ᐄᑉᕈᐃᓄᑦ 13:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑕᒻᒪᕐᑎᑕᐅᑦᑍᓕᒋᑦᓯ ᐊᔪᕆᕐᑑᓯᕐᓄᑦ ᖃᓄᐃᑦᑐᑐᐃᓐᓇᕐᓄᑦ ᐊᑦᔨᐅᖏᑦᑐᓄᓪᓗ; ᐱᐅᔪᒻᒪᕆᐅᕗᖅ ᐃᓗᒃᑯᑦ ᓲᖑᑎᑕᐅᓂᕐᒥᒃ ᐱᓯᒪᓗᓂ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ, ᓂᕿᓄᑦ ᐱᓇᓂ, ᓂᕿᓄᑦ ᒪᓕᒐᒃᓴᓂᒃ ᒪᓕᒃᑑᒐᓗᐊᑦ ᐃᑲᔪᕐᑕᐅᓯᒪᖏᒻᒪᑕ.

ᐄᑉᕈᐃᓄᑦ 13:9 Iomraidhean Croise

ᐃᓐᖏᕈᑎᑦ 112:8

ᑖᑦᓱᒪ ᐆᒻᒪᑎᖓ ᐋᖅᑭᒌᕐᓯᒪᖕᒪᑦ, ᓯᕘᕋᓂᐊᓐᖏᓚᖅ, ᑕᑯᓚᐅᖅᑳᕋᓂ ᐆᒥᒋᔨᖏᑕ ᓵᓚᒋᔭᐅᓂᖏᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 24:24

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᑦᓱᒫᕐᒪᑕ; ᐊᖏᔪᓂᒃ ᑲᒪᓇᕐᑐᓕᖃᑦᑕᕐᓗᑎᒃ ᓇᓗᓁᒃᑯᑕᕐᓂᒡᓗ ᓴᖅᑭᔮᕐᑎᑦᓯᖃᑦᑕᕈᒫᕐᒪᑕ, ᑕᒻᒪᕐᑎᑦᓯᓇᓱᐊᕐᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 24:4

ᔩᓱᓯᐅᑉ ᑭᐅᕔᑦ, “ᖃᐅᔨᓴᑦᓯᐊᖃᑦᑕᕆᑦᓯ, ᑕᒻᒪᕐᑎᑕᐅᖁᓇᓯ ᓇᓪᓕᐊᓐᓄᑦ.

ᓘᑲᓯᐅᑉ ᐊᒡᓚᖏᑦ 5:38

ᐅᐂᓂᓕ ᓄᑖᖅ ᐊᒥᕐᒧᑦ ᓄᑖᒧᑦ ᐃᒻᒥᕐᓲᑎᔭᐅᔪᒃᓴᐅᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 20:30

ᐃᓄᒃᑕᖃᓕᕈᒫᕐᒪᑦ ᐊᑯᓐᓇᑦᓯᓐᓂᑦ ᐱᔪᓂᒃ ᓱᓕᖏᑦᑐᒥᒃ ᐊᔪᕆᕐᑐᐃᖃᑦᑕᕐᑐᓂᒃ, ᒪᓕᒃᑎᑖᕋᓱᐊᕐᓗᑎᒃ ᐃᓕᓐᓂᐊᕐᑎᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 20:32

“ᒫᓐᓇ ᒎᑎᒧᑦ ᑐᓂᓕᕐᐸᑦᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐊᔪᕆᕐᑐᐃᑦᔪᑕᐅᓂᖓᓄᑦ ᑕᒪᑐᒧᖓ ᐱᔪᓐᓇᕐᓯᕙᓪᓕᐊᑎᑕᐅᔪᓐᓇᕋᑦᓯ ᑭᖑᕐᖑᑎᔭᒃᓴᒥᒡᓗ ᑐᓂᓯᕕᒋᔪᓐᓇᕐᐹᓯ ᒎᑎᐅᑉ ᐃᓄᖁᑎᓕᒫᒥᓄᑦ ᐊᖏᕈᑎᒋᓯᒪᔭᒥᓂᒃ.

