ᐄᑉᕈᐃᓄᑦ 5:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐃᒻᒧᒃᑐᑐᐃᓐᓇᕐᑐᓪᓕ ᓱᓕ ᑐᑭᓯᔪᓐᓇᓐᖏᓚᑦ ᐅᖃᐅᓯᕐᒥᒃ ᓇᓛᒎᕐᓂᕐᒥᒃ, ᓄᑕᕋᐅᓗᐊᕋᒥᒃ.

ᐄᑉᕈᐃᓄᑦ 5:13 Iomraidhean Croise

ᐃᓐᖏᕈᑎᑦ 119:123

ᐃᔩᒃᑲ ᑕᖃᓕᕐᐴᒃ ᐱᐅᓕᒃᓯᓂᕐᓂᒃ ᕿᓂᕐᓂᕐᒧᑦ, ᐊᖏᕈᑎᒋᓯᒪᔭᕕᓪᓗ ᐃᓱᐊᕐᑑᑉ ᐊᑐᓕᕐᓂᒃᓴᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 28:9

“ᑭᓇᒥᒃ ᐃᓕᓐᓂᐊᕐᑎᑦᓯᓂᐊᕐᐸᑦ ᑐᑭᓯᑎᑦᓯᓂᕐᒥᒃ, ᑭᓇᒧᓪᓗ ᓇᓗᓁᕐᓯᓂᐊᕐᐸᑦ ᐅᖃᐅᓯᒃᓴᒥᒃ? ᑕᒪᒃᑯᓄᖓ ᑭᓯᐊᓂ ᐊᒫᒪᒍᓐᓃᓕᓵᕐᑐᓄᑦ; ᐊᒫᒪᖕᒥᖕᓂᒃ ᓴᒃᑯᐃᓕᕋᑖᕐᑐᓄᑦ.

ᒫᑎᐅᓯᐅᑉ ᐊᒡᓚᖏᑦ 11:25

ᑍᑦᓱᒪᓂᐅᑎᓪᓗᒍ ᔩᓱᓯ ᐅᖃᕐᐳᖅ, “ᐊᑖᑖᒃ, ᖁᔭᒋᕙᒋᑦ, ᐊᑕᓂᐅᔪᑎᑦ ᕿᓚᖕᒥ ᓄᓇᕐᔪᐊᕐᒥᓗ! ᑕᒪᒃᑯᐊ ᐃᔨᕐᓯᒪᒐᕕᒋᑦ ᓯᓚᑐᔪᓄᑦ ᐃᓕᓯᒪᔪᓄᓪᓗ, ᑕᒪᑐᒥᖓᓕ ᓴᖅᑭᑎᑦᓯᓚᐅᕋᕕᑦ ᓄᑕᖅᑲᑎᑐᑦ ᑍᒤᑦᑐᓄᑦ;

ᒫᑯᓯᐅᑉ ᐊᒡᓚᖏᑦ 10:15

ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᒎᑎᐅᑉ ᐊᑕᓂᐅᕕᖓᓂᒃ ᓄᑕᕋᑯᓗᒃᑎᑐᑦ ᐃᓚᓕᐅᕐᓯᖏᑦᑐᖅ ᑕᑉᕗᖓ ᐃᑎᕐᓂᐊᓐᖏᓚᖅ.”

ᕉᒪᒥᐅᓄᑦ 2:20

ᓯᓔᑦᑐᓂᒡᓗ ᐋᖅᑭᒋᐊᕐᓯᔪᓐᓇᕋᓱᒋᓪᓗᑎᑦ, ᓄᑕᖅᑲᓂᒡᓗ ᐃᓕᓮᔪᓐᓇᕋᓱᒋᓪᓗᑎᑦ, ᐱᖁᔭᓂᒃ ᐱᑕᖃᕇᕋᕕᑦ ᐃᓕᓯᒪᓂᕐᒥᒃ ᓱᓕᑦᓯᐊᕐᓂᕐᒥᒡᓗ ᐱᑕᖃᕐᓂᕋᕐᑕᕐᓂᒃ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:11

ᓄᑕᕋᐅᑎᓪᓗᖓ, ᓄᑕᕋᕐᑎᑐᑦ ᐅᖃᓪᓚᒃᐸᓚᐅᕐᐳᖓ, ᓄᑕᕋᕐᑎᑐᓪᓗ ᐃᓱᒪᕙᓚᐅᕐᐳᖓ, ᑐᑭᓯᓂᖃᕐᓗᖓᓗ ᓄᑕᕋᕐᑎᑐᑦ; ᐱᕈᕇᕋᒪᓕ, ᓄᑕᕋᐅᑉ ᐃᓕᖅᑯᓯᖓ ᐊᑐᕈᓐᓃᕐᐸᕋ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:20

