑦ ᐃᓱᖃᖏᑦᑐᒃᑯᑦ ᐃᒻᒥᓂᒃ ᑐᓂᕐᕈᑕᐅᑎᓚᐅᕐᐳᖅ ᐸᓯᔭᒃᓴᐅᓂᖃᖏᑦᑐᖅ ᒎᑎᒧᑦ, ᑖᑦᓱᒪ ᐃᓱᒪᕗᑦ ᓴᓗᒻᒪᕐᐰᑦ ᐱᓂᐊᕐᓂᕐᓂᑦ ᑐᖁᖓᔪᓂᑦ, ᒎᑎᒥᒃ ᐆᒪᔪᒥᒃ ᐱᔨᑦᓯᕈᓐᓇᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:18

ᐆᒻᒪᕗᖓ; ᑐᖁᓚᐅᕋᓗᐊᕐᑐᖓ, ᒫᓐᓇᓕ ᑕᑯᒋᑦ ᐆᒪᓂᐊᓕᕐᐳᖓ ᐃᓱᖃᖏᑦᑐᒧᑦ, ᑐᖂᑉ ᑲᑉᐱᐊᓇᕐᑐᕕᐅᓪᓗ ᐅᒃᑯᐃᕈᑎᖏᓐᓂᒃ ᐱᖃᓕᕐᐳᖓ.