ᐄᑉᕈᐃᓄᑦ 3:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑕᕝᕙᓂ ᓯᕗᓕᕕᓂᑦᓯ ᐆᒃᑐᓚᐅᕐᒪᖓ ᖃᐅᔨᓴᕐᓗᖓᓗ ᐱᓇᓱᐊᕐᓂᑲ ᑕᑯᓚᐅᕐᐰᑦ ᐊᕐᕌᒍᓂᒃ 40ᓂᒃ.

ᐄᑉᕈᐃᓄᑦ 3:9 Iomraidhean Croise

ᐃᓐᖏᕈᑎᑦ 95:9

ᓯᕗᓕᕆᓚᐅᕐᑕᑦᓯ ᐆᒃᑐᓚᐅᕐᒪᖓ ᖃᐅᔨᓴᕐᓗᖓᓗ, ᐱᓇᓱᐊᕐᓂᕆᓚᐅᕐᑕᓐᓂᒃ ᑕᑯᖃᑦᑕᕐᓯᒪᒐᓗᐊᕐᓗᑎᒃ.

ᒨᓯᓯ ᐂᑉᐸᖏᑦ 19:4

“ᑕᑯᓚᐅᕐᐳᓯ ᐄᑦᔨᑉᑎᒥᐅᓄᑦ ᖃᓄᐃᓕᐅᓚᐅᕐᓂᓐᓂᒃ, ᖃᓄᕐᓗ ᑕᓯᐅᓚᐅᕐᒪᖔᑦᓯ ᓇᒃᑐᕋᓕᐅᑉ ᐃᓴᕈᕐᒥᓄᑦ ᕿᑐᕐᖓᒥᓂ ᑕᓯᐅᕐᓯᕙᖕᓂᖓᑎᑐᑦ, ᑕᒪᐅᖓᓗ ᑎᑭᐅᑎᑎᓯᒪᓪᓗᓯ ᐅᕙᓐᓄᑦ.

ᒨᓯᓯ ᐂᑉᐸᖏᑦ 20:22

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐃᓴᕆᐊᓕᒥᐅᓄᑦ ᐃᒫᒃ ᐅᖃᕐᑐᒃᓴᐅᕗᑎᑦ: ‘ᐃᓕᑦᓯ ᓇᖕᒥᓂᖅ ᑕᑯᓚᐅᕐᐳᓯ ᐅᖃᓪᓚᒃᑎᓪᓗᖓ ᕿᓚᖕᒥᑦ.

ᐂᒨᓯᐅᑉ ᐊᒡᓚᖏᑦ 2:10

ᐊᐅᓪᓚᕐᑎᓚᐅᕐᐸᑦᓯ ᐄᑦᔨᑉᑎᐅᑉ ᓄᓇᖓᓂᑦ, ᑕᓯᐅᓚᐅᕐᐸᑦᓯᓗ ᐊᕐᕌᒍᓂᒃ 40ᓂᒃ ᐃᓄᖃᔪᐃᑦᑐᒥ, ᓄᓇᑖᖁᓪᓗᓯ ᐊᒧᕅᑎᑦ ᓄᓇᖓᓐᓂᒃ.

ᒨᓯᓯ ᓯᑕᒪᖏᑦ 14:33

ᐃᕐᓂᓯᓗ ᓰᐱᓂᒃ ᑲᒪᔨᐅᔪᒫᕐᐳᑦ ᐃᓄᖃᖏᑦᑐᒥ ᐊᕐᕌᒍᓂᒃ 40ᓂᒃ, ᐅᖁᒤᑦᔪᑎᓂᒃ ᐊᑐᕐᓗᑎᒃ ᓈᓚᖏᓐᓂᕆᓚᐅᕐᑕᑦᓯᓐᓂᒃ, ᑎᒥᓯ ᐃᓄᖃᖏᑦᑐᒥ ᐅᕐᕈᓚᐅᖅᑳᕐᑎᓐᓇᒋᑦ.

ᓘᑲᓯᐅᑉ ᐊᒡᓚᖏᑦ 7:22

ᑖᒃᑯᐊᒃ ᑭᐅᕚᒃ, “ᔪᐊᓇᓯ ᐅᖃᐅᑎᔭᕐᑐᕐᓯᒃᑯᒃ ᑕᑯᔭᑦᓯᖕᓂᒃ ᑐᓴᕐᑕᑦᓯᓐᓂᒡᓗ: ᑕᐅᑐᖏᑦᑐᑦ ᑕᐅᑐᓕᕐᐳᑦ, ᐱᓱᒍᓐᓇᖏᑦᑐᑦ ᐱᓱᒍᓐᓇᕐᓯᕗᑦ, ᐸᕐᑎᕐᑐᑦ ᑲᑉᐱᐊᒋᔭᐅᔪᒥᒃ ᐋᖅᑭᒃᑕᐅᕗᑦ, ᑐᓵᖏᑦᑐᓪᓗ ᑐᓵᓕᕐᐳᑦ, ᑐᖁᖓᔪᓪᓗ ᐆᒻᒪᕐᐳᑦ, ᐊᒃᖢᔪᑦ ᐅᖃᐅᑦᔭᐅᕗᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 13:8

ᑖᑦᓱᒪᓕ ᐊᖓᒃᑰᑉ ᒍᕇᑭᑎᑐᑦ ᐃᓔᒪᓯᒥᒃ ᐊᑎᓕᐅᑉ ᐊᑭᕋᕐᑐᕐᐹᒃ, ᐊᖓᔪᖅᑳᖅ ᐅᒃᐱᕐᓂᕐᒥᒃ ᑕᒪᑐᒥᖓ ᑲᒪᔪᓐᓃᕐᑎᓐᓇᓱᐊᕐᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 7:36

ᑖᑦᓱᒪ ᐃᓄᐃᑦ ᐊᐅᓪᓚᕈᑎᓚᐅᕐᐰᑦ ᐄᑦᔨᑉᑎᒥᑦ, ᑲᒪᓇᕐᑐᓕᓂᕐᑎᒍᑦ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᖃᑦᑕᕐᓗᓂ ᐄᑦᔨᑉᑎᒥ, ᐃᒪᕐᒥ ᐊᐅᐸᓗᒃᑕᒥ, ᓄᓇᒥᓗ ᐃᓄᖃᖏᑦᑐᒥ ᐊᕐᕌᒍᑦ 40 ᓈᓪᓗᒋᑦ.

ᒨᓯᓯ ᑕᓪᓕᒪᖏᑦ 11:7

ᐃᓕᑦᓯ ᑕᕝᕙ ᑕᒪᒃᑯᓂᖓ ᑕᑯᓯᒪᔪᓯ ᐊᑕᓂᐅᑉ ᐱᓇᓱᐊᕐᓯᒪᔭᖏᓐᓂᒃ.”

ᒨᓯᓯ ᑕᓪᓕᒪᖏᑦ 29:2

ᒨᓯᓯᐅᑉ ᐃᓄᓕᒫᑦ ᐃᓴᕆᐊᓕᒥᐅᑦ ᑲᑎᖁᓚᐅᕐᐰᑦ ᐅᖃᐅᑎᓪᓗᓂᒋᓪᓗ, “ᓇᖕᒥᓂᖅ ᑕᑯᓚᐅᕐᓯᒪᕗᓯ ᐊᑕᓂᐅᑉ ᖃᓄᐃᓕᐅᕆᓂᖓᓂᒃ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐊᖓᔪᖅᑳᖁᑎᖏᓐᓄᓪᓗ, ᓄᓇᖁᑎᓕᒫᖓᓄᓪᓗ.

ᒨᓯᓯ ᑕᓪᓕᒪᖏᑦ 4:3

ᐃᓕᑦᓯ ᓇᖕᒥᓂᖅ ᑕᑯᓯᒪᒐᑦᓯ ᐊᑕᓂᐅᑉ ᒎᑎᑦᓯ ᐱᓇᓱᐊᕐᓯᒪᓂᖓᓂᒃ ᖃᖅᑲᒥ ᐰᓕ-ᐱᐅᕆᒥ, ᑕᕝᕙᓂ ᒎᑎᓐᖑᐊᒧᑦ ᐰᓕᒧᑦ ᑐᒃᓯᐊᕐᑐᓂᒃ ᓄᖑᑕᐅᑎᑦᓯᓚᐅᕐᒪᑦ,

ᒨᓯᓯ ᑕᓪᓕᒪᖏᑦ 4:9

ᐃᒃᐱᒍᓱᑦᓯᐊᕆᑦᓯ! ᑲᒪᑦᓯᐊᕐᓗᓯᓗ ᐳᐃᒍᖁᓇᓯ, ᐆᒻᒪᑎᑦᓯᓐᓂᓪᓗ ᑕᒪᒃᑯᐊ ᕿᒪᕉᑎᖁᓇᒋᑦ ᐃᓅᓂᓕᒫᑦᓯᓐᓂ, ᓇᖕᒥᓂᖅ ᑕᑯᓪᓚᕆᒃᓯᒪᔭᑦᓯ. ᓄᑕᖅᑲᓯ ᑕᒪᒃᑯᓂᖓ ᐃᓕᓴᕐᑎᖃᑦᑕᕐᓯᐅᒃ ᐃᕐᖑᑕᓯᓗ.

ᒨᓯᓯ ᑕᓪᓕᒪᖏᑦ 8:2

ᐃᖅᑲᐅᒪᔪᒃᓴᐅᕗᓯᑦᑕᐅᖅ ᐊᑕᓂᐅᑉ ᒎᑎᑦᓯ ᖃᓄᖅ ᑕᓯᐅᓚᐅᕐᒪᖔᓯ ᐊᕐᕌᒍᓂᒃ 40ᓂᒃ ᐃᓄᖃᖏᑦᑐᒃᑯᑦ, ᐃᓕᑦᓯᓐᓂᒃ ᒥᑭᒡᓕᑎᕈᓐᓇᕐᓯᖁᓪᓗᓯ, ᖃᐅᔨᓴᕈᒪᓪᓗᓯᓗ ᖃᓄᖅ ᐆᒻᒪᒻᒥᐅᑕᖃᕐᒪᖔᑦᓯ, ᐱᖁᔭᖏᓐᓂᒡᓗ ᓈᓚᒍᒪᓂᐊᕐᒪᖔᑦᓯ, ᓈᓚᒍᒪᓂᐊᖏᒻᒪᖔᑦᓯᓗ.

ᒨᓯᓯ ᑕᓪᓕᒪᖏᑦ 8:4

ᐊᕐᕌᒍᓂᓕ ᑖᒃᑯᓇᓂ 40ᓂ ᐊᓐᓄᕌᓯ ᐱᐅᔪᓐᓁᕐᑐᖃᓚᐅᓐᖏᓚᑦ, ᐃᑎᒐᓯᓗ ᐳᓪᓕᓕᓚᐅᕋᑎᒃ.

ᔮᓱᐊᑉ ᐊᒡᓚᖏᑦ 23:3

ᑕᑯᓯᒪᕗᓯ ᐊᑕᓂᐅᑉ ᒎᑎᑦᓯ ᐱᓂᐊᕐᓂᕆᓚᐅᕐᑕᓕᒫᖏᓐᓂᒃ ᐃᓅᖃᑎᒌᒡᔪᐊᓕᒫᓄᑦ ᐃᓕᑦᓯ ᐱᓪᓗᓯ, ᐊᑕᓂᖅ ᒎᑎᓯ ᐅᓇᑕᕈᑦᔨᓚᐅᕐᒪᑦ ᐃᓕᑦᓯᓐᓂᒃ.

ᔮᓱᐊᑉ ᐊᒡᓚᖏᑦ 24:7

ᐃᓗᖏᕐᑐᕐᓗᑎᒡᓗ ᐃᑲᔪᕐᑕᐅᔪᒪᓕᕐᒪᑕ ᐊᑕᓂᕐᒧᑦ; ᐄᑦᔨᑉᑎᒥᐅᓪᓗ ᓯᕗᓕᓯᓗ ᐊᑯᓐᓂᖓᓄᐊᕐᓯᓚᐅᕐᐳᖓ ᑖᕐᑐᕐᔪᐊᒥᒃ, ᑕᕆᐅᕐᓗ ᐅᑎᕐᑎᓚᐅᕐᐸᕋ ᐄᑦᔨᑉᑎᒥᐅᑦ ᐅᓕᒃᑕᐅᖁᓪᓗᒋᑦ ᐃᐱᓪᓗᑎᒡᓗ; ᐃᓕᑦᓯᓗ ᓇᖕᒥᓂᖅ ᑕᑯᓚᐅᕐᐳᓯ ᖃᓄᐃᓕᐅᕐᓂᕆᓚᐅᕐᑕᓐᓂᒃ ᐄᑦᔨᑉᑎᒥᐅᓄᑦ; ᐃᓄᖃᔪᐃᑦᑐᒦᓚᐅᕐᐳᓯᓗ ᐊᑯᓂᐊᓗᒃ.

ᔮᓱᐊᑉ ᐊᒡᓚᖏᑦ 5:6

ᐃᓴᕆᐊᓕᒥᐅᑦ ᐃᖏᕐᕋᓚᐅᕐᒪᑕ ᐊᕐᕌᒍᓂᒃ 40ᓂᒃ ᐃᓄᖃᔪᐃᑦᑐᒃᑯᑦ, ᐃᓅᖃᑎᒌᒡᔪᐊᑦ ᐊᖑᑏᑦ ᐅᓇᑕᕈᓐᓇᕐᑐᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᑐᑦ, ᐊᑕᓂᕐᒥᒃ ᓈᓚᓚᐅᖏᑦᑐᑦ ᑐᖁᖅᑳᕐᑎᓐᓇᒋᑦ; ᐊᑕᓂᐅᑉ ᑕᒪᓐᓇ ᐊᖏᕈᑎᒋᓚᐅᕐᒪᒍ ᑖᒃᑯᐊ ᑕᑯᖁᓇᒋᑦ ᓄᓇᒥᒃ ᓯᕗᓕᖏᓐᓄᑦ ᐊᖏᕈᑕᐅᓯᒪᔪᒥᒃ, ᓄᓇᒥᒃ ᓂᕿᒃᓴᖃᑦᓯᐊᕐᑐᒥᒃ ᐊᔪᕐᓴᕐᓇᖏᑦᑐᒥᓗ.