ᐄᑉᕈᐃᓄᑦ 12:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᖃᐅᔨᓴᕆᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᐊᓐᓁᔪᖃᖁᓇᒍ; ᐱᕈᕐᑐᑎᑐᑦ ᒪᒤᓕᔪᑎᑐᑦ ᑍᒤᓕᔪᖃᕐᑍᓕᓕ ᐊᑭᕋᕐᑐᕐᑎᒌᖕᓂᕐᒥᒃ ᓴᖅᑭᑎᑦᓯᔪᒥᒃ, ᐅᓄᕐᑐᓪᓗ ᑕᒪᑐᒧᖓ ᓱᒃᑯᑎᕐᑕᐅᖁᓇᒋᑦ.

ᐄᑉᕈᐃᓄᑦ 12:15 Iomraidhean Croise

ᐊᑕᓃᑦ ᓯᕗᓪᓖᑦ 14:16

ᐊᑕᓂᐅᑉ ᐃᓴᕆᐊᓕᒥᐅᑉ ᕿᒪᒍᒫᕐᐰᑦ ᔨᕈᐳᐊᒻ ᐊᔪᕐᑐᓕᓚᐅᕐᓂᖓᓄᑦ, ᐃᓴᕆᐊᓕᒥᐅᓂᒡᓗ ᐊᔪᕐᑐᓕᑎᑦᓯᓚᐅᕐᓂᖓᓄᑦ.”

ᒨᓯᓯ ᐂᑉᐸᖏᑦ 32:21

ᒨᓯᓯᓗ ᐅᖃᕐᐳᖅ ᐂᕉᓂᒧᑦ, “ᐃᓄᒋᐊᒃᑐᕐᔪᐊᓂᑦ ᖃᓄᐃᓕᐅᕐᑕᐅᓐᓂᕋᕕᑦ, ᑍᒫᒃ ᐱᐅᖏᑦᑐᐊᓗᖕᒥᒃ ᐊᔪᕐᑐᓕᑎᑦᓯᓚᐅᕐᐲᑦ?”

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:23

ᐆᒻᒪᒻᒥᐅᑕᑎᑦ ᐱᓯᒪᑦᓯᐊᒃᑭᑦ ᐊᔪᐃᓐᓇᕐᓗᑎᑦ, ᑕᕝᕙᓐᖓᑦ ᐃᓅᓯᖃᕐᓇᕐᑐᖅ ᑰᖕᒪᑦ.

ᐂᓮᐊᓯᐅᑉ ᐊᒡᓚᖏᑦ 5:4

ᓱᓇᒥᒃ ᐱᔭᕆᐊᖃᒃᑲᓐᓂᕋᓗᐊᕐᓗᖓ ᐱᓐᓂᖏᓐᓇᒫ? ᐸᐅᕐᖓᑦᓯᐊᕙᖕᓂᒃ ᓂᕆᐅᒃᑲᓗᐊᕋᒪ, ᓱᖕᒪᑦ ᐸᐅᕐᖓᓂᒃ ᐱᐅᖏᑦᑐᓂᒃ ᐱᕈᕐᑐᖃᕐᐹ?

ᐂᓮᐊᓯᐅᑉ ᐊᒡᓚᖏᑦ 5:7

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᕔᓂᒃᓴᓕᐅᕐᕕᒋᖕᒪᒋᑦ ᐃᓴᕆᐊᓕᐅᑉ ᑭᖑᕚᖏᑦ; ᔫᑕᐅᓪᓗ ᐃᓄᖏᑦ ᑕᑯᒥᓇᕐᑐᖁᑎᒋᓪᓗᒋᑦ ᐱᕈᕐᓰᕕᖁᑎᒋᕔᑦ; ᓂᕆᐅᒡᕕᒋᓚᐅᕐᐰᑦ ᐊᑦᔨᒌᒃᑎᑦᓯᓂᕐᒥᒃ, ᑭᓯᐊᓂᓕ ᐅᖁᒤᒃᓴᕐᑎᑦᓯᓯᒪᕗᑦ; ᐃᓱᐊᕐᓂᕐᒥᒡᓗ ᓂᕆᐅᒡᕕᒋᓚᐅᕐᐰᑦ, ᕿᐊᔪᓂᒡᓕ ᑐᓵᕗᑦ.

