ᐄᑉᕈᐃᓄᑦ 3:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑲᒪᑦᓯᐊᕆᑦᓯ ᐅᒃᐱᖃᑎᒃᑲ, ᓇᓪᓕᓯ ᐃᓱᒪᖃᕐᑍᓕᓕ ᐱᐅᖏᑦᑐᒥᒃ, ᐅᒃᐱᖏᑦᑐᒥᒡᓗ ᒎᑎ ᑐᖁᓱᐃᑦᑐᖅ ᓈᓚᒍᓐᓃᕐᓗᒍ ᐱᔪᒥᒃ.

ᐄᑉᕈᐃᓄᑦ 3:12 Iomraidhean Croise

ᒨᓯᓯ ᓯᕗᓪᓖᑦ 8:21

ᐊᑕᓂᐅᓪᓗ ᓁᒐᒥᒋᑦ ᑐᓂᕐᕈᑏᑦ ᑎᐱᑦᓯᐊᕆᒃᑐᑦ, ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᓄᓇᕐᔪᐊᖅ ᓇᕐᕈᓇᕐᑎᓯᑎᓚᐅᕐᓯᒪᓂᐊᕈᓐᓃᕐᐸᕋ ᐃᓄᒃ ᐱᑦᔪᑎᒋᓗᒍ, ᐃᓅᑉ ᐆᒻᒪᑎᒥᒍᑦ ᐃᓱᒪᓕᐅᕈᑎᖏᑦ ᐃᓅᓱᖕᓂᕐᒥᓂᑦ ᐱᒋᐊᕐᓗᒋᑦ ᐱᐅᖏᑦᑐᐊᓘᒐᓗᐊᕐᒪᑕ; ᐊᓯᕈᐃᓚᐅᕐᓯᒪᓂᐊᕈᓐᓃᕐᐳᖓ ᐆᒪᔪᓕᒫᓂᒃ ᑍᒫᒃ ᐊᓯᕈᐃᓚᐅᕐᓂᑦᑐᑦ.

ᔫᐱᐅᑉ ᐊᒡᓚᖏᑦ 21:14

ᒎᑎᒧᓪᓗ ᐅᖃᕐᐸᒃᐳᑦ, ‘ᑲᒪᒋᓐᖏᓚᐅᕐᑎᒍᑦ! ᐊᖅᑯᓯᓂᕆᔭᕐᓂᒃ ᖃᐅᔨᔪᒪᓐᖏᓚᒍᑦ.

ᔫᐱᐅᑉ ᐊᒡᓚᖏᑦ 22:17

ᒎᑎᒧᑦ ᐅᖃᓚᐅᕐᒪᑕ, ‘ᐅᕙᑦᑎᓐᓂᑦ ᕿᒪᕉᑎᓚᐅᕆᑦ! ᖃᓄᖅ ᐊᔪᒐᖃᖏᑦᑐᖅ ᐅᕙᑦᑎᓐᓄᑦ ᐱᓇᓱᐊᕈᓐᓇᕐᐹ?’

ᐃᓐᖏᕈᑎᑦ 18:21

ᐊᖅᑯᑎᖏᑦ ᐊᑐᐃᓐᓇᕋᒃᑭᑦ ᐱᐅᖏᑦᑐᓕᓂᕐᒧᓪᓗ ᒎᑎᒥᒃ ᕿᒤᓚᐅᖏᓐᓇᒪ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:32

ᓯᓔᑦᑐᑦ ᑐᖁᒧᑦ ᑎᑭᑉᐸᒃᐳᑦ ᑲᒪᓐᖏᒧᑦ, ᓯᓔᑦᑐᑦ ᐊᓯᕈᕐᑕᐅᓕᕐᐸᒃᐳᑦ ᓈᒻᒪᒐᓱᒋᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 59:13

ᐊᔪᕐᑐᓕᓂᖅ ᐊᑕᓂᕐᒧᓪᓗ ᓴᒡᓗᕿᑦᑎᓯᒪᓂᖅ, ᒎᑎᑦᑎᓐᓂᒡᓗ ᑐᓄᑦᓯᓯᒪᓂᖅ, ᐅᖁᒤᒃᓴᕐᑎᑦᓯᓂᕐᒥᒃ ᐅᖃᐅᓯᖃᕐᓂᖅ ᓂᓐᖓᐅᒪᓂᕐᒧᓪᓗ ᐊᑭᓂᐊᕐᓂᖅ, ᐆᒻᒪᑎᒥᓪᓗ ᐱᔪᓂᒃ ᐋᓐᓂᕐᓇᕐᑐᓂᒃ ᐅᖃᐅᓯᖃᕐᓂᖅ ᓱᓕᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 11:8

ᑐᓴᓚᐅᓐᖏᓚᓪᓕ ᓈᓚᒐᓱᐊᓚᐅᓐᖏᓚᓪᓘᓐᓃᑦ ᒪᓕᖔᓚᐅᕐᐳᓪᓕ ᐆᒻᒪᑎᒥ ᓯᑎᔫᑦᔪᑎᒋᔭᖏᓐᓂᒃ ᐱᐅᖏᑦᑐᓂᒃ. ᑍᒤᒻᒪᑦ ᑐᓂᓚᐅᕐᐸᒃᑲ ᐊᖏᖃᑎᒌᖕᓂᐅᑉ ᐅᖃᐅᓯᖏᓐᓂᒃ, ᒪᓕᒃᑕᐅᖁᓪᓗᒋᑦ ᑖᒃᑯᓄᖓ, ᒪᓕᒍᒪᓚᐅᓐᖏᓚᓪᓕ.”

ᔨᕆᒤᐊᐅᑉ ᐊᒡᓚᖏᑦ 16:12

ᐃᓕᑦᓯᓕ ᓯᕗᓕᕕᓂᑦᓯᓐᓂᑦ ᐱᐅᖏᓐᓂᕐᓴᒃᑲᓐᓂᕐᓂᒃ ᐃᓕᖅᑯᓯᖃᓕᕐᐳᓯ, ᑕᑯᔪᓐᓇᕐᐳᓯᓗ ᓇᖕᒥᓂᖅ ᓴᖑᑎᑕᒃᓴᐅᖏᑦᑐᑦ ᐆᒻᒪᑎᓯ ᐱᐅᖏᑦᑐᑦ ᒪᓕᖔᕐᓗᒋᑦ ᐅᕙᓐᓂᒃ ᓈᓚᒍᓐᓃᕋᑦᓯ.

ᔨᕆᒤᐊᐅᑉ ᐊᒡᓚᖏᑦ 17:5

ᐃᒫᒃ ᐊᑕᓂᖅ ᐅᖃᕐᐳᖅ: “ᓇᕐᕈᓇᕐᐳᖅ ᐃᓄᖕᒥᒃ ᑕᑎᖃᕐᑐᖅ ᑎᒥᐅᓪᓗ ᓴᓐᖏᓂᖓᓂᒃ ᓲᖑᓂᖃᕋᓱᒃᑐᖅ, ᐆᒻᒪᑎᒥᒍᑦ ᕿᒤᓯᒪᔪᖅ ᐊᑕᓂᕐᒥᒃ.

ᔨᕆᒤᐊᐅᑉ ᐊᒡᓚᖏᑦ 17:9

ᐆᒻᒪᑎᓕ ᐅᐃᕖᓐᓂᕐᐹᖑᕗᖅ ᓱᓇᓕᒫᓂᑦ, ᐱᐅᖏᑦᑐᕐᔪᐊᖑᓪᓗᓂᓗ; ᑭᐊᓕ ᑐᑭᓯᔪᓐᓇᕐᐸᐅᒃ?

ᔨᕆᒤᐊᐅᑉ ᐊᒡᓚᖏᑦ 18:12

ᑖᒃᑯᐊᓕ ᑭᐅᒃᐸᑕ, ‘ᐋᒃᑲ, ᑍᒤᑦᓱᒪᓐᖏᓚᒍᑦ, ᐱᓇᓱᐊᕈᒪᔭᑦᑎᓐᓂᒃ ᐱᓇᓱᐊᕈᒪᒐᑦᑕ, ᑕᒪᑦᑕ ᒪᓕᒍᒪᒐᑦᑕ ᐆᒻᒪᑎᑦᑕ ᐱᐅᖏᑦᑐᓕᔪᒪᓂᖏᓐᓂᑦ ᓴᖑᔪᒪᓐᖏᓚᒍᑦ.’”

