ᐄᑉᕈᐃᓄᑦ 2:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᖃᓄᕐᓕ ᑕᕝᕙ ᐊᓐᓇᒍᓐᓇᕋᔭᕐᐱᑖ? ᐱᐅᓕᔭᐅᕕᒃᓴᖅ ᑍᒫᒃ ᐱᓪᓚᕆᐅᑎᒋᔪᖅ ᑲᒪᒋᖏᒃᑯᑦᑎᒍ? ᑕᒪᓐᓇ ᐊᑕᓂᐅᑉ ᐱᐅᓕᔭᐅᕕᒃᓴᖅ ᐅᖃᐅᓯᕆᖅᑳᓚᐅᕐᒪᒍ, ᑕᒪᑐᒥᖓ ᑐᓴᓚᐅᕐᑐᑦ ᑖᑦᓱᒪᓐᖓᑦ ᐅᕙᑦᑎᓐᓄᑦ ᓇᓗᓁᕐᓯᓚᐅᕐᐳᑦ ᑕᒪᑐᒪ ᓱᓕᓂᖓᓂᒃ.

ᐄᑉᕈᐃᓄᑦ 2:3 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 12:2

ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”

ᐂᓮᐊᓯᐅᑉ ᐊᒡᓚᖏᑦ 20:6

ᐅᓪᓗᐃᑦ ᑍᒃᑯᐊ ᓇᓪᓕᐅᑎᒃᐸᑕ ᐱᓕᔅᑎᐊᑉ ᓄᓇᖓᑕ ᓯᒡᔭᒥᐅᖁᑎᖏᑦ ᐅᖃᕈᒫᕐᐳᑦ, ᑕᑯᒋᑦ ᓴᐳᑦᔨᔨᒋᓂᐊᕋᓱᒋᓚᐅᕐᑕᕗᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐱᔪᓐᓇᕐᓂᖓᓂᑦ ᖃᓄᕐᓕ ᐃᓅᔪᒫᓕᕐᐱᑕ?”

ᐂᓮᐊᓯᐅᑉ ᐊᒡᓚᖏᑦ 51:5

ᓇᓛᒎᕐᓂᕋ ᖃᓂᑉᐳᖅ, ᐱᐅᓕᒃᓯᓂᕋᓗ ᑎᑭᓕᕐᐳᖅ, ᐱᔪᓐᓇᕐᓂᓐᓄᑦ ᐃᓄᐃᑦ ᐊᐅᓚᑦᓱᒫᕐᐸᒃᑲ; ᐃᒪᐅᑉ ᑭᒡᓕᖓᓃᑦᑐᑦ ᐅᕙᓐᓂᒃ ᐅᑕᖅᑭᔪᒫᕐᐳᑦ, ᐊᖓᔪᖅᑲᐅᓂᓐᓂᒃ ᑕᑎᖃᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 51:8

ᖁᐱᕐᕈᓄᑦ ᖃᓪᓗᓈᕐᑕᓂᒃ ᓂᕆᓲᓄᑦ ᓂᕆᔭᐅᔪᒫᕐᒪᑕ, ᖁᐱᕐᕈᓄᓪᓗ ᓄᕕᕐᓵᒃᓴᓂᒃ ᓂᕆᓲᓄᑦ ᓂᖃᐅᓗᑎᒃ; ᓴᐳᑦᔨᓂᕋᓕ ᐃᓱᖃᖏᑦᑐᒧᑦ ᓱᕐᕋᖕᓂᐊᓐᖏᓚᖅ, ᐱᐅᓕᒃᓯᓂᕋᓗ ᑭᖑᕚᖑᖃᑎᒌᓕᒫᓄᑦ.

