ᐄᑉᕈᐃᓄᑦ 5:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᒫᓐᓇᐅᓕᕐᑐᖅ ᐊᔪᕆᕐᑐᐃᔪᓐᓇᕐᓯᓯᒪᓕᕋᓗᐊᕐᐳᓯ, ᓱᓕᓕ ᐊᔪᕆᕐᑐᕐᑕᐅᔭᕆᐊᖃᕐᐳᓯ ᒎᑎᐅᑉ ᐅᖃᐅᓯᖏᓐᓂᒃ ᐊᔪᕆᕐᑐᕐᑕᐅᓕᓵᕐᑐᓄᑦ ᐊᑐᕐᑕᐅᕙᒃᑐᓂᒃ. ᓱᓕ ᐃᒻᒧᒃᑐᖃᑕᕆᐊᖃᕐᐳᓯ, ᓂᕿᓪᓚᕆᖕᒥᒃ ᓱᓕ ᐊᔪᕋᑦᓯ;

ᐄᑉᕈᐃᓄᑦ 5:12 Iomraidhean Croise

ᓴᒧᐃᓕ ᐂᑉᐸᖏᑦ 16:23

ᐊᕼᐃᑐᐱᓕᐅᑉ ᐃᓱᒻᒥᕐᑐᐃᑦᔪᑎᒋᔭᖏᑦ ᑍᑦᓱᒪᓂᐅᑎᓪᓗᒍ ᒪᓕᒐᒃᓴᓪᓚᕆᐅᑎᑕᐅᕙᓚᐅᕐᐳᖅ ᒎᑎᐅᑉ ᐅᖃᐅᓯᖓᑐᑦ; ᑕᒪᖏᖕᓄᑦ ᑍᕕᑎᒧᑦ ᐋᑉᓴᓚᒻᒧᓪᓗ.

ᐄᓱᕋᐅᑉ ᐊᒡᓚᖏᑦ 7:10

ᐄᓱᕋᐅᑉ ᐃᓅᓯᓂ ᑐᓂᓯᒪᓚᐅᕐᐹ ᐃᓕᓴᕐᓗᓂ ᐊᑕᓂᐅᑉ ᐱᖁᔭᖏᓐᓂᒃ, ᐊᑐᖃᑦᑕᓪᓗᒋᑦ, ᐃᓕᓮᑦᔪᑎᒋᓪᓗᒋᓪᓗ ᐱᖁᔧᑦ ᐊᑐᕐᑕᐅᔭᕆᐊᓖᓪᓗ ᐃᓴᕆᐊᓕᒥᐅᑦ ᐃᓄᖁᑎᖏᓐᓄᑦ.

ᐃᓐᖏᕈᑎᑦ 34:11

ᕾᒋᑦᓯ, ᕿᑐᕐᖓᐅᔪᓯ, ᓈᓚᓚᐅᕐᓯᓐᖓ; ᓯᕘᕋᓂᕐᒥᒃ ᐊᑕᓂᕐᒥᒃ ᐊᔪᕆᕐᑐᕐᓂᐊᕋᑦᓯ.

ᐂᓮᐊᓯᐅᑉ ᐊᒡᓚᖏᑦ 28:13

ᑕᕝᕙ ᐊᑕᓂᐅᑉ ᐊᔪᕆᕐᑐᕈᒪᓕᕐᐹᓯ ᑎᑎᕅᑦ ᐊᑕᐅᓯᐅᓈᕐᑕᕐᓗᒋᑦ, ᐅᖃᕐᓯᒪᓂᖏᓪᓗ ᐃᓛᒃᑰᕐᑎᕐᓗᒋᑦ, ᐊᔪᕆᕐᑐᐃᑦᔪᑎᒃᓴᓪᓗ ᐃᓛᒃᑰᕐᓯᒪᓂᖏᑦ ᒪᓕᒡᓗᒋᑦ. ᑍᒫᒃ ᑕᕝᕙ ᐅᕈᔮᕐᓂᐊᕐᐳᓯ ᐊᓪᓗᑐᐊᕅᒍᑦᓯ, ᐃᑭᓕᕐᑕᐅᓂᐊᕐᐳᓯ, ᐊᔪᕐᓯᑎᑕᐅᓗᓯᓗ, ᑎᒍᔭᐅᓗᓯᓗ ᑎᒍᔭᐅᓯᒪᕕᖕᒧᐊᕐᑕᐅᔪᒫᕐᐳᓯ.

