ᐄᑉᕈᐃᓄᑦ 12:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐃᓕᑦᓯᓕ ᖃᖅᑲᒧᑦ ᓮᐅᓂᒧᑦ ᑎᑭᓯᒪᕗᓯ ᒎᑎᐅᑉ ᑐᖁᓱᐃᑦᑑᑉ ᐃᒡᓗᒐᓴᒡᔪᐊᖁᑎᖏᓐᓄᑦ, ᔨᕉᓴᓕᒧᑦ ᕿᓚᖕᒦᑦᑐᒧᑦ, ᐂᖏᓕᒐᓴᒡᔪᐊᓄᑦ ᓈᓴᕐᑕᐅᔪᓐᓇᖏᑦᑐᓄᑦ ᖁᕕᐊᓱᖃᑎᒌᒡᓗᑎᒃ ᑲᑎᒪᔪᓄᑦ,

ᐄᑉᕈᐃᓄᑦ 12:22 Iomraidhean Croise

ᐊᑕᓃᑦ ᐂᑉᐸᖏᑦ 19:4

ᐃᒻᒪᖄ ᐊᑕᓂᐅᑉ ᒎᑎᑦᓯ ᑐᓵᓚᐅᕐᐹ ᕌᑉᓴᑭᐅᑉ ᐅᖃᐅᓯᖏᑦ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᖃᐅᓯᐅᖁᓚᐅᕐᑕᖏᑦ ᒎᑎᒥᒃ ᐆᒪᔪᒥᒃ ᒥᑕᐅᑎᖃᕐᑐᓂᒃ, ᐊᑕᓂᐅᑉ ᒎᑎᕕᑦ ᑕᒪᒃᑯᐊ ᐅᖃᐅᓯᐅᔪᑦ ᐅᕙᑦᑎᓐᓄᑦ ᒥᑕᐅᑎᖃᕐᓗᑎᒃ ᓱᒋᐊᕐᓕᒋᑦ ᑍᒤᑦᑐᓂᒃ ᐅᖃᓪᓚᒃᑐᕕᓃᒃ, ᑍᒤᒻᒪᑦ ᐃᓄᖁᑎᑦᑕ ᐊᒥᐊᒃᑯᖏᑦ ᒎᑎᒧᑦ ᑐᒃᓯᐅᑎᒃᑭᑦ.”

ᐃᓐᖏᕈᑎᑦ 2:6

“ᐊᖓᔪᖅᑳᕐᔪᐊᖁᑎᒐ ᐃᓕᕙᕋ ᓮᐅᓂᒧᑦ, ᖃᖅᑲᒥ ᐃᑦᔪᕐᓁᑦᑐᖁᑎᓐᓂ.”

ᐃᓐᖏᕈᑎᑦ 42:2

ᑕᕐᓂᕋ ᐃᒥᕈᕐᐳᖅ ᒎᑎᒥᒃ, ᒎᑎᒧᑦ ᐆᒪᔪᒧᑦ. ᖃᖓᓕ ᓴᖅᑭᑦᓱᒫᕐᐳᖓ ᓵᖕᓂ ᒎᑏ?

ᐃᓐᖏᕈᑎᑦ 48:2

ᑲᑦᔮᕐᓇᕐᑑᕗᖅ ᖁᑦᓯᒃᑐᒦᓪᓗᓂ, ᓄᓇᕐᔪᐊᕐᒥᐅᓂᑦ ᖁᕕᐊᒋᔭᐅᔪᖅ, ᖃᖅᑲᖅ ᓮᐅᓂ ᐅᓐᓄᐊᑉ ᓇᓛᓃᑦᑐᖅ ᖃᖅᑲᐅᑉ ᐅᕕᖓᓂᖓᓂ ᐅᐊᖕᓇᒥ, ᐊᔪᖏᑦᑑᑉ ᐊᖓᔪᖅᑳᕐᔪᐊᑉ ᐃᒡᓗᒐᓴᒡᔪᐊᖁᑎᖏᓐᓂ.

ᐃᓐᖏᕈᑎᑦ 68:17

ᐊᒃᓴᓗᐊᓖᑦ ᐱᐅᔪᕐᔪᐊᑦ ᒎᑎᐅᑉ ᐱᖏᑦ ᐊᕙᑎᑦ ᑕᐅᓮᕐᑐᕐᓗᒋᑦ ᐊᒡᓛᑦ, ᑕᐅᓮᑦ ᑕᐅᓮᕐᑐᕐᓗᒋᑦ, ᐊᑕᓂᐅᑉ ᓮᓁᒥᑦ ᐃᓚᒋᓪᓗᒋᑦ ᐃᑦᔪᕐᓁᑦᑐᕕᖕᒧᐊᓚᐅᕐᐳᖅ.

