ᐄᑉᕈᐃᓄᑦ 13:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᓅᓯᓯ ᑮᓇᐅᔭᓂᒃ ᐱᔪᒪᓗᐊᕐᓂᕐᒥᑦ ᓴᐳᑎᓯᒪᓯᐅᒃ, ᐱᒋᔭᓯᓗ ᑕᒫᓂ ᓈᒻᒪᒋᓯᒋᒃ; ᐅᖃᕐᓯᒪᖕᒪᑦ, “ᕿᒪᓚᐅᕐᓯᒪᓂᐊᓐᖏᓚᑦᓯ; ᖁᔭᓈᕐᓂᐊᕐᓇᓯᓗ.”

ᐄᑉᕈᐃᓄᑦ 13:5 Iomraidhean Croise

ᒨᓯᓯ ᓯᕗᓪᓖᑦ 28:15

ᑕᑯᒋᓪᓗ ᐃᓚᒌᓐᓇᕐᓂᐊᕐᐸᒋᑦ ᓴᐳᑎᓯᒪᓗᑎᓪᓗ ᓇᒧᑐᐃᓐᓇᖅ ᐂᒐᓗᐊᕈᕕᑦ, ᓄᓇᒧᓪᓗ ᑕᒪᑐᒧᖓ ᐅᑎᕐᑎᑦᓱᒫᕆᕙᒋᑦ; ᕿᒪᖕᓂᐊᓐᖏᓚᒋᑦ ᐅᖃᐅᓯᕆᔭᓕᒫᒃᑲ ᐃᓕᖕᓄᑦ ᐊᑐᓚᐅᖏᓐᓂᖏᓐᓂ.”

ᒨᓯᓯ ᓯᕗᓪᓖᑦ 30:31

ᓔᐸᓂᐅᑉ ᐊᐱᕆᕚ, “ᓱᓇᒥᒃ ᑐᓂᓯᕕᒋᔪᓐᓇᕐᐱᒌᑦ?” ᔧᑰᑉ ᑭᐅᕚ, “ᓱᓇᒥᒃ ᑐᓂᓯᕕᒋᔭᕆᐊᖃᓐᖏᓚᕐᒪ; ᐱᔪᒪᔭᕋᓕ ᒪᓕᖕᓂᐊᕈᕕᐅᒃ, ᓱᓕ ᐆᒪᔪᖁᑎᑎᑦ ᓂᕆᑎᑦᓱᒪᕙᒃᑲ ᑲᒪᒋᑦᓯᐊᕐᓗᒋᓪᓗ:

ᒨᓯᓯ ᓯᕗᓪᓖᑦ 31:5

ᐅᖃᐅᑎᓪᓗᒋᒡᓗ, “ᖃᐅᔨᒪᓕᕋᒪ ᐊᑖᑕᓯᒃ ᐅᕙᓐᓄᑦ ᓯᕗᓂᖓᒍᑦ ᐱᑦᓯᐊᕐᓂᕆᓚᐅᕐᑕᒥᑐᑦ ᑍᒤᑦᑐᓐᓃᕐᓂᖓᓂᒃ; ᐊᑖᑕᒪᓕ ᒎᑎᖓᑕ ᐃᓚᒋᕚᖓ.

ᐊᑕᓃᑦ ᓯᕗᓪᓖᑦ 6:13

ᐃᓂᖃᖃᑕᐅᓂᐅᕐᐳᖓ ᐃᓴᕆᐊᓕᐅᑉ ᑭᖑᕚᖏᓐᓂ, ᕿᒪᖕᓂᐊᕐᓇᒋᓪᓗ ᐃᓴᕆᐊᓕᒥᐅᑦ ᐃᓄᖁᑎᒃᑲ.”

ᐊᑕᓃᑦ ᓯᕗᓪᓖᑦ 8:57

ᐊᑕᓂᐅᑉ ᒎᑎᑦᑕ ᐃᓚᒋᓕᑎᒍᑦ, ᑍᒫᑦᓮᓐᓇᖅ ᓯᕗᓕᕕᓂᑦᑎᓐᓂᒃ ᐃᓚᐅᖃᓚᐅᕐᓂᕐᒥᑐᑦ, ᑖᑦᓱᒪ ᕿᒪᒃᑍᓕᓛᑎᒍᑦ ᖁᔭᓈᕐᑍᓕᓗᑕᓗ;

