7 ᑍᒤᒻᒪᑦ, ᐊᓂᕐᓂᖅ ᐃᑦᔪᕐᓁᑦᑐᖅ ᐅᖃᕐᓯᒪᕗᖅ, “ᐅᓪᓗᒥ ᓂᐱᖓ ᑐᓴᕈᑦᓯᐅᒃ,
“ᐊᑕᓂᐅᑉ ᐊᓂᕐᓂᖓ ᐅᕙᒃᑯᑦ ᐅᖃᓪᓚᒃᐳᖅ, ᐅᖃᐅᓯᖏᓪᓗ ᖃᓂᓐᓃᑉᐳᑦ.
ᐃᓄᖁᑎᒪᓕ ᓂᐱᒐ ᓈᓚᓐᖏᓛᑦ; ᐃᓴᕆᐊᓕᑎᑦ ᐅᕙᓐᓂᒃ ᑲᒪᔪᒪᓐᖏᓚᑦ.
ᐃᓄᖁᑎᒃᑲ ᐅᕙᓐᓂᒃ ᓈᓚᒍᒪᒐᔭᕐᐸᑕ, ᐃᓴᕆᐊᓕᑎᓪᓗ ᐊᑐᕐᑕᐅᖁᔭᓐᓂᒃ ᐃᓅᔪᒪᒐᔭᕐᐸᑕ!
ᖃᐅᒃᐸᐅᓂᐊᕐᑐᕐᒧᑦ ᐱᔪᕆᑦᑍᓕᒋᑦ, ᖃᐅᔨᒪᖏᓐᓇᕕᑦ ᓱᓇᒥᒃ ᐅᓪᓗᖅ ᐱᑎᑦᓯᓂᐊᕐᒪᖔᑦ.
ᐊᒡᒐᖕᓄᑦ ᓱᓕᐊᒃᓴᒥᒃ ᐱᓯᒪᒍᕕᑦ ᐱᓇᓱᐊᕈᒃ ᐊᒃᓱᕈᕐᓗᑎᑦ, ᓯᕗᓂᕆᔭᕐᓂ ᐃᓗᕕᕐᒥ ᓱᓕᐊᒃᓴᖃᖏᒻᒪᑦ, ᓱᓕᐊᒃᓴᒧᓪᓗ ᐸᕐᓇᖕᓂᖃᕋᓂ, ᖃᐅᔨᒪᓂᕐᑕᖃᕋᓂᓗ, ᓯᓚᑐᓂᕐᑕᖃᕋᓂᓗ.
ᓯᐅᑎᓯ ᒪᓂᓗᒋᒃ, ᐅᕙᓐᓄᑦ ᕾᓗᓯ; ᑐᓵᑦᓯᐊᕆᑦᓯ ᑕᕐᓂᓯ ᐃᓅᖁᓪᓗᒋᑦ; ᐊᖏᖃᑎᒋᔪᒪᕙᒋᑦ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᑍᕕᑎᒧᑦ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᓇᒡᓕᒍᓱᖕᓂᓐᓂᒃ ᓱᖁᓯᕐᓂᐊᖏᑦᑐᒥᒃ.
ᐊᑕᓂᖅ ᕿᓂᓕᕐᓯᐅᒃ ᓇᓂᔭᐅᔪᓐᓇᕐᓂᖓᓂ, ᓂᓪᓕᐊᕕᒋᓗᒍᓗ ᖃᓂᓐᓂᖓᓂ.
ᐅᖃᓪᓚᒃᑎᓪᓗᒍ ᓱᓕ, ᑕᑯᒋᑦ, ᓄᕗᔭᒧᑦ ᖃᐅᒪᔪᒧᑦ ᑎᑭᑕᐅᕗᑦ, ᓂᐱ ᓄᕗᔭᒥᑦ ᐅᖃᕐᐳᖅ, “ᑖᓐᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ; ᑖᓐᓇ ᓈᓚᒃᓯᐅᒃ!”
ᔩᓱᓯᐅᑉ ᐅᖃᐅᑎᕔᑦ, “ᓱᖕᒪᓪᓖ ᑍᒪ, ᐊᓂᕐᓂᐅᑉ ᑍᕕᑎ ᐅᖃᕐᑎᓪᓗᓂᐅᒃ, ᐊᑕᓂᕐᒥᓂᒃ ᑍᓚᐅᕐᐸᐅᒃ? ᐅᖃᕐᒪᑦ,
ᑍᕕᑎ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐃᓱᒪᑖᕐᑎᑕᐅᓪᓗᓂ ᐅᖃᓚᐅᕐᐳᖅ: ‘ᐊᑕᓂᖅ ᐊᑕᓂᓐᓄᑦ ᐅᖃᕐᐳᖅ, “ᐅᕙᓂ ᑕᓕᕐᐱᓐᓂ ᐃᒃᓯᕙᒋᑦ, ᐊᑭᕋᕐᑐᕐᑎᖕᓂᒃ ᐃᓕᓯᖅᑳᕐᑎᓐᓇᖓ ᐃᑎᒐᕕᑦ ᐊᑖᓄᑦ.”’