ᔨᕆᒤᐊᐅᑉ ᐊᒡᓚᖏᑦ 2:13

ᐃᓄᖁᑎᒃᑲ ᒪᕐᕉᖕᓂᒃ ᐊᔪᕐᑐᓕᖕᒪᑕ, ᐅᕙᓐᓂᒃ ᕿᒤᓚᐅᕐᒪᑕ, ᐃᒥᕐᒥᒃ ᐃᓅᓯᖃᕐᓇᕐᑐᒥᒃ ᑰᒃᑐᒥᒃ, ᓇᖕᒥᓂᕐᓗ ᐃᒥᕐᑕᕐᕕᒃᓴᓕᐅᕐᓗᑎᒃ ᐃᒥᕐᑕᕐᕕᖕᓂᒃ ᓄᑎᒃᓯᒪᔪᓂᒃ ᐃᒪᖃᕈᓐᓇᖏᑦᑐᓂᒃ.”

ᔨᕆᒤᐊᐅᑉ ᐊᒡᓚᖏᑦ 3:17

ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒻ ᐊᑕᓂᕐᒧᑦ ᐃᒃᓯᕙᐅᑕᕐᔪᐊᖃᕐᕕᐅᓂᕋᕐᑕᐅᓕᕈᒫᕐᐳᖅ, ᐃᓅᖃᑎᒌᒡᔪᐊᓪᓗ ᔨᕉᓴᓕᒧᑦ ᑲᑎᖃᑦᑕᕈᒫᕐᐳᑦ ᐊᑕᓂᐅᑉ ᐊᑎᖓᓂᒃ ᐅᐱᒍᓱᖕᓂᕐᒥᖕᓂᒃ ᓇᓗᓁᕐᓯᔭᕐᑐᕐᓗᑎᒃ. ᐆᒻᒪᑎᒥᒃᑕ ᓯᑎᔫᓂᖏᓐᓂᒃ ᐱᐅᖏᑦᑐᓕᔪᒪᓂᖏᓐᓂᒡᓗ ᒪᓕᒍᓐᓃᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 7:24

ᑭᓯᐊᓂᓕ ᑐᓴᓚᐅᓐᖏᓚᑦ, ᓈᓚᓚᐅᓐᖏᓚᓪᓘᓐᓃᑦ, ᒪᓕᖔᑐᐃᓐᓇᓕᓚᐅᕐᐳᑦ ᓈᒻᒪᖏᑦᑐᓂᒃ ᐆᒻᒪᑎᖏᑦ ᓯᑎᔫᒐᒥᒃ, ᐃᓱᒪᒥᖕᓂᒃ ᐃᓅᑐᐃᓐᓇᐅᓚᐅᕐᐳᑦ ᑭᖑᒧᑦ ᑕᑯᓐᓇᕋᒥᒃ ᓯᕗᒨᖏᑦᑐᖅ.

ᐃᓯᑭᐊᓕᐅᑉ ᐊᒡᓚᖏᑦ 14:5

ᐅᕙᓐᓄᑦ ᓵᑦᑎᐊᖁᒐᓗᐊᕐᐸᒃᑲ ᐃᓴᕆᐊᓕᐅᑉ ᑭᖑᕚᖏᑦ, ᐅᕙᓐᓂᒃ ᐊᕕᑦᑎᓯᒪᖕᒪᑕ ᒎᑎᓐᖑᐊᓅᕐᓂᕐᒥᖕᓄᑦ.

ᕼᐆᓯᐊᑉ ᐊᒡᓚᖏᑦ 1:2

ᐊᑕᓂᖅ ᓯᕗᓪᓕᕐᐹᒥᒃ ᐅᖃᕐᑎᓪᓗᒍ ᕼᐆᓯᐊᒃᑯᑦ, ᐊᑕᓂᖅ ᐅᖃᕐᐳᖅ ᕼᐆᓯᐊᒧᑦ, “ᓄᓕᐊᓂᒋᐊᕐᑐᓕᕆᑦ ᐊᖑᓐᓂᐊᕐᑎᒥᒃ ᕿᑐᕐᖏᐅᕐᓗᑎᓪᓗ ᐊᖑᓐᓂᐊᕐᑎᒃᑯᑦ, ᓄᓇ ᑕᒪᓐᓇ ᐊᓯᓐᓂᐊᕐᓯᒪᔪᕐᔪᐊᖑᖕᒪᑦ ᐊᑕᓂᕐᒥᒃ ᕿᒤᓯᒪᓂᕐᒥᒍᑦ.”