ᐃᓐᖏᕈᑎᑦ 84:2

ᑕᕐᓂᕐᒪ ᐅᖓᒋᕚ, ᐄᓛᒃ, ᐃᓗᓐᓂᑦ ᐱᔪᒧᑦ ᐃᓂᒋᔭᖓᓃᑦᓱᒪᕗᖓ; ᐆᒻᒪᑎᒪ ᑎᒥᒪᓗ ᖁᕕᐊᓱᖕᓂᕐᒧᑦ ᐃᓐᖏᕐᕕᒋᕚ ᒎᑎ ᐆᒪᑦᓮᓐᓇᕐᑐᖅ.

ᐃᓐᖏᕈᑎᑦ 87:3

ᑐᓴᕈᒥᓇᕐᑐᓂᒃ ᐅᖃᐅᓯᐅᖃᑦᑕᕐᐳᑎᑦ, ᒎᑎᒧᑦ ᐃᒡᓗᒐᓴᒡᔪᐊᖑᔪᑎᑦ! ᓰᓚ

ᐂᓮᐊᓯᐅᑉ ᐊᒡᓚᖏᑦ 12:6

ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”

ᐂᓮᐊᓯᐅᑉ ᐊᒡᓚᖏᑦ 14:32

ᖃᓄᕐᓕ ᑭᐅᔭᐅᓂᐊᓕᕐᐹᑦ ᐱᓕᔅᑎᐊᒥᑦ ᑐᓴᕐᑎᑦᓯᔭᕐᑐᕐᑐᑦ? “ᐅᖃᐅᑎᔪᒫᕐᐸᕗᑦ ᐊᑕᓂᖅ ᐃᓂᖃᕐᓂᕋᕐᓗᒍ ᓮᐅᓂᒥ ᐃᓄᖁᑎᖏᓪᓗ ᐊᒃᓱᕈᕐᑎᑕᐅᓯᒪᔪᑦ ᓮᓕᓇᕐᑐᒥᒃ ᐃᓂᒃᓴᕐᓯᔪᒫᕐᐳᑦ ᑍᑲᓂ.”

ᐂᓮᐊᓯᐅᑉ ᐊᒡᓚᖏᑦ 24:23

ᑕᖅᑭᖅ ᑖᕐᓯᔪᒫᕐᐳᖅ ᓯᕿᓂᕐᓗ ᖃᐅᒪᔪᓐᓃᕐᓗᓂ, ᐊᑕᓂᖅ ᐊᔪᒐᖃᖏᑦᑐᖅ ᐊᐅᓚᑦᓯᓕᕈᒫᕐᒪᑦ, ᔨᕉᓴᓕᒥ ᓮᐅᓂᐅᑉ ᖃᖅᑲᖓᓂ, ᐃᓄᐃᓪᓗ ᐊᖓᔪᖅᑳᖏᑕ ᐱᓐᓇᕐᓇᕐᓂᕐᔪᐊᖓ ᑕᑯᔪᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 27:13

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᑎᑦᑐᓚᐅᑦ ᓂᓪᓕᕈᒫᕐᐳᖅ ᐅᑎᖁᔨᑦᔪᑕᐅᔪᖅ ᐃᓴᕆᐊᓕᒥᐅᓂᒃ ᐊᐅᓪᓚᕈᑦᔭᐅᓯᒪᔪᓂᒃ ᓄᓇᑐᖃᕐᒥᖕᓂᑦ ᐊᓯᕆᐊᒧᑦ ᐄᑦᔨᑉᑎᒧᓪᓗ, ᕾᔪᒫᕐᐳᑦ ᐊᑕᓂᕐᓗ ᑐᒃᓯᐊᕐᕕᒋᓗᒍ ᔨᕉᓴᓕᒥ ᖃᖅᑲᒥ ᐃᑦᔪᕐᓁᑦᑐᒥ.

ᐂᓮᐊᓯᐅᑉ ᐊᒡᓚᖏᑦ 28:16

ᑍᒤᒻᒪᑦ ᐊᑕᓂᖅ ᒎᑎ ᐅᖃᕐᐳᖅ: “ᑕᑯᒋᑦ, ᓮᐅᓂᒥ ᐅᔭᕋᖕᒥᒃ ᑐᓐᖓᕕᒃᓴᓕᐅᕐᐳᖓ, ᐆᒃᑐᕋᕐᑕᐅᓯᒪᔪᒥᒃ ᐅᔭᕋᖕᒥᒃ, ᐃᒡᓘᑉ ᑎᕆᖅᑯᒃᓴᖓᓂᒃ, ᑐᓐᖓᕕᒃᓴᒥᒃ ᐊᐅᓚᖏᑦᑐᒥᒃ; ᓇᓪᓕᐊᓪᓗ ᐅᒃᐱᕐᑐᖅ ᑐᐊᕕᕐᓗᓂ ᐱᓇᓱᐊᕆᐊᖃᕈᒫᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 51:11

