ᐄᑉᕈᐃᓄᑦ 6:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑍᒤᒻᒪᑦ ᓯᕗᒧᐊᓕᕐᑕ ᙭ᔅᑑᓯᒥ ᐱᒋᐊᓕᓵᕐᑐᕐᓯᐅᑎᑦ ᕿᒪᒡᓗᒋᑦ ᓵᒋᐊᕐᓂᐅᑉ ᑐᓐᖓᕕᒃᓴᖏᓐᓂᒃ ᐱᓇᓱᐊᒃᑲᓐᓂᕈᓐᓃᕐᑕ ᐱᓂᐊᕐᓂᕐᓂᒃ ᑐᖁᖓᔪᓂᒃ, ᐱᕈᕇᕐᓯᒪᔪᕐᓯᐅᑎᓂᒃ ᐱᓇᓱᐊᖔᓕᕐᑕ ᖃᓄᖅ ᐅᒃᐱᕐᑐᒃᓴᐅᖕᒪᖔᑦᑕ ᒎᑎᒧᑦ.

ᐄᑉᕈᐃᓄᑦ 6:1 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:18

ᓈᒻᒪᓈᑦᓯᐊᕐᑐᒥ ᐃᓅᔪᑦ ᐊᑐᕐᑕᖓᑦ ᓯᕿᓂᕐᒧᑦ ᓄᐃᕕᐅᓕᕐᑐᑎᑐᑦ ᑍᒤᑉᐳᖅ, ᖃᐅᒻᒪᒃᑎᑕᐅᕙᓪᓕᐊᕗᖅ ᐅᓪᓗᓪᓗᐊᕈᕐᐸᓪᓕᐊᔪᒧᑦ ᖃᐅᒻᒪᒌᑦᓯᐊᓕᕐᕕᐅᔪᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 12:10

“ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 21:29

ᑖᑦᓱᒪ ᑭᐅᕚ, ‘ᑕᐅᕗᓐᖓᕈᒪᖏᓐᓇᒪ,’ ᑭᖑᓂᖓᒍᓪᓕ ᖃᕿᐊᓕᕋᒥ ᐱᕈᕐᓰᕕᓕᐊᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 21:32

ᔪᐊᓇᓯ ᐹᑉᑎᑎᕆᔨ ᐃᓕᑦᓯᓐᓄᐊᓚᐅᕐᐳᖅ ᑕᑯᑎᑦᓯᓪᓗᓂ ᐊᖅᑯᒻᒥᒃ ᓇᓛᒎᕐᑐᒥᒃ ᐊᑐᕐᑕᐅᔪᓐᓇᕐᑐᒥᒃ, ᐅᒃᐱᓚᐅᓐᖏᓚᓯᓕ; ᕉᒪᒥᐅᑦ ᑮᓇᐅᔧᕐᑎᑦᓯᔨᖁᑎᖏᑦ ᐊᖑᓐᓂᐊᕐᑏᓪᓗ ᑖᑦᓱᒥᖓ ᐅᒃᐱᕈᓱᓚᐅᕐᐳᑦ; ᑕᒪᑐᒥᖓ ᑕᑯᓕᕋᓗᐊᕋᑦᓯ ᑭᖑᓂᖓᒍᑦ ᖃᕿᐊᓕᓚᐅᓐᖏᓚᓯ ᔪᐊᓇᓯᓗ ᐅᒃᐱᕆᓚᐅᕐᓇᓯᐅᒃ.”

ᒫᑎᐅᓯᐅᑉ ᐊᒡᓚᖏᑦ 3:2

ᐅᖃᕐᓗᓂ, “ᖃᕿᐊᓕᕆᑦᓯ, ᒎᑎᐅᑉ ᐊᑕᓂᐅᕕᖓ ᖃᒡᓕᓕᕐᒪᑦ!”

ᒫᑎᐅᓯᐅᑉ ᐊᒡᓚᖏᑦ 4:17

ᑕᕝᕙᓐᖓᑦ ᐱᒋᐊᕐᓗᒍ ᔩᓱᓯ ᐊᔪᕆᕐᑐᐃᓯᕗᖅ, ᐅᖃᕐᓗᓂ: “ᖃᕿᐊᓕᕆᑦᓯ, ᕿᓚᐅᑉ ᐊᑕᓂᐅᕕᐊ ᖃᒡᓕᓕᕐᒪᑦ!”

ᒫᑎᐅᓯᐅᑉ ᐊᒡᓚᖏᑦ 5:48

ᑍᒤᒻᒪᑦ ᓈᒻᒪᑦᓯᐊᕐᑐᒥᒃ ᐃᓕᖅᑯᓯᖃᕐᑐᒃᓴᐅᕗᓯ, ᓲᕐᓗ ᐊᑖᑕᓯ ᕿᓚᖕᒦᑦᑐᖅ ᓈᒻᒪᑦᓯᐊᕐᑐᒥᒃ ᐃᓕᖅᑯᓯᖃᕐᒪᑦ.”

ᒫᑎᐅᓯᐅᑉ ᐊᒡᓚᖏᑦ 7:25

ᑕᕝᕙ ᓯᓚᓗᒻᒪᕆᓕᕐᒪᑦ, ᑰᑦ ᖄᒥᓕᕐᓗᑎᒃ, ᐃᒡᓗ ᐊᓄᕌᕐᕕᐅᒻᒪᕆᓕᕐᓗᓂ, ᐅᕐᕈᓐᖏᓚᖅ, ᕾᕐᑐᒧᑦ ᑐᓐᖓᒐᒥ.

ᒫᑯᓯᐅᑉ ᐊᒡᓚᖏᑦ 1:1

ᐅᖃᐅᓰᑦ ᑐᓴᕈᒥᓇᕐᑐᑦ ᐱᒋᐊᕐᓂᖃᕐᐳᑦ ᔩᓱᓯ ᙭ᔅᑑᓯᒥᒃ, ᒎᑎᐅᑉ ᐃᕐᓂᖓᓂᒃ.

ᒫᑯᓯᐅᑉ ᐊᒡᓚᖏᑦ 6:12

ᑕᕝᕙ ᐃᓕᓐᓂᐊᕐᑎᖏᑦ ᐊᐅᓪᓚᕐᐳᑦ ᐊᔪᕆᕐᑐᐃᓪᓗᑎᒃ ᐃᓄᐃᑦ ᐊᔪᕐᓂᕐᒥᖕᓂᑦ ᖃᕿᐊᓕᖁᓪᓗᒋᑦ.

ᓘᑲᓯᐅᑉ ᐊᒡᓚᖏᑦ 6:48

ᐃᒫᒃ ᐊᑦᔨᖃᕐᐳᑦ; ᐃᓄᒃ ᐃᒡᓗᓕᐅᕐᑐᖅ; ᓄᓇ ᐃᓗᑐᔪᒥᒃ ᐃᑎᕐᓴᓕᐅᕐᓗᒍ, ᕾᕐᑐᖅ ᑎᑭᓐᓇᒥᐅᒃ ᑐᓐᖓᕕᓕᐊᕆᕚ ᐃᒡᓗᓕᐊᒥᓄᑦ; ᑰᒑᓗᒃ ᖄᒥᓕᕐᒪᑦ, ᐃᒡᓗᒧᓪᓗ ᑰᓕᕐᒪᑦ, ᐃᒡᓗ ᐊᐅᓚᑦᔭᒍᓐᓇᓐᖏᓚᖅ ᑐᖓᕕᖃᑦᓯᐊᕐᒪᑦ,

ᔪᐊᓇᓯᐅᑉ ᐊᒡᓚᖏᑦ 12:44

ᔩᓱᓯ ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᐅᕙᓐᓄᑦ ᐅᒃᐱᕐᑐᖅ, ᐅᕙᓐᓄᐃᓐᓇᖅ ᐅᒃᐱᓐᖏᓚᖅ ᑖᑦᓱᒧᖓᓕ ᐅᕙᓐᓂᒃ ᑎᓕᓯᔪᒧᑦ.

ᔪᐊᓇᓯᐅᑉ ᐊᒡᓚᖏᑦ 14:1

“ᐆᒻᒪᑎᒃᑯᑦ ᕿᒃᓵᖕᓂᐊᕋᓯ; ᒎᑎ ᐅᒃᐱᕆᓯᐅᒃ, ᐅᕙᖓᓗ ᐅᒃᐱᕆᓗᖓ.

ᔪᐊᓇᓯᐅᑉ ᐊᒡᓚᖏᑦ 5:24

“ᓱᓕᔪᒥᒃ ᐅᖃᐅᑎᕙᑦᓯ, ᐅᖃᐅᓯᓐᓂᒃ ᑐᓴᕐᑐᖅ ᐅᒃᐱᕆᓗᒍᓗ ᑎᓕᔨᒐ, ᑖᓐᓇ ᐃᓅᓯᖃᕐᐳᖅ ᓄᖑᓱᐃᑦᑐᒥᒃ; ᐃᖅᑲᕐᑐᕐᑕᐅᑦᔮᓇᓂᓗ, ᑐᖁᒥᓪᓕ ᓄᒃᑎᕐᓯᒪᓕᕐᐳᖅ ᐃᓅᓯᕐᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 11:18

ᑖᒃᑯᐊ ᑕᒪᑐᒥᖓ ᑐᓴᕋᒥᒃ ᓂᐱᖃᕈᓐᓃᕐᐳᑦ, ᒎᑎ ᓂᕐᑐᓕᕐᓗᒍ ᐅᖃᕐᐳᑦ, “ᔫᑎᐅᖏᑦᑐᓄᑦᑕᐅᖅ ᒎᑎ ᑐᓂᓯᕗᖅ ᓵᒋᐊᕐᓂᕐᒥᒃ ᐃᓅᓯᖃᕐᓇᕐᑐᒧᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 17:30

ᑍᒪᓐᖓᓂᑦ ᐃᓄᐃᑦ ᓇᓗᔫᓂᖏᑦ ᒎᑎᐅᑉ ᓱᖁᑎᒋᓚᐅᓐᖏᓔᑦ, ᒫᓐᓇᓕ ᐱᖁᔨᕗᖅ ᐃᓄᐃᑦ ᓇᓂᑐᐃᓐᓇᖅ ᐱᐅᖏᑦᑐᓕᓂᕐᒥᖕᓂᑦ ᖃᕿᐊᓕᖁᓪᓗᒋᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 2:38

ᐲᑦᑐᕉᓯᐅᑉ ᐅᖃᐅᑎᕔᑦ, “ᖃᕿᐊᓕᕆᑦᓯ, ᐹᑉᑎᑕᐅᓗᓯᓗ ᑕᒪᑦᓯ ᔩᓱᓯ ᙭ᔅᑑᓯᐅᑉ ᐊᑎᖓᓂ, ᐊᔪᕐᓂᑦᓯᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᓯ; ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᓂᕐᕈᑖᓂᒃ ᐱᓂᐊᕐᐳᓯ ᑕᕝᕙ.

ᐋᐴᓯᑕᓖᑦ ᐱᓂᐊᕐᓂᖏᑦ 20:21

ᔫᑎᓄᑦ ᒍᕇᑭᓄᓪᓗ ᐊᑦᔨᒌᓂᒃ ᐅᖃᐅᑦᔪᐃᕙᓚᐅᕐᐳᖓ ᒎᑎᒧᑦ ᖃᕿᐊᓕᕐᓗᑎᒃ ᓵᒋᐊᖁᓪᓗᒋᑦ ᐊᔪᕐᓂᕐᒥᖕᓂᑦ; ᐅᒃᐱᖁᓪᓗᒋᓪᓗ ᐊᑕᓂᕐᒧᑦ ᔩᓱᓯᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 26:20

ᐱᓇᓱᐊᓚᐅᕐᐳᖓᓕ ᑕᒫᓯᑰᓯᒥᑦ ᐱᒋᐊᕐᓗᖓ, ᔨᕉᓴᓕᒻᒥᓗ, ᔫᑎᐊᒦᑦᑐᓕᒫᓂᓗ, ᔫᑎᐅᖏᑦᑐᓂᓗᑦᑕᐅᖅ ᐊᔪᕆᕐᑐᐃᖃᑦᑕᓚᐅᕐᐳᖓ ᐊᔪᕐᓂᕐᒥᖕᓂᑦ ᖃᕿᐊᓕᖁᓪᓗᒋᑦ ᒎᑎᒧᓪᓗ ᓵᒋᐊᖁᓪᓗᒋᑦ, ᖃᕿᐊᓕᕐᓂᕐᒥᖕᓂᒡᓗ ᓇᓗᓁᕐᓯᖁᓪᓗᒋᑦ ᐱᓂᐊᕐᓂᕐᒥᒃᑎᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 3:19