ᐂᓮᐊᓯᐅᑉ ᐊᒡᓚᖏᑦ 62:11

ᑕᑯᒋᑦ, ᐊᑕᓂᖅ ᐅᖃᐅᑦᔨᓯᒪᓕᕐᐳᖅ ᓄᓇᕐᔪᐊᑉ ᐃᓱᖏᓐᓄᑦ; ᐃᒫᒃ, “ᓮᐅᓂᐅᑉ ᐸᓂᖓ ᐅᖃᐅᑎᓯᐅᒃ, ᑕᑯᒋᑦ, ᐱᐅᓕᔭᐅᕕᒃᓴᓯ ᕾᓕᕐᐳᖅ, ᐊᑭᓕᐅᑎᒃᓴᓂ ᓇᒃᓴᕐᓗᒍ, ᐱᓇᓱᐊᕆᐊᕐᑐᕐᑕᓂᓗ ᐊᑐᐃᓐᓇᕆᕚ.”

ᐃᓯᑭᐊᓕᐅᑉ ᐊᒡᓚᖏᑦ 17:15

ᑖᓐᓇᓕ ᐊᖓᔪᖅᑳᕐᔪᐊᖅ ᑖᑦᓱᒥᖓ ᐊᑭᕋᕐᑐᓕᕋᒥ ᐄᑦᔨᑉᑎᒥᐅᓄᑦ ᑎᓕᓯᓚᐅᕐᐳᖅ ᐅᖃᕐᑎᒋᓂᐊᕐᑕᒥᓂᒃ, ᑐᓂᓯᕕᐅᔪᒪᓪᓗᓂ ᕿᒻᒥᕐᔪᐊᓂᒃ ᐅᓇᑕᕐᑎᒐᓴᒡᔪᐊᓂᒡᓗ. ᓵᓚᖃᕈᓐᓇᕐᐹ? ᑍᒤᓕᐅᕐᑐᖅ ᐊᓐᓇᒍᓐᓇᕐᐹ? ᐊᖏᖃᑎᒌᒍᑎᓕᐊᕆᓚᐅᕐᑕᒥᓂᒃ ᓯᖁᑦᑎᕆᓯᒪᔪᖅ ᐊᓐᓇᒍᓐᓇᕐᐹ?

ᐃᓯᑭᐊᓕᐅᑉ ᐊᒡᓚᖏᑦ 17:18

ᐅᖃᕕᒍᑎᒥᓂᒃ ᓇᕐᕈᓂᕐᒧᑦ ᐊᖏᖃᑎᒌᒍᑎᒋᓯᒪᔭᒥᓂᒃ ᓯᖁᒥᑦᓯᓚᐅᕐᒪᑦ, ᐃᒻᒥᓂᒃ ᐂᑦᑑᑎᒋᓚᐅᕐᓗᓂ ᑕᒪᒃᑯᓂᖓ ᐱᓇᓱᐊᓚᐅᕋᒥ, ᐊᓐᓇᖕᓂᐊᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 23:33

ᖁᒡᓗᒋᐊᖑᔪᓯ, ᐃᕐᓂᐅᔪᓯᓗ ᖁᒡᓗᒋᐊᕐᔪᐊᓄᑦ, ᖃᓄᖅ ᐃᓕᑦᓯᓐᓂᒃ ᓴᐳᑎᔪᓐᓇᕋᓱᒋᕕᓯ ᑲᑉᐱᐊᓇᕐᑐᕕᖕᒥᑦ?

ᒫᑎᐅᓯᐅᑉ ᐊᒡᓚᖏᑦ 4:17

ᑕᕝᕙᓐᖓᑦ ᐱᒋᐊᕐᓗᒍ ᔩᓱᓯ ᐊᔪᕆᕐᑐᐃᓯᕗᖅ, ᐅᖃᕐᓗᓂ: “ᖃᕿᐊᓕᕆᑦᓯ, ᕿᓚᐅᑉ ᐊᑕᓂᐅᕕᐊ ᖃᒡᓕᓕᕐᒪᑦ!”

ᒫᑯᓯᐅᑉ ᐊᒡᓚᖏᑦ 1:14

ᔪᐊᓇᓯᐅᑉ ᑎᒍᔭᐅᓂᖓᑕ ᑭᖑᕐᖓᓂ, ᔩᓱᓯ ᒐᓕᓕᐊᒧᐊᕐᐳᖅ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᒃ ᐊᔪᕆᕐᑐᐃᔪᑎᖃᕐᓗᓂ.

