8 ᔩᓱᓯ ᙭ᔅᑑᓯ ᐊᓯᑦᔨᓚᐅᕐᓯᒪᓐᖏᓚᖅ ᐃᑉᐸᒃᓴᖅ ᐅᓪᓗᒥᓗ ᐃᓱᖃᖏᑦᑐᒧᓪᓗ.
ᑭᖑᓂᖓᒍᓪᓗ ᐂᑉᕋᕼᐋᒻ ᓇᐹᕐᑐᒃᓴᒥᒃ ᑕᒪᕆᔅᑭᒥᒃ ᐊᑎᓕᖕᒥᒃ ᓇᑉᐸᕐᓯᕗᖅ ᐱᐊᕐᓯᐸᒥ, ᐊᑕᓂᕐᓗ ᑕᕝᕙᓂ ᑐᒃᓯᐊᕐᕕᒋᕚ, ᒎᑎᐅᔪᖅ ᐃᓱᖃᖏᑦᑐᒧᑦ.
ᐊᑕᓂᐅᓪᓕ ᓇᒡᓕᖕᓂᖓ ᓄᖑᓐᓂᐊᖏᑦᑐᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑐᕌᕐᐳᖅ ᓯᕘᕋᒋᔭᖃᕐᑐᓄᑦ ᑖᑦᓱᒥᖓ, ᐃᓱᐊᕐᑐᓕᓂᖓᓗ ᕿᑐᕐᖓᖏᑕ ᕿᑐᕐᖓᖏᓐᓄᑦ.
ᖃᖅᑬᑦ ᓴᖅᑭᓚᐅᖅᑳᕐᑎᓐᓇᒋᑦ, ᐅᕝᕙᓗ ᓄᓇᕐᔪᐊᖅ ᓯᓚᕐᔪᐊᕐᓗ ᐱᓐᖑᕐᑎᑕᐅᓚᐅᖅᑳᕐᑎᓐᓇᒋᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᒎᑏ ᒎᑎᐅᕗᑎᑦ.
ᐊᕐᕌᒍᑦ 1,000 ᐃᕝᕕᑦ ᓵᖓᓂ ᐃᑉᐸᒃᓴᑎᑐᑦ ᐊᓂᒍᓚᐅᕐᑐᑎᑐᑦ ᑍᒤᑉᐳᑦ, ᐅᕝᕙᓗ ᐅᓐᓄᐊᑐᑦ ᐊᑕᐅᓯᕐᑐᑦ.
ᒎᑎ ᒨᓯᓯᒧᑦ ᐅᖃᕐᐳᖅ, “ᐅᕙᖓᐅᕗᖓ ᐊᓯᖃᖏᑦᑐᖅ; ᑍᒫᒃ ᐃᓴᕆᐊᓕᒥᐅᑦ ᐅᖃᐅᑎᓂᐊᕐᐸᑎᑦ ᑖᑦᓱᒪ ᑍᔭᐅᔫᑉ ᐅᕙᖓᐅᔪᒥᒃ ᑖᑦᓱᒪ ᑎᓕᕚᖓ ᐃᓕᑦᓯᓐᓄᑦ.”
ᑭᓇ ᑍᒤᓕᐅᓚᐅᕐᐸ, ᕾᖁᔨᓪᓗᓂ ᑭᖑᕚᕇᓂᒃ ᐱᒋᐊᕐᓂᖓᓂᑦ? ᐅᕙᖓᐅᕗᖅ, ᐊᑕᓂᖅ, ᓯᕗᓪᓕᕐᐸᐅᕗᖓ ᑭᖑᓪᓕᕐᐸᐅᓪᓗᖓᓗ; ᑖᓐᓇᐅᕗᖓ.
ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ, ᓴᐳᑦᔨᔨᒋᓪᓗᒍᓗ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ: ‘ᓯᕗᓪᓕᕐᐸᐅᕗᖓ ᑭᖑᓪᓕᕐᐸᐅᓪᓗᖓᓗ; ᐊᓯᓐᓂᒃ ᒎᑎᑕᖃᓐᖏᓚᖅ.
“ᐅᕙᖓ ᐊᑕᓂᖅ ᐊᓯᑦᔨᕐᓂᐊᓐᖏᓚᖓ; ᑍᒤᒻᒪᑦ, ᔧᑰᑉ ᑭᖑᕚᖏᑦ, ᓄᖑᑕᐅᓯᒪᓐᖏᓚᓯ.
