ᐄᑉᕈᐃᓄᑦ 13:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑖᑦᓱᒨᓇ ᑲᔪᓯᓗᑕ ᑐᓂᕐᕈᓯᓚᐅᕐᑕ ᒎᑎᒧᑦ ᓂᕐᑐᐃᓂᕐᒥᒃ, ᑕᕝᕙ ᑐᓂᕐᕈᓯᕐᓂᕐᒥᒃ ᖃᓂᑦᑎᒍᑦ ᓇᓗᓁᕐᓯᓪᓗᑕ ᑖᑦᓱᒪ ᐊᑕᓂᐅᓂᖓᓂᒃ.

ᐄᑉᕈᐃᓄᑦ 13:15 Iomraidhean Croise

ᑯᕉᓂᑲ ᐂᑉᐸᖏᑦ 29:31

ᑕᕝᕙ ᕼᐃᓯᑬᐊ ᐅᖃᕐᐳᖅ, “ᒫᓐᓇ ᐃᑦᔪᕐᓁᑎᑦᓴᕇᕋᑦᓯ ᐊᑕᓂᕐᒧᑦ; ᖃᒡᓕᒋᐊᕆᑦᓯ, ᑐᓂᕐᕈᓯᕐᓗᓯ ᑐᓂᕐᕈᑎᓂᒃ ᖁᔭᓕᓂᕐᒧᑦ ᐊᑕᓂᐅᑉ ᐃᒡᓗᖓᓄᑦ.” ᑲᑎᓐᖓᔪᓪᓗ ᑐᓂᕐᕈᓯᕐᐳᑦ ᖁᔭᓕᑦᔪᑎᓂᒡᓗ ᑐᓂᕐᕈᓯᕐᓗᑎᒃ; ᐆᒻᒪᑎᒥᒍᓪᓗ ᑲᔪᖏᕐᑐᓕᒫᑦ ᐃᑯᐊᓪᓚᒃᑎᑕᒃᓴᓂᒃ ᑐᓂᕐᕈᓯᕐᐳᑦ.

ᑯᕉᓂᑲ ᐂᑉᐸᖏᑦ 33:16

ᐊᑕᓂᐅᓪᓗ ᑐᓂᕐᕈᓯᕐᕕᐊ ᐋᖅᑭᒋᐊᕐᐹ, ᑕᕝᕙᓂᓗ ᑐᓂᕐᕈᓯᕐᐳᖅ ᓮᒻᒪᕐᑎᑕᐅᓂᕐᒧᑦ ᖁᔭᓕᓂᕐᒧᓪᓗ ᑐᓂᕐᕈᑎᓂᒃ; ᔫᑕᒥᐅᓪᓗ ᐱᖁᕔᑦ ᐊᑕᓂᕐᒥᒃ ᐃᓴᕆᐊᓕᒥᐅᑦ ᒎᑎᖓᓂᒃ ᐱᔨᑦᓯᖁᓪᓗᒋᑦ.

ᑯᕉᓂᑲ ᐂᑉᐸᖏᑦ 7:6

ᑕᕝᕙ ᑐᓂᕐᕈᓯᕐᑎᑦᓯᔩᑦ ᐃᓂᒥᓄᐊᕐᐳᑦ ᐱᓇᓱᐊᒐᒃᓴᒥᖕᓄᑦ; ᓕᕔᑏᓪᓗᑦᑕᐅᖅ, ᐊᑕᓂᕐᒧᑦ ᓂᑦᔭᐅᓯᔭᕈᑎᒥᖕᓂᒃ ᓇᒃᓴᕐᓗᑎᒃ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐋᖅᑭᓚᐅᕐᑕᖏᑦ ᓂᕐᑐᐃᑦᔪᑎᒃᓴᐅᖁᓪᓗᒋᑦ ᐊᑕᓂᕐᒧᑦ, ᓇᒡᓕᖕᓂᖓ ᓱᖁᓯᔪᐃᑦᑑᖕᒪᑦ ᕿᓄᐃᑦᑑᓪᓗᓂ ᐃᓱᖃᖏᑦᑐᒧᑦ; ᑍᕕᑎ ᑐᓂᕐᕈᓯᓕᑐᐊᕋᒥ ᓂᕐᑐᐃᕙᓚᐅᕐᒪᑦ ᐱᓇᓱᐊᖃᑎᒌᓕᕌᖓᒥᒃ; ᐊᑭᐊᓃᑎᓪᓗᒋᑦ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᓄᑦ ᓂᓪᓕᐊᑎᑦᓯᔪᑦ; ᐃᓴᕆᐊᓕᒥᐅᓕᒫᑦ ᓇᖏᕐᑎᓪᓗᒋᑦ.

ᐄᓱᕋᐅᑉ ᐊᒡᓚᖏᑦ 3:11

ᐃᓐᖏᓚᐅᕐᐳᑦ ᐊᑕᓂᕐᒥᒃ ᓂᕐᑐᐃᓪᓗᑎᒃ, ᓇᓪᓕᒃᑭᑕᕐᓗᑎᒃ ᐅᑎᕐᑕᕐᓂᖓᓂᒃ: “ᐊᑕᓂᖅ ᐱᐅᔫᕗᖅ, ᓇᒡᓕᖕᓂᖓᓗ ᐃᓴᕆᐊᓕᒧᑦ ᐃᓱᖃᖏᑦᑑᕗᖅ.” ᐱᕕᓕᒫᒥᖕᓄᑦ ᐃᓄᓕᒫᑦ ᕾᒐᓛᓚᐅᕐᐳᑦ, ᓂᕐᑐᐃᓪᓗᑎᒃ ᐊᑕᓂᕐᒥᒃ, ᐱᑦᔪᑎᖃᕐᓗᑎᒃ ᑐᒃᓯᐊᕐᕕᐅᑉ ᑐᓐᖓᕕᖓᑕ ᐱᒋᐊᕐᑕᐅᓂᖓᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 12:40

ᑕᕝᕙ ᐃᓐᖏᕐᑏᑦ ᖁᔭᓕᖃᑎᒌᒃᑐᑦ ᑲᑎᓚᐅᕐᐳᑦ ᒎᑎᐅᑉ ᐃᒡᓗᖓᓂ ᑕᕝᕙᓂᓗ ᓇᖏᓕᕐᓗᑎᒃ. ᐅᕙᖓᓗ ᐊᖓᔪᖅᑳᓪᓗ ᕿᑎᖅᑲᖏᑦ ᐅᕙᓐᓃᓚᐅᕐᐳᑦ;

ᓂᕼᐃᒤᐊᐅᑉ ᐊᒡᓚᖏᑦ 12:43

ᑕᕝᕙᓂᓗ ᐅᓪᓗᒥ ᐊᖏᔪᓂᒃ ᑐᓂᕐᕈᓯᕐᑐᖃᓚᐅᕐᐳᖅ ᖁᕕᐊᓱᒃᑐᐊᓘᓪᓗᑎᒡᓗ, ᒎᑎᐅᑉ ᖁᕕᐊᓱᖕᓂᕐᔪᐊᖃᕐᑎᓚᐅᕐᒪᒋᑦ ᐊᖏᔪᒥᒃ ᖁᕕᐊᓱᓚᐅᕐᐳᑦ; ᐊᕐᓁᓪᓗ ᓄᑕᖅᑲᓪᓗ ᖁᕕᐊᓱᖃᑕᐅᓚᐅᕆᕗᑦ. ᔨᕉᓴᓕᒥᐅᓪᓗ ᖁᕕᐊᓱᖕᓂᖓᑦ ᐅᖓᓯᒃᑐᒥᑦ ᑐᓵᔭᐅᓕᓚᐅᕐᐳᖅ.

ᐃᓐᖏᕈᑎᑦ 118:19

ᓇᓛᒎᕐᑐᑦ ᐅᑯᐊᕐᔪᐊᖓᓂᒃ ᐅᒃᑯᐃᕈᑎᓚᐅᓐᖓ, ᑕᕝᕗᖓ ᐃᑎᕐᓗᖓ, ᐊᑕᓂᖅ ᓂᕐᑐᕐᓂᐊᕋᒃᑯ.

ᐃᓐᖏᕈᑎᑦ 119:108

ᐊᑕᓃᖅ, ᖃᓂᕐᒪ ᑐᓂᕐᕈᑎᖏᑦ ᓂᕐᑐᐃᓃᑦ ᐃᓚᓕᐅᒃᑭ, ᐊᔪᕆᕐᑐᓚᐅᓐᖓᓗ ᐊᑐᕐᑕᐅᖁᔭᕐᓂᒃ.

ᐃᓐᖏᕈᑎᑦ 18:49

ᑍᒤᒻᒪᑦ, ᖁᔭᒋᔪᒪᕙᒋᑦ, ᐃᓅᖃᑎᒌᒡᔪᐃᑦ ᓇᓗᔪᑦ ᐊᑯᓐᓂᖓᓂ, ᐊᑏᓪᓗ ᓂᕐᑐᕈᑎᓂᒃ ᐃᓐᖏᕐᕕᒋᔪᒪᕙᕋ.

ᐃᓐᖏᕈᑎᑦ 50:14

ᒎᑎ ᑐᓂᕐᕈᓯᕐᕕᒋᓯᐅᒃ ᖁᔭᓕᓂᕐᒥᒃ, ᐊᖏᕈᑎᑦᓯᓐᓂᒡᓗ ᑐᓂᓯᒋᑦᓯ ᖁᑦᓯᖕᓂᕐᐹᖑᔪᒧᑦ.

ᐃᓐᖏᕈᑎᑦ 50:23

ᑐᓂᕐᕈᓯᖃᑦᑕᕐᑑᑉ ᑐᓂᕐᕈᑎᓂᒃ ᖁᔭᓕᑦᔪᑎᓂᒃ ᓂᕐᑐᕐᓇᕐᑎᑉᐸᖓ; ᐱᐅᓯᕐᒥᓂᒡᓗ ᓱᓕᑦᓯᐊᕐᑎᑦᓯᔪᒧᑦ ᒎᑎᐅᑉ ᐱᐅᓕᒃᓯᓂᖓᓂᒃ ᖃᐅᔨᑎᑦᓱᒪᕙᕋ.”

ᐂᓮᐊᓯᐅᑉ ᐊᒡᓚᖏᑦ 57:19

ᓮᒪᓂᕐᑕᖃᕐᓕ, ᓮᒪᓂᕐᑕᖃᕐᓕ, ᖃᓂᑦᑐᒦᑦᑐᓄᑦ ᐅᖓᓯᒃᑐᒦᑦᑐᓄᓪᓗ, ᐊᑕᓂᖅ ᐅᖃᕐᐳᖅ; ᑕᕝᕙ ᐋᖅᑭᒍᒫᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 33:11

ᓂᐲᑦ ᖁᕕᐊᓱᒡᕙᓗᒃᑐᑦ, ᓯᕆᔪᓪᓗ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᐃᓐᖏᕐᕙᓗᒃᑐᑦ, ᖁᔭᓕᑦᔪᑎᒥᖕᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᕐᑐᕐᑐᑦ ᐊᑕᓂᐅᑉ ᐃᒡᓗᖓᓄᑦ ᐅᖃᕐᓗᑎᒡᓗ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᖁᔭᓕᕕᒋᓯᐅᒃ, ᐊᑕᓂᖅ ᐱᐅᔫᖕᒪᑦ, ᓇᒡᓕᒍᓱᖕᓂᖓᓗ ᐃᓱᖃᖏᑦᑑᓪᓗᓂ.’ ᓄᓇᓯ ᐊᔪᕐᓴᕈᓐᓃᕐᑎᑦᓱᒫᕋᒃᑯ ᐃᓕᖅᑯᓯᕆᓚᐅᕐᑕᖓᓄᑦ ᐅᑎᕐᑎᓪᓗᒍ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 33:18

ᓕᕔᒃᑯᓐᓂᓪᓗ ᑐᓂᕐᕈᓯᕐᑎᑦᓯᔪᒃᓴᓂᒃ ᐱᑕᕾᓐᓇᕈᒫᕐᐳᖅ ᐆᓯᒪᔪᓂᒃ ᑐᓂᕐᕈᑎᒃᓴᓂᒃ ᑐᓂᔭᐅᔪᒃᓴᓂᒡᓗ ᑐᓂᕐᕈᓯᖃᑦᑕᕐᓂᐊᕐᑐᓂᒃ ᐃᓱᖃᖏᑦᑐᒧᑦ.”

ᕼᐆᓯᐊᑉ ᐊᒡᓚᖏᑦ 14:2

ᐅᖃᐅᓯᕐᓂᒃ ᑎᒍᓯᓕᕆᑦ ᐅᑎᕐᓗᑎᓪᓗ ᐊᑕᓂᕐᒧᑦ, ᐅᖃᐅᑎᓗᒍᓗ, “ᐱᐅᖏᑦᑐᓕᓂᓕᒫᑦ ᐲᔭᒃᑭᑦ; ᐱᐅᔪᑦ ᐃᓚᓕᐅᕐᓗᒋᑦ ᓮᒻᒪᕐᑎᑎᒍᑦ ᑕᕝᕙ ᑐᓂᓯᓂᐊᕐᐳᒍᑦ ᖃᓂᑦᑕ ᐱᕈᕐᑎᑕᖏᓐᓂᒃ.

ᒨᓯᓯ ᐱᖓᔪᖏᑦ 7:12

ᐃᓄᒃ ᑐᓂᕐᕈᑎᖃᕐᐸᑦ ᖁᔭᓕᔪᒪᓂᕐᒧᑦ, ᑐᓂᕐᕈᓯᕆᐊᓪᓚᒍᒪᒃᐸᓪᓗ ᖁᔭᓕᑦᔪᑎᒃᓴᒥᒃ ᑐᓂᓯᔪᒃᓴᐅᕗᖅ ᓂᐊᖂᔭᕐᒥᒃ ᐆᓯᒪᔪᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᐅᕐᓱᒥᒡᓗ ᐃᓚᓯᒪᔪᒥᒃ, ᓯᕙᓕᐊᕆᓯᒪᔪᓪᓗ ᐳᕙᓪᓚᕐᓴᐅᑎᖃᖏᓪᓗᑎᒃ ᐅᕐᓱᒥᒃ ᒥᖑᐊᕐᓯᒪᓗᑎᒃ, ᓂᐊᖂᔭᕐᓗ ᓯᖃᓪᓕᑦᓯᐊᕐᓯᒪᔪᒥᒃ ᓂᐊᖂᔭᕐᒥᒃ ᐅᐊᕈᑦᓯᕐᓯᒪᔪᒃᓴᐅᕗᖅ ᐅᕐᓱᒥᒃ ᐃᓚᖃᕐᓗᓂ.

ᒨᓯᓯ ᓯᑕᒪᖏᑦ 7:62

ᐊᑕᐅᓯᕐᒥᒡᓗ ᐴᒍᑕᕐᒥᒃ ᒎᓗᒥᒃ 0.8 ᐊᐅᓐᓯᔅᒥᒃ ᐅᖁᒤᓐᓂᖃᕐᑐᒥᒃ, ᑕᑕᓪᓗᓂᓗ ᐃᓐᓴᓐᓯᒥᒃ ᑎᐱᑦᓯᐊᕆᒃᑐᒥᒃ;

ᒫᑎᐅᓯᐅᑉ ᐊᒡᓚᖏᑦ 11:25

ᑍᑦᓱᒪᓂᐅᑎᓪᓗᒍ ᔩᓱᓯ ᐅᖃᕐᐳᖅ, “ᐊᑖᑖᒃ, ᖁᔭᒋᕙᒋᑦ, ᐊᑕᓂᐅᔪᑎᑦ ᕿᓚᖕᒥ ᓄᓇᕐᔪᐊᕐᒥᓗ! ᑕᒪᒃᑯᐊ ᐃᔨᕐᓯᒪᒐᕕᒋᑦ ᓯᓚᑐᔪᓄᑦ ᐃᓕᓯᒪᔪᓄᓪᓗ, ᑕᒪᑐᒥᖓᓕ ᓴᖅᑭᑎᑦᓯᓚᐅᕋᕕᑦ ᓄᑕᖅᑲᑎᑐᑦ ᑍᒤᑦᑐᓄᑦ;

ᓘᑲᓯᐅᑉ ᐊᒡᓚᖏᑦ 10:21

ᑕᕝᕙᓂ ᐃᑲᕐᕋᒥ ᔩᓱᓯ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᖁᕕᐊᓱᒃᑎᑕᐅᕗᖅ ᐅᖃᕐᓗᓂ, “ᐊᑖᑖᒃ, ᖁᔭᒋᕙᒋᑦ, ᐊᑕᓂᐅᔪᑎᑦ ᕿᓚᖕᒥ ᓄᓇᒥᓗ, ᑕᒪᒃᑯᐊ ᐃᓕᓯᒪᔪᓄᑦ ᓯᓚᑐᔪᓄᓪᓗ ᐃᔨᕐᓯᒪᒐᕕᒋᑦ, ᓄᑕᕋᕐᑎᑑᕐᑐᓄᓪᓕ ᑕᒪᒃᑯᐊ ᓇᓗᓇᕈᓐᓁᕐᑎᓐᓇᕕᒋᑦ; ᐄᓛᒃ, ᐊᑖᑖᒃ, ᑍᒫᒃ ᐱᖁᓯᒪᒐᕕᐅᒃ ᖁᕕᐊᒋᒐᕕᐅᒡᓗ.

ᔪᐊᓇᓯᐅᑉ ᐊᒡᓚᖏᑦ 10:9

ᐃᑎᕐᑕᕐᕕᐅᕗᖓ; ᓇᓪᓕᐊᑦ ᐅᕙᒃᑯᑦ ᐃᑎᑐᖅ, ᑖᓐᓇ ᐱᐅᓕᔭᐅᓂᐊᕐᐳᖅ, ᐃᑎᕐᓗᓂ ᐊᓂᓗᓂᓗ ᓂᕿᒃᓴᓕᖕᒥᒃ ᓇᓂᓯᓂᐊᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 14:6

ᔩᓱᓯᐅᑉ ᐅᖃᐅᑎᕚ, “ᐊᖅᑯᑕᐅᕗᖓ, ᓱᓕᔫᓪᓗᖓ, ᐃᓅᓯᐅᕗᖓ; ᑭᓇᒥᒡᓘᓐᓃᑦ ᐊᑖᑕᒧᐊᕐᑐᖃᕈᓐᓇᓐᖏᓚᖅ, ᐅᕙᒃᑰᕐᓗᓂ ᑭᓯᐊᓂ.

ᕉᒪᒥᐅᓄᑦ 12:1

ᑍᒤᒻᒪᑦ ᐃᓇᑉᐸᑦᓯ ᐃᓅᖃᑎᒃᑳ, ᒎᑎᐅᑉ ᓂᑲᒍᓱᖕᓂᕐᔪᐊᖓ ᐱᑦᔪᑎᒋᓗᒍ, ᑎᒥᓯ ᑐᓂᓯᒋᒃ ᑐᓂᕐᕈᑎᒃᓴᑐᑦ; ᐆᒪᓗᓯᓕ, ᐃᑦᔪᕐᓁᑦᑐᑐᑦ ᒎᑎᒧᓪᓗ ᖁᕕᐊᒋᔭᐅᔪᑐᑦ, ᑍᒤᓕᐅᕈᑦᓯ ᒎᑎ ᓱᓕᑦᓯᐊᕐᑐᒥᒃ ᐱᔨᑦᓯᕐᓂᐊᕐᐸᓯ ᐊᓂᕐᓂᒃᑯᑦ.

ᕉᒪᒥᐅᓄᑦ 6:19

ᐃᓄᑐᐃᓐᓇᕐᑎᑐᑦ ᐅᖃᕐᐳᖓ, ᓴᓐᖐᑦᑑᓂᓯ ᐱᑦᔪᑎᒋᓪᓗᒍ. ᐊᕙᑎᓯ ᑐᓂᓯᒪᓚᐅᕋᑦᓯᒋᒃ ᓴᓗᒪᖏᑦᑐᒧᑦ ᐊᔪᕐᑐᓕᓂᕐᒥᒡᓗ ᐊᖏᓕᕙᓪᓕᐊᑎᑦᓯᓪᓗᓯ ᐱᓇᓱᐊᕐᓂᑦᓯᓐᓄᑦ, ᒫᓐᓇᓕ ᐊᕙᑎᓯ ᑐᓂᓕᕐᓯᒋᒃ ᐃᓗᐊᕐᑐᓕᓂᕐᒧᑦ ᐃᑦᔪᕐᓁᑎᑕᐅᖁᓪᓗᒋᑦ.

ᐃᐱᓯᒥᐅᓄᑦ 2:18

ᑖᑦᓱᒨᓇ ᑕᒪᑦᑕ ᐊᑐᓂᑦ ᐊᖅᑯᑎᒃᓴᖃᓕᕐᐳᒍᑦ ᐊᑖᑕᒧᑦ ᐊᓂᕐᓂᒃᑯᑦ ᐊᑕᐅᓯᒃᑯᑦ.

ᑯᓘᓯᐊᒥᐅᓄᑦ 1:12

ᖁᔭᓕᖁᓪᓗᓯ ᐊᑖᑕᒧᑦ, ᑖᑦᓱᒪ ᐊᔪᕈᓐᓃᕐᑎᒻᒪᑎᒍᑦ ᑭᖑᕐᖑᑦᔨᖃᑕᐅᖁᓪᓗᑕ ᐃᑦᔪᕐᓁᑦᑐᖁᑎᖏᑕ ᐱᒃᓴᖏᓐᓂᒃ ᖃᐅᒪᔪᒥ.

ᐄᑉᕈᐃᓄᑦ 12:28

ᑍᒤᒻᒪᑦ ᖁᔭᓕᓚᐅᕐᑕ ᐊᑕᓂᐅᕕᖕᒥᒃ ᐊᐅᓚᑎᑕᐅᔪᓐᓇᖏᑦᑐᒥᒃ ᐱᑎᑕᐅᓯᒪᓕᕋᑦᑕ, ᖁᔭᓕᓗᑕ ᒎᑎ ᑐᒃᓯᐊᕐᕕᒋᓚᐅᕐᓚᕗᑦ ᑖᑦᓱᒪ ᖁᕕᐊᒋᔭᖓᒍᑦ, ᐃᒃᐱᒋᑦᓯᐊᕐᓗᒍ ᐃᓕᕋᒋᓗᒍᓗ;

ᐄᑉᕈᐃᓄᑦ 7:25

ᑍᒤᒻᒪᑦ ᑖᑦᓱᒨᓇ ᒎᑎᒧᐊᕐᑐᑦ ᑕᒪᕐᒥᒃ ᐱᐅᓕᔪᓐᓇᑦᓯᐊᕐᐰᑦ, ᐃᓅᑦᓮᓐᓇᕋᒥ ᐃᓱᖃᖏᑦᑐᒧᑦ ᑐᒃᓯᐅᑦᔩᓐᓇᕐᓗᓂ ᑖᒃᑯᓂᖓ.

ᐲᑦᑐᕉᓯ ᓯᕗᓪᓖᑦ 2:5

ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.

ᐲᑦᑐᕉᓯ ᓯᕗᓪᓖᑦ 4:11

ᓇᓪᓕᐊᑦ ᐊᔪᕆᕐᑐᐃᒍᓂ, ᐊᔪᕆᕐᑐᐃᔪᒃᓴᐅᕗᖅ ᒎᑎᐅᑉ ᐅᖃᐅᓯᐅᖁᔭᖓᓂᒃ; ᓇᓪᓕᐊᑦ ᐱᔨᑦᓯᕐᑐᖅ, ᐱᔨᑦᓯᕐᑐᒃᓴᐅᕗᖅ ᐱᔪᓐᓇᕐᓂᖅ ᒎᑎᒥᑦ ᑐᓂᕐᕈᓯᐊᕆᔭᓂ ᐊᑐᕐᓗᓂᐅᒃ; ᑕᒤᑎᒍᑦ ᒎᑎ ᓂᕐᑐᕐᓇᕐᑎᑕᐅᖁᓪᓗᒍ ᔩᓱᓯ ᙭ᔅᑑᓯᒃᑯᑦ. ᑖᓐᓇ ᓂᕐᑐᕐᑕᐅᓂᕐᒥᒃ ᐱᓕᑑᖕᒪᑦ ᐱᔪᓐᓇᕐᓂᕐᒥᒡᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ.