ᐄᑉᕈᐃᓄᑦ 12:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᑍᑦᓱᒪᓂ ᓂᐱᖓᑕ ᓄᓇᕐᔪᐊᖅ ᓴᔪᒃᑎᓚᐅᕐᐹ; ᒫᓐᓇᓕ ᐊᖏᕈᑎᖃᕐᓗᓂ ᐅᖃᕐᓯᒪᕗᖅ, “ᓱᓕ ᐊᑕᐅᓯᐊᕐᓗᖓ ᓴᔪᒃᑎᑦᓯᒃᑲᓐᓂᕐᓂᐊᕐᐳᖓ ᓄᓇᕐᔪᐊᕐᒥ ᑭᓯᐊᓂᐅᖏᑦᑐᖅ ᕿᓚᖕᒥᓕᑦᑕᐅᖅ.”

ᐄᑉᕈᐃᓄᑦ 12:26 Iomraidhean Croise

ᒨᓯᓯ ᐂᑉᐸᖏᑦ 19:18

ᖃᖅᑳᓘᓪᓗ ᓮᓁᑉ ᖄᖓ ᐳᔪᕐᒧᑦ ᐅᓕᒃᓯᒪᕗᖅ ᐊᑕᓂᐅᑉ ᐊᖅᑲᕐᕕᒋᖕᒪᒍ ᐃᑯᐊᓚᔪᒧᑦ. ᐳᔪᖓᓗ ᖁᒻᒧᐊᒃᐳᖅ ᐃᒐᐅᑉ ᐳᔪᖓᑎᑐᑦ, ᐃᓄᐃᓪᓗ ᓴᔪᒃᐳᑦ ᐊᖏᔪᒥᒃ.

ᐂᓮᐊᓯᐅᑉ ᐊᒡᓚᖏᑦ 13:13

ᑍᒤᒻᒪᑦ ᕿᓔᑦ ᓴᔪᒃᑎᑦᓱᒪᕙᒃᑲ, ᓄᓇᕐᔪᐊᕐᓗ ᐊᐅᓚᓂᕐᒥᓄᑦ ᐃᓂᒥᓂᑦ ᓅᑦᓱᒫᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓂᓐᖓᐅᓯᖓᓂ ᐅᓪᓗᒥᓗ ᓂᓐᖓᐅᑦᔨᕕᖓᓂ.

ᐂᓮᐊᓯᐅᑉ ᐊᒡᓚᖏᑦ 2:19

ᐃᓄᐃᓪᓗ ᕾᕐᑑᑉ ᕾᕈᓱᖏᓐᓄᑦ ᐳᓚᔪᒫᕐᐳᑦ ᓄᓇᐅᓪᓗ ᐃᑎᕐᓴᖏᓐᓄᐊᕐᓗᑎᒃ, ᐊᑕᓂᐅᑉ ᓯᕘᕋᓇᕐᑐᕐᔪᐊᖑᓂᖓ ᐱᓪᓗᒍ, ᑖᑦᓱᒪᓗ ᐊᖓᔪᖅᑳᕐᔪᐊᖑᓂᖓᑕ ᓂᕐᑐᕐᓇᕐᑐᕐᔪᐊᖑᓂᖓᓂᑦ, ᒪᑭᓕᕐᐸᑦ ᓄᓇᕐᔪᐊᖅ ᓴᔪᒍᒫᕐᐳᖅ ᐊᖏᔪᕐᔪᐊᒥᒃ.

ᐂᓮᐊᓯᐅᑉ ᐊᒡᓚᖏᑦ 66:22

“ᓲᕐᓗ ᕿᓚᒃ ᓄᑖᖅ ᓄᓇᕐᔪᐊᕐᓗ ᓄᑖᖅ ᓴᓇᔪᒫᕐᑕᒃᑲ ᑍᒤᓕᖎᓐᓇᕈᒫᕐᒪᑕ ᓵᓐᓂ, ᐊᑕᓂᖅ ᐅᖃᕐᐳᖅ; ᑍᒫᒃᑕᐅᖅ ᐊᑎᕐᓯ ᑭᖑᕚᓯᓗ ᑍᒤᓕᖎᓐᓇᕈᒫᕆᕗᑦ.

ᔪᐃᓕᐅᑉ ᐊᒡᓚᖏᑦ 3:16

ᐊᑕᓂᖅ ᐃᕐᓯᓵᕆᔪᑎᑐᑦ ᓂᓪᓕᐊᔪᒫᕐᐳᖅ ᓮᐅᓂᒥ, ᓂᐱᖓᓗ ᑐᓴᕐᓴᐅᔪᒫᕐᐳᖅ ᔨᕉᓴᓕᒥᑦ; ᕿᓚᒡᓗ ᓄᓇᓗ ᓴᔪᒍᒫᕐᐴᒃ; ᐊᑕᓂᕐᓕ ᕿᒫᕕᒃᓴᐅᔪᒫᕐᐳᖅ ᐃᓄᖁᑎᒥᓄᑦ, ᐃᓴᕆᐊᓕᒥᐅᓄᓪᓗ ᑭᖑᕚᖑᖃᑎᒌᓄᑦ ᓴᓐᖏᑦᔪᑕᐅᔪᒫᕐᐳᖅ.

ᕼᐊᐸᑲᐅᑉ ᐊᒡᓚᖏᑦ 3:10

ᖃᖅᑬᓪᓗ ᐃᓕᖕᓂᒃ ᑕᑯᒐᒥᒃ ᓴᔪᓕᕐᐳᑦ; ᐃᒦᓪᓗ ᐃᒃᑑᓕᔮᕐᓗᑎᒃ ᖁᕕᓕᕐᐳᑦ ᕿᓚᖕᒥᑦ. ᐃᒪᕐᔪᐊᕐᓗ ᐃᒃᑑᓕᔮᓕᕐᐳᖅ ᓄᓇᐅᑉ ᐊᑖᓂᑦ, ᐃᒪᐅᓪᓗ ᐃᖏᐅᓕᖕᓂᖓ ᐳᕐᑐᓯᓪᓗᓂ.

ᕼᐊᒊᑉ ᐊᒡᓚᖏᑦ 2:21

“ᔨᕈᐸᐱᐅᓪ ᐅᖃᐅᑎᒍᒃ, ᐊᐅᓚᑦᓯᔨᐅᔪᖅ ᔫᑕᒧᑦ ᐅᖃᕐᓗᑎᑦ, ᕿᓚᒡᓗ ᓄᓇᕐᔪᐊᕐᓗ ᓴᔪᒃᑎᓐᓂᐊᓕᕋᒃᑭᒃ,

ᕼᐊᒊᑉ ᐊᒡᓚᖏᑦ 2:22

ᐊᖓᔪᖅᑲᐅᕖᑦ ᐃᒃᓯᕙᐅᑕᕐᔪᐊᖏᑦ ᐅᕐᕈᑎᓐᓂᐊᕐᐸᒃᑲ; ᐃᓅᖃᑎᒌᒡᔪᐊᓪᓗ ᐊᖓᔪᖅᑲᐅᕕᖏᑕ ᐱᔪᓐᓇᕐᓂᖏᑦ ᐊᓯᕈᕐᓂᐊᓕᕐᐸᒃᑲ, ᐅᓇᑕᐅᑏᓪᓗ ᐊᒃᓴᓗᐊᓖᑦ ᐅᕐᕈᑎᓐᓂᐊᕆᕙᒃᑲ ᐃᑭᒪᔪᓪᓗ ᐱᖃᓯᐅᑎᓗᒋᑦ; ᕿᒻᒥᕐᔪᐊᓪᓗ ᐃᑭᒪᔪᓪᓗ ᑲᑕᒃᑎᓐᓂᐊᕐᐸᒃᑲ, ᖃᑕᓐᖑᑎᒌᓕᒫᑦ ᓴᕕᒡᔪᐊᒧᑦ ᑐᖁᖃᑦᑕᐅᑎᓂᐊᕐᐳᑦ.

ᐄᑉᕈᐃᓄᑦ 12:27

ᐅᓇ ᐅᖃᐅᓯᖅ, “ᓱᓕ ᐊᑕᐅᓯᐊᕐᓗᖓ,” ᓇᓗᓇᖏᑦᑐᒥᒃ ᓴᖅᑭᑎᑦᓯᕗᖅ ᐱᓐᖑᕐᑎᑕᐅᓯᒪᔪᑦ ᐊᐅᓚᑎᑕᐅᓂᐊᕐᒪᑕ ᐲᕐᑕᐅᓗᑎᒡᓗ, ᑖᒃᑯᐊ ᐊᐅᓚᑎᑕᐅᔪᓐᓇᖏᑦᑐᑦ ᑍᒤᓕᖕᒊᓐᓇᓕᖁᓪᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 5:4

ᐊᑕᓃᖅ, ᐃᖏᕐᕋᓯᑎᓪᓗᑎᑦ ᖃᖅᑲᓂ ᓰᐊᕆᒥ, ᐊᐅᓪᓚᕋᕕᓪᓗ ᐱᓱᒡᓗᑎᑦ ᐄᑐᒥᐅᑉ ᓄᓇᖓᓂᑦ, ᓄᓇ ᓴᔪᓚᐅᕐᐳᖅ, ᕿᓚᒃ ᑲᑕᓚᐅᕐᐳᖅ ᐊᒡᓛᑦ, ᓯᓚᓗᒃ ᑲᑕᓚᐅᕐᐳᖅ ᓄᕗᔭᓂᑦ.