ᐄᑉᕈᐃᓄᑦ 4:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᒎᑎᐅᑉ ᐅᖃᐅᓯᖓ ᐆᒪᖕᒪᑦ ᐱᓇᓱᐊᕐᓗᓂᓗ, ᐃᒡᓗᒃᑐᑦ ᑮᓇᓕᖕᒥᑦ ᓴᕕᒡᔪᐊᒥᑦ ᐃᐱᖕᓂᕐᓴᐅᓪᓗᓂ, ᑭᓪᓕᒍᑎᔪᓐᓇᕐᐳᖅ ᑕᕐᓂᖅ ᐊᓂᕐᓂᕐᓗ ᑎᑭᓪᓗᒋᒃ, ᓇᒡᒍᐊᓪᓗ ᐸᑎᕐᓗ ᑎᑭᓪᓗᒋᒃ, ᓴᖅᑭᑎᑦᓯᔪᓐᓇᕐᓗᓂᓗ ᐃᓅᑉ ᐃᓱᒪᖓᓂᒃ ᐱᔪᒪᔭᖏᓐᓂᒡᓗ.

ᐄᑉᕈᐃᓄᑦ 4:12 Iomraidhean Croise

ᐃᓐᖏᕈᑎᑦ 110:2

ᐊᑕᓂᐅᑉ ᑎᒃᑯᐊᕐᓯᑦᔪᑎᒥᒃ ᑐᓂᓯᕕᒋᓂᐊᕐᐹᑎᑦ ᓮᐅᓂᒥᑦ ᐱᔪᒥᒃ ᐊᐅᓚᑦᓯᔪᓐᓇᐅᑎᒃᓴᕐᓂᒃ. ᐊᐅᓚᑦᓯᖁᓪᓗᑎᑦ ᐆᒥᒋᔨᕕᑦ ᐊᑯᕐᖓᓐᓂ.

ᐃᓐᖏᕈᑎᑦ 119:130

ᐅᖃᐅᓯᕐᓂᒃ ᖃᐅᔨᑎᑕᐅᓕᕐᓗᓂ ᖃᐅᒻᒪᒃᑎᑕᐅᓇᕐᐳᖅ; ᓯᓚᑐᓂᕐᑖᕐᑎᑦᓯᓪᓗᑎᒡᓗ ᖃᐅᔨᒪᖏᑦᑐᒥᒃ.

ᐃᓐᖏᕈᑎᑦ 139:2

ᖃᐅᔨᒪᕙᕐᒪ ᐃᒃᓯᕙᑎᓪᓗᖓ ᓇᖏᕐᑎᓪᓗᖓᓗ; ᐃᓱᒪᒋᔭᒃᑲ ᖃᐅᔨᒪᕙᑎᑦ ᐅᖓᓯᒋᔭᓐᓂᑦ.

ᐃᓐᖏᕈᑎᑦ 149:6

ᒎᑎᒥᒃ ᓂᕐᑐᐃᓂᖓᑦ ᐊᖏᔪᖅ ᖃᓂᖏᓐᓃᓚᐅᕐᓕ, ᓴᕕᒡᔪᐊᓪᓗ ᐃᒡᓗᒃᑐᑦ ᑮᓇᓖᑦ ᐊᒡᒐᖏᓐᓃᓪᓗᑎᒃ,

ᐃᓐᖏᕈᑎᑦ 45:3

ᓴᕕᒡᔪᐊᑦ ᐴᖓᓄᑦ ᐃᓕᓕᕈᒃ ᕿᑎᕐᓄᑦ, ᐊᔪᖏᑦᑐᕐᔪᐊᖑᔪᑎᑦ, ᑕᑯᒥᓇᕐᑐᐊᓘᓕᕆᑦ ᐅᐱᓐᓇᕐᑐᕐᔪᐊᖑᓗᑎᓪᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:4

ᐱᔭᕇᕐᓂᖓᓕ ᓱᖓᕐᑎᑐᑦ ᖃᒃᑭᓐᓇᕐᑎᒋᕗᖅ, ᓴᕕᒡᔪᐊᑎᑐᑦ ᐃᒡᓗᒃᑐᑦ ᑮᓇᓕᒃᑐᑦ ᐃᐱᒃᑎᒋᓪᓗᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:11

