ᐄᑉᕈᐃᓄᑦ 2:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᔩᓱᓯᓕ ᑕᑯᕙᕗᑦ, ᓯᕕᑭᑦᑐᒥᒃ ᐂᖏᓖᓂᑦ ᒥᑭᓐᓂᕐᓴᐅᑎᑕᐅᓚᐅᕐᐳᖅ, ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑐᖁᑦᔪᑎᖃᖁᓪᓗᒍ ᑕᒤᓐᓂᒃ. ᒫᓐᓇᓕ ᑕᑯᓕᕐᐸᕗᑦ ᓂᐊᖂᓯᕐᑕᐅᓯᒪᖕᒪᑦ ᓂᕐᑐᕐᓇᕐᓂᕐᔪᐊᒥᒃ ᐅᐱᒋᔭᐅᓂᕐᒥᒡᓗ; ᐋᓐᓂᐊᑎᑕᐅᓪᓗᓂ ᑐᖁᑕᐅᓚᐅᕐᓂᖓᓄᑦ.

ᐄᑉᕈᐃᓄᑦ 2:9 Iomraidhean Croise

ᒨᓯᓯ ᓯᕗᓪᓖᑦ 3:15

ᐊᕐᓇᕐᓗ ᐊᑭᕋᕇᒃᑎᓐᓂᐊᓕᕐᐸᑦᓯᒃ, ᑭᖑᕚᑎᓪᓗ ᑭᖑᕚᖏᓪᓗ ᐊᑭᕋᕇᒃᓗᑎᒃ; ᑖᑦᓱᒪ ᑭᖑᕚᖓᑕ ᓂᐊᖁᐃᑦ ᑎᒡᓘᔭᕐᑎᑦᓱᒫᕐᐹ, ᐃᕝᕕᓪᓕ ᑭᖑᕚᖓ ᑭᖕᒥᖓᒍᑦ ᑎᒡᓘᔭᕐᑎᑦᓱᒫᕐᐸᑦ.”

ᐂᓮᐊᓯᐅᑉ ᐊᒡᓚᖏᑦ 11:1

ᐱᕈᓕᕐᑐᖃᕈᒫᕐᐳᖅ ᔨᓯᐅᑉ ᓇᐹᕐᑐᕕᓂᖓᑕ ᑭᐱᔭᐅᓂᖓᓂᑦ, ᐊᕙᓚᖓᔪᒥᒃ ᐱᕈᕐᑐᖃᕈᒫᕐᐳᖅ ᐊᒫᖓᓂᑦ ᓴᖅᑭᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 7:14

ᑍᒤᒻᒪᑦ, ᐊᑕᓂᐅᑉ ᓇᖕᒥᓂᖅ ᓇᓗᓁᒃᑯᑕᒃᓴᒥᒃ ᑐᓂᓯᕕᒋᔪᒫᕐᐹᓯ: ᑕᑯᒋᑦ, ᐊᕐᓇᖅ ᐃᓅᓱᒃᑐᖅ ᓄᑕᕋᒃᓴᕐᑖᕈᒫᕐᐳᖅ ᐃᕐᓂᕐᑖᕆᔭᓂᓗ ᐊᑦᓯᕈᒫᕐᐹ ᐃᒪᓐᔪᐃᓕᒥᒃ.

ᒫᑎᐅᓯᐅᑉ ᐊᒡᓚᖏᑦ 16:28

ᓱᓕᔪᒥᒃ ᐅᖃᐅᑎᕙᑦᓯ! ᐅᕙᓃᑦᑐᖃᕐᐳᖅ ᐃᓅᑉ ᐃᕐᓂᖓᑕ ᐊᖓᔪᖅᑳᕐᔪᐊᖑᕐᓂᕆᓂᐊᕐᑕᖓᓂᒃ ᑕᑯᓚᐅᖅᑳᕋᑎᒃ ᑐᖁᓂᐊᖏᑦᑐᓂᒃ.”

