ᐄᑉᕈᐃᓄᑦ 2:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᒎᑎᐅᑉ ᓈᒻᒪᒋᓚᐅᕐᒪᒍ, ᑖᑦᓱᒨᓇ ᓱᓇᓕᒫᑦ ᓴᖅᑭᑎᑕᐅᓯᒪᖕᒪᑕ, ᑖᑦᓱᒪᖓᓪᓗ ᓱᓇᓕᒫᑦ ᐱᓯᒪᓪᓗᑎᒃ, ᐋᓐᓂᐊᑎᑕᐅᓂᒃᑯᑦ ᓈᒻᒪᑦᓯᐊᓕᖁᓪᓗᒍ ᕿᑐᕐᖓᐅᓕᕐᑐᓂᒃ ᐊᒥᓱᓂᒃ ᓂᕐᑐᕐᓇᕐᓂᕐᔪᐊᖓᓂᒃ ᐱᖃᑕᐅᓕᖁᓪᓗᒋᑦ.

ᐄᑉᕈᐃᓄᑦ 2:10 Iomraidhean Croise

ᒨᓯᓯ ᓯᕗᓪᓖᑦ 18:25

ᑍᒤᓕᐅᕈᒪᓂᕐᒥᒃ ᐃᓱᒪᓂᐊᕐᓇᒃ, ᐸᓯᔭᒃᓴᐅᖏᑦᑐᓂᒃ ᑐᖁᑦᓯᖃᓯᐅᑦᔨᓗᑎᑦ ᐊᔪᕐᑐᓕᔪᓄᑦ, ᐃᓱᐊᕐᑐᑦ ᐊᑦᔨᐅᓕᕐᓗᑎᒃ ᐃᓱᐃᑦᑐᓕᔪᓄᑦ! ᑕᒪᓐᓇ ᐃᓱᒪᒋᑦᑍᓕᒍᒃ! ᓄᓇᕐᔪᐊᕐᒥᐅᓄᑦ ᑕᒤᓐᓄᑦ ᐃᖅᑲᕐᑐᐃᔨ ᑍᒤᒍᓂ ᐃᓱᐊᕐᑐᒥᒃ ᐱᓂᐊᓐᖏᓚᖅ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:4

ᐊᑕᓂᐅᑉ ᓱᓇᑐᐃᓐᓁᑦ ᐱᓐᖑᕐᑎᓚᐅᕐᐰᑦ ᐊᑑᑎᒃᓴᖏᓐᓄᑦ, ᐱᐅᖏᑦᑐᑦ ᐊᒡᓛᑦ ᐊᓯᕈᕐᑕᐅᕕᒃᓴᖏᑦ ᓇᓪᓕᐅᑎᑎᑦᓱᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 43:21

ᑖᒃᑯᐊ ᐃᓄᖁᑎᓕᐊᕆᓚᐅᕋᒃᑭᑦ ᐅᕙᓐᓄᑐᐊᖅ ᐱᒋᔭᐅᖁᓪᓗᒋᑦ; ᑖᒃᑯᐊᓗ ᓂᕐᑐᕐᓇᕐᓂᕋ ᐅᖃᐅᓯᕆᔪᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 55:4

ᑕᑯᒋᑦᓯ, ᐃᓄᖕᓄᑦ ᖃᐅᔨᓯᒪᔪᖁᑎᒋᓪᓗᒍ ᓇᓗᓁᕐᓯᔨᒋᓚᐅᕐᐸᕋ, ᐊᖓᔪᖅᑳᓐᖑᕐᑎᓪᓗᒍ ᓯᕗᓕᕐᑎᐅᑎᓚᐅᕐᐸᕋ ᐃᓄᒐᓴᖕᓄᑦ.

