ᐄᑉᕈᐃᓄᑦ 13:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑍᒤᒻᒪᑦ ᖁᓚᖏᓪᓗᑕ ᐅᖃᕈᓐᓇᕐᐳᒍᑦ, “ᐊᑕᓂᖅ ᐃᑲᔪᕐᑎᒋᒐᒃᑯ, ᐃᕐᓯᓂᐊᓐᖏᓚᖓ; ᐃᓄᖕᓄᑦ ᖃᓄᐃᓕᐅᕐᑕᐅᔪᓐᓇᕐᓂᐊᖏᓚᖓ.”

ᐄᑉᕈᐃᓄᑦ 13:6 Iomraidhean Croise

ᒨᓯᓯ ᓯᕗᓪᓖᑦ 15:1

ᑕᒪᑐᒪᓗ ᑭᖑᓂᖓᒎᓕᕐᑐᖅ ᐊᑕᓂᐅᑉ ᐅᖃᐅᓯᖓ ᐂᑉᕋᒻᒧᑦ ᑎᑭᑉᐳᖅ ᑕᑯᑎᑕᐅᓂᒃᑯᑦ, ᐅᖃᕐᓗᓂ, “ᑲᑉᐱᐊᓱᖕᓇᒃ ᐂᑉᕋᒻ ᓴᐴᓗᑕᕆᕙᕐᒪ; ᐊᑭᓕᕐᑕᐅᓃᑦ ᐊᖏᔪᕐᔪᐊᖑᔪᒫᕐᐳᖅ.”

ᐊᑕᓃᑦ ᓯᕗᓪᓖᑦ 17:8

ᐊᑕᓂᐅᑉ ᐅᖃᐅᓯᖓᓄᑦ ᑎᑭᑕᐅᕗᖅ, ᐅᖃᕐᓗᓂ,

ᐃᓐᖏᕈᑎᑦ 124:8

ᐃᑲᔪᕐᑕᐅᓂᕗᑦ ᐊᑕᓂᐅᑉ ᐊᑎᖓᓃᑉᐳᖅ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑐᒥ.

ᐃᓐᖏᕈᑎᑦ 146:3

ᐊᖓᔪᖅᑳᕐᔪᐊᑦ ᑕᑎᑐᐊᕆᓂᐊᕐᓇᒋᑦ, ᐃᓄᑐᐃᓐᓁᓪᓗ, ᑖᒃᑯᐊ ᐃᑲᔪᕈᓐᓇᖏᒻᒪᑕ.

ᐃᓐᖏᕈᑎᑦ 27:9

ᑮᓁᑦ ᐊᓚᐅᒪᑎᓐᓂᐊᕐᓇᒍ ᐅᕙᓐᓂᑦ! ᐱᔩᑦ ᐊᔭᒃᑐᕐᓂᐊᕐᓇᒍ ᓂᓐᖓᐅᒪᓂᕐᒧᑦ; ᐃᑲᔪᕐᑎᒋᖃᑦᑕᕐᓯᒪᒐᒃᑭᑦ. ᓇᕐᕈᒋᓕᕐᓂᐊᕐᓇᖓ, ᕿᒪᖕᓂᐊᕐᓇᖓᓗ, ᒎᑏᒃ ᐱᐅᓕᔨᒋᒐᒃᑭᑦ!

ᐃᓐᖏᕈᑎᑦ 33:20

ᑕᕐᓂᕗᑦ ᐅᑕᖅᑭᕗᑦ ᐊᑕᓂᕐᒥᒃ; ᐃᑲᔪᕐᑎᒋᒐᑦᑎᒍ ᓴᐴᓗᑕᕆᓪᓗᒍᓗ.

ᐃᓐᖏᕈᑎᑦ 40:17

ᐊᔪᕐᓴᕐᑑᕗᖓᓕ ᐃᑲᔪᕐᑕᐅᔭᕆᐊᖃᕐᓗᖓᓗ; ᓱᓕᓕ ᐊᑕᓂᐅᑉ ᐃᓱᒪᒋᕚᖓ. ᐃᑲᔪᕐᑎᒋᕙᒋᑦ ᓴᐳᑦᔨᔨᒋᓪᓗᑎᓪᓗ; ᒎᑏᒃ, ᐃᑲᔪᕐᓇᓵᕐᓂᐊᕐᓇᖓ.

ᐃᓐᖏᕈᑎᑦ 54:4

ᓱᓕᔪᒥᒃ, ᒎᑎ ᐃᑲᔪᕐᑎᒋᕙᕋ; ᐊᑕᓂᖅ ᐃᓅᓯᓐᓂᒃ ᒪᑭᑕᑎᑦᓯᔨᐅᕗᖅ.

ᐃᓐᖏᕈᑎᑦ 56:4

ᒎᑎᐅᑉ, ᑖᑦᓱᒪ ᐅᖃᐅᓯᖓ ᓂᕐᑐᕐᐸᕋ, ᒎᑎ ᑕᑎᒋᒐᒃᑯ ᑲᑉᐱᐊᓱᖕᓂᐊᓐᖏᓚᖓ. ᐃᓅᑉ ᑎᒥᖃᕐᑑᑉ ᖃᓄᐃᓕᐅᕈᓐᓇᕐᐹᖓ?

ᐃᓐᖏᕈᑎᑦ 63:7

ᐃᑲᔪᕐᑎᒋᖃᑦᑕᕐᓯᒪᒐᒃᑭᑦ, ᐃᓴᕈᕐᐱᓪᓗ ᑕᕐᕋᓕᓂᖓᓂ ᖁᕕᐊᓱᒃᓗᖓ ᐃᓐᖏᕐᓂᐊᕐᐳᖓ.

ᐃᓐᖏᕈᑎᑦ 94:17

ᐊᑕᓂᖅ ᐅᕙᓐᓂᒃ ᐃᑲᔪᕐᓯᒪᖏᑉᐸᑦ, ᑕᕝᕙ ᑕᕐᓂᕋ ᐃᓂᖃᓕᕋᔭᕐᐳᖅ ᓂᐱᖃᖏᑦᑐᑦ ᓄᓇᖓᓐᓂ.

ᒨᓯᓯ ᐂᑉᐸᖏᑦ 18:4

ᐂᑉᐸᖓᑕᓕ ᐊᑎᖓ ᐃᓕᓵᐅᕗᖅ, (ᐃᓔᓯᕆᒥᒃ ᐊᑦᑎᕋᒥᐅᒃ ᒨᓯᓯ ᐅᖃᓚᐅᕐᐳᖅ, “ᓯᕗᓕᕆᓚᐅᕐᑕᒪ ᒎᑎᖓ ᐃᑲᔪᕐᑎᒋᕙᕋ, ᑖᑦᓱᒪᓗ ᓴᐳᑎᓪᓗᖓ ᐰᕉᑉ ᓴᕕᒃᔪᐊᖓᓂᑦ”).

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 41:14

ᑲᑉᐱᐊᓱᒃᑍᓕᒋᑦ ᓱᓇᐅᔪᕆᖏᓐᓂᕐᒧᑦ ᓴᓐᖐᑦᑑᒐᓗᐊᕈᕕᑦ ᔧᑰᑉ ᑭᖑᕚᖓ, ᐃᓕᑦᓯ ᐃᓴᕆᐊᓕᐅᑉ ᐃᓄᖏᑦ! ᐅᕙᖓ ᐃᑲᔪᕐᓂᐊᕐᐸᑦᓯ, ᐊᑕᓂᖅ ᐅᖃᕐᐳᖅ; ᓴᐳᑦᔨᔨᓯ ᑖᓐᓇ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᒫᑎᐅᓯᐅᑉ ᐊᒡᓚᖏᑦ 10:28

ᓯᕘᕋᒋᓂᐊᕋᓯᒋᒃ ᑎᒥᒥᒃ ᑐᖁᑦᓯᔪᑦ ᑕᕐᓂᕐᒥᒡᓕ ᑐᖁᑦᓯᔪᓐᓇᖏᑦᑐᑦ; ᓯᕘᕋᒋᓯᐅᒃᓕ, ᑕᒤᓐᓂᒃ ᐊᓯᕈᐃᔪᓐᓇᕐᑐᖅ ᑎᒥᒥᒃ ᑕᕐᓂᕐᒥᒡᓗ ᐃᑯᒪᕐᔪᐊᕐᒥ.

ᕉᒪᒥᐅᓄᑦ 8:31

ᑕᒪᑐᒧᖓ ᑕᕝᕙ ᖃᓄᖅ ᐅᖃᕐᑐᒃᓴᐅᓕᕐᐱᑖ? ᒎᑎᐅᑉ ᐃᓚᒋᒃᐸᑎᒍᑦ, ᑭᐊ ᐊᑭᕋᕐᑐᕈᓐᓇᕐᐹᑎᒎᑦ?

ᐃᐱᓯᒥᐅᓄᑦ 3:12

ᑖᑦᓱᒨᓇ ᐅᒃᐱᕐᓂᑯᑦ ᓯᕘᕋᖏᓪᓗᑕ ᐃᓕᕋᓱᓐᖏᓪᓗᑕᓗ ᐊᖅᑯᑎᒃᓴᖃᕐᐳᒍᑦ ᒎᑎᐅᑉ ᓇᔪᕐᑕᖓᓄᐊᕈᓐᓇᓕᕐᐳᒍᑦ ᖁᓚᕈᑎᖃᖏᓪᓗᑕ.

ᒨᓯᓯ ᑕᓪᓕᒪᖏᑦ 33:26

“ᒎᑎ ᐊᑦᔨᖃᓐᖏᓚᖅ, ᔨᓱᕋᓐᖑᔪᓯ ᐃᖏᕐᕋᖕᒪᑦ ᕿᓚᒃᑎᒍᑦ ᐃᓕᑦᓯᓐᓂᒃ ᐃᑲᔪᕆᐊᕐᓗᓂ, ᐱᓐᓇᕐᓇᕐᓂᖓ ᐃᖏᕐᕋᕗᖅ ᕿᓚᒃᑎᒍᑦ.

ᒨᓯᓯ ᑕᓪᓕᒪᖏᑦ 33:29

ᐃᓴᕆᐊᓕᒥᐅᖑᔪᓯ, ᖁᕕᐊᓱᒃᑐᒃᓴᐅᕗᓯ! ᐊᑦᔨᖃᓐᖏᓚᓯ, ᐊᑕᓂᕐᒧᑦ ᐱᐅᓕᔭᐅᓯᒪᔪᓂᒃ. ᑖᓐᓇ ᓴᐴᓗᑕᕆᒐᑦᓯᐅᒃ ᐃᑲᔪᕐᑎᒋᓪᓗᒍ, ᓴᕕᒡᔪᐊᕆᓪᓗᒍᓗ ᓵᓚᖃᐅᑎᒋᓪᓗᒍ! ᐊᑭᕋᓯ ᐃᓕᑦᓯᓐᓄᑦ ᕾᕙᖕᓂᐊᕐᐳᑦ ᐃᓚᓐᓂᕐᓴᕐᓗᑎᒃ; ᐃᓕᑦᓯᓕ ᑐᒃᓯᐊᕐᕕᖏᑦ ᐳᕐᑐᔪᒦᑦᑐᑦ ᑐᓪᓕᕋᕐᓂᐊᕐᐸᓯ.”

ᐄᑉᕈᐃᓄᑦ 10:19

ᑍᒤᒻᒪᑦ ᐅᒃᐱᖃᑎᒃᑲ, ᓯᕘᕋᖏᓪᓗᑕ ᐃᑎᕈᓐᓇᓕᕐᐳᒍᑦ ᐃᑦᔪᕐᓁᑦᑐᕕᖕᒧᑦ ᔩᓱᓯᐅᑉ ᐊᐅᖓ ᐊᖅᑯᑎᒋᓗᒍ.

ᐄᑉᕈᐃᓄᑦ 4:16

ᑍᒤᒻᒪᑦ ᓯᕘᕋᖏᓪᓗᑕ ᐃᒃᓯᕙᐅᑕᕐᔪᐊᖅ ᖃᒡᓕᓕᕐᓚᕗᑦ ᐱᑦᓯᐊᕐᕕᐅᓂᖅ, ᑕᕝᕙᓂ ᓂᑲᒋᔭᐅᖁᓪᓗᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᓪᓗ ᐃᑲᔪᕐᑕᐅᖁᓪᓗᑕ ᐃᑲᔪᕐᑕᐅᔭᕆᐊᖃᕐᓂᕗᑦ ᒪᓕᒡᓗᒍ.

ᓴᒧᐃᓕ ᓯᕗᓪᓖᑦ 23:17

ᐅᖃᐅᑎᓪᓗᒍᓗ, “ᑲᑉᐱᐊᓱᒃᑍᓕᒋᑦ; ᓴᐅᓕᐅᑉ ᐊᑖᑕᒪ ᐱᔪᓐᓇᕐᓂᒥᒍᑦ ᓇᓂᓂᐊᓐᖏᓛᑎᑦ; ᐊᖓᔪᖅᑳᕐᔪᐊᓐᖑᕐᑐᒃᓴᐅᕗᑎᑦ ᐃᓴᕆᐊᓕᒥᐅᓄᑦ, ᐃᓕᖕᓄᓪᓗ ᑐᖓᓕᐅᔪᒃᓴᐅᕗᖓ; ᑕᒪᓐᓇᓗ ᐊᑖᑕᒪ ᖃᐅᔨᒪᒋᕚ.”