ᒫᑎᐅᓯᐅᑉ ᐊᒡᓚᖏᑦ 6:28

“ᓱᖕᒪᑦ ᐊᓐᓄᕌᑦ ᐃᓱᒪᔮᕈᑎᒋᔭᕆᐊᖃᕐᐱᓯᐅᒃ? ᑕᑯᓚᐅᕐᓯᒋᒃ ᒪᑯᐊ ᑕᑯᒥᓇᕐᑐᑦ ᓄᓇᕅᑦ, ᖃᓄᖅ ᐱᕈᕐᒪᖔᑕ; ᓴᓇᖏᒻᒪᑕ ᐃᒻᒥᖕᓂᒡᓗ ᐊᓐᓄᕌᓕᐅᕋᑎᒃ.

ᒫᑯᓯᐅᑉ ᐊᒡᓚᖏᑦ 9:1

ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᑕᕝᕙᓃᑦᑐᑦ ᐃᓚᖏᑦ ᑐᖁᓂᐊᓐᖏᓚᑦ ᒎᑎᐅᑉ ᐊᑕᓂᐅᕕᖓᓂᒃ ᐱᔪᓐᓇᕐᓂᖃᕐᓗᓂ ᑎᑭᓚᐅᖏᓐᓂᖓᓂ.”

ᓘᑲᓯᐅᑉ ᐊᒡᓚᖏᑦ 9:27

ᓱᓕᔪᒥᒃ ᐅᖃᐅᑎᕙᑦᓯ, ᒫᓐᓇ ᐅᕙᓂ ᓇᖏᖃᑎᒋᔭᓯ ᐃᓚᖏᑦ ᑐᖁᓂᐊᓐᖏᓚᑦ, ᒎᑎᐅᑉ ᐊᑕᓂᐅᕕᖓᓂᒃ ᑕᑯᓚᐅᖅᑳᕋᑎᒃ.”

ᔪᐊᓇᓯᐅᑉ ᐊᒡᓚᖏᑦ 1:29

ᖃᐅᑎᓪᓗᒍ ᔪᐊᓇᓯᐅᑉ ᔩᓱᓯ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ, ᓄᓇᕐᔪᐊᕐᒥᐅᑦ ᐊᔪᕐᓂᖏᓐᓂᒃ ᐲᔧᔪᖅ!

ᔪᐊᓇᓯᐅᑉ ᐊᒡᓚᖏᑦ 10:17

“ᑕᒪᓐᓇ ᐱᓪᓗᒍ ᐊᑖᑕᐅᑉ ᓇᒡᓕᒋᕚᖓ, ᐃᓅᓯᓐᓂᒃ ᑐᓂᓯᓂᓐᓄᑦ, ᐊᒻᒪ ᐅᑎᕐᑎᑦᓯᔪᓐᓇᖁᓪᓗᖓ ᐃᓅᓯᓐᓂᒃ.

ᔪᐊᓇᓯᐅᑉ ᐊᒡᓚᖏᑦ 12:32

ᐅᕙᖓᓗ, ᖃᖓᑦᑕᕐᑎᑕᐅᓂᐊᕈᒪ ᓄᓇᒥᑦ, ᐃᓄᖃᑎᒌᒃᔪᐊᖑᔪᓕᒫᑦ ᐅᕙᓐᓄᐊᕈᒪᓕᕐᑎᓐᓂᐊᕐᐸᒃᑲ.”

ᔪᐊᓇᓯᐅᑉ ᐊᒡᓚᖏᑦ 3:16

ᒎᑎᐅᑉ ᓯᓚᕐᔪᐊᕐᒥᐅᑦ ᓇᒡᓕᒋᓪᓚᕆᒃᑲᒥᒋᑦ ᐃᕐᓂᑐᐊᓂ ᑐᓂᓚᐅᕐᐹ, ᑕᒪᕐᒥᒃ ᑖᑦᓱᒧᖓ ᐅᒃᐱᕐᑐᑦ ᐊᓯᐅᖁᓇᒋᑦ ᓄᖑᓱᐃᑦᑐᒥᒡᓕ ᐃᓅᓯᖃᖁᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 8:51

ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᐅᖃᐅᓯᓐᓂᒃ ᒪᓕᒃᑐᖅ, ᑖᓐᓇ ᑐᖁᓂᐊᓐᖏᓚᖅ.”