ᑯᕉᓂᑲ ᓯᕗᓪᓖᑦ 28:20

ᑕᕝᕙ ᑍᕕᑎᐅᑉ ᐃᕐᓂᓂ ᓲᓗᒨᓂ ᐅᖃᐅᑎᕚ, “ᓲᖑᓕᕆᑦ ᑲᑦᓱᖎᑦᓯᐊᕐᓗᑎᓪᓗ, ᐱᓇᓱᐊᕈᒫᕐᐳᑎᑦ. ᓯᕘᕋᖏᓪᓗᑎᑦ, ᓴᐱᕐᑍᓕᓗᑎᑦ; ᐊᑕᓂᐅᑉ ᒎᑎᐅᑉ, ᐊᒡᓛᑦ ᒎᑎᒪ ᐃᓚᒋᖕᒪᑎᑦ. ᑖᑦᓱᒪ ᕿᒪᖕᓂᐊᓐᖏᓛᑎᑦ ᐊᓚᕐᓂᐊᓐᖏᓛᑎᓪᓗ, ᐱᔭᕇᓚᐅᖅᑳᕐᑎᓐᓇᑎᑦ ᐱᓇᓱᐊᕆᐊᓕᖕᓂᒃ ᐱᔨᑦᓯᕐᓂᓕᒫᕐᓂ ᐊᑕᓂᐅᑉ ᐃᒡᓗᖓᓂᒃ.

ᐃᓐᖏᕈᑎᑦ 10:3

ᐱᐅᖏᑦᑐᓕᔪᑦ ᐆᒻᒪᑎᒥ ᐱᔪᒪᔭᖏᓐᓂᒃ ᐱᐅᔪᕆᑦᔪᑎᖃᕐᐳᑦ; ᐱᔪᒪᑐᓛᕐᑐᑦ ᐱᔪᒪᔭᖏᓐᓂᒃ ᑐᓂᓯᕕᒋᕔᑦ, ᐊᑕᓂᕐᒥᒡᓗ ᓇᕐᕈᒋᔭᖃᕐᓗᑎᒃ.

ᐃᓐᖏᕈᑎᑦ 119:36

ᐃᓕᓮᑦᔪᑎᒋᔭᕐᓂᒃ ᓈᓚᒍᒪᓂᕐᒥᒃ ᐆᒻᒪᑎᓐᓄᐊᕐᓯᒋᑦ, ᐊᔪᕐᓴᕈᓐᓃᕈᒪᓂᐊᓗᑐᐃᓐᓇᕐᒥᒃ ᐱᖁᓇᖓ.

ᐃᓐᖏᕈᑎᑦ 37:25

ᐃᓅᓱᒃᑑᓚᐅᕐᐳᖓ, ᒫᓐᓇᓕ ᐃᑦᑑᓕᕋᒪ; ᓱᓕ ᐃᓱᐊᕐᑐᒥᒃ ᖁᔭᓈᕐᑕᐅᔪᒥᒃ ᖃᐅᔨᓚᐅᓐᖏᓚᖓ, ᑭᖑᕚᖏᓪᓗ ᐃᑲᔪᕐᑕᐅᔪᒪᓗᑎᒃ ᕿᓄᒋᐊᖃᕐᓂᐊᓐᖏᓚᑦ.

ᐃᓐᖏᕈᑎᑦ 37:28

ᐊᑕᓂᐅᑉ ᐃᖅᑲᕐᑐᐃᑦᓯᐊᕐᓂᖅ ᖁᕕᐊᒋᕚ, ᐃᑦᔪᕐᓁᑦᑐᖁᑎᓂ ᐊᓚᕐᓂᐊᓐᖏᓔᑦ; ᓴᐳᑎᓂᐊᕐᐰᑦ ᐃᓱᖃᖏᑦᑐᒧᑦ, ᐱᐅᖏᑦᑐᓕᔪᓪᓕ ᑭᖑᕚᖏᑦ ᐃᓱᓕᑎᑕᐅᓂᐊᕐᐳᑦ.

ᒨᓯᓯ ᐂᑉᐸᖏᑦ 2:21

ᒨᓯᓯᓗ ᑕᒫᓂ ᓄᓇᖃᖃᑕᐅᔪᓐᓇᕐᓂᕋᕐᐳᖅ, ᔩᑕᓘᓪᓗ ᐸᓂᖕᒥᓂᒃ ᓯᐴᕋᒥᒃ ᓄᓕᐊᕐᑖᕐᑎᑉᐹ.