ᑍᒤᒻᒪᑦ ᖃᕿᐊᓕᕆᑦᓯ, ᒎᑎᒧᓪᓗ ᓵᒋᐊᕐᓗᓯ, ᐱᐅᖏᑐᓕᓂᓯ ᑕᕝᕙ ᐲᔭᕐᓂᐊᕐᐰᑦ, ᓄᑖᒥᒡᓗ ᐱᔪᓐᓇᕐᓂᕐᑖᕐᑎᑕᐅᖃᑦᑕᕐᓂᐊᕐᐳᓯ ᐊᑕᓂᐅᑉ ᓇᔫᑎᓂᖓᓄᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:10

ᑕᒤᓐᓂᒡᓕ ᓈᒻᒪᒃᓯᑎᑕᐅᓂᖅ ᓇᓪᓕᐅᑎᒃᐸᑦ, ᐃᓔᓐᓇᕐᓂᒃ ᐱᓯᒪᓂᖅ ᓄᖑᔪᒫᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:6

ᓯᓚᑐᔪᓂᒡᓕᑦᑕᐅᖅ ᐅᖃᐅᓯᖃᕋᓗᐊᕆᕗᖓ ᐅᒃᐱᕐᓂᕐᒥ ᐱᕈᕇᕐᓯᒪᔪᓄᑦ, ᓯᓚᑐᓂᖅ ᓯᓚᕐᔪᐊᕐᒥᑦ ᐱᔪᖅ ᐊᑐᕐᓇᒍ ᓯᓚᕐᔪᐊᕐᒥᐅᓪᓗ ᐊᐅᓚᑦᓯᔨᖏᓐᓂᑦ ᐱᔪᖅ ᐊᑐᕐᒥᓇᒍ, ᑕᒪᒃᑯᐊ ᓱᓇᐅᔪᓐᓃᕐᓂᐊᕐᒪᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:1

ᓇᒡᓕᒋᔭᒃᑳ, ᑖᒃᑯᐊ ᐅᕙᑦᑎᓐᓄᑦ ᐊᖏᕈᑕᐅᓯᒪᖕᒪᑕ, ᑍᒤᒻᒪᑦ ᐅᕙᑦᑎᓐᓂᒃ ᓴᓗᒻᒪᕐᓴᓕᕐᑕ ᓱᓇᓕᒫᓂᑦ ᐅᒃᐱᕐᓂᒃᑯᑦ ᓴᓗᒪᑎᑦᓯᖏᑦᑐᓂᑦ ᑎᒥᒥᒃ ᑕᕐᓂᕐᒥᒡᓗ, ᐃᑦᔪᕐᓁᓕᕙᓪᓕᐊᓕᕐᑕᓕ ᒎᑎᒥᒃ ᐃᒃᐱᒍᓱᑦᓯᐊᕐᓂᑦᑎᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:10

ᕿᒃᓵᒃᑎᑕᐅᓂᖅ ᒎᑎᒥᑦ ᐱᔪᖅ ᖃᕿᐊᓕᕐᓂᖃᕐᑎᑦᓯᖕᒪᑦ ᐱᐅᓕᔭᐅᓂᕐᒧᑦ ᑭᖑᓂᖓᒍᓪᓗ ᐅᒡᒍᐊᕐᓇᕐᓂᖃᕋᓂ, ᕿᒃᓵᒃᑎᑕᐅᓂᕐᓕ ᓯᓚᕐᔪᐊᕐᒥᑦ ᐱᔪᖅ ᑐᖁᑎᑦᓯᕗᖅ.

ᐃᐱᓯᒥᐅᓄᑦ 2:1

ᐃᓕᑦᓯᑦᑕᐅᖅ ᐅᒃᐱᕐᓂᕐᒥ ᑐᖁᖓᓚᐅᕐᐳᓯ, ᐱᐅᖏᑦᑐᓕᓂᕐᒧᑦ ᐊᔪᕐᑐᓕᓂᕐᒧᓪᓗ.

ᐃᐱᓯᒥᐅᓄᑦ 2:5

ᐅᒃᐱᕐᓂᕐᒥ ᑐᖁᖓᑎᓪᓗᑕ ᐱᐅᖏᑦᑐᓕᓂᕐᒧᑦ, ᐆᒻᒪᕐᑎᓚᐅᕐᐹᑎᒍᑦ ᒪᑭᑎᓪᓗᑕᓗ ᙭ᔅᑑᓯ ᐃᓚᒋᓪᓗᒍ, ᑕᕝᕙ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐱᐅᓕᔭᐅᓯᒪᕗᓯ.

ᐃᐱᓯᒥᐅᓄᑦ 4:12

ᐃᑦᔪᕐᓁᑎᑕᐅᓯᒪᔪᑦ ᐱᓇᓱᐊᕈᑎᒃᓴᒥᖕᓂᒃ ᐊᔪᕐᓴᖏᓪᓗᑎᒃ ᐱᔨᑦᓯᕈᓐᓇᖁᓪᓗᒋᑦ, ᙭ᔅᑑᓯᐅᑉ ᑎᒥᖓ ᐋᖅᑭᒃᑕᐅᕙᓪᓕᐊᖁᓪᓗᒍ.

ᑯᓘᓯᐊᒥᐅᓄᑦ 1:28

ᑍᒤᒻᒪᑦ ᙭ᔅᑑᓯ ᐊᔪᕆᕐᑐᐃᑦᔪᑎᒋᕙᕗᑦ ᐃᓄᓕᒫᓄᑦ, ᓯᕘᕋᒋᔭᒃᓴᖏᓐᓂᒃ ᐅᖃᐅᑦᔪᐃᑦᔪᑎᒋᓪᓗᒍ ᐊᔪᕆᕐᑐᐃᑦᔪᑎᒋᕙᕗᓪᓗ ᑕᒤᓐᓄᑦ ᓯᓚᑐᓂᖃᕐᓗᑕ, ᑕᒪᕐᒥᒃ ᐱᕈᕇᕐᓯᒪᓗᑎ ᐅᒃᐱᕐᓂᒃᑯᑦ ᓴᖅᑭᑎᑦᓱᒪᓪᓗᑎᒍ ᙭ᔅᑑᓯᒥ.

ᑯᓘᓯᐊᒥᐅᓄᑦ 3:14

ᑕᒪᒃᑯᐊᓕ ᖄᖏᑎᒍᑦ ᐊᑎᓯᓯᒪᓗᓯ ᓇᒡᓕᖕᓂᕐᒥᒃ, ᑖᓐᓇ ᑕᒤᓐᓂᒃ ᑲᑎᓐᖓᑎᑦᓯᖕᒪᑦ ᓈᒻᒪᑦᓯᐊᕐᑐᒥᒡᓗ ᐊᑕᐅᓯᐅᓂᖃᕐᑎᑦᓯᓪᓗᓂ.

ᑯᓘᓯᐊᒥᐅᓄᑦ 4:12

ᐃᐸᐳᕌᓯᐅᑉ ᑕᕝᕙᐅᕗᑏᕆᕚᓯ, ᐃᓕᑦᓯᓐᓂᑦᑕᐅᖅ ᐱᓯᒪᔫᑉ, ᙭ᔅᑑᓯᐅᑉ ᔩᓱᓯᐅᑉ ᐱᔨᖓᑕ, ᑖᓐᓇ ᑍᒪᓐᖓᑦ ᐊᒃᓱᕈᕐᓗᓂ ᐃᓕᑦᓯᓐᓂᒃ ᑐᒃᓯᐅᑦᔨᖃᑦᑕᕐᐳᖅ, ᓇᖏᕈᓐᓇᕐᑎᑕᐅᖁᓪᓗᓯ ᐊᐅᓚᖏᓪᓗᓯ ᐱᕈᕇᑦᓯᐊᖁᓪᓗᓯᓗ ᖁᓚᕐᓂᖃᖏᑦᓯᐊᕐᓗᓯ ᒎᑎᐅᑉ ᐱᔪᒪᔭᖓᓂᒃ ᓈᓚᑦᓯᐊᕐᓗᓯ.

ᑎᒧᑎᒧᑦ ᓯᕗᓪᓖᑦ 3:16

ᑕᒪᓐᓇ ᒥᓯᐊᕈᑕᐅᔪᒃᓇᓐᖏᓚᖅ ᐅᒃᐱᕐᓂᑦᑕ ᓇᓗᓇᕐᑐᕐᔪᐊᖑᓂᖓ: ᑖᓐᓇ ᓴᖅᑭᓚᐅᕐᐳᖅ ᐃᓅᑉ ᑎᒥᖓᓂᒃ ᑕᑯᒃᓴᐅᓂᖃᕐᓗᓂ, ᐊᓂᕐᓂᕐᒧᑦ ᓱᓕᓂᖓ ᓴᖅᑭᑎᑕᐅᓚᐅᕐᐳᖅ, ᐂᖏᓕᓄᑦ ᑕᑯᔭᐅᓚᐅᕐᐳᖅ. ᓯᓚᕐᔪᐊᕐᒥᐅᓄᑦ ᐊᔪᕆᕐᑑᐃᑦᔪᑎᒋᔭᐅᓚᐅᕐᑐᖅ, ᐅᒃᐱᕆᔭᐅᓕᓚᐅᕐᑐᖅ ᓯᓚᕐᔪᐊᕐᒥᐅᓄᑦ, ᖁᒻᒧᐊᒃᑎᑕᐅᓪᓗᓂ ᐱᓐᓇᕐᓇᕐᑐᕐᔪᐊᖑᓪᓗᓂ.

ᑎᒧᑎᒧᑦ ᓯᕗᓪᓖᑦ 6:19

ᑍᒤᓕᐅᕈᑎᒃ ᐱᒃᑯᒥᓇᕐᑐᕐᔪᐊᓂᒃ ᑐᓐᖓᕕᓕᐅᕐᓂᐊᕐᐳᑦ ᓯᕗᓂᒃᓴᒥᖕᓂ, ᐃᓅᓯᕐᒥᒃ ᓵᓚᖃᐅᑎᒃᓴᕐᑖᕈᒫᕐᐳᑦ ᐃᓅᓯᓪᓚᕆᖕᒥᒃ.

ᑎᒧᑎᒧᑦ ᐂᑉᐸᖏᑦ 2:19

ᒎᑎᐅᓪᓕ ᑐᓐᖓᕕᓕᐊᕆᓯᒪᔭᖓ ᐊᐅᓚᖏᑦᑐᖅ ᓱᕐᕋᒃᑕᐅᔪᓐᓇᓐᖏᓚᖅ; ᐃᒤᑦᑐᓂᒃ ᓇᓗᓁᒃᑯᑕᓕᒃ: “ᐊᑕᓂᐅᑉ ᐃᓄᖁᑎᓂ ᖃᐅᔨᒪᕔᑦ,” ᐊᒻᒪᓗ, “ᑕᒪᕐᒥᒃ ᐊᑕᓂᕐᒧᑦ ᐃᓄᖁᑕᐅᔪᑦ ᐱᐅᖏᑦᑐᓕᓂᕐᓂᒃ ᐊᑐᕈᓐᓁᕐᓕᑦ.”

ᐄᑉᕈᐃᓄᑦ 11:6

ᐅᒃᐱᕐᓂᖃᖏᓪᓗᓂ ᒎᑎᒧᑦ ᖁᕕᐊᒋᔭᐅᓂᖅ ᐊᔪᕐᓇᕕᒃᐳᖅ. ᒎᑎᒧᐊᕈᒪᔪᖅ ᒎᑎᖃᕐᑐᒥᒃ ᐅᒃᐱᕐᑐᒃᓴᐅᕗᖅ ᑖᓐᓇ ᕿᓂᕐᑎᒥᓄᑦ ᐊᑭᓖᔪᓐᓇᕐᒪᑦ.

ᐄᑉᕈᐃᓄᑦ 12:13

ᐊᖅᑯᑦ ᑐᑭᓕᐊᕐᑐᖅ ᐊᑐᓕᕐᓯᐅᒃ ᐃᑎᒐᓯ ᑐᓯᐊᑦᑐᑦ ᐊᔪᓕᖁᓇᒋᑦ ᐋᖅᑭᒃᑕᐅᖁᓪᓗᒋᓪᓕ.

ᐄᑉᕈᐃᓄᑦ 7:11

ᓕᕔᑎᒃᑯᓪᓕ ᑐᓂᕐᕈᓯᕐᑎᑦᓯᔩᑦ ᐱᑦᔪᑎᒋᓪᓗᒋᑦ ᐱᖁᔧᑦ ᑐᓂᔭᐅᓚᐅᕐᐳᑦ ᐃᓴᕆᐊᓕᒥᐅᓄᑦ, ᓕᕔᑎᒃᑯᓪᓕ ᑐᓂᕐᕈᓯᕐᑎᑦᓯᔨᐅᓂᕐᒧᑦ ᐱᓇᓱᐊᕐᓂᕆᔭᖓ ᓈᒻᒪᑦᓯᐊᓚᐅᕐᐸᑦ, ᑐᓂᕐᕈᓯᕐᑎᑦᓯᔨᒥᒃ ᑖᒃᑯᐊ ᐊᓯᖏᓐᓂᒃ ᓴᖅᑭᑦᑐᖃᕆᐊᖃᕋᔭᓚᐅᓐᖏᓚᖅ, ᒥᓪᑭᓯᑎᑐᑦ ᑍᒤᑦᑐᒥᒃ, ᐂᕉᓂᒧᑦ ᐃᓚᒋᔭᐅᖏᑦᑐᒥᒃ.