ᔪᐊᓇᓯᐅᑉ ᐊᒡᓚᖏᑦ 8:52

ᑕᕝᕙ ᔫᑎᑦ ᐅᖃᐅᑎᕚᑦ, “ᒫᓐᓇ ᖁᓚᕐᓇᖏᑦᑐᒥᒃ ᑐᑭᓯᕗᒍᑦ ᐊᓂᕐᓂᕐᓗᖕᒥᒃ ᐃᓗᒻᒥᕐᑕᐅᓯᒪᒐᕕᑦ. ᐂᑉᕋᕼᐋᒻ ᑐᖁᓚᐅᕐᐳᖅ, ᓇᓚᐅᑦᑍᔪᓪᓗ ᑐᖁᓚᐅᕆᕗᑦ; ᐃᕝᕕᓪᓕ ᐅᖃᕐᐳᑎᑦ, ‘ᓇᓪᓕᐊᑦ ᐅᖃᐅᓯᓐᓂᒃ ᒪᓕᒃᑐᖅ ᑖᓐᓇ ᑐᖁᓂᐊᓐᖏᓚᖅ.’

ᐋᐴᓯᑕᓖᑦ ᐱᓂᐊᕐᓂᖏᑦ 2:33

ᑖᓐᓇ ᖁᒻᒧᐊᒃᑎᑕᐅᒐᒥ ᒎᑎᐅᑉ ᑕᓕᕐᐱᐊᓃᑉᐳᖅ, ᐊᑖᑕᐅᑉ ᐊᖏᕈᑎᒋᓯᒪᔭᖓᓂᒃ ᑐᓂᓯᕕᐅᓪᓗᓂ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ, ᑖᑦᓱᒥᖓ ᑕᕝᕙ ᑯᕕᓯᓚᐅᕐᐳᖅ, ᒫᓐᓇ ᑕᑯᔭᓯᓐᓂᒃ ᑐᓴᕐᑕᑦᓯᓐᓂᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 3:13

ᐂᑉᕋᕼᐋᒻ ᒎᑎᖓ ᐂᓴᑭᐅᓪᓗ ᒎᑎᖓ ᔧᑰᓪᓗ ᒎᑎᖓᑕ, ᓯᕗᓕᕕᓂᑦᑕᓗ ᒎᑎᖓᑕ, ᐱᔨᓂ ᔩᓱᓯ ᓂᕐᑐᕐᓇᕐᓯᑎᓚᐅᕐᐹ, ᑖᓐᓇ ᐊᖓᔪᖅᑳᓄᑦ ᑎᒍᔭᐅᑎᓚᐅᕐᑕᓯ ᓇᕐᕈᓇᕐᓯᑎᓚᐅᕐᑕᓯᓗ ᐰᓛᑑᓯᐅᑉ ᑕᒃᑯᐊᓂ, ᐰᓛᑑᓯᐅᑉ ᐊᓂᑎᑕᐅᖁᒐᓗᐊᕐᑎᓪᓗᓂᐅᒃ.

ᕉᒪᒥᐅᓄᑦ 5:18

ᐃᓅᑉ ᐊᑕᐅᓯᐅᑉ ᐊᔪᕐᑐᓕᓂᖓ ᐃᓄᓕᒫᓂᒃ ᐃᒋᑕᒃᓴᓐᖑᕐᑎᑦᓯᓚᐅᕐᒪᑦ, ᑍᒫᒃᑕᐅᖅ ᐃᓅᑉ ᐊᑕᐅᓯᐅᑉ ᐃᓗᐊᕐᑑᓂᖓᒍᑦ ᐃᓗᐊᕐᑐᓕᔪᓐᖑᕐᑎᑦᓯᕗᖅ ᐃᓅᓯᖃᓕᕐᑎᑦᓯᓪᓗᓂᓗ ᐃᓄᓕᒫᓂᒃ.