ᒨᓯᓯ ᐂᑉᐸᖏᑦ 20:17

“ᐃᓅᖃᑎᕕᑦ ᐃᒡᓗᖓᓂᒃ ᐃᒃᓯᒎᕐᑐᒃᓴᐅᓐᖏᓚᑎᑦ, ᓄᓕᐊᖓᓂᒡᓘᓐᓃᑦ ᐃᒃᓯᒎᕐᑐᒃᓴᐅᓐᖏᓚᑎᑦ, ᐱᔨᖓᓂᒡᓘᓐᓃᑦ, ᐆᒪᔪᖁᑎᖓᓂᒡᓘᓐᓃᑦ, ᓯᐅᑎᖅᑯᕐᑐᔪᖁᑎᖓᓂᒡᓘᓐᓃᑦ ᓱᓇᑐᐃᓐᓇᕐᒥᒡᓘᓐᓃᑦ ᐃᓅᖃᑎᕕᑦ ᐱᒋᔭᖓᓂᒃ ᐱᔪᒪᕕᒡᔪᐊᕐᑐᒃᓴᐅᓐᖏᓚᑎᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:4

ᐱᓇᓱᐊᕐᓂᕐᒧᑦ ᑕᖃᑐᐃᓐᓇᕐᓂᐊᕐᓇᒃ ᐊᒃᓱᐃᓕᔪᒪᓂᕐᒧᑦ; ᓯᓚᑐᓂᖃᕆᓪᓕ, ᓄᖅᑲᖓᔪᓐᓇᕐᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 41:17

ᐊᒃᓱᔪᑦ ᐱᖃᖏᑦᑐᓪᓗ ᐃᒥᕈᒃᑲᓗᐊᕐᐳᑦ ᐃᒥᒃᓴᕐᑕᖃᕋᓂᓗ, ᖀᓐᓂᕐᒧᑦ ᐅᖃᖏᑦ ᓴᓗᐊᕐᐳᑦ, ᐅᕙᖓ ᐊᑕᓂᖅ ᑐᓴᕐᓂᐊᕐᐸᒃᑲ; ᐅᕙᖓ ᐃᓴᕆᐊᓕᐅᑉ ᒎᑎᖓ ᖁᔭᓈᕐᓂᐊᓐᖏᓚᒃᑲ.

ᐂᓮᐊᓯᐅᑉ ᐊᒡᓚᖏᑦ 42:16

ᑕᐅᑐᖏᑦᑐᑦ ᑎᑭᐅᑎᑎᑦᓱᒫᕐᐸᒃᑲ ᖃᐅᔨᒪᓐᖏᑕᖏᓐᓄᑦ; ᑕᓯᐅᕈᒫᕐᐸᒃᑲ ᐊᖅᑯᑎᒃᑯᑦ ᖃᐅᔨᒪᓐᖏᑕᖏᑎᒍᑦ. ᑖᕐᑐᖅ ᓯᕗᓂᖏᓐᓃᑦᑐᖅ ᖃᐅᒪᔪᓐᖑᕐᑎᑦᓱᒫᕐᐸᕋ, ᒪᓂᕋᐅᖏᑦᑐᓪᓗ ᒪᓂᖅᑲᒃᓴᕐᓗᒋᑦ, ᑍᒤᑦᑐᓂᒃ ᐱᓇᓱᐊᕐᕕᒋᔪᒫᕐᐸᒃᑲ, ᕿᒪᖕᓂᐊᓐᖏᓚᒃᑲᓗ.

ᔨᕆᒤᐊᐅᑉ ᐊᒡᓚᖏᑦ 6:13

“ᒥᑭᓐᓂᕐᐹᓂᑦ ᐊᖏᓂᕐᐹᑦ ᑎᑭᓪᓗᒋᑦ ᒥᖕᓂᑐᔪᐃᓐᓈᓘᓕᕐᒪᑕ, ᑕᒪᕐᒥᒃ ᓯᓔᕐᕆᒃᓯᓂᒃᑯᑦ ᐱᕚᓪᓕᕈᑎᖃᕋᓱᐊᕐᐳᑦ; ᐱᔪᖃᓛᕐᑐᒥᒃ ᐅᖃᕐᑎᓐᓂᑦ ᑐᓂᕐᕈᓯᕐᑎᑦᓯᔨᓄᑦ ᓴᒡᓗᑭᑦᓯᓂᕐᒥᒃ ᐱᓂᐊᕐᓂᖃᓕᕐᒪᑕ