ᕉᒪᒥᐅᓄᑦ 14:17

ᒎᑎᐅᑉ ᐊᑕᓂᐅᕕᖓ ᓂᕆᓂᕐᒥᒃ ᐃᒥᕐᓂᕐᒥᒡᓘᓐᓃᑦ ᐱᑦᔪᑎᖃᖏᒻᒪᑦ; ᐱᑦᔪᑎᖃᕐᐳᕐᓕ ᐃᓗᐊᕐᓯᑎᑕᐅᓂᕐᒥᒃ ᐃᓱᒪᔮᖏᓐᓂᕐᒥᒃ ᖁᕕᐊᓱᖕᓂᕐᒥᒡᓗ ᐊᓂᕐᓂᕐᒥ ᐃᑦᔪᕐᓁᑦᑐᒥ,

ᕉᒪᒥᐅᓄᑦ 14:2

ᐅᒃᐱᕐᑐᖅ ᓱᓇᑐᐃᓐᓇᕐᒥᒃ ᓂᕆᔪᓐᓇᕋᓗᐊᕐᐳᖅ, ᐅᒃᐱᕐᓂᕐᒥᓕ ᓴᓐᖐᑦᑐᖅ ᐱᕈᕐᑐᕕᓂᕐᓂᒃ ᑭᓯᐊᓂ ᓂᕆᕗᖅ.

ᕉᒪᒥᐅᓄᑦ 14:6

ᐅᓪᓗᒥᒃ ᓇᓪᓕᐊᓐᓂᒃ ᐱᓪᓚᕆᐅᓂᕐᓴᐅᓇᓱᒋᒃᓯᕐᑐᖅ, ᐊᑕᓂᖅ ᐅᐱᒋᓗᒍ ᑍᒤᑦᑐᒃᓴᐅᕗᖅ. ᓂᕆᔪᖅ, ᐊᑕᓂᖅ ᐅᐱᒋᓗᒍ ᓂᕆᔪᒃᓴᐅᕗᖅ, ᒎᑎᒧᑦ ᖁᔭᓕᑦᔪᑎᒋᖕᒪᒋᑦ; ᓂᕆᖏᑦᑐᕐᓗ, ᐊᑕᓂᖅ ᐅᐱᒋᓗᒍ ᓂᕆᔪᒃᓴᐅᓐᖏᓚᖅ ᒎᑎᒧᓪᓗ ᖁᔭᓕᓗᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:13

ᓂᕿ ᐊᕿᐊᕈᕐᒧᑦ ᑐᕌᖓᖕᒪᑦ, ᐊᕿᐊᕈᕐᓗ ᓂᕿᒧᑦ ᑐᕌᖓᒋᓪᓗᓂ, ᒎᑎᐅᓪᓗ ᑕᒪᒃᑯᐊ ᑕᒪᕐᒥᒃ ᐊᑐᕈᓐᓃᕐᑎᑦᓱᒫᕐᐰᑦ. ᑎᒥ ᐊᕐᓇᕐᓂᐊᕐᓂᕐᒧᑦ ᐊᖑᓐᓂᐊᕐᓂᕐᒧᓪᓗ ᑐᕌᖓᖏᒻᒪᑦ, ᐊᑕᓂᕐᒧᓪᓕ ᐱᔨᑦᓯᕐᑐᒃᓴᓕᐊᕆᓯᒪᕗᖅ, ᐊᑕᓂᕐᓗ ᑎᒥᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:8

ᓂᕿᒧᓪᓕ ᒎᑎᒧᑦ ᖃᒡᓕᕚᓪᓕᕐᑎᑕᐅᓐᖏᓚᒍᑦ; ᐊᓯᐅᔨᕚᓪᓕᕐᓂᐊᓐᖏᓚᒍᓪᓗ ᓂᕆᖏᒃᑲᓗᐊᕈᑦᑕ, ᐱᐅᓯᕚᓪᓕᑦᔮᓇᑕᓗ ᓂᕆᒐᓗᐊᕈᑦᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:21

ᒎᑎᓕ ᑕᕝᕙ ᐃᓕᑦᓯᓐᓂᒃ ᐅᕙᑦᑎᓐᓂᒡᓗ ᐋᖅᑭᒃᓯᓯᒪᕗᖅ ᙭ᔅᑑᓯᒃᑯᑦ; ᑖᑦᓱᒪᓗ ᑕᕝᕙ ᐅᓱᕐᑎᓚᐅᕐᐹᑎᒍᑦ;