ᐃᓚᒃᑳ, ᓄᑕᕋᕐᑎᑐᑦ ᐃᓱᒪᖃᕐᓂᐊᕋᓯ; ᐊᔪᕐᓂᕐᒧᑦ ᓄᑕᕋᕐᑎᑑᕐᓗᓯ, ᐃᓱᒪᑦᓯᒍᓪᓕ ᐱᕈᕇᕐᓯᒪᓗᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:1

ᐃᓚᒃᑳ, ᒎᑎᐅᑉ ᐊᓂᕐᓂᖓᓂᒃ ᐱᖃᕐᑐᑎᑐᑦ ᐅᖃᐅᑎᔪᓐᓇᓚᐅᓐᖏᓚᑦᓯ, ᐊᓂᕐᓂᕐᒥᓕ ᐱᓯᒪᖏᑦᑐᑎᑐᑦ ᐅᖃᐅᑎᔭᕆᐊᖃᓚᐅᕐᐸᑦᓯ, ᓲᕐᓗ ᙭ᔅᑑᓯᒥ ᓄᑕᕋᐅᔪᑎᑐᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:9

ᐃᓄᖕᓂᒃ ᐃᖅᑲᕐᑐᒐᒃᓴᓐᖑᕐᑎᑦᓯᔪᖅ ᑕᑯᒥᓇᕐᓂᖃᓚᐅᕐᐸᑦ; ᐊᖏᓂᕐᓴᒻᒪᕆᖕᒥᒃ ᑕᑯᒥᓇᕐᓂᖃᕐᑐᒃᓴᐅᕗᖅ ᒎᑎᒧᑦ ᐃᖅᑲᕐᑐᒐᒃᓴᐅᔪᓐᓃᕐᓂᕐᒥᒃ ᐱᑎᑦᓯᔪᖅ.

ᐃᐱᓯᒥᐅᓄᑦ 4:14

ᓱᕈᓯᐅᔪᓐᓁᖁᓪᓗᑕ, ᒪᓕᖕᒧᑦ ᐊᐅᓚᑕᐅᔪᑎᑐᑦ ᐊᓄᕆᐅᓪᓗ ᓴᕿᖃᑦᑕᕐᓂᖓᓂᒃ ᒪᓕᑐᐃᓐᓇᕐᑐᑎᑐᑦ, ᑕᕝᕙ ᐊᔪᕆᕐᑑᓯᕐᓄᑦ ᓯᓔᕐᕆᒃᓯᔪᓄᑦ, ᑕᒻᒪᕐᑎᑦᓯᔪᓄᑦ ᑕᑯᒃᓴᐅᔪᒃᑯᑦ ᓱᓕᔫᔮᕐᓗᑎᒃ ᐱᓇᓱᐊᖃᑦᑕᕐᑐᓄᑦ.

ᑎᒧᑎᒧᑦ ᐂᑉᐸᖏᑦ 3:16

ᒎᑎᐅᑉ ᐅᖃᐅᓯᕆᓯᒪᔭᖏᑦ ᐃᓘᓐᓇᑎᒃ ᒎᑎᐅᑉ ᐃᓱᒪᓕᐅᕈᑎᒋᓯᒪᖕᒪᒋᑦ ᐊᑐᕐᓇᕐᐳᑦ ᐊᔪᕆᕐᑐᐃᓂᕐᒧᑦ, ᐃᓂᕐᑎᕆᓂᕐᒧᑦ, ᐋᖅᑭᒋᐊᕐᑕᐅᓂᕐᒧᑦ, ᐃᓅᑦᓯᐊᕐᓂᕐᒧᓪᓗ ᐃᓕᓐᓂᐊᕈᑎᒃᓴᐅᓪᓗᑎᒃ,

ᐲᑦᑐᕉᓯ ᓯᕗᓪᓖᑦ 2:2

ᐃᓅᕋᑖᕐᑐᑎᑐᓪᓕ ᑍᒤᓕᕆᑦᓯ, ᐃᒥᕈᒃᑐᑎᑐᑦ ᐃᓚᐅᕐᓯᒪᓐᖏᑦᑐᒥᒃ ᐃᒻᒧᖕᒥᒃ ᐊᓂᕐᓂᕐᒥᑦ ᐱᔪᒥᒃ, ᑍᒤᑦᑐᒥᒃ ᐃᒥᖃᑦᑕᕐᓂᑦᓯᒍᑦ ᐱᕈᕐᐸᓪᓕᐊᖁᓪᓗᓯ ᐱᐅᓕᔭᐅᓂᕐᒥ,

ᔪᐊᓇᓯᐅᑉ ᐂᑉᐸᖏᑦ 1:11

ᓇᓪᓕᐊᑦ ᑍᒤᑦᑐᒥᒃ ᐃᓚᓕᐅᕐᓯᔪᖅ ᐃᓚᓕᐅᕐᓯᕗᖅ ᐱᐅᖏᑦᑐᒥᒃ ᐱᓇᓱᐊᕐᓂᖓᓄᑦ.