ᒫᑎᐅᓯᐅᑉ ᐊᒡᓚᖏᑦ 16:16

ᑕᕝᕙ ᓮᒨᓂ ᐲᑦᑐᕉᓯᐅᑉ ᑭᐅᕚ, “ᒥᓮᐊᓯᐅᕗᑎᑦ, ᒎᑎᐅᑉ ᐆᒪᔫᑉ ᐃᕐᓂᖓ.”

ᒫᑎᐅᓯᐅᑉ ᐊᒡᓚᖏᑦ 24:4

ᔩᓱᓯᐅᑉ ᑭᐅᕔᑦ, “ᖃᐅᔨᓴᑦᓯᐊᖃᑦᑕᕆᑦᓯ, ᑕᒻᒪᕐᑎᑕᐅᖁᓇᓯ ᓇᓪᓕᐊᓐᓄᑦ.

ᒫᑯᓯᐅᑉ ᐊᒡᓚᖏᑦ 13:23

ᖃᐅᔨᓴᑦᓯᐊᕆᑦᓯ; ᑕᒪᒃᑯᓂᖓ ᑕᒤᓐᓂᒃ ᐅᖃᐅᑎᕙᑦᓯ ᓱᓕ ᑕᒪᒃᑯᐊ ᓇᓪᓕᐅᑎᖅᑳᕐᑎᓐᓇᒋᑦ.”

ᒫᑯᓯᐅᑉ ᐊᒡᓚᖏᑦ 13:33

ᖃᐅᔨᒪᓇᓱᐊᑦᓯᐊᕆᑦᓯ, ᖃᐅᔨᓴᑦᓯᐊᕐᓗᓯ; ᖃᖓ ᓇᓪᓕᐅᑎᔪᒫᕐᒪᖔ ᖃᐅᔨᒪᖕᒋᓐᓇᑦᓯᐅᒃ.

ᒫᑯᓯᐅᑉ ᐊᒡᓚᖏᑦ 13:9

“ᐃᓕᑦᓯ ᓇᖕᒥᓂᖅ ᖃᐅᔨᓴᕆᑦᓯ; ᑎᒍᔭᐅᔪᒫᕐᐳᓯ ᐃᖅᑲᕐᑐᐃᕕᖕᒧᑦ ᐱᑎᑕᐅᓗᓯ; ᐋᓐᓂᕐᓯᕐᑕᐅᔪᒫᕐᐳᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ; ᐋᑕᐅᔪᒫᕐᐳᓯ ᐊᐅᓚᑦᓯᔨᓄᑦ ᐊᖓᔪᖅᑳᕐᔪᐊᓄᓪᓗ ᓇᖏᖁᓪᓗᓯ ᓵᖏᓐᓂ ᐅᕙᖓ ᐱᑦᔪᑎᒋᓗᖓ, ᓇᓗᓁᕐᓯᔪᓐᓇᖁᓪᓗᓯ ᑖᒃᑯᓄᖓ.

ᓘᑲᓯᐅᑉ ᐊᒡᓚᖏᑦ 21:8

ᔩᓱᓯ ᐅᖃᕐᐳᖅ, “ᖃᐅᔨᓴᕆᑦᓯ ᓯᓔᕐᕆᔭᐅᖁᓇᓯ; ᐊᒥᓱᑦ ᑎᑭᑦᓱᒫᕐᒪᑕ ᐅᕙᓐᓄᑦ ᐱᔨᐅᓂᕋᕐᑐᑦ, ᐅᖃᕐᓗᑎᒃ, ‘ᑖᓐᓇᐅᕗᖓ ᙭ᔅᑑᓯ!’ ᐊᒻᒪᓗ, ‘ᒫᓐᓇ ᐱᕕᒃᓴᖓ ᓇᓪᓕᐅᑎᕗᖅ!’ ᑖᒃᑯᐊ ᒪᓕᖕᓂᐊᕋᓯᐅᒃ.

ᕉᒪᒥᐅᓄᑦ 11:21

ᓇᐹᕐᑑᑉ ᐊᕙᓚᖓᔪᑐᖃᖏᑦ ᒎᑎᐅᑉ ᐊᓐᓂᕆᓚᐅᖏᒻᒪᒋᑦ, ᐃᕝᕕᑦᑕᐅᖅ ᐊᓐᓂᕆᒐᔭᖏᓐᓂᕚᑎᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:12

ᑍᒤᒻᒪᑦ ᓇᖏᕋᓱᒋᔪᖅ ᑲᒪᑦᓯᐊᓕᕐᓕ ᐅᕐᕈᖁᓇᒍ.

ᑯᓘᓯᐊᒥᐅᓄᑦ 2:8

ᖃᐅᔨᓴᕆᑦᓯ ᑭᓇᒧᓪᓘᓐᓃᑦ ᐊᔪᓕᕐᕕᒋᓂᐊᕐᑕᑦᓯᓐᓄᑦ ᐱᑎᑕᐅᑦᑍᓕᓗᓯ ᑐᑭᖃᖏᑦᑐᓄᑦ ᐃᓄᐃᑦ ᓯᓚᑐᓂᖏᑕ ᐋᖅᑭᒃᑕᖏᓐᓄᑦ, ᐃᓄᑐᐃᓐᓁᑦ ᐃᓕᖅᑯᓯᖏᓐᓄᑦ, ᐊᓂᕐᓂᐅᔪᓄᑦ ᓯᓚᕐᔪᐊᕐᒥ ᐊᐅᓚᑕᐅᓯᒪᔪᓄᑦ, ᙭ᔅᑑᓯᒥᓐᖔᖏᑦᑐᓄᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:9

ᐃᓄᓕᒫᑦ ᐃᓕᑦᓯᓐᓂᒃ ᐅᓐᓂᕐᓯᐅᑎᖃᕐᒪᑕ ᐅᕙᑦᑎᓐᓂᒃ ᑐᓐᖓᓱᒃᑎᑦᓯᓂᕆᓚᐅᕐᑕᑦᓯᓐᓂᒃ ᑎᑭᑎᓪᓗᑕ, ᖃᓄᕐᓗ ᒎᑎᓐᖑᐊᖃᕐᓂᒥᒃ ᕿᒤᓪᓗᓯ ᒎᑎᒧᑦ ᓵᒋᐊᓚᐅᕐᓂᑦᓯᓐᓂᒃ, ᒎᑎ ᓱᓕᔪᑐᐊᖅ ᐱᔨᑦᓯᓕᕐᓗᒍ.

ᐄᑉᕈᐃᓄᑦ 10:31

ᑲᑉᐱᐊᓇᕐᑐᐊᓘᕗᖅ ᒎᑎᐅᑉ ᑐᖁᓱᐃᑦᑑᑉ ᐊᒡᒐᖏᓐᓄᑦ ᐅᕐᕈᓗᓂ.

ᐄᑉᕈᐃᓄᑦ 10:38

ᐃᓗᐊᕐᑐᓕᔪᖁᑎᒐ ᐃᓅᔪᒫᕐᐳᖅ ᐅᒃᐱᕐᓂᕐᒥᓄᑦ, ᓴᐱᓕᕐᓂᐊᕐᑐᕐᓗ ᑖᓐᓇ, ᑕᕐᓂᕐᒪ ᖁᕕᐊᓲᑎᒋᓂᐊᓐᖏᓛ.”

ᐄᑉᕈᐃᓄᑦ 12:15

ᖃᐅᔨᓴᕆᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᐊᓐᓁᔪᖃᖁᓇᒍ; ᐱᕈᕐᑐᑎᑐᑦ ᒪᒤᓕᔪᑎᑐᑦ ᑍᒤᓕᔪᖃᕐᑍᓕᓕ ᐊᑭᕋᕐᑐᕐᑎᒌᖕᓂᕐᒥᒃ ᓴᖅᑭᑎᑦᓯᔪᒥᒃ, ᐅᓄᕐᑐᓪᓗ ᑕᒪᑐᒧᖓ ᓱᒃᑯᑎᕐᑕᐅᖁᓇᒋᑦ.

ᐄᑉᕈᐃᓄᑦ 12:22

ᐃᓕᑦᓯᓕ ᖃᖅᑲᒧᑦ ᓮᐅᓂᒧᑦ ᑎᑭᓯᒪᕗᓯ ᒎᑎᐅᑉ ᑐᖁᓱᐃᑦᑑᑉ ᐃᒡᓗᒐᓴᒡᔪᐊᖁᑎᖏᓐᓄᑦ, ᔨᕉᓴᓕᒧᑦ ᕿᓚᖕᒦᑦᑐᒧᑦ, ᐂᖏᓕᒐᓴᒡᔪᐊᓄᑦ ᓈᓴᕐᑕᐅᔪᓐᓇᖏᑦᑐᓄᑦ ᖁᕕᐊᓱᖃᑎᒌᒡᓗᑎᒃ ᑲᑎᒪᔪᓄᑦ,

ᐄᑉᕈᐃᓄᑦ 12:25

ᐃᒃᐱᒍᓱᑦᓯᐊᕆᑦᓯ ᐅᖃᓪᓚᒃᑐᖅ ᓈᓚᒍᒪᖏᓪᓗᒍ ᐱᖁᓇᓯ. ᑍᒃᑯᐊ ᓄᓇᕐᔪᐊᕐᒦᓪᓗᓂ ᐅᖃᓪᓚᒃᑎᓪᓗᒍ ᓈᓚᒍᒪᓚᐅᖏᑦᑐᑦ ᕿᒫᕕᒃᓮᕈᑎᓚᐅᕐᒪᑕ, ᐅᕙᒍᓪᓕ ᐊᖏᓂᕐᓴᒥᒃ ᕿᒫᔪᓐᓇᕐᓂᐊᓐᖏᓚᒍᑦ ᕿᓚᖕᒦᑦᑑᑉ ᐅᖃᐅᓯᖏᓐᓂᒃ ᓈᓚᒍᒪᓂᐊᖏᒃᑯᑦᑕ.

ᐄᑉᕈᐃᓄᑦ 3:1

ᑍᒤᒻᒪᑦ, ᐅᒃᐱᖃᑎᕗᑦ ᐃᑦᔪᕐᓁᑦᑐᓯ, ᒎᑎᒧᑦ ᕾᖁᔭᐅᖃᑕᐅᓯᒪᔪᓯ, ᔩᓱᓯ ᐃᓱᒪᒋᓚᐅᕐᓯᐅᒃ, ᐋᐴᓯᑕᓕᐅᔪᖅ ᑐᓂᕐᕈᓯᕐᑎᑦᓯᔨᓄᓪᓗ ᐊᖓᔪᖅᑳᖑᓪᓗᓂ ᐅᒃᐱᕐᓂᑦᑎᓐᓄᑦ.

ᐄᑉᕈᐃᓄᑦ 3:10

ᑍᒤᒻᒪᑦ ᐃᓅᖃᑎᒌᑦ ᑖᒃᑯᐊ ᓂᓐᖓᐅᑎᓚᐅᕐᐸᒃᑲ, ᐅᖃᕐᓗᖓᓗ, ‘ᐃᓱᒪᖏᑦ ᑕᒻᒪᕐᓯᒤᓐᓇᕐᐳᑦ; ᐱᖁᔭᒃᑲᓗ ᖃᐅᔨᓇᓱᓚᐅᓐᖏᓔᑦ.’

ᐄᑉᕈᐃᓄᑦ 3:19

ᑕᕝᕙ ᑕᑯᕗᒍᑦ ᓄᓇᒃᓴᒥᓄᑦ ᐃᑎᕈᓐᓁᓕᓚᐅᕐᒪᑕ ᐅᒃᐱᖏᓐᓂᕐᒧᑦ.

ᐄᑉᕈᐃᓄᑦ 9:14

ᐊᖏᓂᕐᓴᒻᒪᕆᐊᓗᖕᒥᒡᓕ ᑕᕝᕙ, ᙭ᔅᑑᓯᐅᑉ ᐊᐅᖓ, ᐊᓂᕐᓂᒃᑯᑦ ᐃᓱᖃᖏᑦᑐᒃᑯᑦ ᐃᒻᒥᓂᒃ ᑐᓂᕐᕈᑕᐅᑎᓚᐅᕐᐳᖅ ᐸᓯᔭᒃᓴᐅᓂᖃᖏᑦᑐᖅ ᒎᑎᒧᑦ, ᑖᑦᓱᒪ ᐃᓱᒪᕗᑦ ᓴᓗᒻᒪᕐᐰᑦ ᐱᓂᐊᕐᓂᕐᓂᑦ ᑐᖁᖓᔪᓂᑦ, ᒎᑎᒥᒃ ᐆᒪᔪᒥᒃ ᐱᔨᑦᓯᕈᓐᓇᖁᓪᓗᒋᑦ.