ᐃᓯᑭᐊᓕᐅᑉ ᐊᒡᓚᖏᑦ 33:31

ᐃᓄᖁᑎᒃᑲ ᐃᓕᖕᓄᑦ ᕾᕙᒃᐳᑦ ᐊᓯᖏᑎᑐᑦ ᕾᕙᒃᑐᑎᑐᑦ, ᐅᖃᐅᓯᕐᓂᒡᓗ ᑐᓴᕆᐊᕐᑐᕐᓗᑎᒃ ᐃᒃᓯᕚᖃᑦᑕᕐᐳᑦ, ᑐᓴᕋᓗᐊᕋᒥᒡᓕ ᒪᓕᒍᓐᓇᓐᖏᓚᑦ ᐅᖃᐅᓯᕆᔭᕐᓂᒃ; ᓇᒡᓕᒍᓱᒃᑐᐊᓘᔮᕐᓗᑎᒃ ᐅᖃᓪᓚᖃᑦᑕᕐᐳᑦ, ᐆᒻᒪᑎᖏᓪᓕ ᐱᕙᓪᓕᕈᑎᒃᓴᒥᖕᓂᒃ ᑭᓯᐊᓂ ᐱᔪᒪᕗᑦ.

ᒫᑎᐅᓯᐅᑉ ᐊᒡᓚᖏᑦ 6:19

“ᓇᖕᒥᓂᖅ ᐊᔪᕐᓴᖏᑦᔪᑎᒃᓴᑦᓯᓐᓂᒃ ᑲᑎᕐᓱᐃᓂᐊᕋᓯ ᑕᒫᓂ ᓄᓇᒥ, ᖁᐱᕐᕈᓄᑦ ᖃᓪᓗᓈᕐᑕᓂᒃ ᓂᕆᓲᓄᑦ, ᒪᓐᖏᕐᑐᕆᒧᓪᓗ ᓱᒃᑯᑕᐅᔪᓐᓇᕐᑐᓂᒃ, ᑎᒡᓕᒃᑎᓄᓪᓗ ᐃᓵᕐᑕᐅᓗᑎᒃ ᑎᒡᓕᒃᑕᐅᔪᓐᓇᕐᑐᓂᒃ.

ᒫᑎᐅᓯᐅᑉ ᐊᒡᓚᖏᑦ 6:25

“ᑍᒤᒻᒪᑦ ᐅᖃᐅᑎᕙᑦᓯ: ᐃᓅᓯᑦᓯᓐᓂᒃ ᐃᓱᒪᔮᕈᑎᖃᕐᓂᐊᕋᓯ ᓂᕿᓂᒃ, ᐃᒥᒃᓴᑦᓯᓐᓂᒡᓘᓐᓃᑦ, ᐊᓐᓄᕌᒃᓴᑦᓯᓐᓂᒡᓘᓐᓃᑦ. ᐃᓅᓯᓰ ᐊᓐᓂᕐᓇᕐᓂᕐᓴᐅᓐᖏᓚᖅ ᓂᕿᓂᑦ, ᑎᒥᓯᓘ ᐊᑐᕐᓂᕐᓴᐅᓐᖏᓚᖅ ᐊᓐᓄᕌᓂᑦ?

ᒫᑎᐅᓯᐅᑉ ᐊᒡᓚᖏᑦ 6:34

ᑍᒤᒻᒪᑦ ᐃᓱᒪᔮᕈᑎᖃᕐᓂᐊᕋᓯ ᖃᐅᒃᐸᐅᓂᐊᕐᑐᒥᒃ; ᐅᓪᓘᓂᐊᕐᑐᖅ ᓇᖕᒥᓂᖅ ᐃᓱᒪᔮᕈᑎᖃᓛᕐᒥᖕᒪᑦ. ᐅᓪᓘᑉ ᐊᑕᐅᓯᐅᑉ ᖁᕕᐊᓇᖏᑦᑐᕐᑕᖃᕐᓂᖏᑦ ᐃᓚᒃᑲᓐᓂᕆᐊᖃᖏᒻᒪᑕ.”

