ᐄᑉᕈᐃᓄᑦ 12:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑎᑦᑐᓚᐅᑎᐅᓪᓗ ᓂᐱᖓᓂᒃ, ᐅᖃᓪᓚᒃᑑᓪᓗ ᓂᐱᖓᓂᒃ ᐃᓄᐃᑦ ᑐᓴᕋᒥᒃ ᕿᓄᓕᓚᐅᕐᐳᑦ ᑍᒤᑦᑐᒥᒃ ᑐᓴᒃᑲᓐᓂᕈᒪᔪᓐᓃᕐᓗᑎᒃ.

ᐄᑉᕈᐃᓄᑦ 12:19 Iomraidhean Croise

ᒨᓯᓯ ᐂᑉᐸᖏᑦ 20:22

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐃᓴᕆᐊᓕᒥᐅᓄᑦ ᐃᒫᒃ ᐅᖃᕐᑐᒃᓴᐅᕗᑎᑦ: ‘ᐃᓕᑦᓯ ᓇᖕᒥᓂᖅ ᑕᑯᓚᐅᕐᐳᓯ ᐅᖃᓪᓚᒃᑎᓪᓗᖓ ᕿᓚᖕᒥᑦ.

ᒫᑎᐅᓯᐅᑉ ᐊᒡᓚᖏᑦ 24:31

ᑕᕝᕙ ᑎᑦᑐᓚᐅᑎᕐᔪᐊᑦ ᓂᐱᖏᑦ ᓂᓪᓕᕈᒫᕐᐳᑦ, ᐂᖏᓕᖁᑎᓂ ᑎᓕᔪᒫᕐᐰᑦ ᓄᓇᕐᔪᐊᓕᒫᒧᑦ ᓄᓇᐅᑉ ᐊᓄᕌᕐᕕᒋᓲᖏᓐᓄᑦ ᓯᑕᒪᓄᑦ, ᑖᒃᑯᐊ ᑲᑎᕐᓯᔪᒫᕐᐳᑦ ᑖᑦᓱᒪ ᓂᕈᐊᕐᓯᒪᔭᖏᓐᓂᒃ ᓄᓇᐅᑉ ᐃᓱᐊᓂᑦ ᐃᓱᐊᓄᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:52

ᐃᔨᐅᑉ ᓯᑯᓐᖏᓪᓚᖕᓂᖓᑐᑦ ᕿᓚᒻᒥᐅᑎᒋᔪᒥᒃ, ᑎᑦᑐᓚᐅᑦ ᑭᖑᓪᓕᕐᐹᖅ ᓂᓪᓕᕐᐸᑦ. ᑎᑦᑐᓚᐅᑦ ᓂᓪᓕᑐᐊᕐᐸᑦ, ᑐᖁᖓᔪᑦ ᒪᑭᑦᓱᒫᕐᐳᑦ ᓱᕈᔭᑦᑑᔪᓐᓃᕐᓗᑎᒃ, ᐅᕙᒍᓪᓗ ᑕᒪᑦᑕ ᐊᓯᑦᔨᕐᑕᐅᔪᒫᕐᐳᒍᑦ.

ᒨᓯᓯ ᑕᓪᓕᒪᖏᑦ 18:16

“ᑍᑦᓱᒪᓂ ᐃᒫᒃ ᐱᖁᔨᓚᐅᕐᐳᓯ ᐊᑕᓂᕐᒥᒃ ᒎᑎᑦᓯᓐᓂᒃ ᖃᖅᑲᒥ ᕼᐆᕆᑉᒥ ᑲᑎᒪᑎᓪᓗᓯ, ᐅᖃᓚᐅᕐᓯᒪᒐᑦᓯ, ‘ᐅᖃᓪᓚᒃᑎᓪᓗᒍ ᑐᓵᒃᑲᓐᓂᕈᒪᔪᓐᓃᕐᐳᒍᑦ ᐊᑕᓂᐅᑉ ᒎᑎᑦᑕ ᓂᐱᖓᓂᒃ, ᐃᑯᐊᓚᔪᕐᔪᐊᖁᑎᖓᓂᒡᓘᓐᓃᑦ ᑕᑯᓐᓇᕈᒪᔪᓐᓁᕐᐳᒍᑦ, ᑐᖁᖁᓇᑕ.’

ᒨᓯᓯ ᑕᓪᓕᒪᖏᑦ 4:11

“ᑕᒪᓐᓇ ᓄᑕᖅᑲᑦᓯᓐᓄᑦ ᐅᖃᐅᓯᕆᔭᒃᓴᕆᕙᓯ ᖃᓄᖅ ᐅᐸᒍᑎᓚᐅᕐᒪᖔᑦᓯ ᓇᖏᓚᐅᕐᒪᖔᑦᓯᓗ ᖃᖅᑲᐅᑉ ᑭᒡᓕᖓᓂ ᑍᑦᓱᒪᓂ ᖃᖅᑲᖅ ᓄᕗᑦᑕᕆᒃᑐᒧᑦ ᐳᔪᕐᒧᓪᓗ ᕿᕐᓂᕐᑕᒧᓪᓗ ᐅᓕᒃᑕᐅᓯᒪᑎᓪᓗᒍ ᕿᓚᖕᒥᓪᓗ ᐃᑯᒪᒥᒃ ᓴᖅᑭᑦᑐᖃᖃᑦᑕᕐᑎᓪᓗᒍ.

ᒨᓯᓯ ᑕᓪᓕᒪᖏᑦ 4:12

ᐅᖃᐅᑎᔭᒃᓴᕆᕙᓯᑦᑕᐅᖅ ᖃᓄᖅ ᐊᑕᓂᕐᒧᑦ ᐅᖃᓪᓚᒡᕕᒋᔭᐅᖃᑦᑕᓚᐅᕐᒪᖔᑦᓯ ᐃᑯᒪᒥᑦ, ᖃᓄᕐᓗ ᑐᓵᓚᐅᕐᒪᖔᑦᓯ ᐅᖃᓪᓚᒃᑎᓪᓗᒍ ᑖᑦᓱᒥᖓ ᓱᓇᒐᓛᖕᒥᒡᓘᓐᓃᑦ ᑕᑯᓐᓇᕐᓇᓯ.

ᒨᓯᓯ ᑕᓪᓕᒪᖏᑦ 4:33

ᐃᓄᖕᓂᒃ ᐆᒪᔪᓐᓇᕐᑐᖃᕐᓯᒪᕚ ᒎᑎᐅᑉ ᓂᐱᖓᓂᒃ ᐃᑯᒪᒥᓐᖔᕐᑐᒥᒃ ᐅᖃᓪᓚᒃᑐᖃᕐᑎᓪᓗᒍ ᑐᓵᓯᒪᔪᓂᒃ, ᐃᓕᑦᓯᑎᑐᑦ?

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:16

ᐊᑕᓂᖅ ᓇᖕᒥᓂᖅ ᕿᓚᖕᒥᑦ ᐊᖅᑲᕈᒫᕐᒪᑦ, ᓂᐱᕐᔪᐊᒧᑦ ᕾᖁᔨᔪᒧᑦ, ᐂᖏᓖᑦ ᐊᖓᔪᖅᑳᖓᑦᑕ ᓂᐱᖓᓄᑦ, ᒎᑎᐅᓪᓗ ᑎᑦᑐᓚᐅᑎᖁᑎᖓᓄᑦ, ᙭ᔅᑑᓯᒥᓗ ᑐᖁᖓᔪᑦ ᐃᓅᓯᕐᒧᑦ ᓯᕗᓪᓕᐅᓗᑎᒃ ᒪᑭᖅᑳᕈᒫᕐᐳᑦ;

ᐄᑉᕈᐃᓄᑦ 12:25

ᐃᒃᐱᒍᓱᑦᓯᐊᕆᑦᓯ ᐅᖃᓪᓚᒃᑐᖅ ᓈᓚᒍᒪᖏᓪᓗᒍ ᐱᖁᓇᓯ. ᑍᒃᑯᐊ ᓄᓇᕐᔪᐊᕐᒦᓪᓗᓂ ᐅᖃᓪᓚᒃᑎᓪᓗᒍ ᓈᓚᒍᒪᓚᐅᖏᑦᑐᑦ ᕿᒫᕕᒃᓮᕈᑎᓚᐅᕐᒪᑕ, ᐅᕙᒍᓪᓕ ᐊᖏᓂᕐᓴᒥᒃ ᕿᒫᔪᓐᓇᕐᓂᐊᓐᖏᓚᒍᑦ ᕿᓚᖕᒦᑦᑑᑉ ᐅᖃᐅᓯᖏᓐᓂᒃ ᓈᓚᒍᒪᓂᐊᖏᒃᑯᑦᑕ.