ᔨᕆᒤᐊᐅᑉ ᐊᒡᓚᖏᑦ 2:21

ᐱᕈᕐᓮᓚᐅᕐᐳᖓ ᐃᓕᖕᓂᒃ ᕔᓂᒃᓴᓂᒃ ᐸᐅᕐᖓᖃᕐᕕᒃᓴᑎᑐᑦ ᓂᕈᐊᕐᑕᐅᓯᒪᔪᑎᑐᑦ, ᐱᐅᓂᕐᐹᒥᒃ ᐱᕈᕐᑐᒃᓴᓂᑦ, ᖃᓄᕐᓕ ᐅᕙᓐᓂᒃ ᓇᕐᕈᓕᓚᐅᕐᓂᕆᕖᑦ? ᐸᐅᕐᖓᖃᕐᕕᒃᓴᑎᑐᑦ ᐱᕈᕐᓂᕐᓗᕕᐅᔪᑎᑐᑦ ᐱᕈᕐᓰᕕᐅᖏᑦᑐᒥ.

ᓘᑲᓯᐅᑉ ᐊᒡᓚᖏᑦ 22:32

ᑐᒃᓯᐊᓚᐅᕐᐳᖓᓕ ᐅᒃᐱᕐᓃᑦ ᓵᓚᐅᖁᓇᒍ; ᐅᑎᕈᕕᑦ ᐅᕙᓐᓄᑦ, ᐃᓅᖃᑎᕕᑦ ᐅᒃᐱᕐᓂᕐᖏᑦ ᒪᑭᑎᒃᑲᓐᓂᕆᐊᖃᓛᕐᐸᑎᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:12

ᑍᒤᒻᒪᑦ ᓇᖏᕋᓱᒋᔪᖅ ᑲᒪᑦᓯᐊᓕᕐᓕ ᐅᕐᕈᖁᓇᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:8

ᓇᒡᓕᖕᓂᖅ ᐃᓱᓕᓐᓂᐊᓐᖏᓚᖅ; ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᓪᓚᖕᓃᑦ, ᐃᓱᓕᑦᑐᒫᕐᐳᑦ; ᑐᓴᕐᖓᕐᑕᕐᓃᑦ, ᐃᓱᓕᑦᑐᒫᕆᕗᑦ; ᖃᐅᔨᒪᓃᑦ, ᐃᓱᓕᑦᑐᒫᕆᕗᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:33

ᑕᒻᒪᕐᑎᑕᐅᓂᐊᕋᓯ: “ᐱᐅᖏᑦᑐᓕᔪᓂᒃ ᐃᓚᖃᖃᑦᑕᕐᓂᖅ ᐃᓕᖅᑯᓯᑦᓯᐊᕙᖕᒥᒃ ᐊᓯᕈᐃᕗᖅ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:6

ᐱᐅᓱᒋᓂᓯ ᓈᒻᒪᖏᒻᒪᑦ. ᖃᐅᔨᒪᓐᖏᓚᓰ ᐳᕙᓪᓚᕐᓯᐊᒃᓴᐅᑉ ᒥᑭᑦᔫᑉ ᓂᐊᖂᔭᒃᓴᓕᒫᖅ ᐳᕙᓪᓚᕐᑎᑉᐸᓐᖕᒪᒍ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:5

ᐃᓕᑦᓯᓐᓂᒃ ᖃᐅᔨᓴᕆᑦᓯ ᐅᒃᐱᕐᓂᕐᒦᒻᒪᖔᑦᓯ. ᐆᒃᑐᕆᑦᓯ ᐃᓕᑦᓯᓐᓂᒃ; ᖃᐅᔨᒪᓐᖏᓚᓰ ᔩᓱᓯ ᙭ᔅᑑᓯ ᐃᓗᑦᓯᓐᓃᒻᒪᑦ? ᐅᒃᐱᕐᓂᕐᒥ ᓱᓕᖏᒃᑯᑦᓯ ᑭᓯᐊᓂ ᖃᐅᔨᒐᔭᓐᖏᓚᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:1

ᑖᑦᓱᒥᖓ ᐱᓇᓱᐊᖃᑎᖃᕋᑦᑕ, ᑍᒤᒻᒪᑦ, ᐃᓇᑉᐸᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓚᓕᐅᕐᓯᒪᔭᓯ ᑕᒪᐅᖓᑐᐃᓐᓈᕐᑎᑦᑍᓕᓯᐅᒃ.

ᒐᓔᑎᐊᒥᐅᓄᑦ 2:13

ᔫᑎᓪᓗᑦᑕᐅᖅ ᐃᓚᖏᑦ ᒪᓕᒃᓴᓚᐅᕐᐳᑦ ᑕᒃᑯᕐᒨᓕᖃᑕᐅᓪᓗᑎᒃ ᐲᑦᑐᕉᓯᒧᑦ, ᐊᒡᓛᑦ ᐸᕐᓇᐹᓯ ᑕᒃᑯᕐᒨᖃᑕᐅᓕᓚᐅᕆᕗᖅ ᑕᒻᒪᕐᑎᑕᐅᓪᓗᓂ.

ᒐᓔᑎᐊᒥᐅᓄᑦ 5:4

ᐱᖁᔭᓂᒃ ᒪᓕᑦᓯᐊᕐᓂᒃᑯᑦ ᒎᑎᒧᑦ ᐸᓯᔭᒃᓴᐅᔪᓐᓃᕋᓱᖕᓂᐊᕈᑦᓯ; ᑕᕝᕙ ᙭ᔅᑑᓯᒥᒃ ᐊᕕᑦᑎᕗᓯ, ᒎᑎᐅᓪᓗ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓯᓚᑖᓃᓕᕐᐳᓯ.

ᐃᐱᓯᒥᐅᓄᑦ 5:3

ᓄᓕᐊᕐᓂᕐᒥᒃ ᐊᑐᕐᓂᕐᓗᒃᑐᒥᒃ ᐱᐅᖏᑦᑐᓕᔨᓂᒡᓗ ᐱᔪᒪᕕᒡᔪᐊᕐᑎᓂᒡᓗ ᐅᖃᐅᓯᐅᔪᒃᓴᐅᔪᓐᓃᕐᐳᓯ, ᐃᑦᔪᕐᓁᑎᑕᐅᓯᒪᔪᑦ ᑍᒫᒃ ᐊᑐᕆᐊᖃᖏᒻᒪᑕ.

ᒨᓯᓯ ᑕᓪᓕᒪᖏᑦ 29:18

ᐅᓗᕆᐊᓱᒋᑦᓯ ᐃᓕᑦᓯᓐᓃᑦᑐᖃᖁᓇᒍ ᐊᖑᒻᒥᒃ, ᐊᕐᓇᒥᒡᓘᓐᓃᑦ, ᕿᑐᕐᖓᕇᓂᒡᓘᓐᓃᑦ, ᑭᖑᕚᕇᓂᒡᓘᓐᓃᑦ, ᐅᓪᓗᒥ ᐆᒻᒪᑎᒥᒍᑦ ᐊᑕᓂᕐᒥᑦ ᒎᑎᑦᑎᓐᓂᑦ ᓴᖑᓯᒪᔪᒥᒃ ᐃᓅᖃᑎᒌᒡᔪᐊᓪᓗ ᒎᑎᓐᖑᐊᖏᓐᓄᑦ ᑐᒃᓯᐊᕐᕕᖃᖔᕈᒪᓕᕐᑐᓂᒃ; ᑕᒪᓐᓇ ᑍᒤᑦᑐᖅ ᐱᕈᕐᓯᐊᒃᓴᐅᑉ ᓄᓇᒧᑦ ᒪᖒᒪᓂᖓᑐᑦ ᑍᒤᑉᐳᖅ ᐱᕈᕐᑐᖃᕈᒫᕐᓗᓂ ᖃᓯᓕᓇᕐᑐᒥᒃ ᑐᖁᓐᓇᕐᑐᒥᒡᓗ.

ᒨᓯᓯ ᑕᓪᓕᒪᖏᑦ 32:32

ᐊᑭᕋᕐᑐᕐᑎᖏᑦ, ᐱᐅᖏᑦᑐᐊᓘᕗᑦ ᓱᑑᒪᒥᐅᑎᑐᑦ ᒍᒨᕋᒥᐅᓪᓗ ᐱᕈᕐᓰᕕᖏᑎᑐᑦ; ᐸᐅᕐᖓᖏᑦ ᕔᓂᒃᓮᑦ ᑐᖁᓐᓇᕐᐳᑦ, ᐸᐅᕐᖎᓪᓗ ᕔᓂᒃᓮᑦ ᑲᑎᓐᖓᔪᑦ ᖃᓯᓕᓇᕐᐳᑦ,

ᒨᓯᓯ ᑕᓪᓕᒪᖏᑦ 4:9

ᐃᒃᐱᒍᓱᑦᓯᐊᕆᑦᓯ! ᑲᒪᑦᓯᐊᕐᓗᓯᓗ ᐳᐃᒍᖁᓇᓯ, ᐆᒻᒪᑎᑦᓯᓐᓂᓪᓗ ᑕᒪᒃᑯᐊ ᕿᒪᕉᑎᖁᓇᒋᑦ ᐃᓅᓂᓕᒫᑦᓯᓐᓂ, ᓇᖕᒥᓂᖅ ᑕᑯᓪᓚᕆᒃᓯᒪᔭᑦᓯ. ᓄᑕᖅᑲᓯ ᑕᒪᒃᑯᓂᖓ ᐃᓕᓴᕐᑎᖃᑦᑕᕐᓯᐅᒃ ᐃᕐᖑᑕᓯᓗ.

ᑯᓘᓯᐊᒥᐅᓄᑦ 3:5

ᑍᒤᒻᒪᑦ ᓯᓚᕐᔪᐊᕐᒥᐅᑦ ᐱᔪᒪᕕᒡᔪᐊᕐᓂᖏᑦ ᐃᓕᑦᓯᓐᓃᑦᑐᑦ ᑐᖁᓕᕐᓯᒋᒃ ᒪᑯᐊ: ᓄᓕᐊᕐᓃᑦ, ᐃᑦᔪᕐᓇᕐᑐᓕᓃᑦ, ᐃᒃᓯᒎᕐᓃᑦ, ᐱᐅᖏᑦᑐᒥᒃ ᐱᔪᒪᕕᒡᔪᐊᕐᓃᑦ, ᐱᖃᕈᒪᓗᐊᕐᓃᓪᓗ, ᑕᒪᒃᑯᐊ ᒎᑎᐅᑉ ᐊᓯᐊᓂᒃ ᒎᑎᖃᕐᓂᐅᖕᒪᑕ.

ᑍᑑᓯᒧᑦ 1:15

ᓱᓇᓕᒫᑦ ᐃᑦᔪᕐᓁᑉᐳᑦ ᐃᒻᒥᖕᓂᒃ ᐃᑦᔪᕐᓁᑎᑦᑐᓄᑦ, ᓇᕐᕈᓇᕐᑐᓕᔪᓄᓪᓕ ᐅᒃᐱᖏᑦᑐᓄᓪᓗ ᓱᓇᓕᒫᑦ ᐃᑦᔪᕐᓁᑦᑐᖃᓐᖏᓚᑦ; ᐃᓱᒪᖏᑦ ᐃᒃᐱᒋᓂᖏᓪᓗ ᓱᒃᑯᑕᐅᓯᒪᖕᒪᑕ.

ᐄᑉᕈᐃᓄᑦ 3:12

ᑲᒪᑦᓯᐊᕆᑦᓯ ᐅᒃᐱᖃᑎᒃᑲ, ᓇᓪᓕᓯ ᐃᓱᒪᖃᕐᑍᓕᓕ ᐱᐅᖏᑦᑐᒥᒃ, ᐅᒃᐱᖏᑦᑐᒥᒡᓗ ᒎᑎ ᑐᖁᓱᐃᑦᑐᖅ ᓈᓚᒍᓐᓃᕐᓗᒍ ᐱᔪᒥᒃ.

ᐄᑉᕈᐃᓄᑦ 4:1

ᑍᒤᒻᒪᑦ, ᒎᑎᐅᑉ ᐊᖏᕐᕕᒋᓯᒪᕚᑎᒍᑦ ᑕᕾᕐᓯᕐᕕᒃᓴᖃᖁᓪᓗᑕ, ᐊᑏ ᑲᒪᑦᓯᐊᓕᕐᑕ ᐊᖏᕈᑕᐅᓯᒪᔪᒧᑦ ᓇᓪᓕᑦᓯᓐᓂᒃ ᐃᑎᕐᑎᑕᐅᔪᓐᓁᓪᓕᔪᖃᖁᓇᒍ.

ᐄᑉᕈᐃᓄᑦ 4:11

ᑍᒤᒻᒪᑦ ᐱᓇᓱᐊᒻᒪᕆᓕᕐᑕ ᑕᕾᕐᓯᕐᕕᖕᒧᑦ ᑕᕝᕗᖓ ᐃᑎᕈᓐᓇᖁᓪᓗᑕ, ᓇᓪᓕᐊᓐᓂᒃ ᐃᑎᕈᓐᓁᓕᔪᖃᖁᓇᒍ ᓈᓚᖏᓐᓂᕐᒧᑦ ᑍᒃᑯᑎᑐᓇᖅ.

ᐄᑉᕈᐃᓄᑦ 6:11

ᐃᓇᑦᓯᓪᓚᕆᒃᐳᒍᑦ ᐃᓕᑦᓯ ᐊᑐᓂᑦ ᑲᑦᓱᖕᒊᕐᓯᒪᓂᕆᔭᓯ ᑲᔪᓯᑦᓯᐊᖁᓪᓗᒍ ᐃᓱᐊᓄᑦ, ᓂᕆᐅᖕᓂᕆᔭᓯ ᑲᔪᓯᑦᓯᐊᕈᓐᓇᖁᓪᓗᒍ.

ᔮᓱᐊᑉ ᐊᒡᓚᖏᑦ 6:18

ᐃᓕᑦᓯᓕ ᑎᒍᓯᔪᒃᓴᐅᓐᖏᓚᓯ ᐊᓯᕈᕐᑕᐅᔪᒃᓴᓂᒃ, ᑎᒍᓯᑐᐊᕈᑦᓯ ᐱᐅᖏᑦᑐᒥᒃ ᐊᓯᕈᕐᑕᐅᓇᕐᑐᒥᒡᓗ ᐱᑎᑦᓯᓂᐊᕐᐳᓯ ᐃᓴᕆᐊᓕᒥᐅᓄᑦ.

ᐲᑦᑐᕉᓯ ᐂᑉᐸᖏᑦ 1:10

ᑍᒤᒻᒪᑦ ᐅᒃᐱᖃᑎᒃᑲ, ᐊᒃᓱᕈᒃᑲᓐᓂᕆᐊᖃᕐᐳᓯ ᕾᖁᔭᐅᓯᒪᓂᓯ ᓂᕈᐊᕐᑕᐅᓯᒪᓂᓯᓗ ᑲᔪᓯᑎᓐᓇᓱᐊᕐᓗᒋᑦ, ᑍᒤᒃᑯᑦᓯ ᐅᒃᐱᕐᓂᕐᒥᑦ ᑲᑕᖕᓂᐊᓐᖏᒻᒪᕆᒃᐳᓯ;

ᐲᑦᑐᕉᓯ ᐂᑉᐸᖏᑦ 2:18

ᐅᖃᐅᓯᕐᒥᒃᑎᒍᑦ ᐊᔪᖏᑦᑐᕐᔪᐊᖑᔮᕐᐳᑦ ᐅᖃᐅᓯᖃᕐᐳᓪᓕ ᓱᓕᓂᖃᖏᑦᑐᓂᒃ, ᑎᒥᐅᓪᓗ ᐱᔪᒪᓂᕐᔪᐊᖓᓂᒃ ᐊᑐᕐᓗᑎᒃ ᑕᒪᑐᒧᖓ ᑕᒻᒪᕐᑎᑦᓯᕙᒃᐳᑦ ᐃᓄᖕᓂᒃ ᑕᒻᒪᕐᓯᒪᓂᕐᒥᒃ ᕿᒤᓕᕋᑖᕐᑐᓂᒃ.

ᐲᑦᑐᕉᓯ ᐂᑉᐸᖏᑦ 3:11

ᑕᒪᒃᑯᐊᓕᒫᑦ ᑍᒫᒃ ᓄᖑᔪᒫᕐᐸᑕ, ᐃᓕᑦᓯᓕ ᑍᒪ ᖃᓄᖅ ᐃᓅᔭᕆᐊᖃᓕᕐᐱᓰ ᐃᑦᔪᕐᓁᓂᕐᒦᓗᓯ, ᒎᑎᒧᓪᓗ ᑐᓂᓯᒪᑦᓯᐊᕐᓗᓯ,

ᐲᑦᑐᕉᓯ ᐂᑉᐸᖏᑦ 3:14

ᑍᒤᒻᒪᑦ ᓇᒡᓕᒋᔭᒃᑲ, ᑍᒤᑦᑐᒥᒃ ᓂᕆᐅᒃᑎᓪᓗᓯ, ᐊᒃᓱᕈᕆᑦᓯ ᑖᑦᓱᒧᖓ ᑲᑎᔭᐅᖁᓪᓗᓯ ᐊᔪᕐᓂᖃᕐᑎᓐᓇᓯ ᐃᑦᔪᕐᓇᕐᑐᖃᕐᑎᓐᓇᓯᓗ ᑖᑦᓱᒧᖓ ᑎᑭᑕᐅᖁᓪᓗᓯ, ᓮᒪᓂᖃᕐᑎᓪᓗᓯᓗ.

ᔪᐊᓇᓯᐅᑉ ᐂᑉᐸᖏᑦ 1:8

ᐃᓕᑦᓯᓐᓂᒃ ᖃᐅᔨᓴᕆᑦᓯ, ᐱᓇᓱᐊᕐᓯᒪᔭᑦᓯᓐᓂᒃ ᐊᓯᐅᔨᖁᓇᓯ, ᐊᑭᓕᕐᑕᐅᖁᓪᓗᓯᓕ ᑕᒪᒃᑭᑦᑎᐊᕐᑐᒥᒃ.