ᒫᑯᓯᐅᑉ ᐊᒡᓚᖏᑦ 7:22

ᐱᔪᒪᕕᒡᔪᐊᕐᓃᑦ, ᐱᐅᖏᑦᑐᓕᓃᑦ, ᓴᒡᓗᕿᑦᓯᔪᒪᓃᑦ, ᑲᓐᖑᓇᕐᑐᓕᖃᑎᖃᕐᓃᑦ, ᒥᖕᓂᒍᑦᔨᓃᑦ, ᒎᑎᒥᒃ ᒥᑕᐅᑎᖃᕐᓃᑦ, ᐱᐅᔪᕆᓃᑦ, ᓯᓔᑦᑑᓃᑦ,

ᓘᑲᓯᐅᑉ ᐊᒡᓚᖏᑦ 3:14

ᐊᒻᒪ ᐅᓇᑕᕐᑐᒃᓮᑦ ᔪᐊᓇᓯ ᐊᐱᕆᒋᕚᑦ, “ᐅᕙᒍᓪᓕ ᖃᓄᖅ ᐱᔪᒃᓴᐅᕕᑖ?” ᔪᐊᓇᓯᐅᑉ ᐅᖃᐅᑎᕔᑦ, “ᓲᖑᓴᖕᓂᕐᒧᑦ ᑎᒡᓕᖃᑦᑕᖏᓪᓗᓯ ᑮᓇᐅᔭᓂᒃ ᓴᒡᓗᕿᑦᓯᓂᕐᒧᓪᓘᓐᓃᑦ, ᑮᓇᐅᑦᔭᓕᐊᓯ ᓈᒻᒪᒋᓯᐅᒃ.”

ᓘᑲᓯᐅᑉ ᐊᒡᓚᖏᑦ 8:14

ᐊᒻᒪ ᐱᕈᕐᓯᐊᒃᓴᑦ ᐅᕐᐱᖕᓄᑦ ᑲᑭᓪᓚᐅᑎᓕᖕᓄᑦ ᑲᑕᒃᑐᑦ ᐅᑯᐊᖑᒋᕗᑦ, ᐅᖃᐅᓯᕐᓂᒃ ᑐᓴᕐᑐᑦ, ᐃᓱᒪᔮᕐᓂᕐᒧᓪᓕ ᐱᖁᑎᑖᕈᒪᓂᕐᓄᓪᓗ, ᐱᕈᕐᓯᐊᒃᓴᖏᓪᓗ ᐱᕈᕈᓐᓇᕐᓯᓇᑎᒃ.

ᕉᒪᒥᐅᓄᑦ 1:29

ᐱᐅᖏᑦᑐᓕᓂᕐᓂᒃ ᖃᓄᐃᑦᑐᑐᐃᓐᓇᑦᓯᐊᓂᒃ ᐱᓕᕆᕗᑦ, ᐱᐅᖏᑦᑐᓂᒃ, ᐱᔪᒪᕕᒡᔪᐊᕐᓂᕐᓂᒃ, ᐊᑭᕋᕐᑑᑎᓂᕐᓂᒃ, ᐊᓯᒥᖕᓂᑦ ᐱᖃᕐᓂᕐᓴᐅᔪᒪᓂᕐᒥᒃ, ᑐᖁᑦᓯᔪᒪᓂᕐᒥᒃ, ᐅᓇᑕᕈᒪᓂᕐᒥᒃ, ᓯᓔᕐᕆᒃᓯᓂᕐᒥᒃ, ᐅᒋᐊᓐᖑᖃᑦᑕᐅᑎᓂᕐᒥᒃ, ᑎᕐᓕᐊᖃᑦᑍᓂᕐᓂᒡᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:11

ᐃᒫᒡᓕ ᐅᖃᕋᓱᐊᓚᐅᕐᐳᖓ ᐃᓚᖃᖁᓇᓯ ᐅᒃᐱᕐᑑᖃᑕᐅᓂᕋᕐᑐᒥᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑎᐅᔪᒥᒃ, ᐱᔪᒪᓂᕐᔪᐊᒧᓪᓗ ᐊᐅᓚᑕᐅᓲᖑᔪᒥᒃ, ᒎᑎᓐᖑᐊᓄᓪᓗ ᑐᒃᓯᐊᕐᑎᐅᔪᒥᒃ, ᐅᖃᕐᓂᕐᓗᒃᑎᐅᓪᓗᓂ, ᐋᖓᔮᕐᑎᐅᔪᒥᒃ, ᑎᒡᓕᒃᑎᐅᓲᖑᔪᒥᒡᓗ. ᑍᒤᑦᑐᑦ ᐊᒡᓛᑦ ᓂᕆᖃᑎᒋᔭᒃᓴᕆᓐᖏᓚᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:10

ᑎᒡᓕᒃᐸᒃᑐᑦ, ᐱᔪᒪᕕᒡᔪᐊᕐᑏᑦ, ᐋᖓᔮᕐᑏᑦ, ᐊᓯᒥᖕᓂᒡᓗ ᐅᖃᕐᓂᕐᓗᑎᖃᕐᐸᒃᑐᑦ, ᑎᒡᓕᒐᕐᑏᑦ, ᑕᒪᒃᑯᐊᓕᒫᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᖏᒻᒪᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:9

ᐊᑭᕋᕐᑐᕐᑎᖃᕐᐳᒍᑦ, ᐃᓚᖃᕈᓐᓁᓪᓕᓇᑕᓕ; ᐋᓐᓂᐊᑎᑕᐅᒐᓗᐊᕐᐳᒍᑦ, ᑐᖁᑕᐅᓇᑕᓕ;

ᐃᐱᓯᒥᐅᓄᑦ 5:3

ᓄᓕᐊᕐᓂᕐᒥᒃ ᐊᑐᕐᓂᕐᓗᒃᑐᒥᒃ ᐱᐅᖏᑦᑐᓕᔨᓂᒡᓗ ᐱᔪᒪᕕᒡᔪᐊᕐᑎᓂᒡᓗ ᐅᖃᐅᓯᐅᔪᒃᓴᐅᔪᓐᓃᕐᐳᓯ, ᐃᑦᔪᕐᓁᑎᑕᐅᓯᒪᔪᑦ ᑍᒫᒃ ᐊᑐᕆᐊᖃᖏᒻᒪᑕ.

ᐃᐱᓯᒥᐅᓄᑦ 5:5

ᖁᓚᕐᓇᖏᑦᑐᒥᒃ ᖃᐅᔨᒪᒐᑦᓯᐅᒃ ᐊᕐᓇᕐᓂᐊᕐᐸᒃᑐᑦ ᐊᖑᓐᓂᐊᕐᐸᒃᑐᓪᓗ ᐱᐅᖏᑦᑐᓕᔪᓪᓘᓐᓃᑦ, ᐱᔪᒪᕕᒃᔪᐊᕐᐸᒃᑐᓪᓗ (ᐱᔪᒪᕕᒃᔪᐊᕐᓂᖅ ᒎᑎᐅᑉ ᐊᓯᐊᓂᒃ ᐱᔨᑦᓯᕐᓂᐅᖕᒪᑦ), ᑕᒪᒃᑯᐊ ᒎᑎᐅᑉ ᙭ᔅᑑᓯᐅᓪᓗ ᐊᑕᓂᐅᕕᖓᓂᒃ ᑭᖑᕐᖑᑦᔨᖃᑕᐅᓂᐊᖏᒻᒪᑕ.

ᒨᓯᓯ ᑕᓪᓕᒪᖏᑦ 31:6

ᓴᓐᖏᔫᓕᕆᑦᓯ ᓯᕘᕋᖏᓪᓗᓯᓗ, ᓯᕘᕋᒋᔭᒃᓴᕆᓐᖏᓚᓯ ᑲᑉᐱᐊᒋᓇᒋᓪᓗ, ᐊᑕᓂᐅᑉ ᒎᑎᑦᓯ ᐃᓚᒋᓂᐊᕐᒪᓯ, ᓴᒡᓗᕿᓐᓂᐊᖏᒻᒪᓯ ᕿᒪᖕᓂᐊᕐᓇᓂᓯᓗ.”

ᒨᓯᓯ ᑕᓪᓕᒪᖏᑦ 31:8

ᐊᑕᓂᖅ ᓯᕗᓂᕐᓃᓐᓂᐊᕐᐳᖅ ᐃᓚᒋᓂᐊᕐᐹᑎᓪᓗ, ᓴᒡᓗᕿᓐᓂᐊᖏᒻᒪᑎᑦ ᕿᒪᖕᓂᐊᕐᓇᑎᓪᓗ, ᑍᒤᒻᒪᑦ ᓯᕘᕋᑦᑍᓕᒋᑦ ᓴᐱᓕᕐᑍᓕᓗᑎᓪᓗ.”

ᒨᓯᓯ ᑕᓪᓕᒪᖏᑦ 4:31

ᑖᓐᓇ ᒎᑎ ᓂᑲᒍᓱᒃᑑᐊᓘᖕᒪᑦ. ᑖᑦᓱᒪ ᖁᔭᓈᕐᓂᐊᖏᒻᒪᓯ ᓄᖑᑕᐅᑎᓐᓂᐊᕐᓇᓯᓗ, ᐳᐃᒍᕐᓂᐊᓐᖏᓛᓗ ᐊᖏᖃᑎᒌᒍᑎᒋᓯᒪᔭᓂ ᓇᖕᒥᓂᖅ ᓯᕗᓕᕕᓂᑦᓯᓐᓄᑦ.

ᑯᓘᓯᐊᒥᐅᓄᑦ 3:5

ᑍᒤᒻᒪᑦ ᓯᓚᕐᔪᐊᕐᒥᐅᑦ ᐱᔪᒪᕕᒡᔪᐊᕐᓂᖏᑦ ᐃᓕᑦᓯᓐᓃᑦᑐᑦ ᑐᖁᓕᕐᓯᒋᒃ ᒪᑯᐊ: ᓄᓕᐊᕐᓃᑦ, ᐃᑦᔪᕐᓇᕐᑐᓕᓃᑦ, ᐃᒃᓯᒎᕐᓃᑦ, ᐱᐅᖏᑦᑐᒥᒃ ᐱᔪᒪᕕᒡᔪᐊᕐᓃᑦ, ᐱᖃᕈᒪᓗᐊᕐᓃᓪᓗ, ᑕᒪᒃᑯᐊ ᒎᑎᐅᑉ ᐊᓯᐊᓂᒃ ᒎᑎᖃᕐᓂᐅᖕᒪᑕ.

ᑎᒧᑎᒧᑦ ᓯᕗᓪᓖᑦ 3:3

ᐋᖓᔮᕐᑎᐅᖏᓪᓗᓂ, ᑲᑉᐱᐊᒋᔭᐅᓐᖏᓪᓗᓂ ᐃᓕᕋᓇᖏᓪᓗᓂ, ᐂᕙᖃᑦᑕᖏᓪᓗᓂᓗ, ᑮᓇᐅᔭᓂᒃ ᐱᔪᒪᓗᐊᕐᑎᐅᖏᓪᓗᓂ.

ᔮᓱᐊᑉ ᐊᒡᓚᖏᑦ 1:5

ᔮᓱᐊ ᑭᓇᒧᓪᓘᓐᓃᑦ ᓵᓚᐅᓂᐊᓐᖏᓚᑎᑦ ᐃᓅᑎᓪᓗᑎᑦ ᓇᔪᐃᓐᓇᕐᓂᐊᕐᐸᒋᑦ ᑍᒫᑦᓮᓐᓇᖅ ᒨᓯᓯ ᓇᔪᓚᐅᕋᒃᑯ ᓇᔪᐃᓐᓇᕐᓂᐊᕐᐸᒋᑦ ᕿᒪᖕᓂᐊᕐᓇᒡᓗ.

ᔮᓱᐊᑉ ᐊᒡᓚᖏᑦ 7:21

ᑎᒍᓚᐅᕐᑕᑦᑕ ᐃᓚᖏᓐᓂᒃ ᑕᑯᓚᐅᕐᐳᖓ ᐱᐅᔪᐊᓗᖕᒥᒃ ᐹᐱᓘᓂᒥᐅᑦ ᐅᓕᒡᔪᐊᖓᓂᒃ, ᓯᐅᓪᕕᕆᓂᒡᓗ ᑕᓪᓕᒪᓂᒃ ᐅᖁᒤᓐᓂᓕᖕᒥᒃ, ᒎᓗᒥᒡᓗ ᐊᑕᐅᓯᕐᒥᒃ ᐅᖁᒤᓐᓂᓕᖕᒥᒃ, ᐱᔪᒪᒻᒪᕆᓕᕋᒃᑭᑦ ᑎᒍᓚᐅᕐᐸᒃᑲ; ᑕᑯᒋᓪᓗ, ᓇᓂᔪᓐᓇᕐᐸᓯ ᓴᐅᓯᒪᔪᑦ ᓄᓇᒥ ᑐᐱᕐᒪ ᐊᑖᓂ, ᓯᐅᓪᕕᕇᑦ ᐊᓪᓕᕐᐸᐅᑎᓪᓗᒋᑦ.”