ᐅᖃᐅᓯᖏᓪᓗ ᕿᔪᒃᑎᑐᑦ ᓄᕗᓕᒃᑐᑦ ᐆᒪᔪᒥᒃ ᓄᓇᓕᕆᑦᔪᑎᒥᒃ ᑲᐱᓯᑦᔪᑎᑎᑐᑦ ᑍᒤᑉᐳᑦ, ᐅᖃᐅᓰᓪᓗ ᐃᓕᓯᒪᔪᑦ ᐅᖃᐅᓯᖏᑎᑐᑦ ᑭᑭᐊᖕᒧᑦ ᑲᑉᐳᑎᓯᒪᔪᑎᑐᑦ ᑍᒤᑉᐳᑦ. ᓰᐱᓕᕆᔨᒧᑦ ᐊᑕᐅᓯᕐᒧᑦ ᑐᓂᔭᐅᓯᒪᔪᑦ.

ᐂᓮᐊᓯᐅᑉ ᐊᒡᓚᖏᑦ 11:4

ᐃᓱᐊᕐᑐᓕᓂᒃᑯᑦ ᐊᔪᕐᓴᕐᑐᑦ ᐊᑦᔨᒌᒃᑎᑦᓱᒫᕐᐰᑦ ᐊᑦᔨᒌᒃᑎᑦᓯᓂᕐᒥᒍᓪᓗ ᐱᓇᓱᐊᕐᕕᖃᕈᒫᕐᐳᖅ ᓄᓇᒥ ᒥᑭᒡᓕᑎᕐᓯᒪᔪᓂᒃ; ᓄᓇ ᐊᓇᐅᔪᒫᕐᐹ ᐊᓇᐅᑕᕐᒧᑦ ᖃᓂᕐᒥᓂᑦ ᐱᔪᒧᑦ, ᖃᓂᖓᑕᓗ ᓱᐱᓯᓂᖓᓄᑦ ᐊᔪᕐᑐᓕᔪᑦ ᑐᖁᑦᓱᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 49:2

ᖃᓂᕋᓗ ᐃᐱᒃᑑᑎᓚᐅᕐᐹ ᓴᕕᒡᔪᐊᑎᑐᑦ, ᐊᒡᒐᖕᒥᓗ ᑕᕐᕋᓕᓂᖓᓄᑦ ᐃᔨᕐᓯᒪᓚᐅᕐᐹᖓ; ᕿᓪᓚᕆᒃᓴᕐᓗᓂᖓᓗ ᖃᕐᔪᑎᑐᑦ, ᖃᕐᔪᖃᐅᑎᒥᓄᓪᓗ ᐴᓚᐅᕐᐹᖓ.

ᐂᓮᐊᓯᐅᑉ ᐊᒡᓚᖏᑦ 55:11

ᑍᒫᒃᑕᐅᖅ ᐅᖃᐅᓯᒃᑲ ᖃᓂᓐᓂᑦ ᐊᓂᔪᑦ: ᐅᕙᓐᓄᑦ ᐊᑐᖏᓪᓗᑎᒃ ᐅᑎᑐᐃᓐᓇᕐᓂᐊᓐᖏᓚᑦ, ᐱᔪᒪᔭᓐᓂᒡᓕ ᐱᔭᕇᕐᓯᓂᐊᕐᐳᑦ, ᐊᔪᕈᓐᓃᕐᑎᑦᓯᓪᓗᑎᒡᓗ ᐅᖃᕐᕕᒋᔭᓐᓂᒃ ᑎᓕᓯᕕᒋᔭᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 17:10

ᐅᕙᖓ ᐊᑕᓂᖅ ᖃᐅᔨᓴᕈᓐᓇᕐᐳᖓ, ᐃᓅᑉ ᐆᒻᒪᑎᖓᓂᒃ ᐃᓱᒪᖓᓂᒡᓗ, ᑐᓂᓯᔪᓐᓇᕐᓗᖓᓗ ᐃᓅᑉ ᐱᓂᐊᕐᓂᖏᑦ ᒪᓕᒡᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 23:29

ᐅᖃᐅᓯᕋ ᐃᑯᒪᔪᑎᑐᑦ ᑍᒤᑦᑑᓐᖏᓛᖅ, ᐊᑕᓂᖅ ᐅᖃᕐᐳᖅ, ᑲᑦᔫᑎᔪᕐᔪᐊᑎᑐᓪᓗ ᐅᔭᖅᑲᒥᒃ ᓯᖁᑦᑎᕆᔪᓐᓇᕐᑐᑎᑐᑦ?