ᐄᑉᕈᐃᓄᑦ 9:14

ᐊᖏᓂᕐᓴᒻᒪᕆᐊᓗᖕᒥᒡᓕ ᑕᕝᕙ, ᙭ᔅᑑᓯᐅᑉ ᐊᐅᖓ, ᐊᓂᕐᓂᒃᑯᑦ ᐃᓱᖃᖏᑦᑐᒃᑯᑦ ᐃᒻᒥᓂᒃ ᑐᓂᕐᕈᑕᐅᑎᓚᐅᕐᐳᖅ ᐸᓯᔭᒃᓴᐅᓂᖃᖏᑦᑐᖅ ᒎᑎᒧᑦ, ᑖᑦᓱᒪ ᐃᓱᒪᕗᑦ ᓴᓗᒻᒪᕐᐰᑦ ᐱᓂᐊᕐᓂᕐᓂᑦ ᑐᖁᖓᔪᓂᑦ, ᒎᑎᒥᒃ ᐆᒪᔪᒥᒃ ᐱᔨᑦᓯᕈᓐᓇᖁᓪᓗᒋᑦ.

ᔧᒥᓯᐅᑉ ᐊᒡᓚᖏᑦ 1:4

ᕿᓄᐃᓵᕐᓂᖅ ᑲᔪᓯᑦᓯᐊᕐᑐᒃᓴᐅᕗᖅ, ᓈᒻᒪᒃᓯᑦᓯᐊᖁᓪᓗᓯ ᐱᔭᕇᑦᓯᐊᕐᓗᓯᓗ, ᓱᓇᒥᒡᓗ ᑭᓐᖒᒪᔭᖃᕈᓐᓃᖁᓪᓗᓯ.

ᐲᑦᑐᕉᓯ ᓯᕗᓪᓖᑦ 1:21

ᑖᑦᓱᒨᓇ ᒎᑎ ᐅᒃᐱᕐᕕᒋᕙᓯ, ᑖᓐᓇ ᑐᖁᒥᑦ ᒪᑭᑎᑦᓯᓚᐅᕐᑐᖅ ᑖᑦᓱᒥᖓ ᓂᕐᑐᕐᓇᕐᓯᑎᓪᓗᒍᓗ, ᑍᒤᒻᒪᑦ ᐅᒃᐱᕐᓂᑦᓯ ᓂᕆᐅᖕᓂᓯᓗ ᒎᑎᒦᑉᐳᑦ.

ᐲᑦᑐᕉᓯ ᓯᕗᓪᓖᑦ 5:10

ᐊᑯᓂᐅᖏᑦᑐᖅ ᐊᒃᓱᕈᖕᓇᕐᑐᔪᐊᒦᑎᑕᐅᓚᐅᕐᓗᓯ, ᒎᑎ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖃᕐᑐᑉ, ᐃᓕᑦᓯᓐᓂᒃ ᕾᖁᔨᓚᐅᕐᑑᑉ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᒧᑦ ᙭ᔅᑑᓯᒥ, ᑖᑦᓱᒪ ᓇᖕᒥᓂᖅ ᐋᖅᑭᒃᓱᕐᓂᐊᕐᐹᓯ, ᐅᒃᐱᕐᓂᒃᑯᑦ ᑐᓐᖓᕕᓕᑦᓯᐊᕐᓗᓯ, ᓴᓐᖏᔫᓕᕐᑎᓪᓗᓯᓗ.

ᔪᐊᓇᓯ ᓯᕗᓪᓖᑦ 4:12

ᒎᑎᒥᒃ ᑕᑯᔪᖃᓚᐅᕐᓯᒪᓐᖏᓚᖅ; ᓇᒡᓕᒋᖃᑦᑕᐅᑎᒍᑦᑕᓕ, ᒎᑎᐅᑉ ᓇᔪᕐᐹᑎᒍᑦ ᓇᒡᓕᖕᓂᖓᓗ ᐃᓗᑦᑎᓐᓂ ᓈᒻᒪᒃᓯᕗᖅ.