ᓘᑲᓯᐅᑉ ᐊᒡᓚᖏᑦ 1:2

ᑍᒃᑯᐊ ᑎᑎᕋᓚᐅᕐᐳᑦ ᓇᖕᒥᓂᖅ ᐱᒋᐊᕐᓂᖓᓂᒃ ᖃᐅᔨᓚᐅᕐᑕᒥᖕᓂᒃ ᓇᖕᒥᓂᕐᓗ ᑕᑯᖃᑦᑕᓚᐅᕐᑕᒥᓂᒃ, ᐅᕙᑦᑎᓐᓄᑦ ᐅᖃᐅᓯᖃᕐᓯᒪᕗᑦ ᐊᔪᕆᕐᑐᐃᑦᔪᑎᖃᕐᓗᑎᒃ.

ᓘᑲᓯᐅᑉ ᐊᒡᓚᖏᑦ 1:69

ᐱᐅᓕᔨᕐᔪᐊᒥᒃ ᑐᓂᓯᕕᒋᖕᒪᑎᒍᑦ, ᐱᔨᒥ ᑍᕕᑎᐅᑉ ᑭᖑᕚᖏᓐᓂ.

ᓘᑲᓯᐅᑉ ᐊᒡᓚᖏᑦ 24:19

ᔩᓱᓯᐅᑉ ᐊᐱᕆᕚ, “ᓱᓇᒥᒃ ᐱᔪᖃᓚᐅᕐᒪᑦ?” ᑖᒃᑯᐊᒃ ᐅᖃᕐᐴᒃ, “ᔩᓱᓯ ᓈᓴᕇᑎᒥᐅᖅ ᐱᓪᓗᒍ, ᑖᓐᓇ ᓇᓚᐅᑦᑍᔪᓚᐅᕐᐳᖅ ᐱᔪᓐᓇᕐᓂᖃᕐᓗᓂ ᐱᓂᐊᕐᓂᕐᒥᒍᑦ ᐅᖃᐅᓯᕐᒥᒍᓪᓗ ᒎᑎᐅᑉ ᐃᓄᐃᓪᓗ ᓵᖓᓂ.

ᔪᐊᓇᓯᐅᑉ ᐊᒡᓚᖏᑦ 15:27

ᐃᓕᑦᓯᓗ ᓇᓗᓁᕐᓯᔪᒫᕆᕗᓯ, ᐱᒋᐊᕐᓂᕐᒥᑦ ᓇᔪᕐᓯᒪᒐᑦᓯᓐᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 1:22

ᐱᒋᐊᖃᑕᐅᓯᒪᔪᒥᒃ ᔪᐊᓇᓯᐅᑉ ᐹᑦᑎᑦᓯᖃᑦᑕᓕᕐᓂᖓᓂᑦ ᔩᓱᓯᐅᑉ ᕿᓚᓕᐊᕐᑎᑕᐅᓂᖓ ᑎᑭᓪᓗᒍ, ᑍᒤᑦᑐᒥᒃ ᐃᓚᑖᕆᐊᖃᕐᐳᒍᑦ ᖃᐅᔨᓯᒪᔭᑦᑎᓐᓂᒃ ᓇᓗᓁᕐᓯᔨᐅᖃᑕᐅᖁᓪᓗᒍ ᔩᓱᓯᐅᑉ ᒪᑭᓯᒪᓂᖓᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:22

“ᐃᓴᕆᐊᓕᒥᐅᖑᔪᓯ, ᐅᑯᐊ ᐅᖃᐅᓰᑦ ᓈᓚᒃᓯᒋᒃ: ᔩᓱᓯ ᓈᓴᕇᑎᒥᐅᖅ, ᐱᔪᓐᓇᕐᓂᖃᕐᑎᑕᐅᓪᓗᓂ ᒎᑎᒥᑦ ᓇᓗᓇᖏᑦᑐᒥᒃ ᑕᑯᒃᓴᐅᓚᐅᕐᑐᖅ ᐃᓕᑦᓯᓐᓄᑦ ᑲᒪᓇᕐᑐᓕᓂᕐᑎᒍᑦ ᓇᓗᓁᒃᑯᑕᕐᑎᒍᓪᓗ, ᒎᑎ ᐱᓇᓱᐊᓚᐅᕐᒪᑦ ᑖᑦᓱᒨᓇ, ᖃᐅᔨᒪᒐᑦᓯ ᑕᒪᑐᒥᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 4:12

