ᐄᑉᕈᐃᓄᑦ 13:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᓯᓂᒃᑕᕐᕕᐅᔪᒪᓗᓯ ᑐᓐᖓᓮᖃᑦᑕᕆᑦᓯ ᓂᐅᕐᕈᐊᓂᒃ, ᐃᓚᖏᑦ ᑍᒤᓕᐅᕋᒥᒃ ᖃᐅᔨᒪᓇᑎᒃ ᐂᖏᓕᓂᒃ ᑐᓐᖓᓱᒃᑎᑦᓯᓯᒪᖕᒪᑕ.

ᐄᑉᕈᐃᓄᑦ 13:2 Iomraidhean Croise

ᒨᓯᓯ ᓯᕗᓪᓖᑦ 18:1

ᐊᑕᓂᕐᓗ ᓴᖅᑭᑉᐳᖅ ᐂᑉᕋᕼᐋᒻᒧᑦ ᓇᐹᕐᑐᖃᕐᑐᒥ ᐆᒃᓂᒃ ᑍᔭᐅᔪᓂ ᒪᒻᕆᒥᒃ, ᐃᒃᓯᕙᑎᓪᓗᒍ ᑐᐱᖓᑕ ᐹᖓᓂ ᐅᓪᓘᑉ ᐅᖅᑰᓂᕐᐹᖓ ᓇᓪᓕᐅᑎᓯᒪᑎᓪᓗᒍ.

ᒨᓯᓯ ᓯᕗᓪᓖᑦ 19:1

ᐅᓐᓄᒃᑎᓪᓗᒍ ᐂᖏᓖᒃ ᒪᕐᕉᒃ ᓱᑑᒪᒧᑦ ᑎᑭᑉᐴᒃ, ᓘᑎᓗ ᓱᑑᒪᐅᑉ ᐃᑎᕐᑕᕐᕕᖓᓂ ᐃᒃᓯᕙᓚᐅᕐᐳᖅ. ᓘᑎᐅᓪᓗ ᑕᑯᒐᒥᒋᒃ, ᓂᑯᕕᓪᓗᓂ ᐸᕐᕆᐊᕐᐹᒃ. ᐅᑯᓪᓗᓂᓗ ᑮᓇᓂ ᐊᒃᑐᕐᓗᒍ ᓄᓇᒧᑦ.

ᐊᑕᓃᑦ ᐂᑉᐸᖏᑦ 4:8

ᐅᓪᓗᐃᑦ ᐃᓚᖓᓐᓂ ᐃᓔᓴ ᓲᓂᒧᐊᕐᐳᖅ. ᑕᕝᕙᓂ ᐊᕐᓇᕐᑕᖃᓚᐅᕐᐳᖅ ᐊᔪᕐᓴᖏᑦᑐᒥᒃ, ᑖᑦᓱᒪᓗ ᐃᒻᒥᖕᓄᑦ ᓂᕆᔭᕐᑐᖁᕚ, ᓄᓇᓕᖕᓄᐊᕌᖓᒥ ᓂᕆᔭᕐᑐᕕᒋᕙᓕᓚᐅᕐᐹ.

ᔫᐱᐅᑉ ᐊᒡᓚᖏᑦ 31:19

ᐊᓐᓄᕌᒃᓴᖃᖏᓐᓂᕐᒧᑦ ᑐᖁᓕᕐᑐᒥᒃ ᑕᑯᓚᐅᕐᓯᒪᓐᓂᕈᒪ, ᐅᕝᕙᓗ ᐊᒃᓱᔪᒥᒃ ᐅᓕᒃᓴᖃᖏᑦᑐᒥᒃ ᐊᔪᕐᓴᕐᓂᕐᒧᑦ;

ᔫᐱᐅᑉ ᐊᒡᓚᖏᑦ 31:32

ᓂᐅᕐᕈᐊᓂᒃ ᐊᖅᑯᑎᑐᐃᓐᓇᕐᒥ ᓯᓂᒃᑕᕐᑐᖃᓚᐅᕐᓯᒪᓐᖏᓚᖅ, ᐃᒡᓗᒐ ᑍᒪᓐᖓᑦ ᒪᑐᐃᖓᑎᑉᐸᓚᐅᕋᒃᑯ ᐊᖅᑯᓵᕐᓯᒪᔪᓄᑦ;

ᐂᓮᐊᓯᐅᑉ ᐊᒡᓚᖏᑦ 58:7

ᐃᒫᖑᓐᖏᓛᖅ ᑳᒃᑐᑦ ᓂᕆᑎᖃᑦᑕᕐᓗᒋᑦ ᓂᕿᒃᓴᑦᓯᓐᓂᑦ, ᐊᔪᕐᓴᕐᓂᕐᒧᑦ ᐊᖏᕐᕋᒃᓴᖃᖏᑦᑐᑦ ᐊᖏᕐᕋᑦᓯᓐᓄᑦ ᐃᑎᕐᑎᑉᐸᒡᓗᒋᑦ; ᐊᓐᓄᕌᒃᓴᖃᖏᑦᑐᑦ ᐊᓐᓄᕌᕐᑎᑉᐸᒡᓗᒋᑦ, ᐃᓅᖃᑎᒋᒐᑦᓯᐅᒃ ᑐᓄᒋᐊᑐᐃᓐᓇᕐᐸᖏᓪᓗᒋᑦ.

ᒨᓯᓯ ᐱᖓᔪᖏᑦ 19:34

ᐃᓴᕆᐊᓕᒥᐅᖑᖏᑦᑐᑦ ᓄᓇᑦᓯᓐᓂ ᓄᓇᖃᕐᐸᑕ, ᐃᓴᕆᐊᓕᒥᐅᖑᖃᑎᑦᓯᑐᑦ ᐱᔭᐅᔭᕆᐊᖃᕐᐳᑦ, ᓇᒡᓕᒋᓗᒋᑦ ᐃᓕᑦᓯᑐᑦ ᐃᓕᑦᓯᑦᑕᐅᖅ ᓄᓇᒋᓐᖏᑕᑦᓯᓐᓃᓚᐅᕋᑦᓯ ᐄᑦᔨᑉᑎᒥ; ᐅᕙᖓ ᐊᑕᓂᐅᒐᒪ ᒎᑎᓯ.

ᒫᑎᐅᓯᐅᑉ ᐊᒡᓚᖏᑦ 25:35

ᑳᒃᑎᓪᓗᖓ ᓂᕆᑎᓚᐅᕋᑦᓯᓐᖓ, ᐃᒥᕈᒃᑎᓪᓗᖓ ᐃᒥᕐᑎᓚᐅᕋᑦᓯᓐᖓ, ᓂᐅᕐᕈᐊᖑᑎᓪᓗᖓ ᑐᓐᖓᓱᒃᑎᓚᐅᕋᑦᓯᓐᖓ.

ᒫᑎᐅᓯᐅᑉ ᐊᒡᓚᖏᑦ 25:40

ᑕᕝᕙ ᐊᖓᔪᖅᑳᕐᔪᐊᑉ ᑭᐅᔪᒫᕐᐰᑦ, ‘ᓱᓕᔪᒥᒃ ᐅᖃᐅᑎᕙᑦᓯ, ᖃᑕᓐᖑᑎᒪ ᒥᑭᓐᓂᕐᐹᕆᔭᖏᓐᓄᑦ ᐱᓇᓱᐊᕐᕕᖃᕌᖓᑦᓯ, ᑕᒪᑐᒥᖓ ᐱᓇᓱᐊᕐᕕᒋᓚᐅᕐᐸᑦᓯᓐᖓ!’

ᒫᑎᐅᓯᐅᑉ ᐊᒡᓚᖏᑦ 25:43

ᓂᐅᕐᕈᐊᖑᑎᓪᓗᖓ ᑐᓐᖓᓱᒃᑎᓚᐅᖏᓐᓇᑦᓯᓐᖓ, ᐊᓐᓄᕌᖃᕐᑎᓐᓇᖓ ᐊᓐᓄᕌᕐᑎᓚᐅᖏᓐᓇᑦᓯᓐᖓ; ᖃᓂᒪᑎᓪᓗᖓ ᑎᒍᔭᐅᓯᒪᕕᖕᒦᑎᓪᓗᖓ ᐳᓛᕆᐊᓚᐅᖏᓐᓇᑦᓯᓐᖓ.’

ᐋᐴᓯᑕᓖᑦ ᐱᓂᐊᕐᓂᖏᑦ 16:15

ᑭᖑᓂᖓᒍᑦ ᐹᑉᑎᑕᐅᕗᖅ ᐃᒡᓗᒥᐅᖃᑎᓕᒫᖏᓪᓗ, ᑖᑦᓱᒪ ᑐᓐᖓᓴᕐᐹᑎᒍᑦ ᐅᖃᕐᓗᓂ, “ᕾᒋᑦᓯ, ᐃᒡᓗᓐᓂ ᑐᔪᕐᒥᓚᐅᕆᑦᓯ ᓱᓕᔪᒥᒃ ᐊᑕᓂᕐᒧᑦ ᐅᒃᐱᓕᕋᓱᒋᒍᑦᓯᓐᖓ.” ᐃᓇᒻᒪᑎᒍᑦ ᑕᕝᕙᓃᓕᕐᐳᒍᑦ.

ᕉᒪᒥᐅᓄᑦ 12:13

ᒎᑎᐅᑉ ᐃᓄᖁᑎᖏᑦ ᐱᔭᕆᐊᖃᕐᑕᖏᓐᓂᒃ ᑐᓂᓯᕕᒋᓯᒋᒃ, ᑐᓐᖓᓱᒃᑎᑦᓯᕙᒡᓗᓯᓗ ᑎᑭᓯᒪᔪᓂᒃ.

ᕉᒪᒥᐅᓄᑦ 16:23

ᒊᐊᓯᐅᑉ ᑐᔪᕐᒥᕕᖕᒪ, ᐅᒃᐱᕐᑑᖃᑎᒌᓪᓗ ᑲᑎᒪᕕᒋᕙᒃᑕᖓᑦᑕ, ᑕᕝᕙᐅᕗᑏᕐᐸᓯ. ᐃᕌᔅᑕᓯᐅᑉ, ᓄᓇᓕᒡᔪᐊᓂ ᑮᓇᐅᔭᓕᕆᔨᐅᔫᑉ, ᐅᒃᐱᕐᑑᖃᑎᑦᑕᓗ ᑯᐊᕐᑕᓯᐅᑉ ᑕᕝᕙᐅᕗᑏᕐᐹᓯ. [

ᑎᒧᑎᒧᑦ ᓯᕗᓪᓖᑦ 3:2

ᐅᒃᐱᕐᑑᖃᑎᒌᓂ ᓯᕗᓕᕐᑎᐅᔪᖅ ᐃᓅᓯᕐᒥᒍᑦ ᐸᓯᔭᒃᓴᐅᔪᒃᓴᐅᓐᖏᓚᖅ; ᐊᑕᐅᓯᕐᒥᒃ ᓄᓕᐊᖃᕐᓗᓂ, ᐃᓱᒪᖓ ᐃᖅᑭᐊᓱᖏᓪᓗᓂ, ᐃᒻᒥᓂᒡᓗ ᐱᓯᒪᔪᓐᓇᑦᓯᐊᕐᓗᓂ, ᐅᐱᒋᔭᐅᑦᓯᐊᕐᓗᓂ, ᑐᔪᕐᒥᕕᐅᔪᓐᓇᕐᓗᓂ, ᐃᓕᓮᔨᐅᔪᒃᓇᕐᓗᓂᓗ;

ᑎᒧᑎᒧᑦ ᓯᕗᓪᓖᑦ 5:10

ᐱᓇᓱᐊᑦᓯᐊᖃᑦᑕᕐᓯᒪᓗᓂ ᐅᖃᐅᓯᐅᑦᓯᐊᖃᑦᑕᓗᓂ; ᕿᑐᕐᖓᒥᓂᒃ ᐱᕈᕐᓮᑦᓯᐊᕐᓯᒪᓗᓂ, ᑐᓐᖓᒋᔭᐅᓗᓂ, ᐃᑦᔪᕐᓁᑦᑐᓪᓗ ᐃᑎᒐᖏᓐᓂᒃ ᐅᐊᓴᖃᑦᑕᕐᓗᓂ, ᐃᑲᔪᕆᐊᓕᖕᓂᒃ ᐃᑲᔪᖃᑦᑕᕐᓗᓂ, ᐱᐅᔪᒥᒡᓗ ᐱᓇᓱᐊᖃᑦᑕᕐᓗᓂ ᓱᓇᓕᒫᓂᒃ.

ᑍᑑᓯᒧᑦ 1:8

ᓯᓂᒃᑕᕐᕕᐅᔪᓐᓇᕐᓗᓂ, ᐱᐅᔪᒥᒃ ᖁᕕᐊᒋᔭᖃᕐᓗᓂ, ᐃᒻᒥᓂᒃ ᐊᐅᓚᑦᓯᐊᕈᓐᓇᕐᓗᓂ, ᐃᓅᓯᕐᒥᒍᑦ ᒪᑭᑕᑦᓯᐊᕐᓗᓂ, ᐃᑦᔪᕐᓁᓪᓗᓂ, ᐃᓅᓯᕐᒥᓂᒃ ᐱᓯᒪᑦᓯᐊᕈᓐᓇᕐᓗᓂ;

ᐲᑦᑐᕉᓯ ᓯᕗᓪᓖᑦ 4:9

ᐊᖏᕐᕋᑦᓯᓐᓄᑦ ᑐᓐᖓᓱᑎᑦᑎᖃᑦᑕᕆᑦᓯ ᓈᒻᒪᒃᓴᖏᑦᔪᑎᒋᓐᖏᓪᓗᒍ.

ᔪᐊᓇᓯᐅᑉ ᐱᖓᔪᖏᑦ 1:5

ᓇᒡᓕᖕᓇᕐᑐᑎᑦ, ᐅᒃᐱᕐᑑᖃᑎᑎᓐᓄᑦ ᓱᕐᕋᔪᐃᑐᒥᒃ ᐱᓇᓱᐊᑦᓯᐊᕐᓯᒪᒐᕕᑦ ᐅᒃᐱᕐᑑᖃᑎᖕᓄᑦ ᑕᑯᔭᕆᐅᕐᑕᕋᓗᐊᕐᓄᑦ ᐱᑦᓯᐊᓚᐅᕋᕕᑦ,