ᐊᑕᓂᐅᑉ ᐊᑭᓕᕐᓗᒋᑦ ᐱᑖᕆᒃᑲᓐᓂᕐᓯᒪᔭᖏᑦ ᐅᑎᕈᒫᕐᐳᑦ, ᓮᐅᓂᒧᑦ ᐃᑎᓕᕈᒫᕐᐳᑦ ᐃᓐᖏᕐᓗᑎᒃ; ᐃᓱᖃᖏᑦᑐᒧᑦ ᖁᕕᐊᓱᖕᓂᕐᔪᐊᖃᕈᒫᕐᐳᑦ, ᐊᓕᐊᓁᒍᓱᒡᓗᑎᒃ ᖁᕕᐊᓱᖕᓂᐊᓗᖕᒧᑦ, ᕿᒃᓵᖕᓂᖅ ᐊᓂᕐᓴᐅᒥᓂᕐᓗ ᕿᒫᔪᒫᕐᐴᒃ.

ᐂᓮᐊᓯᐅᑉ ᐊᒡᓚᖏᑦ 51:16

ᐅᖃᐅᓯᒃᑲ ᐃᓕᕙᒃᑲ ᖃᓂᕐᓄᑦ; ᐃᔨᕐᓯᒪᓪᓗᓯᓗ ᐊᒡᒐᖕᒪ ᑕᕐᕋᖓᓄᑦ, ᕿᓚᖕᓂᒃ ᐃᓯᕕᑦᓯᖁᓪᓗᖓ, ᓄᓇᕐᔪᐊᕐᒥᒡᓗ ᐃᓂᒋᓂᐊᕐᑕᖓᓄᑦ ᐃᓕᓯᖁᓪᓗᖓ, ᓮᐅᓂᒧᓪᓗ ᐅᖃᕐᓗᖓ, ‘ᐃᓄᖁᑎᒋᕙᑦᓯ.’”

ᐂᓮᐊᓯᐅᑉ ᐊᒡᓚᖏᑦ 59:20

“ᐱᐅᓕᔨᒃᓴᖅ ᓮᐅᓂᒧᑦ ᑎᑭᑦᓱᒫᕐᒪᑦ ᐱᐅᓕᓯᔭᕐᑐᕐᓗᓂ, ᔧᑰᑉ ᑭᖑᕚᖏᓐᓄᑦ ᐊᔪᕐᓂᕐᒥᑦ ᕿᒤᓯᒪᔪᓄᑦ,” ᐊᑕᓂᖅ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 60:14

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᕙᓚᐅᕐᑐᑦ ᐃᕐᓂᖏᓐᓄᑦ ᐹᒻᒪᒃᑎᕐᕕᐅᔭᕐᑐᕈᒫᕐᐳᓯ; ᐆᒥᓱᒃᑎᒋᓚᐅᕐᑕᓕᒫᓯᓗ ᒥᑭᒡᓕᑎᕐᓗᑎᒃ ᐃᑎᒐᑦᓯᓐᓄᑦ ᐹᒻᒪᒋᐊᕐᑐᕈᒫᕐᐳᑦ; ᑍᔭᐅᓕᕐᓗᓯᓗ ᐊᑕᓂᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᓮᐅᓂᒥᒃ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 10:10

ᐊᑕᓂᕐᓕ ᒎᑎᐅᓪᓗᓂ ᓱᓕᔪᑑᕗᖅ; ᒎᑎᐅᓪᓗᓂ ᐆᒪᕗᖅ, ᐃᓱᖃᖏᑦᑐᒧᑦ ᐊᖓᔪᖅᑳᕐᔪᐊᖅ. ᓂᓐᖓᒃᐸᑦ ᓄᓇ ᓴᔪᒃᐱᓗᒃᐳᖅ, ᓂᓐᖓᒡᓗᓂ ᐱᓇᓱᐊᓕᕐᐸᑦ ᐃᓅᖃᑎᒌᒡᔪᐊᓄᑦ ᓵᓚᒋᔭᐅᔪᓐᓇᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 17:25

ᑕᕝᕙ ᐊᖓᔪᖅᑳᕐᔪᐊᕆᔭᓯ ᑍᕕᑎᐅᑉ ᑭᖑᕚᖏᓐᓂᑦ ᐱᓯᒪᔪᑦ ᐊᖓᔪᖅᑳᖁᑎᖏᓪᓗ ᐃᑎᕐᐸᖕᓂᐊᕐᐳᑦ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᑎᒍᑦ ᔫᑕᒥᐅᓂᒃ ᔨᕉᓴᓕᒥᐅᓂᒡᓗ ᐃᓚᖃᕐᓗᑎᒃ ᕿᒧᒃᓯᐅᑎᖁᑎᒥᒃᑎᒍᑦ, ᐃᒡᓗᒐᓴᒡᔪᐊᓪᓗ ᑖᒃᑯᐊ ᐃᓄᕾᓐᓇᕐᓂᐊᕐᐳᑦ ᐃᓱᖃᖏᑦᑐᒧᑦ.

ᑖᓂᐊᓕᐅᑉ ᐊᒡᓚᖏᑦ 6:26

ᐱᖁᔭᓕᐅᕐᐳᖓ ᐊᖓᔪᖅᑲᐅᕕᓕᒫᓐᓂ ᐃᓄᐃᑦ ᓴᔪᒃᑐᒃᓴᐅᕗᑦ ᓯᕘᕋᓗᑎᒡᓗ ᑖᓂᐊᓕᐅᑉ ᒎᑎᖓᓂᒃ: ᑖᓐᓇ ᐃᓅᖕᒪᑦ ᓱᖁᓯᕐᓂᐊᕋᓂᓗ ᐃᓱᖃᖏᑦᑐᒧᑦ, ᐊᖓᔪᖅᑲᐅᕕᖓ ᐊᓯᕈᕐᑕᐅᓂᐊᓐᖏᓚᖅ, ᐊᑕᓂᐅᓂᖓᓗ ᐃᓱᓕᓐᓂᐊᓐᖏᓚᖅ.

ᑖᓂᐊᓕᐅᑉ ᐊᒡᓚᖏᑦ 7:10

ᐃᑯᒪᔪᖅ ᑰᒃᐳᖅ ᑖᑦᓱᒪ ᓵᖓᓂᑦ: ᑕᐅᓴᑎᑦ ᑕᐅᓴᑎᓪᓗ ᐅᖓᑖᓃᑦᑐᑦ ᐱᔨᑦᓯᕐᐳᑦ ᑖᑦᓱᒥᖓ; 10,000 10,000ᐃᕐᑐᕐᓗᒍ ᐅᓄᕐᑎᒋᔪᑦ ᓵᖓᓂ ᓇᖏᕐᐳᑦ, ᐃᖅᑲᕐᑐᐃᓂᖅ ᐱᒋᐊᕐᒪᑦ, ᒪᒃᐱᕐᑐᖅᑲᓪᓗ ᒪᒃᐱᕐᑕᐅᕗᑦ.

ᕼᐆᓯᐊᑉ ᐊᒡᓚᖏᑦ 1:10

ᐃᓴᕆᐊᓕᒥᐅᓪᓕ ᐃᓄᖏᑦ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᒫᕐᐳᑦ, ᐆᒃᑐᕋᕐᑕᐅᔪᓐᓇᖏᓪᓗᑎᒃ ᓈᓴᕐᑕᐅᔪᓐᓇᖏᓪᓗᑎᒡᓗ; ᑕᕝᕙᓂ ᐅᖃᐅᑦᔭᐅᔪᒫᕐᐳᑦ, “ᐃᓄᖁᑎᒋᓐᖏᓚᑦᓯ,” ᐅᖃᕐᕕᐅᓕᕈᒫᕆᕗᑦ, “ᒎᑎᐅᑉ ᐆᒪᔫᑉ ᕿᑐᕐᖓᖏᑦ.”

ᔪᐃᓕᐅᑉ ᐊᒡᓚᖏᑦ 2:32

ᒪᑐᒪ ᑭᖑᕐᖓᒍᑦ ᓇᓪᓕᐊᑦ ᐊᑕᓂᐅᑉ ᐊᑎᖓᓂ ᑐᒃᓯᐊᕐᑐᖅ ᐱᐅᓕᔭᐅᓛᕐᐳᖅ. ᖃᖅᑲᒥ ᓮᐅᓂᒥ ᔨᕉᓴᓕᒥᓗ ᓴᐳᑦᔭᐅᕕᒃᓴᖃᕈᒫᕐᐳᖅ. ᐊᑕᓂᖅ ᐅᖃᓚᐅᕐᒪᑦ, ᑍᒤᑦᓱᒫᕐᐳᖅ ᐃᓄᖁᑎᖏᓐᓂ ᐊᒥᐊᒃᑰᔪᓂ ᐊᑕᓂᐅᑉ ᕾᖁᔭᖏᓐᓂ.”

ᒫᑎᐅᓯᐅᑉ ᐊᒡᓚᖏᑦ 16:16

ᑕᕝᕙ ᓮᒨᓂ ᐲᑦᑐᕉᓯᐅᑉ ᑭᐅᕚ, “ᒥᓮᐊᓯᐅᕗᑎᑦ, ᒎᑎᐅᑉ ᐆᒪᔫᑉ ᐃᕐᓂᖓ.”

ᒫᑎᐅᓯᐅᑉ ᐊᒡᓚᖏᑦ 5:35

ᓄᓇᕐᔪᐊᕐᓘᓐᓃᑦ ᑍᖃᓯᐅᑎᓗᒍ, ᐃᑎᒐᖏᑕ ᐃᑯᕐᕋᕆᖕᒪᒍ; ᔨᕉᓴᓕᒻᓘᓐᓃᑦ ᑍᖃᓯᐅᑎᓗᒍ, ᑖᓐᓇ ᐊᖓᔪᖅᑳᕐᔪᐊᖑᓂᕐᐹᑉ ᐃᒡᓗᒐᓴᒡᔪᐊᖁᑎᒋᖕᒪᒍ.

ᕉᒪᒥᐅᓄᑦ 11:26

ᑕᕝᕙ ᐃᓴᕆᐊᓕᒥᐅᓕᒫᑦ ᐱᐅᓕᔭᐅᔪᒫᕐᐳᑦ; ᑎᑎᕋᕐᓯᒪᖕᒪᑦ, “ᐱᐅᓕᔨ ᓮᐅᓂᒥᑦ ᑎᑭᑦᓱᒫᕐᐳᖅ, ᒎᑎᖃᖏᓐᓂᕐᓗ ᐲᔭᕈᒫᕐᐹ ᔧᑰᑉ ᑭᖑᕚᖏᓐᓂᑦ.

ᕉᒪᒥᐅᓄᑦ 9:26

“ᑕᕝᕙᓂᑦᓮᓐᓇᖅ ᐅᖃᐅᑦᔭᐅᕝᕕᕕᓂᕐᒥᖕᓂ, ‘ᐃᓄᖁᑎᒋᓐᖏᓚᑦᓯ,’ ᑍᔭᐅᓕᕈᒫᕐᐳᑦ ‘ᒎᑎᐅᑉ ᐆᒤᓐᓇᕐᑑᑉ ᕿᑐᕐᖓᖏᓐᓂᒃ.’”

ᒐᓔᑎᐊᒥᐅᓄᑦ 4:26

ᕿᓚᖕᒥᓕ ᔨᕉᓴᓕᐅᔪᒫᕐᑐᖅ ᕿᓚᒃᓱᕐᑕᐅᓯᒪᓐᖏᓚᖅ, ᑖᓐᓇᓗ ᑕᕝᕙ ᐊᓈᓇᒋᕙᕗᑦ.

ᐃᐱᓯᒥᐅᓄᑦ 2:19

ᑍᒤᒻᒪᑦ ᓄᓇᖃᑎᒋᔭᐅᖏᑦᑐᑎᑐᑦ ᑕᑯᓕᒪᓇᖏᑦᑐᑎᑐᓪᓗ ᑍᒤᑦᑑᓐᓃᕐᐳᓯ, ᐃᑦᔪᕐᓁᑎᑕᐅᓯᒪᔪᓄᓪᓕ ᐃᓚᒋᔭᐅᓕᕐᐳᓯ ᒎᑎᐅᑉ ᐃᒡᓗᒥᐅᖃᑎᖏᓐᓄᑦ.

ᒨᓯᓯ ᑕᓪᓕᒪᖏᑦ 33:2

ᐅᖃᕐᓗᓂ, “ᐊᑕᓂᖅ ᐊᖅᑲᓚᐅᕐᐳᖅ ᖃᖅᑲᒥᑦ ᓮᓁᒥᑦ; ᓴᖅᑭᓚᐅᕐᐳᕐᓗ ᓯᕿᓂᕐᑐᑦ ᐄᑐᒥᒧᑦ ᓴᖅᑭᑦᑐᑎᑐᑦ ᓰᐊᕆᒥᑦ ᐅᕙᑦᑎᓐᓄᑦ, ᖃᐅᒻᒪᒃᑎᑦᓯᓚᐅᕐᐳᖅ ᖃᖅᑲᒥᑦ ᐸᕌᓐᒥᑦ. ᐂᖏᓕᖁᑎᓂ 10,000 ᐃᑦᔪᕐᓁᑦᑐᑦ ᐃᓚᒋᓪᓗᒋᑦ, ᑕᓕᕐᐱᖕᒥᒍᑦ ᐃᑯᒪᒥᒃ ᐃᑯᐊᓚᔪᒥᒃ ᑎᒍᒥᐊᕐᓗᓂ.

ᒨᓯᓯ ᑕᓪᓕᒪᖏᑦ 5:26

ᐃᓄᖕᒥᒃ ᐆᒪᔪᖃᓚᐅᕐᓯᒪᕚ? ᒎᑎᐅᑉ ᐆᒪᔫᑉ ᓂᐱᖓᓂᒃ ᑐᓵᓯᒪᔪᒥᒃ ᐅᖄᑎᓪᓗᒍ ᐃᑯᒪᒥᑦ? ᐅᕙᑦᑎᑐᑦ, ᑐᓵᓯᒪᒐᑦᑕ ᓂᐱᖓᓂᒃ ᐆᒪᓪᓗᑕ?

ᐱᓕᐱᒥᐅᓄᑦ 3:20

ᐅᕙᒍᓪᓕ ᓄᓇᒋᔭᕗᑦ ᕿᓚᖕᒦᑉᐳᖅ, ᑕᑉᐹᓐᖓᓪᓗ ᕿᓚᓈᕐᓗᑕ ᐅᑕᖅᑭᕙᕗᑦ ᐱᐅᓕᔨ, ᔩᓱᓯ ᙭ᔅᑑᓯ ᐊᑕᓂᕗᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:9

ᐃᓄᓕᒫᑦ ᐃᓕᑦᓯᓐᓂᒃ ᐅᓐᓂᕐᓯᐅᑎᖃᕐᒪᑕ ᐅᕙᑦᑎᓐᓂᒃ ᑐᓐᖓᓱᒃᑎᑦᓯᓂᕆᓚᐅᕐᑕᑦᓯᓐᓂᒃ ᑎᑭᑎᓪᓗᑕ, ᖃᓄᕐᓗ ᒎᑎᓐᖑᐊᖃᕐᓂᒥᒃ ᕿᒤᓪᓗᓯ ᒎᑎᒧᑦ ᓵᒋᐊᓚᐅᕐᓂᑦᓯᓐᓂᒃ, ᒎᑎ ᓱᓕᔪᑐᐊᖅ ᐱᔨᑦᓯᓕᕐᓗᒍ.

ᑎᒧᑎᒧᑦ ᐂᑉᐸᖏᑦ 4:18

ᐊᑕᓂᐅᑉ ᐱᐅᖏᑦᑐᓂᑦ ᑕᒤᓐᓂᑦ ᓴᐳᑎᓂᐊᕐᐹᖓ ᖃᓄᐃᖏᓪᓗᖓ ᐊᑕᓂᐅᕕᖓᓄᑦ ᕿᓚᖕᒦᑦᑐᒧᑦ ᑎᑭᑦᑐᓐᓇᖁᓪᓗᖓ. ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.

ᐄᑉᕈᐃᓄᑦ 10:31

ᑲᑉᐱᐊᓇᕐᑐᐊᓘᕗᖅ ᒎᑎᐅᑉ ᑐᖁᓱᐃᑦᑑᑉ ᐊᒡᒐᖏᓐᓄᑦ ᐅᕐᕈᓗᓂ.

ᐄᑉᕈᐃᓄᑦ 11:10

ᐃᒡᓗᒐᓴᖕᓂᒃ ᐅᑕᖅᑭᓚᐅᕐᐳᖅ ᑐᓐᖓᕕᖃᕐᑐᓂᒃ ᐊᐅᓚᑦᔭᒃᑕᐅᔪᓐᓇᖏᑦᑐᓂᒃ ᐃᓪᓗᒃᓴᓕᐊᖑᓯᒪᔪᑦ ᒎᑎᐅᑉ ᐃᓱᒪᒋᔭᖓᓂᒃ ᓴᓇᔭᐅᓯᒪᓪᓗᑎᒃ.

ᐄᑉᕈᐃᓄᑦ 11:16

ᓄᓇᒥᒡᓕ ᐱᐅᓂᕐᓴᒥᒃ ᐅᐸᒍᒪᔭᖃᓚᐅᕋᒥᒃ, ᑕᕝᕙ ᕿᓚᖕᒦᑦᑐᒥᒃ. ᑍᒤᒻᒪᑦ ᒎᑎᐅᑉ ᑲᓐᖑᓲᑎᒋᓚᐅᓐᖏᓛ, ᐋᖅᑭᒃᓱᐃᓯᒪᒐᒥ ᐃᒡᓗᒐᓴᒡᔪᐊᒃᓴᖏᓐᓂᒃ.

ᐄᑉᕈᐃᓄᑦ 13:14

ᒫᓂ ᐃᒡᓗᒐᓴᖃᖏᓐᓇᑦᑕ ᐱᒌᓐᓇᕐᓂᐊᕐᑕᑦᑎᓐᓂᒃ, ᐃᒡᓗᒐᓴᒡᔪᐊᓂᒡᓕ ᓯᕗᓂᑦᑎᓐᓂ ᓂᕆᐅᒋᔭᖃᕐᐳᒍᑦ.

ᐄᑉᕈᐃᓄᑦ 3:12

ᑲᒪᑦᓯᐊᕆᑦᓯ ᐅᒃᐱᖃᑎᒃᑲ, ᓇᓪᓕᓯ ᐃᓱᒪᖃᕐᑍᓕᓕ ᐱᐅᖏᑦᑐᒥᒃ, ᐅᒃᐱᖏᑦᑐᒥᒡᓗ ᒎᑎ ᑐᖁᓱᐃᑦᑐᖅ ᓈᓚᒍᓐᓃᕐᓗᒍ ᐱᔪᒥᒃ.

ᐄᑉᕈᐃᓄᑦ 9:14

ᐊᖏᓂᕐᓴᒻᒪᕆᐊᓗᖕᒥᒡᓕ ᑕᕝᕙ, ᙭ᔅᑑᓯᐅᑉ ᐊᐅᖓ, ᐊᓂᕐᓂᒃᑯᑦ ᐃᓱᖃᖏᑦᑐᒃᑯᑦ ᐃᒻᒥᓂᒃ ᑐᓂᕐᕈᑕᐅᑎᓚᐅᕐᐳᖅ ᐸᓯᔭᒃᓴᐅᓂᖃᖏᑦᑐᖅ ᒎᑎᒧᑦ, ᑖᑦᓱᒪ ᐃᓱᒪᕗᑦ ᓴᓗᒻᒪᕐᐰᑦ ᐱᓂᐊᕐᓂᕐᓂᑦ ᑐᖁᖓᔪᓂᑦ, ᒎᑎᒥᒃ ᐆᒪᔪᒥᒃ ᐱᔨᑦᓯᕈᓐᓇᖁᓪᓗᒋᑦ.

ᔮᓱᐊᑉ ᐊᒡᓚᖏᑦ 3:10

ᔮᓱᐊᓗ ᐅᖃᕐᐳᖅ, “ᖃᐅᔨᒪᓂᐊᕐᐳᓯ ᒎᑎᐅᑉ ᐆᒪᔪᑉ ᐃᓚᒋᖕᒪᓯ, ᑖᑦᓱᒪ ᑲᔪᓯᑦᓯᐊᕐᓗᓂ ᐱᕙᓪᓕᐊᑎᓐᓂᐊᕐᐹᓯ ᓯᖏᑦᓯᖁᓪᓗᓯ ᑬᓇᓂᒥᐅᓂᒃ, ᕼᐃᑍᑎᒥᐅᓂᒃ, ᕼᐃᕔᑎᑎᒥᐅᓂᒃ, ᐱᕆᔧᑎᒥᐅᓂᒃ, ᒋᕐᒐᓮᑎᒥᐅᓂᒃ, ᐊᒧᕅᑎᒥᐅᓂᒃ, ᔨᐳᓮᑎᒥᐅᓂᒡᓗ,

ᔫᑎᐅᑉ ᐊᒡᓚᖏᑦ 1:14

ᐃᓅᑭ ᐋᑕᒥᐅᑉ ᑭᖑᕚᖏᑕ 7ᖓᓐᓂᑦ ᐱᓯᒪᓪᓗᓂ ᓇᓚᐅᑦᑍᑎᑕᐅᓚᐅᕐᐳᖅ ᑖᒃᑯᓂᖓ ᐱᑦᔪᑎᖃᕐᖢᓂ, “ᑕᑯᒋᑦ, ᐊᑕᓂᖅ ᕾᓕᕐᐳᖅ ᐂᖏᓖᑦ ᐃᑦᔪᕐᓁᑦᑐᖁᑎᓂ ᓈᓴᒐᒃᓴᐅᖏᑦᑐᑦ ᐃᓚᒋᓗᒋᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:1

ᑕᑯᓴᕋᒪᓗ, ᑕᑯᕗᖓ, ᓄᕐᕋᐅᔭᕐᒥᒃ ᖃᖅᑲᒥ ᓮᐅᓂᒥ ᓇᖏᕐᑐᒥᒃ, ᓇᖏᖃᑎᖃᕐᓗᓂ 144,000ᓂᒃ ᐊᑎᖓᓂᒃ ᐊᑖᑕᖓᑕᓗ ᐊᑎᖓᓂᒃ ᑎᑎᕋᕐᕕᐅᓯᒪᔪᓂᒃ ᖃᐅᖏᑎᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:10