“ᐊᓯᐊᓂᒃ ᐱᐅᓕᔨᒃᓴᖃᓐᖏᓚᖅ, ᐊᑎᕐᑕᖃᓐᖏᓚᕐᓗ ᓄᓇᕐᔪᐊᓕᒫᒥ ᐃᓄᖕᓄᑦ ᑐᓂᔭᐅᓯᒪᔪᒥᒃ ᐱᐅᓕᔭᐅᑦᔪᑎᒃᓴᑦᑎᓐᓂᒃ.”

ᕉᒪᒥᐅᓄᑦ 11:14

ᔫᑎᐅᖃᑎᒃᑲ ᑐᓱᓵᕐᓗᒋᑦ ᐱᔭᐅᖏᓐᓂᕐᓕᐅᓕᖁᓪᓗᒋᑦ, ᓇᓪᓕᐊᑦ ᐱᐅᓕᔭᐅᔪᓐᓇᓯᖁᓪᓗᒍ.

ᕉᒪᒥᐅᓄᑦ 2:3

ᐃᓄᑐᐃᓐᓇᐅᔪᑎᑦ, ᑍᒤᓕᐅᕐᑐᓂᒃ ᐃᖅᑲᕐᑐᐃᓪᓗᑎᑦ, ᐃᖅᑲᕐᑐᐃᑦᔪᑎᖕᓂᒡᓗ ᐊᑐᕐᐸᒡᓗᑎᑦ, ᒎᑎᐅᑉ ᐃᖅᑲᕐᑐᐃᓂᖓᓂᒃ ᕿᒫᔪᓐᓇᕋᓱᒋᕖᑦ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:21

ᒎᑎᐅᑉ ᓯᓚᑐᓂᕐᒥᓄᑦ ᓯᓚᕐᔪᐊᕐᒥᐅᑦ ᓇᖕᒥᓂᖅ ᓯᓚᑐᓂᕐᒥᒃᑎᒍᑦ ᑐᑭᓯᔪᓐᓇᕐᑎᓐᖏᓔᑦ ᒎᑎᒥᒃ. ᒎᑎᓕ ᐊᑲᐅᒃᓴᕐᐳᖅ ᑖᒃᑯᐊ ᓯᓔᓐᓇᓱᒋᔭᖏᑎᒍᑦ ᐅᖃᐅᓯᕆᔭᑦᑎᒍᑦ ᐅᒃᐱᕈᓱᒃᑐᑦ ᐱᐅᓕᔪᒪᓪᓗᒋᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:3

ᐃᓄᐃᑦ ᐅᖃᕐᐸᑕ, “ᐅᐃᒪᓇᕐᑐᖃᓐᖏᓚᖅ ᓯᕘᕋᓇᕐᑐᖃᕋᓂᓗ,” ᑕᕝᕙ ᑕᕝᕔᓐᓇ ᐊᓯᕈᕐᓇᕐᑑᑉ ᑎᑭᑦᓱᒫᕐᐰᑦ ᓲᕐᓗ ᑕᕝᕔᓐᓇᖅ ᐋᓐᓂᐊᓇᕐᑐᒧᑦ ᐊᕐᓇᐅᑉ ᑎᑭᑕᐅᓂᖓᑐᑦ ᐃᕐᓂᓱᓕᕐᑎᓪᓗᒍ, ᕿᒫᔪᓐᓇᕐᑐᖃᕈᒫᓐᖏᓚᕐᓗ.

