ᐄᑉᕈᐃᓄᑦ 13:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑕᕝᕙ ᔩᓱᓯᑦᑕᐅᖅ ᑐᖁᓚᐅᕐᐳᖅ ᐃᒡᓗᒐᓮᑦ ᓯᓚᑖᓂ ᐃᓄᐃᑦ ᐸᓯᔭᒃᓴᐅᔪᓃᕐᑎᑕᐅᖁᓪᓗᒋᑦ ᓇᖕᒥᓂᖅ ᐊᐅᖕᒥᒍᑦ.

ᐄᑉᕈᐃᓄᑦ 13:12 Iomraidhean Croise

ᒨᓯᓯ ᐱᖓᔪᖏᑦ 24:23

ᒨᓯᓯ ᑕᒪᑐᒥᖓ ᐅᖃᐅᓯᖃᓚᐅᕐᑎᓪᓗᒍ ᐃᓴᕆᐊᓕᒥᐅᓄᑦ, ᑍᓐᓇ ᒎᑎᒥᒃ ᐅᖃᕐᓂᕐᓘᑎᖃᕐᓯᒪᔪᖅ ᓄᓇᓕᖕᓂᑦ ᐊᓂᑎᓚᐅᕐᐹᑦ, ᐅᔭᖅᑲᓄᓪᓗ ᒥᓪᓗᕐᓗᒍ ᑐᖁᑉᐹᑦ. ᑍᒫᒃ ᐃᓴᕆᐊᓕᒥᐅᑦ ᐊᑕᓂᐅᑉ ᐱᖁᔭᖓᓂᒃ ᐊᑑᑎᑦᓯᐊᓚᐅᕐᐳᑦ.

ᒨᓯᓯ ᓯᑕᒪᖏᑦ 15:36

ᑍᒫᒃ ᐊᑕᓂᐅᑉ ᒨᓯᓯ ᐱᖁᖕᒪᒍ, ᐃᓅᖃᑎᒌᒡᔪᐊᑦ ᑕᖕᒫᕐᓯᒪᔪᑦ ᓯᓚᑖᓅᕐᑎᑉᐹᑦ ᐅᔭᖅᑲᓄᓪᓗ ᒥᓪᓗᕐᓗᒍ, ᑐᖁᑉᐹᑦ.

ᓘᑲᓯᐅᑉ ᐊᒡᓚᖏᑦ 4:29

ᓂᑯᕕᓐᓇᒥᒃ ᔩᓱᓯ ᑎᒍᓪᓗᒍ ᑕᓯᐅᕐᐹᑦ, ᓄᓇᓕᖕᓂᑦ ᑕᕝᕙᓐᖓᑦ ᐃᓐᓈᕈᕐᒧᐊᕈᑎᓪᓗᒍ, ᑕᕝᕙᓐᖓᑦ ᐃᔪᒃᑲᕐᑎᑦᓱᒪᓪᓗᒍ, ᐃᒡᓗᒐᓴᖃᕐᕕᐅᑉ ᐃᓐᓈᕈᖓᒍᑦ.

ᔪᐊᓇᓯᐅᑉ ᐊᒡᓚᖏᑦ 17:19

ᑖᒃᑯᐊ ᐱᑦᔪᑎᒋᓪᓗᒋᑦ ᐃᓕᖕᓄᑦ ᑐᓂᕗᖓ, ᑖᒃᑯᐊᑦᑕᐅᖅ ᓱᓕᔪᒥᒃ ᑐᓂᖁᓪᓗᒋᑦ ᐃᓕᖕᓄᑦ.

ᔪᐊᓇᓯᐅᑉ ᐊᒡᓚᖏᑦ 19:34

ᐅᓇᑕᕐᑐᒃᓮᓪᓕ ᐃᓚᖓᑦᑕ ᖃᓗᒋᐊᕐᔪᐊᕐᒧᑦ ᔩᓱᓯ ᓴᓂᕋᖓᒍᑦ ᑲᐱᕚ, ᑕᕝᕔᓐᓇᕐᓗ ᐊᐅᒃ ᐃᒥᕐᓗ ᑯᕕᓕᕐᐴᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 7:58

ᐃᒡᓗᒐᓴᖕᓂᑦ ᐊᓂᑎᓐᓇᒥᑦᔪᒃ ᐅᔭᖅᑲᓄᑦ ᒥᓪᓗᕐᐹᑦ; ᒥᓪᓗᕐᑐᑦ ᐅᓕᒡᔪᐊᑎᒃ ᐲᕐᓗᒋᑦ ᑲᒪᒋᔭᐅᑎᑉᐰᑦ ᐃᓅᓱᒃᑐᒧᑦ ᓴᐅᓗᓯᒥᒃ ᐊᑎᓕᖕᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:11

ᐃᓚᓯ ᐃᓚᖏᑦ ᑍᒤᑦᑑᓚᐅᕆᕗᑦ. ᐊᔪᕐᓂᕐᒥᓪᓕ ᓴᓗᒻᒪᕐᑕᐅᓯᒪᓕᕐᐳᓯ, ᐃᑦᔪᕐᓁᑎᑕᐅᓪᓗᓯ, ᐸᓯᔭᒃᓴᐅᔪᓐᓃᕐᑎᑕᐅᕗᓯ ᐊᑕᓂᑦᑎᓐᓄᑦ ᔩᓱᓯ ᙭ᔅᑑᓯᒧᑦ ᒎᑎᑦᑕᓗ ᐊᓂᕐᓂᖓᓄᑦ.

ᐃᐱᓯᒥᐅᓄᑦ 5:26

ᑍᒤᓚᐅᕐᐳᕐᓕ ᐅᒃᐱᕐᑑᖃᑎᒌᑦ ᐃᑦᔪᕐᓁᑎᑦᓱᒪᓪᓗᒋᑦ, ᐅᐊᓴᓚᐅᕐᐰᑦ ᓴᓗᒻᒪᕐᑎᓪᓗᒋᓪᓗ ᐃᒪᕐᒧᑦ ᐅᖃᐅᓯᕐᒧᓪᓗ,

ᐄᑉᕈᐃᓄᑦ 10:10

ᑕᕝᕙ ᑖᑦᓱᒪ ᐱᓂᐊᕐᑕᐅᖁᔭᖓᓄᑦ ᓴᓗᒻᒪᕐᑕᐅᕗᒍᑦ ᔩᓱᓯᐅᑉ ᙭ᔅᑑᓯᐅᑉ ᑎᒥᖓᑕ ᑐᓂᕐᕈᑕᐅᓂᖓᓄᑦ ᐊᑕᐅᓯᐊᕐᓗᓂ ᐱᒃᑲᓐᓂᕆᐊᖃᖏᑦᑐᒥᒃ.

ᐄᑉᕈᐃᓄᑦ 10:29

ᖃᓄᖅ ᓱᒋᐊᕐᑕᐅᔭᕆᐊᖃᕐᓂᕐᓴᐅᓇᓱᒋᕕᓯᐅᒃ? ᒎᑎᐅᑉ ᐃᕐᓂᖓᓂᒃ ᑐᓪᓕᕋᕐᑐᖅ, ᐊᖏᕈᑕᐅᓯᒪᔫᓪᓗ ᐊᐅᖓᓂᒃ ᓇᕐᕈᓇᕐᓯᑎᑦᓯᔪᖅ ᐃᑦᔪᕐᓁᑎᑕᐅᑦᔪᑎᒋᓚᐅᕐᑕᒥᓂᒃ, ᒥᑕᐅᑎᖃᕐᑐᕐᓗ ᐊᓂᕐᓂᐅᑉ ᐱᔪᓐᓇᕐᓯᑎᑦᓯᓂᖓᓂᒃ?

ᐄᑉᕈᐃᓄᑦ 2:11

ᐃᑦᔪᕐᓁᑦᑐᓐᖑᕐᑎᑦᓯᔪᖅ ᐃᑦᔪᕐᓁᑎᑕᐅᔪᓪᓗ ᑕᒪᕐᒥᒃ ᐊᑕᐅᓯᕐᒥᒃ ᐊᑖᑕᖃᕐᐳᑦ. ᑕᒪᓐᓇ ᐱᓪᓗᒍ ᔩᓱᓯ ᑲᓐᖑᓱᓚᐅᓐᖏᓚᖅ ᐅᒃᐱᖃᑎᒥᓂᒃ ᑍᓗᒋᑦ.

ᔮᓱᐊᑉ ᐊᒡᓚᖏᑦ 7:24

ᔮᓱᐊᓪᓗ ᐃᓴᕆᐊᓕᒥᐅᓪᓗ ᐃᓚᒋᓪᓗᒋᑦ ᐂᑲᓐ ᔨᕋᐅᑉ ᑭᖑᕚᖓ ᑎᒍᕚᑦ, ᓯᐅᓪᕕᕇᓪᓗ ᐅᓕᒡᔪᐊᕐᓗ ᒎᓗᐃᓪᓗ, ᐃᕐᓂᖏᓪᓗ ᐸᓂᖏᓪᓗ ᐆᒪᔪᖁᑎᖏᓪᓗ ᓯᐅᑎᖅᑯᕐᑐᔪᖁᑎᖏᑦ ᓰᐱᖁᑎᖏᓪᓗ ᑐᐱᖓ ᓱᓇᑐᐃᓐᓇᓕᒫᓪᓗ ᓇᖕᒥᓂᖏᑦ; ᓇᕐᓴᒧᑦ ᐂᑯᐊᒧᑦ ᐂᑎᑉᐰᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:20

ᐸᐅᕐᒊᓪᓗ ᖃᒐᕐᑎᑕᐅᕗᑦ ᐃᑦᑏᔭᕐᑕᐅᕕᖕᒥ ᐃᒡᓗᒐᓮᑦ ᓯᓚᑖᓂ, ᐊᐅᒡᓗ ᑰᓕᕐᐳᖅ ᐸᐅᕐᖎᑦ ᐃᑦᑏᔭᕐᑕᐅᕕᖓᓂᑦ, ᐃᒪᕈᕐᑎᑦᓯᓂᖓᓗ ᑕᑭᓂᖃᕐᐳᖅ 200ᒤᓕᓂᒃ, ᐃᑎᓂᖃᕐᓗᓂᓗ ᐃᑎᒊᑦ ᑕᓪᓕᒪᑦ ᖃᓂᒋᔮᓂ.