ᐂᓮᐊᓯᐅᑉ ᐊᒡᓚᖏᑦ 55:1

“ᐊᑏ ᐃᒥᕈᒃᑐᓕᒫᑦ, ᐃᒪᖃᕐᑐᒧᑦ ᕾᓕᕐᓕᑦ; ᑮᓇᐅᔭᖃᖏᑦᑐᓪᓗ, ᕾᓕᕐᓕᑦ, ᓂᐅᕕᕐᓗᑎᒃ ᓂᕆᓕᕐᓕᑦ! ᕾᓗᓯ ᓂᐅᕕᓕᕆᑦᓯ ᕔᓂᒥᒃ ᐃᒻᒧᖕᒥᒡᓗ ᑮᓇᐅᔮᓄᖏᑦᑐᖅ ᐊᑭᖃᖏᑦᑐᓂᒡᓕ.

ᒫᑎᐅᓯᐅᑉ ᐊᒡᓚᖏᑦ 17:17

ᔩᓱᓯᐅᑉ ᑭᐅᕚ, “ᐅᒃᐱᕐᓂᖃᖏᑦᑐᓯ ᑕᒻᒪᕐᓯᒪᔪᐊᓘᔪᓯᓗ, ᖃᓄᖅ ᐊᑯᓂᐅᑎᒋᔪᖅ ᓇᔪᕆᐊᖃᕐᐸᑦᓰ? ᖃᓄᕐᓗ ᐊᑯᓂᐅᑎᒋᔪᖅ ᕿᓄᐃᓵᕐᕕᒋᔭᕆᐊᖃᕐᐸᑦᓰ? ᓄᑲᑉᐱᐊᖅ ᐅᕙᓐᓄᑦ ᒪᐅᖓ ᕾᑎᓚᐅᕈᒃ.”

ᒫᑯᓯᐅᑉ ᐊᒡᓚᖏᑦ 9:19

ᑕᑉᕙ ᐅᖃᐅᑎᕔᑦ, “ᐃᓅᖃᑎᒌᖑᔪᓯ ᐅᒃᐱᕐᓂᖃᖏᓚᓯ, ᖃᓄᖅ ᓯᕕᑐᑎᒋᔪᒥᒃ ᓇᔪᕆᐊᖃᕐᐸᑦᓰ? ᖃᓄᕐᓗ ᓯᕕᑐᑎᒋᔪᒥᒃ ᕿᓄᐃᓵᕈᑎᒋᔭᕆᐊᖃᕐᐸᑦᓰ? ᓄᑲᑉᐱᐊᖅ ᕾᑎᓚᐅᕐᓯᐅᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 7:38

ᑖᓐᓇ ᒨᓯᓯ ᐃᓴᕆᐊᓕᒥᐅᑦ ᐃᓚᒋᓚᐅᕐᑕᖓᑦ ᐃᓄᖃᖏᑦᑐᒥ; ᓯᕗᓕᕕᓂᑦᑕᓗ ᐃᓚᒋᓚᐅᕐᐹᑦ, ᐂᖏᓕᐅᓪᓗ ᐃᓚᒋᓚᐅᕆᕚ, ᐅᖃᖃᑎᒋᓪᓗᒍ ᖃᖅᑲᒥ ᓮᓁᒥ, ᑐᓂᓯᕕᐅᓚᐅᕐᑐᖅ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᖃᓄᖅ ᐃᓅᔭᕆᐊᒃᓴᖅ ᖃᐅᔨᑦᔪᑎᒃᓴᓂᒃ ᑐᓂᓯᖁᓪᓗᒍ ᑎᑎᕋᕐᓯᒪᔪᓂᒃ ᐅᕙᑦᑎᓐᓄᑦ.

ᕉᒪᒥᐅᓄᑦ 3:2

ᑕᒤᑎᒍᑦ ᐊᑐᕐᓂᖃᕐᐳᖅ. ᓯᕗᓪᓕᕐᒥᒃ ᒎᑎᐅᑉ ᐅᖃᐅᓯᓪᓚᕆᖏᓐᓂᒃ ᑐᓂᓯᕕᐅᓯᒪᕗᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:19

ᐅᒃᐱᕐᑑᖃᑎᒌᓂᓕ ᐅᖃᕈᒪᓂᕐᓴᐅᒐᔭᕐᐳᖓ ᐅᖃᐅᓯᕐᓂᒃ ᑕᓪᓕᒪᓂᒃ ᐃᓱᒪᓐᓂᑦ ᐱᔪᓂᒃ ᑐᑭᓯᔭᐅᔪᓐᓇᕐᑐᓂᒃ, ᐊᓯᓐᓂᒃ ᐊᔪᕆᕐᑐᐃᔪᓐᓇᖁᓪᓗᖓ, ᑐᓴᕐᖓᕐᑕᓂᒃ 10,000ᓂᒃ ᐊᑐᓐᖏᖔᕐᓗᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:20

ᐃᓚᒃᑳ, ᓄᑕᕋᕐᑎᑐᑦ ᐃᓱᒪᖃᕐᓂᐊᕋᓯ; ᐊᔪᕐᓂᕐᒧᑦ ᓄᑕᕋᕐᑎᑑᕐᓗᓯ, ᐃᓱᒪᑦᓯᒍᓪᓕ ᐱᕈᕇᕐᓯᒪᓗᓯ.

ᒐᓔᑎᐊᒥᐅᓄᑦ 4:3

ᑍᒫᒃᑕᐅᖅ ᐅᕙᒍᑦ; ᓄᑕᕋᐅᑎᓪᓗᑕ ᓯᐊᓛᕆᔭᐅᓚᐅᕐᐳᒍᑦ ᓯᓚᕐᔪᐊᑦᑎᓐᓂ ᐊᓂᕐᓂᕐᓄᑦ ᑕᑯᒃᓴᐅᖏᑦᑐᓄᑦ ᐊᐅᓚᑕᐅᑎᓪᓗᑕ.

ᐱᓕᐱᒥᐅᓄᑦ 3:1

ᑭᖑᓪᓕᕐᐹᒥᒡᓕ ᐅᒃᐱᕐᑑᖃᑎᒃᑲ, ᖁᕕᐊᓱᒋᑦᓯ ᐊᑕᓂᕐᒥ. ᑎᑎᕋᐅᓯᕆᓚᐅᕐᑕᓐᓂᒃ ᑖᒃᑯᓂᖓᑦᓮᓐᓇᖅ ᑎᑎᕋᕋᓗᐊᕈᒪ ᖃᓄᐃᒃᓴᓐᖏᓚᖓ, ᓴᐳᑎᔭᐅᑦᔪᑎᒋᒃᑲᓐᓂᕐᓂᐊᕋᑦᓯᐅᒃ.

ᑯᓘᓯᐊᒥᐅᓄᑦ 3:16

᙭ᔅᑑᓯᐅᑉ ᐅᖃᐅᓯᖏᑦ ᐃᓗᑦᓯᓐᓂ ᐃᓂᖃᑦᓯᐊᕐᓕᑦ, ᐊᔪᕆᕐᑐᖃᑦᑕᐅᑎᓗᓯ ᐃᕾᑎᑦᓯᔨᒌᒃᓗᓯᓗ ᐃᓕᑦᓯᓐᓄᑦ ᑕᒤᑎᒍᑦ ᓯᓚᑐᓂᖃᕐᓗᓯ, ᐃᓐᖏᕐᓗᓯᓗ ᑍᕕᑎᐅᑉ ᐃᓐᖏᕈᑎᖏᓐᓄᑦ ᐱᓯᕐᓄᓪᓗ ᐊᓂᕐᓂᒃᑯᓪᓗ ᐃᓐᖏᕐᓗᓯ ᒎᑎᒧᑦ ᖁᔭᓕᓗᓯ ᐆᒻᒪᑎᑦᓯᒍᑦ.

ᐄᑉᕈᐃᓄᑦ 10:32

ᐃᖅᑬᓚᐅᕆᑦᓯ ᐊᑐᓚᐅᕐᑕᑦᓯᓐᓂᒃ, ᑍᑦᓱᒪᓂ ᒎᑎᐅᑉ ᖃᐅᒪᓂᖓᓄᑦ ᑐᑭᓯᑎᑕᐅᓯᒪᓕᕐᑎᓪᓗᓯ, ᖃᓄᑐᐃᓐᓈᓗᒃ ᐅᖁᒤᒃᓴᕐᑎᑕᐅᓚᐅᕋᑦᓯ ᐋᓐᓂᐊᑎᑕᐅᓪᓗᓯᓗ,