ᑎᒧᑎᒧᑦ ᓯᕗᓪᓖᑦ 1:15

ᐅᖃᐅᓯᖅ ᐃᒤᓕᔪᖅ ᓱᓕᕗᖅ ᓈᒻᒪᒋᔭᐅᔭᕆᐊᓕᒃ ᐅᒃᐱᕆᔭᐅᓗᓂᓗ, ᙭ᔅᑑᓯ ᔩᓱᓯ ᓯᓚᕐᔪᐊᕐᒧᑦ ᑎᑭᓚᐅᕐᒪᑦ ᐊᔪᕐᑐᓕᔪᑦ ᐱᐅᓕᔭᕐᑐᕐᓗᒋᑦ; ᐅᕙᖓᓕ ᑖᒃᑯᓇᓐᖓᑦ ᐊᔪᕐᑐᓕᔪᓂᑦ ᐱᐅᖏᓐᓂᕐᐹᖑᕗᖓ.

ᑍᑑᓯᒧᑦ 2:11

ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᓂ ᓴᖅᑭᑎᓯᒪᖕᒪᒍ ᐃᓄᓕᒫᑦ ᐱᐅᓕᔭᐅᖁᓪᓗᒋᑦ.

ᐄᑉᕈᐃᓄᑦ 1:1

ᑍᑦᓱᒪᓂ ᒎᑎᐅᑉ ᓯᕗᓕᕆᓚᐅᕐᑕᕗᑦ ᐅᓄᕐᑐᐃᕐᓱᕐᓗᓂ ᐅᖃᕐᕕᒋᖃᑦᑕᓚᐅᕐᒪᒋᑦ ᓇᓚᐅᑦᑍᔪᑎᒍᑦ ᐊᑦᔨᒌᖏᑦᑐᑎᒍᑦ ᐱᓇᓱᐊᕐᓗᓂ;

ᐄᑉᕈᐃᓄᑦ 1:14

ᐂᖏᓖᓪᓕ ᐊᓂᕐᓂᐅᕗᑦ ᑎᓕᔭᐅᓯᒪᔪᑦ ᐱᔨᑦᓯᖁᓪᓗᒋᑦ, ᐃᑲᔪᕐᑎᐅᖁᓪᓗᒋᑦ ᐱᐅᓕᔭᐅᓂᕐᒥᒃ ᑭᖑᕐᖑᑦᔨᓂᐊᕐᑐᓄᑦ.

ᐄᑉᕈᐃᓄᑦ 1:2

ᐅᓪᓗᓂᓕ ᑭᖑᓪᓕᕐᓂ ᐅᖃᓪᓚᒡᕕᒋᓚᐅᕐᐹᑎᒍᑦ ᐃᕐᓂᕐᒥᒍᑦ, ᑖᓐᓇ ᓱᓇᓕᒫᑦᓯᐊᕐᓂᒃ ᑭᖑᕐᖑᑦᔨᔪᒃᓴᐅᖁᓪᓗᒍ ᓂᕈᐊᕐᓯᒪᕚ, ᑖᑦᓱᒨᓇᓗ ᓯᓚᕐᔪᐊᖅ ᐱᓐᖑᕐᑎᓚᐅᕐᐹ.

ᐄᑉᕈᐃᓄᑦ 12:25

ᐃᒃᐱᒍᓱᑦᓯᐊᕆᑦᓯ ᐅᖃᓪᓚᒃᑐᖅ ᓈᓚᒍᒪᖏᓪᓗᒍ ᐱᖁᓇᓯ. ᑍᒃᑯᐊ ᓄᓇᕐᔪᐊᕐᒦᓪᓗᓂ ᐅᖃᓪᓚᒃᑎᓪᓗᒍ ᓈᓚᒍᒪᓚᐅᖏᑦᑐᑦ ᕿᒫᕕᒃᓮᕈᑎᓚᐅᕐᒪᑕ, ᐅᕙᒍᓪᓕ ᐊᖏᓂᕐᓴᒥᒃ ᕿᒫᔪᓐᓇᕐᓂᐊᓐᖏᓚᒍᑦ ᕿᓚᖕᒦᑦᑑᑉ ᐅᖃᐅᓯᖏᓐᓂᒃ ᓈᓚᒍᒪᓂᐊᖏᒃᑯᑦᑕ.

ᐄᑉᕈᐃᓄᑦ 4:1

ᑍᒤᒻᒪᑦ, ᒎᑎᐅᑉ ᐊᖏᕐᕕᒋᓯᒪᕚᑎᒍᑦ ᑕᕾᕐᓯᕐᕕᒃᓴᖃᖁᓪᓗᑕ, ᐊᑏ ᑲᒪᑦᓯᐊᓕᕐᑕ ᐊᖏᕈᑕᐅᓯᒪᔪᒧᑦ ᓇᓪᓕᑦᓯᓐᓂᒃ ᐃᑎᕐᑎᑕᐅᔪᓐᓁᓪᓕᔪᖃᖁᓇᒍ.

ᐄᑉᕈᐃᓄᑦ 4:11

ᑍᒤᒻᒪᑦ ᐱᓇᓱᐊᒻᒪᕆᓕᕐᑕ ᑕᕾᕐᓯᕐᕕᖕᒧᑦ ᑕᕝᕗᖓ ᐃᑎᕈᓐᓇᖁᓪᓗᑕ, ᓇᓪᓕᐊᓐᓂᒃ ᐃᑎᕈᓐᓁᓕᔪᖃᖁᓇᒍ ᓈᓚᖏᓐᓂᕐᒧᑦ ᑍᒃᑯᑎᑐᓇᖅ.

ᐄᑉᕈᐃᓄᑦ 5:9

ᓈᒻᒪᒃᓯᑎᑕᐅᑦᓯᐊᕋᒥᓕ ᐱᐅᓕᔭᐅᕕᒃᓴᐅᓕᕐᐳᖅ ᐃᓱᖃᖏᑦᑐᒧᑦ ᓈᓚᒃᑎᒋᔭᓕᒫᒥᓄᑦ,

ᐄᑉᕈᐃᓄᑦ 9:28

ᑍᒫᒃᑕᐅᖅ ᙭ᔅᑑᓯ, ᐊᑕᐅᓯᐊᕐᓗᓂ ᑐᓂᕐᕈᑎᒋᔭᐅᓚᐅᕐᐳᖅ ᐊᒥᓱᑦ ᐊᔪᕐᓂᖏᑦ ᐲᔭᕐᑕᐅᖁᓪᓗᒋᑦ, ᑭᖑᓪᓕᕐᒥᒡᓕ ᓴᖅᑭᑦᓱᒫᕆᕗᖅ, ᐊᔪᕐᓂᕐᒥᒃ ᐱᑦᔪᑎᖃᕈᓐᓁᕐᓗᓂ ᐱᐅᓕᓯᔭᕐᑐᓕᕐᓗᓂᓕ ᐅᑕᖅᑭᔪᓂᒃ ᑖᑦᓱᒥᖓ.

ᔪᐊᓇᓯ ᓯᕗᓪᓖᑦ 1:1

ᑖᓐᓇ ᐱᒋᐊᕐᓂᕐᒦᓚᐅᕐᑐᖅ, ᑐᓵᓯᒪᔭᕗᑦ, ᐃᔨᑦᑎᓐᓄᓪᓗ ᑕᑯᓐᓇᖃᑦᑕᓚᐅᕐᑕᕗᑦ ᐊᒡᒐᑦᑎᓐᓄᓪᓗ ᐊᒃᑐᖃᑦᑕᓚᐅᕐᑕᕗᑦ, ᐱᑕᖃᕐᐳᖅ ᐅᖃᐅᓯᕐᒥᒃ ᐃᓅᓯᕐᑕᓕᖕᒥᒃ.

ᔫᑎᐅᑉ ᐊᒡᓚᖏᑦ 1:17

ᐃᖅᑲᐅᒪᔪᒃᓴᐅᕗᓯ ᓇᒡᓕᖕᓇᕐᑐᓯ, ᐅᖃᐅᓯᐅᓯᒪᔪᓂᒃ ᐱᓛᕐᑐᓂᒃ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐋᐴᓯᑕᓕᑯᑎᖏᑎᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:10

ᓂᐱᖅᑯᕐᑐᓪᓗᑎᒡᓗ ᐅᖃᕐᐳᑦ, “ᐱᐅᓕᔭᐅᓂᖅ ᒎᑎᑦᑎᓐᓂᑦ ᐱᕗᖅ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔪᒥᑦ ᓄᕐᕋᐅᔭᕐᒥᓪᓗ!”