ᐊᓯᖏᓐᓂᒃ ᓱᓕ ᓰᐱᖁᑎᖃᕐᐳᖓ, ᑕᕝᕙᓐᖓᑦ ᓰᐱᒃᑯᕕᖕᒥᒃ ᐱᓯᒪᖏᑦᑐᓂᒃ; ᑖᒃᑯᐊᑦᑕᐅᖅ ᑕᕝᕗᖓ ᐃᑎᕐᑎᑦᓴᕆᐊᖃᕐᐸᒃᑲ; ᓂᐱᓐᓂᒃ ᑐᓴᕈᒫᕐᐳᑦ. ᐊᑕᐅᓯᐅᖃᑎᒌᒍᒫᕐᐳᑦ, ᐊᑕᐅᓯᕐᒥᒡᓗ ᐰᕐᓯᔨᖃᕐᓗᑎᒃ.
ᓰᐱᖁᑎᒪ ᓂᐱᒐ ᑐᓴᕐᐹᑦ, ᖃᐅᔨᒪᒐᒃᑭᑦ, ᒪᓕᒃᐹᖓ.
ᑖᓐᓇ ᐃᑎᕐᑕᕐᕕᐅᑉ ᑲᒪᔨᖓᑕ ᐅᒃᑯᐃᕈᑎᕚ; ᓰᐲᑦ ᓂᐱᖓ ᑐᓴᕐᐹᑦ ᓰᐱᖁᑎᒥᓂᒃ ᕾᖁᔨᓕᕐᒪᑦ ᐊᑎᖏᑦ ᑍᓪᓗᒋᑦ ᑕᕝᕙᓐᖓᓪᓗ ᓯᕗᓕᕐᓗᓂ ᐊᓂᖃᑎᒋᕔᑦ.
ᓱᓕᔪᒥᒃ ᐅᖃᐅᑎᕙᑦᓯ, ᐃᑲᕐᕋᖅ ᓇᓪᓕᐅᑎᓂᐊᕐᓯᒪᔪᖅ ᓇᓪᓕᐅᑎᔭᕇᕐᐳᖅ, ᑐᖁᖓᔪᑦ ᒎᑎᐅᑉ ᐃᕐᓂᖓᑕ ᓂᐱᖓᓂᒃ ᑐᓴᕐᕕᖓᑦ, ᑐᓴᕐᑐᑦ ᑖᒃᑯᐊ ᐃᓅᓂᐊᕐᐳᑦ.
“ᐃᓅᖃᑎᒃᑲ, ᐊᒡᓔᑦ ᓇᓚᐅᑦᓯᔭᕆᐊᖃᓚᐅᕐᒪᑕ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᕆᓯᒪᔭᖏᑦ ᑍᕕᑎᒃᑯᑦ, ᓇᓚᐅᑦᑍᑦᔪᑕᐅᓯᒪᔪᑦ ᔫᑕᓯᒥᒃ, ᑖᓐᓇ ᑕᓯᐅᕐᑎᐅᓚᐅᕐᒪᑦ ᔩᓱᓯᒥᒃ ᑎᒍᓯᓚᐅᕐᑐᓄᑦ.
ᑖᒃᑯᐊᓗ ᐃᒻᒥᖕᓄᑦ ᐊᖏᖃᑎᒌᒍᓐᓃᕋᒥᒃ, ᐊᓂᕗᑦ, ᐸᐅᓗᓯ ᐃᒫᒃ ᐅᖃᕐᒪᑦ: “ᐊᓂᕐᓂᖅ ᐃᑦᔪᕐᓁᑦᑐᖅ ᓈᒻᒪᓈᑦᓯᐊᕐᓗᓂ ᐅᖃᕐᓯᒪᕗᖅ ᑐᑭᓯᓇᕐᑐᒥᒃ ᓯᕗᓕᕕᓂᑦᓯᓐᓄᑦ ᐂᓮᐊᓯᒃᑯᑦ ᐅᖃᕋᒥ:
ᑕᕝᕙ ᐊᓂᕐᓂᖅ ᐃᑦᔪᕐᓁᑦᑐᖅ ᐱᓕᑉᐴᓯᒧᑦ ᐅᖃᕐᐳᖅ, “ᑖᓐᓇ ᐊᒃᓴᓗᐊᓕᖕᒧᑦ ᐃᖏᕐᕋᔪᖅ ᐅᐸᓚᐅᕈᒃ.”
