13 ᑍᒤᒻᒪᑦ ᐅᐸᓚᐅᕐᓚᕗᑦ ᓄᓇᓖᑦ ᓯᓚᑖᓄᑦ, ᒥᑕᐅᑕᐅᓂᖓᓂᒃ ᐱᖃᑎᒋᓗᒍ.
ᑕᕝᕙ ᔩᓱᓯᐅᑉ ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᓇᓪᓕᐊᑦ ᐅᕙᓐᓄᑦ ᒪᓕᒍᒪᔪᖅ, ᐱᓇᓱᐊᕈᒪᔭᒥᓂᒃ ᖁᔭᓈᕐᓯᔪᒃᓴᐅᕗᖅ, ᓴᓐᓂᖓᔪᓕᒥᓂᒃ ᐊᒡᔭᕐᓯᓗᓂ, ᒪᓕᒃᑐᒃᓴᐅᕗᖅ ᐅᕙᓐᓂᒃ.
ᑕᕝᕙᓐᖓᑦ ᐊᓂᓪᓗᑎᒃ, ᐊᖑᒻᒥᒃ ᑲᑎᓯᕗᑦ ᓮᕆᓂᒥᐅᑕᕐᒥᒃ, ᓮᒨᓂᒥᒃ ᐊᑎᓕᖕᒥᒃ; ᑖᓐᓇ ᐅᓇᑕᕐᑐᒃᓴᓂᑦ ᐊᒃᓱᕉᑦᔭᐅᓪᓗᓂ ᐊᒡᔭᕐᓯᑎᑕᐅᕗᖅ ᔩᓱᓯᐅᑉ ᓴᓐᓂᖓᔪᓕᒃᓴᖓᓂᒃ.
“ᓮᒪᓇᕐᑐᒦᑉᐳᓯ ᐃᓄᐃᑦ ᖃᓄᑐᐃᓐᓇᖅ ᐅᖃᕐᓂᕐᓗᒡᕕᒋᒃᐸᓯ, ᐊᑭᕋᕐᑐᕐᑕᐅᒍᑦᓯᓗ, ᓱᓕᖏᑦᑐᒥᒡᓗ ᖃᓄᑐᐃᓐᓇᖅ ᐅᖃᕐᓂᕐᓘᑎᒋᔭᐅᒍᑦᓯ ᐅᕙᓐᓄᑦ ᒪᓕᒡᑎᐅᓂᓯ ᐱᑦᔪᑎᒋᓪᓗᒍ.
“ᓮᒪᕐᑎᑕᐅᓇᕐᑐᒦᑉᐳᓯ ᐃᓄᐃᑦ ᐆᒥᒋᒃᐸᓯ, ᓇᕐᕈᒋᒃᐸᓯᓗ ᐅᖃᕐᓂᕐᓘᑎᒋᒃᐸᓯᓗ, ᐱᐅᖏᑦᑐᐊᓘᓂᕋᕐᐸᓯᓗ, ᐃᓅᑉ ᐃᕐᓂᖓ ᐱᑦᔪᑎᒋᓪᓗᒍ!
ᔩᓱᓯᐅᑉ ᑕᕝᕙᓃᑦᑐᓕᒫᑦ ᐅᖃᐅᑎᕔᑦ, “ᐅᕙᓐᓂᒃ ᒪᓕᒍᒪᔪᖃᕐᐸᑦ, ᐃᓱᒪᒥᓂᒃ ᐃᓅᔪᒪᔪᒃᓴᐅᓐᖏᓚᖅ, ᓴᓐᓂᖓᔪᓕᒃᓴᒥᓂᒃ ᖃᐅᑕᒫᑦ ᐊᒡᔭᕐᓯᔪᒃᓴᐅᕗᖅ ᒪᓕᒡᓗᖓᓗ.
ᐋᐴᓯᑕᓖᑦ ᑲᑎᒪᔨᕐᔪᐊᓂᑦ ᐊᓂᒐᒥᒃ ᖁᕕᐊᓱᒻᒪᕆᒃᐳᑦ ᖃᐅᔨᒐᒥᒃ ᐋᓐᓂᐊᑎᑕᐅᔪᓐᓇᕐᓂᑎᒃ ᓈᒻᒪᒋᔭᐅᖕᒪᑦ ᒎᑎᒧᑦ, ᔩᓱᓯ ᐱᑦᔪᑎᒋᓪᓗᒍ.
ᑍᒤᒻᒪᑦ ᙭ᔅᑑᓯ ᐱᓪᓗᒍ, ᑕᕝᕙ ᓈᒻᒪᒃᓴᕐᐳᖓ ᓴᓐᖐᓐᓂᓐᓂᒃ, ᐅᖃᕐᓂᕐᓘᑎᒋᔭᐅᓂᕐᓂᒃ, ᐅᖁᒤᒃᓴᕐᑎᑕᐅᓂᕐᓂᒃ, ᐊᑭᕋᕐᑐᕐᑕᐅᓂᕐᓂᒃ, ᐊᒃᓱᕈᓐᓇᕐᑐᓂᒡᓗ; ᓴᓐᖐᑦᑑᓕᕌᖓᒪᓕ, ᐱᔪᓐᓇᕐᓂᖃᕐᓂᕐᓴᐅᓕᕐᐸᒃᐳᖓ.
ᐃᓱᒪᖃᓚᐅᕋᒥ ᐱᑦᓯᐊᕐᑕᐅᖏᓐᓂᖅ ᒥᑕᐅᑕᐅᓂᕐᓗ ᙭ᔅᑑᓯ ᐱᑦᔪᑎᒋᓪᓗᒍ ᐊᖏᓂᕐᓴᒥᒃ ᐊᔪᕐᓴᖏᑦᔪᑎᒃᓴᐅᓇᓱᒋᓪᓗᒍ ᐄᑦᔨᑉᑎᒥᐅᑦ ᐱᖁᑎᕐᔪᐊᖏᓐᓂᑦ, ᓯᕗᓂᒃᓴᒥ ᐊᑭᓕᐅᑕᐅᔪᒫᕐᓂᖅ ᐃᓱᒪᒋᓪᓗᓂᐅᒃ.
ᔩᓱᓯ ᑕᑯᓐᓈᕐᓗᒍ ᐅᒃᐱᕐᓂᑦᑎᓐᓂᒃ ᐱᒋᐊᕐᑎᑦᓯᔨᐅᓪᓗᓂᓗ ᓈᒻᒪᒃᓯᑎᑦᓯᔪᖅ, ᑖᓐᓇ ᖁᕕᐊᓱᖕᓂᒃᓴᒥᓂᒃ ᑕᑯᓐᓈᕋᒥ ᓴᓐᓂᖓᔪᓕᒃ ᕿᓄᐃᓵᕐᓗᓂ ᐊᑐᓚᐅᕐᐹ, ᑲᓐᖑᓇᕐᓂᖓ ᑲᒪᒋᓇᒍ, ᒫᓐᓇᓗ ᐃᒃᓯᕙᓕᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ.
ᐃᓱᒪᒋᓚᐅᕐᓯᐅᒃ ᑖᑦᓱᒪ ᐊᑐᓚᐅᕐᑕᖓ ᐊᖏᔪᒥᒃ ᕿᓄᐃᓵᓚᐅᕐᐳᖅ ᐊᔪᕐᑐᓕᔪᓄᑦ ᐊᑭᕋᕐᑐᕐᑕᐅᒐᓗᐊᕋᒥ, ᓴᓐᖐᓕᖁᓇᓯ ᓴᐱᓕᖁᓇᓯᓗ.
ᐊᔪᕐᑐᓕᓂᕐᒥᒃ ᓵᓚᖃᕋᓱᐊᕐᑎᓪᓗᓯ ᑐᖁᑕᐅᑐᐃᓐᓇᕆᐊᖃᓕᕐᓗᓯ ᓱᓕ ᐱᓚᐅᖏᓐᓇᑦᓯ.
ᑍᒤᓕᐅᖃᑎᒋᕙᓚᐅᕐᑕᓯ ᑲᒪᓂᐊᕐᐳᑦ ᐱᓕᕆᐊᖏᓐᓂᒃ ᐱᓇᓱᐊᖃᑎᒋᔪᓐᓃᕋᑦᓯᐅᒃ ᐃᓅᓯᖃᕈᓐᓃᕋᑦᓯᓗ ᑐᑮᕈᑎᓯᒪᔪᑎᑐᑦ, ᑍᒤᒻᒪᑦ ᐅᖃᕐᓂᕐᓘᑎᖃᕋᓱᐊᓕᕐᐳᑦ ᐃᓕᑦᓯᓐᓂᒃ.