ᐄᑉᕈᐃᓄᑦ 5:11

ᑕᒪᑐᒥᖓ ᓱᓕ ᐅᖃᐅᓯᒃᓴᖃᕋᓗᐊᕐᐳᒍᑦ ᐊᒥᓱᓂᒃ ᑭᓯᐊᓂᓕ ᑐᑭᓯᓇᕐᑎᓐᓇᓱᒋᐊᖓ ᐃᓕᑦᓯᓐᓄᑦ ᐅᖁᒤᑉᐳᖅ, ᑐᑭᓯᓇᔭᖏᓐᓇᑦᓯ.

ᐄᑉᕈᐃᓄᑦ 5:13

ᐃᒻᒧᒃᑐᑐᐃᓐᓇᕐᑐᓪᓕ ᓱᓕ ᑐᑭᓯᔪᓐᓇᓐᖏᓚᑦ ᐅᖃᐅᓯᕐᒥᒃ ᓇᓛᒎᕐᓂᕐᒥᒃ, ᓄᑕᕋᐅᓗᐊᕋᒥᒃ.

ᐄᑉᕈᐃᓄᑦ 6:1

ᑍᒤᒻᒪᑦ ᓯᕗᒧᐊᓕᕐᑕ ᙭ᔅᑑᓯᒥ ᐱᒋᐊᓕᓵᕐᑐᕐᓯᐅᑎᑦ ᕿᒪᒡᓗᒋᑦ ᓵᒋᐊᕐᓂᐅᑉ ᑐᓐᖓᕕᒃᓴᖏᓐᓂᒃ ᐱᓇᓱᐊᒃᑲᓐᓂᕈᓐᓃᕐᑕ ᐱᓂᐊᕐᓂᕐᓂᒃ ᑐᖁᖓᔪᓂᒃ, ᐱᕈᕇᕐᓯᒪᔪᕐᓯᐅᑎᓂᒃ ᐱᓇᓱᐊᖔᓕᕐᑕ ᖃᓄᖅ ᐅᒃᐱᕐᑐᒃᓴᐅᖕᒪᖔᑦᑕ ᒎᑎᒧᑦ.

ᐲᑦᑐᕉᓯ ᓯᕗᓪᓖᑦ 2:2

ᐃᓅᕋᑖᕐᑐᑎᑐᓪᓕ ᑍᒤᓕᕆᑦᓯ, ᐃᒥᕈᒃᑐᑎᑐᑦ ᐃᓚᐅᕐᓯᒪᓐᖏᑦᑐᒥᒃ ᐃᒻᒧᖕᒥᒃ ᐊᓂᕐᓂᕐᒥᑦ ᐱᔪᒥᒃ, ᑍᒤᑦᑐᒥᒃ ᐃᒥᖃᑦᑕᕐᓂᑦᓯᒍᑦ ᐱᕈᕐᐸᓪᓕᐊᖁᓪᓗᓯ ᐱᐅᓕᔭᐅᓂᕐᒥ,

ᐲᑦᑐᕉᓯ ᓯᕗᓪᓖᑦ 4:11

ᓇᓪᓕᐊᑦ ᐊᔪᕆᕐᑐᐃᒍᓂ, ᐊᔪᕆᕐᑐᐃᔪᒃᓴᐅᕗᖅ ᒎᑎᐅᑉ ᐅᖃᐅᓯᐅᖁᔭᖓᓂᒃ; ᓇᓪᓕᐊᑦ ᐱᔨᑦᓯᕐᑐᖅ, ᐱᔨᑦᓯᕐᑐᒃᓴᐅᕗᖅ ᐱᔪᓐᓇᕐᓂᖅ ᒎᑎᒥᑦ ᑐᓂᕐᕈᓯᐊᕆᔭᓂ ᐊᑐᕐᓗᓂᐅᒃ; ᑕᒤᑎᒍᑦ ᒎᑎ ᓂᕐᑐᕐᓇᕐᑎᑕᐅᖁᓪᓗᒍ ᔩᓱᓯ ᙭ᔅᑑᓯᒃᑯᑦ. ᑖᓐᓇ ᓂᕐᑐᕐᑕᐅᓂᕐᒥᒃ ᐱᓕᑑᖕᒪᑦ ᐱᔪᓐᓇᕐᓂᕐᒥᒡᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ.