ᐄᑉᕈᐃᓄᑦ 7:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᖃᐅᔨᒪᔭᐅᑦᓯᐊᕐᐳᕐᓗ ᔫᑕᐅᑉ ᑭᖑᕚᖏᓐᓂᑦ ᐱᓯᒪᓂᖓᓂᒃ, ᒨᓯᓯᓗ ᔫᑕᒃᑯᑦ ᑭᖑᕚᖏᓐᓂᒃ ᐅᖃᐅᓯᖃᓚᐅᓐᖏᓚᖅ ᑐᓂᕐᕈᓯᕐᑎᑦᓯᔨᐅᓂᐊᕐᑐᓂᒃ ᐅᖃᐅᓯᖃᕐᑎᓪᓗᒍ.

ᐄᑉᕈᐃᓄᑦ 7:14 Iomraidhean Croise

ᒨᓯᓯ ᓯᕗᓪᓖᑦ 46:12

ᔫᑕᐅᑉ ᐃᕐᓂᖏᑦ: ᐃᕆ, ᐅᓇᓐ, ᓰᓚ, ᐱᕆᔅ, ᔨᕋᓗ (ᐃᕆᓕ ᐅᓇᓐᓗ ᑐᖁᓚᐅᕐᐴᒃ ᑬᓇᓂᐅᑉ ᓄᓇᖓᓂ); ᐱᕆᔨᐅᓪᓗ ᐃᕐᓂᖏᒃ ᕼᐃᔅᕋᓐ ᕼᐊᒧᓪᓗ.

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 11:1

ᐱᕈᓕᕐᑐᖃᕈᒫᕐᐳᖅ ᔨᓯᐅᑉ ᓇᐹᕐᑐᕕᓂᖓᑕ ᑭᐱᔭᐅᓂᖓᓂᑦ, ᐊᕙᓚᖓᔪᒥᒃ ᐱᕈᕐᑐᖃᕈᒫᕐᐳᖅ ᐊᒫᖓᓂᑦ ᓴᖅᑭᑦᑐᒥᒃ.

ᒤᑲᐅᑉ ᐊᒡᓚᖏᑦ 5:2

“ᐃᕝᕕᓪᓕ ᐱᑦᓕᐊᒻ ᐃᐸᕋᑕ, ᔫᑕᒥᐅᓂᑦ ᒥᑭᓐᓂᕐᐹᖑᒐᓗᐊᕐᑐᑎᑦ, ᐃᓕᖕᓂᑦ ᐱᔪᒫᕐᐳᖅ ᐊᐅᓚᑦᓯᔨᒃᓴᖅ, ᐃᓴᕆᐊᓕᒥᐅᓂᒃ ᐊᐅᓚᑦᓯᔨᐅᔪᒫᕐᑐᖅ, ᐃᓚᒌᓂᑦ ᑍᑦᓱᒪᓂᐊᓗᖕᓂᑦ ᐱᔪᒥᒃ ᐃᓱᖃᖏᑦᑐᒥᑦ.”

ᒨᓯᓯ ᓯᑕᒪᖏᑦ 24:17

ᒫᓐᓇ ᑕᑯᕙᕋ, ᑭᓯᐊᓂ ᑕᕝᕙᑲᐅᑎᒋᐅᖏᑦᑐᖅ, ᑕᑯᓐᓇᕐᐸᕋ, ᖃᓂᑦᑑᓇᓂ ᑭᓯᐊᓂ; ᐅᓪᓗᕆᐊᖅ ᐊᓂᔪᒫᕐᐳᖅ ᔧᑯᒥᑦ; ᐊᖓᔪᖅᑳᕐᔪᐊᑉ ᐊᔭᐅᑉᐱᐊᖓ ᒪᑭᑦᓱᒫᕐᐳᖅ ᐃᓴᕆᐊᓕᒥᑦ, ᒧᐊᐱᒥᐅᓪᓗ ᖃᐅᖏᑦ ᓯᖁᒥᑦᓱᒫᕐᐰᑦ, ᐊᓯᕈᕐᓗᒋᓪᓗ ᓰᑎᐅᑉ ᐃᕐᓂᖏᑦ.

