ᐄᑉᕈᐃᓄᑦ 6:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓄᓇ ᐃᒥᖃᑦᑕᕐᑐᖅ ᓯᓚᓗᖕᒥᑦ ᖃᐅᓯᕐᑎᑕᐅᔭᕌᖓᒥ ᐱᕈᕐᑎᑦᓯᕙᒃᐳᖅ ᐱᕈᕐᑐᓂᒃ ᐊᑐᕐᓇᕐᑑᓕᕐᓗᓂᓗ ᑲᓐᖓᕐᓱᐃᓚᐅᕐᑐᓄᑦ ᒎᑎᐅᑉ ᓮᒻᒪᕐᑎᑦᓯᓂᖓᓄᑦ.

ᐄᑉᕈᐃᓄᑦ 6:7 Iomraidhean Croise

ᒨᓯᓯ ᓯᕗᓪᓖᑦ 1:11

ᐊᒻᒪ ᒎᑎ ᐅᖃᕆᕗᖅ, “ᓄᓇᕐᔪᐊᖅ ᖃᓄᐃᑦᑐᑐᐃᓐᓇᕐᓂᒃ ᐱᕈᕐᑐᖃᕐᓕ, ᐱᕈᕐᑐᓂᒃ ᐱᕈᕐᓯᐊᒃᓴᖃᕈᓐᓇᕐᑐᓂᒃ, ᐸᐅᕐᖓᓕᖕᓂᒡᓗ ᓇᐹᕐᑐᓂᒃ ᐸᐅᕐᖓᖏᓪᓗ ᐱᕈᕐᓯᐊᒃᓴᖃᕐᓗᑎᒃ ᐃᓗᐊᒍᑦ, ᐊᑐᓂᑦ ᖃᓄᐃᑦᑑᓂᑎᒃ ᒪᓕᒡᓗᒋᑦ ᓄᓇᒥ.” ᑍᒤᓕᕐᐳᕐᓗ.

ᒨᓯᓯ ᓯᕗᓪᓖᑦ 27:27

ᐅᐸᒃᓗᒍ ᐊᑖᑕᓂ ᑯᓂᒃᐹ; ᑕᕝᕙ ᐊᓐᓄᕌᖏᑕ ᑎᐱᖏᑦ ᓁᕔᑦ, ᓮᒻᒪᕐᑎᓪᓗᒍᓗ ᐅᖃᕐᐳᖅ, “ᐃᕐᓂᕐᒪ ᑎᐱᑦᓯᐊᕆᖕᓂᖓ ᓁᓪᓗᒍ ᓄᓇᐅᑉ ᓇᑎᕐᓇᐅᑉ; ᐊᑕᓂᐅᑉ ᓮᒻᒪᕐᑎᓯᒪᔭᖓᑐᑦ ᑍᒤᑉᐳᖅ.

ᐃᓐᖏᕈᑎᑦ 126:6

ᖁᕝᕕᐅᕐᓗᑎᒃ ᑲᓐᖓᕐᓱᐃᔭᕐᑐᕐᑐᑦ, ᐱᕈᕐᑎᑦᓯᓂᐊᕐᐳᑦ ᐱᕈᕐᓯᐊᒃᓴᓂᒃ ᐱᐅᔪᐊᓗᖕᓂᒃ, ᐅᑎᓕᕐᓂᐊᕐᐳᑦ ᐃᓐᖏᕐᓗᑎᒃ ᖁᕕᐊᓱᖕᓂᕐᒧᑦ, ᑲᑎᕐᓱᕐᑕᒥᑕ ᕿᐱᑕᖏᓐᓂᒃ ᐊᒡᔭᕐᓯᓗᑎᒃ.

ᐃᓐᖏᕈᑎᑦ 24:5

ᑖᓐᓇ ᓮᒻᒪᕐᑎᑕᐅᓂᕐᒥᒃ ᐱᑎᑕᐅᔪᒫᕐᐳᖅ ᐊᑕᓂᕐᒥᑦ, ᓴᐳᑎᔭᐅᔪᒫᕐᓗᓂᓗ ᒎᑎᒥᑦ ᐱᐅᓕᒃᓯᔨᒥᓂᑦ.

ᐂᓮᐊᓯᐅᑉ ᐊᒡᓚᖏᑦ 44:3

ᐃᒥᕈᒃᑐᖅ ᐃᒪᕐᒥᒃ ᑯᕕᓯᕕᒋᔪᒫᕐᐸᕋ, ᓄᓇᓗ ᐸᓂᕐᑐᖅ ᑰᒡᕕᐅᑎᑦᓱᒫᕐᓗᒍ, ᐊᓂᕐᓂᕋ ᑯᕕᔪᒫᕐᐸᕋ ᑭᖑᕚᑦᓯᓐᓄᑦ, ᕿᑐᕐᖓᓯᓗ ᓮᒻᒪᕐᑎᑦᓱᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 34:26

ᓮᒻᒪᕐᑎᓪᓗᒋᓪᓗ ᓄᓇᖃᕐᑎᑦᓱᒫᕐᐸᒃᑲ ᖃᖅᑲᖁᑎᒪ ᐃᑦᔪᕐᓁᑦᑑᑉ ᐊᕙᑖᓂ; ᓮᒻᒪᕐᑎᑦᓯᓂᓐᓄᑦ ᓯᓚᓗᒃᑕᐅᑎᖃᑦᑕᕈᒫᕐᐸᒃᑲ ᓇᓪᓕᐅᓐᓂᖅ ᓈᒻᒪᒃᓯᔭᕌᖓᑦ; ᑕᒪᓐᓇ ᓯᓚᓗᒡᕕᐅᓂᖅ ᓮᒻᒪᕐᑎᑕᐅᓂᐅᔪᒫᕐᐳᖅ.

