ᐄᑉᕈᐃᓄᑦ 13:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑎᒍᔭᐅᒪᔪᑦ ᐃᖅᑲᐅᒪᓯᒋᒃ, ᑎᒍᔭᐅᓯᒪᖃᑎᒋᔭᑦᓯᑐᑦ ᐱᓗᒋᑦ; ᐱᑦᓯᐊᕐᑕᐅᖃᑦᑕᖏᑦᑐᓪᓗ, ᐃᖅᑲᐅᒪᓯᒋᒃ ᑎᒥᒥᑦᑕᐅᖅ ᐃᓅᖕᒥᒐᑦᓯ.

ᐄᑉᕈᐃᓄᑦ 13:3 Iomraidhean Croise

ᒨᓯᓯ ᓯᕗᓪᓖᑦ 40:23

ᐃᒥᕐᑎᑦᓯᔩᓪᓕ ᑲᒪᔨᖓᑕ ᔫᓯᐱ ᐃᖅᑲᐅᒪᓚᐅᓐᖏᓛ, ᐳᐃᒍᑦᓯᐊᕐᓗᒍᓗ.

ᒫᑎᐅᓯᐅᑉ ᐊᒡᓚᖏᑦ 25:36

ᐊᓐᓄᕌᖃᓐᖏᑎᓪᓗᖓ ᐊᓐᓄᕌᕐᑎᓚᐅᕋᑦᓯᓐᖓ, ᖃᓂᒪᑎᓪᓗᖓ ᐳᓛᕆᐊᓚᐅᕋᑦᓯᓐᖓ, ᑎᒍᔭᐅᓯᒪᕕᖕᒦᑎᓪᓗᖓ ᐅᐸᓚᐅᕋᑦᓯᓐᖓ.’

ᒫᑎᐅᓯᐅᑉ ᐊᒡᓚᖏᑦ 25:43

ᓂᐅᕐᕈᐊᖑᑎᓪᓗᖓ ᑐᓐᖓᓱᒃᑎᓚᐅᖏᓐᓇᑦᓯᓐᖓ, ᐊᓐᓄᕌᖃᕐᑎᓐᓇᖓ ᐊᓐᓄᕌᕐᑎᓚᐅᖏᓐᓇᑦᓯᓐᖓ; ᖃᓂᒪᑎᓪᓗᖓ ᑎᒍᔭᐅᓯᒪᕕᖕᒦᑎᓪᓗᖓ ᐳᓛᕆᐊᓚᐅᖏᓐᓇᑦᓯᓐᖓ.’

ᐋᐴᓯᑕᓖᑦ ᐱᓂᐊᕐᓂᖏᑦ 24:23

ᐅᓇᑕᕐᑐᒃᓴᓄᑦ ᐊᖓᔪᖅᑳᕆᔭᐅᔪᒧᑦ ᑲᒪᒋᔭᐅᖁᕚ, ᐱᕕᒃᓴᖃᕐᑎᑉᐹ ᐃᓱᒤᓐᓇᕐᕆᕕᒃᓴᖃᖁᓪᓗᒍ, ᐃᓚᓐᓈᕆᔭᖏᓐᓄᓪᓗ ᐅᐸᒃᓯᒪᔭᐅᔪᓐᓇᕐᑎᑉᐹ ᐱᔭᕆᐊᖃᕐᑕᖏᓐᓂᒡᓗ ᐱᑎᑕᐅᔪᓐᓇᕐᑎᓪᓗᓂᐅᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 27:3

ᖃᐅᑎᓪᓗᒍ ᓮᑐᓂᒧᑦ ᑎᑭᑉᐳᒍᑦ; ᔫᓕᐊᓯ ᐸᐅᓗᓯᒥᒃ ᐱᑦᓯᐊᕋᒥ, ᐃᓚᓐᓈᕆᔭᖏᓐᓄᑦ ᓄᓈᕈᓐᓇᕐᑎᑉᐹ ᑭᓐᖒᒪᔭᖏᓐᓂᒃ ᑐᓂᓯᕕᐅᖁᓪᓗᒍ.

ᕉᒪᒥᐅᓄᑦ 12:15

ᖁᕕᐊᓱᒃᑐᑦ ᖁᕕᐊᓱᖃᑎᒋᓯᒋᒃ, ᕿᐊᔪᓪᓗ ᕿᐊᖃᑎᒋᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:26

ᑎᒥᐅᑉ ᑭᓱᑯᑦᑎᖓ ᐋᓐᓂᐊᓕᕐᐸᑦ, ᑕᕝᕙ ᑎᒥᓕᒫᖅ ᐋᓐᓂᐊᖃᑕᐅᓕᕐᐳᖅ; ᑎᒥᐅᓪᓗ ᑭᓱᑯᑦᑎᖓ ᓂᕐᑐᕐᓇᕐᑎᑕᐅᒃᐸᑦ, ᑕᕝᕙ ᑎᒥᐅᑉ ᑭᓱᑯᑦᑎᓕᒫᖏᑦ ᖁᕕᐊᓱᒃᑎᑕᐅᓕᕐᐳᑦ.

ᐃᐱᓯᒥᐅᓄᑦ 4:1

ᑍᒤᒻᒪᑦ, ᐃᓇᑉᐸᑦᓯ ᐅᕙᖓ ᑎᒍᔭᐅᓯᒪᕕᖕᒦᑦᑐᖓ ᐊᑕᓂᖅ ᐱᑦᔪᑎᒋᓪᓗᒍ, ᒎᑎᒧᑦ ᕾᖁᔭᐅᓯᒪᓂᓯ ᐊᑐᑦᓯᐊᕐᓗᒍ ᐃᓅᖁᓪᓗᓯ ᑕᒪᑐᒧᖓ ᕾᖁᔭᐅᓯᒪᒐᑦᓯ.

ᑯᓘᓯᐊᒥᐅᓄᑦ 4:18

ᐅᕙᖓ, ᐸᐅᓗᓯ ᓇᖕᒥᓂᖅ ᐅᓇ ᐊᒡᒐᓐᓄᑦ ᑎᑎᕋᕐᑕᕋ. ᑕᕝᕙᐅᕗᓯ ᐸᐅᓗᓯᒥᑦ. ᐊᑦᓱᖏᕐᑕᐅᓯᒪᓂᕋ ᐳᐃᒍᕐᑍᓕᓯᐅᒃ. ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ.

ᐄᑉᕈᐃᓄᑦ 10:34

ᐃᓚᑦᓱᒍᓱᓚᐅᕐᐳᓯᓗ ᑎᒍᔭᐅᓯᒪᕕᖕᒦᑦᑐᓂᒃ, ᐱᖁᑎᑦᓯᓐᓂᒡᓗ ᐊᕐᓵᕐᑕᐅᒐᓗᐊᕋᑦᓯ ᖁᕕᐊᓱᒡᓗᓯ ᐊᑐᕈᓐᓇᓚᐅᕐᐸᓯ, ᖃᐅᔨᒪᒐᑦᓯ ᓇᖕᒥᓂᖅ ᐱᖁᑎᖃᕋᑦᓯ ᐱᐅᓂᕐᓴᒥᒃ ᓄᖑᓐᓂᐊᖏᑦᑐᒥᒡᓗ.

ᐄᑉᕈᐃᓄᑦ 11:37

ᐅᔭᖅᑲᓄᑦ ᒥᓪᓗᕐᑕᐅᓚᐅᕐᐳᑦ, ᑭᓪᓘᑎᓄᓪᓗ ᑭᓪᓗᕐᑕᐅᓚᐅᕐᐳᑦ ᒪᕐᕉᓕᔭᐅᓪᓗᑎᒃ, ᓴᕕᒡᔪᐊᒧᓪᓗ ᑐᖁᑕᐅᓚᐅᕐᐳᑦ; ᓇᒧᑐᐃᓐᓈᕐᑎᑕᐅᓚᐅᕐᐳᑦ ᓰᐲᑦ ᒎᑦᓰᓪᓗ ᐊᒥᖏᓐᓂᒃ ᐊᓐᓄᕌᕐᑎᑕᐅᓪᓗᑎᒃ, ᐊᔪᕐᓴᕐᓗᑎᒃ ᐊᑭᕋᕐᑐᕐᑕᐅᓪᓗᑎᒃ, ᐱᑦᓯᐊᕐᑕᐅᓇᑎᒡᓗ;

ᐲᑦᑐᕉᓯ ᓯᕗᓪᓖᑦ 3:8

ᑭᖑᓪᓕᕐᐹᒥᒡᓕ, ᑕᒪᑦᓯ ᐊᑦᔨᒌᒃᑐᒥᒃ ᐃᓱᒪᖃᖃᑎᒌᒃᑐᒃᓴᐅᕗᓯ, ᐃᓚᑦᓱᒋᖃᑦᑕᐅᑎᓗᓯ, ᓇᒡᓕᒃᑎᒌᒡᓗᓯ ᐃᓚᒌᒃᑐᑎᑐᑦ, ᓈᒃᑭᒍᓱᒡᓗᓯ ᒥᑭᒡᓕᑎᕐᓯᒪᓗᓯᓗ.