ᐊᓂᕐᓂᒃᑯᓪᓗ ᐊᐅᓪᓚᕈᑎᕚᖓ ᖃᖅᑲᕐᔪᐊᕐᒧᑦ, ᐳᕐᑐᔪᕐᔪᐊᒧᑦ, ᑕᑯᑎᑉᐹᖓᓗ ᔨᕉᓴᓕᒥᒃ ᐃᑦᔪᕐᓁᑦᑐᓂᒃ ᐃᒡᓗᒐᓴᒡᔪᐊᓂᒃ ᕿᓚᖕᒥᑦ ᐊᖅᑲᕐᑐᓂᒃ ᒎᑎᒥᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:2

ᐃᒡᓗᒐᓴᒡᔪᐊᓪᓗ ᐃᑦᔪᕐᓁᑦᑐᑦ ᑕᑯᕙᒃᑲ, ᔨᕉᓴᓕᒻ ᓄᑖᖅ, ᕿᓚᖕᒥᑦ ᐊᖅᑲᕐᑐᖅ ᒎᑎᒥᑦ, ᐊᑐᐃᓐᓇᕈᕐᓯᒪᓕᕐᑐᖅ ᓄᓕᐊᒃᓴᑐᑦ ᐊᓐᓄᕌᕐᓯᒪᑦᓯᐊᓕᕐᑐᑎᑐᑦ ᐅᐃᒃᓴᒥᓄᑦ ᐊᑐᐃᓐᓇᐅᓕᕐᑐᑎᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:19

ᓇᓪᓕᐊᓐᓂᒡᓗ ᐃᓚᓐᖎᔪᖃᕐᐸᑦ ᐅᑯᓇᓂ ᐱᔪᒫᕐᑐᑦ ᐅᖃᐅᓯᕐᑕᖏᓐᓂᒃ ᐊᒡᓚᖕᓂ ᑎᑎᕋᕐᓯᒪᔪᓂ, ᑖᓐᓇ ᒎᑎᐅᑉ ᐃᓚᓐᖎᕕᒋᔪᒫᕆᕚ ᐱᔭᒃᓴᖓᓂᒃ ᓇᐹᕐᑐᒥᑦ ᐆᒪᓇᕐᑐᒥᑦ ᐃᒡᓗᒐᓴᒡᔪᐊᓂᓪᓗ ᐃᑦᔪᕐᓁᑦᑐᓂᑦ, ᑖᒃᑯᓇᓂ ᐅᖃᐅᓯᐅᓯᒪᔪᓂᒃ ᑕᕝᕙᓂ ᐊᒡᓚᖕᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:12

ᓵᓚᖃᕐᑐᖅ, ᓱᑲᓐᖑᕐᑎᑦᓱᒪᕙᕋ ᒎᑎᒪ ᑐᒃᓯᐊᕐᕕᒡᔪᐊᖁᑎᖓᓂ; ᑖᑦᓱᒪᓗ ᕿᒪᓚᐅᕐᓯᒪᓂᐊᓐᖏᓛ, ᐊᑎᓕᐅᕐᕕᒋᓂᐊᕐᐸᕋᓗ ᒎᑎᒪ ᐊᑎᖓᓂᒃ, ᒎᑎᒪᓗ ᐃᒡᓗᒐᓴᒡᔪᐊᖁᑎᖏᓐᓂᒃ, ᔨᕉᓴᓕᒥᒃ ᓄᑖᒥᒃ ᕿᓚᖕᒥᑦ ᐊᖅᑲᕈᒫᕐᑐᒥᒃ ᒎᑎᓐᓂᑦ ᐱᔪᒥᒃ, ᐊᑎᓕᐅᕐᕕᒋᓂᐊᕆᕙᕋᓗ ᐊᑎᓐᓂᒃ ᓄᑖᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:2

ᐂᖏᓖᒥᒡᓗ ᑕᑯᒋᕗᖓ ᓯᕿᓂᐅᑉ ᓄᐃᕕᐊᓂᑦ ᐱᔪᒥᒃ, ᒎᑎᐅᑉ ᓇᕿᑦᑎᑦᔪᑎᖓᓂᒃ ᐱᓯᒪᔪᒥᒃ, ᓂᐱᖅᑯᕐᑐᓪᓗᓂᓗ ᓂᓪᓕᕐᐳᖅ ᐂᖏᓖᓄᑦ ᓯᑕᒪᓄᑦ ᒎᑎᒧᑦ ᐱᔪᓐᓇᕐᓯᑎᑕᐅᓯᒪᔪᓄᑦ ᐊᓯᕈᐃᖁᓪᓗᒋᑦ ᓄᓇᕐᔪᐊᕐᒥᒃ ᐃᒪᕕᖕᒥᒡᓗ,