9 ᑍᒤᒻᒪᑦ, ᓱᓕ ᑕᕾᕐᓯᕐᕕᒃᓴᕐᑕᖃᕐᐳᖅ ᓴᐸᑎᑎᑐᑦ ᒎᑎᐅᑉ ᐃᓄᖁᑎᖏᓐᓄᑦ.
ᐃᓅᖃᑎᒌᒡᔪᐊᑦ ᐊᖓᔪᖅᑳᖏᑦ ᑲᑎᓯᒪᕗᑦ ᐂᑉᕋᕼᐋᒻ ᒎᑎᖓᑕ ᐃᓄᖁᑎᖏᑎᑐᑦ. ᓄᓇᕐᔪᐊᑉ ᓴᐴᓗᑕᖏᑦ ᒎᑎᐅᑉ ᐱᒋᕔᑦ; ᑖᓐᓇ ᐊᖏᔪᒥᒃ ᐊᖏᔪᕈᕐᑎᑕᐅᓕ.
ᑍᒤᒻᒪᑦ ᐅᓪᓗᐃᑦ 7ᖓᓐᓂ ᐃᓄᐃᑦ ᕿᑲᓚᐅᕐᐳᑦ ᓴᓇᔪᖃᕋᑎᒃ.
ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᓯᐅᑉ ᑭᖑᕚᖓ, ᓂᑯᕕᑦᓱᒫᕐᐳᖅ ᐃᓄᖕᓄᑦ ᓇᓗᓁᒃᑯᑕᐅᓗᓂ; ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᑖᑦᓱᒥᖓ ᕿᓂᕈᒫᕐᐳᑦ, ᓇᔪᒐᖓᓗ ᐱᓐᓇᕐᓇᕐᑐᕐᔪᐊᖑᔪᒫᕐᐳᖅ.
ᑍᒤᑦᑐᑦ ᐃᑎᕐᓂᐊᕐᐳᑦ ᓮᒪᓇᕐᑐᒧᑦ; ᓇᓚᕕᖕᒥᖕᓂ ᑕᕾᕐᓯᓕᕐᐳᑦ, ᓈᒻᒪᓈᕐᓯᒪᓪᓗᑎᒃ ᐃᓅᓚᐅᕋᒥᒃ.
ᐃᕐᓂᕐᒥᒃ ᐃᕐᓂᔪᒫᕐᐳᖅ, ᑖᓐᓇ ᔩᓱᓯᒥᒃ ᐊᑎᕐᑖᕐᑎᓛᕐᐸᑦ, ᑖᑦᓱᒪ ᐃᓄᖁᑎᓂ ᐱᐅᓕᔪᒫᕐᒪᒋᑦ ᐊᔪᕐᓂᖏᓐᓂᑦ.”
ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.
ᒎᑎᐅᓪᓕ ᐃᓄᖁᑎᖏᑦᑕ ᐱᑦᓯᐊᕐᑕᐅᖏᓐᓂᖏᓐᓄᑦ ᐃᓚᐅᖔᕈᒪᓚᐅᕐᐳᖅ, ᐊᓐᓂᕆᓂᕐᓴᕆᓪᓗᒍ ᐊᔪᕐᓂᕐᒥᒃ ᖁᕕᐊᓲᑎᖃᕋᓱᐊᕐᓂᕐᒥᑦ ᐊᓂᒍᕐᓴᕅᑦᑐᒥᑦ.
ᑍᒤᒻᒪᑦ ᓂᓐᖓᒡᓗᖓ ᐅᖃᕕᓚᐅᕐᐳᖓ, ‘ᑕᕾᕐᓯᕐᕕᐅᖁᔭᓐᓄᑦ ᐃᑎᕐᑐᖃᑦᔮᓐᖏᓚᑦ.’”
ᑍᒤᒻᒪᑦ, ᒎᑎᐅᑉ ᐊᖏᕐᕕᒋᓯᒪᕚᑎᒍᑦ ᑕᕾᕐᓯᕐᕕᒃᓴᖃᖁᓪᓗᑕ, ᐊᑏ ᑲᒪᑦᓯᐊᓕᕐᑕ ᐊᖏᕈᑕᐅᓯᒪᔪᒧᑦ ᓇᓪᓕᑦᓯᓐᓂᒃ ᐃᑎᕐᑎᑕᐅᔪᓐᓁᓪᓕᔪᖃᖁᓇᒍ.
ᓇᓪᓕᐊᑦ ᒎᑎᐅᑉ ᑕᕾᕐᓯᕐᕕᐅᖁᔭᖓᓄᑦ ᐃᑎᕐᑐᖅ ᑕᕾᕐᓯᕐᓂᐊᕐᐳᖅ ᐱᓇᓱᐊᕐᓂᕐᒥᓂᑦ ᒎᑎᑦᑕᐅᖅ ᑕᕾᕐᓯᓚᐅᕐᒪᑦ ᐱᓇᓱᐊᕐᓂᕐᒥᓂᑦ.
ᐅᕙᒍᓪᓕ ᐅᒃᐱᓚᐅᕐᑐᒍᑦ ᑕᕾᕐᓯᕐᕕᒃᓴᒧᑦ ᑕᕝᕗᖓ ᐃᑎᕐᓯᒪᕗᒍᑦ, ᐅᖃᕐᓯᒪᖕᒪᑦ, “ᓂᓐᖓᒡᓗᖓ ᐅᖃᕕᓚᐅᕐᐳᖓ, ‘ᑖᒃᑯᐊ ᑕᕾᕐᓯᕐᕕᐅᖁᔭᓐᓄᑦ ᐃᑎᕐᑐᖃᑦᔮᓐᖏᓚᑦ,’” ᑍᒫᒃ ᐅᖃᓚᐅᕐᐳᖅ ᐱᓇᓱᐊᕐᓂᖓ ᐱᔭᕇᕐᓯᒪᒐᓗᐊᕐᑎᓪᓗᒍ ᑍᒪᓐᖓᓂᑦ ᓯᓚᕐᔪᐊᑉ ᐱᓐᖑᕐᑎᑕᐅᓕᕐᓂᖓᓂᑦ.
ᔮᓱᐊᓪᓕ ᐃᓄᐃᑦ ᑕᕾᕐᓯᕐᕕᖕᒧᐊᕐᑎᓚᐅᕐᐸᒋᑦ, ᒎᑎ ᐅᖃᒃᑲᓐᓂᕋᔭᓚᐅᓐᖏᓚᖅ ᐅᓪᓗᒃᑲᓐᓂᐅᔪᒫᕐᑐᒥᒃ.
ᑍᑦᓱᒪᓂ ᐃᓄᖁᑎᒋᔭᐅᓚᐅᖏᑦᑐᓯ ᒫᓐᓇᓕ ᒎᑎᐅᑉ ᐃᓄᖁᑎᒋᓕᕐᐹᓯ; ᓂᑲᒍᓱᖕᓂᖓᓃᓚᐅᖏᑦᑐᓯ ᒫᓐᓇᓕ ᑖᑦᓱᒪ ᓂᑲᒍᓱᖕᓂᖓᓃᓕᕐᐳᓯ.
ᓂᐱᒥᒡᓗ ᕿᓚᖕᒥᑦ ᑐᓴᕐᐳᖓ ᐅᖃᕐᑐᒥᒃ, “ᑎᑎᕋᕆᑦ ᐅᑯᓂᖓ: ᓮᒪᓇᑐᒦᑉᐳᑦ ᐊᑕᓂᖅ ᐱᓪᓗᒍ ᐱᔨᑦᓯᕐᓗᑎᒃ ᑐᖁᔪᑦ.” ᐊᓂᕐᓂᖅ ᐅᖃᕐᐳᖅ, “ᐃᓛᒃ ᑐᓱᓐᓇᒻᒪᕆᒃᐳᑦ, ᑕᕾᕐᓯᕐᓂᐊᓕᕐᒪᑕ ᐱᓇᓱᐊᕐᓂᕆᓯᒪᔭᒥᖕᓂᑦ, ᐱᓂᐊᕐᓂᕆᓯᒪᔭᖏᑕ ᐃᓚᒋᓂᐊᕐᒪᒋᑦ!”
ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ, ᑐᖁᖃᑦᑕᕐᓂᐊᕈᓐᓃᕐᐳᑦ, ᕿᒃᓵᖃᑦᑕᕈᓐᓃᕐᓗᑎᒃᓗ ᕿᐊᔪᖃᕐᓂᐊᕈᓐᓃᕐᐳᖅ, ᐋᓐᓂᐊᔪᖃᕐᓂᐊᕈᓐᓃᕐᓗᓂᓗ, ᐱᑐᕾᑦ ᓄᖑᒻᒪᑕ.”