ᓘᑲᓯᐅᑉ ᐊᒡᓚᖏᑦ 8:11

“ᐊᑦᔨᐅᔪᖅ ᐃᒫᒃ ᑐᑭᖃᕐᐳᖅ: ᐱᕈᕐᓯᐊᒃᓴᑦ, ᑕᕝᕙ ᒎᑎᐅᑉ ᐅᖃᐅᓯᖏᑦ.

ᔪᐊᓇᓯᐅᑉ ᐊᒡᓚᖏᑦ 12:48

ᐅᕙᓐᓂᒃ ᓇᕐᕈᔪᖅ ᐃᓚᓕᐅᕐᓯᓇᓂᓗ ᐅᖃᐅᓯᓐᓂᒃ ᓇᔪᕐᑎᖃᓕᕐᐳᖅ ᐃᖅᑲᕐᑐᕐᑕᐅᑦᔪᑎᒃᓴᒥᓂᒃ; ᐅᖃᐅᓯᕐᓄᑦ ᐅᖃᐅᓯᕆᓚᐅᕐᑕᓐᓄᑦ ᐃᖅᑲᕐᑐᕐᑕᐅᔪᒫᕐᐳᖅ ᐅᓪᓗᐃᑦ ᓇᒡᒐᑖᓂ.

ᔪᐊᓇᓯᐅᑉ ᐊᒡᓚᖏᑦ 6:51

ᐅᕙᖓ ᓂᐊᖂᔭᐅᕗᖓ ᐆᒪᔪᖅ ᕿᓚᖕᒥᑦ ᐱᓯᒪᔪᖅ; ᑭᓇᑐᐃᓐᓇᖅ ᑕᕝᕙᓐᖓᑦ ᓂᐊᖂᔭᑐᕐᑐᖅ, ᐃᓅᓯᖃᓕᕐᓂᐊᕐᐳᖅ ᐃᓱᖃᖏᑦᑐᒧᑦ; ᓂᐊᖂᔭᕐᓗ ᑐᓂᓂᐊᕐᑕᕋ ᐃᓅᓯᖃᓕᕐᑎᑦᑎᔪᓇᕐᐳᖅ ᓯᓚᕐᔪᐊᕐᒥᐅᓂᒃ, ᑖᓐᓇ ᑕᑉᕙ ᑎᒥᒐ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:37

ᐃᓄᐃᑦ ᑕᒪᑐᒥᖓ ᑐᓴᕋᒥᒃ ᐆᒻᒪᑎᒥᒍᑦ ᐊᒃᑐᕐᑕᐅᕗᑦ, ᐲᑦᑐᕉᓯᒧᑦ ᐋᐴᓯᑕᓕᖕᓄᓪᓗ ᐅᖃᓕᕐᓗᑎᒃ, “ᐃᓅᖃᑎᕗᑦ ᖃᓄᕐᓕ ᐱᓂᐊᓕᕐᐱᑖ?”

ᐋᐴᓯᑕᓖᑦ ᐱᓂᐊᕐᓂᖏᑦ 4:31

ᑐᒃᓯᐊᕐᒪᑕ, ᑖᓐᓇ ᑲᑎᒪᕝᕕᒋᔭᖓᑦ ᐊᐅᓚᕗᖅ; ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᕗᑦ ᑕᒪᕐᒥᒃ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᓪᓚᓕᓚᐅᕐᐳᑦ ᓯᕘᕋᓇᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 5:33

ᑕᒪᓐᓇ ᑐᓴᕋᒥᑦᔪᒃ ᓂᓐᖓᕕᒡᔪᐊᕐᐳᑦ ᑐᖁᑦᓯᔪᒪᓕᕐᓗᑎᒃ ᑖᒃᑯᓂᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 7:38

ᑖᓐᓇ ᒨᓯᓯ ᐃᓴᕆᐊᓕᒥᐅᑦ ᐃᓚᒋᓚᐅᕐᑕᖓᑦ ᐃᓄᖃᖏᑦᑐᒥ; ᓯᕗᓕᕕᓂᑦᑕᓗ ᐃᓚᒋᓚᐅᕐᐹᑦ, ᐂᖏᓕᐅᓪᓗ ᐃᓚᒋᓚᐅᕆᕚ, ᐅᖃᖃᑎᒋᓪᓗᒍ ᖃᖅᑲᒥ ᓮᓁᒥ, ᑐᓂᓯᕕᐅᓚᐅᕐᑐᖅ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᖃᓄᖅ ᐃᓅᔭᕆᐊᒃᓴᖅ ᖃᐅᔨᑦᔪᑎᒃᓴᓂᒃ ᑐᓂᓯᖁᓪᓗᒍ ᑎᑎᕋᕐᓯᒪᔪᓂᒃ ᐅᕙᑦᑎᓐᓄᑦ.

ᕉᒪᒥᐅᓄᑦ 1:16

ᐅᖃᐅᓰᑦ ᑐᓴᕈᒥᓇᕐᑐᑦ ᑲᓐᖑᓲᑎᒋᖏᓐᓇᒃᑭᑦ: ᒎᑎᐅᑉ ᐱᔪᓐᓇᕐᓂᕆᖕᒪᒋᑦ ᐅᒃᐱᕐᑐᓕᒫᓄᑦ ᐱᐅᓕᔭᐅᑦᔪᑕᐅᖁᓪᓗᒋᑦ, ᔫᑎᑦ ᓯᕗᓪᓕᐅᓗᑎᒃ ᒍᕇᑭᓄᓪᓗᑦᑕᐅᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:24

ᒎᑎᐅᓪᓕ ᕾᖁᓯᒪᔭᖏᓐᓄᑦ, ᑕᒤᓐᓄᑦ ᔫᑎᓄᑦ ᒍᕇᑭᓄᓪᓗ, ᙭ᔅᑑᓯ ᒎᑎᒧᑦ ᐱᔪᓐᓇᕐᓂᐅᕗᖅ ᓯᓚᑐᓂᐅᓪᓗᓂᓗ ᒎᑎᒧᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:17

ᐊᓯᕗᑦ ᐊᒥᓱᑦ ᐱᓇᓱᐊᕐᑐᑦ ᐊᑦᔨᒋᖏᓐᓇᑦᑎᒍ, ᒎᑎᐅᑉ ᐅᖃᐅᓯᖏᓐᓂᒃ ᑮᓇᐅᔭᓕᐅᕈᑎᖃᕋᓱᐊᕐᑐᑦ; ᓱᓕᑦᓯᐊᕐᑐᒥᒡᓕ ᐅᖃᐅᓯᖃᕐᐳᒍᑦ ᑖᑦᓱᒪ ᓵᖓᓂ, ᒎᑎᒧᓪᓗ ᑎᓕᔭᐅᓯᒪᓪᓗᑕ, ᙭ᔅᑑᓯᒥᒃ ᐅᖃᐅᓯᖃᕐᐳᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:2

ᑲᓐᖑᓇᕐᑐᓪᓕ ᐱᓂᐊᕐᓃᑦ ᐃᔨᕐᓯᒪᔪᑦ ᐊᑐᕈᒪᔪᓐᓃᕐᓯᒪᕙᕗᑦ; ᓯᓔᕐᕆᒃᓯᓂᕐᒥᒡᓗ ᐃᓕᖅᑯᓯᖃᕐᓇᑕ, ᒎᑎᐅᓪᓗ ᐅᖃᐅᓯᖏᑦ ᑐᑭᖃᕈᓐᓃᕐᑎᓐᖏᓚᕗᑦ, ᓱᓕᑦᓯᐊᕐᓂᕐᒥᒡᓕ ᓴᖅᑭᑎᑦᓯᕗᒍᑦ ᒎᑎᐅᑉ ᓵᖓᓂ ᐃᓄᖕᓄᑦ ᐃᓱᒪᖃᕐᕕᐅᔪᒪᓇᑕ ᓈᒻᒪᖏᑦᑐᒥᒃ.

ᐃᐱᓯᒥᐅᓄᑦ 5:13

ᖃᐅᒪᔪᒧᓪᓕ ᓴᖅᑭᑎᑕᐅᔪᑦ ᓱᓇᑐᐃᓐᓁᑦ ᑕᑯᒃᓴᐅᓕᕐᐸᒃᐳᑦ, ᑕᕝᕙ ᑕᑯᒃᓴᐅᓕᕐᑐᑦ ᖃᐅᒪᔪᒦᓕᕐᐳᑦ;

ᐃᐱᓯᒥᐅᓄᑦ 5:26

ᑍᒤᓚᐅᕐᐳᕐᓕ ᐅᒃᐱᕐᑑᖃᑎᒌᑦ ᐃᑦᔪᕐᓁᑎᑦᓱᒪᓪᓗᒋᑦ, ᐅᐊᓴᓚᐅᕐᐰᑦ ᓴᓗᒻᒪᕐᑎᓪᓗᒋᓪᓗ ᐃᒪᕐᒧᑦ ᐅᖃᐅᓯᕐᒧᓪᓗ,

ᐃᐱᓯᒥᐅᓄᑦ 6:17

ᓇᓴᕐᓯᒪᓗᓯ ᐱᐅᓕᔭᐅᓂᕐᒥᒃ, ᐊᓂᕐᓂᐅᓪᓗ ᓴᕕᒃᔪᐊᖓᓂᒃ ᐱᓯᒪᓗᓯ, ᑕᕝᕙ ᒎᑎᐅᑉ ᐅᖃᐅᓯᖏᓐᓂᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:13

ᒎᑎᒧᑦᑕᐅᖅ ᖁᔭᓕᖃᑦᑕᕐᐳᒍᑦ ᑕᒪᒃᑯᐊ ᐱᑦᔪᑎᒋᓪᓗᒋᑦ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᕐᑎᓪᓗᑕ, ᑐᓵᑦᓯᐊᕐᓗᓯ ᐃᓚᓕᐅᕐᓗᓯᐅᒡᓗ ᐱᓚᐅᕋᑦᓯ, ᐃᓄᖕᒥᑦ ᐱᓯᒪᔪᑎᑑᖏᑦᑐᖅ ᒎᑎᒥᓪᓕ ᐱᓯᒪᔪᑎᑐᑦ, ᐃᓛᒃ ᑕᒪᒃᑯᐊ ᒎᑎᒥᑦ ᐱᖕᒪᑕ, ᒎᑎᐅᑉ ᐅᖃᐅᓯᖓ ᐱᓇᓱᐊᕐᒪᑦ ᐃᓗᑦᓯᓐᓂ ᐅᒃᐱᕐᑐᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:23

ᒎᑎᐅᑉ ᓮᒪᓂᕐᑖᕐᑎᑦᓯᔫᑉ ᐃᑦᔪᕐᓁᑎᓪᓕᓯ ᐃᓘᓐᓈᒍᑦ ᐃᓗᑦᓯᒍᑦ; ᐊᓂᕐᓂᑦᓯᒍᑦ ᑕᕐᓂᑦᓯᒍᑦ ᑎᒥᑦᓯᒍᓪᓗ ᓴᐳᑎᑦᓮᓐᓇᕐᓕᓯ ᐸᓯᔭᒃᓴᐅᓂᖃᖁᓇᓯ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᑎᑭᕝᕕᐊᓂ.

ᐄᑉᕈᐃᓄᑦ 13:7

ᐃᖅᑲᐅᒪᓯᐅᒃ ᓯᕗᓕᕐᑎᓯ, ᒎᑎᐅᑉ ᐅᖃᐅᓯᖏᓐᓂᒃ ᐃᓕᑦᓯᓐᓄᑦ ᐅᖃᕐᐸᒃᑐᑦ; ᐃᓱᒪᒋᓯᐅᒃ ᖃᓄᖅ ᐃᓅᓯᖃᕐᒪᖔᑕ, ᐅᒃᐱᕐᓂᖏᓪᓗ ᒪᓕᒡᓗᒋᑦ.

ᐄᑉᕈᐃᓄᑦ 6:5

ᖃᐅᔨᓯᒪᔪᑦ ᒎᑎᐅᑉ ᐅᖃᐅᓯᖓᑕ ᐱᐅᔫᓂᖓᓂᒃ ᓯᓚᕐᔪᐊᓪᓗ ᐱᔪᒫᕐᑑᑉ ᐱᔪᓐᓇᕐᓂᖓᓂᒃ ᐃᒃᐱᒋᓯᒪᔪᑦ,

ᔧᒥᓯᐅᑉ ᐊᒡᓚᖏᑦ 1:18

ᑖᑦᓱᒪ ᐱᔪᒪᔭᓂ ᒪᓕᒡᓗᒍ ᐱᓐᖑᕐᑎᓚᐅᕐᐹᑎᒍᑦ ᐅᖃᐅᓯᕐᒧᑦ ᓱᓕᔪᒧᑦ ᓯᕗᓪᓕᕐᐸᐅᓗᑕ ᐱᕈᖁᓪᓗᑕ ᐱᓐᖑᕐᑎᑕᖏᓐᓂᑦ.

ᐲᑦᑐᕉᓯ ᓯᕗᓪᓖᑦ 1:23

ᓄᑖᒥᒃ ᐃᕐᓂᐊᖑᓯᒪᒐᑦᓯ, ᐊᓯᕈᕐᓂᐊᕐᑐᒥᐅᖏᑦᑐᖅ ᕿᑐᕐᖓᕐᑖᖑᓪᓗᓯ, ᐊᓯᕈᕐᓂᐊᖏᑦᑐᒥᒡᓕ, ᒎᑎᐅᑉ ᐅᖃᐅᓯᖓᒍᑦ ᐆᒪᔪᒃᑯᑦ ᐃᓱᖃᖏᑦᑐᒃᑯᓪᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:16

ᑕᓕᕐᐱᖕᒥᓂᓗ ᐅᓪᓗᕆᐊᓂᒃ 7ᓂᒃ ᑎᒍᒥᐊᕐᐳᖅ, ᖃᓂᖓᓂᓪᓗ ᓄᐃᔪᖃᕐᐳᖅ ᓴᕕᒡᔪᐊᒥᒃ ᐃᒡᓗᒃᑐᑦ ᑮᓇᓕᖕᒥᒃ, ᑮᓇᖓᓗ ᓯᕿᓂᐅᑉ ᖃᐅᒻᒪᕆᖕᓂᕐᐹᖓᑎᑐᑦ ᖃᐅᒪᑎᒋᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:15

ᖃᓂᖓᓂᓪᓗ ᐊᓂᔪᖃᕐᐳᖅ ᓴᕕᒡᔪᐊᒥᒃ ᐃᐱᒃᑐᒥᒃ ᑖᑦᓱᒧᖓ ᐃᓅᖃᑎᒌᒡᔪᐊᑦ ᓵᓚᒋᔪᒫᕐᐰᑦ, ᐊᐅᓚᓐᓂᐊᕐᐰᓪᓗ ᐊᔭᐅᑉᐱᐊᒧᑦ ᓴᕕᕋᔭᖕᒧᑦ; ᑐᓪᓕᕋᕐᓗᒋᓪᓗ ᐅᐂᓃᑦ ᐃᑦᑏᔭᕐᓂᐊᕐᐰᑦ ᐃᑦᑏᔧᕕᖕᒦᑦᑐᑦ ᑕᒪᑦᔭ ᒎᑎᐅᑉ ᐊᔪᒐᖃᖏᑦᑑᑉ ᓂᓐᖓᐅᓯᕐᔪᐊᖓᑕ ᐃᑦᓯᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:21

ᐊᓯᖏᓪᓗ ᐅᓇᑕᕐᑐᒃᓴᖁᑎᖏᑦ ᓴᕕᒡᔪᐊᒧᑦ ᑐᖁᑕᐅᕗᑦ ᑖᑦᓱᒪ ᕿᒻᒥᕐᔪᐊᕐᒥ ᐃᑭᒪᔫᑉ ᖃᓂᖓᓂᑦ ᐊᓂᓯᒪᔪᒧᑦ; ᑎᖕᒥᐊᓕᒫᓄᓪᓗ ᑎᒥᕕᓂᖏᑦ ᓂᕆᔭᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:16

ᖃᕿᐊᓕᓕᕆᑦ. ᖃᕿᐊᓕᖏᒃᑯᕕᑦ, ᒫᓐᓇᒃᑯᑦ ᐅᐸᖕᓂᐊᕐᐸᒋᑦ ᐅᓇᑕᕆᐊᕐᑐᕐᓗᒋᑦ ᓴᕕᒡᔪᐊᕐᒧᑦ ᖃᓂᓐᓃᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:23

ᕿᑐᕐᖓᖏᓪᓗ ᑐᖁᖃᓯᐅᑎᓂᐊᕐᐸᒃᑲ. ᐅᒃᐱᕐᑑᖃᑎᒌᓕᒫᑦ ᖃᐅᔨᖁᓪᓗᒋᑦ ᐅᕙᖓᐅᒐᒪ ᖃᐅᔨᒪᔪᑐᐊᖅ ᐃᓄᐃᑦ ᐃᓱᒪᖏᓐᓂᒃ ᐆᒻᒪᒻᒥᐅᑕᖏᓐᓂᒡᓗ, ᐊᑐᓂᓪᓗ ᐱᓂᐊᕐᕕᒋᔪᒫᕐᐸᑦᓯ ᐱᓂᐊᕐᓂᓯ ᒪᓕᒡᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:4

ᑕᕝᕙ ᐃᒃᓯᕙᐅᑕᕐᔪᐊᓂᒃ ᑕᑯᒋᕗᖓ, ᑕᕝᕙᓂᓗ ᐃᒃᓯᕙᔪᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᕗᑦ ᐃᖅᑲᕐᑐᐃᔪᓐᓇᖁᓪᓗᒋᑦ. ᑕᑯᒋᕗᖓᓗ ᓂᐊᖁᐃᕐᑕᐅᓯᒪᔪᑦ ᑕᕐᓂᖏᓐᓂᒃ ᐅᖃᐅᓯᖃᕐᓂᖏᓐᓄᑦ ᔩᓱᓯᒥᒃ ᒎᑎᐅᓪᓗ ᐅᖃᐅᓯᖏᓐᓂᒃ, ᑐᒃᓯᐊᕐᕕᖃᓚᐅᖏᑦᑐᓪᓗ ᐆᒪᔪᐊᓗᖕᒥᒃ ᐅᕝᕙᓗ ᐊᑦᔨᓐᖑᐊᖓᓂᒃ ᓴᓇᓯᒪᔪᒥᒃ ᓇᓗᓁᒃᑯᑕᖓᓂᒡᓗ ᓇᓗᓁᒃᑯᓯᕐᑕᐅᓚᐅᖏᑦᑐᑦ ᖃᐅᒥᒃᑎᒍᑦ ᐊᒡᒐᖕᒥᒃᑎᒍᓪᓘᓐᓃᑦ. ᑖᒃᑯᐊ ᐆᒻᒪᕋᒥᒃ, ᙭ᔅᑑᓯ ᐊᖓᔪᖅᑳᕐᔪᐊᖑᖃᑎᒋᕚᑦ ᐊᕐᕌᒍᓂᒃ 1,000ᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 3:16

ᐃᕼᐅᓪᓕ ᓴᕕᓕᐅᓚᐅᕐᐳᖅ ᐃᒡᓗᒃᑐᑦ ᑮᓇᓕᖕᒥᒃ, ᑕᑭᓂᓕᖕᒥᒃ ᐃᑎᒐᒥᒃ ᐊᕝᕙᕐᒥᒡᓗ. ᐃᓂᓕᐅᕐᐹᓗ ᖁᒃᑐᕋᕐᒥᓂ ᑕᓕᕐᐱᖕᒥ ᐊᓐᓄᕌᒥ ᐃᑭᐊᖓᓂ.