ᕼᐆᓯᐊᑉ ᐊᒡᓚᖏᑦ 8:10

ᐃᓇᑦᓯᓚᐅᕋᓗᐊᕐᐳᑦ ᐃᓚᑖᕈᒪᓪᓗᑎᒃ ᐃᓅᖃᑎᒌᒡᔪᐊᓂᑦ, ᑲᑎᕐᓱᕐᓂᐊᕐᐸᒃᑲᓕ ᒫᓐᓇᑦᓴᐅᑎᒋᒃᑯᑦ. ᕿᒃᓵᒃᑎᑕᐅᑬᓐᓇᕈᒫᕐᐳᓪᓕ ᐊᖓᔪᖅᑳᕐᔪᐊᕐᒧᑦ ᑎᓕᔭᐅᓯᒪᔪᒧᑦ ᐊᖓᔪᖅᑳᖁᑎᖏᓐᓄᓪᓗ ᐅᖁᒤᒃᓴᕐᑎᑕᐅᓕᕈᑎᒃ.

ᒤᑲᐅᑉ ᐊᒡᓚᖏᑦ 2:13

ᐅᒃᑯᐃᕐᓯᔫᑉ ᐊᐅᓪᓚᐅᑎᓂᐊᕐᐰᑦ ᑎᒍᔭᐅᓯᒪᕕᖏᓐᓂᑦ; ᐊᐅᓪᓚᕐᓗᑎᒡᓗ ᐃᒡᓗᒐᓮᑦ ᐃᑎᕐᑕᕐᕕᐊᒍᑦ ᐊᓂᓗᑎᒃ. ᐊᖓᔪᖅᑳᕐᔪᐊᖓᑦᑕ ᐊᑕᓂᐅᑉ, ᑕᓯᐅᕐᓂᐊᕐᒪᒋᑦ.

ᒨᓯᓯ ᓯᑕᒪᖏᑦ 7:15

ᐃᓐᓇᐅᖏᑦᑐᒥᒡᓗ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᐊᑕᐅᓯᕐᒥᒡᓗ ᓰᐱᐅᑉ ᓄᕐᕋᖓᓂᒃ ᐊᖑᒻᒥᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ, ᑖᒃᑯᐊ ᐆᑕᒃᓴᐅᓪᓗᑎᒃ ᑐᓂᕐᕈᑕᐅᕗᑦ.

ᓘᑲᓯᐅᑉ ᐊᒡᓚᖏᑦ 13:32

ᔩᓱᓯᐅᑉ ᐅᖃᐅᑎᕔᑦ, “ᑎᕆᒐᓂᐊᖅ ᑍᓐᓇ ᐅᖃᐅᑎᔭᕐᑐᕐᓯᐅᒃ, ‘ᑕᑯᒋᑦ, ᐅᓪᓗᒥ ᐊᓂᕐᓂᕐᓗᖕᓂᒃ ᐊᓂᑎᑦᓯᕗᖓ ᐋᖅᑭᒃᓯᓪᓗᖓᓗ, ᖃᐅᒃᐸᑦ ᓱᓕ, ᐅᓪᓗᐃᓪᓗ ᐱᖓᔪᐊᓐᓂ ᐱᔭᕇᓂᐊᕐᐳᖓ.

ᓘᑲᓯᐅᑉ ᐊᒡᓚᖏᑦ 2:14

“ᒎᑎ ᓂᕐᑐᕐᑕᐅᓕ ᖁᑦᓯᖕᓂᕐᐹᖑᔪᖅ, ᓮᒪᓇᕐᓂᖃᕐᓗᓂᓗ ᓄᓇᕐᔪᐊᕐᒥ ᐃᓄᖕᓄᑦ, ᒎᑎᒧᑦ ᖁᕕᐊᒋᔭᐅᔪᓄᑦ!”

ᓘᑲᓯᐅᑉ ᐊᒡᓚᖏᑦ 24:26

ᖃᐅᔨᒪᓐᖏᓚᓰᒃ ᙭ᔅᑑᓯ ᑍᒫᒃ ᐃᓗᖏᕐᓱᕐᑎᑕᐅᓂᒃᑯᑦ ᐃᓂᖁᓇᕐᓂᕐᔪᐊᕐᒧᑦ ᐱᑎᑕᐅᔪᒃᓴᐅᓂᖓᓃᒃ?”

ᓘᑲᓯᐅᑉ ᐊᒡᓚᖏᑦ 24:46

ᐅᖃᐅᑎᓪᓗᒋᑦ, “ᐃᒫᒃ ᑕᕝᕙ ᑎᑎᕋᕐᓯᒪᕗᖅ, ᙭ᔅᑑᓯ ᐋᓐᓂᐊᑎᑕᐅᔭᕆᐊᖃᕐᐳᖅ ᐅᓪᓗᐃᓪᓗ ᐱᖓᔪᐊᓐᓂ ᒪᑭᑦᓴᕆᐊᖃᕐᐳᖅ ᑐᖁᖓᔪᓂᑦ,

ᔪᐊᓇᓯᐅᑉ ᐊᒡᓚᖏᑦ 11:52

ᐃᓅᖃᑎᒌᒡᔪᐊᓪᓕ ᑖᒃᑯᐊᑐᐊᖅ ᐱᓇᒋᑦ, ᒎᑎᐅᓪᓕ ᕿᑐᕐᖓᖏᑦ ᓇᒧᑐᐃᓐᓇᖅ ᓯᐊᒻᒪᕐᓯᒪᔪᑦ ᑲᑎᕐᓱᕐᑕᐅᖁᓪᓗᒋᑦ ᐊᑕᐅᓯᕐᒧᑦ.

ᔪᐊᓇᓯᐅᑉ ᐊᒡᓚᖏᑦ 19:30

ᔩᓱᓯ ᖃᓯᓕᓇᕐᑐᒥᒃ ᐃᒥᕋᒥ ᐅᖃᕐᐳᖅ, “ᐱᔭᕇᕐᐳᖅ”; ᐅᑯᓪᓗᓂᓗ ᐊᓂᕐᓇᖏᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 3:15

ᑐᖁᑕᐅᑎᑦᓯᓚᐅᕐᐳᓯ ᐃᓅᓯᕐᑖᕐᑎᑦᓯᔨᒥᒃ, ᑖᓐᓇ ᒎᑎᐅᑉ ᒪᑭᑎᓚᐅᕐᐹ ᑐᖁᒥᑦ. ᑕᒪᑐᒥᖓ ᖃᐅᔨᓯᒪᓪᓗᑕ ᓇᓗᓁᕐᓯᔨᐅᕗᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 5:31

ᒎᑎᐅᑉ ᐊᑕᓂᖑᕐᑎᓚᐅᕐᐹ ᑕᓕᕐᐱᖕᒥᓂ ᓯᕗᓕᕐᑎᖑᕐᑎᓪᓗᓂᐅᒃ ᐱᐅᓕᔨᖑᕐᑎᓪᓗᓂᐅᒡᓗ, ᐃᓴᕆᐊᓕᒥᐅᑦ ᖃᕿᐊᓕᕐᕕᒃᓴᖃᖁᓪᓗᒋᑦ ᐱᐅᖏᑦᑐᓕᓂᖏᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᓪᓗ.

ᕉᒪᒥᐅᓄᑦ 11:36

ᑖᑦᓱᒪᓐᖓᑦ ᑖᑦᓱᒨᓇᓗ ᓱᓇᓕᒫᑦ ᐱᓐᖑᕐᑎᑕᐅᓯᒪᖕᒪᑕ, ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒧᑦ. ᐋᒥᓐ.

ᕉᒪᒥᐅᓄᑦ 9:23

ᓂᕐᑐᕐᓇᕐᓂᕐᔪᐊᖓᑕ ᐊᒥᒐᖏᑦᑐᐊᓘᓂᖓ ᓇᓗᓁᕐᑕᐅᖁᓪᓗᒍ ᓂᑲᒋᔭᐅᔭᕆᐊᓕᖕᓄᑦ, ᐅᐸᓗᖕᒊᕈᑎᒋᓯᒪᔭᒥᓄᑦ ᓯᕗᓂᖓᒍᑦ ᓂᕐᑐᕐᓇᕐᓯᑎᑕᐅᓚᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:7