ᒐᓔᑎᐊᒥᐅᓄᑦ 6:1

ᐅᒃᐱᕐᑑᖃᑎᒃᑲ, ᑕᒻᒪᕐᓂᕐᒧᑦ ᓵᓚᐅᔪᖃᕐᐸᑦ, ᐅᒃᐱᕐᓂᖃᑦᓯᐊᕐᑐᓯᒍᑦ ᐋᖅᑭᓱᒐᒃᓴᕆᕙᓯ ᐊᓂᕐᓂᒃᑯᑦ ᓂᖃᒋᓗᒍ ᓱᐊᖓᑐᐃᓐᓇᖏᓪᓗᒍ. ᓇᖕᒥᓂᕐᓗ ᖃᐅᔨᓴᑦᓯᐊᕐᓗᑎᑦ, ᐱᐅᓐᖏᑐᒧᑦ ᐱᔪᒥᓵᕐᑕᐅᓕᖁᓇᑎᑦᑕᐅᖅ ᑍᒤᑦᑐᒧᑦ.

ᐃᐱᓯᒥᐅᓄᑦ 4:14

ᓱᕈᓯᐅᔪᓐᓁᖁᓪᓗᑕ, ᒪᓕᖕᒧᑦ ᐊᐅᓚᑕᐅᔪᑎᑐᑦ ᐊᓄᕆᐅᓪᓗ ᓴᕿᖃᑦᑕᕐᓂᖓᓂᒃ ᒪᓕᑐᐃᓐᓇᕐᑐᑎᑐᑦ, ᑕᕝᕙ ᐊᔪᕆᕐᑑᓯᕐᓄᑦ ᓯᓔᕐᕆᒃᓯᔪᓄᑦ, ᑕᒻᒪᕐᑎᑦᓯᔪᓄᑦ ᑕᑯᒃᓴᐅᔪᒃᑯᑦ ᓱᓕᔫᔮᕐᓗᑎᒃ ᐱᓇᓱᐊᖃᑦᑕᕐᑐᓄᑦ.

ᐃᐱᓯᒥᐅᓄᑦ 5:6

ᑭᓇᒃᑯᑐᐃᓐᓇᕐᓄᑦ ᓯᓔᕐᕆᔭᐅᓂᐊᕋᓯ ᐅᖃᐅᓯᕐᓄᑦ ᓱᓕᖏᑦᑐᓄᑦ, ᑍᒤᑦᑐᑦ ᐱᓪᓗᒋᑦ ᒎᑎᐅᑉ ᓂᓐᖓᐅᓯᖓ ᑎᑭᓐᓂᐊᕐᒪᑦ ᑖᑦᓱᒥᖓ ᓈᓚᖏᑦᑐᓄᑦ.

ᑯᓘᓯᐊᒥᐅᓄᑦ 2:4

ᐅᖃᐅᑎᕙᑦᓯ ᑭᓇᒧᓪᓘᓐᓃᑦ ᓯᓔᕐᕆᔭᐅᖁᓇᓯ ᐅᖃᐅᓯᕐᓄᑦ ᑲᔪᖏᕐᓮᔪᓄᑦ, ᓱᓕᔫᔮᕋᓗᐊᕐᐸᑕ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:17

ᑖᑦᓱᒪ ᓮᒻᒪᕐᑎᓪᓕᓯ ᐆᒻᒪᑎᑦᓯᒍᑦ ᐱᐅᔪᒥᒡᓗ ᐱᓂᐊᕐᓂᖃᕈᓐᓇᕐᓯᑎᓪᓕᓯ ᐅᖃᕈᓐᓇᕐᓯᑎᓪᓗᓯᓗ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:2

ᐅᐃᒪᔮᕐᑎᑕᐅᖁᓇᓯ ᑲᑉᐱᐊᓱᖁᓇᓯᓗ ᐊᑕᓂᐅᑉ ᐅᓪᓗᖓ ᓇᓪᓕᐅᑎᔭᕇᕐᓯᒪᓂᕋᕐᑕᐅᑎᓪᓗᒍ, ᐅᕙᒍᓪᓗ ᐅᖃᕐᓯᒪᓂᕋᕐᑕᐅᒍᑦᑕ ᒎᑎᒧᑦ ᐅᖃᐅᓯᐅᖁᔭᐅᔪᓂᒃ ᐅᖃᓪᓚᖕᓂᑦᑎᒍᓪᓘᓐᓃᑦ ᐊᔪᕆᕐᑐᐃᓂᑦᑎᒍᓪᓘᓐᓃᑦ, ᑎᑎᖅᑲᑎᒍᓪᓘᓐᓃᑦ.

ᑎᒧᑎᒧᑦ ᓯᕗᓪᓖᑦ 6:20

ᑎᒧᑏ, ᐃᓕᖕᓄᑦ ᐱᓯᒪᖁᔭᐅᓯᒪᔪᖅ ᐱᓯᒪᑦᓯᐊᕈᒃ. ᐅᖄᕈᓘᔭᕐᓃᑦ ᓯᓔᑦᑐᑦ ᖃᐅᔨᒪᓂᐅᓂᕋᕐᑕᐅᔪᕐᓗ ᓱᓕᖏᑦᑐᖅ ᐃᓚᐅᕕᒋᖏᓪᓗᒍ,

ᔪᐊᓇᓯ ᓯᕗᓪᓖᑦ 4:1

ᓇᒡᓕᒋᔭᒃᑲ, ᐊᓂᕐᓃᑦ ᑕᒪᕐᒥᒃ ᐅᒃᐱᕆᓂᐊᕋᓯᒋᒃ, ᐊᓂᕐᓃᓪᓕ ᐆᒃᑐᕐᓯᒋᒃ ᒎᑎᒥᑦ ᐱᖕᒪᖔᑕ; ᐊᒥᓱᑦ ᓇᓚᐅᑍᔫᓐᖑᐊᕐᑐᑦ ᓇᒧᑐᐃᓐᓇᖅ ᐂᓯᒪᖕᒪᑕ ᓯᓚᕐᔪᐊᕐᒧᑦ.

ᔫᑎᐅᑉ ᐊᒡᓚᖏᑦ 1:12

ᐃᓅᖃᑎᒌᑦᓯᐊᕐᓂᖅ ᐱᓪᓗᒍ ᓂᕆᕕᒃᔪᐊᖃᑎᒌᖕᓂᑦᓯᓂ ᐱᓐᖏᑦᓯᕐᑐᕐᓗᑎᒃ ᐱᖃᑕᐅᕗᑦ ᓱᕅᔪᒪᓪᓗᑎᒃ ᐃᓕᑦᓯᓐᓂᒃ, ᐃᒻᒥᖕᓂᑐᐊᖅ ᐃᓱᒪᒋᕗᑦ; ᓄᕗᔭᑎᑐᑦ ᓯᓚᓗᒃᑎᑦᓯᔪᓐᓇᖏᑦᑐᑎᑐᑦ ᐊᓄᕆᒧᑦ ᐃᖏᕐᕋᔪᑎᑐᑦ ᑍᒤᑉᐳᑦ; ᓇᐹᕐᑐᑎᑐᑦ ᐱᕈᕐᑐᖃᖏᑦᑐᑎᑐᑦ ᐅᑭᐊᒃᓵᖑᓕᕐᑎᓪᓗᒍ, ᓇᐹᕐᑐᑦ ᐊᒫᖏᑎᒍᑦ ᐲᕐᑕᐅᓯᒪᔪᑎᑐᑦ, ᑐᖁᖓᓪᓚᕆᒃᐳᑦ.

ᔫᑎᐅᑉ ᐊᒡᓚᖏᑦ 1:3

ᓇᒡᓕᖕᓇᕐᑐᓯ, ᑎᑎᕋᐅᓯᖃᕈᒪᓯᒪᒐᒪ ᐱᐅᓕᔭᐅᓯᒪᖃᑎᒌᖕᓂᑦᑎᓐᓂᒃ, ᐱᔭᕆᐊᖃᓪᓚᕆᒐᓱᒋᒐᒪ ᑎᑎᕋᕐᕕᒋᓗᓯ ᑕᒪᒃᑯᓂᖓ ᑲᔪᖏᕐᓴᕐᓗᓯ ᐅᒃᐱᕐᓂᒃᑯᑦ ᐃᑦᔪᕐᓁᑎᑕᐅᔪᓄᑦ ᑐᓂᔭᐅᓯᒪᔪᖅ ᑲᔪᓯᑦᔪᑎᒋᑦᓯᐊᕐᓗᒍ ᓯᕐᓂᒋᓗᒍᓗ ᐱᖁᓪᓗᓯ.