ᕉᒪᒥᐅᓄᑦ 5:8

ᒎᑎᐅᓪᓕ ᓇᒡᓕᖕᓂᓂ ᐅᕙᑦᑎᓐᓄᑦ ᓴᖅᑭᑎᓚᐅᕐᐹ ᓱᓕ ᐊᔪᕐᑐᓕᔨᐅᑎᓪᓗᑕ ᙭ᔅᑑᓯᐅᑉ ᑐᖁᑦᔪᑎᒋᓚᐅᕐᐹᑎᒍᑦ.

ᕉᒪᒥᐅᓄᑦ 8:3

ᒎᑎ ᐱᓂᐊᕐᓯᒪᖕᒪᑦ ᐱᖁᔧᑦ ᐊᔪᕐᑕᖓᓂᒃ, ᑎᒥᐅᑉ ᐃᓕᖅᑯᓯᖓᓄᑦ ᓴᓐᖐᓕᑎᑕᐅᓯᒪᔪᓂᒃ, ᐃᕐᓂᓂ ᓇᖕᒥᓂᓂ ᑎᓕᓚᐅᕐᒪᒍ ᐃᓄᒃ ᐊᔪᕐᓂᓕᒃ ᐊᑦᔨᒋᓕᕐᓗᒍ ᐊᔪᕐᓂᒧᑦ ᑐᓂᕐᕈᑎᒃᓴᐅᖁᓪᓗᒍ, ᑍᒤᒻᒪᑦ ᐃᒋᑕᒃᓴᓐᖑᕐᑎᓚᐅᕐᐹ ᐃᓅᑉ ᐊᔪᕐᓂᖓ.

ᕉᒪᒥᐅᓄᑦ 8:32

ᑖᑦᓱᒪ ᓇᖕᒥᓂᖅ ᐃᕐᓂᓂ ᐊᓐᓂᕆᓇᒍ ᐅᕙᑦᑎᓐᓄᓕᒫᖅ ᑐᓂᓚᐅᕐᒪᒍ, ᑕᕝᕙᓖ ᑐᓂᓯᓂᐊᓐᖏᓛᑎᒍᑦ ᓱᓇᓕᒫᓂᒃ ᑖᑦᓱᒨᓇ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:15

ᑖᓐᓇ ᑐᖁᓚᐅᕐᐳᖅ ᐃᓄᓕᒫᑦ ᐱᑦᔪᑎᒋᓪᓗᒋᑦ, ᑖᒃᑯᐊ ᐃᓅᔪᑦ ᐃᒻᒥᓃᓐᓇᖅ ᐃᓱᒪᒋᓗᑎᒃ ᐃᓅᓯᖃᕈᓐᓃᖁᓪᓗᒋᑦ, ᑖᑦᓱᒧᖓᓕ ᐱᑦᔪᑎᒋᓪᓗᒋᑦ ᑐᖁᓚᐅᕐᑐᒧᑦ ᒪᑭᓚᐅᕐᑐᒧᓪᓗ ᐃᓅᖔᓕᖁᓪᓗᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:21

ᐊᔪᕐᑐᓕᓂᕐᒥᒃ ᖃᐅᔨᓚᐅᕐᓯᒪᖏᑦᑐᖅ ᒎᑎᐅᑉ ᐊᔪᕐᑐᓕᔪᓐᖑᕐᑎᓚᐅᕐᐹ ᐱᑦᔪᑎᒋᓪᓗᑕ, ᐅᕙᒍᑦ ᑖᑦᓱᒨᓇ ᒎᑎᒧᑦ ᐃᓗᐊᕐᑐᓐᖑᕐᑎᑕᐅᖁᓪᓗᑕ.

ᒐᓔᑎᐊᒥᐅᓄᑦ 4:4

ᓇᓪᓕᐅᑦᑐᕐᓕ ᓈᒻᒪᓈᑦᓯᐊᕐᑐᖅ ᓇᓪᓕᐅᑎᖕᒪᑦ, ᒎᑎᐅᑉ ᐃᕐᓂᓂ ᑎᓕᓚᐅᕐᐹ, ᐊᕐᓇᒧᑦ ᐃᕐᓂᐊᖑᓪᓗᓂ, ᐱᖁᔭᓄᑦ ᐊᐅᓚᑕᐅᓪᓗᓂ,

ᑎᒧᑎᒧᑦ ᓯᕗᓪᓖᑦ 2:6

ᐃᒻᒥᓂᒃ ᑐᓂᓚᐅᕐᐳᖅ ᐊᑭᓖᑦᔪᔨᔪᒪᓪᓗᓂ ᐃᓄᓕᒫᓂᒃ; ᑕᒪᓐᓇ ᓈᒻᒪᑦᓯᐊᕐᑐᒥᒃ ᒎᑎᐅᑉ ᐱᓇᓱᐊᕈᑎᒋᓚᐅᕐᐹ ᐱᐅᓕᕐᓯᓂᓂ ᖃᐅᔨᔭᐅᖁᓪᓗᒍ.

ᐄᑉᕈᐃᓄᑦ 1:9

ᓇᓛᒎᕐᓂᖅ ᖁᕕᐊᒋᕙᑦ ᐱᐅᖏᑦᑐᓕᓂᕐᓗ ᐆᒥᒋᓪᓗᒍ; ᑍᒤᒻᒪᑦ ᒎᑎᐅᑉ, ᒎᑎᕕᑦ ᐅᕐᓱᕐᑎᓚᐅᕐᐹᑎᑦ, ᐅᕐᓱᒧᑦ ᖁᕕᐊᓱᖕᓂᕐᒧᑦ ᐃᓅᖃᑎᒌᓄᑦ ᑐᓂᓯᒪᔭᖓᓂᑦ ᐱᐅᓂᕐᓴᒥᒃ.”

ᐄᑉᕈᐃᓄᑦ 10:5

ᑍᒤᒻᒪᑦ, ᙭ᔅᑑᓯ ᓯᓚᕐᔪᐊᕐᒧᑦ ᑎᑭᓐᓇᒥ, ᐅᖃᓚᐅᕐᐳᖅ: “ᐆᒪᔪᐃᑦ ᑐᖁᑕᐅᓂᖏᓐᓂᒃ ᑐᓂᕐᕈᓯᕐᓂᕐᒥᒡᓗ ᐱᔪᒪᓐᖏᓚᑎᑦ, ᑎᒥᒥᒡᓕ ᐊᑐᐃᓐᓇᕈᐃᓚᐅᕐᐳᑎᑦ ᐅᕙᓐᓄᑦ;

ᐄᑉᕈᐃᓄᑦ 11:5

ᐅᒃᐱᕐᓂᑯᑦ ᐃᓅᑭ ᕿᓚᓕᐊᕐᑎᑕᐅᓚᐅᕐᐳᖅ ᑐᖁᒥᒃ ᖃᐅᔨᓇᓂ; ᓇᓂᔭᐅᓚᐅᓐᖏᓚᕐᓗ, ᒎᑎᐅᑉ ᐊᐅᓪᓚᕈᑎᓚᐅᕐᒪᒍ. ᕿᓚᓕᐊᕐᑎᑕᐅᓚᐅᕐᑎᓐᓇᒍ ᓇᓗᓁᕐᑕᐅᓯᒪᕗᖅ ᒎᑎᒧᑦ ᖁᕕᐊᒋᔭᐅᓂᖓᓂᒃ.

ᐄᑉᕈᐃᓄᑦ 12:2

ᔩᓱᓯ ᑕᑯᓐᓈᕐᓗᒍ ᐅᒃᐱᕐᓂᑦᑎᓐᓂᒃ ᐱᒋᐊᕐᑎᑦᓯᔨᐅᓪᓗᓂᓗ ᓈᒻᒪᒃᓯᑎᑦᓯᔪᖅ, ᑖᓐᓇ ᖁᕕᐊᓱᖕᓂᒃᓴᒥᓂᒃ ᑕᑯᓐᓈᕋᒥ ᓴᓐᓂᖓᔪᓕᒃ ᕿᓄᐃᓵᕐᓗᓂ ᐊᑐᓚᐅᕐᐹ, ᑲᓐᖑᓇᕐᓂᖓ ᑲᒪᒋᓇᒍ, ᒫᓐᓇᓗ ᐃᒃᓯᕙᓕᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ.

ᐄᑉᕈᐃᓄᑦ 2:7

ᑖᓐᓇ ᐂᖏᓕᓂᑦ ᐃᓱᒪᓇᖏᓂᕐᓴᐅᑎᓚᐅᕐᐸᑦ, ᐱᓐᓇᕐᓇᕐᓂᕐᔪᐊᒥᒡᓗ ᐅᐱᒋᔭᐅᓂᕐᒥᒡᓗ ᓂᐊᖂᓯᕐᓗᒍ.

ᐄᑉᕈᐃᓄᑦ 7:25

ᑍᒤᒻᒪᑦ ᑖᑦᓱᒨᓇ ᒎᑎᒧᐊᕐᑐᑦ ᑕᒪᕐᒥᒃ ᐱᐅᓕᔪᓐᓇᑦᓯᐊᕐᐰᑦ, ᐃᓅᑦᓮᓐᓇᕋᒥ ᐃᓱᖃᖏᑦᑐᒧᑦ ᑐᒃᓯᐅᑦᔩᓐᓇᕐᓗᓂ ᑖᒃᑯᓂᖓ.

ᐄᑉᕈᐃᓄᑦ 8:3

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᔪᑦ ᐊᑐᓂᑦ ᑎᓕᔭᐅᓯᒪᕙᒃᐳᑦ ᐆᒪᔪᓂᒃ ᑐᖁᑦᓯᓪᓗᑎᒃ ᑐᓂᕐᕈᓯᖁᓪᓗᒋᑦ ᒎᑎᒧᑦ, ᑍᒤᒻᒪᑦᑕᐅᖅ ᑖᓐᓇ ᑐᓂᕐᕈᓯᕐᓂᕐᒥᒃ ᐱᔭᒃᓴᖃᕐᑐᒃᓴᐅᒋᕗᖅ.

ᐲᑦᑐᕉᓯ ᓯᕗᓪᓖᑦ 1:21

ᑖᑦᓱᒨᓇ ᒎᑎ ᐅᒃᐱᕐᕕᒋᕙᓯ, ᑖᓐᓇ ᑐᖁᒥᑦ ᒪᑭᑎᑦᓯᓚᐅᕐᑐᖅ ᑖᑦᓱᒥᖓ ᓂᕐᑐᕐᓇᕐᓯᑎᓪᓗᒍᓗ, ᑍᒤᒻᒪᑦ ᐅᒃᐱᕐᓂᑦᓯ ᓂᕆᐅᖕᓂᓯᓗ ᒎᑎᒦᑉᐳᑦ.

ᔪᐊᓇᓯ ᓯᕗᓪᓖᑦ 2:2

ᑖᓐᓇᓗ ᐊᖅᑯᑎᒃᓴᑑᕗᖅ ᐊᔪᕐᓂᑦᑕ ᐃᓱᒪᒋᔪᓐᓁᕐᑕᐅᑦᔪᑎᒃᓴᖏᓐᓄᑦ, ᐅᕙᒍᑑᖏᑦᑐᕐᓕ ᓯᓚᕐᔪᐊᕐᒥᐅᓪᓕ ᑕᒪᕐᒥᒃ ᐊᔪᕐᓂᖏᑦ ᐱᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:12

ᐃᔨᖏᒡᓗ ᐃᑯᐊᓚᔪᑎᑐᑦ ᑍᒤᑉᐴᒃ, ᓂᐊᖂᑎᖃᕐᐳᕐᓗ ᐊᖓᔪᖅᑳᐅᓂᖓᑕ ᓇᓗᓁᒃᑯᑕᖏᓐᓂᒃ ᐊᒥᓱᓂᒃ; ᐊᑎᖓᓗ ᑕᕝᕙᓂ ᑎᑎᕋᕐᓯᒪᕗᖅ ᑭᓇᒧᓪᓘᓃᑦ ᖃᐅᔨᔭᐅᔪᓐᓇᖏᑦᑐᖅ ᑖᑦᓱᒪ ᑭᓯᒥ ᖃᐅᔨᒪᔭᑐᐊᕆᕚ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.