ᒎᑎᐅᑉ ᐃᕐᓂᖓ, ᔩᓱᓯ ᙭ᔅᑑᓯ, ᓮᓚᓯᐅᓪᓗ ᑎᒧᑎᐅᓪᓗ ᐅᕙᖓᓗ ᐃᓕᑦᓯᓐᓄᑦ ᐊᔪᕆᕐᑐᐃᑦᔪᑎᒋᔭᕗᑦ, ᐊᑕᐅᑦᓯᒃᑯᑦ ᐊᖏᕐᓂᐅᓗᓂᓗ ᐊᖏᖏᓐᓂᐅᓗᓂᓗ ᐱᓐᖏᓚᖅ, ᑖᑦᓱᒪᓂᓕ ᑍᒪᓐᖓᑦ ᐊᖏᕐᓂᐅᕗᖅ.
ᑖᑦᓱᒪᓂ ᒎᑎᐅᑉ ᐊᖏᕈᑎᒋᓯᒪᔭᓕᒫᖏᑦ ᐊᖏᕐᓂᐅᕗᑦ, ᑖᑦᓱᒨᓇ ᑕᕝᕙ “ᐋᒦᓐᕈᓐᓇᕐᐳᒍᑦ”, ᒎᑎᐅᑉ ᓂᕐᑐᕐᑕᐅᑦᔪᑎᒃᓴᖓᓄᑦ.
ᐅᓕᒡᔪᐊᑎᑐᑦ ᐃᒧᔪᒫᕐᐸᑎᑦ, ᑕᕝᕙ ᐊᓯᑦᔨᕐᕈᒫᕐᐳᑦ. ᐃᕝᕕᓪᓕ ᑖᓐᓇᐅᑦᓮᓐᓇᕐᐳᑎᑦ, ᐊᕐᕌᒍᑎᓪᓗ ᐃᓱᓕᓐᓂᐊᓐᖏᓚᑦ.”
ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.
ᒎᑎᑐᐊᒧᑦ, ᐱᐅᓕᔨᑦᑎᒍᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ, ᑖᓐᓇ ᐱᖃᕐᑐᖅ ᓂᕐᑐᕐᑕᐅᓂᕐᒥᒃ, ᐅᐱᒋᔭᐅᓂᕐᒥᒃ, ᐊᖓᔪᖅᑲᐅᓂᕐᒥᒃ, ᐱᔪᓐᓇᕐᓂᕐᒥᒡᓗ, ᓲᕐᓗ ᐱᒋᐊᕐᓂᕐᒥᑦ ᑍᒤᓚᐅᕐᒪᑦ ᑍᒤᒻᒪᓗ ᒫᓐᓇ ᑍᒤᖏᓐᓇᕐᓂᐊᕐᒪᓪᓗ ᐃᓱᖃᖏᑦᑐᒧᑦ. ᐋᒦᓐ.
ᐅᖃᕐᓗᓂ, “ᑕᑯᔭᕐᓂᒃ ᑎᑎᕋᕆᑦ ᑎᑎᕋᕐᑕᑎᓪᓗ ᐊᐅᓪᓚᕐᑎᓪᓗᒋᑦ ᐅᒃᐱᕐᑑᖃᑎᒌᒃᑐᓄᑦ 7ᓄᑦ, ᐃᐱᓲᓯᒧᑦ ᓯᒨᕐᓇᒧᓪᓗ ᐴᕐᒐᒪᒻᒧᓪᓗ ᑍᐊᑍᕋᒧᓪᓗ ᓵᕐᑏᓯᒧᓪᓗ ᐱᓚᑕᐅᓪᕕᐊᒧᓪᓗ ᓚᐅᑏᓯᐊᒧᓪᓗ.”
ᔪᐊᓇᓯᒥᑦ ᐅᒃᐱᕐᑑᖃᑎᒌᓄᑦ 7ᓄᑦ ᐂᓯᐊᒦᑦᑐᓄᑦ: ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓕᓯ ᒫᓐᓇ ᑍᒤᓕᖓᔪᖅ, ᑍᒤᓚᐅᕐᑐᖅ, ᐱᔪᒫᕐᑐᒥᓗ ᑍᒤᓱᒫᕐᒥᔪᖅ, ᐊᓂᕐᓂᕐᓂᓪᓗ 7ᓂᑦ ᐃᒃᓯᕙᐅᑕᕐᔪᐊᖓᑕ ᓵᖓᓃᑦᑐᓂᑦ,
“ᐋᓪᐸᐅᕗᖓ ᐅᒥᒐᐅᓪᓗᖓᓗ,” ᐱᒋᐊᕐᓂᐅᕗᖓ ᑭᖑᓪᓕᕐᐸᐅᓪᓗᖓᓗ, ᐊᑕᓂᖅ ᒎᑎ ᐅᖃᕐᐳᖅ, ᒫᓐᓇ ᑍᒤᑦᑐᖅ ᑍᒤᓚᐅᕐᑐᕐᓗ ᑍᒤᖏᓐᓇᕐᓂᐊᕐᑐᕐᓗ ᐊᔪᒐᖃᖏᑦᑐᖅ.