ᑕᒪᑐᒥᖓᑦᑕᐅᖅ ᐊᓂᕐᓂᐅᑉ ᐃᑦᔪᕐᓁᑦᑑᑉ ᓇᓗᓁᕐᓯᕕᒋᕚᑎᒍᑦ; ᓯᕗᓪᓕᕐᒥᒃ ᐅᖃᕋᒥ,
ᖃᐅᑕᒫᓪᓕ ᐃᓕᑦᓯᓐᓄᑦ ᐃᑲᔪᕐᑎᒌᓕᕆᑦᓯ, ᐅᓇ ᐅᖃᐅᓯᐅᓂᖓᓂ, “ᐅᓪᓗᒥ,” ᓇᓪᓕᑦᓯᓐᓂᒃ ᓯᑎᔫᑎᑕᐅᔪᖃᖁᓇᒍ ᐊᔪᕐᓂᐅᑉ ᑕᒻᒪᕐᑎᑦᓯᓂᖓᓄᑦ.
ᑕᕝᕙ ᐃᒫᒃ ᐅᖃᕐᓯᒪᕗᖅ, “ᐅᓪᓗᒥ ᓂᐱᖓ ᑐᓴᕈᑦᓯᐅᒃ, ᐱᔭᕐᓂᖏᑦᑑᒐᓱᐊᕐᑍᓕᒋᑦᓯ ᐊᑭᕋᕐᑐᓚᐅᕐᑐᑎᑐᑦ.”
ᓱᓕᓕ ᐱᕕᒃᓴᖃᕐᑎᑦᓯᒃᑲᓐᓂᓚᐅᕐᐳᖅ ᐅᓪᓘᑉ ᐊᓯᐊᓂᒃ ᑍᔭᐅᔪᒥᒃ “ᐅᓪᓗᒥ,” ᐅᖃᓚᐅᕐᐳᖅ ᑍᕕᑎᒃᑯᑦ ᐊᑯᓂᐅᓕᕐᑎᓪᓗᒍ, ᐅᖃᐅᓯᐅᔭᕇᕐᓯᒪᔪᖅ: “ᐅᓪᓗᒥ ᓂᐱᖓ ᑐᓴᕈᑦᓯᐅᒃ, ᐱᔭᕐᓂᖏᑦᑑᒐᓱᐊᕐᑍᓕᒋᑦᓯ.”
ᐊᓂᕐᓂᖅ ᐃᑦᔪᕐᓁᑦᑐᖅ ᑐᑭᓯᓇᑦᓯᐊᕐᑐᒥᒃ ᓇᓗᓁᕐᓯᕗᖅ ᐃᑦᔪᕐᓁᓐᓂᕐᐹᒧᑦ ᓱᓕ ᐊᖅᑯᑎᒃᓴᖅ ᐊᖕᒪᕐᑕᐅᓯᒪᓚᐅᖏᒻᒪᑦ, ᑐᐱᐅᑉ ᓯᓚᑖᓂ ᐊᕙᓗᓕᐅᕐᓯᒪᔪᖅ ᓱᓕ ᐊᑐᕐᑕᐅᑎᓪᓗᒍ.
ᓇᓚᐅᑦᑍᑦᔪᑕᐅᓯᒪᔪᑦ ᐃᓅᑉ ᐃᓱᒪᖓᓂᑦ ᐱᔪᖃᓚᐅᕐᓯᒪᖏᒻᒪᑕ, ᐃᓄᐃᓪᓕ ᐅᖃᕈᓐᓇᕐᑎᑕᐅᓯᒪᕗᑦ ᒎᑎᒥᑦ ᐱᔪᓂᒃ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑕᓯᐅᕐᑕᐅᓪᓗᑎᒃ ᑭᓯᐊᓂ.
ᑕᑯᒋᑦ, ᒪᑐᒦᑉᐳᖓ ᑎᒡᓗᒃᑐᕐᓗᖓᓗ, ᓂᐱᓐᓂᒃ ᑐᓴᕐᑐᖃᕐᐸᑦ ᒪᑐᐃᕈᑦᔭᐅᒍᒪ, ᑕᑦᓱᒧᖓ ᐃᑎᕐᓂᐊᕐᐳᖓ ᓂᕆᖃᑎᒋᓂᐊᕐᐸᕋ, ᑖᑦᓱᒪᓗ ᓂᕆᖃᑎᒋᓗᓂᖓ.