ᒎᑎᐅᓪᓕ ᓯᓚᑐᓂᖓ ᓇᓗᓇᕐᑐᖅ ᐃᔨᕐᓯᒪᔪᖅ ᐅᖃᐅᑎᒋᕙᕋ, ᒎᑎᐅᑉ ᐋᖅᑭᒃᓯᒪᓚᐅᕐᐹ ᓂᕐᑐᕐᓇᐅᑎᒃᓴᑦᑎᓐᓄᑦ ᐊᒡᓛᑦ ᓯᓚᕐᔪᐊᖅ ᓴᓇᔭᐅᓚᐅᖅᑳᕐᑎᓐᓇᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:6

ᐅᕙᑦᑎᓐᓄᓪᓕ ᒎᑎ ᐊᑕᐅᓯᐅᕗᖅ, ᐊᑖᑕ, ᑖᑦᓱᒪᓐᖓᑦ ᓱᓇᓕᒫᑦ ᐱᓯᒪᖕᒪᑕ, ᑖᑦᓱᒨᓇᓗ ᐃᓅᓪᓗᑕ; ᐊᑕᓂᕐᓗ ᐊᑕᐅᓯᐅᕗᖅ ᔩᓱᓯ ᙭ᔅᑑᓯ, ᑖᑦᓱᒨᓇ ᓱᓇᓕᒫᑦ ᐱᓐᖑᕐᑎᑕᐅᓯᒪᖕᒪᑕ ᑖᑦᓱᒨᓇᓗ ᐃᓅᓪᓗᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:18

ᐅᕙᒍᓪᓗ ᑕᒪᑦᑕ ᑭᓇᑦᑎᓐᓂᒃ ᒪᑐᐊᕐᓯᓯᒪᖏᑦᑐᒍᑦ, ᐊᑕᓂᐅᑉ ᓂᕐᑐᕐᓇᕐᓂᖓ ᑕᑯᒃᓴᐅᑎᑉᐸᕗᑦ, ᐊᓯᑦᔨᕐᑕᐅᓪᓗᑕᓗ ᑖᑦᓱᒪ ᑕᐅᑦᑐᖓᓄᑦ ᓂᕐᑐᕐᓇᕐᓯᕙᓪᓕᐊᑎᑦᓯᔪᒧᑦ ᐱᓐᓇᕐᓇᕐᑐᒥᑦ ᐱᓐᓇᕐᓇᕐᑐᒧᑦ; ᑕᒪᓐᓇᓗ ᐊᑕᓂᕐᒥᑦ ᐱᕗᖅ ᐊᓂᕐᓂᐅᔪᒥᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:17

ᒪᑯᐊ ᐊᑯᓂᐅᖏᑦᑐᖅ ᐅᖁᒻᒤᒃᓴᕐᑎᑕᐅᓂᕆᕙᒃᑕᕗᑦ ᐅᕙᑦᑎᓐᓂᒃ ᐅᐸᓗᖕᒊᔧᖕᒪᑕ ᐱᓐᓇᕐᓇᕐᑐᕐᔪᐊᒧᑦ ᐃᓱᖃᖏᑦᑐᒧᑦ; ᐊᑦᔨᒋᔭᐅᑎᑕᒃᓴᐅᖏᑦᑐᒧᓪᓘᓐᓃᑦ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:18

ᑕᒪᓐᓇᓕ ᑕᒪᕐᒥᒃ ᒎᑎᒥᑦ ᐱᕗᖅ, ᑖᑦᓱᒪ ᙭ᔅᑑᓯᒃᑯᑦ ᐊᓯᑦᔨᕐᐹᑎᒍᑦ ᐃᒻᒥᓄᑦ ᐃᓚᓐᓇᕆᔭᐅᓕᕐᑎᓪᓗᑕ, ᐱᔭᒃᓴᕐᑖᕐᑎᑉᐹᑎᒍᓪᓗ ᐃᓄᖕᓄᑦ ᑖᒃᑯᐊᑦᑕᐅᖅ ᒎᑎᒧᑦ ᐃᓚᓐᓇᕆᔭᐅᓕᖁᓪᓗᒋᑦ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:18

ᐃᓕᑦᓯᓐᓄᑦ ᐊᑖᑕᒋᔭᐅᓂᐊᕐᐳᖓ, ᐅᕙᖓᓕ ᐃᕐᓂᕆᓂᐊᕐᐸᑦᓯ ᐸᓂᒋᓗᓯᓗ, ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᐳᖅ.”

ᒐᓔᑎᐊᒥᐅᓄᑦ 3:26

᙭ᔅᑑᓯ ᔩᓱᓯᒃᑯ ᑕᒪᑦᓯ ᒎᑎᐅᑉ ᕿᑐᕐᖓᕆᕚᓯ, ᐅᒃᐱᕐᓂᑦᓯᒃᒍᑦ

ᐃᐱᓯᒥᐅᓄᑦ 2:7

ᑍᒤᓕᐅᓚᐅᕐᐳᕐᓕ ᓇᓪᓕᐅᑦᑐᒃᓴᒥ ᐱᔪᒫᕐᑐᒥ ᓴᖅᑭᑎᑦᓱᒪᓪᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᔪᐊᖓ ᓇᓕᖃᖏᑦᑑᑉ ᐊᒥᒐᖏᓐᓂᖓ ᓇᒡᓕᒍᓱᖕᓂᖓᑕᓗ ᓴᖅᑭᑎᑕᐅᓯᒪᓂᖓ ᙭ᔅᑑᓯ ᔩᓱᓯᒥ.

ᐃᐱᓯᒥᐅᓄᑦ 3:10

ᒫᓐᓇᐅᓕᕐᑐᒃᑯᑦ ᐅᒃᐱᕐᑑᖃᑎᒌᑎᒍᑦ, ᒎᑎᐅᑉ ᓱᓇᑐᐃᓐᓇᓕᒫᑎᒍᑦ ᓯᓚᑐᓂᕐᔪᐊᖓ ᖃᐅᔨᔭᐅᔪᓐᓇᕐᓯᖁᓪᓗᒍ ᐊᐅᓚᑦᑎᔨᐅᕙᒃᑐᓄᑦ ᐱᔪᓐᓇᕐᓂᖃᕐᑐᓄᓪᓗ ᕿᓚᖕᒥᐅᓄᑦ.

ᑯᓘᓯᐊᒥᐅᓄᑦ 3:4

᙭ᔅᑑᓯᓕ ᐃᓅᑦᔪᑎᒋᔭᓯ ᓴᖅᑭᑉᐸᑦ, ᐃᓕᑦᓯᑦᑕᐅᖅ ᓴᖅᑭᖃᑎᒋᔪᒫᕐᐸᓯ ᐱᓐᓇᕐᓇᕐᑐᕐᔪᐊᕐᒥᒃ ᐱᖃᖃᑎᒋᓗᒍ.

ᑎᒧᑎᒧᑦ ᐂᑉᐸᖏᑦ 2:10

ᑍᒤᒻᒪᑦ ᑕᒪᕐᒥᒃ ᕿᓄᐃᓵᕈᑎᒋᕙᒃᑲ ᒎᑎᐅᑉ ᓂᕈᐊᕐᓯᒪᔭᖏᑦ ᐱᑦᔪᑎᒋᓪᓗᒋᑦ, ᑖᒃᑯᐊᑦᑕᐅᖅ ᐱᐅᓕᔭᐅᔪᓐᓇᖁᓪᓗᒋᑦ ᙭ᔅᑑᓯ ᔩᓱᓯᒃᑯᑦ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᖅ ᐃᓚᒋᓗᒍ.

ᐄᑉᕈᐃᓄᑦ 12:2

ᔩᓱᓯ ᑕᑯᓐᓈᕐᓗᒍ ᐅᒃᐱᕐᓂᑦᑎᓐᓂᒃ ᐱᒋᐊᕐᑎᑦᓯᔨᐅᓪᓗᓂᓗ ᓈᒻᒪᒃᓯᑎᑦᓯᔪᖅ, ᑖᓐᓇ ᖁᕕᐊᓱᖕᓂᒃᓴᒥᓂᒃ ᑕᑯᓐᓈᕋᒥ ᓴᓐᓂᖓᔪᓕᒃ ᕿᓄᐃᓵᕐᓗᓂ ᐊᑐᓚᐅᕐᐹ, ᑲᓐᖑᓇᕐᓂᖓ ᑲᒪᒋᓇᒍ, ᒫᓐᓇᓗ ᐃᒃᓯᕙᓕᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ.

ᐄᑉᕈᐃᓄᑦ 6:20

ᑕᕝᕙᓂ ᔩᓱᓯ, ᐅᕙᑦᑎᓐᓂᒃ ᐱᑦᔪᑎᖃᕐᓗᓂ ᐃᑎᕐᓯᒪᕗᖅ, ᐅᕙᑦᑎᓐᓂᑦ ᓯᕗᓪᓕᐅᓪᓗᓂ. ᑐᓂᕐᕈᓯᕐᑎᑦᓯᔨᓄᓪᓗ ᐊᖓᔪᖅᑲᐅᓕᕐᓗᓂ ᐃᓱᖃᖏᑦᑐᒧᑦ, ᒥᓪᑭᓯᑎᐅᑉ ᑐᓂᕐᕈᓯᕐᑎᑦᓯᔨᐅᓂᖓᑐᑦ.

ᐄᑉᕈᐃᓄᑦ 7:26

ᑍᒤᑦᑐᒥᒃ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕆᔭᑦᑎᓐᓄᑦ ᑭᓐᖒᒪᒋᔭᑦᑎᓐᓂᒃ ᐱᑎᑕᐅᕗᒍᑦ ᑖᑦᓱᒧᖓ ᐃᑦᔪᕐᓁᑦᑐᒧᑦ, ᐸᓯᔭᒃᓴᐅᓂᖃᖏᑦᑐᒥᑦ, ᓴᓗᒪᑦᓯᐊᕐᑐᒥᑦ, ᐊᔪᕐᑐᓕᔪᓄᑦ ᐃᓚᒋᔭᐅᖏᑦᑐᒥᑦ, ᕿᓔᑦ ᐅᖓᑖᓄᑦ ᖁᒻᒧᐊᒃᑎᑕᐅᓯᒪᔪᒥᑦ.

ᐄᑉᕈᐃᓄᑦ 7:28

ᐱᖁᔧᑦ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕈᕐᑎᑦᓯᕙᓚᐅᕐᐳᑦ ᐃᓄᖕᓂᒃ ᓴᓐᖐᑦᑐᓂᒃ; ᒎᑎᐅᓪᓕ ᐅᖃᕕᒡᓗᓂ ᐊᖏᒻᒪᕆᒍᑎᖓ, ᐱᖁᔧᑦ ᑭᖑᓂᖓᑦᑎᒍᑦ ᐱᒋᐊᕐᑕᐅᔪᖅ, ᐃᕐᓂᕐᒥᒃ ᑎᓕᓯᓚᐅᕐᐳᖅ, ᓈᒻᒪᒃᓯᑎᑕᐅᓯᒪᔪᒥᒃ ᐃᓱᖃᖏᑦᑐᒧᑦ.

ᐲᑦᑐᕉᓯ ᓯᕗᓪᓖᑦ 1:12

ᓴᖅᑭᑎᑦᓯᕕᐅᓚᐅᕐᐳᑦ ᓇᖕᒥᓂᖅ ᐱᕙᓪᓕᕈᑎᒃᓴᒥᖕᓄᑦ ᑍᒤᓕᐅᖏᓐᓂᖏᓐᓂᒃ ᐃᓕᑦᓯᓕ ᐱᕙᓪᓕᕈᑎᒃᓴᑦᓯᓐᓄᑦ, ᒫᓐᓇ ᐃᓕᑦᓯᓐᓄᑦ ᐅᖃᐅᓯᐅᓯᒪᓕᕐᐳᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᒃᑎᓄᑦ, ᐊᓂᕐᓂᖅ ᐃᑦᔪᕐᓁᑦᑐᒃᑯᑦ ᕿᓚᖕᒥᑦ ᐱᓯᒪᔪᒃᑯᑦ. ᑕᒪᓐᓇᑦᑕᐅᖅ ᐊᒡᓛᑦ ᐂᖏᓖᓄᑦ ᑐᑭᓯᔭᐅᔪᒪᕗᖅ.

ᐲᑦᑐᕉᓯ ᓯᕗᓪᓖᑦ 5:1

ᐃᓐᓁᑦ ᐊᐅᓚᑦᓯᔩᑦ ᐃᓇᑉᐸᒃᑲ, ᐅᕙᖓᑦᑕᐅᖅ ᐊᐅᓚᑦᓯᔨᐅᖃᑕᐅᒐᒪ ᙭ᔅᑑᓯᐅᑉ ᐊᒃᓱᕈᓇᕐᑐᒦᑎᑕᐅᓚᐅᕐᓂᖓᓂᒃ ᑕᑯᖃᑕᐅᓯᒪᒐᒪ ᐱᖃᑕᐅᔪᒫᕆᕗᖓ ᓂᕐᑐᕐᓇᕐᑐᔪᐊᕐᒥ ᓴᖅᑭᕈᒫᕐᑐᒥ.

ᐲᑦᑐᕉᓯ ᓯᕗᓪᓖᑦ 5:10

ᐊᑯᓂᐅᖏᑦᑐᖅ ᐊᒃᓱᕈᖕᓇᕐᑐᔪᐊᒦᑎᑕᐅᓚᐅᕐᓗᓯ, ᒎᑎ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖃᕐᑐᑉ, ᐃᓕᑦᓯᓐᓂᒃ ᕾᖁᔨᓚᐅᕐᑑᑉ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᒧᑦ ᙭ᔅᑑᓯᒥ, ᑖᑦᓱᒪ ᓇᖕᒥᓂᖅ ᐋᖅᑭᒃᓱᕐᓂᐊᕐᐹᓯ, ᐅᒃᐱᕐᓂᒃᑯᑦ ᑐᓐᖓᕕᓕᑦᓯᐊᕐᓗᓯ, ᓴᓐᖏᔫᓕᕐᑎᓪᓗᓯᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:11

“ᓂᕐᑐᒐᒃᓴᑑᕗᑎᑦ, ᐊᑕᓂᕗᑦ ᒎᑎᕗᓪᓗ, ᐅᐱᒋᔭᒃᓴᑑᕗᑎᑦ, ᐱᔪᓐᓇᕐᓂᖃᕐᑐᑑᓪᓗᑎᓪᓗ. ᐱᓐᖑᕐᑎᑦᑎᓯᒪᒐᕕᑦ ᓱᓇᓕᒫᓂᒃ, ᐱᖁᔨᓂᒃᑯᓪᓗ ᓴᖅᑭᓯᒪᕗᑦ ᐱᓐᖑᕐᑎᑕᐅᓪᓗᑎᒡᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:9

ᑕᒪᑐᒪ ᑭᖑᕐᖓᒍᑦ ᑕᑯᓕᕆᕗᖓ, ᑕᑯᒋᑦ, ᐃᓄᒋᐊᒃᑐᕐᔪᐊᓂᒃ ᑭᓇᒧᓪᓘᓐᓃᑦ ᓈᓴᕐᑕᐅᔪᓐᓇᖏᑦᑐᓂᒃ, ᐃᓅᖃᑎᒌᒡᔪᐊᓂᑦ ᐊᑦᔨᒌᖏᑦᑐᓂᑦ ᐱᓯᒪᔪᓂᒃ, ᑭᖑᕚᕇᓕᒫᓂᑦ ᓄᓇᖃᑎᒌᒡᔪᐊᓂᑦ ᐅᖃᐅᓯᖃᖃᑎᒌᖏᑦᑐᓂᓪᓗ, ᐃᒃᓯᕙᐅᑕᕐᔪᐊᑉ ᓄᕐᕋᐅᔭᐅᓪᓗ ᓵᖓᓂ ᓇᖏᕐᐳᑦ, ᐊᓐᓄᕌᕐᓯᒪᔪᑦ ᖃᑯᕐᑕᓂᒃ ᑕᑭᔪᓂᒃ, ᑎᒍᒥᐊᕐᓗᑎᒃ ᓇᐹᕐᑐᐃᑦ ᐊᕙᓚᖓᔪᖏᓐᓂᒃ ᐹᒥᓂᒃ.