ᐲᑦᑐᕉᓯ ᐂᑉᐸᖏᑦ 2:14

ᐊᓯᓐᓂᐊᕈᒪᓂᕐᒥᒃ ᑕᑯᓐᓇᒐᑐᐊᖃᕐᐳᑦ, ᐊᔪᕐᑐᓕᔪᒪᓂᖏᓪᓗ ᓈᒻᒪᒃᓯᔪᓐᓇᓐᖏᓚᑦ. ᓴᓐᖐᑦᑐᓂᒃ ᑕᓯᐅᕐᓯᕙᒃᐳᑦ ᐊᔪᓕᕐᕕᒋᓂᐊᕐᑕᖏᓐᓄᑦ. ᐆᒻᒪᑎᖏᑦ ᐱᔪᒪᕕᒡᔪᐊᕐᓂᕐᒥᒃ ᐃᓕᓐᓂᐊᕐᓯᒪᕗᑦ. ᑖᒃᑯᐊ ᒎᑎᐅᑉ ᓂᓐᖓᐅᓯᖓᓃᓕᕇᕐᐳᑦ!

ᐲᑦᑐᕉᓯ ᐂᑉᐸᖏᑦ 2:3

ᐱᔪᒪᓗᐊᕐᓂᕐᒥᖕᓄᑦ ᑖᒃᑯᐊ ᐊᔪᕆᕐᓱᐃᓂᕐᓗᒃᑐᑦ ᑮᓇᐅᔭᓕᐅᕋᓱᑐᐃᓐᓇᕐᓗᑎᒃ ᓇᖕᒥᓂᖅ ᐅᖃᐅᓯᒃᓴᓕᐊᕆᓯᒪᔭᒥᖕᓂᒃ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕈᒫᕐᐳᑦ ᐋᖅᑭᒌᕐᓯᒪᕗᖅ ᐃᖅᑲᕐᑐᐃᔨᒋᔪᒫᕐᑕᖓᑦᑕ ᐅᑕᖅᑭᔪᑎᓕᕐᐰᑦ, ᑖᒃᑯᓂᖓ ᓄᖒᑦᓯᔪᒃᓴᖅ ᓯᓂᖕᓂᐊᓐᖏᓚᖅ ᐅᑕᖅᑭᓗᓂ.

ᔫᑎᐅᑉ ᐊᒡᓚᖏᑦ 1:11

ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᑖᒃᑯᐊ! ᑬᓂᐅᑉ ᐱᓂᐊᕐᓂᕆᓚᐅᕐᑕᖓᓂᒃ ᒪᓕᖕᒪᑕ, ᐸᓛᒥᐅᓪᓗ ᑕᒻᒪᕐᓂᕆᓚᐅᕐᑕᖏᑎᑐᑦ ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᐃᒻᒥᖕᓂᒃ ᐊᓐᓂᕆᔪᓐᓃᕐᓯᒪᕗᑦ, ᑰᕋᐅᓪᓗ ᐊᑭᓂᐊᕋᓱᖕᓂᖓᑐᑦ ᑖᑦᓱᑐᓇᖅ ᐊᓯᕈᕐᑕᐅᕗᑦ.

ᓴᒧᐃᓕ ᓯᕗᓪᓖᑦ 10:7

ᑕᒪᒃᑯᐊ ᓇᓗᓁᒃᑯᑍᑦ ᐃᓕᖕᓄᑦ ᑎᑭᑉᐸᑕ, ᐱᓇᓱᐊᕈᓐᓇᕐᑕᕐᓂᒃ ᐱᓇᓱᐊᕐᑐᒃᓴᐅᕗᑎᑦ, ᒎᑎᐅᑉ ᐃᓚᒋᓂᐊᕐᒪᑎᑦ.

ᓴᒧᐃᓕ ᓯᕗᓪᓖᑦ 12:22

ᐊᑕᓂᐅᑉ ᐃᓄᖁᑎᓂ ᐃᒋᓐᓂᐊᓐᖏᓔᑦ, ᐊᑎᓂ ᐃᑦᔪᕐᓁᑦᑐᖅ ᐱᓪᓗᒍ, ᐊᑕᓂᐅᑉ ᖁᕕᐊᒋᓚᐅᕐᒪᒍ ᐃᓕᑦᓯᓐᓂᒃ ᐃᓄᖁᑎᑖᕆᐊᒃᓴᖅ ᓇᖕᒥᓂᕐᑖᕆᓗᓂᓯ.