ᒫᑎᐅᓯᐅᑉ ᐊᒡᓚᖏᑦ 2:6

‘ᐃᕝᕕᑦ ᐱᑦᓕᐊᒻ, ᓄᓇᒥ ᔫᑕᒦᑦᑐᑎᑦ, ᒥᑭᓐᓂᕐᐸᐅᓐᖏᓚᑎᑦ ᐃᒡᓗᒐᓴᒡᔪᐊᓂᑦ ᐊᖏᓂᕐᐸᐅᔪᓂᑦ ᔫᑕᒥ; ᐃᓕᖕᓂᑦ ᐊᐅᓚᑦᓯᔨᒃᓴᖅ ᐱᔪᒫᕐᒪᑦ ᑖᑦᓱᒪ ᐃᓄᖁᑎᒃᑲ ᐃᓴᕆᐊᓕᒥᐅᑦ ᑕᓯᐅᕈᒫᕐᒪᒋᑦ.’”

ᓘᑲᓯᐅᑉ ᐊᒡᓚᖏᑦ 1:43

ᑕᒪᓐᓇ ᐱᐅᔪᕐᔪᐊᖅ ᐅᕙᓐᓄᑦ ᐅᒃᐱᕐᓇᑦᓯᐊᖏᒻᒪᕆᒃᐳᖅ, ᐊᑕᓂᕐᒪ ᐊᓈᓇᖓᑕ ᐅᐸᖕᒪᖓ?

ᓘᑲᓯᐅᑉ ᐊᒡᓚᖏᑦ 3:33

ᓁᓴᓇ ᐊᒥᓇᑕᐅᑉ ᐃᕐᓂᕆᕚ, ᐊᒥᓇᑕᑉ ᐊᑦᒥᓂᐅᑉ ᐃᕐᓂᕆᕚ, ᐊᑦᒥᓂ ᐋᕐᓂᐅᑉ ᐃᕐᓂᕆᕚ, ᐋᕐᓂ ᕼᐃᔅᕋᓂᐅᑉ ᐃᕐᓂᕆᕚ, ᕼᐃᔅᕋᓐ ᐱᕆᓯᐅᑉ ᐃᕐᓂᕆᕚ, ᐱᕆᓯ ᔫᑕᐅᑉ ᐃᕐᓂᕆᕚ,

ᔪᐊᓇᓯᐅᑉ ᐊᒡᓚᖏᑦ 20:13

ᑖᒃᑯᐊᒃ ᒥᐊᕆ ᐊᐱᕆᕚᒃ, “ᐊᕐᓈᖅ ᓱᖕᒪᑦ ᕿᐊᕕᑦ?” ᒥᐊᕆ ᑭᐅᕗᖅ, “ᐊᑕᓂᕋ ᐊᓐᓂᑦᔭᐅᓐᓂᕐᒪᑦ, ᖃᐅᔨᒪᓐᖏᓚᖓᓗ ᓇᒧᓐᖓᕐᑕᐅᓐᓂᕐᒪᖔᑦ.”

ᔪᐊᓇᓯᐅᑉ ᐊᒡᓚᖏᑦ 20:28

ᑑᒪᓯᐅᑉ ᑭᐅᕚ, “ᐊᑕᓂᕋ, ᒎᑎᒐᓗ!”

ᕉᒪᒥᐅᓄᑦ 1:3

ᑐᓴᕈᒥᓇᕐᑐᑦ ᐅᖃᐅᓯᖃᕐᒪᑕ ᐃᕐᓂᖓᓂᒃ, ᐃᓄᒃᑐᑦ ᑎᒥᖃᕐᓂᕐᒥᒍᑦ ᑍᕕᑎᐅᑉ ᑭᖑᕚᕆᓚᐅᕐᐹ,

ᕉᒪᒥᐅᓄᑦ 2:3

ᐃᓄᑐᐃᓐᓇᐅᔪᑎᑦ, ᑍᒤᓕᐅᕐᑐᓂᒃ ᐃᖅᑲᕐᑐᐃᓪᓗᑎᑦ, ᐃᖅᑲᕐᑐᐃᑦᔪᑎᖕᓂᒡᓗ ᐊᑐᕐᐸᒡᓗᑎᑦ, ᒎᑎᐅᑉ ᐃᖅᑲᕐᑐᐃᓂᖓᓂᒃ ᕿᒫᔪᓐᓇᕋᓱᒋᕖᑦ?

ᐃᐱᓯᒥᐅᓄᑦ 1:3

ᓂᕐᑐᕐᑕᐅᓕ ᒎᑎ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᙭ᔅᑑᓯᒥ ᐊᓂᕐᓂᒃᑯᑦ ᓮᒻᒪᕐᑎᑕᐅᔪᑕᐅᔪᓐᓇᕐᑐᓂ ᑕᒤᓐᓂᒃ ᐱᑎᓚᐅᕐᐹᑎᒍᑦ, ᕿᓚᖕᒥᐅᑍᑦ ᓇᔪᕐᑕᖏᓐᓂᒃ ᙭ᔅᑑᓯᒥᐅᑕᐅᓂᑦᑎᓐᓄᑦ.