ᕼᐆᓯᐊᑉ ᐊᒡᓚᖏᑦ 10:12

ᑲᓐᖓᕐᓱᐃᒋᑦᓯ ᓇᖕᒥᓂᑦᓯᓐᓄᑦ ᐃᓱᐊᕐᓂᕐᒥᒃ, ᑲᑎᕐᓱᐃᓗᓯᓗ ᓇᒡᓕᖕᓂᐅᑉ ᓱᖁᓯᔪᐃᑦᑑᑉ ᐱᕈᕐᑎᑕᖏᓐᓂᒃ; ᓄᓇᓯᓗ ᓱᕐᕋᒃᓯᒪᖏᑦᑐᖅ ᐃᑎᕐᓴᓕᐅᕐᓯᐅᒃ, ᐊᑕᓂᕐᒥᒃ ᕿᓂᕐᓂᖅ ᓇᓪᓕᐅᑎᕗᖅ, ᑖᓐᓇ ᕾᒍᓂ ᑯᕝᕕᓯᖁᓪᓗᒍ ᐱᐅᓕᔭᐅᓂᕐᒥᒃ.

ᒨᓯᓯ ᐱᖓᔪᖏᑦ 25:21

ᓮᒻᒪᕐᑎᓐᓂᐊᕐᐸᑦᓯ ᐊᕐᕌᒍᑦ ᐱᖓᓲᔪᕐᑐᖓᓂ, ᓄᓇ ᐱᕈᕐᑎᑉᐸᒃᑕᒥᓂᑦ ᐊᖏᖅᑭᔭᒻᒪᕆᐊᓗᐊᓂᒃ ᐱᕈᕐᑎᑦᓯᓂᐊᕐᐳᖅ ᐊᕐᕌᒍᓄᑦ ᐱᖓᓱᓄᑦ ᓈᒻᒪᒃᑐᓂᒃ.

ᒪᓚᑬᑉ ᐊᒡᓚᖏᑦ 3:10

ᑕᓪᓕᒪᐅᔪᐃᕈᑎᓯ ᐊᑕᖏᕐᓗᒋᑦ ᑐᓂᕐᕈᑎᒃᑯᕕᖕᒧᐊᓚᐅᕐᓯᒋᒃ, ᓂᕿᒃᓴᖃᓕᖁᓪᓗᒍ ᐃᒡᓗᓐᓂ; ᑕᒪᑐᒧᖓ ᐆᒃᑐᕋᓚᐅᕐᓯᓐᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᕿᓚᐅᑉ ᐃᒐᓛᖏᑦ ᐃᓕᑦᓯᓐᓄᑦ ᒪᑐᐃᕐᓂᐊᖏᒻᒪᖔᒃᑭᑦ ᑯᕕᓯᓂᐊᖏᒻᒪᖔᕐᒪᓗ ᓮᒻᒪᕐᑎᑦᓯᓂᓐᓂᒃ ᐊᒥᒐᓐᖏᓗᐊᕐᑐᒥᒃ ᐃᓕᑦᓯᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 7:8

ᑐᒃᓯᐊᕐᑐᑦ ᑕᒪᕐᒥᒃ ᑐᓂᓯᕕᐅᒐᔭᕐᐳᑦ; ᕿᓂᕐᑐᓪᓗ ᓇᓂᓯᒐᔭᕐᐳᑦ; ᑎᒡᓗᒃᑐᕐᑐᓪᓗ ᒪᑐᐃᕈᑦᔭᐅᒐᔭᕐᐳᑦ.

ᑎᒧᑎᒧᑦ ᐂᑉᐸᖏᑦ 2:6

ᐱᕈᕐᓰᕕᓕᕆᔨ ᐊᒃᓱᕈᕐᓗᓂ ᐱᓇᓱᐊᕐᓯᒪᔪᖅ ᐱᕈᕐᑐᓂᒃ ᓯᕗᓪᓕᕐᐹᖑᓗᓂ ᐱᑖᕐᑐᒃᓴᐅᕗᖅ.

ᔧᒥᓯᐅᑉ ᐊᒡᓚᖏᑦ 5:7

ᑍᒤᒻᒪᑦ ᐅᒃᐱᖃᑎᒃᑲ, ᕿᓄᐃᓵᕆᑦᓯ ᐊᑕᓂᖅ ᑎᑭᑦᓯᐊᕆᓗᒍ. ᑕᑯᒋᑦ ᐱᕈᕐᓰᕕᓕᕆᔨᐅᑉ ᕿᓄᐃᓵᕐᓗᓂ ᐱᕈᕐᑐᐃᑦ ᑕᑯᒥᓇᕐᑐᑦ ᐱᕈᕐᓯᐊᕆᕔᑦ, ᕿᓄᐃᓵᕐᓗᓂ ᐅᑕᖅᑭᕗᖅ ᐅᐱᕐᖔᒃᑯᑦ ᐅᑭᐊᒃᓵᒃᑯᓪᓗ ᓯᓚᓗᖕᓂᐅᕙᒃᑐᓂᒃ.