ᐱᓕᐱᒥᐅᓄᑦ 3:8

ᑕᒪᒃᑯᐊᑑᖏᑦᑐᕐᓕ; ᐊᓯᓕᒫᖏᓕᑦᑕᐅᖅ ᐊᑑᑎᒃᓴᖃᕈᓐᓃᕐᐳᑦ ᐱᐅᓂᕐᓴᒻᒪᕆᐊᓗᖕᒥᒃ ᑕᑯᓯᒪᓕᕐᑎᓪᓗᖓ ᑐᑭᓯᓕᕐᑎᓪᓗᖓᓗ ᔩᓱᓯ ᙭ᔅᑑᓯᒥᒃ ᐊᑕᓂᕆᔭᓐᓂᒃ. ᑖᓐᓇᓗ ᐱᓪᓗᒍ ᑕᒪᕐᒥᒃ ᐃᒋᓯᒪᕙᒃᑲ; ᑕᒪᕐᒥᒡᓗ ᐃᒋᑕᒃᓴᑎᑐᑦ ᐃᓱᒪᒋᕙᒃᑲ, ᐱᓯᒪᓂᕐᓴᐅᖁᓪᓗᖓ ᙭ᔅᑑᓯᒥ

ᐄᑉᕈᐃᓄᑦ 7:13

ᐊᑕᓂᕗᓪᓗ ᑍᒫᒃ ᐅᖃᕈᑕᐅᔪᖅ ᓕᕔᑎᒃᑯᑦ ᑭᖑᕚᖏᑕ ᐊᓯᐊᓂᑦ ᐱᓯᒪᕗᖅ, ᓯᕗᓕᕕᓂᖏᓪᓗ ᑐᓂᕐᕈᓯᕐᑎᑦᓯᔨᓄᑦ ᐱᔨᑦᓯᕐᑐᖃᓚᐅᕐᓯᒪᓇᑎᒃ.

ᐄᑉᕈᐃᓄᑦ 7:15

ᓇᓗᓇᕈᓐᓃᒃᑲᓐᓂᕆᕗᖅ ᑐᓂᕐᕈᓯᕐᑎᑦᓯᔨᒥᒃ ᓴᖅᑭᑦᑐᖃᕐᓯᒪᖕᒪᑦ ᒥᓪᑭᓯᑎᑐᑦ ᑍᒤᑦᑐᒥᒃ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:16

“ᐅᕙᖓ ᔩᓱᓯ ᐂᖏᓕᖁᑎᓐᓂᒃ ᑎᓕᓯᓚᐅᕐᐳᖓ ᐅᖃᐅᑦᔨᖁᓪᓗᒍ ᐃᓕᖕᓂᒃ ᐅᖃᐅᓯᕆᔭᒃᓴᕐᓂᒃ ᐅᒃᐱᕐᑑᖃᑎᒌᓄᑦ. ᑍᕕᑎᐅᑉ ᐃᓚᒌᖕᓂᖏᑕ ᑭᖑᕚᖏᓐᓂᑦ ᐱᓯᒪᕗᖓ, ᐅᓪᓗᕆᐊᖑᕗᖓ ᖃᐅᒻᒪᕆᒃᑐᖅ ᖃᐅᓕᓵᕐᑐᕐᓯᐅᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:5

ᑕᕝᕙ ᐊᖓᔪᖅᑳᑉ ᐃᓚᖓᑦᑕ ᐅᖃᐅᑎᕚᖓ, “ᕿᐊᖏᓪᓗᑎᑦ; ᑕᑯᒋᑦ, ᓔᔭᓐᑕᖃᕐᐳᖅ ᔫᑕᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ, ᑍᕕᑎᐅᑉ ᑭᖑᕚᖓᓂᒃ, ᓵᓚᖃᕐᓯᒪᔪᒥᒃ, ᑖᑦᓱᒪ ᓇᕿᑦᔪᑏᑦ 7 ᐲᕈᓐᓇᕐᐰᑦ ᐊᒡᓔᓪᓗ ᐃᒧᓯᒪᔪᑦ ᐃᓯᕕᓪᓗᒋᑦ.”